DNZ-05-CA-002

Previous Text Back to Volume PageNext Text

Wylie title	gsung ngag rin po che lam 'bras bu dang bcas pa'i gzhung rdo rje'i tshig rkang gi 'grel pa	Rigpe Dorje Publications, 2024
Location	gdams ngag rin po che'i mdzod Volume 5, Text 2, Pages 45-163 (Folios 1a1 to 60a2)
Author	ས་ཆེན་ཀུན་དགའ་སྙིང་པོ་
Citation	Sa chen kun dga' snying po. Gsung ngag rin po che lam 'bras bu dang bcas pa'i gzhung rdo rje'i tshig rkang gi 'grel pa. In Gdams ngag rin po che'i mdzod, Vol. 5: 45-163. Kalimpong: Rigpe Dorje Publications, 2024.	Shechen Publications, 1999
Side notes	Recto: tshig rkang 'grel pa   Verso: sa skya'i skor
More details More details
Genre	Commentaries - 'grel pa
Cycle	གསུང་ངག་རིན་པོ་ཆེ་ལམ་འབྲས་བུ་དང་བཅས་པ་ (gsung ngag rin po che lam 'bras bu dang bcas pa)
Colophon	རྣལ་འབྱོར་ཆེན་པོའི་མཆོག་གི་ལམ། །ཡོན་ཏན་ཀུན་གྱིས་བརྒྱན་པ་འདི། །གྲགས་པས་ཀུན་ཁྱབ་རབ་དགའི་སྙིང༌། །ས་སྐྱའི་མཚན་དང་ལྡན་པས་མཛད། །ཐམས་ཅད་མཁྱེན་པའི་ས་ཡི་རྟེན་གྱུར་ཅིང༌། །ཡོན་ཏན་མ་ལུས་སྐྱེད་པའི་གཞིར་གྱུར་པ། །ས་སྐྱ་ཞེས་བྱའི་གཙུག་ལག་ཁང་ཆེན་དུ། །གྲགས་པ་རྒྱལ་མཚན་བདག་གིས་གུས་པས་བླངས། །སརྦ་མངྒ་ལཾ།།
	rnal 'byor chen po'i mchog gi lam/_/yon tan kun gyis brgyan pa 'di/_/grags pas kun khyab rab dga'i snying*/_/sa skya'i mtshan dang ldan pas mdzad/_/thams cad mkhyen pa'i sa yi rten gyur cing*/_/yon tan ma lus skyed pa'i gzhir gyur pa/_/sa skya zhes bya'i gtsug lag khang chen du/_/grags pa rgyal mtshan bdag gis gus pas blangs/__/sarba mang+ga laM//

Tibetan Text

[edit]

༄༅། །གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གཞུང་རྡོ་རྗེའི་ཚིག་རྐང་གི་འགྲེལ་པ་བཞུགས་སོ། །

རྣམ་འགྲེལ་གཉགས་མའོ། །

༄༅། །བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། །ཡན་ལག་གི་དོན་བརྗོད་པར་བྱ་སྟེ། བླ་མ་དམ་པ་ཞེས་བྱ་བ་བཞི་སྟེ། ཕྱི་ ལུས་ལ་བུམ་དབང་བསྐུར་ནས་སྤྲུལ་སྐུར་སྟོན༑ སྒྲོ་འདོགས་ཡོངས་སུ་གཅོད་པར་བྱེད་པའི་བླ་མ། ནང་ ངག་གསང་དབང་བསྐུར་ནས་ལོངས་སྐུར་སྟོན། རང་བྱུང་གི་ཡེ་ཤེས་སྟོན་པར་བྱེད་པའི་བླ་མ། གསང་བ་ སེམས་ལ་ཤེས་རབ་ཡེ་ཤེས་ཀྱི་དབང་བསྐུར་ནས་ཆོས་སྐུར་སྟོན་པ། ལྷན་ཅིག་སྐྱེས་པའི་ཡེ་ཤེས་སྟོན་པར་བྱེད་པའི་བླ་མ། མཐར་ཐུག་ ལུས་ངག་ཡིད་གསུམ་ཀ་ལ་བཞི་པ་བསྐུར་ནས་སྙིང་པོ་ཡེ་ཤེས་རླུང་ངོ་བོ་ཉིད་སྐུར་སྟོན་པ༑ དེ་ཁོ་ན་ཉིད་དུ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་སྟོན་པར་བྱེད་པའི་བླ་མ་རྡོ་རྗེ་སློབ་དཔོན་ཏེ། དེའི་ཞབས་ཀྱི་པདྨ་ལ་རེག་ན་བདག་ལ་ཡོན་ཏན་ཐམས་ཅད་སྐྱེད་པར་བྱེད་པས་དྭངས་པའི་དད་པ་ཁྱད་པར་ཅན་གྱིས་ཀུན་ནས་བསླངས་ཏེ། ལུས་ངག་ཡིད་གསུམ་གྱིས་འདུད་པའོ། །ལམ་ནི་འཇིག་རྟེན་ ཚོགས་སྦྱོར་གཉིས། པ་དང་འཇིག་རྟེན་ལས་འདས་ མཐོང་སྒོམ་མཐར་ཕྱིན་གསུམ། པའི་ལམ་གཉིས། འཁོར་ལོ་ ལུས། བྷ་ག །བྱང་སེམས་གསུམ། འཆམ་པ་དང་འཁོར་ལོ་བསྐོར་བའི་ ས་དང་པོ་ཡན་ཆད༑ ལམ་གཉིས་ མི་བརྟན་ཏེ་བསླུ། དྲོད་ཀྱིས་ གསུམ། བསྡུས་པ་དང༌། རྟགས་ བརྟན་ཏེ་མ་བསླུ། ཀྱིས་ གསུམ། བསྡུས་པའི་ལམ་གཉིས། ཡེ་ཤེས་ ཕན་འདོགས་ཆུང༌། འཇུག་ལྡོག་དང༌། རྣམ་རྟོག་ རྟོག་པ་གནོད་པ་ཆུང༌། འཇུག་ལྡོག་གིས་བསྡུས་པའི་ཡན་ལག་གཉིས། རྣམ་གྲངས་ཀྱི་ཚུལ་གྱིས་བརྒྱད་དོ། །འབྲས་བུ་ནི་ཚུལ་གསུམ་སྟེ། བདག་ཉིད་ལ་རྟེན་འབྲེལ་འགྲིག་ཅིང་ཚོགས་ཡོངས་སུ་རྫོགས་པའི་ཆེ་བ་སྐུ་ལྔ། གཞན་དོན་གྱི་ཆེ་བ་ལོང་བ་རྣམས་ཀྱིས་མིག་ཐོབ་པ་ལ་སོགས་པ་དུ་མ། བདག་གཞན་གཉིས་ཀའི་ཆེ་བ་འཁོར་ཚོམ་བུ་གཅིག་དང་བཅས་ཏེ་སངས་རྒྱ་བའོ། །དེ་བས་ན་ལམ་འབྲས་བུ་དང་བཅས་པའི་ འབྲས་བུ་ལམ་དུ་བྱེད་པས་ན། གདམས་ངག །འབྲས་བུ་ལམ་དང་བཅས་པའི་ གནས་འགྱུར་ཡེ་ཤེས་སུ་འདོད་པས། གདམས་ངག །གཅིག་ཤེས་པས་ ཐམས་ཅད་ནང་དང་གསང་བ་རྟེན་འབྲེལ་འབྱུང་བ། མང་པོ་ཤེས་པའི་གདམས་ངག །སྐྱོན་ རེ་དོགས་དང་བྲལ་བའི་ལམ་གྱིས། ཡོན་ཏན་དུ་སློང་བའི་གདམས་ངག །བར་ཆད་ ཀྵ་ཡིག་སོགས་ཀྱི་རྟེན་འབྲེལ་ཤེས་པས། དངོས་གྲུབ་ཏུ་སློང་བའི་གདམས་ངག །གསེར་འགྱུར་ བདག་གི་ལུས་སོགས་ལ་སྐུ་ལྔ་རྟེན་འབྲེལ་ལྔར་བསྒྱུར་བས། གྱི་རྩི་ལྟ་བུའི་གདམས་ངག་ཞེས་བྱ་སྟེ། གསུང་མདོ་ཞེས་བྱ་བ་སྤྲུལ་པའི་སྐུ་ལས་རྗེས་སུ་གནང་བ་ཐོབ་པ་བཞིན་ཚིག་ཉུང་ལ་ མང་པོའི་དོན་དུ། དོན་རྒྱས་པར་བསྟན་པས་གསུང་མདོ་ཞེས་བྱ་སྟེ། མདོར་ན་ རྟོགས་དཀའ། རྡོ་རྗེའི་ཚིག་རྐང་སྡེ་སྣོད་གསུམ་གྱི་ ལམ་གྱི་སྙིང་པོ། དེ་ཉིད། ཡིད་བཞིན་ འདོད་པ་དོན་འབྱུང༌། གྱི་ནོར་བུ་རིན་པོ་ཆེ་ལྟ་བུ་བྲི་བར་བྱ་ཞེས་བྱ་བའི་དོན་ཏོ། །ད་ནི་གཞུང་གི་དོན་འཁོར་འདས་ཐུན་མོང་གི་ལམ་ལ་དོན་བདུན་གྱི་དང་པོ་སྣང་བ་གསུམ་དུ་བསྟན་པའི་ལམ་ལས། དེ་ཡང་མ་དག་པའི་སྣང་བ། ཉམས་ཀྱི་སྣང་བ། དག་པའི་སྣང་བའོ། །དེ་རེ་རེ་ལའང་གསུམ་གསུམ་སྟེ། རྟེན་གང་ཡིན་པ། རྒྱུ་གང་ཡིན་པ། སྣང་བ་གང་ཡིན་པའོ། །དེ་ལ་རྟེན་ནི་སེམས་ཅན་ཏེ། སྤྱིར་རིགས་དྲུག་གིས་བསྡུས་པ་ལས། ཁྱད་པར་དུ་གང་ཟག་གཅིག་གི་རྒྱུད་ དབང་ཐོབ་ཀྱང་ཉམས་མ་སྐྱེས་པའོ། །ལ་བཞག །རྒྱུ་ནི་ཉོན་མོངས་པའི་སྣང་བ་ཞེས་སྨོས་ཀྱང་ལས་དང་ཉོན་མོངས་པའི་བག་ཆགས་ཀྱི་དབང་གིས་སྣང་བ་ནི་མ་དག་པའི་སྣང་བ་སྟེ། དེ་ལ་གཉིས། འཁྲུལ་ དངོས་པོ་ལ་མེད་ཀྱང་རིགས་དྲུག་སོགས་མཐུན་སྣང༌། པའི་སྣང་བ་དང༌། ལས་ཀྱི་ བདེ་སྡུག་སོགས་སོ་སོར་སྣང་བའམ་ཆུ་ལྟ་བུ་སྣང་བ་སྟོང་པར་འགྲོ་བ། སྣང་བའོ། །རྟེན་ནི་རྣལ་འབྱོར་ཏེ། དེ་ལ་གསུམ། ལུས་ཁྱད་པར་ཅན་ དབང་པོ་ཚང་བ་རྒུར་སོགས་མིན་པ། གྱུར་པའི་གང་ཟག །རྒྱུད་ཡོངས་སུ་དག་པའི་ ལས་འཕྲོ་སད་པ་སོགས་ཀྱི། གང་ཟག །ཉམས་རྒྱུད་ལ་སྐྱེས་པའི་གང་ཟག་ རྟེན་འབྲེལ་ལྔ་སྟེ་འཇིག་རྟེན་པའི་ལམ་དང་པོ་གསུམ་ལ་ཕྱི་མ་གཉིས་མི་འགྲོགས། གོ །རྒྱུ་ནི་ཏིང་ངེ་འཛིན་ལ་ཞེས་སྨོས་ཀྱང༌། ཤུགས་ཀྱིས་བསྟན་པ། རྩ་ཡི་གེའི་ཕོ་བྲང་དུ། རླུང་སེམས་མཁའ་འགྲོ་ཡབ་ཡུམ་བཅུའི་བྱིན་གྱིས་བརླབས་པའོ། །ཉམས་ཀྱི་སྣང་ དྲོད་ཀྱིས་བསྡུས་པ་དང༌། རྟགས་ཀྱིས་བསྡུས་པའོ། །བ་ཞེས་བྱ་བ་ལས། རྒྱུད་ལ་ ཉམས་སྐྱེས་པས། འབྱུང་བ་ལ་ནི་འཇུག་པ་སེལ་བ་ལ་སོགས་པ་ལམ་གསུམ་སྟེ། འཇུག་པ་ གང་རུང་ལ་སེམས་གནས་པ། སེལ་བའི་ལམ། ཆགས་པ་གཅོད་པའི་ དེས་ཀྱང་སྟོང་པ། ལམ། བྱང་ཆུབ་ཆེན་པོའི་ལམ་ ཟུང་འཇུག་གསུམ། མོ། །ཉམས་གསུམ་ནི། ལུས་ཉམས་ ན་ཚ་སོགས། དང༌། སེམས་ཉམས་ ཉོན་མོངས་སོགས། དང༌། རྨི་ཉམས་ རྟ་རྨི་སོགས། སོ། །རྟེན་འབྲེལ་གསུམ་ནི། རླུང་ལོག །གསུམ། མཐོང་ དུ་བ་སོགས། སྣང༌། རྨི་ལམ་ རང་འཕུར་སོགས། གྱི་རྟེན་འབྲེལ་ལོ། །དྲོད་གསུམ་ནི། རྣམ་རྟོག་སྔོན་དུ་སོང་ སྔར་གྱི་མཐོང་ཐོས་ལ་གནས་པ། བའི་དྲོད། ཁམས་དགུ་ ཉི་ཟླ་མཐོང་བ་སོགས། འདུས་པའི་དྲོད། ཐིག་ལེ་ བདེ་བ། འབར་ཞིང་འདུས་པའི་དྲོད་དོ། །ཏིང་ངེ་འཛིན་གསུམ་ནི། མཚན་ཉིད་སྣ་ཚོགས་ ཉམས་སོགས་ལྷ་སྐུ། ཀྱི་ཏིང་ངེ་འཛིན། རང་བཞིན་སྟོང་པའི་ ཡུལ་གྱི་སྟོང་པ་སོགས། ཏིང་ངེ་འཛིན། ངོ་བོ་ཟུང་འཇུག་གི་ཏིང་ངེ་འཛིན་ཏོ། །དེ་ལྟར་ཉམས་བཅོ་ལྔ་པོ་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་ཏིང་ངེ་འཛིན་ངོ་ཤེས་པར་བྱས་ལ་ལམ་དུ་བསལ་ལོ། །རྟེན་ནི་བདེ་བར་གཤེགས་པ་དེ་ལ་བཞི། ཕྱི་དབྱིབས་ཀྱི་བདེ་གཤེགས་ཏེ། ཚོགས་གཉིས་ཀྱི་ལམ་ བསྐྱེད་རིམ་དང་འབྲེལ་བས། བདེ་བ་ནས་འབྲས་བུ་བདེ་བར་གཤེགས་པས་སོ། །ནང་སྔགས་ ཙཎྜ་ལི་དང་འབྲེལ་བས། ཀྱི་བདེ་གཤེགས་ཏེ། དབུ་མའི་ལམ་བདེ་བ་ནས་གཤེགས་པས་སོ། །གསང་བ་དབང་གི་བདེ་གཤེགས་ཏེ། ཡུམ་གྱི་ ཕྱག་རྒྱའི་ལམ་གྱི། མཁའ་བདེ་བ་ནས་གཤེགས་པས་སོ། །མཐར་ཐུག་དེ་ཁོ་ན་ཉིད་ཀྱི་བདེ་གཤེགས་ཏེ་རྣམ་ཐར་སྒོ་གསུམ་གྱི་ལམ་ རྡོ་རྗེའི་རྦ་རླབས་དང་འབྲེལ་བས། བདེ་བ་ནས་གཤེགས་པས་སོ། །དེའི་སྐུ་མི་ཟད་པ་ནི། སྐུ་ཡི་གསང་བ་བསམ་གྱིས་ མདོ་བཞིན། མི་ཁྱབ་པ་དང༌། སྐུ་ཐམས་ཅད་ ཅིར་ཡང་སྣང༌། པ། གསུང་མི་ཟད་པ་ནི། གསུང་གི་གསང་བ་ རིགས་དྲུག་གི་སྐད་གཅིག་དུ་མར་སྟོན་པ། བསམ་གྱིས་མི་ཁྱབ་པ་དང༌། གསུང་ཐམས་ཅད་པ། ཐུགས་མི་ཟད་པ་ ཡེ་ཤེས་ལྔ། ནི། ཐུགས་ཀྱི་གསང་བ་བསམ་གྱིས་མི་ཁྱབ་པ། ཐུགས་ཐམས་ཅད་པའོ། །རྒྱན་ནི། རང་གཞན་གཉིས་ཀ་ལ་མཛེས་པས༑ འཁོར་ལོ་ནི། མཛད་པ་ཕྲིན་ལས་ཀྱི་འཁོར་ལོ་སྟེ། དོན་བྱེད་ འདུལ་བྱེད། པ་དང༌། དོན་བྱས་ གདུལ་བྱ། པ་གཉིས་ཀས་ཀྱང་འཁོར་བ་མ་སྟོང་གི་བར་དུ་སེམས་ཅན་གྱི་དོན་མཛད་པ་རྒྱུན་མི་འཛད་པར་བྱེད་པའོ། །དེས་ནི་རྟེན་བསྟན་ཏོ། །ཤུགས་ཀྱིས་བསྟན་པའི་རྒྱུ་ནི་འོག་ནས་འབྱུང་བའི་འགྲོས་ ཕྱི་ནང་གི་རྟེན་འབྲེལ་ཞེས་པ་ལ་སོགས་པ། བཞི་ཐིམ་པ་སྟེ་འདིར་མ་བསྟན་ཏོ། །སྣང་བ་ནི་དག་པའི་སྣང་བ་ཞེས་བྱ་བ་སྟེ། མདོར་ན་རང་གི་ཡེ་ཤེས་ཡོངས་སུ་དག་པ་ཉིད་ལས་མ་གཏོགས་པའི་འཁོར་འདས་ཀྱི་སྣང་བ་ཐ་དད་མེད་པར་རྟོགས་ཏེ། དེ་ཙམ་ བདག་གིས་རྒྱུད་གཅིག་གིས་རྟོགས་པ་ལ། ན་འཁོར་འདས་རོ་གཅིག །ལམ་ སྒོམ་པའི་དུས་སུ་ དང་འབྲས་བུ་ གྲུབ་པའི་དུས་སུ་གྱུར་ཙམ་ན་ རོ་གཅིག །སངས་རྒྱས་ ཕྱི་མ་ དང་སེམས་ཅན་ སྔར་ རྒྱུད་གཅིག །སྤང་བྱ་ སེམས་ཅན་ཙམ་ན་ དང་གཉེན་པོ་ ཏིང་ངེ་འཛིན། རོ་གཅིག །དེ་ཙམ་ན་བླང་དོར་ རྟོགས་པ་གཅིག་གི་སྤྱོད་ཡུལ་དུ་གྱུར་པ་དང༌། གཉིས་མེད༑ སྤང་ཐོབ་གཉིས་མེད་ཅེས་བྱ་བའི་དོན་ཏོ། །ད་ནི་རྒྱུད་གསུམ་དུ་བསྟན་པའི་ལམ་ལས། ཀུན་གཞི་ ཀུན་གཞི་ལ་འབྲས་བུ་འབྱུང་རུང་གི་ཆོས་ཡོད་པས། རྒྱུ་རྒྱུད། ལུས་ཐབས་ ལམ་ལ་རྟེན་འབྲེལ་འགྲིགས་པ་ལ་བརྟེན་ནས་འབྱུང་བས། རྒྱུད༑ ཕྱག་རྒྱ་ཆེན་པོ་ དེ་ལ་བརྟེན་ནས་འབྲས་བུ་ཐོབ་པས། འབྲས་བུའི་རྒྱུད་དོ། །ཡང་ཀུན་གཞི་ རྣམ་གྲངས། རྩ་རྒྱུད། ལུས་བཤད་རྒྱུད། སྐུ་གསུང་ཐུགས་རྡོ་རྗེ་འབྲས་བུའི་རྒྱུད་དོ། །ཡན་ལག་གི་དོན་བརྗོད་ན། འདི་ལ་དྲུག་སྟེ། རྟེན་ ལྔ། གང་ཡིན་པ། བརྟེན་པ་ རིག་པ་འདི། ཀུན་གཞི། དེ་གཉིས་ཚུལ་ ཐ་མི་དད་པ། ཇི་ལྟར་གནས་པ། དེ་ལ་འཁོར་འདས་ གསུམ་དུ། ཚང་བར་བསྟན་པ། དེ་རྒྱུ་རྒྱུད་ འབྲེལ་བས། བསྟན་པ། ཡང་ རྟོགས་པ། རྩ་རྒྱུད་དུ་བསྟན་པའོ༑ ༑ཀུན་གཞི་ཞེས་བྱ་བ་ནི། ཐབས་ཀྱིས་ཟིན་པ་དང་མ་ཟིན་པའི་བྱེ་བྲག་གིས་འཁོར་འདས་གཉིས་ཀའི་གཞིར་གྱུར་པའོ། །རྒྱུ་ནི་འབྲས་བུ་ སྐུ་ལྔ། སྐྱེ་རུང་གི་ནུས་པའི་མཐུ་ལ་བྱ། རྒྱུད་ནི་སེམས་ཅན་ནས་རྡོ་རྗེ་འཛིན་པའི་བར་དུ་ རང་རིག་པའི་ཕྲེང་བ་ སེམས་ཉིད་རིག་པ། རྒྱུན་མི་འཆད་པའོ། །འཁོར་འདས་ སྦོམ་འཕྲོས་རྣམ་རྟོག་སྡུག་བསྔལ་དམྱལ་བ་སོགས་ཐམས་ཅད་ཀུན་གཞི་ཉིད་ལ་ཚང་བས་རྒྱུ་རྒྱུད། ཚང་བ་ནི་འཁོར་བའི་ཆོས་ཐམས་ཅད་མཚན་ཉིད་ཀྱི་ཚུལ་དུ་ཚང༌། མྱ་ངན་ལས་ ཕྱི་རོལ་བྱེད་ནས་བསྐྱེད་རྫོགས་ཀྱི་བར་ས་བོན་གྱི་ཚུལ་དུ་ཚང༌། འདས་པའི་ལམ་ཐམས་ཅད་ རྟོག་པ་དུ་མ་ ཡོན་ཏན་གྱི་ཚུལ་དུ་ཚང༌། འབྲས་བུའི་ཚེ་ སྐུ་ལྔ་འགྲུབ་པའི་ནུས་པ་རྒྱུད་ལ་ཡོད་པས་དེ་ལྟར་ན་ཀུན་གྱི་རྒྱུ་རྒྱུད་དུ་གྲུབ་བོ། །ཐམས་ཅད་ནུས་མཐུའི་ཚུལ་དུ་ཚང་ངོ༌། །དེ་ཉིད་ལ་རྩ་རྒྱུད་ཅེས་ཀྱང་བྱ་སྟེ། ལུས་ལ་རྟེན་འབྲེལ་འགྲིགས་པས་རྟོགས་པར་བྱ་རྒྱུ་སེམས་ཀུན་གཞི་ཡིན་པས་སོ། །ད་ནི་ལུས་ཐབས་རྒྱུད་ཚོམ་བུ་རྣམ་པ་ལྔར་བྱས་ནས། ཐབས་རྒྱུད་ཀྱི་དང་པོ་རྒྱུའི་དབང༌། ལམ་ལ་སོགས་པ་ཆོས་ཉི་ཤུ། དམ་ཚིག་གི་ཚོགས་བསྟན་པ་ཉམས་ན་མཁའ་འགྲོ་ལྔ་ཡི་ཉམས་ཆག་བསྐང་བ་བསྟན་པ། ཐབས་རྒྱུད་ཀྱི་གཙོ་བོ་ལམ་གྱི་དབང་བསྟན་པའོ། །དེ་ལ་དང་པོ་ལུས་ཐབས་རྒྱུད་ཅེས་བྱ་བ་ནི། སེམས་ཀུན་གཞི་ལ་ རྟེན་དང་བརྟེན་པ་ལྔ། ས་བོན་ནམ་རྒྱུའི་ཚུལ་དུ་གནས་པ་དེ་རྟེན་འབྲེལ་ལུས་ལ་འགྲིགས་པས་རྟོགས་པར་བྱེད་པའི་ཐབས་ཡིན་པས་སོ། །སྩོགས་ཀྱིས་བསྡུས་པས་ནི་ལུས་བཤད་རྒྱུད་ཀྱང་ཡིན་ཞེས་འོག་ཏུ་སྦྱར་ཏེ། སེམས་འཁོར་འདས་ཀྱི་རྩ་བ་ ཀུན་གཞི་འཁོར་འདས་ཀྱི་རྩ་རྒྱུད་དོ། །ཡིན་པས་ལུས་ལ་རྟེན་འབྲེལ་འགྲིགས་པས་རྟོགས་ཤིང་ཁོང་དུ་ཆུད་པར་ནུས་པས་ བཤད་རྒྱུད་དོ། ། སོ༑ ༑གསུམ་པ་བཞི་ནི། ད་ནི་ཐབས་ཀྱི་དབང་ལ་ལམ་ལས་ཐོག་མར་དབང་སྟེ། དེ་མེད་ན་ལམ་བསྟན་དུ་མི་བཏུབ་པས་སོ། །དཀྱིལ་འཁོར་གང་ལས་དབང་གང་ཐོབ་པ། དྲི་མ་གང་དག་པ་སྟེ། སུམ་ཚན་བཞིའོ། །དེ་ལ་གདན་སྩོགས་ཞེས་བྱ་བ་ནི་དཀྱིལ་འཁོར་བཞི་ཆར་ལ་སྦྱར་རོ། །དེ་ལ་གདན་གསུམ་ནི། སངས་རྒྱས་དང་བྱང་ཆུབ་སེམས་དཔའི་གདན། རིག་མ་དང་ལྷ་མོའི་གདན། ཁྲོ་བོ་དང་ཁྲོ་མོའི་གདན་ནོ། །དེ་ལ་སངས་རྒྱས་ རིགས་ལྔ་གང་རུང༌། ཀྱི་གདན་དབུས་སུ་བྱང་ཆུབ་སེམས་དཔའི་གདན་ བརྒྱད་ ནི་ནང་གི་ཕྱོགས་མཚམས་སུ། རིག་མ་ལ་ སྤྱན་སོགས། ཡེ་ཤེས་ཀྱི་རིག་མའི་གདན་དབུས་སུ། དངོས་ཀྱི་རིག་མའི་གདན་ དབང་དུས་སོགས། གཡོན་དུ། ལྷ་མོའི་གདན་ གཟུགས་རྡོ་རྗེ་སོགས། ཡང་རོ་གཅིག་པའི་ཚུལ་ལ་སོགས་པར་ནང་གི་ཕྱོགས་མཚམས་སུ། ཁྲོ་བོ་དང་ཁྲོ་མོའི་གདན་ བཅུ་ ནི་ཕྱི་ཡི་ཕྱོགས་མཚམས་སུའོ། །འདི་དག་ཀྱང་རྡུལ་ཚོན་གྱི་དཀྱིལ་འཁོར་ལ་ནི་གདན་གསུམ་ཇི་ལྟ་བ་བཞིན་དུ་བཀོད་པ་ཡིན་ལ། ལྷག་མ་དཀྱིལ་འཁོར་གསུམ་ལ་ནི་གདན་གསུམ་ཚང་བར་བསྒོམ་པ་དང་ལྡན་ཞིང་ཇི་ལྟ་བ་བཞིན་དུ་ཤེས་པ་ཡིན་ནོ། །དེས་ནི་དང་པོ་དཀྱིལ་འཁོར་བསྟན་ཏེ། གཉིས་པ་དབང་གང་ལས་ཐོབ་པ་ལ། བུམ་དབང་བཅུ་གཅིག །རིག་པའི་དབང་ལྔ་དྲུག་པ་རྫོགས་པའི་སངས་རྒྱས་བདུན་པ་བུམ་དབང༌། རྗེས་གནང་ལུང་བསྟན་དབུགས་དབྱུང་གཟེངས་བསྟོད། གསང་དབང་ ཡབ་ལ་ཐོབ་པ། ཡུམ་ལ་ཐོབ་པ། གྲོལ་སྟོབས་ལས་ཐོབ་པ་གསུམ། རྣམ་པ་ལྔ་ལས་གང་ཡང་རུང་བ། ཤེས་རབ་ཡེ་ཤེས་གཉིས། བཞི་པ་ ཚིག་དོན་འབྲས་བུ་ལམ་བརྟེན་ཅན། རྣམ་པ་ལྔ་ལས་རྟེན་ཅན་ལ་སོགས་པ་ལྔ་ཅི་རིགས་པར་ཐོབ་པ་ཡིན་ནོ། །གསུམ་པ་དྲི་མ་གང་དག་པ་ནི། ལུས། ངག །སེམས། ལུས་ངག་ཡིད་གསུམ་ཆར་གྱི་དྲི་མ་དག་ ཟངས་ཀྱི་གཡའ་དག་པ་བཞིན། སྟེ། ཐ་མལ་པ་བཅོམ་ཞིང་ལམ་ལ་སོགས་པ་བསྒོམ་དུ་རུང་ལ་འབྲས་བུ་རྣམ་པ་བཞི་ཐོབ་པའི་སྐལ་བ་ཅན་དུ་བྱས་པའོ། །དེ་དག་ཀྱང་དངོས་ཀྱི་རིག་མ་ལ་ཐོབ་ན་རབ། ཡེ་ཤེས་ཀྱི་རིག་མ་ལ་ཐོབ་ན་འབྲིང༌། ཚིག་ཙམ་གྱིས་ཐོབ་ན་ཐ་མའོ། །རྒྱུ་ཡི་དབང་ཞེས་བྱ་བ་ནི། ཐོག་མར་བླ་མ་དམ་པ་ལས་ཐོབ་པ་སྟེ། སྣོད་དག་པའམ་ཞིང་ས་དག་པ་ལྟ་བུའོ། །དེ་དག་གིས་ནི་གདན་སྩོགས་གསུམ་པ་བཞིས་རྒྱུའི་དབང་ཞེས་བྱ་བའི་ཡན་ལག་གི་དོན་བསྟན་ཏོ། །ད་ནི་ལམ་དུ་བསྐྱེད་རིམ་སྩོགས་ལྔ་པ་བཞི་ཡིས་བསྟན་ཅེས་པས་དབང་དང་འབྲེལ་བ་ལམ་ལ་སོགས་པའི་ཆོས་ཉི་ཤུ་བསྟན་ཏེ། དབང་རེ་རེ་ལ་ལམ་ ཚོགས་ལམ་འདོད། གང་ཡིན་པ། ལྟ་བ་ སྦྱོར་ལམ་དྲོད། གང་ཡིན་པ། གྲུབ་མཐའ་ འདས་པའི་ལམ་གསུམ། གང་ཡིན་པ། འདའ་ཀ་མ་ གང་ཟག་འབྲིང་ལ། གང་ཡིན་པ། འབྲས་བུ་གང་ཡིན་པ་སྟེ་ལྔ་ལྔའོ། །དེ་ལ་དང་པོ་བུམ་དབང་གི་ལྔ་ནི། ལམ་བསྐྱེད་པའི་རིམ་པ་དབྱིབས། ལྟ་བ་ངོ་བོ་ཉིད་རྣམ་པ་གསུམ། གྲུབ་མཐའ་འཁོར་འདས་དབྱེར་མེད། འདའ་ཀ་མ་གང་དུ་འཕོ་བ། འབྲས་བུ་སྤྲུལ་སྐུ་རང་བཞིན་གྱི་ལྷུན་གྲུབ་སྟེ་ལྔའོ། །དེ་ལ་ལམ་དབྱིབས་ནི་བླ་མའི་ཞལ་ལས་ཤེས་པར་བྱའོ། །ལྟ་བ་ངོ་བོ་ཉིད་རྣམ་པ་གསུམ་ནི། སྣང་ཕྱོགས་ Template:TibChungགཟུགས་ལ་སོགས་པ། ཀྱི་ངོ་བོ་ཉིད། སྟོང་ཕྱོགས་ ནམ་མཁའ་སྟོང་པ་ལ་སོགས་པ། ཀྱི་ངོ་བོ་ཉིད། ཟུང་འཇུག་ ཆུ་ཟླ་སོགས། གི་ངོ་བོ་ཉིད་དེ། དེ་རེ་རེ་ལའང་ རིག་པ་གསལ་བས་ཟིན་པ། མ་རིག་པའི་སྣང་བ་ལས་ལོག་པའི་ཆོས་ཅན། ཡིད་ཀྱི་ཀུན་བརྟགས་ རྟོག་མེད་དུ་སྐྱེས་པ་ཐད་ཀའི་ཆོས་ཉིད། དང་བྲལ་བའི་ཆོས་ཉིད་དེ། དེ་ཡང་ངོ་བོ་ རིག་པ་གཅིག་གིས་བསྡུས་པ། གཅིག་ཚུལ་གྱི་ འཇོག་ཚུལ་མི་འདྲ། ཐ་དད་དོ། །གྲུབ་མཐའ་འཁོར་འདས་དབྱེར་མེད་ནི། འཇིག་རྟེན་ལས་འདས་པའི་ལམ་ས་དྲུག་ལ་སྟོང་གསུམ་ཡུངས་འབྲུར་ཆུད་པ་ལ་ཆེ་ཆུང་མེད། རྩིག་པ་དང་རི་ལ་སོགས་པ་ལ་ཐོགས་པ་མེད། ཆུ་བོ་གྱེན་ལ་ཟློག །ཉི་ཟླ་རྟིང་པར་འཛིན། གཅིག་ལས་མང་པོར་བྱེད་ཅིང༌། མང་པོ་ལ་གཅིག་ཏུ་བྱེད་པ་ལ་སོགས་པ་འབྱུང་ངོ༌། །གྲུབ་མཐའ་མ་སྙོགས་ན་འདའ་ཀ་མ་གང་དུ་འཕོ་བ་ལ་གསུམ། སྣང་བ་སྒྱུར་བའི་འདའ་ཀ་མ། འོད་ཀྱི་གོང་བུས་འཕོ་བའི་འདའ་ཀ་མ། སྒྲས་འཕོ་བའི་འདའ་ཀ་མ་སྟེ། འདི་དག་གི་ཉམས་སུ་བླང་བའི་རིམ་པ་ཡང་བླ་མའི་ཞལ་ལས་ཤེས་པར་བྱའོ། །འབྲས་བུ་སྤྲུལ་པའི་སྐུ་རང་བཞིན་གྱིས་ལྷུན་གྲུབ་ནི། འབྲས་བུའི་སྐབས་སུ་འཆད་པར་འགྱུར་བས་འདིར་མ་བརྗོད་དོ། །དེ་ལྟར་བུམ་དབང་གི་ལྔའོ། །གསང་དབང་གི་ལྔ་ལ། ལམ་བདག་བྱིན་གྱིས་བརླབ་པའི་རིམ་པ། ལྟ་བ་རང་བྱུང་གི་ཡེ་ཤེས་བཞི། གྲུབ་མཐའ་མ་འདྲེས་ལ་ཡོངས་སུ་རྫོགས་པ། འདའ་ཀ་མ་འོད་གསལ། འབྲས་བུ་ལོངས་སྤྱོད་རྫོགས་པའི་སྐུ་རང་བཞིན་གྱིས་ལྷུན་གྲུབ་སྟེ་ལྔའོ། །དང་པོ་ལ་སྤྱིར་ཐམས་ཅད་མཁྱེན་པས་ གདུལ་བྱའི་བསམ་པ་དང༌། རྡོ་རྗེ་ལུས་ཀྱི་གནས་ལུགས་མི་གཅིག་པ་ལ་དགོངས་ནས། བསམ་གྱིས་མི་ཁྱབ་པ་གསུངས་ན་ཡང་༑ དེ་དག་གི་གནད་དགུ་བརྒྱ་ཕྲག་ རླུང་སྦྱོར་བ་གཅིག་ལ་དགོངས་ནས། གཅིག་ཏུ་འདུས། དེ་ཡི་གནད་ ཡི་གེའི་གནད་ལ་དགོངས་ནས། ཀྱང་བདུན་ཅུ་རྩ་ལྔར་འདུས། དེ་ཡིས་ཉམས་སུ་བླང་བའི་མན་ངག་ ཉམས་མྱུར་བས། མདོར་བསྡུས་ན་དགུར་འདུས་ཏེ། འཁོར་ལོ་ལ་མ་བརྟེན་པ་ལ་ལྔ། མར་མེ་གསོ་བ། ཚངས་པའི་ཐོག །རྩ་ཡི་རྣལ་འབྱོར། སྲུབས་ཤིང་གི་འཁོར་ལོ། ཐིག་ལེའི་རྣལ་འབྱོར་རོ། །འཁོར་ལོ་ལ་བརྟེན་པ་ལ་གསུམ། གཅིག་ལ་བརྟེན་པ། གཉིས་ལ་བརྟེན་པ། བཞི་ལ་བརྟེན་པའོ། །གཞན་མན་ངག་གི་གནད་ལ་བརྟེན་པས་མྱུར་བ་སྟེ་དགུར་བསྡུའོ། །དེ་ལ་དང་པོ་ རྒྱས། ནི། ལུས་ཙོག་པུར་གནད་ལ་དབབ་པ་ལ་སོགས་པ་བྱས་ལ། ལྟེ་བའི་འོག་སོར་བཞིར་ཀྵ་ཡིག་དམར་ནག་མགོ་བོ་ཐུར་ལ་བལྟས་པ་གསལ་གདབ། ལྟེ་བར་ཨཾ་ཁ་དོག་དམར་སྐྱ་གསལ་བཏབ་ལ། དེ་ནས་རླུང་མ་རྩེ་སྤྲད་པས་སུམ་མདོའི་མེ་འབར་ནས་ཀྵ་ཡིག་ཆེར་འབར་བས་དེ་ཨཾ་ལས་བདུད་རྩིའི་རྒྱུན་ཆ་ཕྲ་བ་བབས་པས་ཀྵ་ཡི་མེ་གསོས། དེ་བཞིན་ཏུ་འབར་འཛག་ལ་དམིགས་ཤིང་རླུང་རན་ཚད་དུ་ཁ་སྦྱར། ལམ་སྦྱང༌། ལྟ་བ་ ཉམས། བསྐྱང༌། དྲོད་བྱུང་རྒྱལ་དུ་ ཉམས་བཅོ་ལྔ་པོ། བཏང༌། ཐུན་ཚད་མེད་པར་བྱ། ཡིད་འཇུག་ཡུལ་བརྟག །ཁམས་ཚོད་བཟུང་ངོ༌། །གཉིས་པ་ནི། ལུས་ཀྱི་འཁྲུལ་འཁོར་བཅས་པ། རླུང་གི་གཞུ་ བཤང་ལམ། དང་མེ་ཡི་ སུམ་མདོའི་མེ། མདའ། །བྱང་སེམས་ཧྃ་གི་འབེན་ལ་བརྡེག །མེ་སོང་ནས། མྱུར་དུ་ཡེ་ཤེས་འཆར་བར་འགྱུར། །བསྐྱར་བའི་སྦྱོར་བ་ ཐུན་གཅིག་ལ། མེད་པའོ། །ཉམས་ཐམས་ཅད་ནི་བྱུང་རྒྱལ་དུ་བསྐྱངས་ཏེ། ཐུན་གྲངས་དང་ཐུན་ཚད་ལ་སོགས་པ་ནི་མེད་དོ། །གསུམ་པ་ནི། ལུས་སྐྱིལ་ཀྲུང་ལ་སོགས་པ་ཅི་རིགས་པ་གནད་ལ་ཕབ་ལ་དབུགས་ཕྱིར་ལྡང་བ་དང་བསྟུན་ཏེ། གཡས་རོ་མ་མེ་ཡི་རང་བཞིན་ཁ་དོག་དམར་པོ་གསལ་གདབ། དབུགས་ནང་དུ་འཇུག་པ་དང་བསྟུན་ཏེ། གཡོན་རྐྱང་མ་ཟླ་བ་ཆུའི་རང་བཞིན་ཁ་དོག་དཀར་པོ་གསལ་གདབ། དབུགས་ནང་དུ་གནས་པ་དང་བསྟུན་ཏེ། དབུ་མ་ཆོས་བཞི་ལྡན་དུ་གསལ་གདབ་པ་ནི། པདྨའི་སྣལ་མ་ལྟར་ཕྲ་བ། ཆུ་ཤིང་གི་སྡོང་པོ་ལྟར་དྲང༌། ཏིལ་མར་གྱི་མར་མེ་ལྟར་གསལ། རྒྱ་སྐྱེགས་ཀྱི་མེ་ཏོག་ལྟར་དམར། ཞེས་དྲན་པར་བྱ་སྟེ། དེ་ལྟར་ཡང་ནས་ཡང་དུ་སྦྱངས་པས་དྲོད་ཉམས་ཐམས་ཅད་བྱུང་རྒྱལ་ཏུ་བཏང་ཞིང༌། ཐུན་ཚད་ལ་སོགས་པ་ངེས་པ་མེད་པར་བྱའོ། །བཞི་པ་ནི། ལུས་ཙོག་པུར་གནད་ལ་ཕབ་ལ། ལུས་ཀྱི་དབུས་ལྟེ་བ་ནས་སྤྱི་གཙུག་གི་བར་དུ་རྩ་དབུ་མ་ཁ་དོག་དམར་པོ་སྦོམ་ཕྲ་ཅི་རིགས་པ་གཅིག་གསལ་གདབ། རྩ་གཡས་གཡོན་གཉིས་ཁ་དོག་དཀར་པོ་ཡང་སྦོམ་ཕྲ་ཅི་རིགས་པ་གསལ་བཏབ་ལ། དབུ་མ་ལ་སྲུབ་པའམ། ཡང་ན་རྩ་གཉིས་སྲུབ་ཐག་གི་ཚུལ་དུ་བྱས་ལ་དབུ་མ་ བསྲུབས་ཤིང་ལྟ་བུ་སྟེ། བསྲུབས་ཏེ། རླུང་ནི་སྟེང་རླུང་དང༌། འོག་རླུང་གཉིས་དྲག་ཏུ་ཁ་སྦྱར་ ཐུབ་ཚད། རོ། །འདི་ལའང་ཟས་ བཅུད་ཆེ། དང༌། སྤྱོད་ལམ་ གྲང་། གྱི་ལྕག་གིས་བསྐུལ་ཞིང་ཐུན་གྲངས་དང་ཐུན་ཚད་མེད་པར་ལམ་སྦྱང་། ལྟ་བ་བསྐྱང་། ཉམས་ཅི་སྐྱེས་བྱུང་རྒྱལ་ཏུ་བཏང་ངོ༌། །ལྔ་པ་ནི། ལུས་ཅི་རིགས་པར་གནད་ལ་ཕབ་ལ། སྙིང་གའི་ཉི་ཟླ་ཁ་སྦྱར། ལྟེ་བའི་དཔའ་བོ་འབའ་ཞིག །གསང་གནས་བདེ་བའི་ཐིག་ལེ༑ མཛོད་སྤུ་སྐྲ་དཀར་ས་བོན་དང་བཞི་རླུང་དང་བསྟུན་ཏེ། ཉམས་སུ་བླང་བ་བླ་མའི་ཞལ་ལས་ཅུང་ཟད་དྲི་བར་བྱའོ། །དེ་དག་གིས་ནི་འཁོར་ལོ་ལ་མ་བརྟེན་པའི་ཕྱོགས་ལྔ་བསྟན་ཏོ། །འཁོར་ལོ་ལ་བརྟེན་པ་ལས། དང་པོ་གཅིག་ལ་ ཉམས་མྱུར་བས། བརྟེན་པ་ནི། ལུས་ཙོག་པུར་གནད་ལ་ཕབ་ལ། བསམ་གཏན་གྱི་ཡན་ལག་རྣམས་ཚང་བར་བྱ་སྟེ། བཤང་སྒོར་རླུང༌། སུམ་མདོར་མེ། ལྟེ་བར་ཕྱི་བསྐོར་འདབ་མ་དྲུག་ཅུ་རྩ་བཞི་ལ་ཡི་གེ་བཀོད་པ་དང་བྲལ་བ་ནང་སྐོར་འདབ་མ་བརྒྱད་ལ་སྡེ་ཚན་གྱི་གཙོ་བོ་བརྒྱད་གཡས་སྐོར། ལྟེ་བར་ཨཾ་ཤིན་ཏུ་ཆ་ཕྲ་བ། ཡིག་འབྲུ་ཐམས་ཅད་ཁ་དོག་དམར་པོ་གསལ་གདབ། དེ་ནས་འོག་རླུང་གཉིས་མ་རྩེ་སྤྲད་པས་རླུང་གིས་སུམ་མདོའི་མེ་ གཡས་ནས་མེ་ལ། གཡོན་ནས་གཉིད་མ། བསྐུལ། དེ་ལྟེ་བའི་ཨཾ་ལ་ཕོག་ནས་ཨཾ་ལས་མེ་ཁ་དོག་དམར་ཞིང་ངོ་བོ་ཚ་བ་སོར་བཞི་ཙམ་ལ་སོགས་པར་འབར་བ་ལ་དམིགས་པ་གཏད་དེ། རླུང་ཡང་རིམ་གྱིས་ཁ་སྦྱར༑ ཐུན་གྲངས་དང་ཐུན་ཚད་མེད་པར་བྱ། ཡིད་འཇུག་ཡུལ་ བྱེད་སྙིང་འདོད། མི་འདོད། བརྟག་པ་ལ་སོགས་པ་སྔ་མ་བཞིན་བྱ། ལམ་སྦྱང༌། ལྟ་བ་བསྐྱང་ཞིང་དྲོད་ཉམས་ཐམས་ཅད་བྱུང་རྒྱལ་དུ་བཏང་ངོ༌། །འཁོར་ལོ་གཉིས་ལ་ དྲོད་ཀྱིས་བསྡུས་པའི་རྟགས་མྱུར་བས། བརྟེན་པ་ནི། སྔར་གྱི་ལྟེ་བའི་སྟེང་དུ་སྙིང་ག་འདབ་བརྒྱད་ལ་ཡི་གེ་དགོད་པ་དང་བྲལ་བ་ལྟེ་བར་ཧཱུྃ་ཁ་དོག་སྔོ་སྐྱ་མགོ་ཐུར་ལ་བལྟས་པ་བསམ། དེ་ནས་ཨྃ་ཧཱུྃ་གཉིས་རྩ་དབུ་མ་ཤིན་ཏུ་ཆ་ཕྲ་བས་ཟུང་སྦྲེལ་བར་བསམས་ལ། དེ་ནས་ཡང་རླུང་མ་རྩེ་སྤྲད་པས་ཨྃ་ལས་མེ་ཤིན་ཏུ་ཆ་ཕྲ་བ་ཧཱུྃ་གི་བར་དུ་འབར། ཧཱུྃ་ལས་བྱང་ཆུབ་ཀྱི་སེམས་ཆ་ཕྲ་བ་ཨྃ་གི་བར་དུ་འཛག་པས་འབར་འཛག་དཀར་དམར་གྱི་རྣམ་པ་ལ་བློ་གཏད་དེ་རླུང་ཡང་རིམ་གྱིས་ཁ་སྦྱར། ཐུན་ཚད་ལ་སོགས་པ་སྔ་མ་དང་འདྲ་བར་ཤེས་པར་བྱ། དེ་ལ་དྲོད་ཀྱིས་བསྡུས་པའི་མཐོང་སྣང་འབྱུང་བ་ནི་རྟགས་ལྔ་དང༌། རྟགས་ཀྱི་རྟགས་ལྔ་སྟེ་བཅུའོ། །དེ་ལ་དང་པོ་གཡས་ཀྱི་དབང་དུ་བྱས་ནས་དུ་བ། ས་ལ། ཆུ་ཟིན་པ་ལ། སྨིག་རྒྱུ། སྲིན་བུ་ མེ་ལས། མེ་ཁྱེར། མར་མེ་འབར་བ། ནམ་མཁའ་ ནམ་མཁའ་ལས། སྤྲིན་མེད་པ་ལྟ་བུའོ། །ནམ་མཁའ་ནས་ལུགས་ལྡོག །གཡོན་གྱིས་བསྡུས་པ། མུན་ནག །འཇའ་ཚོན། གློག །ཟླ་བའི་འོད་ཟེར། ཉི་མའི་འོད་ཟེར་ལྟ་བུ་རྣམས་འབྱུང་སྟེ། མཐོང་སྣང་དང་རྨི་ཉམས་ལ་ཅི་རིགས་པའོ། །ཉམས་ཐམས་ཅད་བྱུང་རྒྱལ་དུ་བསྐྱང་ངོ༌། །གསུམ་པ་འཁོར་ལོ་ བརྟན་ཞིང་ཐམས་ཅད་ལ་ཁྱབ་པ། བཞི་ལ་བརྟེན་པ་ནི། ལུས་གནད་ལ་དབབ་པ་ལ་སྩོགས་པ་སྔ་མ་དང་འདྲ། དེ་ནས་ལས་བྱེད་པའི་འཁོར་ལོ་གཉིས་ཀྱང་གསལ་གདབ། དེ་ནས་ལྟེ་བའི་འཁོར་ལོ་ཕྱི་བསྐོར་འདབ་མ་དྲུག་ཅུ་རྩ་བཞི་ལ་ཨཱ་ལི་བཅུ་དྲུག་ཕྲག་གཉིས་གཡོན་སྐོར། ཧ་དང་ཀྵ་སྤངས་པའི་ཀཱ་ལི་གཡས་སྐོར། ནང་སྐོར་འདབ་མ་བརྒྱད་སྔ་མ་དང་འདྲ་སྟེ། ཡི་གེ་ཐམས་ཅད་ཁ་དོག་དམར་པོ་མགོ་གྱེན་ལ་བལྟ་བའོ། །དེ་ནས་སྙིང་གའི་འདབ་མ་བརྒྱད་ལ་ཕྱོགས་བཞིར་ ཨཱོཾ་ཛཱིཾ་ཁཱཾ། བྷྲུྃ་སྩོགས་བཞི། མཚམས་བཞིར་ ལྃ་པཱྃ་ཏཱྃ། མཱྃ་སྩོགས་བཞི། དབུས་ཀྱི་ཧཱུྃ་འདྲ། ཡི་གེ་ཐམས་ཅད་ཁ་དོག་ནག་པོ་མགོ་ཐུར་ལ་བལྟ་བའོ། །མགྲིན་པ་འདབ་མ་བཅུ་དྲུག་ལ་ཨཱ་ལི་བཅུ་དྲུག་གཡོན་སྐོར། ལྟེ་བར་ཨ་ཡིག་འབྲུ་ཐམས་ཅད་ཁ་དོག་དམར་པོ་མགོ་གྱེན་ལ་བལྟ་བའོ། །སྤྱི་བོར་འདབ་མ་སུམ་ཅུ་རྩ་གཉིས་ལ་ཨཱ་ལི་བཅུ་དྲུག་གཡོན་སྐོར། ཀ་ནས་ཏ་བརྣལ་པོའི་བར་བཅུ་དྲུག་གཡས་སྐོར། ལྟེ་བ་ལ་ཧྃ། ཡིག་འབྲུ་ཐམས་ཅད་ཁ་དོག་དཀར་པོ་མགོ་ཐུར་ལ་བལྟ་བའོ། །དེ་ནས་རླུང་མེ་མ་དང་གཉིད་མ་གཉིས་རྩེ་སྤྲད་པས་སུམ་མདོའི་མེ་སྦར། ལྟེ་བའི་ཨྃ་ལ་ཕོག་པས་རླུང་དྲོད་ཀྱི་རང་བཞིན་ཅན་དེ་གཡས་རོ་མ་ནས་སོང་སྙིང་གའི་ཡིག་འབྲུའི་ཁམས་རྣམས་བསྲེགས། ཡང་རོ་མ་ནས་སོང་མགྲིན་པའི་ཡིག་འབྲུའི་ཁམས་རྣམས་བསྲེགས། ཡང་རོ་མ་ནས་སོང་སྟེ་སྤྱི་གཙུག་གི་ཧྃ་འོད་དུ་ཞུ་ནས། གཡོན་རྐྱང་མ་ནས་བབས་མགྲིན་པའི་ཡིག་འབྲུ་རྣམས་སྔར་བཞིན་གསོས་བཏབ་རྒྱས་པར་བྱ། ཡང་རྐྱང་མ་ནས་སོང་སྙིང་གའི་ཡིག་འབྲུ་རྣམས་གསོས་བཏབ་ཅིང་རྒྱས་པར་བྱ། ཡང་རྐྱང་མ་ནས་སོང་སྟེ་ལྟེ་བའི་ཨྃ་ལ་ཕོག་སྟེ་ཨྃ་ཆེར་འབར་ཏེ་དབུ་མ་ཉིད་ཅུང་ཟད་ཁ་ཕྱེ་ནས་གློག་གི་ཟེར་མའི་ཚུལ་གྱིས་དབུ་མ་ནས་སོང་སྟེ་སྙིང་གའི་ཧཱུྃ་དང་མགྲིན་པའི་ཨྃ་གཉིས་ཀྱང་ཞེན་ཐོགས་མེད་པར་བཅོམ་སྟེ། རེག་པ་ཙམ་ལས་ཧྃ་ལས་བདུད་རྩིའི་རྒྱུན་ཆ་ཕྲ་བ་དབུ་མ་ཉིད་ལས་བབས། ཨྃ་དེ་རིམ་གྱིས་མར་བདས་ནས་མགྲིན་པ་ནས་ལྟེ་བའི་སྟེང་སོར་བཞི་ཙམ་དུ་ཡིད་ཡུལ་ རང་གང་འདོད། གང་བྱུང་བ་དེར་འབར་འཛག་ལ་དམིགས་ལ་རླུང་རན་ཚད་དུ་ཁ་སྦྱར། ཉམས་ཐམས་ཅད་བྱུང་རྒྱལ་དུ་བསྐྱང༌། ལྷག་མ་སྔ་མ་བཞིན་ནོ༑ ༑མན་ངག་གི་གནད་ལ་བརྟེན་པ་ནི། ལུས་ཙོག་པུར་གནད་ལ་ཕབ་ལ། བསམ་གཏན་གྱི་ཡན་ལག་གཞན་ཡང་འདྲ་བར་བྱ། དེ་ནས་རང་གི་ལུས་ཁོང་སྟོང་དུ་དམིགས་ལ་མེ་དམར་སྐྱས་ལུས་ཀྱི་ནང་གང་བར་བསམ། རླུང་གྲངས་ཅན་དང་གྲངས་མེད་ཉི་ཤུ་རྩ་བཞིར་བྱ། རླུང་གི་སྦྱོར་བས་ཐུན་ཚད་བཟུང༌། ཟས་དང་སྤྱོད་ལམ་གྱི་ལྕག་གིས་བསྐུལ། ཉམས་ཐམས་ཅད་བྱུང་རྒྱལ་དུ་བསྐྱང༌། ཐུན་བཞིའི་ངེས་པར་བྱ། རབ་ཞག་ ཉམས་མྱུར་བ། གསུམ། འབྲིང་ དེ་བས་བུལ། ལྔ། ཐ་མ་ ཉམས་སྐྱེ་དཀའ། དགུ་ན་དམིགས་པ་འཕོ། དེ་ནས་ གཉིས་པ་མེ་འབར་བའི་དམིགས་པ། རྐང་མཐིལ་གཉིས་སུ་རཾ་དམར་ནག་བསམ། དེ་ནས་མེ་འབར་ལོང་བུའི་རྩ་ནས་སོང་བརླའི་རྩ་བོ་ཆེ་ནས་ཞུགས། གསང་གནས་སུ་འཛོམ། རྣོ་ རྩེ་མོ། བ། མྱུར་བ། གཡོ། དྲག་པ། ཚ་བ། རྩུབ་པའི་ མེ་སྟག །མེ་ལ་དམིགས་པ་གཏད། གཞན་ཐམས་ཅད་ཚུལ་སྔ་མ་བཞིན། ཐིག་ལེའི་ གཉིས་པོ། འཐབ་མོ་ཚུལ་སྔ་མ་བཞིན། འཁོར་ལོའི་དམིགས་པ་ རྩེ་མོ་ན་ཐིག་ལེ་བཞི་བརྩེགས་པ་ན་མེ་སྐོར་བུ་བཞི། ཚུལ་སྔ་མ་བཞིན། དེ་ལས་ ལྔ་པ་ ཐམས་ཅད་དུ་མེ་འབར་བ་ཚུལ་ མཐོ་གང་དུ་ སྔ་མ་བཞིན། དེ་ལས་མེ་ དྲུག །ཆེར་འབར་བ་ཚུལ་སྔ་མ་ རླུང་ བཞིན། དེ་ལས་ཐམས་ཅད་མེ་ བདུན་པ་ལུས་ཀྱི་ནང་ཐམས་ཅད་ འབར་བ་ཚུལ་སྔ་མ་བཞིན་ཏེ། ཐམས་ཅད་ལ་ཉམས་བྱུང་རྒྱལ་དུ་བསྐྱང་ངོ༌། །ལྟ་བ་རང་བྱུང་གི་ཡེ་ཤེས་བཞི་ནི། ཉོན་མོངས་པ་ལྔ་ ཡུལ་རྐྱེན་ལ་མ་ལྟོས་པར་ རང་བྱུང་གི་ཏིང་ངེ་འཛིན། རྣམ་པར་རྟོག་པ་རང་བྱུང་གི་ སྐྱེ་བ་ ཏིང་ངེ་འཛིན། སྣྲེལ་ ཅུང་མི་གསལ། ཞི་རང་བྱུང་གི་ཏིང་ངེ་འཛིན། གསལ་ཞིང་ཡངས་པ་རང་བྱུང་གི་ཡེ་ཤེས་ཆེན་པོའི་ གསལ་སྟོང་མཆོག །ཏིང་ངེ་འཛིན། གྲུབ་མཐའ་ ཐ་སྙད་སྣ་ཚོགས། མ་འདྲེས་ལ་ཡོངས་སུ་རྫོགས་པ་ནི༑ ས་གཞི་ལ་རིགས་དྲུག་གི་སྐད་ཤེས་དེ་དག་གི་སྐད་དུ་ཆོས་སྟོན། ཨཱ་ལི་ཀཱ་ལི་ལ་དབང་ཐོབ། ཚིག་གི་ དེ་ལས་བྱུང་བ། མཆོག་གྲུབ། ཅིང་བརྗོད་པ་ལྟར་འབྱུང་བ། ཐ་སྙད་ལ་ སྡེ་སྣོད་གསུམ་སོགས་ཤེས། སད། སོ་སོ་ཡང་དག་པ་རིག་པ་ ཆོས་དོན་ངེས་ཚིག་སྤོབས་པ། བཞི་ལ་དབང་ཐོབ་པ། ཚངས་པའི་དབྱངས་སུ་གྱུར་པ་ལ་སོགས་པ་ཡོན་ཏན་རྒྱུད་ལ་འཆར་རོ། །གྲུབ་མཐའ་མ་སྙོགས་ན་འདའ་ཀ་མ་འོད་གསལ་བ་ནི། འཆི་ཁའི་རླུང་གིས་རྐྱེན་བྱས་ནས་རླུང་ཐམས་ཅད་དབུ་མར་ འཕོ་བས་ ཞུགས་ཏེ་སྟོང་གསལ་མཆོག་གི་ཏིང་ངེ་འཛིན་ རང་གི་ངང་གིས། སྐྱེ། དེ་སྔར་གྱི་རང་བྱུང་གི་ཡེ་ཤེས་ཀྱི་ཏིང་ངེ་འཛིན་དང་འདྲེས་ནས་བར་དོ་མེད་པར་གྲུབ་མཐའ་སྙོགས་པའམ། རིག་པ་འཛིན་པ་ལ་སོགས་པར་འགྱུར་རོ། །འབྲས་བུ་ལོངས་སྤྱོད་རྫོགས་པའི་སྐུ་རང་བཞིན་གྱི་ལྷུན་གྲུབ་ནི་འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །གསང་དབང་གི་ལྔའོ། །ཤེས་རབ་ཡེ་ཤེས་ཀྱི་ལྔ་ལ། ལམ་དཀྱིལ་འཁོར་འཁོར་ལོ་ཐབས་ཀྱི་ལམ། ལྟ་བ་ལྷན་ཅིག་སྐྱེས་པའི་ཡེ་ཤེས་དགའ་བ་བཞི། གྲུབ་མཐའ་བདེ་སྟོང་རྒྱ་ཆུང་བ། འདའ་ཀ་མ་ནམ་འཆི་ཚེ་རྡོ་རྗེ་སེམས་དཔའ་བྱོན་པར་འགྱུར་བ། འབྲས་བུ་ཆོས་ཀྱི་སྐུ་རང་བཞིན་གྱི་ལྷུན་གྲུབ་སྟེ་ལྔའོ༑ ༑དེ་ལ་དང་པོ་ལམ་ལ་གཉིས། རྒྱས་པ་དང༌། བསྡུས་པའོ། །རྒྱས་པ་ལ་ལྔ། ལུས་ངག་མཉམ་པ། འདོད་པ་མཉམ་པ། བྱིན་རླབས་མཉམ་པ། རིག་མ་དག་པ། མན་ངག་གི་གནད་ཀྱིས་ཟིན་ བསྟན་ པའོ། །དེ་ལ་ བཤད་པ་ དང་པོ་ལུས་ངག་མཉམ་པ་ནི། བདག་ ལུས་མཉམ་པ་ དང་ཕྱག་རྒྱ་གཉིས་པོ་ཡན་ལག་ དམ་ཚིག་པ་བསྐྱེད་པ། ཡེ་ཤེས་པ་གཞུག་པ། སྐུ་གསུང་ཐུགས་བྱིན་གྱིས་བརླབ་པ། དབང་བསྐུར་བཞི། བཞིའམ། སྐད་ཅིག་གིས་ལྷར་བསྒོམ་པར་མཉམ། ངག་རྩ་སྔགས་ལ་སོགས་པ་ཟློས་པར་མཉམ་པ་སྟེ། ལུང་ བརྟག་པ་གཉིས་པ་ ལས་ཀྱང་། ལྷ་ཡིག་གཟུགས་ཀྱི་སེམས་དང་ནི། །དམ་ཚིག་སེམས་དང་གཅིག་པ་ འདིས་སྤྲུལ་སྐུ་སློབ། སྟེ། །ཞེས་འབྱུང་ངོ༌། །འདོད་པ་མཉམ་པ་ནི། བདག་རིག་མ་ལ་བརྟེན་ནས་ལྷན་ཅིག་ ཐ་མལ་རྣམ་རྟོག་ཡལ་ སྐྱེས་པའི་ཡེ་ཤེས་མངོན་ཏུ་བྱས་ཏེ་རྫོགས་པའི་བྱང་ཆུབ་འདོད། རིག་མའང་བདག་ལ་བརྟེན་ནས་དེ་བཞིན་ཏུ་འདོད་པ་སྟེ། རྫོགས་པའི་བྱང་ཆུབ་འདོད་པར་མཉམ་པའོ། །བྱིན་རླབས་ འདིས་ལོངས་སྐུར་བྱིན་གྱིས་བརླབ་བོ། །མཉམ་པ་ནི། མཁའ་ ཡུམ་གྱི་ གསང་བསྣོལ་མར་བྱིན་གྱིས་བརླབ་པ་སྟེ། ཡབ་ཀྱིས་ཡུམ་གྱི་མཁའ་ ཐ་མལ་པས་སྟོང༌། མི་དམིགས་ཏེ་སྟོང་པ་ལས། ཨ་ལས་པདྨ་དམར་པོ་འདབ་མ་བརྒྱད་པའི་ཟེའུ་འབྲུ་ལ་ཨཱཿ ས་བྱིན་གྱིས་བརླབས་པར་བསམ། ཡུམ་གྱིས་ཡབ་ཀྱི་གསང་བའི་གནས་ ཐ་མལ་པས་སྟོང༌། མི་དམིགས་ཏེ། སྟོང་པ་ལས་ཧཱུྃ་ལས་རྡོ་རྗེ་སྔོན་པོ་རྩེ་མོ་ལྔ་པ་ལྟེ་བ་ལ་ཧཱུྃ་གིས་མཚན་པའི་སྦུ་གུར་ཕཊ་དམར་ནག་མགོ་གྱེན་ལ་བལྟ་བ། ནོར་བུ་ མུ་ཏིག་གི་ཕྲེང་བའི་འོད་ ༀ་གྱིས་བྱིན་གྱིས་བརླབ། སྭཱ་ལས་རིན་པོ་ཆེའི་ རྭ་དབུ་མའི་རྩེ། ཏོག །རིག་མ་དག་པ་ནི། སྐྱེ་བས་ཐོབ་པའི་རིག་མ་དག་པ། སྦྱངས་པ་ལས་བྱུང་བའི་རིག་མ་དག་པའོ། །དང་པོ་ལ་ལྔ། རི་དྭགས་ཅན་མ། དུང་ཅན་མ། གླང་པོ་ཅན་མ། རི་མོ་ཅན་མ། སྣ་ཚོགས་ཅན་མའོ། །འདི་དག་གི་མཚན་ཉིད་བླ་མའི་ཞལ་ལས་ལེགས་པར་ཁོང་དུ་ ལོགས་སུ་ཤེས་ ཚུད་པར་བྱའོ། །སྦྱངས་པ་ལས་བྱུང་བ་ལ་གསུམ། ཐོས་བསམ་དང་བསླབ་ ལྟ་བ་དང་སྤྱོད་པ་ཐམས་ཅད་སོ་སོར་ཐར་པའི་སྡོམ་པ། བྱང་ཆུབ་སེམས་དཔའི་སྡོམ་པ། པས་རྒྱུད་ཡོངས་སུ་དག་པ། དབང་ བཞི་རྫོགས། གི་དག་པ། རྣལ་འབྱོར་གྱི་ཏིང་ངེ་འཛིན་ རིམ་པ་གཉིས་ལ་གནས། གྱི་དག་པའོ། །དེ་ལྟར་ན་དང་པོ་རིག་མ་དག་པ་འབྱུང༌། དེ་ནས་ལུས་ངག་མཉམ་པར་སྤྲུལ་པའི་སྐུར་ དེ་ལྟར་སྐུ་གསུམ་ལམ་དུ་བྱེད། བྱིན་གྱིས་བརླབ་པ་འབྱུང༌། དེ་ནས་བྱིན་རླབས་མཉམ་པ་ལོངས་སྤྱོད་རྫོགས་པའི་སྐུར་བྱིན་གྱིས་བརླབ་པ་འབྱུང༌། དེ་ནས་འདོད་པ་མཉམ་པ་ཆོས་ཀྱི་སྐུར་བྱིན་གྱིས་བརླབ་པ་འབྱུང་ངོ༌། །ལྔ་པ་མན་ངག་གི་གནད་ དགའ་བ་སྐྱེ་བའི་གོ་རིམ། ཀྱིས་ཟིན་པ་ལའང་ལྔ་སྟེ། དང་པོར་དབབ། དེ་ནས་བཟུང༌། དེ་ནས་ལྡོག །དེ་ནས་ཁྱབ་པར་བྱ། མཐར་མི་ཉམས་པར་བསྲུང་ངོ༌། །དེ་ལ་དང་པོ་ནི། རྟེན་ཡོངས་སུ་དག་པ། དེ་ལ་ཉེ་རིང་རན་པར་བྱས་ལ་དེའི་གཟུགས་ལ་ལྟ་ཞིང་དེས་འདོད་ཆགས་ཀྱི་མེ་འབར་བས་ཐིག་ལེ་དབབ། བདེ་བ་བསྒོམ། བགྲད་པའི་མཐས་བསྲུང༌། གསང་ཐུབ་པར་བྱ། དེ་བཞིན་ཏུ་ སྒྲ་ལ་ཉན། དྲི་ལ་སྣོམས། རོ་ལ་མྱོང༌། ལུས་ཀྱི་གནས་ཅི་རིགས་པ་ལ་རེག་པར་བྱ་བའི་བར་དུ་འདོད་ཆགས་ཀྱི་མེ་འབར་བས་ཐིག་ལེ་དབབ། བདེ་བ་བསྒོམ། བགྲད་ ལག་གཉིས་བསྣོལ་ཏེ་མིག་གཉིས་སྟེང་དུ་བགྲད་པ། པའི་མཐས་བསྲུང༌། གསང་ཐུབ་ སྙོམས་འཇུག་སྤང་བ། པར་བྱ། དེ་ཐམས་ཅད་ལ་ཉམས་ བདེ་བ་དང་མི་རྟོག་པ། ཅི་སྐྱེས་བྱུང་རྒྱལ་དུ་བསྐྱང༌། དེ་ལྟར་ཐིག་ལེ་དབབ་ཅིང་ མང་དུ། སྤེལ། མི་ཉམས་པར་ སྤེལ་ཞིང་གཟུང་། གཟུང་ཞིང་རིམ་གྱིས་ལྡོག །ཅེས་བྱ་བ་གསུམ་འབྲེལ་བ་ཅན་དུ་འབྱུང་སྟེ། སྐད་ཅིག་ བྱ་བ་ཡང་བདེ་བ་སྟེ། དང་པོ་ལ་དགའ་བའི་ཡེ་ཤེས་སོ། །དེ་ནས་བོ་ལ་དང་ཀཀྐོ་ལ་མཉམ་པར་སྦྱར་ཞིང་ཡང་འདོད་ཆགས་ཀྱིས་མེས་ཐིག་ལེ་དབབ། བདེ་བ་བསྒོམ། བགྲད་པའི་མཐའ་འགྱུར་བས་བསྲུང༌། གསང་ཐུབ་པར་བྱ། སྐད་ཅིག་གཉིས་པ་ལ་ བྱ་བ་ཉུང་བདེ་བ་ཆེ་ མཆོག་དགའི་ཡེ་ཤེས་སོ། །དེ་གཉིས་ནི་ཐིག་ལེ་དབབ་ཅིང་བདེ་ཤུགས་ཆེ་བས་ཐིག་ལེ་འབར་བའི་དྲོད་ཅེས་བྱའོ༑ ༑དེ་ནས་བསྲུང་བ་ན་བདེ་བ་དང༌། མི་རྟོག་པ་དང་ལྡན་པ་འབྱུང་སྟེ། སྔ་མ་བཞིན་ཐིག་ལེ་དབབ་ཅིང་བདེ་བ་དང་མི་རྟོག་པ་དེ་བསྒོམ། བགྲད་པའི་མཐས་བསྲུང༌། གསང་ཐུབ་པར་བྱ་བ་གཉིས་གཅེས། ཐིག་ལེ་ཉམས་པ་བསྲུང༌། སྐད་ཅིག་གསུམ་པ་ལ་དགའ་བྲལ་གྱི་དགའ་བ་ཐིག་ལེ་ ཅུང་ཟད་གྱེན་ལ་ གཡོ་བའི་དྲོད་ཅེས་ཀྱང་བྱའོ། །དེ་ཙམ་ན་ཐིག་ལེ་བཟུང་དཀའ་བར་གྱུར་ན་སྟེང་རླུང་རྣམ་པར་འགོག་པའམ། འགྱུར་བ་རྣམ་པ་དྲུག་ལ་སོགས་པས་འདིར་ཐིག་ལེ་བསྲུང༌། བསྲུང་བ་སླ་ན་སྐད་ཅིག་མ་བཞི་པ་ལ་བསྲུང་ངོ༌། །དེ་ཙམ་ན་སྲིན་པོའི་ལམ་ སྦྲིད་པ་ལྟ་བུ། བེམ་བེམ་བྱེད་པ། ལྕི་ ཐིག་ལེ་ཟིན་པ་ ཡོར་ཡོར་བྱེད་པ། ཙུབ་ཙུབ་ བདེ་ཤུགས་ཀྱིས་ བྱེད་པ། དྲི་ཆེན་དང་དྲི་ཆུ་ལ་སོགས་པ་ཡང་རེས་མི་ཐོན། རེས་ཐོན། སྐྲ་རྩེ་སེང་ བདེ་བ་མི་ཟད་པ། བྱེད་པ། གཡལ་དང་མཆིལ་མ་ཅི་རིགས་པ་འབྱུང་བའི་ཚེ་ཐིག་ལེ་ཟིན་པ་ཡིན་ནོ། །དེ་ཙམ་ན་རྟེན་ཡོངས་སུ་དག་པའི་ པད་ཅན་མའི་སྐབས་སུ་འབྱུང་སྟེ་སྒ་གཏད་པ་ལ་སོགས་པ།རྩ་བཙལ། བྱིན་གྱིས་བརླབ་པ་གསུམ་སྔོན་དུ་སོང་བས་རྡོ་རྗེ་དང་པདྨ་གཉིས་ཁ་སྦྱོར། རྩ་ དབུ་མ་གཉིས་ གཉིས་ཁ་སྦྱོར། ཐིག་ལེ་ ཉི་ཟླ། གཉིས་ཁ་སྦྱོར། རླུང་ ཐུར་སེལ་གྱིས་ གཉིས་ཁ་སྦྱོར་དུ་གྱུར་པས་བདེ་བ་དང་སྟོང་པ་ཟུང་དུ་ཆུད་ཅིང༌། བདེ་བ་ངོས་གཟུང་དང་བྲལ་བར་ཏིང་ངེ་འཛིན་སྐྱེ་སྟེ། འདིར་ཡང་ཏིང་ངེ་འཛིན་དེ་བསྐྱང༌། བགྲད་པའི་མཐའ་ལ་སོགས་པས་བསྲུང༌། གསང་ཐུབ་པར་བྱ་བ་གཉིས་པ་གཅེས། ཐིག་ལེ་ཐུབ་པ། དེ་ལས་འགྱུར་བ་དྲུག་གིས་བསྲུང་ན། རྒྱ་མཚོ་རི་རབ་ལ་ ལྟེ་བ་སྒལ་པ་ལ་གཅེར་བ། སྐམ། གླིང་བཞི་དབང་དུ་ ཡན་ལག་བཞི་བསྐུམ་པ། བསྡུས། རོ་འཛིན་རང་གི་གནས་སུ་སྦྱར། ལྕེ་རྐན་ལ་སྦྱར། དབང་པོའི་མཆོག་ མིག་བགྲད་པ། སྟེང་དུ་བཞག །ངག་སྟོབས་ཀྱི་ཧཱུྃ་དྲག་ལ་རིང་བར་དྲང་ཏིང་ངེ་འཛིན་ཧཱུྃ་ཕཊ་ ཧཱུྃ་གིས་ཕཊ་དྲངས་ཕཊ་ཀྱིས་ཧཱུྃ་ཕུལ་བ་ ཀྱིས་མདའ་གཞུས་འཕངས་ཏེ་བཟློག་ལ། དེ་ནས་རླུང་གི་སྐེ་རགས་བཅིང༌། ཞགས་པ་འཕང་། འདི་ལག་ལེན་བཞིན་བྱ། ལུས་གཏུན་ཤིང་གི་འཁོར་ལོ་ལྟར་བསྐོར། བུ་ཆུང་གི་སྤྱོད་ལམ་ལྟར་བྱས་པས་ལུས་ཐམས་ཅད་ལ་ཁྱབ་པར་བྱའོ། །སྐད་ཅིག་བཞི་པ་ལ་ལྷན་ཅིག་སྐྱེས་པའི་དགའ་ རྩ་གནས་སུ་ཁྲེམས་ཏེ་ཉམས། བ། ཐིག་ལེ་བརྟན་པའི་དྲོད་ཅེས་ཀྱང་བྱ་བའོ༑ ༑མི་ཉམས་པར་བསྲུང་བ་རྣམ་པ་དྲུག་ནི་འོག་ཏུ་ཐིག་ལེ་འཛག་པ་བསྲུང་བའི་སྐབས་སུ་འབྱུང་བས་འདིར་མི་བརྗོད་དོ། །ལམ་བསྡུས་ལ་ནི། ལུས་ཀྱི་སྤྱོད་ལམ་ ཙོག་པུ། ལྡན་བྱས་ནས། །ལག་གཡས་ཉི་མ་གཡོན་པ་ བར་དྲན་ལ། ཟླ། །པུས་མོ་གཉིས་ལ་བསྣོལ་མར་དགབ། །ངག་ཏུ། ཧཱུ་རིང་ཧུ་ཐུང་མདུན་དུ་རྒུ། །གཡས་གཡོན་དག་ཏུ་གསུམ་གསུམ་སྟེ། །འབུད་པ་གསུམ་ དབུས་དང་གཡས་དང་གཡོན་དང་གསུམ་མཉམ། དང་རྔུབ་པ་གསུམ། །འཁོར་བ་དག་ཏུ་སྦྱར་བར་ ཡང་བསྐྱར་ལ་བྱ་བ། བྱ། །ཉི་མ་དག་ནི་གསུམ་ ཐ་མས་ཀྱང༌ པ་ན། །སྦ་བ་ རབ་རླུང་སྟོབས་ཆེན་ཉི་མ་ཕྱེད་སོགས་ཙམ་ལ་སྦ་བ་ནུབ། སྦུབས་སུ་ནུབ་པར་འགྱུར། །སྦྱོར་བའོ། །དངོས་གཞི་ལ། བྱིན་ མཉམ་པ་གསུམ། གྱིས་རླབས་སོགས་བྱས་ནས་ནི། །སྲིན་པོའི་ལམ་ བདེ་བ་སྐྱེས་ནས་ཐིག་ལེ་གཟུང་བའི་ཕྱིར། ནི་ཅུང་ཟད་བསྡམ། །གུང་འཛུབ་གཉིས་ནི་དྲག་ཏུ་གཞིབ། །མིག་གཉིས་སྟེང་དུ་བགྲད་པར་བྱ། །འདིས་ནི་ ལུས་ཀྱི་གནད་གསུམ་ནི། ཐིག་ལེ་ཟིན་པར་འགྱུར། །ཡང་ན་ ངག་བྷ་ཞིག་ ཧ་ཧལ་དྲག་ཏུ་བརྗོད། །ལུས་ཀྱི་འཁྲུལ་འཁོར་ སྟེང་རླུང་འགོག་པ་ གཞན་ཡང་བྱ། །འདིས་ཀྱང་ཐིག་ལེ་ དེ་ཡན་ཆད་ཀྱིས་དབབ་བཟུང་གཉིས་བསྟེན། ཟིན་པར་འགྱུར། །རྗེས་བཅད་པ་ལ། གླང་ཆེན་ཧིཀ་ ཧིང་ཧིང་ དང་སྟག་མོ་ ཧཱུྃ་ཧཱུྃ་ ངུར། །གཅན་གཟན་སྐྱུག་ ཧག་ དང་ཝ་ལྟར་ ཧིག་ སྣོམས། །ལྟེ་བ་སྙིང་ག་མགྲིན་པ་དང༌། །སྤྱི་གཙུག་དག་ཏུ་རིམ་གྱིས་ དེ་དག་ཏུ་ཤེས་པ་གཏད་ དྲོངས། །རྣམ་གྲོལ་ ལག་ལེན་བཞིན་ རྒྱ་ཡིས་ལུས་ལ་དགྲམ། །དེ་ལ་མི་མཁས་པ་བཞི་འབྱུང་སྟེ། དབབ་པ་ སྙོམས་འཇུག་ལ་སྐམ་ན། ལ་མ་མཁས་ན་ཐིག་ལེ་མྱུར་དུ་ཉམས། བཟུང་བ་ལ་མ་མཁས་ན་ སྔས་པས་ བདེ་བ་ཡུན་ཐུང༌། བཟློག་པ་ བཞི་པོ་མ་ཤེས་པ་ ལ་མ་མཁས་ན་ཆུ་དང་སྡོང༌། དགྲམ་པ་ རྣམ་གྲོལ་རྒྱ་སོགས་ ལ་མ་མཁས་ན་ནད་དུ་འགྱུར་རོ། །དེ་ལ་གཉེན་པོ་མཁས་པ་བཞི་འཇུག་སྟེ། དབབ་པ་ དལ་བུས་སྤྱོད་པ་ ལ་མཁས་པ་རུ་སྦལ་གྱི་འགྲོས། གཟུང་བ་ལ་མཁས་པ་ལུས་ངག་གི་འགྱུར་བ་ སྲིན་པོའི་ལམ་བསྡམས་སོགས་ གསུམ་དང་གཅིག །བཟློག་པ་ལ་མཁས་པ་ གླང་ཆེན་ཧིང་སོགས་ དུད་འགྲོའི་འགྱུར་བ་བཞི། ཁྱབ་པར་བྱ་བ་ལ་མཁས་པ་རྣམ་གྲོལ་གྱི་ཕྱག་རྒྱའོ། །གཞན་རླུང་གི་སྐེ་རགས་བཅིང་པ་ལ་སོགས་པ་ནི་ལམ་རྒྱས་པ་བཞིན་ནོ། །རེ་ཞིག་ལམ་བསྟན་ཟིན་ཏོ། །ལྟ་བ་ལྷན་ཅིག་སྐྱེས་པའི་ཡེ་ཤེས་དགའ་བ་བཞི་ནི། གོ་རིམ་ལ་ལྟོས་པའི་དགའ་བ་བཞི། གནས་ལ་ལྟོས་པའི་དགའ་བ་བཞི། སྤང་བྱ་ལ་ལྟོས་པའི་དགའ་བ་བཞི། རང་གི་ངོ་བོ་ལ་ལྟོས་པའི་དགའ་བ་བཞིའོ། །དེ་ལ་དང་པོ་གོ་རིམ་ལ་ལྟོས་པའི་དགའ་བ་བཞི་ནི། ལམ་སྦྱོང་བའི་སྐབས་ཉིད་དུ་བསྟན་པས་ལོགས་ཤིག་ཏུ་མ་བརྗོད་དོ། །གཉིས་པ་གནས་ལ་ལྟོས་པ་ལ་གཉིས། ཕྱི་གནས་ལ་ལྟོས་པ་དང༌། ནང་གནས་ལ་ལྟོས་པའོ། །དེ་ལ་དང་པོ་ནི་ལུས་ཀྱི་གནས་ཁོལ་བུར་སྐྱེས་ན་དགའ་བ། ལུས་གནས་ཕལ་ཆེར་ལ་སྐྱེས་ན་མཆོག་དགའ། ལུས་ཐམས་ཅད་ལ་ཁྱབ་པར་སྐྱེས་ན་དགའ་བྲལ། སྣང་བའི་དངོས་པོ་ཐམས་ཅད་ ལུང་ལས། བདེ་བ་རྒྱུ་དང་མི་རྒྱུ་ཀུན་སོགས་ བདེ་བར་ཤར་ན་ལྷན་སྐྱེས་སོ། །གཉིས་པ་སྤྱི་བོ་ནས་མགྲིན་པའི་ ཉམས་མྱོང་ཅི་སྐྱེས་ཀྱང་ བར་དགའ་བ། མགྲིན་པ་ནས་སྙིང་གའི་བར་མཆོག་དགའ། སྙིང་ག་ནས་ལྟེ་བའི་བར་དགའ་བྲལ། ལྟེ་བ་ནས་གསང་གནས་ཀྱི་བར་དུ་ལྷན་སྐྱེས་སོ། །གསུམ་པ་སྤང་བྱ་ལ་ལྟོས་པ་ན། གཟུང་འཛིན་གྱི་རྣམ་པར་རྟོག་ དང་པོ་དགའ་བ་འགྲོ་བའི་གཟུགས་ལ་སོགས་ པ་རགས་རིམ་འགོག་པ་དགའ་བ། བདག་གི་རྣམ་རྟོག་རགས་རིམ་འགོག་པས་མཆོག་དགའ། ཕྱག་རྒྱའི་རྣམ་པར་རྟོག་པ་རགས་རིམ་འགོག་པས་དགའ་བྲལ། དགའ་བྲལ་གྱི་རྣམ་པར་རྟོག་པ་ གསུམ་པོ་སྤངས་པ་ཉིད་ཕྱིར་ འགོག་པས་ལྷན་སྐྱེས་སོ། །བཞི་པ་ངོ་བོ་ནི། བདེ་བའི་ཉམས་མྱོང་ཆུང་བས་དགའ་བ། བདེ་བ་ཆེར་འབར་བ་མཆོག་དགའ། བདེ་བ་ནི་རྟོག་པ་དང་ལྡན་པ་དགའ་བྲལ། བདེ་བ་སྟོང་པ་དང་གཉིས་སུ་མེད་པ་ ལྷན་ཅིག་སྐྱེས་པའི་བྱང་ཆུབ་བརྗོད། ཅེས་འབྱུང་། ལྷན་སྐྱེས་སོ། །ལུང་དང་ཡང་སྦྱར་ དེ་ལྟ་བས་ན་སྦྱོར་ལམ་དྲོད་སྟོན། བར་བྱའོ། །གྲུབ་མཐའ་བདེ་སྟོང་རྒྱ་ཆུང་བ་ནི། མྱ་ངན་ལས་ ལོ་ཀ་ལས་འདས་པའི་ལམ་ འདས་པའི་ཆོས་ལ་སོགས་པ་ཅི་རིགས་པ་རྣམས་བདེ་སྟོང་དུ་རྟོགས་པ་འབྱུང་སྟེ། ས་བཅུ་གཅིག་པ་དང་བཅུ་གཉིས་པ་ལའོ། །གྲུབ་མཐའ་མ་སྙོགས་ན་འདའ་ཀ་མ་ནམ་འཆི་བའི་ཚེ་རྡོ་རྗེ་སེམས་དཔའ་འབྱོན་པར་འགྱུར་བ་ནི། འཆི་བའི་རླུང་གིས་རྐྱེན་བྱས་ནས་རྩ་མདུད་རྣམས་དྲལ་ཏེ། སེམས་ཀྱི་རྟེན་ཁམས་ཐིག་ལེ་རིམ་གྱིས་ལྷན་ཅིག་ཏུ་འཚོགས་ཏེ་དབུ་མར་ཡང་ཅུང་ཟད་ཞུགས་པས་འཆི་ཁར་བདེ་སྟོང་མཆོག་སྐྱེ་སྟེ། རྡོ་རྗེ་ནི་སྟོང་པ། སེམས་དཔའ་ནི་བདེ་བ། དེ་སྔར་གྱི་བདེ་སྟོང་གི་ལྟ་བ་དང་འདྲེས་ནས་བར་དོ་མེད་པར་གྲུབ་མཐའ་སྙོགས་པ་ལ་སོགས་པར་འགྱུར་རོ། །འབྲས་བུ་ཆོས་ཀྱི་སྐུ་ནི་འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །ཤེས་རབ་ཡེ་ཤེས་ཀྱི་ལྔའོ། །དབང་བཞི་པའི་ལྔ་ལ། ལམ་རྡོ་རྗེ་རྦ་རླབས་གསུམ། ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་ལས་བརྟེན་པའི་དགའ་བ་བཞི། གྲུབ་མཐའ་བདེ་སྟོང་རྒྱ་ཆེ་བ། འདའ་ཀ་མ་ཕྱག་རྒྱ་ཆེན་པོ་ནས་འཕོ་བ། འབྲས་བུ་ངོ་བོ་ཉིད་ཀྱི་སྐུ་རང་བཞིན་གྱིས་ལྷུན་གྲུབ་སྟེ་ལྔའོ། །དེ་ལ་དང་པོ་ནི། ལུས་སྦྱང་བ་ལ་སོགས་པ་སྔོན་དུ་སོང་ནས། བསམ་གཏན་གྱི་ཡན་ལག་དགུ་རྣམས་ཚང་བར་བྱས་ཏེ། སྲོག་དང་རྩོལ་བ་ རླུང་གཞན་ ལ་སོགས་པ་སྔོན་དུ་སོང་ནས། འོག་རླུང་བསྐྱོད་པ་ རླུང་ཁ་སྦྱོར་བ་ ལུས་ཀྱི་རྦ་རླབས། དེ་ནས་ངག་གི་ ཞི་དྲག་གཉིས། རྦ་རླབས། དེ་ནས་ཏིང་ངེ་འཛིན་སེམས་ཀྱི་རྦ་རླབས་བསྒོམ་སྟེ། དེ་ཡང་པད་ཅན་མ་དངོས་ རབ་ སམ། ཡེ་ཤེས་ཀྱི་ཕྱག་རྒྱ་ འབྲིང་ ལ་བརྟེན་ནས་ལམ་སྦྱང་བ་ལ། དེ་ལ་གསུམ། ཐབས་རྒྱུད་དག་པར་བྱ་བ། དེ་ནས་ཤེས་རབ་ཀྱི་རྒྱུད་དག་པར་བྱ་བ། དེ་ནས་གཉིས་ཀའི་རྒྱུད་སོ་སོར་དག་པར་བྱའོ། །དེ་ཡང་ལུས་ངག་མཉམ་པ་ སྐུ་གསུམ་ལམ་དུ་བྱེད་པ་ ལ་སོགས་པ་གསུམ་དབང་གསུམ་པའི་ལམ་དང་འདྲ་བར་བྱས་ལ། དེ་ནས་སྐད་ཅིག་གིས་ཐབས་ཤེས་རབ་སྙོམས་པར་ཞུགས་པ་ལས། ཡབ་ཡུམ་གཉིས་ཀའི་ཁམས་དྭངས་མ་མཆོག་གི་ རྩ་གཉིས་འཛོམ་སར་ ཟེ་བར་བྱོན། དེ་ནས་འོད་ཟེར་གྱི་རྣམ་པར་གྱུར། རྩ་གཡས་རོ་མ་ནས་སོང་སྟེ་ལྟེ་བར་བྱོན། ལྟེ་བའི་འཁོར་ལོ་ནམ་ལངས་པ་བཞིན་ཡལ་ཡལ། ཉི་མ་ཤར་བ་བཞིན་སལ་སལ། གློ་བ་རྒྱངས་པ་བཞིན་ལྟང་ལྟང་སོང་། ཡང་གཡས་རོ་མ་ནས་སོང༌། སྙིང་གར་བྱོན། ཆོས་གསུམ་ལྡན་དུ་དྲན། ཡང་རོ་མ་ནས་སོང༌། མགྲིན་པར་བྱོན། ཆོས་གསུམ་ལྡན་དུ་དྲན། ཡང་རོ་མ་ནས་སོང༌། རྣ་བ་གཡས་པ་ནས་འོད་ཟེར་གྱི་ཚུལ་དུ་འཕྲོས། འོད་ཟེར་གྱི་སྒོ་ལས་ལྷག་པ་ལྷའི་དཀྱིལ་འཁོར་འཕྲོས། སེམས་ཅན་གྱི་རྒྱུད་ལ་དབང་བཞི་བསྐུར། སེམས་ཅན་རྣམས་ལྷག་པའི་ལྷར་བྱས། གཉིས་འདྲེས་བདུད་རྩིའི་བཅུད་ བདག་རྒྱུད་སྐུ་ལྔར་སྒྱུར་ནུས་པ་ དུ་གྱུར། ཚངས་པའི་སྒོར་ཞུགས། སྤྱི་བོ་ཆོས་གསུམ་ལྡན་དུ་དྲན། མགྲིན་པར་བྱོན། ཉི་མ་སྟོང་གི་གཟི་བརྗིད་དང་ལྡན། སྙིང་གར་འོད་ཁ་དོག་ལྔར་གྱུར། རྩ་དག་པའི་ལམ་ལྟེ་བ་ནས་བྱུང་ནས་ཡུམ་གྱི་མཁར་སྔ་མ་བཞིན་དུ་གནས་སོ། །གཡས་ རྩ་གཡས་རླུང་ཕྱིར་རྒྱུ་དབང་དུ་འདུས་གཟུང་ལྡོག་ནུས་པ་ བཟུང་བའི་རྦ་རླབས་རེངས་པ་རྣམ་པར་ཐར་པའི་སྒོ་མཚན་མ་མེད་པ་ཞེས་བྱ། འབྲས་བུ་དང་པོའོ། །དེ་བཞིན་ཏུ་གཡོན་དུའང་བྱ་སྟེ། འཛིན་པའི་རྦ་རླབས་རེངས་པ། རྣམ་པར་ཐར་པའི་སྒོ་སྨོན་པ་མེད་པ་སྟེ། འབྲས་བུ་གཉིས་པའོ༑ ༑དེ་བཞིན་ཏུ་དབུ་མར་ཡང་བྱ་སྟེ། གཟུང་འཛིན་གཉིས་ཀའི་རྦ་རླབས་ རྩ་དབུ་མ་རླུང་གནས་པ་དབང་ཐོབ་གཟུང་འཛིན་རྟོག་པ་ཕྲ་མོ་ནུབ་པ། རེངས་པ་རྣམ་པར་ཐར་པའི་སྒོ་སྟོང་པ་ཉིད་དེ། འབྲས་བུ་གསུམ་པའོ། །ཐབས་རྒྱུད་དག་པར་བྱ་བ་བསྟན་ཏོ། །དེ་བཞིན་དུ་ཤེས་རབ་ཀྱི་རྒྱུད་ལ་ཡང་བྱ་སྟེ། རྩ་གཡས་གཡོན་གཉིས་ནས་ནི་རྣ་བ་གཉིས་ཀྱི་སྒོར་བྱོན་པ་ཙམ་ལས་ཕྱིར་འཕྲོ་བ་ནི་མེད་དོ། །དབུ་མ་ནས་སོང་སྟེ་ཚངས་པའི་སྒོ་ནས་སྤྲོ་བ་དང་བསྡུ་བ་བྱས་ཀྱང་རུང༌། མ་བྱས་ཀྱང་རུང༌། འདྲ་བར་བཞེད་དོ། །རྦ་རླབས་རེངས་པ་དང༌། རྣམ་ཐར་གསུམ་དང་ཡང་སྦྱར་བ་སྔ་མ་བཞིན་ཤེས་པར་བྱའོ། །དེ་ནས་ཐབས་ཤེས་རབ་ཀྱི་རྒྱུད་སོ་སོར་དག་པའི་ཕྱིར་ཡབ་ཀྱི་དབུ་མ་ནས་ཁམས་དྭངས་མ་དེ་འོད་ཟེར་གྱི་རྣམ་པར་སོང་ནས་གཙུག་ཏོར་མཆོག་ཏུ་ཐིམ། ཡུམ་གྱི་ཡང་དེ་བཞིན་ཏུ་ཐིམ་སྟེ། གཉིས་ཀ་ཡང་སྐུ་ལྔ་ལྷུན་གྱིས་གྲུབ་པར་དྲན་པ་ཙམ་བྱའོ། །ཉམས་གང་དུ་སྐྱེ་བ་ནི་ངེས་པ་མེད་དེ། ཅི་སྐྱེས་བྱུང་རྒྱལ་དུ་བསྐྱང་ངོ༌། །ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་མས་བརྟན་གྱི་དགའ་བ་བཞི་སྟེ། དེ་ཡང་རྒྱུ་མཐུན་ ལྟེ་བར་ པས་ནི་སྐྲ་དཀར་འཇོམས། །རྣམ་པར་སྨིན་པས་ སྙིང་གར་ སྟོབས་སྟེར་བྱེད། །སྐྱེས་བུ་བྱེད་པས་རྣམ་པར་ མགྲིན་པར་ འཕེལ། །དྲི་མ་ སྤྱི་བོར་ མེད་པས་འཆི་མེད་འགྱུར། །ཞེས་བྱ་སྟེ། དང་པོ་ལ་འགྲོ་བ་ཐམས་ཅད་ཀྱི་སྙིང་དུ་སྡུག་ཅིང་ཡིད་དུ་འོང་བར་ ཡོན་ཏན་ འགྱུར། གཉིས་པ་ལ་མངོན་པར་ཤེས་པ་ཅུང་ཟད་འཆར། གསུམ་པ་ལ་འཇིག་རྟེན་གྱི་ཁམས་ཀྱི་རོ་ཐམས་ཅད་ལ་ལོངས་སྤྱོད་ནུས། བཞི་པ་ལ་རྫུ་འཕྲུལ་ཅུང་ཟད་སྟོན་ནོ། །ཡང་དང་པོ་ལ་བདེ་སྟོང་གི་ཏིང་ངེ་འཛིན་ཆུང༌། བདག་རྒྱུ་ལ་བྱ་བ། གཉིས་པ་ལ་ སྣང་བ་ཙམ། འབྲིང༌། གསུམ་པ་ལ་ཆེན་པོ། མྱ་ངན་ལས་འདས་པ་ཙམ། ཅི་རིགས་པ་ལ། བཞི་པ་ལ་ཆེན་པོའི་ཡང་ འཁོར་འདས་ཐམས་ཅད་ལ་ཁྱབ། ཆེན་པོར་འགྱུར་རོ། །གྲུབ་མཐའ་བདེ་སྟོང་རྒྱ་ཆེ་བ་ནི། ས་བཅུ་གསུམ་པའི་ཕྱེད་ལ་འཁོར་འདས་ཐམས་ཅད་བདེ་སྟོང་གཅིག་གི་ངང་དུ་རྟོགས་ཏེ་བླང་དོར་མེད། སྤངས་ཐོབ་མེད་པར་འགྱུར་རོ། །གྲུབ་མཐའ་མ་སྙོགས་ན་འདའ་ཀ་མ་ལམ་ཕྱག་རྒྱ་ཆེན་པོ་ནས་འཕོ་བ་ལ་གསུམ། སྦྱང་བ་དང༌། གོམས་པ། ལས་ལ་སྦྱར་བའོ། །དེ་ལ་སྦྱང་བ་ནི་རླུང་སྦྱང་བ་སྟེ། ཟླ་བ་ གང་ཡང་རུང་བའི་ཉི་མ་དང་པོ་ལ་སྲོག་རྩོལ་གྱི་རླུང་ཁུག་པ་བཅུ་བདུན་ཐུན་བཞིའི་ བལྡབ་ལ་ཅི་ནུས་སུ་ ངེས་པས་བྱ། དེ་བཞིན་ཏུ་ཉི་མ་རེ་རེ་ལ་ཁུག་པ་རེ་རེ་བསྐྱེད་ལ་ཞག་ཉི་ཤུ་རྩ་གཅིག་གི་བར་སྦྱངས་ཏེ། ཉི་མ་ཐ་མ་ལ་སྲོག་རྩོལ་གྱི་རླུང་ཁུག་པ་སུམ་ཅུ་སོ་བདུན་ཏུ་ བར་བསྐྱེད་པ། འགྱུར་རོ། །ཡང་ཉི་མ་དང་པོ་ལ་གཅིག་དབྲི། དབྲི་བ། དེ་བཞིན་དུ་ཉི་མ་རེ་རེ་ལ་རེ་རེ་ཕྲི་བས་ཉི་ཤུ་རྩ་གཅིག་ལ་ཡང་སྔར་གྱི་ཚད་དུ་འགྱུར་རོ། །དེ་ལྟར་ཞག་བཞི་བཅུ་རྩ་གཉིས་སུ་རླུང་སྦྱངས་པས་རྒྱུ་བ་གསལ་བ་ གནས་རྒྱུ་ དང་རྣམ་པ་ ཁ་དོག་སོགས་ ངེས་པ་འབྱུང་ངོ༌། །གོམས་པ་ལ་གཉིས། སྒྲ་ལ་གོམས་པར་བྱ་བ་དང༌༑ ཡི་གེ་ལ་གོམས་པར་བྱ་བའོ། །དང་པོ་ནི། ལུས་ལ་སོགས་པ་གནད་ལ་ཕབ་ལ། ཧིཀ་ཅེས་པ་ཉི་ཤུ་རྩ་གཅིག་གིས་དྲང་ཞིང༌། ཀ་ཧི་ཞེས་པ་ཉི་ཤུ་རྩ་གཅིག་གིས་ངལ་ སྤེལ་བ་ གསོས་ལ། དེ་ལྟར་ཐུན་བཞིའི་ངེས་པས་ཞག་བདུན་དུ་སྦྱང་ངོ༌། །ཡི་གེ་ལ་གོམས་པར་བྱ་བ་ལ་གཉིས། ཕྱི་ཡི་གེ་ལ་གོམས་པར་བྱ་བ་དང༌། ནང་ཡི་གེ་ལ་གོམས་པར་བྱ་བའོ། །དེ་ལ་ཕྱི་ནི་ འོག་ནས་ དངོས་གཞིའི་སྐབས་སུ་འབྱུང་། ནང་གི་འཁོར་ལོ་བཞི་ལ་བརྟེན་པའི་ཙཎྜ་ལཱི་རྒྱས་པ་བཞིན་ཡིན་པ་ལས། འོན་ཀྱང་རྩ་གཡས་གཡོན་གཉིས་སུ་ཨཱ་ལི་བཅུ་དྲུག་ཁ་དོག་དམར་པོ་མགོ་གྱེན་ལ་ལྟ་བ་རེ་རེ་དང༌། ཀཱ་ལི་དཀར་པོ་མགོ་ཐུར་ལ་ལྟ་བ་གཉིས་སྤེལ་མར་བཀོད་པས་རྩ་གཡས་གཉིས་དགག་པ་སྟེ། དེའང་རྩོལ་བའི་དུས་སུ་ཡས་མར་གསལ་གདབ། སྲོག་གི་དུས་སུ་མས་ཡར་གསལ་གདབ་བོ། །དེ་ཡང་ཐུན་བཞིའི་ངེས་པས་ཞག་བདུན་གོམས་པར་བྱའོ། །ལས་ལ་སྦྱར་བ་ལ་བཞི། བདེ་འགྲོ་ལ་སྦྱར། འགྲོ་བ་གཞན་ལ་སྦྱར། གླིང་དང་སྐྱེ་གནས་གཞན་ལ་སྦྱར། ཕྱག་རྒྱ་ཆེན་པོ་ལ་སྦྱར་བ་སྟེ། འདི་ཡིས་ཉམས་སུ་བླང་བའི་རིམ་པ་ནི་བླ་མའི་ཞལ་ལས་ཤེས་པར་བྱའོ། །འབྲས་བུ་ངོ་བོ་ཉིད་ཀྱི་སྐུ་ནི་འབྲས་བུའི་སྐབས་སུ་འཆད་པར་འགྱུར་བས་འདིར་མ་བརྗོད་དོ། །དབང་བཞི་པའི་ལྔའོ། །དེ་ལྟར་གང་ཟག་དབང་པོ་ཐ་མའི་ རྟེན་འབྲེལ་ལྔ་ལུས་ལ་འགྲིག་ དབང་དུ་བྱས་ནས་ལམ་སོགས་ཉི་ཤུས་བསྟན་ཏོ། །མཉམ་གཞག་གི་དམ་ཚིག་གི་ཚོགས་བསྟན་པ་ནི། མཉམ་གཞག་གི་དམ་ཚིག་སྩོགས་བསྲུང་བྱ་བ་སྟེ་ལམ་འབྲིང་པོ། དབང་ ཏིང་ངེ་འཛིན་སྐྱེ་བའི་རྒྱུ་ཡིན་པས་ རེ་རེ་ལ་མཉམ་བཞག་གི་དམ་ཚིག །རྗེས་ ཏིང་ངེ་འཛིན་ཉིད་ཡིན་པས་ སྤྱོད་ཀྱི་ ལྟ་བ། དམ་ཚིག །བཟའ་བའི་ ལུས་སེམས་ལ་ཕན་འདོགས་པས་ དམ་ཚིག །བསྲུང་བའི་ འགལ་རྐྱེན་སྤོང་བ་ དམ་ཚིག །མི་འབྲལ་བའི་ མཐུན་པའི་རྟེན་ལས་ དམ་ཚིག་གོ །དེ་ལ་བུམ་དབང་གི་མཉམ་གཞག་གི་དམ་ཚིག་བསྐྱེད་རིམ། རྗེས་སྤྱོད་ཀྱི་དམ་ཚིག་ངོ་བོ་ཉིད་གསུམ། བཟའ་བའི་དམ་ཚིག་བདུད་རྩི་ལྔ་དང༌ཤ་ལྔའི་རིལ་བུ། བསྲུང་བ་རྩ་བ་དང་ཡན་ལག་གི་དམ་ཚིག་ཉི་ཤུ་རྩ་གཉིས། མི་འབྲལ་བ་རྡོ་རྗེ་དང་དྲིལ་བུའོ། །གསང་དབང་གི་མཉམ་གཞག་གི་དམ་ཚིག་རྩ་རླུང༌། རྗེས་སྤྱོད་ཀྱི་དམ་ཚིག་རང་བྱུང་གི་ཡེ་ཤེས། བཟའ་བའི་དམ་ཚིག་ ཕན་འདོགས་པས་ སྟོང་གསལ། བསྲུང་བ་རང་བྱུང་དང་རླུང་དང་འགལ་བ་ འགལ་བ་སྤོང་བས་ མཐའ་དག །མི་འབྲལ་བ་ མཐུན་པ་བརྟེན་པས་ རླུང་ཞི་དྲག་གང་རུང་ངོ༌། །ཤེས་རབ་ཡེ་ཤེས་ཀྱི་མཉམ་གཞག་གི་དམ་ཚིག་དཀྱིལ་འཁོར་འཁོར་ལོ། རྗེས་སྤྱོད་ལྷན་སྐྱེས། བཟའ་བ་བདེ་བ། བསྲུང་བ་ཐིག་ལེ་འཛག་པ་དྲུག །མི་འབྲལ་བ་དངོས་སམ་ཡེ་ཤེས་ཀྱི་ཕྱག་རྒྱའོ། །དབང་བཞི་པའི་མཉམ་གཞག་རྦ་རླབས་གསུམ། རྗེས་སྤྱོད་ཤིན་ཏུ་རྣམ་པར་དག་པའི་དེ་ཁོ་ན་ཉིད། བཟའ་བ་བདེ་ཆེན་བདེ་སྟོང༌། བསྲུང་བ་སྒྲིབ་པ་གཉིས་ལས་ཀྱང་ཤེས་བྱའི་སྒྲིབ་པ། ལས་དང་པོ་པས་གོམས་དགོས་པས། མི་འབྲལ་བ་པདྨོ་ཅན་དངོས་སམ་ཡེ་ཤེས་ཀྱི་ཕྱག་རྒྱའོ། །དེ་དག་མི་ཉམས་པར་བསྲུང་བའི་ཚུལ་ནི་བཞི་སྟེ། ཚུལ་ཇི་ལྟ་བ་བཞིན་དུ་རྒྱུད་ལ་སྐྱེས་པས་མི་ཉམས་པར་བསྲུང་བ་དང༌། རྣམ་གྲངས་རྗེས་སུ་དྲན་པས་མི་ཉམས་པར་བསྲུང་བ་དང༌། ཉམས་སུ་མྱོང་བ་གཅིག་ འདི་ལ་གནད་ཐམས་ཅད་ཚང་བས་ སྐྱེས་པས་མི་ཉམས་པར་བསྲུང་བ་དང༌། བླ་མ་དམ་པ་ལ་ ལམ་ཟབ་མོ་བླ་མ་ཡིན་པས་ གུས་པ་ཁྱད་པར་ཅན་གྱིས་མི་ཉམས་པར་བསྲུང་བའོ། །ཉམས་པ་ལ་ཡང་གཉིས་ཏེ། སྲིད་པའི་སྡུག་བསྔལ་འདྲེན་པའི་དམ་ཚིག་ཉམས་པ་དང༌། ལམ་བགྲོད་པ་ལས་རིང་དུ་འགོར་བའི་དམ་ཚིག་ཉམས་པའོ། །དེ་ལ་དང་པོ་ནི། ཐོག་མར་དམ་བཅས་པ་བུམ་དབང་གི་བསྲུང་བའི་དམ་ཚིག་རྩ་ལྟུང་བཅུ་བཞི་ལ་སོགས་པའོ། །གཉིས་པ་ནི། དམ་ཚིག་ལྷག་མ་རྣམས་ཉམས་པས་ལམ་བགྲོད་པ་ལས་རིང་དུ་འགོར་ཞིང་དངོས་གྲུབ་རིང་དུ་འགོར་བ་ ཏིང་ངེ་འཛིན་གྱི་རྒྱུ་དང༌། ཏིང་ངེ་འཛིན་ཉིད་ལ་སོགས་པ་སྤངས་པས། ཡིན་པས་དམ་ཚིག་ཉམས་ཞེས་བྱའོ། །སྐོང་བའི་ཐབས་ནི། རྡོ་རྗེ་མཁའ་འགྲོ་སོགས་ཀྱི་ཉམས་ཆག་བསྐང་ཞེས་སྨོས་ཏེ། རྡོ་རྗེ་མཁའ་འགྲོ་ནི་བླ་མ། ཡེ་ཤེས་མཁའ་འགྲོ་ནི་ལོངས་སྐུ། མ་མོ་མཁའ་འགྲོ་ནི་སྤྲུལ་སྐུ༑ ཤ་ཟ་མཁའ་འགྲོ་ནི་དུར་ཁྲོད་ཀྱི་བདག་པོ་ལ་སོགས་པ། དམ་ཚིག་ གཅིག་པས་ གི་མཁའ་འགྲོ་ནི་རྡོ་རྗེ་སྤུན་གྲོགས་སོ། །དེ་ཉམས་ན་མཁའ་འགྲོ་ལྔའི་ཉམས་ཆག་བསྐང་བ་ནི། དམ་ཚིག་ཐམས་ཅད་ཉམས་ན་རྡོ་རྗེ་མཁའ་འགྲོའི་ཐུགས་དམ་བསྐང་སྟེ། འོག་ཏུ་སྦྱར་ལ། འདོད་ཡོན་སྩོགས་ལྔས་མཉེས་པ་སྩོགས་བྱ་ཞེས་སྨོས་ཏེ། ཕྱི་འདོད་པའི་ལོངས་སྤྱོད་ལྔ་རྫས་དང་ལོངས་སྤྱོད་ལ་སོགས་པ་དང༌། ནང་འདོད་པའི་ལོངས་སྤྱོད་ལྔ་རིག་མ་ཁྱད་པར་ཅན་རྒྱན་གྱིས་བརྒྱན་ལ་དབུལ་བའོ། །མཉམ་གཞག་གི་དམ་ཚིག་ཉམས་ན་ཡེ་ཤེས་མཁའ་འགྲོ་མཉེས་དགོས་ལ། དེ་ལ་ལྟ་བ་ སེམས་གནས་པས་ ཚད་དུ་བསྐྱལ། རྗེས་སྤྱོད་ཀྱི་དམ་ཚིག་ཉམས་ན་མ་མོ་མཁའ་འགྲོ་མཉེས་དགོས་ཏེ། དེ་ལ་སྒོམ་པ་ཚད་དུ་བསྐྱལ། དམ་ཚིག་ལྷག་མ་གསུམ་ཉམས་ན་ཤ་ཟ་མཁའ་འགྲོ་དང་དམ་ཚིག་མཁའ་འགྲོ་མཉེས་དགོས་ཏེ། དེ་ལ་ཤ་ཁྲག་གི་གཏོར་མ་དང་ཚོགས་ཀྱི་ལོངས་སྤྱོད་ཀྱིས་སོ། །དེ་དག་གིས་ལམ་འབྲིང་པོའི་ཡན་ལག་གི་དམ་ཚིག་ཉི་ཤུ་ཉམས་ན་ཉམས་ཆག་བསྐང་བ་བསྟན་ཏོ། །ད་ནི་ཐབས་རྒྱུད་ཀྱི་གཙོ་བོ་དབྱིབས་དང་འབྲེལ་བ་ལམ་ དབང་གི་ལམ་སོགས་ཡིན་པས་ གྱི་དབང་བཞི་བསྟན་པའི་ཕྱིར། ལམ་གྱི་ཐུན་བཞི་ལ་དབང་བཞི་བསྒོམ་པས་ཞེས་སྨོས་ཏེ། དབང་རྒྱས་བསྡུས་ལ་སོགས་པ་བླང་བ་ནི་བླ་མའི་ཞལ་ལས་ཤེས་པར་བྱའོ། །ལུས་ལ་བརྟེན་ནས་ཞེས་བྱ་བ་རྒྱུ་དུས་ཀྱི་དབང་ཡང་ལུས་ལས་ཐོབ། ལམ་དུས་ཀྱི་དབང་ཡང་ལུས་ལས་ལེན། རྟེན་འབྲེལ་ལྔ་ཡང་ལུས་ལ་འགྲིགས། ས་ལམ་ཡང་ལུས་ལ་བགྲོད། སྤང་བྱ་ཡང་ལུས་ལ་སྤོང་བས་དེ་སྐད་ཅེས་བྱའོ། །བདེ་ཆེན་གྱི་སྒྲིབ་པ་ནི། སྤྱིར་ཉམས་སྐྱོན་ཅན་བརྒྱད། ཤེས་བྱའི་སྒྲིབ་པ་ཡིན་ལ། སྐྱོན་མེད་ལས་ཀྱང་ཡུལ་སྣང་སྟོང་ཟུང་འཇུག་དང༌། ཤེས་པ་གསལ་སྟོང་ཟུང་འཇུག་དང༌། ལུས་བདེ་སྟོང་ཟུང་འཇུག་དང་གསུམ་ཡང་བདེ་སྟོང་ བཞི་པའི་ལྟ་བ་སྐྱོན་མེད་ཀྱིས་ མཆོག་གི་རོ་གཅིག་པའི་ཚུལ་དུ་འགགས་པར་བྱེད་དོ། །འཚང་རྒྱ་བར་གསལ་བ་ནི་ལུས་ལ་རྟེན་འབྲེལ་འགྲིག་པ་ཉིད་ཀྱི་འབྲས་བུ་སྐུ་བཞིའམ་ལྔ་འགྲུབ་པར་གསལ་བའོ། །བཤད་རྒྱུད་ཅེས་བྱ་བ་རྟོགས་པར་བྱ་རྒྱུ་རྩ་བ་སེམས་ཏེ། རྟོགས་བྱེད་ལུས་ལ་རྟེན་འབྲེལ་འགྲིག་པས་རྟོགས་ཤིང་ཁོང་དུ་ཆུད་པའི་ཕྱིར་བཤད་རྒྱུད་དོ། །དེ་ཡན་ཆད་ཀྱིས་ལུས་ཐབས་རྒྱུད་བསྟན་ཏོ། །ད་ནི་ཕྱག་རྒྱ་ཆེན་པོ་འབྲས་བུའི་རྒྱུད་ནི། འབྲས་བུ་དབང་བཞིས་ཐམས་ཅད་མཁྱེན་ཏོ། །ཞེས་སྨོས་ཏེ། ཕྱག་རྒྱ་ལ་བརྟེན་པའི་དངོས་གྲུབ་ཡིན་པའི་ཕྱག་རྒྱའི་དངོས་གྲུབ་བམ། རིག་མའི་སྐྱེས་བུ་ཞེས་ཀྱང་བྱ་ལ། འདི་ཡི་གོང་ན་གཞན་མེད་པས་ཆེན་པོ་མཆོག་གོ །དེ་འགྲུབ་པའི་ཉེ་རྒྱུའི་རྒྱུ་མཐར་ཕྱིན་པའི་ལམ་ནི། འབྲས་བུའི་དབང་བཞི་ཞེས་ཀྱང་བྱ་སྟེ། བུམ་དབང་ དབུ་མར་ རྩའི་འགྲོས། གསང་དབང་ ཁ་དོག་དབྱིབས་སྟོབས་གསུམ་ཐིམ་པས། ཡི་གེའི་འགྲོས། ཤེས་རབ་ ཁམས་དྭངས་མ་ ཡེ་ཤེས་བདུད་རྩིའི་འགྲོས། དབང་བཞི་པ་ ཡེ་ཤེས་ཀྱི་རླུང་ལྔ་ རླུང་གི་འགྲོས་སོ། །དེ་སྒྲུབ་པའི་འབྲས་བུ་ནི་ཐམས་ཅད་མཁྱེན་ཏོ། །ཞེས་བྱ་བ། སྐུ་ཐམས་ཅད་ སྤྲུལ་སྐུ་ མཁྱེན་ཏོ། །གསུང་ཐམས་ཅད་ ལོངས་སྐུ་ མཁྱེན་ཏོ། །ཐུགས་ཐམས་ཅད་ ཆོས་སྐུ་ མཁྱེན་ཏོ། །སྐུ་ དང་ གསུང་ དང་ ཐུགས་ ངོ་བོ་ཉིད་ཀྱི་སྐུ་ ཐམས་ཅད་མཁྱེན་ཏོ། །ཞེས་བྱ་བ་སྐུ་བཞི་དང༌། སྐུ་ལྔའི་དངོས་གྲུབ་སྟེ། དེ་ལྟར་ན་དེ་ཡན་ཆད་ཀྱིས་རྒྱུད་གསུམ་དུ་བསྟན་པའི་ལམ་བསྟན་ཏོ། །ད་ནི་ཡིད་ཆེས་ཁྱད་པར་ཅན་བསྐྱེད་པས་ལམ་མྱུར་དུ་བགྲོད་པའི་ཕྱིར་ཚད་མ་བཞིར་བསྟན་པའི་ལམ་ལ། ཚད་མ་བཞིས་འབྲས་བུ་གཏན་ལ་ཕབ་ནས་ཞེས་སྨོས་ཏེ། བདེ་བར་གཤེགས་པའི་བཀའ་ཡང་དག་ལུང་ བརྟག་པ་གཉིས་པ་སོགས། གི་ཚད་མ། བླ་མ་རང་གི་བླ་མ་རྡོ་རྗེ་སློབ་དཔོན་གྱི་ཉམས་ཀྱི་མན་ངག་ཚད་མ། རྣལ་འབྱོར་པ་བདག་ཉིད་ཉམས་མྱོང་ སེམས་ཉམས་སོགས། རྗེས་སུ་དྲན་པའི་ཚད་མ། དངོས་པོའི་མཐའ་རྟེན་ཅིང་འབྲེལ་ རྟེན་ཅིང་འབྲེལ་བར་འབྱུང་བ་ཉམས་ཀྱི་གདམས་ངག །བར་འབྱུང་བ་ལོ་རྒྱུས་ཀྱི་ཚད་མའོ། །ཚད་མ་བཞིས་འབྲས་བུ་གཏན་ལ་ཕབ་ནས་ཞེས་བྱ་བ་ནི་མཚོན་པ་ཙམ་སྟེ། ཚད་མ་བཞིས་འབྲས་བུ་གཏན་ལ་ཕབ་ནས་ལམ་ལྔ་གཏན་ལ་ཕབ་ནས། རྒྱུ་འཁོར་བ་ཐམས་ཅད་གཏན་ལ་ཕབ་ནས། ཞེས་ཤེས་པར་བྱའོ། །ད་ནི་ཏིང་ངེ་འཛིན་མྱུར་དུ་སྐྱེས་པ་ལ་སོགས་པའི་ཕྱིར་གདམས་ངག་ བར་ཆད་མྱུར་དུ་སེལ་ དྲུག་ཏུ་བསྟན་པའི་ལམ་ལས། འགལ་འདུས་སྐྱོན་མེད་སྩོགས་གསུམ་གྱིས་བསམ་གཏན་གྱི་དུག་དབྱུང་ཞེས་བྱ་བ་ལ་སོགས་པ་སྨོས་ཏེ། བསམ་གཏན་གྱི་དུག་དབྱུང༌། བདུད་རྩི་བརྟེན། ལ་དོར་གསུམ། ལྟ་བའི་དུག་དབྱུང༌། བདུད་རྩི་བརྟེན། ལ་དོར་གསུམ་སྟེ་དྲུག་གོ །དེ་ལ་གཞུང་ལས་ནི། བསམ་གཏན་གྱི་གསུམ་དང་ལ་དོར་གསུངས་པ། མངོན་པར་རྟོགས་པ་ལ་ནི་ལྟ་བའི་གསུམ་དང་ལ་དོར་འབྱུང་སྟེ། འཁྲུགས་ཀྱི་ཚུལ་དུ་བྱས་ལ། འཇུག་པ་སེལ་བའི་ལམ་ཡིད་འདག་པའི་རྣམ་རྟོག་བསྒོམ་པས་ལྟ་བའི་དུག་དབྱུང་ཞེས་སྨོས་ཏེ། དེ་ལ་སྤྱིར་ལྟ་བ་ནི་གཉིས་ཏེ། རྟོགས་པ་ཙམ་ལ་ལྟ་བར་བཞག་པ་དང༌། ཉམས་མྱོང་གི་ཏིང་ངེ་འཛིན་ལ་ལྟ་བར་བཞག་པའོ། །དེ་ལ་དང་པོ་ནི། ཐོས་བསམ་ འདི་ལ་རིག་པའི་དུག་འབྱིན་ གྱི་སྒྲོ་འདོགས་ཆོད་པའི་ལྟ་བ། སོ་སོའི་གཞུང་ལུགས་ལ་ སོགས་པས། ཞེ་འདོད་ཀྱི་ལྟ་བ། མོས་པའམ་གོ་ཡུལ་དུ་ དེ་ཉིད་ལ་ཞེན་ཅིང་མོས་པ་ བྱེད་པའི་ལྟ་བ། ཕ་རོལ་ཏུ་ཕྱིན་པའི་ཐེག་པ་ རྡོ་རྗེ་ཐེག་པ་ལ་ཁྱད་པར་དུ་མྱུར་བར་བྱ་ དང་མཉམ་པའི་ལྟ་བ། དེ་ཁོ་ན་ཉིད་ དུས་ཐམས་ཅད་ཞེན་ཅིང་མི་འབྲལ་བས་ རྒྱ་མཚོའི་དོན་དང་མ་བྲལ་བའི་ལྟ་བ་སྟེ། དེ་ལྟ་བུའི་ལྟ་བ་རྟོགས་སུ་ཟིན་ཀྱང་རྣམ་རྟོག་རྒྱུན་ བཙལ་བའི་དུག་ཅེས་ཀྱང་བྱ་ ཆགས་ སེམས་ཙམ་ ཀྱི་དུག །ཞི་བར་མ་ནུས་པས་ཟག་པ་མེད་པའི་ལམ་དུ་མི་འགྱུར་ཞིང་བདེན་པ་མཐོང་བར་མི་འགྱུར་ཏེ། རོ་བརྒྱ་དང་ལྡན་པའི་ཟས་ཀྱང་དུག་དང་བཅས་ན་ཕན་མི་ཐོགས་པ་བཞིན་ནོ། །དེ་ལ་དུག་དེ་འབྱིན་པ་ནི། འཇུག་པ་སེལ་བའི་ལམ་ཞེས་བྱ་བ་ལ་སོགས་པ་སྨོས་ཏེ། དེ་ཡང་དང་པོ་བསམ་གཏན་གྱི་ཡན་ལག་ཚང་བར་བྱས་ལ། སྲོག་རྩོལ་གྱི་རླུང་ ཕྱིར་རྒྱུ་བ་ལ་ཕྱིར་རྒྱུ་ཞེས་པ་ལ་སོགས་པས་ ལྟ་བུ་གཅིག་ལ་རླུང་དང་སེམས་རྗེས་སུ་མཐུན་པར་བསྒོམ་པས། དེ་ཉིད་ལ་བློ་གནས་ན་འཇུག་པ་སེལ་བའི་ལམ། མིང་གི་རྣམ་གྲངས་ཡིད་འདག་པའི་རྣམ་རྟོག་ཅེས་ཀྱང་བྱའོ། །དེ་ཉིད་ཚུལ་བཞིན་ རྗེས་སུ་མཐུན་པའི་བསྒོམས་ ཡིད་ལ་བྱེད་པ་ཞེས་ཀྱང་བྱའོ། །དེས་ཀྱང་གཏོང་ན་ཆགས་པ་བཅད་པའི་ལམ་ཞེས་ཀྱང་བྱ། གཞན་དུ་བ་ལ་སོགས་པ་ཅིག་ལ་བློ་གནས་ན་ བྱང་ཆུབ་ཆེན་པོའི་ལམ་ ཡུལ་སྣང་སྟོང་ཟུང་འཇུག་ཡིན་པས་ ཞེས་བྱ་བར་བསལ་ལོ། །འདི་དག་རིམ་པ་ཡིན་མིན་དུ་སྐྱེ་བས་ཏིང་ངེ་འཛིན་ངོ་ཤེས་པར་བྱས་ལ་བྱུང་རྒྱལ་དུ་བསྐྱང་ངོ༌། །དེས་ལྟ་བའི་དུག་ཐོན་པར་མ་གྱུར་ན་སྐོམ་པ་ཆུ་སྙོགས་པ་བཞིན་ཤེས་པ་ཡུལ་འདོད་པ་ཡིན་པས་ཡུལ་གྱི་བདུད་རྩི་བརྟེན་པར་བྱ་སྟེ། རྣམ་ཤེས་ལྔ་ཡུལ་ལྔ་མ་སྤངས་པས་བདུད་རྩི་ མེ་འབར་བ་ལ་ཤིང་བསྣན་པ་དང་འདྲ་ བརྟེན་ཞེས་བྱ་བ་མིག་ངོ་མཚར་གྱི་ལྟད་མོ་སྣ་ཚོགས་ལྟ་བ་ནས་བཟུང་ནས་རེག་བྱའི་བར་དུ་བརྟེན་པས་ཤེས་པ་ཡུལ་གྱིས་ཚིམས་ནས་ཡུལ་དེ་ཉིད་སྟེང་དུ་གནས་ཏེ། སྔར་སེམས་མ་གནས་པ་ལ་ནི་རྣམ་རྟོག་སྔོན་ཏུ་སོང་བའི་དྲོད་དུ་འགྱུར་ལ། སེམས་གནས་པ་ལ་ནི་ཡུལ་སྣ་ཚོགས་ཀྱི་བདུད་རྩི་བརྟེན་པ་བྱ་བ་བོགས་འབྱིན་བརྒྱད་ལས་གཅིག་ཏུ་འགྱུར་རོ། །དེ་ལ་ཡུལ་བདུད་རྩིར་འགྱུར་ན་སེམས་ཅན་ཐམས་ཅད་ཀྱིས་ཀྱང་ཡུལ་བརྟེན་པས་ཐམས་ཅད་ཀྱང་ཏིང་ངེ་འཛིན་དང་ལྡན་པར་འགྱུར་རམ་སྙམ་པ་ལ་མ་ཡིན་ཏེ། དག་པའི་ཆོས་རྣམས་གདོད་ནས་སྟོང་པར་ཤར་བས་ལ་དོར་ཞེས་སྨོས་སོ། །དེ་ལ་དོན་ནི་འདི་ཡིན་ཏེ། ཡུལ་རྣམས་ནི་གདོད་ནས་སྐྱེ་མེད་སྟོང་པ་ཡིན་ཞིང་རྣམ་ཐར་སྒོ་གསུམ་གྱི་རང་བཞིན་ཡིན་པས་འཆིང་བ་དང་གྲོལ་བ་གཉིས་ཀའི་རྒྱུ་མ་ཡིན་ལ། སྐྱེ་མེད་སྟོང་པ་ཁོ་ནར་ལ་དོར་ཞིང་འཆིང་བ་དང་གྲོལ་བ་ནི་ཐབས་ལ་མཁས་པ་ལ་རགས་ལས་པ་ཡིན་ཏེ། བྱུང་རྒྱལ་གྱི་གནད་ཤེས་ན་རྣམ་རྟོག་སྔོན་ཏུ་ སོང་བའི་དྲོད་དུ་འགྱུར་ལ། མ་ཤེས་ན་རྣམ་རྟོག་རྒྱུན་མའམ། རྣམ་རྟོག་རྐུན་བུ་སྒོམ་པའི་བདུད་ཅེས་བྱ་བར་འགྱུར་ཏེ་ཐ་མལ་རྣམ་རྟོག་ཏུ་འགྱུར་རོ། །དེ་བས་ན་ཐབས་ལ་མཁས་པ་ན་རག་ལས་པར་ཤེས་པར་བྱ་ཞིང་ཡུལ་སྐྱེ་མེད་སྟོང་པར་ལ་དོར་རོ། །ལྟ་བའི་གསུམ་བསྟན་ཏོ། །ད་ནི་བསམ་གཏན་གྱི་གསུམ་ལས། འགལ་འདུས་སྐྱོན་མེད་སྩོགས་གསུམ་གྱིས་བསམ་གཏན་གྱི་དུག་དབྱུང་ཞེས་སྨོས་ཏེ། དེ་ལྟར་ལྟ་བའི་དུག་ཐོན་ཀྱང་བསམ་གཏན་གྱི་དུག་ཤེས་བྱའི་སྒྲིབ་པ་ཉམས་སྐྱོན་ཅན་བརྒྱད་བྱུང་ན་སྐྱོན་མེད་གསུམ་གྱི་དུག་ཐོན་པར་འགྱུར་རོ། །དེ་ལ་དོན་ནི་འདི་ཡིན་ཏེ། ངོ་བོ་ཉིད་ལས་སྣང་ཕྱོགས་ ཡིན་ཏིང་ངེ་འཛིན་ཡིན་ཡང༌ སྟོང་ཕྱོགས་གཉིས་སྐྱོན་ཅན་ཡིན་ཏེ། སྒྲོ་སྐུར་གྱིས་བསྡུས་པའོ། །རང་བྱུང་ལ་ཉོན་མོངས། རྣམ་རྟོག །སྣྲེལ་ཞི་དང་གསུམ་སྐྱོན་ཅན་ཏེ། བྱིང་རྒོད་ཀྱིས་བསྡུས་པ་དང༌། དེ་ཉིད་ཀྱིས་ ཉོན་མོངས་པ་རྟོགས་པའོ། །སྤང་བྱའི་གཉེན་པོར་མི་འགྱུར་བ་དང༌། ཐ་མལ་པའི་ཉོན་མོངས་པ་ལ་སོགས་པ་དང་ཁྱད་པར་དབྱེ་བ་ ཉམས་འདྲ་བར་སྐྱེ་བས་ས་ དཀའ་བས་སོ། །ལྷན་སྐྱེས་དང་ཤིན་ཏུ་རྣམ་དག་ལ་དགའ་བ་དང་པོ་གསུམ་སྐྱོན་ཅན་ཏེ། སྲེད་པས་ ཁམས་གསུམ་གྱི་ལམ་མམ་རྒྱུར་འགྲོ་བས། ལུས་ལ་དང་པོ་དགའ་བར་འགྲོ་བའི་གཟུགས་ལ་སོགས་པས་ བསྡུས་པས་སོ། །དུག་བརྒྱད་པོ་དེ་འབྱིན་པ་ནི་སྐྱོན་མེད་གསུམ་སྟེ། ངོ་བོ་ཉིད་ལ་ཟུང་འཇུག་འགལ་འདུས་སྐྱོན་མེད་དེ། རང་བྱུང་ཡེ་ཤེས་ཆེན་པོ་གསལ་སྟོང་འགལ་འདུས་སྐྱོན་ མེད་ལྷན་སྐྱེས་དང་ཤིན་ཏུ་རྣམ་དག་ལ་ལྷན་ཅིག་སྐྱེས་པའི་དགའ་བདེ་སྟོང་འགལ་འདུས་སྐྱོན་མེད་དོ། །སྐྱོན་ཅན་བརྒྱད་ཀྱང་ཏིང་ངེ་འཛིན་དུ་ཤེས་པར་བྱས་ལ་བྱུང་རྒྱལ་གྱི་གནད་ཀྱིས་ ལམ་དུ་གྱུར་པས་བརྒྱད་པོ་ཡོངས་འདྲ། སྐྱོན་མེད་གསུམ་སྐྱེ་སྟེ་དུག་དེ་ཐོན་པར་འགྱུར་རོ། །སྐྱོན་མེད་གསུམ་མ་སྐྱེས་ན་ནི་སྐྱེས་པའི་ཐབས་བླ་མའི་ཞལ་ལས་ཤེས་པར་བྱའོ། །དེ་ལྟར་སྐྱོན་མེད་མ་སྐྱེས་སམ། སྐྱོན་ཅན་ཉིད་ཀྱང་མ་སྐྱེས་པའི་ཚེ་བདུད་རྩི་བརྟེན་པར་བྱ་སྟེ༑ དེ་ལ་ཚུལ་བདུན་དུ་གནས་ཀྱང་གསུམ་དུ་བསྡུ་ན། ཏིང་ངེ་འཛིན་མ་སྐྱེས་པ་སྐྱེད་པར་བྱེད་པའི་བདུད་རྩི་ལྔ། སྐྱེས་པ་བོགས་འབྱིན་པར་བྱེད་པ་དང༌། སྐྱོན་སེལ་བར་བྱེད་པ་རེ་རེ་ བསྟན་པ་ སྟེ་བདུན་ནོ། །དེ་ལ་ དེ་རེ་རེ་ནས་བཤད་ན། དང་པོ་ཟས་ནི། སྤང་བར་བྱ་བ་ལ། ཧ་ཅང་ལན་ཚ་ཆེས་པ་དང༌། རི་སྒོག །ཆང༌། ཚ་སྐྱུར། ཤ་རུལ་སུམ། རྩུབ་པའི་ཟས་རྣམས་སྤང་བར་བྱའོ། །བསྟེན་པར་བྱ་བ་ལ་བདུད་རྩིའི་རྒྱུན་སྦྱོར་ཞེས་བྱ་བ་ལྡུམ་སྒོག་ཅུང་ཟད་བརྟེན། ཨ་རུ་ར་འོ་མར་སྦངས་པ་རྒྱུན་དུ་མུར། ཆུ་དང་མར་བཙོ་བའི་མན་ངག །འབྲས་བུ་གསུམ་དང་སྦྲང་རྩི། དྲི་ཆེན་དང་སྦྲང་རྩི། དེ་རྣམས་ཀྱིས་བྱང་ཆུབ་ཀྱི་སེམས་བསྒྲུབ་པའི་རིམ་གྲོར་གྱུར་ནས་བདུད་རྩི་མཆོག་ཏུ་འགྱུར་རོ། །སྤྱོད་ལམ་ལ་སྤང་བར་བྱ་བ་ལ། མེ་དང་ཉི་མ་དུབ་པ། རྔུལ་ཐོན་པ་དེ་རྣམས་སྤང་བར་བྱའོ། །བརྟེན་པར་བྱ་བ་ནི། དལ་བ་དང་བག་ཡངས་ཀྱི་བདུད་རྩི་ཁོ་ནའོ། །རླུང་གི་མན་ངག་རྣམ་པ་བདུན་གང་ཡང་རུང་བ་ འོག་ནས་བསྟན་ནོ། །ཅིག་བྱའོ། །ཐིག་ལེ་ནི། ཐིག་ལེའི་རྣལ་འབྱོར་རྣམ་པ་བཞི་གང་རུང་གཅིག་གི་བསམ་གཏན་མཆོག་ཏུ་ སྔར་ཙཎྜ་ལཱིའི་སྐབས་སུ། འགྱུར་རོ། །ཕྱག་རྒྱ་མ་བརྟེན་པ་ནི། དབང་གསུམ་པའི་ལམ་བཞིན་ཏེ། དེ་དག་གིས་ཏིང་ངེ་འཛིན་མ་སྐྱེས་པ་བསྐྱེད་པར་ བོགས་འབྱིན་དུ་ཡང་འགྱུར། འགྱུར་རོ། །དྭངས་མ་ལྔའི་ བདུད་རྩི་ལྔ་ བདེ་བ་ཞེས་བྱ་བ་ནི་ཁོགས་འབྱིན་པར་བྱེད་པ་སྟེ། བདེ་བ་གང་དུ་སྐྱེས་པ་དེ་ལུས་ཐམས་ཅད་ལ་ཁྱབ་པར་འདོད་དམ། སྣང་བ་ཐམས་ཅད་ལ་ཡང་བདེ་བས་ཁྱབ་པར་འདོད་ན་རྩོལ་བ་ གཡས་ བཀག་སྟེ། སྲོག་ནས་ རན་པར་ གཏོང་ཞིང་ཅུང་ཞིག་ མིག་སྟེང་དུ་ ལྟ་བའི་འགྱུར་བས་གོམས་པར་བྱའོ། །དབང་པོ་ལྔ་ཉམས་དང་མ་བྲལ་བ་ནི་སྐྱོན་ མིག་མི་གསལ་བ་ལ་སོགས་ སེལ་བར་བྱེད་པ་ཡིན་ཏེ། གང་དང་གང་དུ་བདེ་བ་སྐྱེས་པ་དེ་རང་ལ་ཅུང་ཞིག་ཤེས་པ་གཏད་ལ། དེ་དག་འདྲེན་པ་ཞི་དྲག་གང་རུང་གིས་དབང་པོའི་སྒོར་འཕང་བར་བྱའོ། །ལྔ་པ་ཉམས་དང་བྲལ་བ་ནི་སྐྱོན་སེལ་བར་བྱེད་དོ། །དེས་ལུས་ལ་བདེ་བ་དང་ཏིང་ངེ་འཛིན་སྐྱེ་ཞིང་སྐྱོན་རྣམས་ དབང་པོ་མི་གསལ་བ་ལ་སོགས་པ་ སེལ་བར་བྱེད་དོ། །དེ་ལྟར་བདུད་རྩི་བརྟེན་པས་ཏིང་ངེ་འཛིན་སྐྱེས་པས་ན་སླར་རྩ་ རླུང་གི་ཟུག་འབྱུང་བས་ལ་དོར་བ་བསྟན། དེ་ལ་གསུམ། རྩ་དེ་ཉིད་ཀྱི་གནས་སུ་ལ་དོར། རླུང་རྔན་དགས་བྱིན་ཏེ་ལ་དོར། སེམས་ཉམས་ཀྱི་དྲོད་བྱུང་རྒྱལ་གྱིས་ལ་དོར་རོ། །དེ་ལ་ཕྱི་མ་གཉིས་ནི་ རླུང་གི་མན་ངག་བདུན་ཅུའི་སྐབས་དང༌། རེ་དོགས་དང་བྲལ་བའི་སྐབས་སུ་ཟུང་། འོག་ནས་འབྱུང༌། རྩ་ལ་དོར་ལ་གཉིས། འཁོར་བའི་རྩ་ལ་དོར་བ་དང༌། མྱ་ངན་ལས་འདས་པའི་རྩ་ལ་དོར་བའོ། །དང་པོ་ལ་སྤྱིར་རྩའི་རིགས་དྲུག་སྟེ། དྲུ་གུ་དྲིལ་བ་ རྩ་སྙིང་གར་ ལྟ་བུ། ཐག་པ་ ལྟེ་བ། བརྒྱངས་པ་ལྟ་བུ། སྦྲུལ་ མགྲིན་པར་ གཅུས་པ་ལྟ་བུ། གདུགས་ སྤྱི་བོར་ ཕུབ་པ་ལྟ་བུ། ལྗོན་ཤིང་གྱེས་པ་ ལུས་ཐམས་ཅད་ ལྟ་བུ། སྐྲ་ཤད་འཛིང་པ་ སོར་ཚིགས་ཐམས་ཅད་ལ་ ལྟ་བུ་གནས་ཏེ། དེ་དང་དེ་ལ་དོར་ ན་སར་གཏང་བ་ བར་བྱའོ། ། དེ་ལ་འཁོར་བའི་རྩ་བཞི་ནི། རོ་རྐྱང་གཉིས་ཏེ། ལྟེ་བ་ཡན་ཆད་ནས་ལུས་ཀྱི་གཡས་གཡོན་གཉིས་ལ་བརྟེན་ནས་གནས་ཏེ། ལྟེ་བ་མན་ཆད་ནས་བཞིར་ཕྱེ་སྟེ་གཡས་གཡོན་གཉིས་ལ་མདུན་རྒྱབ་གཉིས་ཏེ་བཞིར་གནས་པར་བཞེད་དོ། །དེ་ཡང་གཡས་ན་སིཧླ་ རླུང་དང་བཅས་པའི་སྟེང་ འཕེན་ཅིང་འཛིན་པར་བྱེད་པའི་རྩ། གཡོན་ན་ག་བུར་འཕེན་ཅིང་འཛིན་པར་བྱེད་པའི་རྩ། མདུན་ན་གླ་རྩི་འཕེན་ཅིང་འཛིན་པར་བྱེད་པའི་རྩ། རྒྱབ་ན་གཞི་མཉམ་འཕེན་ཅིང་འཛིན་པར་བྱེད་པའི་རྩ་སྟེ། དེ་དག་ཀྱང་ལས་ཀྱིས་བསྐྱེད་པའི་ རེ་ས་ཅན་ ལུས་དང་སེམས་གཟུང་འཛིན་དང་བཅས་པར་བསྐྱེད་པས་འཁོར་བའི་རྩ་ཞེས་བྱའོ། །འཁོར་ལོ་རྣམས་དང་ཞེས་བྱ་བ་ལ། བྱང་ཆུབ་ཀྱི་སེམས་མི་གཡོ་བའི་འཁོར་ལོ་ མཛོད་སྤུ་ན་ཕའི་ཟླ་བ། གསང་གནས་མའི་སིཧླ་ གཉིས། གཡོ་བའི་འཁོར་ལོ་བཞི་སྟེ་ སྤྱི་བོ་སོགས་ དྲུག །གཞན་ཚིགས་ཆེན་བཅུ་གཉིས་ཀྱི་འཁོར་ལོ་ ནད་འདུ་བ་བཞི་བསྐྱེད་པའི་རྩ་འདབ་སུམ་ཅུ་རྩ་གཉིས་པོ་དེ་ བཅུ་གཉིས་ཏེ། དེ་ལྟར་བཅོ་བརྒྱད་དུ་གནས་ལ། ཡང་ཟུག་བྱུང་ན་དེ་དང་དེར་ལ་དོར་བར་བྱའོ། །གཞན་རྣམས་ནི་སུམ་ཅུ་རྩ་གཉིས་གཞན་རྣམས་དང༌། རྩ་ཕྲན་ སྟོང་ཕྲག་བདུན་ཅུ་རྩ་གཉིས་ལ་སོགས་པ་ གཞན་རྣམས་ཏེ། ཟུག་བྱུང་ན་དེ་དང་དེའི་གནས་སུའང་ལ་དོར་བར་བྱའོ། །དེ་ནི་མྱ་ངན་ལས་འདས་པའི་རྩ་ལ་དོར་བ་སྟེ། རྩ་དབུ་མར་རླུང་སེམས་དྭངས་ན་དོག་པར་འགྱུར་བའི་མདུད་པ་སུམ་ཅུ་རྩ་གཉིས་ཡོད་པ་ལས། ས་དང་པོ་རབ་ཏུ་དགའ་ བ་དང༌། ས་བཅུ་གཉིས་པ་ཡེ་ཤེས་ཆེན་པོ་ལ་མདུད་པ་རེ་རེ་ལ་ གྱེན་ལ་ དོར། བར་དུ་ས་བཅུ་ལ་སྦྱོར་བ་མགོ་རྩོམ། དངོས་གཞི་ལོངས་སྤྱོད། མཇུག་ཡོངས་སུ་རྫོགས་ཤིང་ཐིམ་སྟེ། མདུད་པ་གསུམ་གསུམ་ལ་དོར་རོ། །དེ་བས་ན་ས་ཐོག་མཐའ་ལ་རེ་རེ། གསུམ་པ་བཅུས་བར་གྱི་རྩ་མདུད་དྲལ་བས་ལ་དོར་ཞེས་སྨོས་སོ། །དེ་ལྟར་གདམས་ངག་དྲུག་ ཉེ་བར་ཕན་འདོགས་པའི་ ཏུ་བསྟན་ཏོ། །ད་ནི་སྙན་བརྒྱུད་བཞི་ དོན་གྱི་བརྒྱུད་པ་བར་མ་ཆད་པ་ལས་དངོས་གྲུབ་རྣམས་འབྱུང་བས་ རུ་བསྟན་པའི་ལམ་ལས། གསང་སྔགས་སྙན་བརྒྱུད་སྩོགས་བཞི་མ་ཆད་པ་ཞེས་སྨོས་ཏེ། དབང་གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། གདམས་ངག་གི་སརྒ་མ་ལོག་པ། མོས་གུས་ཀྱི་བསམ་པ་ཚིམ་པར་ནུས་པའོ། །དེའི་དང་པོ་ལ་གསུམ། རྒྱུ་དུས་ཀྱི་དབང་གི་ཆུ་བོ་ བླ་མ་ལས་ཟབ་འབྲིང་གསུམ་གང་རུང་ མ་ནུབ་པ། ལམ་དུས་ རྒྱས་བསྡུས་གསུམ་གང་རུང་སོགས་ ཀྱི་དབང་གི་ཆུ་བོ་མ་ནུབ་པ། འབྲས་བུའི་དུས་སུ་དབང་གི་ ཆུ་བོ་མ་ནུབ་པ་ འགྲོས་བཞི་ཐིམ་པ་ སྟེ། མདོར་ན་དབང་གི་ལམ་ཡོངས་སུ་རྫོགས་པར་བྱེད་པའི་གཞུང་ངོ༌། །གཉིས་པ་ཡང་གསང་སྔགས་མཐའ་བཞིའི་བདག་ཉིད་ཡིན་ཏེ། ལག་ཏུ་བླང་བའི་མཐའ་ཉམས་ ལུས་ཉམས་ལ་སོགས་ སུ་མྱོང་བའི་མཐའ། ཡན་ལག་ཚང་ནས་རླུང་སོགས། བྱིན་གྱིས་བརླབས་པའི་མཐའ། སྐུ་ཡི་མཉེན་ལྕུག་སོགས་ གྲུབ་པའི་མཐའ་ ས་དང་པོ་ཡན་ཆད་ ཅན་ནོ། །གསུམ་པ་ནི། སྲིན་པོ་ལ་སོགས་པའི་བདུད་དང་བར་ཆོད་རྣམས་སམ། འཇིགས་ཤིང་ཉམས་ང་བ་ལ་སོགས་པ་མི་འཚམས་པ་དུ་མ་བྱུང་བའི་ཚེ་དེ་ཉིད་ལམ་དུ་ཤེས་ན། ཏིང་ངེ་འཛིན་ཤེས་པས་ ཡི་གེའི་རྟེན་འབྲེལ་ བསམ་གཏན་གྱི་གེགས་སེལ། བར་ཆད་ངོ་ཤེས་པས་བདུད་ཀྱི་གེགས་སེལ། སྐྱོན་ཡོན་ཏན་དུ་སློང་ཤེས། བར་ཆོད་དངོས་གྲུབ་ཏུ་ལེན་ཤེས་པའི་གདམས་ངག་ཅེས་བྱའོ། །བཞི་པ་ནི་བར་ཆད་དང་དངོས་གྲུབ་དོགས་པ་དང་རེ་བ་ཐམས་ཅད་བདག་ཉིད་ཀྱི་ལུས་ལ་རྩ་རླུང་གི་རྟེན་འབྲེལ་འགྲིགས་པ་ལས་བྱུང་བར་བླ་མ་དམ་པ་བསྟེན་པས་ཡིད་ཆེས་ཁྱད་པར་ཅན་སྐྱེས་ཏེ། བླ་མ་ལ་སངས་རྒྱས་ཀྱི་འདུ་ཤེས་འཇུག་པའོ། །ད་ནི་རྟེན་འབྲེལ་ལྔ་རུང་བརྟེན་པའི་ལམ་ལས། རྟེན་འབྲེལ་འགྲིག་པའི་གཞི་ ལུས་ཁྱད་པར་ཅན་ལ་བརྟེན་ནས་ གང་ཡིན་པ། རྟེན་འབྲེལ་གྱི་མཐའ་གང་ཡིན་པ། རྟེན་འབྲེལ་ གཞན་དབང་རྟེན་འབྲེལ་ ཉིད་གང་ཡིན་པ། དེ་ལམ་ བྱང་ཆུབ་ཆེན་པོའི་ལམ་ བཞི་ལས་གང་ཡིན་པ། ཚད་མ་བཞི་ལས་ ལོ་རྒྱུས་ཀྱི་ཚད་མ་ གང་ཡིན་པ། རྟེན་འབྲེལ་དེས་ ཀུན་གཞི་རྣམ་ཤེས་དག་པའི་བྱང་ཆུབ་ཆེན་པོ། མཚོན་ཅིང་མངོན་དུ་བྱ་བའི་དོན། རྟེན་ཅིང་འབྲེལ་བར་འབྱུང་བ་དུ་ ཕྱི་རྟེན་ཅིང་འབྲེལ་བར་འབྱུང་བ་དང་། ནང་རྟེན་ཅིང་འབྲེལ་བར་འབྱུང་བ་དང་། གསང་བ་རྟེན་ཅིང་འབྲེལ་བར་འབྱུང་བ་དང་། མཐར་ཐུག་རྟེན་ཅིང་འབྲེལ་བར་འབྱུང་བ༑ ཞིག་གིས་ལམ་ཡོངས་སུ་རྫོགས་པ་སྟེ་བདུན་གྱིས་བསྟན་ལ། དེ་ཡང་རྡོ་རྗེའི་ཚིག་རྐང་དང་རིམ་པ་བཞིན་སྦྱར་རོ། །ད་ནི་ཐབས་ཤེས་རབ་ཀྱི་ཕྱོགས་སུ་ལྷུང་བའི་རྣལ་འབྱོར་པའི་ལམ་གྱི་བར་ཆད་སྲུང་བ་ནི། ཐབས་ཀྱི་ཕྱོགས་སུ་ལྷུང་བའི་རྣལ་འབྱོར་པ་ལ་བར་ཆད་བཞི་ལ་སྲུང་བ་བརྒྱད། ཤེས་རབ་ཀྱི་ཕྱོགས་སུ་ལྷུང་བའི་རྣལ་འབྱོར་པ་ལ་བར་ཆད་བཞི་ལ་སྲུང་བ་བརྒྱད། རྣལ་འབྱོར་པ་གཉིས་ཐུན་མོང་དུ་སྲུང་བ་བཅུ་བཞི་སྟེ། འཇིག་རྟེན་པའི་ལམ་མན་ཆད་སྲུང་བ་སུམ་ཅུ་ཐམ་པས་སྲུང་བ་ཡིན་ནོ། །དེ་ལ་ཐབས་ཀྱི་ཕྱོགས་སུ་ལྷུང་བ་ཞེས་པ་ལ་སོགས་པས་དང་པོ་བསྟན་ཏེ། དེ་ལ་ཐབས་ཀྱི་ཕྱོགས་སུ་ལྷུང་བ་ནི། མོས་ དང་པོ་ནས་སྐུ་ལྔ་ལ་སོགས་པ་ལ་དང་བ་ པའམ་འཇུག་པས་ལྷུངས་པའམ། ཉམས་ མཐོང་སྣང་དུ་མ་སོགས་ ཀྱིས་ལྷུངས་པ་གཉིས་སོ། །གང་ཟག་དེ་ལ་དུས་བཞིར་བར་ཆད་བཞི་འཇུག་སྟེ། ལམ་ལ་ ཐུན་བཞི་སོགས་ འཇུག་པ་ན་འཇིག་རྟེན་པའི་ཆོས་ཀྱི་བར་ཆད། ལམ་དུ་ཞུགས་པ་ ཉམས་སྐྱེས་ཕན་ཆད་ ན་ཕྱི་རོལ་བདུད་ཀྱི་བར་ཆད། སེམས་ཅུང་ཟད་འཕེལ་བ་བདུད་སྟོབས་འཕེལ་བའི་བར་ཆད། སེམས་བརྟན་པ་ཏིང་ངེ་འཛིན་ངོ་མ་ཤེས་ བར་མ་དང་ཐ་མ་ནའོ། །པའི་བར་ཆད་དོ། །དང་པོ་ལ་གཉིས། གཉེན་འདུན་དང་འབྲེལ་བ་ལ་སོགས་པའི་ གདུངས་པས་ལམ་ལས་བཟློག་ཅིང་ཟང་ཟིང་ལ་འཇུག་པའོ། །བར་ཆད་དང༌། བླ་མ་དང་གྲོགས་ཀྱི་བར་ཆད་ བྱ་བ་ལ་འཛུད་པ་ དོ། །དང་པོ་ནི། ཟང་ཟིང་གི་སྦྱིན་པ་ཕྲ་མོ་སྔོན་ཏུ་འགྲོ་བའི་དད་པ་བརྟན་པོས་སྲུངས། གཉིས་པ་ནི། ཟང་ཟིང་གི་སྦྱིན་པ་དང་བརྩེ་བའི་སེམས་སྔོན་དུ་འགྲོ་བའི་དད་པ་བརྟན་པོས་བསྲུང་ངོ༌། །ཕྱི་རོལ་བདུད་ཀྱི་བར་ཆད་ནི་རྡོ་རྗེའི་རྭ་བ་ སྒྲུབ་ཐབས་སྤྱི་ལས་བྱུང་བ་ ལ་སོགས་པས་སྲུང་འཁོར་སུམྦྷ་ནི་ལ་སོགས་པའི་སྔགས་བཟླས། བླ་མ་དང་གྲོགས་གཞན་རྐྱེན་ལ་ལྟོས་པའི་སྔགས་ ནུས་པ་ཅན་གྱིས་གནང་བ་ མདུད་ལ་སོགས་པ་སྟེ་གསུམ་གྱིས་ངེས་པར་བསྲུང་ངོ༌། །དེ་དག་གིས་ཐབས་ཀྱི་བར་ཆད་ཐབས་ཀྱིས་སྲུང་བ་བཞིའོ། ། བདུད་སྟོབས་འཕེལ་བའི་བར་ཆད་ནི། སྲུང་བའི་འཁོར་ལོ་གོ་འཕོ་ དོན་དམ་པའི་སྲུང་འཁོར་དུ་ བ་ཡིན་ཏེ། བར་དུ་གཅོད་བྱའི་བདག་དང༌། གནོད་བྱེད་ཀྱི་བདུད་དང༌། བར་ཆད་དང་གསུམ་ཡང༌། སེམས་སུ་ཤེས་པ། སྒྱུ་མར་ཤེས་པ༑ རང་བཞིན་མེད་པར་ཤེས་པ་ གསུམ་ཀའམ་གང་རུང་གཅིག་ གསུམ་གྱིས་བསྲུང་སྟེ། དེ་ལྟར་ན་ཐབས་ཀྱི་བར་ཆད་ཤེས་རབ་ཀྱིས་སྲུང་བ་གསུམ་མོ། །སེམས་བརྟན་པ་ན་ཀྵ་ཡིག་ལ་སོགས་པའི་གནས་སུ་རླུང་སེམས་མཉམ་པར་འདུས་པས་སྲིན་པོ་དང་ཤ་ཟས་རྡེག་པ་ལ་སོགས་པ་མི་འཚམས་པ་བྱུང་བ་ནི། ཏིང་ངེ་འཛིན་ དེ་ཉིད་ཏིང་ངེ་འཛིན་དུ་ ངོ་ཤེས་པས་བསམ་གཏན་གྱི་གེགས་སེལ། གུད་ན་མེད། བར་དོ་ མེད་པར་ ངོ་ཤེས་པས་བདུད་ཀྱི་གེགས་ སེལ། སྐྱོན་ མ་ཤེས་པའང་ ཡོན་ཏན་ཏུ་སློང་ཤེས། ངོ་མ་ཤེས་ན། བར་ཆད་ ཤེས་ན་ དངོས་གྲུབ་ཏུ་སློང་ཤེས་པས་བར་ཆད་ཞི་སྟེ། མདོར་ན་གཞན་དབང་རྟེན་འབྲེལ་ཤེས་པས་བསྲུང་ངོ༌། །དེ་ལྟར་ན་སྲུང་བ་བརྒྱད་ཀྱང་གསུམ་དུ་འདུ་གསུངས་ཏེ། ཐབས་ཀྱི་བར་ཆད་ཐབས་ཀྱིས་སྲུང་བ་བཞི། ཐབས་ཀྱི་བར་ཆད་ཤེས་རབ་ཀྱིས་སྲུང་བ་གསུམ། ཐབས་ཀྱི་བར་ཆད་རྟེན་འབྲེལ་གྱིས་སྲུང་བ་གཅིག་སྟེ་བརྒྱད་གསུམ་དུ་བསྡུའོ། །ཤེས་རབ་ཀྱི་ལམ་ལ་ཞེས་བྱ་བ་ལ་སོགས་པ་ལ། དེ་ལ་ཡང་གང་ཟག་ནི་གཉིས་ཏེ། མོས་པའམ་འཇུག་པས་ཤེས་རབ་ཀྱི་ཕྱོགས་སུ་ལྷུངས་པ་དང༌། ཉམས་ཀྱིས་ཤེས་རབ་ཀྱི་ཕྱོགས་སུ་ལྷུངས་པའོ། །དེ་གཉིས་ལའང་བར་ཆད་བཞི་འཇུག་སྟེ། ཉམས་ ན་ཚ་སོགས་ དང་སྡུག་བསྔལ་སྐྱེད་པའི་བར་ཆད། གཟུགས་ དུ་མ་ སྟོན་པའི་བར་ཆད། སྒྲ་བརྗོད་པའི་ ལུང་སྟོན་པ་ལ་སོགས་པ་ བར་ཆད། ལྟ་གྲུབ་མིན་ཟེར་བ་སྒྱུར་བའི་བར་ཆད་དོ། །དེ་དག་ལ་སྲུང་བ་རིམ་པས་འཇུག་སྟེ། སད་པ་བཞིའོ། །དེ་ཡང་འོག་ཏུ་སྦྱར་ལ། ཤེས་རབ་ཀྱི་ལམ་ལ་ལྷའི་བུའི་བདུད་འོང་བས། སད་པ་བཞིའི་སྲུང་ཞེས་པ་དང་འབྲེལ་ལོ། །དེ་ལ་སད་པ་བཞི་ནི། ཉམས་ཀྱིས་ སྲུང་འཁོར། སད། ཏིང་ངེ་འཛིན་ གསུམ་གྱིས་བསྲུང༌། ལམ་སྒོམ་དུས་ན་བ་སོགས་བྱུང་ན་ཡིན། གྱིས་སད། སྔགས་ མར་མོ་སད་ན་ཡིན། ཀྱིས་སད། ལྟ་ བཞི་པའི་མ་ཤེས་ན་ཡིན། གྲུབ་ཀྱིས་སད་དོ། །ཡན་ལག་གི་དོན་ཅུང་ཟད་བརྗོད་ན། ཕྱིའི་བདུད་ཅེས་བྱ་བ་ནི། དང་པོ་ནས་ནག་པོའི་ཕྱོགས་ བར་ཆད་འབའ་ཞིག་བྱེད་པ་ལོག་འདྲེན་ནོ། །ལམ་གཉིས་ལྟ་གྲུབ་བརྒྱད་སྒྱུར་བ་ནི་བར་ཆད་བཞི་པ་ཡིན་ལ། བར་ཆད་གསུམ་ནི་ཤུགས་ཀྱིས་ཤེས་པར་བྱའོ། །ད་ནི་ནང་གི་བདུད་ཅེས་སྨོས་པས་ཡང་བར་ཆད་སྔ་མ་ལྟ་བུ་བཞི་ལ་སྲུང་བ་ནི། དབང་བཞིས་བརྡས་བསྲུང་སྟེ། དེ་ལ་ནང་གི་བདུད་ནི་ མཉེས་ན་ ཕན་འདོགས་པ་དང་ མ་མཉེས་ན་ གནོད་པ་སྐྱེལ་བའམ། ཚར་བཅད་པ་དང་རྗེས་སུ་བཟུང་བ་གཉིས་ཀ་བྱེད་པ་སྟེ། ནང་གི་བདུད་ཅེས་བྱ་ལ། གེགས་ཞེས་ཀྱང་བྱའོ། །ལམ་ལ་སྩོགས་པ་བཅུ་ཡང་སྔ་མ་བཞིན་ནོ། །བརྡ་ཤེས་པ་བསྲུང་བ་ནི། ལུས་བརྡ་ལ། ལྔ་བསྡུས་རྩེ་མོ་ དབང་བཞི་དང་རིམ་པ་བཞི་སྦྱར་ མནན་པ་དང༌། །མཐེབ་སྲིན་ཨེ་ གསང་དབང་གི་དུས་སུ་བླ་མས། བྱང་ཆུབ་སེམས་ལ་བཞག་གམ། ལ་རིག་བྱེད་གཅིག །བྱང་ཆུབ་མཆོག་གི་ཕྱག་རྒྱ་སྟེ། །མཛུབ་མོས་ནམ་མཁའ་མཚོན་པའོ། །ཡན་ལག་གི་བརྡ་ལ། སོར་མོ་ལྔ་ནི་ཕྲལ་ཏེ་བསྟན། །རྡོ་རྗེ་ཁུ་ཚུར་མི་ཕྱེད་འགྱུར། །རྡོ་རྗེ་རྩེ་གསུམ་ཕྱར་ཏེ་བསྟན། །མཛུབ་མོས་ནམ་མཁའ་མཚོན་པའོ། །ངག་བརྡ་ལ། ཀ་ལ་ཤ་ཨ། ཡ་ར་ལ་ཝ། ཨེ་བཾ་མཱ་ཡཱ། ༀ་ཨཱཿ ཧཱུྃ་ཧོཿ ༀ་བཞི་ སྡེ་ཚན་ ནི་རྣམ་པ་ དབང་རེ་རེ་ལ་ཡི་གེ་བཞི་བཞི། བཞིར་ཤེས་བྱ། བར་ཆད་ངེས་པར་སྲུང་བའོ། ། དེ་དག་གིས་ནི་ཐབས་ཤེས་རབ་ཀྱི་ཕྱོགས་སུ་ལྷུངས་པའི་སྲུང་བ་བརྒྱད་བརྒྱད་བཅུ་དྲུག་བསྟན་ཏོ། །ད་ནི་རྣལ་འབྱོར་པ་གཉིས་ཐུན་མོང་གི་སྲུང་བ་བཅུ་བཞི་ལ། གྲིབ་དང་སྒྲིབ་པ་ཐིག་ལེ་འཛག་པ་སྲུང་ཞེས་བྱ་བ་སྨོས་ཏེ། གྲིབ་མ་ གཙོ་བོར་འདུས་པ་དང་པོ་ལ་ དྲུག །ཐིག་ལེ་ གཙོ་བོར་བར་པ་ལ་ འཛག་པ་དྲུག །སྒྲིབ་པ་ གཙོ་བོར་ཐ་མ་ལ་ གཉིས་བསྲུང་ངོ༌། །དེ་ལ་གྲིབ་མ་དྲུག་ནི། དམ་ཚིག་གི་གྲིབ། གདོན་གྱི་གྲིབ། གྲོགས་ངན་གྱི་གྲིབ། ཟས་ཀྱི་གྲིབ༑ གནས་ཀྱི་གྲིབ། རོ་ཡི་གྲིབ་བོ། །དེ་ལ་དང་པོ་གྲིབ་མ་ཆེན་པོ། བར་པ་བཞི་འབྲིང༌། ཐ་མ་ཆུང་ངུའོ། །དེ་ལ་གྲིབ་མ་གསུམ་རྨི་ཉམས་སུ་རྟོགས་པར་འགྱུར་ཏེ། གང་ འབུ་སྦུར་སོགས་ མི་གཙང་བར་བརྟགས་པས་ལུས་ལ་ཆེན་པོ༑ གོས་ལ་འབྲིང༌། གནས་ཁང་ལ་སྦགས་པར་འགྱུར་ན་ཆུང་ངུའོ། །ཡང་གྲིབ་མ་དྲུག་རྨི་ཉམས་སུ་ཡང་སོ་སོར་རྟོགས་པར་འགྱུར་རོ། །དེ་ལ་གྲིབ་མ་ཆེན་པོས་སྲོག་འཕྲོག །འབྲིང་གིས་ལུས་སེམས་ལ་སྡུག་བསྔལ་བསྐྱེད། ཏིང་ངེ་འཛིན་འཕྲོག །ཆུང་ངུས་ཀྱང་ཏིང་ངེ་འཛིན་ ཉམས་མི་སྐྱེ་ འཕྲོག་གོ །དེ་ལ་གྲིབ་མ་སེལ་བ་ནི། གྲིབ་མ་ཆེན་པོ་ བླ་མ་ལས་ དབང་གིས་སེལ། འབྲིང་ དམ་ཚིག་མཁའ་འགྲོ་ལ་ ཚོགས་ཀྱིས་སེལ། ཆུང་ངུ་ཁྲུས་ རང་གིས་སྙིང་པོ་བཟླས་པའོ། །ཀྱིས་སེལ་ལོ། །དེ་ལ་ཁྲུས་ཀྱིས་སེལ་བའི་དབང་དུ་བྱས་ཀྱང༌། གདོན་གྱི་གྲིབ་མ་ཆེ་འབྲིང་ཆུང་གསུམ་ལ། གྲིབ་མ་ཆེན་པོ་ལ་བུམ་པའི་ཆོ་ག་ཇི་ལྟ་བ་ འབྲུ་སྨན་སོགས་ བཞིན་བྱ་སྟེ། དྲག་པོའི་སྦྱིན་སྲེག་གི་ཐལ་བ༑ བཙན་དུག །མི་རུས་ཕྱེ་མ། ཉུངས་ཀར་དང༌། དེ་རྣམས་བླུགས་ལ་དྲི་ཞིམ་པོའི་ཆུ་ཡིས་བཀང༌། ལྷག་པའི་ལྷའི་སྙིང་པོ་མང་དུ་བཟླས་ཏེ། དུས་གསུམ་དུ་ཁྲུས་བྱས་ན་སེལ། འབྲིང་ནི་རྒྱས་པའི་སྦྱིན་སྲེག་གི་ཐལ་ གསུམ་པའི་དོད་ བས་སོ། །ཆུང་ངུ་ཞི་བའི་སྦྱིན་སྲེག་གི་ཐལ་བས་སོ། །རིམས་ནད་བཅད་པ་ལ་སོགས་པ་ལ་ནི་དབང་གི་སྦྱིན་སྲེག་གི་ཐལ་བས་ཏེ་ཆོ་ག་ཇི་ལྟ་བ་བཞིན་ གུད་དུ་ བྱའོ། །གྲིབ་མ་ དྲུག་ཀའི་ སྤྱི་སེལ་བ་ཡང་དབང་གིས་སེལ༑ དུས་ཁྱད་པར་ཅན་གྱི་ ལྷ་གྲངས་དང་མཐུན་པ་ལ་ ཚོགས་དང་ཁྲུས་ཀྱིས་ སྔགས་མང་དུ་བཟླས། ཀྱང་སེལ། སཱ་ཙྪས་ཀྱང་སེལ་ཏེ། ཕྱེད་ནི་གནས་དབེན་པར་བཞག་ཅིང༌། ཕྱེད་ཆུ་བོར་དོར་བར་བྱའོ། །གཞན་ཡང་སྲོག་ཆགས་ཀྱི་ཚེ་བསྐྱབ་པ་དང༌། ངག་གི་སྨྲེ་བཤགས་ ཡི་གེ་བརྒྱ་པ་སོགས་ ལ་སོགས་པས་ཀྱང་སེལ་ལོ། །འདི་དག་ནི་ཁམས་འདུས་པ་དང་པོ་ལ་གཙོ་བོར་བར་དུ་གཅོད་པས་གྲིབ་མ་བསལ་བ་ཤིན་ཏུ་གཅེས་སོ། །ཐིག་ལེ་འཛག་པ་དྲུག་ནི། བདེ་བ་སྐྱེས་ཏེ་གང་བས་འཛག །གདོན་དང་བག་ཆགས་ཀྱིས་རྨི་ལམ་དུ་འཛག །ནད་གཞིའི་ གྲང་བ་ ཆུ་དང་བསྡོངས་ཏེ་འཛག །རིག་མའི་རྐྱེན་ ཡུལ་སྡུག་པ་ གྱིས་ཆགས་པ་སྐྱེས་ཏེ་འཛག །ཁ་ཟས་ རྩུབ་པ་ མི་མཐུན་པས་རང་ཉམས་ཏེ་འཛག །སྤྱོད་ལམ་ ངལ་དུབ་སོགས་ གྱིས་རྔུལ་དང་བསྡོངས་ཏེ་འཛག་གོ །དེ་ལ་སྲུང་བ་ནི། དང་པོར་འགྱུར་བ་རྣམ་པ་དྲུག །ངག་འདྲེན་པ། ཞི་དྲག །ཁྱད་པར་དུ་སྟོབས་ཀྱི་ཧཱུྃ་ལ་སོགས་པས་བསྲུང་ངོ༌༑ ༑གཉིས་པ་ནི་གུ་གུལ་ནག་པོ། མིའི་ཀླད་པ། ཉུངས་ཀར་བསྲེགས་ དང་པོ་ཉུངས་ཀར་བསྲེགས། དེ་ནས་གུ་གུལ། དེ་ནས་གཞན་རྣམས་ པའི་ཐལ་བ། པདྨའི་རཀྟ། དེ་སྦྱོར་བ་ལེགས་པར་བྱས་ལ། སྲོད་ཀྱི་དུས་སུ་གསང་གནས་དང་སྐེད་པ་ལ་ལེགས་པར་བྱུག །ཡང་སྐུད་པ་ནག་པོ་གཅིག་ལ་མདུད་པ་ཉི་ཤུ་གཅིག་བྱས་ལ། ལྷག་པའི་ལྷའི་སྙིང་པོ་མང་དུ་བཟླས་ཏེ་སྐེད་པར་བཅིང་ངོ༌། །བག་ཆགས་ལ་བུད་མེད་ཀྱི་དྲི་མས་སོ། །གཞན་ལུས་ཀྱི་སྤྱོད་ལམ་ ཙོག་པུ་ དང་བྱ་བའི་རྒྱུད་དང་ཐུན་མོང་ལ་སོགས་པས་བསྲུང་ངོ་། །གསུམ་པ་ནི་སྤྱིར་ཟས་བཅུད་ཅན་ལ་བརྟེན། ཚ་བ་གསུམ་གྱི་གམ་ཕྱེ་ལྟོ་སྟོང་ལ་ཅུང་ཟད་གཏོང༌། གཅན་གཟན་ལ་སོགས་པ་དྲོ་བར་གྱུར་པའི་རས་མས་གསང་གནས་དང་སྐེད་པར་དཀྲི། ལངས་ཏེ་གྲུ་མོར་སླེབ་པའི་སར་མེ་ལྔའམ་བདུན་གདབ། ངེས་པར་ཞི། བཞི་པ་སྲུང་བ་ནི་འགྱུར་བ་དྲུག །བགྲད་པའི་ མིག་སྟེང་དུ་ མཐས་ཁྱད་པར་དུ་སྲུང་བ་སྟེ། འདིའི་སྲུང་བ་ དང་པོ་དང་ཐ་མ་ལ་བྱུང་ཡང་ གཞན་རྣམས་དང༌། བླ་མའི་ཞལ་གདམས་ ཁ་ཟས་དང་སྨན་ ཞིབ་ཏུ་ཤེས་པར་བྱའོ། །འཛག་པ་གཉིས་ནི་སྔར་ཟས་དང་སྤྱོད་ལམ་གྱི་བདུད་རྩི་བརྟེན་པའི་སྐབས་སུ་བསྟན་པ་དང་ཁྱད་པར་མེད་པ་ཡིན་ནོ། །འདིའང་ ཁམས་འདུས་པ་བར་པ་ལ་གཙོ་བོར་བར་དུ་གཅོད་པས་སྲུང་བ་ཤིན་ཏུ་གཅེས་སོ། །སྒྲིབ་པ་གཉིས་ཏེ། ཉོན་མོངས་པའི་སྒྲིབ་པ་དང༌། ཤེས་བྱའི་སྒྲིབ་པའོ། །དང་པོ་ནི་རྣམ་རྟོག་རྒྱུན་ཆགས་ཏེ། དེ་ནི་འཇུག་པ་སེལ་བ་ལ་སོགས་པ་གསུམ་གྱིས་ སེམས་ཟིན་པས་ བསྲུང༌། ཤེས་བྱའི་སྒྲིབ་པ་ནི་ཏིང་ངེ་འཛིན་ཡིན་ཡང་ཉམས་སྐྱོན་ཅན་བརྒྱད་དེ། དེ་དག་ནི་བྱུང་རྒྱལ་གྱི་གནད་ཀྱིས་སྐྱོན་མེད་གསུམ་གྱིས་ སེམས་ཟིན་པས་ བསྲུང་ངོ༌། ། སྐྱོན་མེད་མ་སྐྱེས་ན་སྐྱེད་པའི་ཐབས་ཀྱང་བླ་མའི་ཞལ་ལས་ཤེས་པར་བྱའོ། །དེ་དག་གིས་ནི་རེ་ཞིག་ཐུན་མོང་གི་སྲུང་བ་བཅུ་བཞི་བསྟན་ལ། སྤྱིའི་སྲུང་བ་སུམ་ཅུ་ཐམ་པ་བསྟན་ཏོ། །དེ་ལྟར་གཞུང་ཚོམ་བུ་བདུན་དུ་བཅད་ནས་འཁོར་འདས་ཐུན་མོང་གི་ལམ་བསྟན་ཏོ། །ད་ནི་འཁོར་ལོ་འཆམ་པ་འཇིག་རྟེན་པའི་ལམ་བསྟན་པ་ལས། དེ་ཡང་གཞུང་ཚོམ་བུ་བདུན་དུ་གསུང་ཡང་ལམ་སྤྱིའི་རྣམ་པར་གཞག་པ་ནི། ལམ་ཁྲིད་ལུགས་གསུམ། བགྲོད་ལུགས་གཉིས་སོ། །དེ་ལ་དང་པོ་ལ་གསུམ་སྟེ། རླུང་གིས་ སེམས་རིག་པ་འདི་གོང་ནས་གོང་དུ་ ལམ་ཁྲིད། ཁམས་བདུད་རྩིས་ལམ་ཁྲིད། རྩ་ཡི་གེས་ལམ་ཁྲིད་དོ། །དེ་ལ་དང་པོ་ནི། འཇིག་རྟེན་པའི་ལམ་མན་ཆད་དུ་ཁམས་འདུས་པ་དང་པོ་ལ་གནོད་པ་སྐྱེལ་བའི་རླུང་གིས་ ཟུག་ཆེ་ ལམ་ཁྲིད། བར་པ་ལ་ཕན་གནོད་ ཟུག་འབྲིང༌། མེད་པའི་རླུང་གིས་ལམ་ཁྲིད། ཐ་མ་ཕན་འདོགས་པའི་རླུང་གིས་ ནད་འདུས་པ་ལ་སོགས་པའི་འཕེལ་བ་སེལ་བ་སོགས་ ལམ་ཁྲིད་དེ། འཇིག་རྟེན་པའི་ལམ་མན་ཆད་འཆད་དོ། །དེ་ནས་ལོ་ཀ་ལས་འདས་པའི་ལམ་ལ་ཟག་པ་མེད་པའི་རླུང་གིས་ ས་དྲུག་ ལམ་ཁྲིད། དེ་ནས་དབང་པོ་ལྔའི་རླུང་གིས་ ས་བཞི་ ལམ་ཁྲིད། དེ་ནས་སྟོབས་ལྔའི་རླུང་གིས་ ལམ་ཁྲིད། དེ་ནས་སྲོག་དང་རྩོལ་བ་ ས་བརྒྱད་ རབ་ཏུ་ཐིམ་པའི་རླུང་གིས་ལམ་ཁྲིད་དེ། དེ་ནས་ནི་རླུང་གི་འགྲོས་ ས་བཅུ་གསུམ་པ་ལ་ ཐིམ་ནས་ཡེ་ཤེས་ཀྱི་རླུང་འབའ་ཞིག་ཏུ་འགྱུར་རོ། །གཉིས་པ་ཁམས་བདུད་རྩིས་ལམ་ཁྲིད་པ་ལ། ཡང་ཁམས་འདུས་པ་དང་པོ་ལ་ཁམས་དྭངས་སྙིགས་མ་ཕྱེད་པས་ལམ་ཁྲིད། བར་པ་ལ་ཅུང་ཟད་དྭངས་པས་ལམ་ཁྲིད། ཐ་མ་ལ་ཕལ་ཆེར་དྭངས་པས་ལམ་ཁྲིད་དེ། ལོ་ཀའི་ལམ་མན་ཆད་དོ། །དེ་ནས་ལོ་ཀ་ལས་འདས་པའི་ལམ་ལ་ཁམས་དྭངས་མས་ལམ་ཁྲིད། དེ་ནས་བདུད་རྩིའི་བཅུད་ཀྱིས་ལམ་ཁྲིད། དེ་ནས་ཁམས་དྭངས་མ་ཆེན་པོས་ལམ་ཁྲིད། དེ་ནས་དྭངས་མའི་དྭངས་མ་ཆེན་པོས་ལམ་ཁྲིད། དེ་ནས་བདུད་རྩིའི་འགྲོས་ཐིམ་ནས་དྭངས་མ་མཆོག་ཏུ་འགྱུར་རོ། །གསུམ་པ་རྩ་ཡི་གེས་ལམ་ཁྲིད་པ་ལ། ཡང་ཁམས་འདུས་པ་དང་པོ་ལ་མ་ངེས་པ་འཁྲུལ་སྣང་དུ་འཆར་བའི་ཡི་གེས་ལམ་ཁྲིད། གཉིས་པ་ལ་ངེས་པ་མཐོང་སྣང་དུ་འཆར་བས་ལམ་ཁྲིད། གསུམ་པ་ཤིན་ཏུ་ངེས་པ་གསལ་སྣང་དུ་འཆར་བས་ལམ་ཁྲིད་དེ། དེས་ལོ་ཀ་བའི་ལམ་མན་ཆད་ཆོད་དོ། །དེ་ནས་ལོ་ཀ་ལས་འདས་པའི་ལམ་ལ་ཡི་གེའི་སྟོབས་ཅུང་ཟད་དག་པས་ཁྲིད། དེ་ནས་ཡི་གེའི་སྟོབས་དག་པས་ལམ་ཁྲིད། དེ་ནས་ཡི་གེའི་སྟོབས་ཆེར་དག་པས་ལམ་ཁྲིད། དེ་ནས་ཡི་གེའི་འགྲོས་ཐིམ་ནས་མི་ཤིགས་པའི་ཡི་གེར་འགྱུར་རོ། །ད་ནི་ལམ་བགྲོད་ལུགས་གཉིས་ལས། ལུང་སྒོ་ ཕ་རོལ་ཏུ་ཕྱིན་པ་དང་ བསྟུན་གྱི་དབང་དུ་བྱས་ནས་ལམ་ལྟར་ན་ལྔས་བགྲོད་དོ། །བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་དོ། །དང་པོ་ལ་ཕྱི་དབྱིབས་ གསུམ་པ་ཡོད་ ཀྱི་ཚོགས་ལམ་སོགས་པ་ཚོགས་ལམ་བཞི། སྦྱོར་ལམ་རྣམ་རྟོག་སྔོན་དུ་སོང་བ་ལ་སོགས་པ་དྲོད་གསུམ། ཕྱི་ རྟོགས་པ་ ནང་གི་རྩེ་མོ་གཉིས། མ་སྐྱེས་པའི་ དབུ་མར་རླུང་འདུས་པ། ཆོས་ལ་བཟོད་པར་དཀའ་བ་སྟོང་པ་ཉིད་ཀྱི་བཟོད་པ་གཅིག །འཁོར་བའི་ སྤང་བྱ་ ཆོས་ལས་འདས་པའི་ཆོས་མཆོག་དང༌། མྱ་ངན་ལས་འདས་པའི་ལམ་ བླང་བྱ་ ཆོས་རྣམས་རྫོགས་པའི་ཆོས་མཆོག་གཉིས་ཏེ། དེ་ལྟར་ན་ལམ་ཚོགས་སྦྱོར་གཉིས་ཀྱིས་འཇིག་རྟེན་པའི་ལམ་མན་ཆད་ཆོད་དོ། །རྟགས་གསུམ་དང་པོས་མཐོང་ལམ། རྟགས་གསུམ་ཕྱི་རྟགས་སོགས་ཕྲག་བཅུ་གཅིག་གིས་སྒོམ་ལམ། འགྲོས་བཞི་ཐིམ་པས་མཐར་ཕྱིན་གྱི་ལམ་མོ། །གཉིས་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་ན། དང་པོ་རྫུ་འཕྲུལ་གྱི་རྐང་པ་བཞིས་སྣང་བ་དགྲར་ལངས་ཀྱི་གཉེན་པོར་འགྱུར། དེ་ནས་སྟོང་པ་དགྲར་ལངས་ནས་དྲན་པ་ ཕ་རོལ་ཏུ་ཕྱིན་པ་ལས་གོ་ལྡོག་སྟེ་ལམ་མྱུར་དུ་བྱེད་པ་ ཉེ་བར་བཞག་པ་བཞི། དེ་ནས་བདེ་བས་རྒྱལ་བ་ན་ཡང་དག་པར་སྤོང་བ་བཞི་སྟེ། བཅུ་གཉིས་ཀྱིས་ལོ་ཀའི་ལམ་མན་ཆད་ཆོད་དོ། །དེ་ནས་ལོ་ཀ་ནས་འདས་པའི་ལམ་ལ་ས་དྲུག་མན་ཆད་བྱང་ཆུབ་ཀྱི་ཡན་ལག་བདུན། ལ་བརྩིས། ས་བཞི་ལ་དབང་པོ་ལྔ། རླུང་ལ་བརྩིས། ས་གཉིས་ལ་སྟོབས་ རླུང་ལ། ལྔ། བཅུ་གསུམ་གྱི་ས་ཕྱེད་ལ་བརྟེན་པ་རྣམ་པར་ཤེས་པ་བརྒྱད་དེ་འཕགས་པའི་ལམ་ཡན་ལག་བརྒྱད་དོ། །དེ་ལྟར་བྱང་ཆུབ་ཀྱི་ཕྱོགས་ཉི་ཤུ་རྩ་ལྔས་ལོ་ཀ་ལ་འདས་པའི་ རྩ་ལམ་ཆོད་དོ། །ད་ནི་ཡན་ལག་གི་དོན་རིམ་གྱིས་བརྗོད་པ་ལས། ཚོགས་ལམ་ཞེས་བྱ་བ་སྟེ། ཚོགས་ལམ་ནི་བཞི་སྟེ། ཕྱི་དབྱིབས་ཀྱི་ཚོགས་ལམ་ལྷ་དང་བླ་མ་ཐ་མི་དད་དུ་མདུན་གྱི་ནམ་མཁའ་ལ་སྤྱན་ དྲངས་ཏེ། མཆོད་པ་ལྔ་བྱས་པ་ནས་བཟུང་སྟེ་ཚོགས་ལམ། བསྐྱེད་རིམ། ནང་སྔགས་ཀྱི་ཚོགས་ལམ་སྟེ། ལྟེ་བའི་ ཙཎྜ་ལཱི་ གནས་སུ་རླུང་སེམས་ཚོགས་པ་ནས་བཟུང་སྟེ་ཚོགས་ལམ། གསང་བ་དབང་གི་ཚོགས་ལམ་སྟེ་ཡུམ་གྱི་ ཕྱག་རྒྱ་ མཁར་རླུང་སེམས་འཚོགས་པ་ནས་བཟུང་སྟེ་ཚོགས་ལམ། མཐར་ཐུག་ དེ་ཁོ་ན་ཉིད་ཀྱི་ཚོགས་ལམ་ རྦ་རླབས་ སྟེ་དགྱེས་སྩོགས་པད་ཅན་བཅུ་གཉིས་མའི་མཆོག་གི་ཟེ་བར་རླུང་སེམས་ཚོགས་པ་ནས་བཟུང་སྟེ་ཚོགས་ལམ་མོ། །མདོར་ན་ཏིང་ངེ་འཛིན་སྐྱེ་བའི་ལམ་ཞེས་བྱ་བར་བཞེད་དོ། །ལམ་དེས་སྦྱོར་ལམ་དྲོད་དང་འབྱོར་བར་འགྱུར་བས་ན་དྲོད་ རྣམ་རྟོག་སྔོན་ཏུ་སོང་ལ་སོགས་ གསུམ་ལ་ཆེ་འབྲིང་ཆུང་གསུམ་གྱི་བྱེ་བྲག་གིས་ཁམས་འདུས་པ་གསུམ་ ཆུང་བ་ལ་ཡུལ་གྱི་རྐྱེན་གྱིས་གནོད། ཆེན་པོ་ལ་འབྲས་བུ་འབྱུང༌ རིམ་གྱིས་འཇུག་པས་ དེ་དག་གི་ཡོན་ཏན་རྣམས་འབྲས་བུ་བཞིར་འཆར་བ་ནི་ ཐ་མལ་པའི་ལུས་ངག་ཡིད་དང་བྲལ་བའི་འབྲས་བུ་བཞི་ཐོབ་ནས་ཞེས་སྨོས་ཏེ། དེ་ལ་སྤྱིར་རྒྱུ་དུས་ན་འཆར་བའི་འབྲས་བུ་བཞི། གྲུབ་མཐའ་དང་པོ་ལ་འཆར་བའི་འབྲས་བུ་བཞི། གྲུབ་མཐའ་སོ་སོ་ལ་འཆར་བའི་འབྲས་བུ་བཞིའོ། །དེ་ལ་དང་པོ་ནི། ཐ་མལ་པའི་ལུས་ངག་ སྣང་བ་སོགས་འཆར་ ཡིད་གསུམ་དང་བྲལ་བས་བྲལ་བའི་འབྲས་བུ། ཀུན་གཞི་ དུད་འགྲོའི་སྐད་ཤེས་པ་སོགས་ ལ་ཡོད་པ་རང་ལ་སྨིན་པས་རྣམ་པར་སྨིན་པའི་འབྲས་བུ། ཇི་ལྟར་བྱས་པ་བཞིན་མྱོང་བས་རྒྱུ་མཐུན་ལྷན་ཅིག་སྐྱེས་ སྡུག་བསྔལ་གྱི་རྐྱེན་གྱིས་བདེ་བ་ པའི་འབྲས་བུ༑ སྐྱེས་བུའི་རྩོལ་བ་ ཆོས་བརྒྱད་ལ་ཞེན་པ་ཆུང༌ ལས་བྱུང་ཞིང་སྤང་བྱ་མི་མཐུན་པའི་ཕྱོགས་སྤོང་བས་སྐྱེས་བུ་བྱེད་པའམ་དྲི་མ་མེད་པའི་འབྲས་བུའོ། །དེ་ལ་དང་པོ་ནི། དྲོད་ཉམས་རིམ་གྱིས་བརྟན་པར་གྱུར་པ་ལས་བདག་གཞན་གྱི་ལུས་ལྷར་འཆར། ངག་སྔགས་སུ་འཆར། སེམས་རྣམ་པར་མི་རྟོག་པའི་ཏིང་ངེ་འཛིན་རྒྱུན་མི་འཆད་དེ་འབྲས་བུ་དང་པོའོ། །ཡང་དེ་ཙམ་ན་དུད་འགྲོ་ལ་སོགས་པའི་སྐད་ཅི་རིགས་པར་གོ །ཅི་རིགས་པར་སྨྲ་ཤེས། སྣང་བ་གང་ལ་ཡང་ཐོགས་པ་མེད་པ་སྙམ་བྱེད་པ་འབྱུང་སྟེ། འབྲས་བུ་གཉིས་པའོ། །ཡང་དེ་ཙམ་ན་ལུས་ལ་བདེ་བ་རྒྱུན་མི་འཆད། སྡུག་བསྔལ་གྱི་རྐྱེན་གྱིས་ཀྱང་བདེ་བ་སྐྱེ་སྟེ། འབྲས་བུ་གསུམ་པའོ། །ཡང་དེ་ཙམ་ན་ཉོན་མོངས་པ་གློ་བུར་བ་ཟློག །ཆོས་བརྒྱད་ཀྱི་རྣམ་པར་རྟོག་པའི་བློ་ཡང་རིམ་གྱིས་འགག །གང་ལ་ཡང་ཞེན་པ་ཆུང་སྟེ། འབྲས་བུ་བཞི་པའོ། །གྲུབ་མཐའ་དང་པོ་ལ་འཆར་བའི་འབྲས་བུ་བཞི་ནི། སྤྲུལ་སྐུའི་སངས་རྒྱས་རྣམས་ཀྱི་ཞལ་ལྟ། བདག་ཉིད་ཀྱང་ལྷར་གསལ་བསྐྱེད་རིམ་བརྟན་ཏེ་ཐ་མལ་པའི་ལུས་དང་བྲལ། ངག་གི་གདུལ་བྱ་བརྒྱ་ལ་སོགས་པ་ལ་ཆོས་འཆད་དེ་ཐ་མལ་པའི་ངག་དང་བྲལ། སེམས་ལ་མཉམ་རྗེས་མེད་པའི་ཏིང་ངེ་འཛིན་སྐྱེ་སྟེ་ཐ་མལ་པའི་སེམས་དང་བྲལ་བས་འབྲས་བུ་དང་པོའོ། །ཡང་དེ་ཙམ་ན་རྩིག་པ་དང་རི་ལ་ཐོགས་པ་མེད། སྟོང་གསུམ་ཉུངས་འབྲུར་ཆུད་པ་ལ་ཆེ་ཆུང་མེད། གཅིག་ལས་མང་པོར་བྱེད་ཅིང༌༑ མང་པོ་ལས་གཅིག་ཏུ་བྱེད་པ་ལ་སོགས་པ་འབྱུང་བས་འབྲས་བུ་གཉིས་པའོ། །ཡང་དེ་ཙམ་ན་རླུང་སེམས་དབུ་མར་ཆུད། བཙུན་མོས་ཕངས་ནས་འཁྱུད། ཟག་མེད་ཀྱི་བདེ་བ་རྒྱུན་མི་འཆད་པས་འབྲས་བུ་གསུམ་པའོ། །ཡང་དེ་ཙམ་ན་མཐོང་སྤང་ལ་སོགས་པའི་རྣམ་པར་རྟོག་པ་ཅི་རིགས་པར་ལྡོག །སྤང་བྱ་མི་མཐུན་པའི་ཕྱོགས་སྟོབས་ཆུང༌། གཉེན་པོ་ཡེ་ཤེས་སྟོབས་ཆེ། རྟོག་པའི་འགྲོ་ལྡོག་ཏུ་འགྱུར་བས་འབྲས་བུ་བཞི་པའོ༑ ༑གྲུབ་མཐའ་སོ་སོའི་འབྲས་བུ་བཞི་ནི། གྲུབ་མཐའ་བཞི་ཉིད་ལ་འབྲས་བུ་ཞེས་མིང་དུ་གདགས་པ་ཡིན་ནོ། །དེ་དག་ལས་ཀྱང་དྲོད་ཀྱི་སྐབས་སུ་དང་པོ་བཞི་གཙོ་བོར་འབྱུང་བས་དེ་ལྟར་གཟུང་ངོ༌། །ད་ནི་ཏིང་ངེ་འཛིན་གྱི་རྒྱུ་དང་ཏིང་ངེ་འཛིན་ཉིད་དང་ཕན་ཡོན་ཐམས་ཅད་མདོར་བསྡུས་ནས་བསྟན་པའི་ ལམ་ལྔ་རྫོགས་པ། ཕྱིར། ཁམས་འདུ་ལུགས་གསུམ་གྱིས་ཕྱོགས་མེད་རྣམས་དང་ཞེས་སྨོས་ཏེ། དེ་ལ་ཁམས་འདུ་ལུགས་གསུམ་ནི། རྒྱུ་དུས་སུ་ཏིང་ངེ་འཛིན་སྐྱེ་བ་སོགས། ལས་འཕྲོ་ཅན་རང་གིས་ཁམས་འདུ། མོས་གུས་ཅན་ བླ་མ་ལ་སོགས་པ། བྱིན་རླབས་ཀྱིས་ཁམས་འདུ། བརྩོན་འགྲུས་ཅན་ ཐུན་བཞི་སོགས། འབད་རྩོལ་གྱིས་ཁམས་འདུའོ། །དེ་ལ་ཕྱོགས་མེད་བདུན་ནི་ དང་པོ་ལ་སྦྱར་ན། ལས་འཕྲོ་ཕྱོགས་མེད་དུ་ རྒྱུ་ སད་པས། རླུང་ ལྔ་ཏིང་ངེ་འཛིན་ ཕྱོགས་མེད་དུ་ལྡོག །དེས་གཏུམ་མོའི་མེ་ཕྱོགས་མེད་དུ་འབར། དེས་རྩ་ཕྱོགས་མེད་དུ་དྲལ། དེས་ཁམས་ཕྱོགས་མེད་དུ་འདུ། དེས་ཟག་བཅས་ཀྱི་མངོན་ཤེས་ཕྱོགས་མེད་དུ་འཆར། དེས་ཟག་མེད་ཀྱི་མངོན་ཤེས་ཕྱོགས་མེད་དུ་འཆར་ཏེ་བདུན་ནོ། །དེ་བཞིན་ཏུ་མོས་གུས་ཕྱོགས་མེད་ལ་བདུན་དང༌། བརྩོན་འགྲུས་ཕྱོགས་མེད་ལ་ཡང་བདུན་ཏེ་ཉི་ཤུ་རྩ་གཅིག་ཏུ་ཡང་འགྱུར་རོ། །དེ་ལྟར་ཉི་ཤུ་རྩ་གཅིག་པོ་ཐམས་ཅད་དང་ལྡན་ན་ཚེ་འདི་ལ་གྲུབ་མཐའ་སྙོགས་སོ། །བཅུ་བཞི་དང་ལྡན་ན་བར་དོར་སྙོགས། བདུན་དང་ལྡན་ན་སྐྱེ་བ་བཅུ་དྲུག་ལ་སོགས་པ་ལ་གྲུབ་མཐའ་སྙོགས་པར་འགྱུར་རོ། །དེ་དག་ཀྱང་དང་པོ་རེ་རེ་ཏིང་ངེ་འཛིན་གྱི་རིང་བའི་རྒྱུ། བར་དུ་ལྔ་ལྔ་ཏིང་ངེ་འཛིན་གྱི་རང་གི་ངོ་བོ། ཐ་མ་རེ་རེ་ཕན་ཡོན་ནམ་འབྲས་བུའོ། །ད་ནི་སེམས་གནས་ལུགས་གསུམ་བརྟན་པ་ལས། རླུང་སེམས་བདག་བྱིན་གྱིས་བརླབས་ན་ཞེས་སྨོས་ཏེ། དེ་ཡང་རླུང་ལོག་པས་སེམས་གནས། རླུང་སེམས་བདག་བྱིན་གྱིས་བརླབས་པས་སེམས་རྟེན་མཉམ་དུ་འདྲེས་པས་སེམས་གནས་ཏེ། དང་པོ་ནི་ཆུ་བཀག་པའམ་རྟ་ དཔེར་ བཟུང་བ་ལྟ་བུ། གཉིས་པ་ནི་དུག་གིས་བརྒྱལ་བ་ལ་སོགས་པ་ལྟ་བུ། གསུམ་པ་ནི་ཆུ་ལ་ཆུའམ་མར་ལ་མར་བཞག་པ་ལྟ་བུའོ། །དེ་ལ་ཐོག་མཐའ་གཉིས་ནི་འོག་ནས་འབྱུང་ལ། འདིར་ནི་རླུང་སེམས་བདག་བྱིན་གྱིས་ བརླབ་པ་བསྟན་ཏོ། །ད་ནི་ལུང་སྒོ་བསྟུན་གྱི་དབང་དུ་བྱས་ནས་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་ན་ཞེས་སྨོས་ཏེ། བྱང་ཆུབ་ནི་ས་བཅུ་གསུམ་པའི་སྤངས་པ་དང་ཡེ་ཤེས། ཕྱོགས་ནི་རྒྱུ། སུམ་ཅུ་རྩ་བདུན་ནི་རྟེན་འབྲེལ་རླུང་ལ་སོགས་པ་ལ་བཞག་སྟེ་གྲངས་སོ། །དེ་ལས་དང་པོ་ལམ་མྱུར་དུ་འཇུག་པའམ། བགྲོད་པའི་དབང་དུ་བྱས་ནས་སྒོམ་པ་མི་འཆོར་བའི་རྫུ་འཕྲུལ་གྱི་རྐང་བཞི་ཞེས་སྨོས་ཏེ༑ བསྒོམ་པ་མི་འཆོར་བ་ནི་རྟེན་འབྲེལ་བདག་ཉིད་ལ་འགྲིག་ཅིང་གང་ཡང་ཏིང་ངེ་འཛིན་ཡིན་པས་སོ། །རྫུ་འཕྲུལ་གྱི་རྐང་པ་བཞི་ནི། སའི་རླུང་གིས་ཏིང་ངེ་འཛིན་ཁྱད་པར་ཅན་ དུ་བ་ལ་སོགས། སྐྱེད་པས་སའི་རླུང་རྫུ་འཕྲུལ་གྱི་རྐང་པ་གསུམ་པོ་དེས་འགྲེ། དེ་ལ་ལས་ཀྱི་རླུང་ཞེས་བྱ་བ་ནི་ལོ་ཀ་པའི་ལམ་མན་ཆད་དུ་ལས་བཅུ་བྱེད་པས་ལས་ཀྱི་རླུང་ངོ༌། །དེ་ལ་སྤྱིར་ལས་ཀྱི་རླུང་འཇུག་པ་ རིགས་ བཞི། རྣམ་པར་དབྱེ་བ་བཅུ། ཉམས་སུ་བླང་བའི་གནད་བདུན། མན་ངག་གི་གནད་བདུན་ཅུ་ཐམ་པའོ། །དེ་ལ་དང་པོ་ནི་ གང་ཟག་གཅིག་གམ་སོ་སོ་ལ། ཕོ་རླུང་གིས་འཕར། མོ་རླུང་གིས་འདར། མ་ནིང་གི་རླུང་གིས་བརྟན། ཐོད་རྒལ་ཡེ་ཤེས་མེ་འབར་བའི་རླུང་འཇུག་པས་འཕྱོང་རྒྱུག་ལ་སོགས་པ་དུ་མ་བྱེད་དོ། །ཁམས་འདུས་པ་དང་པོ་ལ། ཞེས་བྱ་བ་ནི་ཕོ་བྲང་བཞི་ལ་སོགས་པར་རླུང་སེམས་ཡབ་ཡུམ་བཅུ་དམ་ཚིག་ བཞིར་གནས་པ་ པ་དང་ཡེ་ཤེས་ཀྱི་མཁའ་འགྲོའི་ བསྒོམས་པས་འཕེལ་ཏེ་བྱོན་ལ་ ཚུལ་འདུའོ། །རླུང་ཕོ་ལག་ཆ་ཅན་གྱིས་རྩ་དྲལ་ཞེས་བྱ་བ་དེ་ཙམ་ན་སྔར་བྱངས་པར་མ་གྱུར་པས་རྩ་རླུང་གི་ཟུག་འབྱུང་བ་སྟེ། དཔེ་ལས་ཀྱང་རྒུན་གྱི་རླུང་སོ་གྲང་བའི་རེག་བྱ་ཆེ་བ་བཞིན་ནོ། །སེམས་གནས་པ་སེམས་ཉམས། རྟ་རྨི་བ་རྨི་ཉམས་སོ། །རྩ་རླུང་གི་ཟུག་འབྱུང་བ་ལུས་ཉམས་སོ། །དེ་ལ་དོན་གྱིས་བསྟན་པ་རྣམ་པར་དབྱེ་བ་བཅུ་ནི། གཞི་རྩ་བའི་རླུང་ལྔ། ཡན་ལག་གི་རླུང་ལྔ་སྟེ་བཅུའོ། །ཉམས་སུ་བླང་བའི་གནད་བདུན་ནི། སྤྱིར་གང་ཟག་གཅིག་ལ་རླུང་བཞི་སྟེ། ཕྱིར་མི་ལྡང་བ་ རྩ་སོགས་རེ་རེ་ལའང༌། ནང་དུ་འཇུག་པ། གནས་པ། དེ་དག་བསྡོམས་པས་དབུགས་གཅིག་ཅེས་བྱ་སྟེ་བཞིའོ། །དེ་ལ་ཐ་མ་དང་པོར་ ཉམས་བླང་ བརྗོད་ན། བསམ་གཏན་གྱི་ཡན་ལག་རྣམས་ཚང་བར་བྱས་ལ། དང་པོ་རྩོལ་བ་ ཕྱིར་རྒྱུ་ ནས་བཟུང༌། དེ་ནས་སྲོག་ནས་ ནང་རྒྱུ། བཟུང༌། དེ་ནས་རྔན་དགས་ ནང་དུ་རིང་རྒྱུ་སོགས་རིམ་གྱིས་སྦྱིན། ཉམས་ ལུས་ཉམས་སོགས་ ཐམས་ཅད་བྱུང་རྒྱལ་དུ་བསྐྱང༌། ཡིད་འཇུག་ཡུལ་བརྟག །ཁམས་ཚོད་བཟུང༌། དེ་བརྟན་ཞིང་བོགས་དབྱུང་བའི་ཕྱིར་དབུགས་ཕྱིར་བཏང་ཞིང་གདམས་ངག་ནི་གཏོང་བའི་ཡན་ལག་ཡིན་ཏེ། དེ་ལ་གསུམ། རྩོལ་བ་ གཡས་ བཀག་སྟེ་སྲོག་ གཡོན་ ནས་གཏོང༌། ཤུགས་བསྐྱེད་ ཤེས་པ་མཛོད་སྤུར་ དེ་གཉིས་ཀ་ནས་གཏོང་ངོ༌། །ཁ་ནས་སྒྲ་བཅས་སུ་ ཡང་དྲངས། གཏོང་ངོ༌། །ཡང་བརྟན་ཞིང་བོགས་དབྱུང་བའི་ཕྱིར། ནང་དུ་འཇུག་པའི་གདམས་ངག་ནི་ དགང་བའི་ཡན་ལག་ཡིན་ཏེ་དེ་ལ་གཉིས། ཁ་ནས་སྒྲ་མེད་དུ་ ཤེས་པ་ལྟེ་བའི་ༀ་ལ་བསྟིམ་ དགང༌། རྩོལ་བ་བཀག་སྟེ་ འབིར་བ་ཉིད་ཡོན་ཏན་འདི་ལས་སྐྱེས་ སྲོག་ནས་དགང་ངོ༌། །ཡང་བརྟན་ཞིང་བོགས་དབྱུང་བ་ལ་སོགས་པའི་ ཕྱིར་རོ། །གཙོ་བོར་འཇུག་པ་དབུགས་གནས་པའི་གདམས་ངག་ནི་ཁ་སྦྱོར་ཡིན་ཏེ། དེ་ཡང་བསམ་གཏན་གྱི་ཡན་ལག་རྣམས་ཚང་བར་བྱས་ལ། དང་པོར་འོག་རླུང་བསྐུམ། དེ་ནས་སྟེང་རླུང་གཞུག །དེ་ནས་འོག་རླུང་བསྐུམ་ལ༑ གནད་ དུས་མཉམ་དུ་འགྲོ་བ་དང༌། དུས་མཉམ་དུ་མི་འགྲོ་བ་འཁྲུལ། འོག་མ་གློད་པར་སྟེང་འགྲོ་ན་འཁྲུལ་པར་ནང་དུ་འགྲོ་ཡོན་ཏན་སྐྱེ། གསུམ་མ་འཁྲུལ་བ་ཤིན་ཏུ་གཅེས། ཤེས་པ་ལྟེ་བའི་ཨ་ལ་སོགས་པ་ལ་གཏད་ལ། རྩོལ་བ་ཡང་རབ་རྒྱུན་མི་འཆད། རྩོལ་བ་རབ་ལ་དྲུག་ཅུ་རྩ་བཞི། འབྲིང་ལ་སུམ་ཅུ་རྩ་གཉིས་སུ་བཤད། རྩོལ་བ་ཐ་མ་ལ་ངེས་པ་མེད། ཅེས་བྱའོ། །ཉམས་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ༌། །གཞི་རྩ་བའི་རླུང་སྩོགས་བཅུ་ཟིན་པའི་བྱེ་བྲག་བདུན་གྱི་ཞེས་སྨོས་ཏེ། མན་ངག་གི་གནད་བདུན་ཅུ་ཐམ་པ་སྟེ། རླུང་རེ་རེ་ལ་མིང་གང་ཡིན་པ། གནས་གང་གནས་པ། ལས་ཅི་བྱེད་པ། དེ་ཟིན་པའི་ཟུག །ཏིང་ངེ་འཛིན་གང་ཡིན་པ། རེངས་པའི་སྐྱོན། བཅོས་པའི་ཐབས་ཏེ་བདུན་ནོ། །དེ་ལ་མིང་ནི་སྲོག་ ཆུ་རླུང་ འཛིན་པ། གནས་སྲོག་པ་རྩ་ན་གནས། ལས་ལུས་དང་སེམས་མི་འབྲལ་བར་བྱེད། ང་བདག་ཏུ་འཛིན་པར་བྱེད། དེ་ཟིན་པའི་ཟུག་ནི། སྙིང་འཆུ་ ཞིང་སྤྲུག །རོ་སྟོད་གཟེར་ཞིང་ན། ཁ་ཤུགས་འབྱིན་ནོ། །ཏིང་ངེ་འཛིན་སྟོང་གསལ་ཡུན་རིང་བ་ཅིག་སྐྱེ། རེངས་ན་སྙིང་རླུང་ལ་སོགས་པར་འགྱུར་རོ། །བཅོས་པའི་ཐབས་ལ་གསུམ། ལ་དོར། བྱིན་གྱིས་བརླབ། བདེ་བ་བསྒོམ་མོ། །མིང་ནི་མེ་དང་མཉམ་དུ་ ས་རླུང་ གནས་པ་ལྟེ་བ་ན་གནས། ལས་ཁ་ཟས་འཇུ་བར་བྱེད། དྭངས་སྙིགས་འབྱེད་པར་བྱེད། དེ་ཟིན་ན་ཟུག་ནི་འཕོ་བ་ལ་སོགས། འུར་སྒྲ་ལ་སོགས་པ་འབྱིན། ཏིང་ངེ་འཛིན་བདེ་སྟོང་ཡུན་ཐུང་བ་ཞིག་སྐྱེ། རེངས་ན་དམུ་ཆུ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཐུར་ རླུང་གི་རླུང༌ སེལ། གནས་གསང་གནས་ན་གནས། ལས་སིཧླ་དང་ག་པུར་འཕེན་པར་བྱེད༑ སྡོམ་པར་བྱེད། གཞི་མཉམ་དང་གླ་རྩི་འཕེན་པར་བྱེད། སྡོམ་པར་བྱེད། དེ་ཟིན་ན་ཟུག་ནི་འགྲོ་འོང་གི་བར་དུ་ཟུག་ཅིང་ན། ཏིང་ངེ་འཛིན་བདེ་སྟོང་ཡུན་རིང་བ་ཞིག་སྐྱེ། རེངས་ན་རོ་སྨད་བཤལ་ཅིང་མི་ཐེག །དྲི་ཆེན་དྲི་ཆུ་ལ་སོགས་པ་སྡོམ། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ མེ་རླུང་ ནི་གྱེན་དུ་རྒྱུ་བ། གནས་མགྲིན་པ་ན་གནས། ལས་སྨྲ་བ་དང་རྒོད་པར་བྱེད། ཁ་ཟས་འཕུལ་ཞིང་གྱེན་དུ་འདྲེན་པར་བྱེད་དོ། ། དེ་ཟིན་ན་ཟུག་ནི་མགྲིན་པ་སྐྲང་ཞིང་ན། ཏིང་ངེ་འཛིན་ཤེས་པ་གསལ་སྟོང་ཡུན་རིང་བ་ཞིག་སྐྱེ། རེངས་ན་ལྐོག་འབྲས་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཁྱབ་ ནམ་མཁའི་རླུང་ བྱེད། གནས་སྤྱི་བོ་དང་ཚིགས་ཆེན་བཅུ་གཉིས་ན་གནས། ལས་འཕྱོང་བ་དང༌། རྒྱུག་པ་དང༌། འདེགས་པ་དང༌། འཇོག་པ་ལ་སོགས་པ་བྱེད། དེ་ཟིན་པའི་ཟུག་ནི་མགོ་བོ་ན། ཚིགས་ཀྱི་ཚོགས་ཐམས་ཅད་ན། ཏིང་ངེ་འཛིན་ལུས་བདེ་གསལ་གྱི་རྣམ་པར་སྐྱེ། རེངས་ན་ཡན་ལག་འཁུམས་ཤིང་སྒུར་པོ་ལ་སོགས་པར་འགྱུར་རོ། །བཅོས་པའི་ཐབས་སྔ་མ་བཞིན་ཏེ་བདུན་ནོ། །དེ་དག་གིས་ནི་གཞི་རྩ་རླུང་ལྔའི་མན་ངག་གི་གནད་སུམ་ཅུ་རྩ་ལྔ་བསྟན་ཏོ། །ད་ནི་ཡན་ལག་གི་རླུང་ལྔ་ལས། མིང་ནི་རྒྱུ་བ། འདི་དག་ནི་ལྔ་ཀ་རྒྱུ་བ། གནས་མིག་གཉིས་ལ་གནས། ལས་གཟུགས་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་མིག་དང་མིག་ཕུགས་སུ་ཟུག་ཅིང་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་ལོང་བ་ལ་སོགས་པར་འགྱུར། བཅོས་པའི་ཐབས་ནི་སྔ་མ་བཞིན་ཏེ་བདུན་ནོ། །མིང་ནི་རབ་ཏུ་རྒྱུ་བ༑ གནས་རྣ་བ་གཉིས་ན་གནས། ལས་སྒྲ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་རྣ་གུང་གཟེར་ཞིང་ན། ཅུང་ཟད་ཐོས་པར་དཀའ། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད༑ རེངས་ན་འོན་པ་ལ་སོགས་པར་འགྱུར། སྐབས་སུ་རྣག་ཁྲག་འཛག །བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཤིན་ཏུ་རྒྱུ་བ། གནས་སྣའི་འདོམས་ལ་གནས། ལས་དྲི་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་སྣ་དང་སྣ་རུས་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་སྣ་ཞོམ་ཞིང་དྲི་མི་ཚོར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་མངོན་པར་རྒྱུ་བ། གནས་ལྕེ་དང་ལྕེ་ཆུང་ལ་གནས། ལས་རོ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་ལྕེ་དང་ལྕེ་ཆུང་སྐྲངས་ཤིང་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་ལྐུགས་པ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཡང་དག་པར་རྒྱུ་བ། གནས་རྩ་དང༌། པགས་པ་དང༌། བ་སྤུའི་ཚོགས་ཐམས་ཅད་ལ་གནས། ལས་རེག་བྱ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་སྤུ་ལུས་ཐམས་ཅད་ཚ་ཞིང་འབྲབ་པ་ལ་སོགས་པ་འབྱུང༌། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱིས་གྲོགས་བྱེད། རེངས་ན་པགས་པ་འགོག་ཅིང་ཟ་འབྲུམ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །དེ་ལ་བཅོས་པའི་ཐབས་དང་པོ་ལ་དོར་བ་ལ་གསུམ། རྩ་དེ་ཉིད་ཀྱི་གནས་སུ་ ན་སར་གཏད་པ་ ལ་དོར། རླུང་རྔན་དགས་བྱིན་ཏེ་ ནང་དུ་རྔུབས་ཏེ་ན་སར་གཏད་པ་ ལ་དོར། སེམས་ཉམས་ ན་བ་ཉིད་ཏིང་ངེ་འཛིན་ཡིན་ལ་ ཀྱི་དྲོད་བྱུང་རྒྱལ་དུ་ལ་དོར་རོ། །བྱིན་རླབས་ལ་དྲུག །བླ་མ་དམ་པས་བྱིན་གྱིས་ སྤྱི་བོར་མོས་གུས་ཀྱི་ བརླབ། ལྷག་པའི་ལྷས་ ཡེ་ཤེས་པ་གཞུག་པ། བྱིན་གྱིས་བརླབ། ཕྱི་ནང་མཁའ་འགྲོས་ ཚོགས་ཀྱིས་མཉེས་པ་ བྱིན་གྱིས་བརླབ། ཐེག་པ་ཆེན་པོ་ ངོ་མཚར་ཆེ་བས་ཡིད་ཆེས་ ཟབ་མོ་མདོ་རྒྱུད་ཀྱི་ཚིག་གི་བྱིན་གྱིས་བརླབ། སྣང་བ་ ངོ་མཚར་ཆེ་བ་ སྣ་ཚོགས་ཀྱི་བྱིན་གྱིས་བརླབ། རྟེན་འབྲེལ་ཟབ་མོས་ ལུས་སྦྱང་བ་སོགས་ བྱིན་གྱིས་བརླབ་བོ། །བདེ་བ་སྒོམ་པ་ལ་གཉིས་ཏེ། སྟེང་དུ་ལོངས་སྤྱོད་ བསྒོམ་གཏོར་བཙལ་བ་དང་འདྲ་ ཀྱི་རླབས་ལ་བརྟེན་ནས་བདེ་བ་སྒོམ། འོག་ཏུ་གསང་བའི་སྙོམས་འཇུག་ལ་བརྟེན་ཏེ་བདེ་བ་སྒོམ་མོ། །ད་ནི་ཡན་ལག་གི་དོན་ལས། སྣ་ཚོགས་མདུད་པ་ནི་ལྟེ་བ། སྩོགས་ཀྱིས་བསྡུས་པས་ཕོ་བྲང་འདུ་ས་བཞི། བྱེ་བྲག་བདུན་ནི་མིང་གང་ཡིན་པ་ལ་སོགས་པ་སྔར་བསྟན་པ་བཞིན་བདུན། ཡན་ལག་གི་རླུང་རིམ་གྱིས་ནང་དུ་འགགས། ཞེས་བྱ་བ་གཞི་རྩ་བའི་རླུང་ལྔ་ཟིན་པའི་སྟོབས་ཀྱིས་རྒྱུ་བ་ལ་སོགས་པ་ཡན་ལག་གི་རླུང་ལྔ་ཡང་ཁད་ཀྱིས་ནང་དུ་འགགས་སོ། །ཤུགས་ཀྱིས་བསྟན་པ། དེས་གཏུམ་མོའི་མེ་ དྲོད་ཆེ་ སྦར། དེས་རྩ་དྲལ། དེས་ཁམས་འདུ་ཞེས་པ་གསུམ་ ཤུགས་ཀྱིས་ ཤེས་པར་བྱས་ལ། ཁམས་དྭངས་མ་ཐིག་ལེ་ཞོ་དཀྲོགས་པའི་མར་བཞིན་དུ་མང་དུ་ཁ་འབུ་བ་ རྟེན་ཡིན་ ཡིན་ནོ། །རྟེན་མཉམ་དུ་འགྲེ་བ་ནི། རྩ་རིན་པོ་ཆེའི་ཕོ་བྲང་དུ། ཐིག་ལེ་གཞིར་གནས་པ་དང་སྒོམ་པའི་བསྒོམས་ཀྱིས་གཡོས་པ་གཉིས། དམ་ཚིག་གི་མཁའ་འགྲོ་དང་ཡེ་ཤེས་ཀྱི་མཁའ་འགྲོའི་ཚུལ་དུ་འདྲེས་ཏེ་བྱིན་གྱིས་བརླབས་ ཏིང་ངེ་འཛིན་རྒྱུ་ པའོ། །དེ་བས་ ཏིང་ངེ་འཛིན་ ན་སེམས་ནང་དུ་གནས་པ་ནི་ཡིད་འཛིན་པ། རྣམ་ཤེས་ལྔ་ནང་དུ་འདུས་པ་མིག་ལ་སོགས་པ་ཡུལ་གྱི་རྗེས་སུ་མི་འབྲང་བ་སྟེ། དེ་དག་གིས་ཏིང་ངེ་འཛིན་སྐྱེ་བའི་རྒྱུ་དང༌། ཏིང་ངེ་འཛིན་རང་གི་ངོ་བོ་གཉིས་བསྟན་ཏོ། །ཕུང་པོ་ལྔ་དུལ་ ཏིང་ངེ་འཛིན་གྱི་ཕན་ཡོན་ ཞེས་བྱ་བ་ནི་ཕན་ཡོན་ཏེ། དང་པོར་ཉོན་མོངས་པ་བློ་བུར་བ་ཅུང་ཟད་ཟློག ༑གང་ལའང་ཞེན་པ་ཆུང་བ་ལ་སོགས་པ་དང༌། མཉེན་ལྕུགས་རྣམ་པ་བཞི་ རླུང་རྩ་ཡི་གེ་བདུད་རྩི་ ཡང་རིམ་གྱིས་འཆར་བ་ཡིན་ནོ། །ཡེ་ཤེས་འགྲོ་ལྡོག་བྱེད་ཅེས་པ་ནི་ཏིང་ངེ་འཛིན་སྐྱེ་བའི་ཚུལ་ཏེ། ལས་དང་པོ་བ་ཁམས་འདུས་པ་དང་པོ་ལ་སོགས་པའི་དུས་སུ་མི་རྟོག་པའི་ཏིང་ངེ་འཛིན་སྐྱེ་ཡང་མི་བརྟན་ཏེ་རྟོག་པས་དབང་བྱེད་པས་ཡེ་ཤེས་སྐྱེས་ཀྱང་ཡེ་ཤེས་ལྡོག་སྟེ་ཕན་འདོགས་ཆུང་བས་སྤྲིན་གསེབ་ཀྱི་ཉི་མ་བཞིན་ནོ། །ད་ནི་ཏིང་ངེ་འཛིན་སྐྱེ་བའི་ཚུལ་རྣམས་དྲོད་གསུམ་གྱི་བྱེ་བྲག་གིས་མདོར་བསྡུས་ནས་བསྟན་པའི་ཕྱིར། སྒོམ་པ་མི་འཆོར་བ་ནི་ཚུལ་སྔ་མ་བཞིན་ནོ། །མཐོང་སྣང་ནི་དུ་བ་ལ་སོགས་པ། རྨི་ལམ་ནི་རྟ་རྨི་བ་ལ་སོགས་པ། ཉམས་ནི་ལུས་ཉམས་ཏེ་རྩ་རླུང་གི་ཟུག་ལ་སོགས་པའོ། །རྣམ་རྟོག་སྔོན་ཏུ་སོང་བ་ལྟར་ཞེས་བྱ་བ་དྲོད་གསུམ་གྱི་བྱེ་བྲག་གིས་ཏེ། རྣམ་རྟོག་སྔོན་ཏུ་སོང་བའི་མཐོང་སྣང་གསུམ་དེ་བཞིན་ཏུ་ཁམས་དགུ་འདུས་པའི་གསུམ། ཐིག་ལེ་འབར་ཞིང་འདུས་པའི་གསུམ་སྟེ་དགུའོ། །ཁམས་གསུམ་ཀུན་ཏུ་སྣང་ཞེས་བྱ་བ་སྣང་བ་གཞན་མི་དམིགས་པར་དེ་ཉིད་ལ་ཏིང་ངེ་འཛིན་དུ་གནས་པས་སོ། །ད་ནི་ལམ་འཁྲིད་ལུགས་གསུམ་ལས། རླུང་གིས་ལམ་འཁྲིད་པའི་ཏིང་ངེ་འཛིན་ བསྟན་པའི་ཕྱིར། ས་ཆུ་ལ་ཐིམ་ན་སྨིག་རྒྱུ། ཞེས་བྱ་བ་ལ་སོགས་པ་སྨོས་ཏེ། དེ་ཡང་རླུང་ལྔ་རང་རང་གི་གནས་སུ་ཟིན་པའི་ཉམས། སྟོབས་འཕེལ་བའི་ཉམས། རླུང་འབྱུང་བཞིར་ཆ་མཉམ་སྟེ་ཟིན་པའི་ཉམས། བཅུ་དྲུག་ཏུ་ཆ་མཉམ་སྟེ་ཟིན་པའི་ཉམས་སོ། །དེ་ལ་ས་ཆུ་ལ་ཐིམ་ན་སྨིག་རྒྱུ། ཞེས་བྱ་བ་ས་རླུང་རང་གི་གནས་ལྟེ་བར་ཟིན་ན་ཉམས་ གྲངས་དང་ཚད་ཟིན་པ་དང་ནུས་མཐུ་ཟིན་པ་ གསུམ་ཅར་ལ་སྨིག་རྒྱུ། ལྷག་མ་འགྲེས་ཏེ་ཤེས་པར་བྱ། དེ་དག་མཆོག་གི་གནས་དབུ་མར་ཟིན་པར་གྱུར་ན་སྨིག་རྒྱུ་ལ་སོགས་པ་ཤིན་ཏུ་གསལ་ཞིང་ཤིན་ཏུ་བརྟན་པ་འབྱུང་ངོ༌། །གཞུང་ཇི་ལྟར་འགྲོ་བ་ཡང་བླ་མའི་ཞལ་ལས་ཅུང་ཟད་ཤེས་པར་བྱའོ། །ཕྱི་ནང་གི་རྟེན་འབྲེལ་གཉིས་ཀྱི་རིམ་པ་ཡིན་མིན་སྐྱེ་བ་ལ་ཉེས་པ་མེད། དེ་བཞིན་ཏུ་བསྒྲེས་ལ་རྣམ་པར་ཤེས་པ་འོད་གསལ་ལ་ཐིམ་ཞེས་པའི་བར་དུ་ཡང་ཤེས་པར་བྱའོ། །ནམ་མཁའ་ལ་རླུང་རང་གི་གནས་སྤྱི་བོར་ཟིན་ན་ནམ་མཁའ་ལ་སྤྲིན་ཆད་པ་ལྟ་བུ་མཐོང་བའོ། །མདོར་ན་ཐིམ་ཞེས་བྱ་བ་ནི་འབྱུང་བ་རང་རང་གི་རླུང་རྒྱུ་བའི་བསྐལ་པ་དེ་ཟིན་ནས་འབྱུང་བ་གཞན་གྱི་རླུང་རྒྱུ་བ་ལ་ཐིམ་པ་ཞེས་བྱའོ། །རླུང་འདྲེས་ལྟ་བུ་ལ་ཐིམ་ཞེས་བྱ་བ་ནི་མ་ཡིན་ནོ། །ད་ནི་འབྱུང་བ་ལྔའི་རླུང་སྟོབས་འཕེལ་བའི་ཉམས་ལས། ས་ཆུ་མེ་རླུང་དང་ཞེས་བྱ་བ་དམ་ཚིག་གི་མཁའ་འགྲོའི་ཚུལ་དུ་གནས་པ་དང༌༑ རླུང་སེམས་མཉམ་པར་འདུས་ཞེས་བྱ་བ་ཡེ་ཤེས་ཀྱི་མཁའ་འགྲོའི་ཚུལ་གྱིས་བྱིན་གྱིས་བརླབ་པ་ཡིན་ལ། ཁྱད་པར་དུ་མེ་རླུང་གིས་བྱིན་གྱིས་བརླབས་ན། ཁམས་གསུམ་ཀུན་ཏུ་མེ་ལྟར་སྣང་ཞེས་བྱ་བ་མཐོང་སྣང༌། རྨི་ཉམས་སུ་གྲོང་ཁྱེར་ཆེན་པོ་མེས་ཚིག་པ་ལ་སོགས་པ་འབྱུང༌། ལུས་ཉམས་སུ་ཡང་སྤུ་ལུས་ལ་སོགས་པ་ཐམས་ཅད་ཚ་ཞིང་འབྲབ་སྟེ། གཉིས་ཤུགས་ཀྱིས་ཤེས་པར་བྱའོ། །ཆུ་རླུང་དང་སྤུ་ལུས་གྲང་ཞེས་བྱ་བ་ནི་ཆུ་རླུང་སྟོབས་འཕེལ་བས་བདག་རྒྱུད་བྱིན་གྱིས་བརླབས་ན་ལུས་ཉམས་སུ་གྲང༌། རྨི་ཉམས་སུ་རྒྱ་མཚོ་ལ་གྲུ་གཟུག་པ་ལ་སོགས་པ་རྨི། མཐོང་སྣང་དུ་རྒྱ་མཚོ་བཞི་ལ་སོགས་པ་མཐོང༌། གཉིས་ཤུགས་ཀྱིས་ གཞུང་ལས་མེད་པས་ ཤེས་པར་བྱ། འོག་ཏུ་སྦྱར་ལ། ནམ་མཁའ་དང་མཉམ་པ་དང་སྤུ་ལུས་བདེ་ཞེས་བྱ་བ་ནི། ནམ་མཁའི་རླུང་སྟོབས་འཕེལ་བས་བདག་བྱིན་གྱིས་བརླབས་ན། ལུས་ཉམས་སུ་སྤུ་ལུས་ཐམས་ཅད་ཚིམ་ མེ་མཚོན་སོགས་ ཞིང་བདེ་བ་ལ་སྡུག་བསྔལ་གྱི་རྐྱེན་གྱིས་ཀྱང་མི་གནོད། སེམས་ཉམས་སུ་སྟོང་ཤས་ཆེ། རྨི་ཉམས་སུ་སྣང་བ་གང་ལའང་ཐོགས་པ་མེད་པ་རྨི་སྟེ། གཉིས་ཤུགས་ཀྱིས་ཤེས་པར་བྱའོ། །རླུང་གི་རླུང་སྟོབས་འཕེལ་བས་བདག་བྱིན་གྱིས་བརླབས་ན། འདུ་འཕྲོ་ཞེས་བྱ་བ་སེམས་ཉམས་ཏེ་ཤེས་པ་སྐད་ཅིག་ཀྱང་ མི་རྟོག་པར་ མི་གནས་པར་རྣམ་པར་རྟོག་པ་རྒྱུན་ཆགས་ཀྱི་འདུ་འཕྲོ་དུ་མ་བྱེད་ཅིང་གཉིད་ཀྱང་འཆག་གོ །བརྒྱ་ཞིག་ལ་གཉིད་བྱུང་ན་རྨི་ཉམས་ནི་རང་འཕུར་བ་དང༌། བྱའི་ཁྱུ་མང་པོ་རྨིའོ། །ལུས་ཉམས་སུ་ནི་རྟ་ལྟར་མགྱོགས། མཐོང་སྣང་དུ་སྟོང་གསུམ་ཐམས་ཅད་རླུང་ཚུབ་ལྟར་དུ་མཐོང་སྟེ་ཐ་མ་གཉིས་ཤུགས་ཀྱིས་བསྟན་ཏོ། ། ས་ རྡོ་རྗེའི་ཚིག་རྐང་ཟོར་ཡང་བར་བྱ་བའི་ཕྱིར་ རླུང་གི་ཉམས་ཤུགས་ཀྱིས་བསྟན་པ་ནི། ས་རླུང་སྟོབས་འཕེལ་བས་བདག་བྱིན་གྱིས་བརླབས་ན། ལུས་ཉམས་སུ་སྤུ་ལུས་ཐམས་ཅད་ལྕི་ཞིང་མི་ཐེག །སེམས་ཉམས་སུ་གསེར་གྱི་ས་གཞི་ལ་སོགས་པ་མཐོང་ཞིང་སྣང་བ་གསེར་དུ་འཆར། རྨི་ཉམས་སུའང་ཐང་ཆེན་པོར་འགྲོ་མི་ནུས་པ་ལ་སོགས་པ་རྨི་སྟེ། གསུམ་ཀ་ཤུགས་ཀྱིས་བསྟན་ཏོ། །དེ་དག་གིས་ཀྱང་རྡོ་རྗེའི་ཚིག་རྐང་ཟོར་ཡང་བར་བྱ་བའི་ཕྱིར་མེ་རླུང་གི་ཉམས་མཐོང་སྣང་ལ་སྦྱར་བ་གཉིས་ཤུགས་ཀྱིས་བསྟན། ཆུ་རླུང་དང༌། ནམ་མཁའི་རླུང་ལུས་ཉམས་ལ་སྦྱར། གཉིས་ཤུགས་ཀྱིས་བསྟན། རླུང་གི་རླུང་སེམས་ཉམས་དང་རྨི་ཉམས་ལ་སྦྱར༑ ལུས་ཉམས་དང་མཐོང་སྣང་གི་ཏིང་ངེ་འཛིན་ཤུགས་ཀྱིས་བསྟན། ས་རླུང་གི་ཉམས་གསུམ་ཀ་ཤུགས་ཀྱིས་བསྟན་ཏེ། དེ་ལྟར་ཉམས་བཅོ་ལྔར་ཤེས་པར་བྱའོ། །ད་ནི་འབྱུང་བཞིའི་རླུང་ཆ་མཉམ་པའི་ཉམས་ལས། འབྱུང་བཞིའི་རླུང་མཉམ་རྒྱུ་དང་ལྷ་མོ་སྣ་ཚོགས་ཀྱིས་གར་མཆོད་ཞེས་སྨོས་ཏེ། འབྱུང་བཞིའི་རླུང་ཉིས་བརྒྱ་ཉི་ཤུ་རྩ་ལྔ་པ་བཞི་དགུ་བརྒྱ་པ་ཕྲག་གཅིག་ཏུ་ཟིན་ན་མཐོང་སྣང་དང་རྨི་ཉམས་སུ་ལྷ་མོ་གླུ་ལེན་པ་སྣ་ཚོགས་ཀྱིས་གླུ་དང་གར་གྱིས་མཆོད་པ་བྱེད་པ་འབྱུང་སྟེ། འདི་ལ་ལུས་ཉམས་ནི་གཙོ་ཆུང་བས་མ་བརྗོད་དོ། །འབྱུང་བ་བཅུ་དྲུག་ཏུ་ཆ་མཉམ་པའི་ཕྱིར། འབྱུང་བ་བཞིའི་རླུང་སྣ་ཚོགས་ཞེས་ ས་གཞི་ལ་སོགས་པ་ བྱ་བ་འཕོ་བ་གཉིས་ཀྱི་རླུང་ཆ་མཉམ་པར་ཟིན་པས་ནང་གི་རྟེན་འབྲེལ་བྱས་ནས། ཕྱི་རོལ་ཏུ་སྣ་ཚོགས་དང་དྲི་རོ་ཞེས་བྱ་བ་ལོ་ཀའི་ཁམས་ཀྱི་དྲི་སྣ་ཚོགས་ཉམས་སུ་མྱོང་བ་སྙམ་བྱེད་པ་འབྱུང་སྟེ། འདི་ལ་ལུས་ཉམས་འབའ་ཞིག་ལ་མཐོང་སྣང་དང་རྨི་ཉམས་ནི་མེད་དོ། །འདི་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས་ཡིན་ཞིང༌། གཞན་རང་བཞིན་ དེ་འཕོས་ནས་ སྟོང་པ་དང༌། ངོ་བོ་ཟུང་འཇུག་ཀྱང་རིམ་པ་ཡིན་མིན་དུ་སྐྱེ་བས་དྲོད་ཐམས་ཅད་བྱུང་རྒྱལ་དུ་བསྐྱང་ངོ༌། །ལོ་ཀ་ལས་འདས་པའི་ལམ་དུ་རླུང་གིས་ལམ་ཁྲིད་པ་ལྷག་མ་རྣམས་ནི་སྔར་ལམ་སྤྱིའི་རྣམ་པར་གཞག་པ་བསྟན་པ་དང༌། ལོ་ཀ་ལས་འདས་པའི་ལམ་ཉིད་དུ་འཆད་པར་འགྱུར་བས་འདིར་མ་བརྗོད་དོ༑ ༑ད་ནི་ཁམས་ གཉིས་པ་ བདུད་རྩིའི་ལམ་ཁྲིད་པ་ལས། བདུད་རྩི་ལྔ་དང་དེ་བཞིན་གཤེགས་སྐུ་སྩོགས་ཞེས་བྱ་བ་བདུད་རྩི་ལྔ་ཆ་མཉམ་ནས་བདག་བྱིན་གྱིས་བརླབས་ན། ཉམས་གསུམ་ཀ་ལ་དེ་བཞིན་གཤེགས་པ་ལྔ་དང༌། དེའི་རིགས་དང༌། ཁ་དོག་ལ་སོགས་པ་ཅི་རིགས་པ་འབྱུང་ངོ༌། །སིཧླ་དང་ཉི་མ་ཞེས་བྱ་བ་ཁྱད་པར་དུ་མ་ལས་ཐོབ་པའི་རཀྟས་བདག་བྱིན་གྱིས་བརླབས་ན། མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་ཉི་མ་ ངེས་མེད་དུ་ མཐོང༌། ལུས་ཉམས་སུ་འོད་དམར་པོས་བསྐོར། ག་པུར་དང་ཟླ་བ་ཞེས་བྱ་བ་ཕ་ལས་ཐོབ་པའི་ཟླ་བ་བྱང་ཆུབ་ཀྱི་སེམས་སྟོབས་འཕེལ་ན། མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་ཟླ་བ་མཐོང༌། ལུས་ཉམས་སུ་འོད་ཁ་དོག་དཀར་པོས་བསྐོར། རྩ་ཕྲན་རྣམས་སུ་ཐིག་ཕྲན་དང་སྐར་མ་ཞེས་བྱ་བ་རྩའི་གཙོ་བོ་ལས་རྩ་ཕྲན་སྟོང་ཕྲག་བདུན་ཅུ་རྩ་གཉིས་སུ་གྱེས་པར་ཐིག་ལེ་ཕྲ་མོ་འཕེལ་ན་མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་སྐར་མ་མཐོང༌། ལུས་ཉམས་སུ་བ་སྤུའི་བུ་ག་ནས་གཟའ་དང་སྐར་མ་ལ་སོགས་པ་དུ་མ་འཕྲོའོ། །དེ་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས་ཡིན་ཞིང༌། ཉམས་གཞན་གཉིས་ཀྱང་ཤུགས་ཀྱིས་བསྟན་ལ་བདུད་རྩིའི་ལམ་ཁྲིད་པ་ལྷག་མ་རྣམས་ནི་ལོ་ཀ་ལས་འདས་པའི་ལམ་ཉིད་དུ་རྟོགས་པར་འགྱུར་རོ། །ད་ནི་རྩ་ཡི་གེས་ལམ་ཁྲིད་པ་ལ། དེ་ལ་གཞུང་ཚོམས་སུ་བཅད་ན། ཡི་གེ་ཕལ་པས་ལམ་ཁྲིད། ཡི་གེ་བཅུ་བཞིས་ལམ་ཁྲིད། ཡི་གེ་བསམ་གྱིས་མི་ཁྱབ་པས་ལམ་ཁྲིད་དོ། །དེ་ལ་རྩ་འཛིན་སྩོགས་ཞེས་བྱ་བ། རྩ་འཛིན་ཆེན་པོར་རླུང་སེམས་མཉམ་པར་འདུས་ན་ཉམས་གསུམ་ལ་རི་བྲག །རྩ་འཛིན་ཆུང་ངུར་འདུས་ན་ཉམས་གསུམ་ཀ་ལ་ཤིང་སྡོང༌། ཆགས་སྡང་རྣམ་པ་ལྔ་དང་ཞེས་བྱ་བ། སྙིང་གའི་ཧཱུྃ་ལ་སོགས་པ་ཉོན་མོངས་པ་ལྔའི་ཡི་གེར་རླུང་སེམས་མཉམ་པར་འདུས་ན། བདག་གི་རྒྱུད་ལ་ཉོན་མོངས་པ་ལྔ་རང་བྱུང་དུ་སྐྱེ། གཞན་རྒྱུད་ འཁྲུལ་པ་ལྟ་བུར་ ལའང་སྐྱེས་པར་སྣང༌། ཉོན་མོངས་པ་ལྔའི་རྣམ་པ་འཇོམས་པར་མཐོང་སྟེ། འདོད་ཆགས་ཀྱི་དུག་འཇོམས། ཞེ་སྡང་གི་མེ་གསོད། གཏི་མུག་གི་མུན་པ་སེལ། ང་རྒྱལ་གྱི་རི་བོ་ཆེན་པོ་སྙིལ། ཕྲག་དོག་གི་ལྕགས་སྒྲོག་འགྲོལ་བ་མཐོང་ངོ༌། །ཉམས་ངའི་རྩ་ནི་མཁལ་མའི་ནང་གཉིས་ན་གནས་ཏེ། དེར་རླུང་སེམས་འདུས་ན་སེམས་ཉམས་དང་རྨི་ཉམས་སུ་འཇིགས་ཤིང་ཉམ་ང་བ་འབྱུང་ལ། ལུས་ཉམས་སུ་ཉམ་ང་བའི་སྤྱོད་ལམ་འགྱུར་བ་འབྱུང་ངོ༌། །མྱ་ངན་གྱི་རྩ་ནི་རྐང་པའི་མཐེ་བོང་གཉིས་དང་བོལ་གཉིས་ལ་གཙོ་བོར་གནས། ལག་པའི་མཐེ་བོང་གཉིས་ལ་ཕལ་པའི་ཚུལ་དུ་གནས་ཏེ། དེ་དག་ཏུ་རླུང་སེམས་མཉམ་པར་འདུས་ན་ཉམས་གསུམ་ཀ་ལ་མྱ་ངན་རང་བྱུང་དུ་སྐྱེ། འདྲེའི་རྩ་ནི་ལག་པའི་སྲིན་ལག་གཉིས་ལ་གཙོ་བོར་གནས། རྐང་སྲིན་གཉིས་ལ་ཕལ་པའི་ཚུལ་དུ་གནས་ཏེ། དེར་རླུང་སེམས་འདུས་ན་ཉམས་གསུམ་ཀ་ལ་འདྲེས་ནོན་པ་ལྟ་བུ་འབྱུང༌། གཡལ་དང་མཆིལ་མའི་རྩ་ནི། འོག་ཏུ་མཁལ་མའི་ཕྱི་རོལ་གཉིས་ན་གནས། སྟེང་ན་མིག་རྩ་འཁྱིལ་པ་གཉིས་ན་གནས་ཏེ། དེར་རླུང་སེམས་མཉམ་པར་འདུས་ན་ལུས་ཉམས་འབའ་ཞིག་ལ་གཡལ་དང་མཆིལ་མ་འབའ་ཞིག་རྒྱུན་མི་འཆད་པར་འབྱུང་ངོ༌། །དེ་དག་གིས་ནི་ཡི་གེ་ཕལ་པས་ལམ་ཁྲིད་པ་བསྟན་ཏེ། མཚན་ཉིད་སྣ་ཚོགས་སུ་འཆར་བ་ཡིན་ཞིང༌། གཞན་ཉམས་གཉིས་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ༌༑ ༑ད་ནི་ཡི་གེ་བཅུ་གཉིས་ སེམས་ཀྱི་བག་ཆགས་ཀྱི་རྟེན་ ལམ་ཁྲིད་པ་ལ། ལྟེ་བར་དང་པོར་ཆགས་པའི་རིགས་དྲུག་གི་ཡི་གེར་རླུང་སེམས་མཉམ་པར་འདུས་ན་རིགས་དྲུག་གི་གར་སྔགས་དེར་ཁྲིད་པ་རྨི་ལམ་ཉམས་ལྟ་བུར་ཁམས་གསུམ་ཀུན་ཏུ་སྣང་ངོ་ཞེས་སྨོས་ཏེ། དེ་ལ་ལྷའི་ས་བོན་ བྷ་གའི་དཀྱིལ་འཁོར་གྱི་ ཨ་ཡིག་དཀར་པོར་རླུང་སེམས་མཉམ་པར་འདུས་ན། ལྷའི་ཉམས་སྔར་བས་དགའ་ཞིང་བདག་ཉིད་ལྷ་ཡིན་པ་སྙམ་བྱེད་པ་འབྱུང༌། གར་མེ་ཏོག་གི་ཕྲེང་བ་འདོགས་པ་ལ་སོགས་པ་ལུས་ཀྱི་སྤྱོད་ལམ་འགྱུར་བ་ཡོང་། སྔགས་ལེགས་པར་སྦྱར་བ་ལ་སོགས་པ་ལྷའི་སྐད་འབྱུང་སྟེ། དེ་ཡང་ བྱིན་གྱིས་བརླབས་པས། ཉམས་སེམས་ལ་འཆར། གར་ལུས་ལ་འཆར་རོ། །སྔགས་ངག་ལ་འཆར་རོ། །མཐོང་སྣང་གིས་གསུམ་ལ་ལྷའི་གནས་རྣམ་པར་རྒྱལ་བའི་ཁང་བཟང་ལ་སོགས་མཐོང༌། ལྷ་དང་ལྷའི་བུ་དང་བུ་མོ་ལ་སོགས་པ་རྒྱན་ཐམས་ཅད་ཀྱིས་བརྒྱན་པར་མཐོང༌། བདག་གཞན་ཡང་དེར་ཁྲིད་པ་མཐོང༌། དེ་དག་ཅི་རིགས་པར་རྨི་ལམ་དུའང་འབྱུང་བའི་རྨི་ཉམས་ཏེ་བདུན་ནོ། །མིའི་ས་བོན་ནྲ་ཡིག་སྔོན་པོར་རླུང་སེམས་མཉམ་པར་འདུས་ན། མིའི་ཉམས་སྔར་བས་འཇིག་རྟེན་གྱི་ཆོས་ལ་ལྷག་པར་དགའ་ཞིང་ཞེན་པ་འབྱུང༌། གར་ཡུལ་སྣ་ཚོགས་ཀྱི་སྤྱོད་ལམ་དང་ཆ་ལུགས་འགྱུར་བ་འབྱུང༌། སྔགས་ཡུལ་སོ་སོའི་སྐད་དང་གཏམ་རྒྱུད་སྣ་ཚོགས་པ་བརྗོད་པ་འབྱུང་སྟེ། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། མིའི་གནས་གླིང་བཞི་མཐོང༌། ཁྱད་པར་མ་ག་དྷ་ལ་སོགས་པ་མཐོང༌། མི་རིང་སྣ་བོ་ཆེ་དང་སྣ་བོ་ལ་སོགས་པ་ལུས་མི་མཐུན་པ་དུ་མ་མཐོང༌། བདག་གཞན་ཡང་དེར་ཁྲིད་པ་མཐོང༌། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །ལྷ་མ་ཡིན་གྱི་ས་བོན་སུ་ཡིག་སེར་པོར་རླུང་སེམས་མཉམ་པར་འདུས་ན། ལྷ་མ་ཡིན་གྱི་ཉམས་སྔར་བས་ཚིག་པ་ཟ་བ་ལ་སོགས་པ་འབྱུང༌། གར་དབྱུག་པ་ལེན་པ་དང་མཚོན་ཆ་ལེན་པ་ལ་སོགས་པ་ལུས་ཀྱི་སྤྱོད་ལམ་འགྱུར་བ་འབྱུང༌། སྔགས་རྒྱོབ་སོད་ལ་སོགས་པ་དུ་མ་འབྱུང་སྟེ། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལས། ལྷ་མ་ཡིན་གྱི་གནས་རི་རབ་ཀྱི་ཁོང་གསེང་ལ་སོགས་པ་མཐོང༌། ལྷ་མ་ཡིན་རང་འཐབ་རྩོད་ཅན་དུ་མ་མཐོང༌། བདག་གཞན་ཡང་དེར་ཁྲིད་པ་མཐོང༌། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །ཡི་བཏགས་ཀྱི་ས་བོན་པྲེ་ཡིག་དམར་པོར་རླུང་སེམས་མཉམ་པར་འདུས་ན། ཡི་བཏགས་ཀྱི་ཉམས་ཟོས་ཀྱང་ལྟོགས་ཤིང་འཐུངས་ཀྱང་སྐོམ་པ་ལ་སོགས་པ་དང༌། དང་ག་འགག་པ་ལ་སོགས་པ་འབྱུང༌། གར་བཀྲེས་སྐོམ་གྱི་སྤྱོད་པ་འགྱུར་བ་འབྱུང༌། སྔགས་པྲེ་ཞེས་བརྗོད་པ་དང༌། ཟས་སྐོམ་གྱི་གཏམ་བརྗོད་པ་འབྱུང་སྟེ། ཉམས་སེམས་ལ་འཆར་བ་ལ་སོགས་པ་སྔ་མ་བཞིན་ནོ། །མཐོང་སྣང་གི་གསུམ་ལ་ཡི་དྭགས་ཀྱི་གནས་གྲོང་ཁྱེར་སེར་སྐྱ་མཐོང༌། ཁང་པ་དམར་ཞིང་ཡིད་དུ་མི་འོང་བ་ལ་སོགས་པ་མཐོང༌། ཡི་དྭགས་བཀྲེས་སྐོམ་ཅན་དུ་མ་མཐོང༌། བདག་གཞན་ཡང་དེར་ཁྲིད་པ་མཐོང༌། དེ་དག་ཅི་ རིགས་པར་རྨི་ལམ་དུ་འབྱུང་བས་རྨི་ཉམས་ཏེ་བདུན་ནོ། །དུད་འགྲོའི་ས་བོན་དུཿ ཡིག་དུད་ཁ་རླུང་སེམས་མཉམ་པར་འདུས་ན། དུད་འགྲོའི་ཉམས་སྔར་བས་བླུན་ཞིང་གཙང་རྟོག་ཆུང་བ་ལ་སོགས་པ་འབྱུང༌། གར་ཁྱི་དང་བ་གླང་ལ་སོགས་པ་དུད་འགྲོའི་སྤྱོད་ལམ་དུ་འགྱུར་བ་དུ་མ་འབྱུང༌། སྔགས་དུད་འགྲོའི་སྐད་དུ་མ་འབྱིན་ཏེ། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། དུད་འགྲོའི་གནས་རྒྱ་མཚོ་ཆེན་པོ་ལ་སོགས་པ་མཐོང༌། དུད་འགྲོ་དང༌། ཆུ་སྲིན་དང་ཉ་ཆེན་པོ་ལ་སོགས་པ་མཐོང༌། བདག་གཞན་ཡང་དེར་ཁྲིད་པ་ལ་སོགས་པ་མཐོང༌། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །དམྱལ་བའི་ས་བོན་ཏྲི་ཡིག་ནག་པོར་རླུང་སེམས་མཉམ་པར་འདུས་ན། དམྱལ་བའི་ཉམས་ཚ་གྲང་ལ་སོགས་པའི་སྡུག་བསྔལ་དུ་མ་མྱོང་བ་འབྱུང༌། གར་ལུས་སུམ་བལྟབས་ལ་སོགས་པ་སྡུག་བསྔལ་གྱི་སྤྱོད་ལམ་བྱེད་པ་འབྱུང༌། སྔགས་ཀྱི་སྒྲ་ཀྱི་ཧུད་སི་ཐ་ཞེས་བྱ་བ་ལ་སོགས་པ་སྡུག་བསྔལ་གྱི་སྐད་བརྗོད་པ་འབྱུང༌། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། དམྱལ་བའི་གནས་ལྕགས་རབ་ཏུ་འབར་བའི་ཁང་པ་ལ་སོགས་པ་མཐོང༌། དམྱལ་བ་ཚ་གྲང་ཅན་དུ་མ་མཐོང༌། བདག་གཞན་ཡང་དེར་ཁྲིད་པ་མཐོང༌། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། ། འདི་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས། གཞན་ཡང་རང་བཞིན་སྟོང་པ་དང་ངོ་བོ་ཟུང་ཡང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ༌། །གནས་སྦྱོང་བཞི་བཅུ་རྩ་གཉིས་པོ་འདི་དག་ཅི་རིགས་པར་འབྱོངས་ན་ཕྱི་ནང་གི་སྲིན་བུ་སྤོང༌། ཕན་ཡོན་ལུས་ལ་འབྱུང་བ། ངན་སོང་དུ་མི་འགྲོ་བའི་གདིང་ཐོབ། ཕྱིར་མི་ལྡོག་པའི་བྱང་ཆུབ་སེམས་དཔའ་ཞེས་བྱ་བའི་མིང་ཐོབ་བོ། །རེ་ཞིག་ ཞིབ་ཏུ་བརྗོད་ཀྱིས་མི་ལོངས། འདོད་ཁམས་ཀྱི་ཉམས་རགས་རིམ་ཙམ་བསྟན་ནོ། །ༀ་ལས་བསམ་གཏན་སྩོགས་ཀྱི་ཏིང་ངེ་འཛིན་ཞེས་པ་བསམ་གཏན་གྱིས་ༀ་དུ་རླུང་སེམས་མཉམ་པར་འདུས་ན་གཟུགས་ བདག་བྱིན་གྱིས་བརླབས་ནས་ ཁམས་བསམ་གཏན་བཞིའི་ཉམས་སྐྱེ་སྟེ། རྟོག་པ་ དངོས་པོ་གང་ཕྲ་རགས་སོགས་ དང་བཅས་ཤིང་དཔྱོད་པ་དང་བཅས་པའི་ཤེས་རབ་ཞིབ་མོས་འཇུག་པའི་ཏིང་ངེ་འཛིན་དགའ་བ་ སེམས་ དང་བཅས་ཤིང་བདེ་བ་ ལུས་ དང་བཅས་པའི་ཏིང་ངེ་འཛིན་ ལུས་ཀྱི་ བདེ་བ་དང་བྲལ་ནས་དགའ་བ་ཙམ་གྱི་ཏིང་ངེ་འཛིན། བཏང་སྙོམས་ ཆོས་བརྒྱད་དུ་བྲལ་བ་ ཡོངས་སུ་དག་པའི་ཏིང་ངེ་འཛིན་ཏེ། དེ་དག་ཀྱང་རིམ་པ་ཡིན་མིན་དུ་སྐྱེ་བས་དྲོད་ཐམས་ཅད་བྱུང་རྒྱལ་དུ་བསྐྱང་ངོ༌། །ཡུམ་གྱི་མཁའ་ཨ་ལ་ཡང་དག་པར་ཐིམ་ན་ཁམས་གསུམ་ནམ་མཁའ་ཞེས་བྱ་བ་ཤེས་རབ་ཀྱིས་ཨར་རླུང་སེམས་མཉམ་པར་འདུས་ན་གཟུགས་མེད་སྐྱེ་མཆེད་བཞིའི་ཉམས་སྐྱེ་སྟེ། ཆོས་ འཁོར་འདས་ ཐམས་ཅད་ནམ་མཁའ་ཙམ། རྣམ་པར་ཤེས་པ། ཅིའང་མེད་པ། ཡོད་མེད་ལས་འདས་པ། བཞིའང་རིམ་པ་ཡིན་མིན་དུ་སྐྱེའོ། །རེ་ཞིག་ཁམས་གསུམ་གྱི་ཉམས་ཅི་རིགས་པ་ཙམ་བསྟན་ཏོ། །ད་ནི་འཇིག་རྟེན་ལས་འདས་པའི་ཉམས་ལས། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་སྩོགས་ཀྱི་ཕོ་བྲང་དུ་ཐིམ་ན་ཆོས་སྐུ་ཉམས་སུ་མྱོང་ཞིང་གཟུང་འཛིན་གྲོལ་ཞེས་བྱ་བ་སྙིང་པོའི་ཨར་རླུང་སེམས་མཉམ་པར་འདུས་ན། སྤང་བྱ་ རྟེན་མ་སྤངས་རེ་ཞིག་ གཟུང་འཛིན་གྱི་རྣམ་རྟོག་སྤངས་པ་སྙམ། ཐོབ་བྱ་ཆོས་སྐུ་བདེ་ཆེན་ཐོབ་པ་སྙམ་བྱེད་པ་འབྱུང༌། ཧཱུྃ་ལས་གསལ་ཞིང་ཡང་བ་རང་བྱུང་གི་ཡེ་ཤེས་ནམ་མཁའ་ཤིན་ཏུ་དྲི་མ་མེད་པ་ཞེས་པ་ཟུང་འཇུག་གི་ཧཱུྃ་དུ་རླུང་སེམས་མཉམ་པར་འདུས་ན་རང་བྱུང་གི་ཡེ་ཤེས་ཆེན་པོའི་ཏིང་ངེ་འཛིན་སྐྱེ་བ་ནི། གསལ་བ་ནི་སེམས། ཡང་བ་ རས་བལ་གཟེགས་མ་ལྟར་ ནི་ལུས། ནམ་མཁའ་དྲི་མ་མེད་པ་ནི་དཔེ་སྟེ། འདི་དག་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ༌། །དེ་དག་གིས་ཁམས་ སྤྱིར་ཉམས་བསམ་གྱིས་མི་ཁྱབ་པ་ འདུས་པ་དང་པོའི་ཉམས་ཅི་རིགས་པར་རྫོགས་པ་བསྟན་ཏོ། །ཁམས་འདུས་པ་བར་པ་ཞེས་བྱ་བ་ འཁོར་ལོ་བཞིའི་རྩ་མདུད་ ཕོ་བྲང་འདུ་ས་བཞི་ལ་སོགས་པ་རླུང་སེམས་ཀྱི་ཚོགས་ཡབ་ བདུད་རྩི་ལྔ་ ཡུམ་ རླུང་ལྔ་ བཅུ་ཅུང་ཟད་དྭངས་ཤིང་ཚོགས་པར་གྱུར་པ་སྟེ། རླུང་པོ་ལག་ཆ་བྲི་བས་རྩ་དྲལ་ཞེས་བྱ་བ་དཔྱིད་ཀྱི་རླུང་གྲང་བའི་རེག་བྱ་བྲི་བ་བཞིན་རྩ་རླུང་གི་ཟུག་ཅུང་ཟད་ རྩའི་མཉེན་ལྕུག་ཤར་བས་ བྲི་བའོ། ། ཐིག་ལེའི་ཟུག་ནི་དེ་ཙམ་ན་ཐིག་ལེ་ཆེར་འབར་བས་བདེ་བ་དང་བཅས་པའི་ཟུག་རྔུ་འབྱུང་ཞིང་འཛག་པ་ཡང་སྲུང་བ་གཅེས་སོ། །མཐོང་སྣང་བསྟན་པ་ནི། ཁམས་ཅུང་ཟད་དྭངས་པ་དང༌། རླུང་ མེ་ལོང་གཡའ་དག་པ་བཞིན་ ཅུང་ཟད་བརྟན་པས་དུ་བ་ལ་སོགས་པ་རྣམས་མི་སླུ་བར་མཐོང་བ་ཡིན་ནོ། །ད་ནི་མདོར་བསྡུས་ནས་ ཚིག་ཉུང༌། རྒྱས་ དོན་མང༌། པར་བསྟན་པ་ལ། མདོར་ན་རཀྵ་སྩོགས་སུ་ཞེས་པ་ལྟེ་བའི་འོག་གི་ཀྵ་ཡིག་དེ་སྲིན་པོའི་གནས་ སེམས་ཀྱི་བག་ཆགས་ཀྱི་རྟེན། ཤ་ཟ་དང༌། འབྱུང་པོ་དང༌། གཤིན་རྗེ་དང༌། གནོད་སྦྱིན་ལ་སོགས་པ་ཐམས་ཅད་ཀྱི་གནས་སོ། །དེར་རླུང་སེམས་མཉམ་པར་འདུས་ན་མཐོང་སྣང་དང་རྨི་ལམ་ཉམས་སུ་སྲིན་པོ་ལ་སོགས་པ་མི་སྡུག་པ་དུ་མས་རྡེག་ཅིང་སྡིག་པ་ལ་སོགས་པ་དུ་མ་འབྱུང་སྟེ། འདིས་ནི་དོགས་པ་ བར་ཆད་མེད་ དང་བྲལ་བའི་ལམ་ཤེས་པར་བྱའོ། །དེ་བས་ན་འོག་ཏུ་སྦྱར་ལ། ལྷའི་མིག་རྣམ་པར་དག་པ་སྲིད་པའི་རྩེ་མན་ཆད་ཏིང་ངེ་འཛིན་གྱི་ཉམས་སུ་འབྱུང་བ་སྙམ་བྱེད་པ་ཞེས་སྨོས་ཏེ། མཐོང་སྣང་བརྟན་པས་ ཕལ་ཆེར་མི་སླུ་བས་ ཟག་པ་དང་བཅས་པའི་མིག་ ཐོགས་བཅས། གི་མངོན་ཤེས་འཆར་བ་ཡིན་ནོ། །དྲིལ་ཅན་གྱི་སྒྲ་ཞེས་བྱ་བ་དྲིལ་ཅན་མཆོག་ནི་དབུ་མ་ཡིན་ལ༑ དེར་རླུང་སེམས་འདུས་ན་བུང་བའི་སྒྲ་ལྟ་བུ་འབྱུང༌། མཆོག་མ་ཡིན་པ་ནི་རྣ་བ་གཡོན་པ་ནས་ཤེས་རབ་ཀྱི་ཨའི་བར་དུ་གནས་ཏེ། དེར་རླུང་སེམས་འདུས་ན་ཁམས་གསུམ་གྱི་སྒྲ་ཉེ་བ་དང་རིང་བ་ཅི་རིགས་པར་ཐོས་ཏེ། ལྷའི་རྣ་བ་རྣམ་པར་དག་པ་བཞིན། ཞེས་ཤུགས་ཀྱིས་ཤེས་པར་བྱའོ། །བཤད་ཀྱིས་མི་ལོང་བ་མཚོན་ཞེས་བྱ་བ་ཡི་གེ་བསམ་གྱིས་མི་ཁྱབ་པས་ལམ་ཁྲིད་པ་སྟོན་པ་ཡིན་ཏེ། རླུང་རིམ་གྱིས་དྭངས་པས་བདུད་རྩིའི་ གང་བསྡུ་བར་ནུས་པ་ མཉེན་ལྕུག་ཏུ་འགྱུར་རོ། །དེས་རྩའི་མདུད་པ་གྲོལ་ཏེ་རྩའི་མཉེན་ལྕུག་ཏུ་འགྱུར་རོ། །དེ་ཉིད་ཀྱིས་རྩ་ཡི་གེའི་ ཇི་ལྟར་འདོད་པ་ དབྱིབས་སྣ་ཚོགས་སུ་འཆར་བས་ཡི་གེའི་མཉེན་ལྕུག་ཏུ་འགྱུར། དེ་དག་གི་སྟོབས་ཀྱིས་འབྱུང་བ་ལུས་འཁྲུགས་ལ་སོགས་པའི་བར་ཆད་སེལ་བའི་སྐུའི་མཉེན་ལྕུག་ཏུ་འགྱུར་ཏེ། མདོར་ན་མཉེན་ལྕུག་བཞི་ལས་ཀྱང་ཡི་གེ་དང་བདུད་རྩིའི་མཉེན་ལྕུག་གི་སྟོབས་ཀྱིས་འཁོར་འདས་ལ་ཆོས་ཇི་སྙེད་ཡོད་པ་རྣལ་འབྱོར་པ་ལ་ཉམས་ཀྱི་སྣང་བར་འཆར་ཏེ། ཨཀྵ་ར་ རྣམ་གྲངས་ ཡི་གེའི་མན་ངག །མི་སླུ་བ་དོན་གྱི་མན་ངག །གཅིག་ཤེས་ གསང་བ་རྟེན་འབྲེལ། པས་མང་པོ་ཤེས་པའི་མན་ངག་སྟེ། ལོ་བྱེ་བས་ཀྱང་བཤད་ཀྱིས་མི་ལོངས་པ་ཡི་གེའི་མན་ངག་ཚིག་གཅིག་གིས་ཤེས་པར་ནུས་སོ། །ལྔ་པ་ནི་ཕ་རོལ་ཏུ་ཕྱིན་པའི་ཐེག་པ་ལས་གྲགས་པའི་ལམ་ལྔ་མཐར་ཕྱིན་པ། བཅུ་ནི་ས་བཅུའི་ འཁོར་འདས་ བྱང་ཆུབ་སེམས་དཔའ་སྟེ། དེ་དག་ལ་ཡང་མཉེན་ལྕུག་བཞི་དང་ཡི་གེའི་དོན་གྱི་མན་ངག་མ་གྲགས་པའི་ཕྱིར་གསང་བ་སྟེ། ན་རི་ཀེ་རའི་གླིང་པ་ལ་བ་གླང་གི་སྒྲ་མ་གྲགས་པ་བཞིན་ནོ། །དེ་དག་གིས་ཏིང་ངེ་འཛིན་སྐྱེ་བའི་རྒྱུ་དང༌། ཏིང་ངེ་འཛིན་རྣམས་མདོར་བསྟན་པ་དང༌། མདོར་བསྡུས་ནས་རྒྱས་པར་བསྟན་པའི་ལམ་བསྟན་ནོ། །ད་ནི་རེ་དོགས་དང་བྲལ་ རླུང་སེམས་ཡི་གེ་ཡབ་ཡུམ་བཅུ་གཅིག་ཡི་གེ་ བའི་ལམ་བསྟན་པ་ལ། དེ་ལ་བཞི། རེ་དོགས་དང་བྲལ་བའི་རྒྱུའམ་འཆད་པ་བསྟན་པ། རེ་བ་དང་བྲལ་བའི་ལམ་བསྟན་པ། དོགས་པ་བྲལ་བའི་ལམ་བསྟན་པ། དེ་ཉིད་ཀྱི་ཕྱིར་ན་དྲོད་ཐམས་ཅད་བྱུང་རྒྱལ་དུ་བསྐྱང་བར་བསྟན་པའོ། །ཡན་ལག་གི་དོན་བརྗོད་པར་བྱ་ན། སྒོམ་པ་མི་འཆོར་བ་ཞེས་བྱ་བ་ནི་ཚུལ་སྔ་མ་བཞིན་ནོ། །ཕྱི་རྟེན་འབྲེལ་ཞེས་བྱ་བ་ནི། ཕྱི་རོལ་ཏུ་རགས་པར་སྣང་བའི་ཕྱིར་ཕྱི་རྟེན་འབྲེལ་ཏེ། འཕར་གཡོ་ལ་སོགས་པའི་རླུང་ལྡོག་སྩོགས་ཀྱིས་བསྡུ་བ་དུ་བ་ལ་སོགས་པའི་མཐོང་སྣང༌། རྟ་རྨི་བ་ལ་སོགས་པའི་རྨི་ཉམས་ཏེ། གསུམ་གསུམ་ཞེས་བྱ་བ་དྲོད་གསུམ་གྱི་བྱེ་བྲག་གིས་དགུར་ཡང་འགྱུར་རོ། །དེ་དག་འབྱུང་བའི་རྒྱུ་ནང་རྟེན་འབྲེལ་ནི། ནང་གི་མཁའ་འགྲོ་ལྔ། ཞེས་བྱ་བ་རླུང་ལྔ། དེ་བཞིན་གཤེགས་པའི་སྐུ་ལྔ་ནི་ཁམས་བདུད་རྩི་ལྔ་སྟེ། ནང་གི་མཁའ་འགྲོ་ཡབ་ཡུམ་བཅུ་རྩ་རིན་པོ་ཆེའི་ཕོ་བྲང་རྣམས་སུ་བྱོན་ཅིང་གཤེགས་ལ། དེ་ཡང་དམ་ཚིག་ ལུས་ཀྱི་ཟུང་དང་སེམས་ཀྱི་རྟེན་དུ་ གི་མཁའ་འགྲོ་དང༌། ཡེ་ཤེས་ཀྱི་མཁའ་འགྲོའི་ སྒོམ་པས་ཡས་བྱོན་པ། ཚུལ་དུ་འགྲོ་ཞིང་བདག་གི་རྒྱུད་བྱིན་གྱིས་བརླབ་པ་ནི། བྱང་ཆུབ་ཆེན་པོའི་རྟེན་འབྲེལ་མཛད། ཅེས་བྱ་བ་ས་བཅུ་གསུམ་པའི་རྟེན་འབྲེལ་མཛད་པའོ། །དེ་དག་གིས་ནི་རེ་དོགས་དང་བྲལ་བའི་འཐད་པ་བསྟན་པའོ། །ད་ནི་དེ་ཉིད་ཀྱི་ཕྱིར་ན་ དངོས་གྲུབ་གསལ་བྱེད་གཞན་ན་མེད་པར་ རེ་བ་དང་བྲལ་བའི་ལམ་བསྟན་པ། དངོས་གྲུབ་རྣམས་ཞེས་བྱ་བ་ལ་སོགས་པ་སྨོས་ཏེ། དངོས་གྲུབ་ནི། གྲུབ་མཐའ་བཞི་དང༌། སྐུ་ལྔ་ལ་སོགས་པའོ། །རང་ལས་འབྱུང་བར་ཞེས་བྱ་བ། མཁའ་འགྲོ་ རླུང་སེམས་ ཡབ་ཡུམ་ རྟེན་འབྲེལ་འགྲིགས་ནས་ བཅུ་ལས་ཤེས་པ་ནི། དང་པོ་ ཐོས་བསམ་གྱིས་ བླ་མ་ལས་ཤེས་ཤིང༌། ཕྱིས་ནས་བདག་ཉིད་ཀྱི་ཉམས་མྱོང་རྗེས་སུ་དྲན་པའི་ཚད་མས་སོ། །རེ་བའི་བློ་སེལ་བ་ནི་ཕྱིའི་རྒྱལ་བ་སྤྲུལ་སྐུ་ལ་སོགས་པ་ལ་དངོས་གྲུབ་རེ་བ་དང་བྲལ་བའོ། །རྩོལ་བ་ནི་ཕྱིའི་ལྷ་མཆོད་པ་དང༌། གཏོར་མ་དང༌། སྦྱིན་སྲེག་ལ་སོགས་པ་རྣམས་ཀྱི་ རྒྱུ་ནང་དུ་སྒྲ་སོགས་ཆད་པས་ རྩོལ་བ་དང་བྲལ་བའོ། །ད་ནི་དོགས་པ་དང་ རེ་དོགས་དང་བྲལ་བའི་རྒྱུ་དང་། དེ་ཉིད་ཀྱི་ཕྱིར་རེ་བ་དང་བྲལ་བའི་ལམ་དང་དོགས་པ་དང་བྲལ་བའི་ལམ་དང་རེ་དོགས་དང་བྲལ་བའི་ཕྱིར་དྲོད་ཉམས་ཐམས་ཅད་བྱུང་རྒྱལ་དུ་བསྐྱངས་པས་དེ་བཞིན་བསྡུས་པའོ། །དང་པོ་ལ་གཉིས། ཕྱི་རྟེན་འབྲེལ་རླུང་ལོག་མཐོང་སྣང་རྨི་ཉམས་གསུམ་རིམ་པ་ཡིན་མིན་དུ་འབྱུང་བ་ལྟར་འབྱུང་བའི་རྒྱུ་ནི་རྟེན་འབྲེལ་རླུང་སེམས་ཡབ་ཡུམ་བཅུ་རྩ་རིན་པོ་ཆེའི་ཕོ་བྲང་རྣམས་སུ་དམ་ཚིག་གི་མཁའ་འགྲོའི་ཚུལ་གྱིས་བྱིན་གྱིས་རློབ་པས་རེ་བའི་མཐོང་སྣང་དང༌། དོགས་པའི་མཐོང་སྣང་དང༌། མཐོང་སྣང་ཐམས་ཅད་བྱེད་པའི་རྒྱུ་ཕྱི་རོལ་ན་མེད་པར་སྒྲོ་འདོགས་ཆོད་པའོ། །ལྷག་མ་གསུམ་ནི་རྩ་ཉིད་དང་སྦྱར་བས་གོ་བར་ནུས་སོ། །ཞལ་ཤེས་གུད་ན་ཡོད་པ་བྲིས་པ་ཡིན་ནོ། །བྲལ་བའི་ ཕྱི་ནས་བར་ཆད་འབྱུང་བས་ ལམ་ལས། བདུད་དང་གོལ་ས་ཞེས་བྱ་བ་མ་ཤེས་པའི་རྣལ་འབྱོར་པ་ལ་སྲིན་པོ་ཤ་ཟས་རྡེག་པ་དང༌། འཇིགས་ཤིང་ཉམ་ང་བ་དང༌། འདྲེས་ནོན་པ་ལ་སོགས་པ་རྣམས་ལམ་ཤེས་ ནང་གི་གནད་ པའི་རྣལ་འབྱོར་པ་ལ་ལམ་དང་རྟེན་འབྲེལ་ཏེ། ཟམ་འཕྲང་ངམ། ཆུ་བོ་ལ་སོགས་པ་བཞིན་ཏེ། དེ་བས་ན་ཏིང་ངེ་འཛིན་ རྣམ་གྲངས་ ངོ་ཤེས་པས་བསམ་གཏན་གྱི་གེགས་སེལ། བར་ཆད་ངོ་ཤེས་པས་བདུད་ཀྱི་གེགས་སེལ། སྐྱོན་ཡོན་ཏན་དུ་སློང་ཤེས། བར་ཆད་དངོས་གྲུབ་ཏུ་ལེན་ཤེས་པའི་གདམས་ངག་ཅེས་བྱའོ། །དེ་ཉིད་ཀྱི་ཕྱིར་ན་དྲོད་བྱུང་རྒྱལ་དུ་བསྐྱང་བ་ནི། རིམ་པ་ཡིན་མིན་དུ་སྐྱེ་བའི་ཞེས་སྨོས་ཏེ། རེ་བ་ ཕྱིར་ཉམས་ དང་བཅས་པ་དང༌། དོགས་པ་དང་བཅས་པ་གཉིས་ཀྱང་ ནང་དུ་ རྟེན་འབྲེལ་རིམ་པ་ཡིན་མིན་ཏུ་འགྲིགས་པའི་ཕྱིར་ཉམས་ཀྱང་རིམ་པ་ཡིན་མིན་དུ་སྐྱེ་བས་གཉིས་ཀ་ལ་བླང་དོར་མེད་པར་རྣལ་འབྱོར་པས་དྲོད་ཐམས་ཅད་བྱུང་རྒྱལ་དུ་བསྐྱང་ངོ༌། །ད་ནི་སད་པ་བཞི་རུ་བསྟན་པའི་ལམ་ལས་ཤེས་རབ་ཀྱི་ཕྱོགས་སུ་ལྷུངས་པའི་ལམ་ལ། ལྷའི་བུའི་བདུད་འོངས་པས་སད་པ་བཞིས་སྲུང་ཞེས་སྨོས་སོ། །འདི་ནི་སྔར་ཐབས་ཤེས་རབ་ཀྱི་ཕྱོགས་སུ་ལྷུངས་པའི་བྱེ་བྲག་སུམ་ཅུ་བསྟན་པའི་སྐབས་ལས། ཁྱད་པར་དུ་ཤེས་རབ་ཀྱིས་སྲུང་བའི་སྐབས་སུ་འཁྲུགས་ཀྱིས་ཚུལ་དུ་སྦྱར་ཤེས་པར་བྱ་བས་འདིར་མ་བརྗོད་དོ། །མདོར་ན་དེ་ཡན་ཆད་ཀྱིས་རླུང་གིས་ལམ་ཁྲིད་པའི་དབང་དུ་བྱས་ནས་རྫུ་འཕྲུལ་གྱི་རྐང་པ་བཞིས་སྣང་བ་དགྲར་ལངས་ ཡུལ་སྣང་བ་དུ་ལ་སོགས་རྟོགས་པ་དུ་མ་བསྐྱེད་པའོ། །ཀྱི་གཉེན་པོ་བསྟན་ནོ། །ད་ནི་སྟོང་པ་དགྲར་ལངས་ ཤེས་བྱའི་སྒྲིབ་པ་ ཀྱི་གཉེན་པོར་དྲན་པ་ཉེ་བར་བཞག་པ་བཞི་འཇུག་པ་ལས་བསྒོམ་པ་མི་འཆོར་བའི་དྲན་པ་ཉེ་བར་བཞག་པ་བཞི་ནི་ཞེས་སྨོས་ཏེ། སེམས་གཙོ་བོར་གྱུར་པའི་དབང་དུ་བྱས་ནས་སོ། །ཡུལ་འགགས་པ་ཞེས་བྱ་བ། སྤྱིར་སྟོང་པ་དགུར་གནས་པ་ཡིན་ན་ཡང༌། སྒྲུབ་པའི་ཉམས་ལ་སྟོང་པ་ལྔར་སྐྱེ་སྟེ། ཤེས་རབ་ཀྱི་ཨར་ཐིམ་པས་མཐོང་ཡུལ་འགགས་པའི་སྟོང་པ། སྙིང་པོའི་ཨར་ཐིམ་པས་སྤང་བྱ་གཟུང་འཛིན་གྲོལ་བའི་སྟོང་པ། འགོགས་པའི་སྙོམས་འཇུག་གི་རྩར་ཐིམ་པས་ཚོགས་དྲུག་འགགས་པའི་སྟོང་པ། རླུང་གི་རླུང་སྤུ་གྲི་སྟོབས་སུ་གྱུར་པས་ཡོན་ཏན་ཏིང་ངེ་འཛིན་གྱིས་སྟོང་པའི་སྟོང་པ། ཕྱི་དབྱིབས་ཀྱི་ཨར་ཐིམ་པས་བདེ་བས་བརྒྱལ་བའི་སྟོང་པའོ༑ ༑དེ་ལས་དང་པོ་ནི་སྐྱོན་དངོས་པོ་དང་མཚན་མས་ གཟུང་འཛིན་རགས་པ་ སྟོང་པ། ཡོན་ཏན་ཏིང་ངེ་འཛིན་ཞི་གནས་དང་ལྷག་མཐོང་གིས་སྟོང་པ། བསམ་གཏན་གྱི་ཁང་བུ་བསམ་གཏན་གྱིས་སྟོང་པ། སྤང་བྱ་མཐོང་ཡུལ་སྣ་ཚོགས་ཀྱིས་སྟོང་པ། ཞེས་བྱ་སྟེ། དེའི་གཉེན་པོར་སྤྱོད་པ་ཆུང་ངུ་དྲན་པ་ཉེ་བར་བཞག་པ་བཞི་ནི། རང་ཡི་དམ་གྱི་ལྷ་དང་ཞེས་བྱ་བ་ལུས་རྗེས་སུ་དྲན་པ་ཤུགས་ཀྱིས་བསྟན་པ། ལྷ་རྗེས་སུ་དྲན་པ་སྟེ་ཡེ་ཤེས་སེམས་དཔའ་དགུག་གཞུག །སྔགས་རྗེས་སུ་དྲན་པ་སྟེ། ལྷག་པའི་ལྷའི་སྙིང་པོ། གུག་ཀྱེད་ཀྱི་དགོས་པ་བསམ་ཞེས་བྱ་བ་རྒྱན་དྲུག་གི་དགོས་པ་བསམ་པ་སྟེ། འདི་ནི་ཡི་གེའི་དོན་གྱིས་དབང་དུ་བྱས་པའོ། །དོན་ནི་འདི་ཡིན་ཏེ། ལུང་ལས། བླ་མ་རྡོ་རྗེ་འཛིན་ དྲན་པས་བསློངས་ནས་ པ་ལ། །ཕྱག་འཚལ་དོན་དུ་འཁོར་ལོ་འཛིན། །ཞེས་བྱ་བ་ལ་སོགས་པ་རྣམས་དང་སྦྱར་རོ། །ཏིང་ངེ་འཛིན་ཆ་མཉམ་པས། ཞེས་བྱ་བ་ནི་སྔར་སྟོང་ཉམས་འབའ་ཞིག་ཏུ་སྐྱེས་པ་དེ་ལྟར་སྣང་བ་དང་ཟུང་དུ་ཆུད་པས་སྟོང་པ་དགྲར་ལངས་ཀྱི་འཕྲང་ལས་གྲོལ་ཏེ་སྣང་བ་ལྷག་པའི་ལྷའི་དཀྱིལ་འཁོར་གྱི་འཁོར་ལོ་འཆར། སྒྲ་ཐམས་ཅད་ རང་གི་ལྷའི་ སྔགས་སུ་འཆར། སེམས་ལ་ བདེ་བའི་ རྒྱུན་བརྟན་པ་སྙམ་བྱེད་པ་འབྱུང༌། དེ་ཙམ་ན་བསྐྱེད་རིམ་ཅུང་ཟད་བརྟན་པ། ཞེས་ཀྱང་མིང་ཐོབ་བོ། །ཏིང་ངེ་འཛིན་གྱི་རྒྱུན་དེ་བཞིན་དུ་གོམས་པ་ལས་སྐབས་སྐབས་སུའམ། རྒྱུན་ཆགས་སུ་འདི་ཉིད་ཟག་པ་མེད་པའི་བདེ་ཆེན་ནམ། བདེན་པ་མཐོང་བའམ། གྲུབ་མཐའ་སྙོགས་པ་ཡིན་སྙམ་པའི་ཆོག་ཤེས་པའི་བདུད་དེ་ཉིད་ལས་གཞན་དུ་མི་གཡོ་བའི་བྱིང་བ་ཆེན་པོའི་འཕྲང་ཞེས་བྱ་བ་འབྱུང་སྟེ། འདི་ནི་ཕྱི་དབྱིབས་ཀྱི་ཨར་རླུང་སེམས་འདུས་པའི་མཐུ་ཡིན་ནོ། །དེའི་གཉེན་པོར་སྤྱོད་པ་ཆེན་པོར་ཡང་དག་པར་སྤོང་བ་བཞི་འཇུག་སྟེ། དེའང་དོན་ནི་དབང་བཞི་པ་མཚན་ཉིད་པ་ཡིན་པས། དེ་ཡང་དབང་བླང་བའི་ཡུལ། གང་ལས་བླང་བ། རྟེན་གང་ལས་ཐོབ་པ། དབང་རང་གི་ངོ་བོ་གང་ཡིན་པ། དེ་ལ་ཕན་ཡོན་འབྱུང་བ་བཞིར་ཤེས་པར་བྱའོ། །ཡན་ལག་གི་དོན་བརྗོད་པ་ལས། ཁམས་འདུས་པ་ཐ་མ་ཞེས་བྱ་བ་རླུང་སེམས་ཀྱི་ཚོགས་པ་ཕལ་ཆེར་དྭངས་པ་མཁའ་འགྲོ་ཡབ་ཡུམ་དམ་ཚིག་གི་དང་ཡེ་ཤེས་པའི་ཚུལ་དུ་འདུས་པའོ། །རླུང་པོ་ལག་ཆ་བྲལ་བ་ནི། རྩ་རླུང་གི་ཟུག་ཞི་སྟེ་ཕན་འདོགས་པར་འགྱུར་བའོ། །སྐྱེ་མཆེད་དྲུག་གི་ནང་དུ་ཐིག་ལེ་འདུས། ཞེས་བྱ་བ་མིག་ལ་སོགས་པ་སྐྱེ་མཆེད་དྲུག་གི་གནས་སུ་ཁམས་དྭངས་མ་འདུས་པ་ལས་རྗེས་སུ་དྲན་པ་དྲུག་ཤེས་ཞེས་བྱ་བ། མིག་གིས་གཟུགས་ཉེ་རིང་མེད་པར་མཐོང་བ་ལ་སོགས་པ་ཟག་བཅས་ཀྱི་མངོན་ཤེས་ཕྱོགས་མེད་དུ་འཆར་རོ། །སྤྲུལ་སྐུ་འགའ་མཐོང་བ་ནི། ཁམས་དྭངས་མའི་རྟེན་འབྲེལ་གྱིས་སྤྲུལ་པའི་སྐུ་མཚན་ དབང་བླང་བའི་ཡུལ་ ཉིད་པ་གཅིག་ནས་བཅུའི་བར་དུ་ཅི་རིགས་པར་མཐོང་བའོ། །སྒོམ་པ་མི་འཆོར་བ་ནི་སྔ་མ་བཞིན་ནོ། །ཡང་དག་པར་སྤོང་བ་བཞི་ནི་དགྱེས་སྩོགས་ དབང་གི་རྟེན་ པད་ཅན་བཅུ་གཉིས་མའི་རྩ་རྙེད་པས་རྣམ་པར་རྟོག་པ་ཐམས་ཅད་སྤངས་པས་ཡང་དག་པར་སྤོང་བ། དེ་བཞིན་དུ་དལ་རྒྱུ་སྩོགས་རིགས་པ་ཡིད་འཇུག་པས་རྣམ་པར་རྟོག་པ་ཐམས་ཅད་སྤོང་བ། ལུས་ངག་ཡིད་རྡོ་རྗེ་སྐྱིལ་ཀྲུང་བཅས་པས་རྣམ་པར་རྟོག་པ་ཐམས་ཅད་སྤོང་བ། ཐིག་ལེས་རླུང་ནོན་པས་རྣམ་པར་རྟོག་པ་ཐམས་ཅད་སྤོང་བ་སྟེ། འོག་ཏུ་རྒྱས་པར་ཤེས་པར་བྱའོ། །སྤྲུལ་སྐུ་ལས་ཞེས་བྱ་བ་ནི་དབང་བླང་བའི་ཡུལ་བསྟན་ཏོ། །དབང་གསུམ་གྱི་རྗེས་ དབང་གི་རང་གི་ངོ་བོ་ ལས་བྱུང་བའི་ཤེས་པ་བསམ་པ་ནི་བཞི་པ་རྟེན་ཅན་ཏེ། ལུང་བསྟན་པའི་བུ་མོ་པད་ཅན་མ་ལས་མས་བརྟན་པའི་དགའ་བ་བཞི་ཉམས་སུ་མྱོང་བའོ། །ད་ནི་དབང་དེ་རང་གི་ངོ་བོ་རྟེན་འབྲེལ་བཞི་ལས་སྐྱེ་བ་བསྟན་པའི་ཕྱིར། དགྱེས་སྩོགས་ཞེས་བྱ་བ་ལ་སོགས་པ་སྨོས་ཏེ། མི་དགྱེས་པ་མ་ཡིན་ཏེ་དགྱེས་པ་སྐྱེད། མཚན་དང་མི་ལྡན་པ་མ་ཡིན་ཏེ་མཚན་དང་ལྡན། བྱིན་གྱིས་མི་རློབ་པ་མ་ཡིན་ཏེ་བྱིན་གྱིས་རློབས་ཞེས་བྱའོ། །པད་ཅན་ནི་བུ་མོ་པད་ཅན་གྱི་རིགས་ཏེ་ལག་པ་དང་རྐང་པ་ལ་འདབ་བརྒྱད་ཀྱི་རི་མོ་ལ་སོགས་སོ། །བཅུ་གཉིས་མ་ནི་བཅུ་ཚན་གཉིས་ཏེ་ཉི་ཤུ་མའོ། །རྩ་བཙལ་བ་ནི་སྒ་གཏད་པའི་སྦྱོར་བས་པདྨའི་སྣལ་མ་ལྟར་ཕྲ་བ། མདུང་གི་རྩེ་མོ་ལྟར་རྣོ་བ། རལ་གྲིའི་སོ་ལྟར་གཅོད། མེ་ལོང་གི་ངོས་ལྟར་འཇམ། ཞེས་བྱ་བ་ཆོས་བཞི་ལྡན་དུ་ཤེས་པར་བྱའོ༑ ༑དེས་ཡང་དག་པར་སྤོང་བ་དང་པོ་བསྟན་ནོ། །སྙིང་པོའི་ ཡང་དག་གི་རྟེན་འབྲེལ་ ཨ་ནི་ཆོས་སྐུའི་རྟེན་ཏེ་ཀུན་འདར་གྱི་སྣ་རྩེར་བྱོན། ཅེས་པས་ཐིག་ལེའི་གཟུགས་ཀྱིས་དབུ་མའི་སྣ་རྩེར་ཞུགས། དེ་ལས་ཨ་གྱེན་ལ་བསྐྱོད་པའོ༑ ༑དལ་རྒྱུ་སྩོགས་ སྙིང་པོ་ཡེ་ཤེས་ཀྱི་རླུང་གི་རྟེན་འབྲེལ་ ཞེས་བྱ་བ་ནི་གཞི་རྩ་བའི་རླུང་ལྔ། རིག་པ་ནི་བྱངས་པ། ཡིད་ནི་དབུ་མ་སྟེ་དེར་འཇུག་པའོ། །འདིས་ནི་ཡང་དག་པར་སྤོང་བ་གཉིས་པ་བསྟན་ཏོ། །ལུས་གཡས་རོ་མ། ངག་གཡོན་རྐྱང་མ། ཡིད་དབུ་མ་སྟེ། རྡོ་རྗེ་སྐྱིལ་ཀྲུང་བཅས་པ། ཞེས་བྱ་བ་མི་ཕྱེད་པར་ཡི་གེའི་ཆའི་དབྱིབས་སུ་གྱུར་པའོ། །འདིས་ནི་ཡང་དག་པར་སྤོང་བ་གསུམ་པ་བསྟན་ཏོ། །ཐིག་ལེས་ ཁམས་བདུད་རྩིས་རྟེན་འབྲེལ། རླུང་ནོན་པ། ཞེས་བྱ་བ་ཁམས་དྭངས་མ་རྩ་གསུམ་འཛོམ་པའི་གནས་སུ་བྱོན་པས་རྩ་གཡས་གཡོན་གཉིས་ཀྱི་རླུང་མནན་པ་སྟེ། འདིས་ཟག་བཅས་ཀྱི་བདེ་བ་ཆོས་མཆོག་མན་ཆད་ཀྱི་ཉམས་མཆོག་ཏུ་གྱུར་པ་སྐྱེའོ། །འདིས་ནི་ཡང་དག་པར་སྤོང་བ་བཞི་པ་བསྟན་ཏོ། །རྔ་སྒྲ་སྩོགས་ ཕན་ཡོན་བསྟན་ མི་ཐོས་པ་ནི་དེ་ཙམ་ན་ཡིན་ཟག་བཅས་ཀྱི་བདེ་བ་ཡིན་ཡང་བདག་གིས་ཟག་མེད་ཀྱི་བདེ་བར་བཟུང༌། དེས་བརྒྱལ་བ་རྔ་བོ་ཆེ་བརྒྱ་དང་དུང་དང་ཆ་ལང་ལ་སོགས་པ་རྣམས་ཀྱིས་ཀྱང་སད་པར་མི་ནུས་སོ། །དེ་ཉིད་ལ་ཆོག་ཤེས་པའི་བདུད་ཅེས་ཀྱང་བྱ་སྟེ། དེ་ལ་སྤྱིར་ཆོག་ཤེས་པ་ནི་ལྟ་བས་ཆོག་ཤེས་པ། ཉམས་མྱོང་ཏིང་ངེ་འཛིན་གྱིས་ཆོག་ཤེས་པ། གདམས་ངག་ལ་ཆོག་ཤེས་པ་དུ་མ་འབྱུང་ན་ཡང་འདི་ནི་ཆོག་ཤེས་པ་སྩོགས་ཀྱིས་བདུད་ཆོམས་ཞེས་པ། སྔར་དྲན་པ་ཉེར་བཞག་གི་ལམ་མན་ཆད་དུ་ཟག་མེད་བདེ་བར་འཛིན་པ་ལ་ཆོག་ཤེས་པའི་བདུད་ཆོམས་ནས་ཡང་དག་པར་སྤོང་བ་བཞིས་ཟག་མེད་ཀྱི་བདེ་བ་དང་ཆ་མཐུན་པས་ས་དང་པོ་ལ་ཉེ་བར་གྱུར་པའི་ཏིང་ངེ་འཛིན་ཁྱད་པར་ཅན་སྐྱེས་པས་དེ་སྐད་ཅེས་བྱ་སྟེ། ཆོག་ཤེས་པའི་བདུད་མ་ལུས་པ་ནི། མཐོང་བའི་ལམ་ཉིད་ཀྱིས་ཆོམ་པས་སོ། །དེ་དག་གིས་ནི་ཁམས་འདུས་པ་གསུམ་ལ་དྲོད་གསུམ་གྱིས་བསྡུས་པའི་ཏིང་ངེ་འཛིན་སྐྱེས་པས་སྦྱོར་ལམ་བཞི་ལས་དྲོད་བསྟན་ཏོ། །ད་ནི་དྲོད་ཀྱི་ཡོན་ཏན་གྱི་ལྡོག་པས་སྦྱོར་ལམ་ལྷག་མ་གསུམ་བཞག་ པ་ནི། ནང་གི་སངས་རྒྱས་རྣམས་ཀྱི་ལམ། །ཞེས་བྱ་བ་ལ་སོགས་པ་གསུངས་ཏེ། དེ་ལ་ནང་གི་སངས་རྒྱས་རྣམས་ནི་རླུང་སེམས་ཡབ་ཡུམ་བཅུའོ། །སྲིད་པའི་རྩེ་མོ་ནི་རྩ་གཡས་གཡོན་གྱི་སྣ་རྩེ་ཡིན་ལ། དེ་ལ་འདས་པའི་རྩེ་མོ་ནི་དབུ་མའི་སྣ་རྩེར་བྱོན་པའོ། །དེས་ན་ཡོན་ཏན་གྱི་ལྡོག་པས་སྦྱོར་ལམ་གཉིས་པ་བསྟན་ཏོ། །མ་སྐྱེས་པའི་ཆོས་ལ་བཟོད་པར་དཀའ་ཞེས་བྱ་བ་སྔར་ལོ་ཀའི་ལམ་མན་ཆད་དུ་སྟོང་པ་ཉིད་ཀྱི་ཏིང་ངེ་འཛིན་སྐྱེ་ཡང་སྐྲག་པ་ཆེན་པོ་སྐྱེ་ལ། དབུ་མར་རླུང་སེམས་འདུས་པའི་སྐབས་འདིར་ནི་འཁོར་འདས་སྟོང་པ་ཉིད་དུ་རྟོགས་པའི་ཏིང་ངེ་འཛིན་སྐྱེ་ཡང་དེ་ལ་མི་སྐྲག་པས་བཟོད་པའོ། །དེ་ཡི་ནང་རྟེན་འབྲེལ་ནི། དབུ་མར་སེམས་རྟོག་མེད་ལོག་སེམས་འཕོས་ན་བཟོད་པ་ཞེས་སྨོས་ཏེ་སྦྱོར་ལམ་གསུམ་པའོ། །འཁོར་བའི་ཆོས་ལས་འདས་ཞེས་བྱ་བ་དེ་མན་ཆད་དུ་ཚོགས་སྦྱོར་གཉིས་ལ་ཏིང་ངེ་འཛིན་སྐྱེ་ཡང་སྲིད་པའི་སྡུག་བསྔལ་ཚོར་བ་དྲག་པོ་ ནད་དྲག་པོ་སོགས་དེ་འབྱུང་བ་ལུས་འཁྲུགས་དང་གདོན་སོགས། འགག་མི་ནུས་པས། དེ་ལ་འདས་པའི་ སྤང་བྱ་སྤངས་པ། ཆོས་མཆོག་དང་མྱ་ངན་ལས་འདས་པ་ཞེས་བྱ་བ་ཟག་མེད་ས་དང་པོ་ ཡོན་ཏན་རྟེན་འབྲེལ་འགྲིག་པའི། ཡིན་ལ། ལམ་ཆོས་རྣམས་རྫོགས་ཞེས་བྱ་བ་ ས་དང་པོའི་རྟོག་པ་འཆད་པའི། ཡང་དག་པ་སྤོང་བ་བཞིའི་རྟེན་འབྲེལ་མ་ལུས་པར་ཚང་བའོ། །དེ་ལྟར་ན་ཆོས་མཆོག་གཉིས་ཀྱིས་སྦྱོར་ལམ་བཞི་པ་བསྟན་ཏོ། །ད་ནི་དེ་ལྟར་བསྟན་པ་རྣམས་ཀྱིས་གཞུང་ ཉེ་བར་བསྡུ་བ་བསྟན་པ་ལས། དེ་ལྟར་ཉམས་སྐྱོན་ཅན་ཞེས་བྱ་བ་ནི་བརྒྱད། སྐྱོན་མེད་ནི་གསུམ། ཕྱི་དབྱིབས་ཀྱི་ཨ་ན་ཡར་རླུང་སེམས་མཉམ་པར་འདུས། ཞེས་བྱ་བ་ལོ་ཀའི་ལམ་མན་ཆད་ཀྱི་རྩ་དང་ཡི་གེ་དང་བྱང་ཆུབ་ཀྱི་སེམས་དང་རླུང་རྣམས་ལ་འདས་ནས་དབུ་མར་ཞུགས་ཏེ་ལོ་ཀ་ལས་འདས་པའི་ལམ་མགོ་རྩོམ་ཞེས་བྱ་བའི་དོན་ཏོ། །ད་ནི་སྔར་ལམ་གཉིས་ཀ་ལ་སྐྱེ་བའི་ཏིང་ངེ་འཛིན་རྣམས་དང༌། ལོ་ཀ་ལས་འདས་པའི་ལམ་ལ་སྐྱེ་བའི་ཏིང་ངེ་འཛིན་གསུམ་དུ་བསྡུ་བའི་ཕྱིར། དེ་ལྟར་ལམ་དུ་འབྱུང་བ་རྣམས་ངོ་བོ་རང་བཞིན་མཚན་ཉིད་དོ། །ཞེས་སྨོས་ཏེ། མས་རིམས་སུ་སྦྱར་ལ། མཚན་ཉིད་ མཐོང་སྣང་སོགས། སྣ་ཚོགས། རང་བཞིན་ ཡུལ་འགགས་པ་སོགས། སྟོང་པ། ངོ་བོ་ཟུང་འཇུག །ཡུལ་སྣང་སྟོང་སོགས། ཅེས་བྱའོ། །དེ་དག་གིས་ནི་གཞུང་ཚོམ་བུ་བདུན་དུ་བཅད་ནས་ལམ་ཚོགས་སྦྱོར་གཉིས། བྱང་ཆུབ་ཀྱི་ཕྱོགས་བཅུ་གཉིས་ལས་ཁམས་འདུས་པ་གསུམ་དུ་བཅད་དེ་འཇིག་རྟེན་པའི་ལམ་གྱི་གདམས་ངག་བསྟན་ཏོ། །ད་ནི་འཇིག་རྟེན་ལས་འདས་པའི་ལམ་ལ། དེ་ཡང་ལམ་སྤྱིའི་རྣམ་པར་གཞག་པ་ནི། ལམ་ལྟར་ན་མཐོང་ལམ། སྒོམ་ལམ། མཐར་ཕྱིན་པའི་ལམ་དང་གསུམ། བྱང་ཆུབ་ཀྱི་ཕྱོགས་ལྟར་ན་ཉི་ཤུ་རྩ་ལྔ། ས་ལྟར་ན་ཕྱེད་དང་བཅུ་གསུམ། དེས་ལམ་མ་ལུས་པར་རྫོགས་པ་ཡིན་ན་ཡང༌། རེ་ཞིག་ས་ ལམ་སྤྱིའི་རྣམ་གཞག་སྟོན། རྣམས་ཚོམ་བུར་བཅད་ན་བཞིར་བསྡུ་སྟེ། ས་དྲུག་ བུམ་དབང་ དབང་ལྟར་ན། གི་ས། བཞི་གསང་དབང་གི་ས། གཉིས་ཤེས་རབ་ཡེ་ཤེས་ཀྱི་ས། ཕྱེད་དབང་བཞི་པའི་སའོ། །ཡང་དང་པོ་ལ་བསྐྱེད་རིམ་བསྟན། གཉིས་པ་ལ་བདག་བྱིན་གྱིས་བརླབ་པ་བསྟན། གསུམ་པ་ལ་དཀྱིལ་འཁོར་འཁོར་ལོ་བསྟན། བཞི་པ་ལ་རྡོ་རྗེ་རྦ་རླབས་བསྟན་ཏོ། །ཡང་དང་པོ་ལ་སྤྲུལ་སྐུའི་ ཞིང་ཁམས་ལྟར་ན་ ཞིང་ཁམས་ལ་དབང༌། གཉིས་པ་ལ་ལོངས་སྐུའི་ཞིང་ཁམས་ལ་དབང༌། གསུམ་པ་ཆོས་སྐུའི་ཞིང་ཁམས་ལ་དབང༌། བཞི་པ་ངོ་བོ་ཉིད་ཀྱི་སྐུའི་ཞིང་ཁམས་ལ་དབང་ཐོབ་བོ། །ཡང་དང་པོ་ གྲུབ་མཐའ་ལྟར་ན། ལ་ལུས་ཀྱི་དཀྱིལ་འཁོར་མངོན་དུ་འགྱུར། གཉིས་པ་ལ་བྷ་གའི་དཀྱིལ་འཁོར། གསུམ་པ་ལ་བྱང་ཆུབ་ཀྱི་སེམས་ཀྱི་དཀྱིལ་འཁོར། བཞི་པ་ལ་དུས་གསུམ་བདེ་གཤེགས་བཅུད་འདུས་ཀྱི་དཀྱིལ་འཁོར་མངོན་ཏུ་འགྱུར་རོ། །ཡང་དང་པོ་ལ་འཁོར་འདས་དབྱེར་མེད་ཀྱི་གྲུབ་མཐའ་སྙོགས། གཉིས་པ་ལ་མ་འདྲེས་པ་ལ་ཡོངས་སུ་རྫོགས་པའི་གྲུབ་མཐའ། གསུམ་པ་ལ་བདེ་སྟོང་རྒྱ་ཆུང་བའི་གྲུབ་མཐའ། བཞི་པ་ལ་བདེ་སྟོང་རྒྱ་ཆེ་བའི་གྲུབ་མཐའ་སྙོགས་སོ། །ད་ནི་ས་རེ་རེའི་དབང་དུ་བྱས་ནས་རྡོ་རྗེའི་ཚིག་རྐང་གི་དོན་བརྗོད་པར་བྱ་སྟེ། དེ་ལས་རེ་རེ་ལ་རྒྱུ་བསྟན་པ། རྟགས་བསྟན་པ། འབྲས་བུ་བསྟན་པ། མཇུག་སྡུད་བསྟན་པ་དང་བཞི་བཞིས་ཤེས་པར་བྱའོ། །དེ་ལ་ས་དང་པོའི་དབང་དུ་བྱས་ནས་རྒྱུ་ལ་གཉིས། རིང་རྒྱུ་དང༌། ཉེ་རྒྱུའོ། །རིང་རྒྱུ་ལའང་གཉིས། དབང་ བུམ་དབང༌། དང༌། ལམ་ བསྐྱེད་རིམ། མོ། །དང་པོ་ལ་གཉིས། རྒྱུ་དུས་ན་བླ་མ་ལས་བུམ་དབང་ བཅུ་གཅིག །ཐོབ་པ་དང༌། ལམ་དུས་ན་རང་གི་བུམ་དབང་ཐུན་བཞི་ལ་ རྒྱས་བསྡུས་གསུམ། སོགས་པར་བསྒོམ་པའོ། །ལམ་ནི་བསྐྱེད་པའི་རིམ་པ་ ལུས་ཀྱི་དཀྱིལ་འཁོར། དབྱིབས་སོ། །ཉེ་རྒྱུ་ དེ་ཉིད་གྲུབ་པའི་རྒྱུ། ལ་ཡང་གཉིས། ཕྱི་རྟེན་འབྲེལ་དང༌། ནང་རྟེན་འབྲེལ་ལོ། །དེ་ལ་ཕྱི་རྟེན་འབྲེལ་ནི་སྤྲུལ་སྐུ་ལས་དབང་བཞི་ ཐུན་ཚད་མེད་པར། ལེན་པ། ནང་རྟེན་འབྲེལ་ལུས་ཀྱི་དཀྱིལ་འཁོར་ རྩའི་འཁོར་ལོ། མཐོང་བའོ། །རྟགས་ལ་གསུམ་ལས། ཕྱི་རྟགས་ཐིག་ལེ་ལ་འཆར་བ། ནང་རྟགས་རླུང་ལ་འཆར་བ། དེ་ཁོ་ན་ཉིད་ཀྱི་རྟགས་ འདི་དང་པོ། སེམས་ལ་འཆར་བའོ། །ད་ནི་ཡན་ལག་གི་དོན་བརྗོད་པར་བྱ་སྟེ། འཇིག་རྟེན་ལས་འདས་པའི་ལམ་ཞེས་བྱ་བའི་ལམ་ཚོགས་སྦྱོར་ རྩ་ཡི་གེ །རླུང་བདུད་རྩི། གཉིས་ལས་འདས་ནས་མཐོང་བའི་ལམ་བརྩམས་པས་སོ། །ད་ནི་རྒྱུ་བསྟན་པ་ལས། ཕྱི་ནང་རྟེན་ཅིང་འབྲེལ་བར་འབྱུང་བའི་ལམ་གྱི་ཞེས་བྱ་བ་ལོ་ཀ་པའི་ལམ་མན་ཆད་དུ་ནི། རྟེན་འབྲེལ་གསུམ་གྱིས་ལམ་བགྲོད་པ་ཡིན་ལ། འདིར་ནི་ཉེ་རྒྱུའི་དབང་དུ་བྱས་ནས། ཕྱི་རྟེན་འབྲེལ་ནི་སྤྲུལ་སྐུ་ལས་དབང་བཞི་ལེན་ ཐུན་མོང༌། པ། ནང་རྟེན་འབྲེལ་འོག་ནས་འབྱུང་བའི་ལུས་ཀྱི་དཀྱིལ་འཁོར་མཐོང་བའོ། །སྤྲུལ་སྐུ་རང་བཞིན་གྱི་ལྷུན་གྲུབ་ཐོབ་པར་བྱེད་པ་ཞེས་བྱ་བ་འབྲས་བུ་སྟེ། རྒྱུ་རྩ་ལ་གནས་པ་འབྲས་བུ་ གྲུབ་མཐའི་དུས་སུ་འབྲས་བུ་བརྩིས་པ། ས་བཅུ་གསུམ་པ་ལ་སྐུ་ ཐམས་ཅད་པ་སྤྲུལ་པའི་སྐུ་མངོན་ཏུ་འགྱུར། ཞེས་བྱ་བའི་དོན་ཏོ། །བུམ་དབང་མཐར་ཕྱིན་ཞེས་བྱ་བ་རིང་རྒྱུའི་དབང་ཡིན་ལ། ལམ་བསྐྱེད་རིམ་ཀྱང་ཤུགས་ཀྱིས་ཤེས་པར་བྱའོ། །ད་ནི་ཉེ་རིང་རྒྱུ་ནང་རྟེན་འབྲེལ་ནི། བྱང་ཆུབ་ཀྱི་ཡན་ལག་བདུན་ཞེས་བྱ་བ། བྱང་ཆུབ་ཀྱིས་ས་དང་པོའི་ཡེ་ཤེས། ཡན་ལག་གིས་དེ་ཡིས་རྒྱུ་སྟེ། འཁོར་ལོ་བཞིའི་རྩ་མདུད་ཕོ་བྲང་གི་དབྱིབས་ཨེ་ཝྃ་མཱ་ཡཱ་བཞིར་གནས་པ་དང༌། རྩ་རོ་རྐྱང་གཉིས་དབུ་མ་དང་གསུམ་སྟེ་བདུན་མཐོང་བའོ། །རྟོག་པའི་འགྲོ་ལྡོག་བྱེད་ཅེས་པ་ནི། སྤང་བྱ་སྤོང་བའི་ཚུལ་ཏེ། སྤྱིར་ལོ་ཀ་ལས་འདས་པའི་ལམ་ཡན་ཆད་དུ་རྣམ་པར་རྟོག་པ་ཆེ་འབྲིང་བཅུ་གཉིས་སྤོང་བ་ལས། དེ་ཐམས་ཅད་ཀྱང་སྲིད་པའི་སྡུག་བསྔལ་དང་ཚོར་བ་དྲག་པོ་སྐྱེད་པའི་རྒྱུ་སྤང་བྱ་མི་མཐུན་པའི་ཕྱོགས་ནི་མ་ཡིན་ལ་རྡོ་རྗེ་འཛིན་པའི་ས་མངོན་དུ་བྱེད་པ་དང༌། ས་གོང་མ་གོང་མར་བགྲོད་པ་ལའང་འགོར་བའི་སྒྲིབ་པ་སྟེ། མདོར་ན་སྤང་བྱ་སྟོབས་ཆུང༌། གཉེན་པོ་སྟོབས་ཆེ་བས་རྟོག་པ་བྱུང་ཡང་དེ་མ་ཐག་ཡེ་ཤེས་ཉིད་དུ་ཐིམ་པས་རྒྱ་མཚོ་དང་རླབས་བཞིན་དུ་ཤེས་པར་བྱའོ། །ད་ནི་རྟགས་བསྟན་པ་ལ། དེ་ཡང་གཞུང་ཚོམ་བུར་བཅད་ན་བཞི་སྟེ། ཡོན་ཏན་བརྒྱ་ཕྲག་བདུན་བསྟན་པ༑ ཁྱད་པར་དུ་ རིགས་དྲུག་གི་རྩ་གཉིས་སོགས། མཐོང་ལམ་ས་དང་པོ་བཞག་པ། ཡོན་ཏན་གྱི་ཁྱད་པར་ སྔོན་བླ་མས་རྒྱུ་དུས་སུ་བསྟན་པ་སོགས། གཞན་བསྟན་པ། ཟག་མེད་དགའ་བ་ དེ་ཙམ་ན་ལིང་ག་བསྟན་པ་སོགས། བཅུ་དྲུག་ལས་གང་ཡིན་པ་ བསྟན་པའོ། །དེ་ལ་སྤྲུལ་སྐུའི་ཞིང་ཁམས་བརྒྱ་སྒུལ། ཞེས་བྱ་བ་མི་མཇེད་ཀྱི་འཇིག་རྟེན་གྱི་ཁམས་ལ་སོགས་པའི་ཞིང་ཁམས་བརྒྱ་སྒུལ་ཞིང་སངས་རྒྱས་དེ་དག་གི་ཞལ་ལྟ་བ་དང༌། དེ་དག་ལས་ཆོས་ཉན་པ་དང༌༑ སྦྱིན་བརྒྱ་ཞེས་བྱ་བ་མིག་གཏོང་བ་དང་མགོ་གཏོང་བ་ལ་སོགས་པའི་མི་འདྲ་བ་བརྒྱ་བཏང་བའོ། །འོད་བརྒྱ་ཞེས་བྱ་བ་དཀར་པོར་སྤྲོས་ནས་དམར་པོར་འདུ་བ་མཐོང་བ་ལ་སོགས་པ་བརྒྱ། མར་བརྒྱ་འཆད་པ་ནི་བདག་བས་དམན་པའི་གདུལ་བྱ་མི་འདྲ་བ་བརྒྱ་ལ་རང་རང་གི་བསམ་པ་དང་མཐུན་པར་ཆོས་སྟོན་པ། ཏིང་ངེ་འཛིན་མི་འདྲ་བ་བརྒྱ་ནི་དཔའ་བར་འགྲོ་བ་དང༌། སེངྒེ་རྣམ་པར་བསྒྱིང་པ་ལ་སོགས་པ་རྒྱལ་བའི་ཡུམ་ལས་འབྱུང་བ་ལྟ་བུ་མི་འདྲ་བ་བརྒྱ་ལ་སྙོམས་པར་འཇུག་པ། འོག་ཏུ་སྦྱར་ལ། རྫུ་འཕྲུལ་སྣ་ཚོགས་སྐད་ཅིག་མས་འབྱུང་ཞེས་བྱ་བ་སྟོད་ནས་མེ་འབར་ཞིང༌། སྨད་ནས་ཆུ་འབྲུབ་པ་ལ་སོགས་པ་དང་། གཅིག་ལས་མང་པོར་བྱེད་ཅིང༌། མང་པོ་ལས་གཅིག་ཏུ་བྱེད་པ་ལ་སོགས་པ་བརྒྱ་སྟོན་པའོ། །དེ་ལྟ་བུའི་ཕྱི་རོལ་ཏུ་སྣང་བའི་ཡོན་ཏན་བརྒྱ་ཕྲག་བདུན་པོ་འབྱུང་བའི་རྟེན་འབྲེལ་ནི་ནང་གི་ཞིང་ཁམས་མཐོང་བའོ། །ནང་མི་མཐོང་བར་ཕྱི་མི་མཐོང་ཞེས་སྨོས་ཏེ་སྔར་གྱི་བྱང་ཆུབ་ཀྱི་ཡན་ལག་བདུན་ཉིད་དོ། །ད་ནི་མཐོང་ལམ་ས་དང་པོར་བཞག་པ་ལ། རིགས་དྲུག་གི་རྩར་ཁྱད་པར་མིའི་རྟེན་མཐོང་ན་ཞེས་བྱ་བ། ནྲ་ཡིག་སྔོན་པོ་མཐོང་བས་གསང་བ་རྟེན་འབྲེལ་ནས་ ཕྱི་རོལ་ཏུ་ཉམས་ཀྱི་སྣང་བ་ལ་མི་སླུ་བར། དགའ་ལ་ཞེས་བྱ་བ་ཟག་མེད་ཀྱི་བདེན་པའི་དོན་སྔར་མ་མཐོང་བ་མཐོང་བས་དགའ་བ་ཁྱད་པར་ཅན་སྐྱེ་བ་ཡིན་ལ། གཡང་ཟ་ཞེས་བྱ་བ་སྔར་ལོ་ཀའི་སྐབས་སུ་སེམས་ཅན་དམྱལ་བ་ལ་སོགས་པའི་སྡུག་བསྔལ་ཇི་སྙེད་ཅིག་བདག་གིས་མྱོང་བ་དང་འགྲོ་བ་འཁྲུལ་པ་དང་བཅས་པ་རྣམས་ལ་ཇི་སྙེད་ཅིག་གི་སྡུག་བསྔལ་འདུག་པ་མཐོང་ལ། བདག་འཁྲུལ་པ་དང་བྲལ་ཞིང་སྡུག་བསྔལ་མི་མྱོང་བཞིན་ཏུ་ཡང༌༑ མྱོང་བ་སྙམ་བྱེད་པའི་དོགས་པ་འབྱུང་བས་གཡང་ཟ་བའོ། །ངོ་ཚ་ལ་སྐྱུག་བྲོ་བ་ནི་སྔར་སེམས་འཁྲུལ་པའི་དུས་སུ་མ་བག་མར་ལེན་པ་དང༌། མི་གཙང་བ་ལ་གཙང་བར་བཟུང་བ་ལ་སོགས་པ་འཁོར་བའི་སྤྱོད་པ་རྣམས་ལ་ཡིད་འབྱུང་བས་དེ་སྐད་ཅེས་བྱའོ། །ད་ནི་ས་དང་པོ་དེ་ཉིད་ཀྱི་ཡོན་ཏན་གྱི་ཁྱད་པར་ཇི་ལྟ་བ་གཞན་བསྟན་པ་ལ། སྔོན་བླ་མས་རྒྱུ་དུས་ན་བསྟན་པའི་འཁོར་འདས་དབྱེར་མེད་དེ་ཙམ་ན་རྟོགས་ཞེས་བྱ་བ་བླ་མས་ལམ་སྩོགས་ཉི་ཤུའི་སྐབས་སུ་བསྟན་པ་དེ་འདིར་གྲུབ་མཐའ་དང་པོ་ལ་ཤར་བ་ནི། སྟོང་གསུམ་ཉུངས་འབྲུར་ཚུད་པ་ལ་ཆེ་ཆུང་མེད། ཆུ་བོ་གྱེན་ལ་བཟློག །ཉི་ཟླ་རྟིང་པར་འཛིན། རྩིགས་པ་དང་རི་ལ་སོགས་པ་ལ་ཐོགས་པ་མེད་པ་དུ་མ་བདག་རྒྱུད་ལ་ཤར་བ། སྙིང་རྗེ་སྐྱེ་བ་ན་སེམས་ཅན་འཁྲུལ་པ་དང་བཅས་པ་རྣམས་ལ་དམིགས་པ་མེད་པའི་སྙིང་རྗེ་སྐྱེ་བ་དེའི་སྟོབས་ཀྱིས་མཆི་མ་ལྷུང་བའོ། །གཞན་གྱི་སེམས་སྣ་ཚོགས་ཤེས་པ་ནི་ སེམས་ཅན་རྣམས་གཞན་ལས་ཀྱང་མིའི་རྟེན་རྣམས་ཀྱི་འདོད་ཆགས་དང་བཅས་པ་ལ་སོགས་པའི་སེམས་ཟག་མེད་ཀྱི་མངོན་ཤེས་ཀྱིས་མཐོང་ ཡེ་ཤེས་ཀྱིས་སྣང་ལ། བའོ། །འདོད་ཡོན་སྣ་ཚོགས་མཐོང་བས་རྒོད་བྲོ་བ་ནི་སྔར་མ་མཐོང་བའི་ཟག་པ་མེད་པའི་ཡེ་ཤེས་ཀྱི་གཞལ་ཡས་ཁང་དང༌། གཟུགས་རྡོ་རྗེ་ལ་སོགས་པའི་འདོད་པའི་ཡོན་ཏན་རྣམས་ཞེན་པ་མེད་པའི་ཚུལ་གྱིས་ལོངས་སྤྱོད་པ་མཐོང་བའོ། །ད་ནི་ཟག་མེད་དགའ་བ་བཅུ་དྲུག་ལས་གང་ཡིན་པ་བསྟན་པ་ལ། དེ་ཙམ་ན་ལིང་ག་བརྟན་རྡོ་རྗེའི་རྩེར་ལྷན་ཅིག་སྐྱེས་པའི་སར་ཐིག་ལེ་གནས་པ་ལྟར་ལུས་ཐམས་ཅད་བདེ་བས་མྱོས་ཤིང་བརྒྱལ་ཞེས་སྨོས་ཏེ། ལིང་ག་བརྟན་པ་ནི་ཕྱི་དབྱིབས་ཀྱི་ཨ་ན་ཡར་རླུང་སེམས་འདུས་ནས་དབུ་མའི་མདུད་པ་དང་པོ་གྲོལ་ཏེ་གསང་གནས་ཀྱི་འཁོར་ལོ་ཕྱེད་ཀྱང་ཁམས་དྭངས་མས་བརྟན་པས་དེ་ཙམ་ན་ལིང་ག་རབ་ཏུ་མ་ཞི་བ་ཉིད་དོ། །རྡོ་རྗེའི་རྩེ་ཞེས་བྱ་བ་ཡང་ཕྱི་དབྱིབས་ཀྱིས་ཨ་ནས་མདུད་པ་དང་པོའི་བར་རོ། །ལྷན་ཅིག་སྐྱེས་པའི་སར་ཞེས་བྱ་བ་ཡས་བབས་ཀྱི་དགའ་བ་བཅུ་དྲུག་པའི་ས་མས་བརྟན་པའི་དགའ་བ་དང་པོ་དང༌། གཉིས་པ་དང༌། གསུམ་པའི་སར་ཡང་ཐིག་ལེ་བརྟན་པའོ། །ལུས་བདེ་བས་མྱོས་ཤིང་བརྒྱལ་བ་ནི་ས་དང་པོའི་ཡེ་ཤེས་ཐོབ་པའི་ཚེ་ཅུང་ཟད་ལུས་ཟག་མེད་ཀྱི་བདེ་བས་མྱོས། སེམས་དགའ་བདེས་བརྒྱལ་བའོ། །རང་གཞན་ངོ་མི་ཤེས་པ་ནི་མཐོང་སྤོང་སྤང་གི་རྣམ་རྟོག་མ་ལུས་པ་ སྤངས་པའོ། །དེ་དག་གིས་ནི་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་བསྟན་ཏོ། །ནང་རྟགས་རླུང་སོར་གཅིག་འགགས་པ་ཞེས་བྱ་བ་ཚད་དེ་ཕྱིའི་སོར་གཅིག །ནང་གི་གཅིག་ཕྱི་ནང་གི་སོར་གཉིས་འགགས་པ་ཡིན་ལ། གྲངས་ འཕོ་བ་གཅིག་གི་རླུང༌། ཀྱང་སྟོང་བརྒྱད་བརྒྱ་པ་གཅིག་དབུ་མར་ཐིམ་མོ། །ཕྱི་རྟགས་གསང་གནས་ཕྱེད་ཐིག་ལེས་བརྟན་ཞེས་བྱ་བ་དབུ་མའི་མདུད་པ་དང་པོ་གྲོལ་ཞིང་གསང་གནས་ཀྱི་འཁོར་ལོ་ཕྱེད་ཁམས་དྭངས་མས་གང་ནས་སླར་ འོག་ཏུ་ མི་ལྡོག་པར་འགྱུར་རོ། །ས་དང་པོ་ཞེས་བྱ་བ་མཇུག་སྡུད་དེ་ལུང་སྒོ་བསྟུན་ནས་རབ་ཏུ་དགའ་བའི་སའོ། །ད་ནི་བུམ་དབང་གིས་བསྡུས་པའི་སྒོམ་ལམ་ས་ལྔ་བསྟན་པ་ལས། ཡང་དབང་བཞི་བཞི་ཞེས་བྱ་བ་ལ་སོགས་པ་སྨོས་ཏེ། སྔར་བསྟན་པ་བཞིན་ཡང་རྒྱུ་བསྟན་པ་ལ་སོགས་པ་བཞི་ལས། རྒྱུ་བསྟན་པ་ལ་ཡང་ཉེ་རྒྱུ་དང་རིང་རྒྱུ་གཉིས། རིང་རྒྱུ་ལའང་དབང་ བུམ་དབང༌། ལམ་ བསྐྱེད་རིམ། གཉིས། ཉེ་རྒྱུ་ལའང་ཕྱི་རྟེན་འབྲེལ་ དབང་བཞི། དང༌། ནང་རྟེན་འབྲེལ་ ལུས་ཀྱི་དཀྱིལ་འཁོར། གཉིས་སུ་སྔ་མ་བཞིན་ཤེས་པར་བྱའོ། །འབྲས་བུ་ནི་དོན་གྱིས་བསྟན་པ་སྤྲུལ་སྐུ། རྟགས་ལ་གསུམ་ལས། དང་པོར་དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། སྤྲུལ་པའི་སྐུའི་ཞིང་ཁམས་སྟོང་ལ་སོགས་པ་སྒུལ་བ་ལ་སོགས་པ་ནུས་ཞེས་སྨོས་ཏེ། སྔར་གྱི་ཡོན་ཏན་བརྒྱ་ཕྲག་བདུན་པོ། སྟོང་ཕྲག་བདུན་དང༌། ཁྲི་ཕྲག་བདུན་དང༌། འབུམ་ཕྲག་བདུན་དང༌། ས་ཡ་ ཕྲག་བདུན་དང༌། བྱེ་བ་ཕྲག་བདུན་གྱི་བར་དུ་འགྲེས་ཏེ་ཤེས་པར་བྱའོ། །དེ་བས་ན་ཡོན་ཏན་སྩོགས་འཕེལ་ཞེས་བྱ་བའི་དོན་ཡང་དེ་ཡིན་ཏེ་ས་དྲུག་མན་ཆད་ལ་སྦྱར་རོ། །འགྲོ་ལྡོག་སྩོགས་འགག །ཅེས་བྱ་བ་སྤང་བྱ་སྤངས་པའི་ཚུལ་ཏེ། རྟོག་པ་ཆེ་འབྲིང་བཅུ་གཉིས་ལས་ཀྱང་དྲུག་མན་ཆད་འགག་ཅིང༌། རྟེན་འབྲེལ་བཅུ་གཉིས་ལས་ཀྱང་ཚོར་བ་མན་ཆད་དྲུག་ལུགས་ལྡོག་ཏུ་འགགས་པའོ། །ནང་རྟགས་རླུང་སོར་དྲུག་འགག་ཅེས་པ་ཕྱིའི་སོར་དྲུག །ཕྱི་ནང་གི་སོར་བཅུ་གཉིས་ཀྱི་ཚད་འགགས་ལ། གྲངས་ཀྱང་ལས་ཀྱི་རླུང་སྟོང་ རྟེན་འབྲེལ་དྲུག་མན་ཆད། བརྒྱ་བརྒྱ་པ་དྲུག་འགགས་སོ། །ཕྱི་རྟགས་གསང་གནས་ལྟེ་སྙིང་ཐིག་ལེས་བརྟན་པ་ནི་འཁོར་ལོ་གསུམ་པོ་རེ་རེ་ལ་ས་གཉིས་གཉིས་དབུ་མའི་བཅུ་དྲུག་བྲལ་ཏེ་ཁམས་དྭངས་མ་སླར་མི་ལྡོག་པ་བསྟན་པའོ། །ལོངས་སྐུ་འགའ་ བདུན་ཐོབ་པའི་དབང་གི་ཡུལ། མཐོང་ཞེས་བྱ་བ་གཅིག་ནས་བཅུའི་བར་དུ་ཞལ་མཐོང་ཞིང་བྱིན་གྱིས་བརླབས་པ་མཐོང་བའོ། །སྒོམ་ལམ་ས་དྲུག་གོ་ཞེས་བྱ་བ་མཇུག་སྡུད་དེ། གཉིས་པ་དྲི་མ་མེད་པ། གསུམ་པ་འོད་བྱེད་པ། བཞི་པ་འོད་འཕྲོ་བ། ལྔ་པ་སྦྱང་དཀའ་བ། དྲུག་པ་མངོན་དུ་གྱུར་པ་སྟེ། ལུང་སྒོ་བསྟུན་གྱིས་བཤད་པའོ། །དེ་ལྟར་ས་དྲུག་གིས་བུམ་དབང་གི་ས་བསྟན་ཏོ། །ད་ནི་ལོངས་སྐུ་ལ་དབང་བཞི་བཞི་ཞེས་བྱ་བ་ལ་སོགས་པས་གསང་དབང་གིས་བསྡུས་པའི་ས་བཞི་བསྟན་པ་ལས། དེ་ལ་ཡང་རྒྱུ་བསྟན་པ། རྟགས་བསྟན་པ། འབྲས་བུ་བསྟན་པ། མཇུག་སྡུད་བསྟན་པ་དང་བཞིས་ཤེས་པར་བྱའོ། །དེ་ལ་དང་པོ་རྒྱུ་ལ་ཡང༌། ཉེ་རྒྱུ་དང༌། རིང་རྒྱུ་གཉིས་ལས། ཉེ་རྒྱུ་ལ་ཡང་དབང་དང་ལམ་གཉིས། དེ་ཡང་གཞུང་ཉིད་དང་སྦྱར་ལ་ གསང་བའི་ དབང་ལས་རྒྱུ་དུས་ཀྱི་དབང་དང༌། ལམ་དུས་ཀྱི་གཉིས་ཀའོ། །དབང༌ཞེས་སྨོས་སོ། །ལམ་ལས་བདག་བྱིན་གྱིས་བརླབས་པའི་ལམ་ནས་ཞེས་པ་དང་སྦྱར། དབང་ལས་གསང་བའི་དབང་མཐར་ཕྱིན་ཞེས་སྨོས་སོ། །ཉེ་རྒྱུ་ལ་ གཉིས་ལས། ཕྱི་རྟེན་འབྲེལ་ནི་ལོངས་སྐུ་ལས་དབང་བཞི་ཐུན་ཚད་མེད་པར་ལེན་པ་ཡིན་ལ། ནང་རྟེན་འབྲེལ་ནི་འོག་ཏུ་སྦྱར་ལ། བྷ་གའི་དཀྱིལ་འཁོར་ ལྟེ་བར་ཡི་གེ་ཕྱི་མོ་བརྒྱད་ཅེས་པ་ལ་སོགས་པའང་སྦྱར་རོ། །དུ་རིགས་དྲུག་གི་ས་ བོན་མཐོང༌། ས་བོན་དྲུག་ལ་མངའ་བརྙེས། ཞེས་པ་དང་སྦྱར་རོ། །འབྲས་བུ་བསྟན་པ་ནི། ལོངས་སྐུའི་རང་བཞིན་གྱིས་ལྷུན་གྲུབ་ཐོབ་པར་བྱེད་པ་ཞེས་བསྟན་ཏོ། །རྟགས་བསྟན་པ་ལ་གསུམ་ལས། དེ་ཁོ་ན་ཉིད་ཀྱི་རྟགས་ སེམས་ལ་འཆར་བའི་དབང་དུ་བྱས་ནས། དབང་པོ་ལྔ་དང་ཞེས་བྱ་བ་ལ་སོགས་པ་སྨོས་ཏེ། སའི་རླུང་ མཛོད་སྤུ་མན་ཆད། དབུ་མར་དབང་དུ་གྱུར་པས་འབྱུང་བ་སའི་གནོད་པས་མི་བརྫི། གསུམ་པོ་དེས་བསྒྲེས་ཏེ་ཤེས་པར་བྱའོ༑ ༑ནམ་མཁའི་རླུང་དབུ་མར་དབང་དུ་གྱུར་པས་དཔག་ཚད་སྟོང་ལ་སོགས་པའི་གཡང་སས་ཀྱང་མི་འཇིགས་ཏེ། དེ་དག་འབྱུང་བའི་ནང་རྟེན་འབྲེལ་ནི། དྭངས་མ་རླུང་ལྔ་ལ་མངའ་བརྙེས། ཞེས་བྱ་བས་བསྟན་ཏེ། ཡང་དེ་ ཙམ་ནས་ས་བདུན་པ་ནས་བཅུ་པའི་བར་ལ་ས་རླུང་ལ་སོགས་པ་དབུ་མར་ཅུང་ཟད་སྟོབས་སུ་གྱུར་པ་ལས་འབྱུང་བ་སར་སྤྲུལ་ནུས་པ་ལ་སོགས་པ་ཡང་ ཐོགས་བཅས་ཟད་ཙམ། ཅི་རིགས་པར་འབྱུང་བ་རིགས་ པར་བྱའོ། །ནུས་པ་ལྔ་ནི་དེ་ཙམ་ན་ས་རུ་སྤྲུལ་ནུས་པ་ལ་སོགས་པ་བཞི་དང༌། བདག་གཞན་མི་སྣང་བར་སྦེད་ནུས་པ་དང་ལྔ་ཅི་རིགས་པར་འབྱུང་བའོ། །ལྟ་སྟངས་རྣམས་ལ་ཐོགས་པ་མེད་ཅེས་བྱ་བ་མིག་གི་སྒོར་རླུང་སེམས་བསྡུ་བ་ལ་དབང་ཐོབ་པས་ཡང་དེ་ཙམ་ན་ལྟ་སྟངས་བཞི་དང༌། ལྟ་སྟངས་བརྒྱ་ལ་སོགས་པ་ལ་ ཐོགས་པ་མེད་པར། དབང་ཐོབ་པ་འབྱུང་ངོ༌། །བྷ་གའི་དཀྱིལ་འཁོར་དུ་རིགས་དྲུག་གི་ས་བོན་མཐོང་ཞེས་བྱ་བ་ལྷའི་ས་བོན་ཨ་ལ་སོགས་དྲུག་མཐོང་བ་གསང་བ་རྟེན་འབྲེལ་ཡིན་ལ། ཕྱི་རོལ་ཏུ་སེམས་ཅན་རྣམས་ཀྱི་སྐད་དུ་ཆོས་སྟོན་ཞེས་སྨོས་ཏེ་འགྲོ་བ་དྲུག་རང་རང་གི་སྐད་དང༌། རང་རང་གི་བསམ་པ་དང་མཐུན་པར་ཆོས་སྟོན་ པའོ༑ ༑སྤྱིའི་ འདུས་བྱས་མི་རྟག་བྱ་བ་སོགས། མཚན་ཉིད་ནི་འདྲ་བ་ཐུན་མོང་བ། རང་གི་མཚན་ཉིད་ནི ས་སྲ་བ་སོགས། མི་འདྲ་བ་ཐུན་མོང་མ་ཡིན་པ་སྟེ། དེ་དག་ལ་ཐོགས་པ་མེད་པ་འབྱུང་བའོ། །ཡི་གེ་ཕྱི་མོ་བརྒྱད་ནི་ལྟེ་བའི་ནང་ སྐོར་གྱི་ཨ་ཀ་ཙ་ཊ་ཏ་པ་ཡ་ཤ་བརྒྱད། ཨཱ་ལི་ཀཱ་ལི་མཐོང་བ་ནི་ཕྱི་སྐོར་གྱི་ཡི་གེ་ལྔ་བཅུ་མཐོང་བ་གསང་བ་རྟེན་འབྲེལ་ཕྱི་རོལ་ཏུ་མདོ་སྡེའི་ཆོས་གསུང་རབ་ཡན་ལག་བཅུ་གཉིས་ལ་ཐོགས་པ་མེད་ཅེས་པ། རྣམ་གྲངས། དེ་ཙམ་ན་ ངག་གི་དབང་ཕྱུག་ཆེན་པོར་གྱུར་པའི་དུས། ཐ་སྙད་ལས་སད་པའི་དུས། ཚིག་གི་མཆོག་མ་ལུས་པ་འགྲུབ་པའི་དུས། ཆོས་དོན་ངེས་ཚིག་སོགས། སོ་སོ་ཡང་དག་པར་རིག་པ་བཞི་ལ་དབང་ཐོབ་པའི་དུས་ཞེས་བྱའོ། །བདུད་རྩི་ལྔ་དང་རོ་དྲུག་ལ་ལོངས་སྤྱོད་ཅེས་བྱ་བ་མགྲིན་པའི་འཁོར་ལོར་ཁམས་དྭངས་མ་བྱོན་ཏེ་བརྟན་པས་ཕྱི་རོལ་ཏུ་ལོ་ཀའི་ཁམས་ཀྱི་རོ་ལ་ལོངས་སྤྱོད་པ་འབྱུང་ངོ༌། །ཚངས་པའི་དབྱངས་སུ་གྱུར་པ་ཞེས་བྱ་བའི་དོན་ཡང་སྙིང་པོའི་ཨ་ཡང་མགྲིན་པའི་འཁོར་ལོའི་བར་དུ་བྱོན་པས་གསང་བ་རྟེན་འབྲེལ་བྱས་ནས་ཕྱི་རོལ་ཏུ་བདག་གཞན་ལ་རྣར་ཉན་ཅིང་ཉེ་རིང་མེད་པ་ལ་སོགས་པ་གསུང་དབྱངས་ཡན་ལག་དྲུག་ཅུ་དང་བཅུ་དྲུག་ལ་སོགས་པ་འབྱུང་ངོ༌། །དེ་བས་ཚངས་པའི་དབྱངས་སུ་གྱུར་པ་ཞེས་སྨོས་སོ། །ཨ་ སྙིང་པོའི་ཨ། ནི་ཡིག་འབྲུ་ཞེས་སྩོགས་དྲུག་གིས་གསལ་བ་ཡང༌། སྒྱུ་འཕྲུལ་དྲྭ་བ་ལས། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན༑ ༑ཁོང་ནས་འབྱུང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག །ཚིག་ཀུན་རབ་ཏུ་གསལ་བར་བྱེད། །ཅེས་རབ་ཏུ་གསུངས་སོ། །དེ་དག་འབྱུང་བའི་ནང་རྟེན་འབྲེལ་བསྟན་པ་ཡང༌། ནང་དུ་འཁོར་ལོ་བཞི་ལ་འཁོར་ལོ་རེ་རེ་ལ་ས་གཉིས་གཉིས་ཁམས་ གཙོར་རླུང༌། དྭངས་མ་དེ་དག་ལས་མི་གཡོ་བར་བརྟན་པ་མངོན་ཏུ་གྱུར་པའི་སྟོབས་འབྱུང་བ་ཡིན་ཞེས་བྱ་བའི་དོན་ཏོ། །ཚུལ་གཞན་ཡང་ས་དྲུག་མན་ ཆད་དུ་སྤྲུལ་སྐུ་ལ་རྒྱན་དྲུག་དང་བཅས་པར་གསལ་བ་ཡིན་ལ། འདིར་ནི་ལོངས་སྐུ་ལ་རྒྱན་དྲུག་ལ་རིགས་དྲུག་གི་ངོ་བོ་གསལ་བར་ཡང་ཤེས་པར་བྱའོ། །ད་ནི་དེ་ཁོ་ན་ཉིད་ཀྱི་རྟགས་ཡོན་ཏན་གཞན་སེམས་ལ་འཆར་བ་བསྟན་པ་ལས། ས་བདུན་ཡན་ཆད་འཁོར་བཞི་བརྒྱ་ལོངས་སྐུའི་ཞིང་ཁམས་དུང་ཕྱུར་ལ་སོགས་པ་སྒུལ་བ་ལ་སོགས་པ་ནུས་ཞེས་སྨོས་ཏེ། སྔར་ས་དྲུག་མན་ཆད་དུ་ནི་སྤྲུལ་སྐུའི་ཞིང་ཁམས་བརྒྱ་ལ་སོགས་པ་ཡོན་ཏན་བརྒྱ་ཕྲག་བདུན་འགྱུར་ ས་དྲུག་ཡོད་པས་དྲུག །དུ་འགྲེ་བ་ཡིན་ལ། འདིར་ལོངས་སྐུའི་ཞིང་ཁམས་དུང་ཕྱུར་ཕྲག་བདུན་ལ་སོགས་པ་བཞི་འགྱུར་དུ་བསྒྲེ་བར་བྱའོ། །ནང་རྟགས་རླུང་སོར་བཅུ་འགགས་ཞེས་བྱ་བའི་ཕྱིའི་སོར་བཅུ། ཕྱི་ནང་གི་སོར་ཉི་ཤུ་གྲངས་ཀྱང་ལས་ཀྱི་རླུང་སྟོང་བརྒྱད་བརྒྱ་བཅུ་དབུ་མར་འགགས་སོ། །ཕྱི་རྟགས་མགྲིན་སྨིན་ཐིག་ལེས་བརྟན་པ་ནི་འཁོར་ལོ་གཉིས་ལ་དབུ་མའི་མདུད་པ་བཅུ་གཉིས་གྲོལ་ནས་ཁམས་དྭངས་མ་དེ་ལས་མི་གཡོ་བར་བརྟན་པར་འགྱུར་རོ། །དེ་དག་གིས་ནི་རྟགས་གསུམ་བསྟན་ཏོ། །སྒོམ་ལམ་ས་བཅུ་ཞེས་བྱ་བ་མཇུག་སྡུད་དོ། །བདུན་པ་རིང་དུ་སོང་བ། བརྒྱད་པ་མི་གཡོ་བ། དགུ་པ་ལེགས་པའི་བློ་གྲོས། བཅུ་པ་ཆོས་ཀྱི་སྤྲིན་ཏེ། ལུང་སྒོ་བསྟུན་གྱི་མིང་ངོ༌། །ད་ནི་ཤེས་རབ་ཡེ་ཤེས་ཀྱི་ས་གཉིས་པ་བསྟན་པ་ལས། དེ་ཡངརྒྱུ་བསྟན་པ་ལ་སོགས་པ་བཞི། རྒྱུ་ལའང་རིང་རྒྱུ་དང༌། ཉེ་རྒྱུ་གཉིས། རིང་རྒྱུ་ལའང་དབང༌། ལམ་གཉིས་ལས། དབང་ནི་དཀྱིལ་འཁོར་ རྒྱུ་དུས་དང་ལམ་དུས་དང་གཉིས། འཁོར་ལོའི་ཐབས་ཀྱི་ལམ་ཞེས་བྱ་བ་དང་སྦྱར་རོ། །ཉེ་རྒྱུ་ལའང༌། ཕྱི་ནང་གི་རྟེན་འབྲེལ་གཉིས་ལས་ཕྱི་རྟེན་འབྲེལ་ནི། ཡང་དབང་བཞི་བཞི་ཞེས་སྨོས་ཏེ། རྒྱལ་བ་སྤྲུལ་པའི་སྐུ་དང་ལོངས་སྐུ་ཐ་མི་དད་པ་ལ་དབང་བཞི་ཐུན་ཚད་མེད་པར་ལེན་པའོ། །ནང་རྟེན་འབྲེལ་ནི། ཡང་འོག་ཏུ་སྦྱོར་ལ། རྩ་བ་བྱང་ཆུབ་སེམས་ཀྱི་དཀྱིལ་འཁོར་མཐོང་ཞེས་སྨོས་ཏེ། དེ་དག་གིས་ནི་རེ་ཞིག་རྒྱུ་བསྟན་ཏོ། །ཆོས་ཀྱི་སྐུ་རང་བཞིན་གྱིས་ལྷུན་གྲུབ་ཐོབ་པར་བྱེད་པ་ནི་འབྲས་བུ་སྟེ། འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །ད་ནི་རྟགས་བསྟན་པ་ལ་གསུམ་ལས། དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། སྟོབས་ལྔ་ནི་ཞེས་བྱ་བ་ལ་སོགས་སྨོས་ཏེ། ནང་དུ་དྭངས་མ་ལྔ་དང་བྱང་ཆུབ་ཀྱི་སེམས་བདུད་རྩི་ལྔ་རོ་གཅིག་ཅིང་འདྲེས་པ་དབུ་མ་སྟོབས་སུ་གྱུར་པ་ལས་ཕྱི་རོལ་ཏུ་སྟོབས་ལྔ་འབྱུང་བ་ནི། ས་རླུང་དབུ་མར་སྟོབས་སུ་གྱུར་པ་ལས་འབྱུང་བ་ས་སྤྲུལ་ནུས། གསུམ་པོ་དེས་འགྲེའོ། །ནམ་མཁའི་རླུང་དང་དེའི་བྱང་ཆུབ་ཀྱི་སེམས་དབུ་མར་སྟོབས་སུ་གྱུར་པ་ལས་ སྤྱི་གཙུག་འཁོར་ལོའི་བར། བདག་གཞན་མི་སྣང་བར་སྦེད་ནུས་པ་འབྱུང་ངོ༌། །ད་ནི་ཉེ་རིང་གཉིས་ཀའི་རྒྱུའི་དབང་དུ་བྱས་ནས་ཤེས་རབ་ཡེ་ཤེས་ཀྱི་དབང་ལ་ཡོན་ཏན་གྱི་ཆོས་བརྩི་བ་ནི། སྐུ་གསུམ་ཡེ་ཤེས་ལྔ་སྩོགས་ཀྱི་དབང་ཐོབ་ནས་ཞེས་སྨོས་ཏེ། རྟེན་ཡོངས་སུ་དག་པའི་ཕྱག་ རྒྱ་ལ་འདུ་ཤེས་གསུམ་གྱིས་ སྐད་ཅིག་གིས། བྱིན་གྱིས་བརླབས་ནས་ཐབས་ཤེས་རབ་སྙོམས་པར་ཞུགས་པས་རྗེས་ཆགས་ཀྱི་མེས་ལུས་ཀྱི་ཁམས་དྭངས་མ་བཞུ་སྟེ་རྩ་ཐམས་ཅད་ཀྱི་གནས་ནས་སྤྱི་གཙུག་གི་ཧྃ་ལ་འདུས། བྱང་ཆུབ་ཀྱི་སེམས་སྤྱི་བོ་ནས་མགྲིན་པའི་བར་དུ་བྱོན། དེ་ཙམ་ན་ཉམས་མྱོང་ཆུང་བས་དགའ་བའི་ཡེ་ཤེས། སྤང་བྱ་ཉོན་མོངས་པ་ཕྱེད་ཞི་ལ་ཕྱེད་མ་ཞི་བས་ཉན་ཐོས་ཀྱི་ལམ་ཆོད། སྙིང་གའི་བར་དུ་བྱོན། བདེ་བའི་ཉམས་མྱོང་ ལྷན་སྐྱེས་ཀྱིས་མངོན། འཕེལ་བས་མཆོག་དགའི་ཡེ་ཤེས། སྤང་བྱ་ཉོན་མོངས་པ་བཞི་གསུམ་ཞི་ལ། བཞི་ཆ་མ་ཞི་བས་རང་སངས་རྒྱས་ཀྱི་ལམ་ཆོད། གཉིས་པོ་དེ་བདེ་བ་ལ་ལོངས་སྤྱོད་པས་ལོངས་སྐུའི་དབང་ཐོབ༑ ལྟེ་བའི་བར་དུ་བྱོན། བདེ་བ་མི་རྟོག་པས་བརྒྱན། ཟུང་དུ་ཚུད། དགའ་བྲལ་གྱི་དགའ་བའི་ཡེ་ཤེས། སྤང་བྱ་ ཀུན་བརྟགས། ཉོན་མོངས་ཐམས་ཅད་ཞི་བས་བྱང་ཆུབ་སེམས་དཔའི་ལམ་ཆོད། མི་རྟོག་པ་སྤྲོས་པ་ཐམས་ཅད་ཉེ་བར་ཞི་བ་རྟོགས་པས་ཆོས་སྐུའི་དབང་ཐོབ་བོ། །ཁམས་དྭངས་མ་དེ་གསང་གནས་ཀྱི་བར་དུ་བྱོན། བདེ་བ་དང་སྟོང་པ་ཟུང་དུ་ཚུད་པས་ལྷན་ཅིག་སྐྱེས་པའི་དགའ་བའི་ཡེ་ཤེས། སྤང་བྱ་ཉོན་མོངས་པ་ཐམས་ཅད་ཞི་བ་བརྟན་པས་བྱང་ཆུབ་ཆེན་པོའི་ལམ་ཆོད། ཐིག་ལེ་མི་བརྟན་པའི་དོན་གྱིས་སྤྲུལ་པའི་སྐུའི་དབང་ཐོབ་བོ། །དེ་ལྟར་ན་སྐུ་གསུམ་གྱི་དབང་ངོ༌། །དེ་ཉིད་ལ་ ཡོན་ཏན་གྱི་ཁྱད་པར་གྱིས། ཡེ་ཤེས་ལྔའི་དབང་དུ་ཡང་བཞག་སྟེ་ཆོས་ ཐམས་ཅད་མ་སྐྱེས་པའི་ངོ་བོར་གསལ་བས་མེ་ལོང་ལྟ་བུའི་དབང༌། འཁོར་འདས་མཉམ་པ་ཉིད་དུ་རྟོགས་པས་མཉམ་པ་ཉིད། ཀུན་རྫོབ་ཀུནྡ་ལྟ་བུ་མི་འཆོར་ རླུང་བརྟན་པས། བར་ཡང་དག་པར་རྟོགས་པས་སོ་སོར་རྟོག་པ༑ དེ་ཁོ་ན་ཉིད་རང་ལས་གྲུབ་པས་བྱ་བ་གྲུབ་པ། མི་རྟོག་པའི་དོན་གྱིས་ཆོས་ཀྱི་དབྱིངས་ཀྱི་ཡེ་ཤེས་ཀྱི་དབང་ངོ༌། །དེ་ཉིད་ལ་ ཆོས་མཐུན་གྱི་དབང་དུ་བྱས་ནས། ཕྱག་རྒྱ་ལྔ་ཡི་དབང་དུ་ཡང་བཞག་སྟེ། ལྷན་སྐྱེས་རྣམ་རྟོག་ལ་མི་རེག་པས་བྲམ་ཟེ་མོ། རྣམ་རྟོག་ལྷན་སྐྱེས་ལ་མི་རེག་པས་གཡུང་མོ། བདག་ཉིད་ཀྱི་རྒྱུད་བདེ་ཆེན་དུ་བསྒྱུར་བས་གར་མ། གཞན་ཐམས་ཅད་བདེ་ཆེན་དུ་བསྒྱུར་བས་ཚོས་མ། མཚན་མ་དང་རྣམ་པར་རྟོག་པ་གསོད་པ་ལ་གཏུམ་མོའི་དབང་ངོ༌། །དེ་ཉིད་ལ་ ཡོན་ཏན་གྱི་ཁྱད་པར་གྱིས། ཧེ་རུ་ཀ་བཅུ་གཅིག་གི་དབང་དུ་ཡང་བཞག་སྟེ། གཟུགས་ཀྱི་ཧེ་རུ་ཀ་ལ་སོགས་པ་དྲུག །བདག་ རང་ལྷར་བསྐྱེད་པས། དམ་ཚིག་གི་ཧེ་རུ་ཀ །གཞན་ཡེ་ཤེས་ཀྱི་ ཡེ་ཤེས་སེམས་དཔའ་བཞུགས། ཧེ་རུ་ཀ །གདགས་པ་ ལུགས་སྐུ་སོགས། བརྡའི་ཧེ་རུ་ཀ །གདགས་པ་ ཧེ་རུ་ཀ་ཞེས་པས། མིང་གི་ཧེ་རུ་ཀ །དོན་ཡེ་ཤེས་ཀྱི་ཧེ་རུ་ཀ་ རྣམ་ཐར་ཅེས་བཞི། སྟེ་བཅུ་གཅིག་གོ །དེ་ལྟར་ན་བདག་གི་ལུས་ལ་གནས་ཤིང་བྱིན་གྱིས་བརླབས། བདེ་བ་ལ་རོལ་པའི་དོན་གྱིས་ལྷ་སྟེ་ལྷའི་དེ་ཁོ་ན་ཉིད་ཉི་ཤུ་རྩ་བཞིའི་དབང་ངོ༌། །དེ་ལྟ་བུའི་ཉམས་དང་ལྡན་པའི་རྣལ་འབྱོར་པའི་ལག་པས་ཅི་བསྒྱུར་ ཕན་ཡོན་བསྒྱུར་བ། བ་ཕྱག་རྒྱར་འགྱུར་བས་ཕྱག་རྒྱའི་ དེ་ཁོ་ན་ཉིད་ཀྱི་དབང༌། རྐང་པས་ཅི་བྱས་པ་ཐམས་ཅད་དཀྱིལ་འཁོར་དུ་འགྱུར་བས་དཀྱིལ་འཁོར་གྱི་དེ་ཁོ་ན་ཉིད་ཀྱི་དབང༌། ངག་གིས་ཅི་བརྗོད་པ་གསང་སྔགས་སུ་འགྱུར་བས་སྔགས་ཀྱི་དེ་ཁོ་ན་ཉིད་ཀྱི་དབང་སྟེ། དེ་ཁོ་ན་ཉིད་བཞི་ཉམས་སུ་མྱོང་བ་དང་རྟོགས་པ་དང་ལྡན་ན་ཤེས་རབ་ལ་བརྟེན་ནས་ཡེ་ཤེས་ཀྱི་དབང་དུ་ཐོབ་ཅེས་བྱའོ། །མདོར་ན་དབང་དེས་གྲུབ་མཐའ་ས་བཅུ་གཅིག་པ་དང་བཅུ་གཉིས་པའི་རྒྱུ་བྱེད་པའི་ཕྱིར་སྐབས་འདིར་སྦྱར་བས་ཤེས་པར་བྱའོ། །ད་ནི་ཕྱི་ནང་རྟེན་འབྲེལ་གཉིས་ཀྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་དེ་ཁོ་ན་ཉིད་རྟེན་ཅིང་འབྲེལ་བར་འབྱུང་བ་ཡོན་ཏན་མི་བསླུ་བས་གཞན་རྣམས་བསྟན་པ་ལས། བདུད་རྩི་ལྔ་གར་འདུ་བ་མཐོང་ན་ཞེས་བྱ་བ་ཁམས་དྭངས་མ་བདུད་རྩི་ལྔ་རླུང་ལྔ་དང་དབྱེར་མེད་པའི་ཚུལ་གྱིས་ཕོ་བྲང་འདུ་ འཁོར་ལོ་བཞི་ཨེ་ཝྃ་མཱ་ཡཱ། ས་བཞི་ལ་སོགས་པར་འདུ་བ་མཐོང་བས་ནང་རྟེན་འབྲེལ། སངས་རྒྱས་རྣམས་གཞན་དོན་མཛད་པ་མཐོང་བ་ན་རྒྱལ་བ་སྤྲུལ་པའི་སྐུ་ལོངས་སྤྱོད་པའི་རྣམས་རང་རང་གི་གདུལ་བྱ་ལ་སྐུ་དང་གསུང་གིས་དོན་མཛད་པ་མཐོང་བ་དེ་ནི་དོན་ཕྲིན་ལས་ཡོངས་སུ་དག་པ་ཡིན་ནོ། །སྤྲུལ་པ་བདེ་ཆེན་དུ་ཐིག་ལེ་འདུ་བ་མཐོང་བ་ནི་རེ་ཞིག་ཁམས་དྭངས་མ་རྣམས་ལྟེ་བ་སྤྲུལ་པའི་འཁོར་ལོར་བསྡུས་ཏེ། དེ་ནས་སྤྱི་བོ་བདེ་བ་ཆེན་པོའི་འཁོར་ལོར་ཡང་བསྡུས་ཏེ། བརྟན་པར་བྱས་ན་ཉམས་ཀྱི་སྣང་བ་མི་སླུ་བར་སངས་རྒྱས་ འོག་མིན་གྱི་གནས་ན་ཟབ་མོ་ལ་བཞུགས་པ་མཐོང་ཞེས་བྱ་བ་ལ་སོགས་པ་རྒྱལ་བ་ལོངས་སྐུ་རྣམས་ དབྱིངས་དང་ཡེ་ཤེས་གཉིས་སུ་མེད་པ། ཆོས་སྐུ་བདེ་སྟོང་སྤྲོས་བྲལ་གཅིག་ལས་མ་གཡོས་བཞིན་ཏུ་དེའི་ངང་ལ་བཞུགས་ཤིང་གདུལ་བྱའི་དོན་ཡང་མཛད་པར་ཤེས་པར་བྱ་སྟེ། འདི་ཉིད་ལ་ཆོས་སྐུའི་ཞིང་ཁམས་མཐོང་ཞེས་བྱ་སྟེ། ཡང་དེ་ཙམ་ན་ལྟེ་བ་སྤྲུལ་པར་བདུད་རྩི་ལྔ་དང་རླུང་ལྔ་འདུ་བ་ རང་གིས་བསྡུས་པས། མཐོང་བས་དང་རྟེན་འབྲེལ་དུ་གྱུར་ནས་ཕྱི་རོལ་ཏུ་ཟག་པ་མེད་པའི་ཏིང་ངེ་འཛིན་གྱི་སྣང་བ་ལ་རྒྱལ་བ་ལོངས་སྤྱོད་རྫོགས་པའི་སྐུ་རིགས་ལྔ་ཡབ་ཡུམ་གནས་ཀྱི་ཁྱད་པར་ཆོས་འབྱུང་གི་ནང་ན། རྟེན་གྱི་དཀྱིལ་འཁོར་གཞལ་ཡས་ཁང་ཡེ་ཤེས་ཀྱི་སྣང་བར་གྱུར་པ་ན། འཁོར་གྱི་ཁྱད་པར་སྐལ་ལྡན་བྱང་ཆུབ་སེམས་དཔའ། ས་བཅུ་གཅིག་པ་དང༌། བཅུ་གསུམ་པ་ལ། བསྟན་པར་བྱ་བ་ཆོས་ཀྱི་ཁྱད་པར་ཟབ་མོ་རྡོ་རྗེའི་ཐེག་པ་ རྒྱུད་སྡེ་བཞིའི། གསང་བ་མཆོག་ཏུ་གྱུར་པའི་དོན་སྒྲོགས་པ་མཐོང་ངོ༌། །ཕྱག་རྒྱ་མའི་དྭངས་མ་མཐོང་བ་ནི་ཡུམ་གྱི་རྩ་གནས་རྣམས་སུ་ཁམས་དྭངས་མ་ཆེན་པོ་ཐོགས་པ་མེད་པར་ མེ་ལོང་ལྟ་བུ། མཐོང་བས་ཕྱི་རོལ་ཏུ་ཉམས་ཀྱི་སྣང་བ་ལ་མངོན་པར་ཤེས་པ་ལྔ་ལ་ཐོགས་པ་མེད་པ་འབྱུང་ངོ༌། །ཡང་བདག་ཉིད་ཀྱི་རྩའི་ རང་འདོད། དབྱིབས་སྣ་ཚོགས་སུ་བསྒྱུར་ཏེ་དེར་རླུང་སེམས་དྭངས་མ་དྲངས་ན་ཕྱི་རོལ་ཏུ་གཟུགས་སྣ་ཚོགས་སུ་བསྒྱུར་བའི་རྫུ་འཕྲུལ་ལ་ཐོགས་པ་མེད་པ་འབྱུང་ངོ༌། །དེ་ཉིད་ སླར་སྤོས་ན་ཞེས་བྱ་བ་དང་ཕོ་བྲང་གང་ནས་དྲངས་པའི་ཨ་ཡི་གེ་ལ་སོགས་གནས་ཉིད་དུ་ ཡིད་ཀྱིས། སྤོས་ཏེ་བཞག་ན་ཕྱི་རོལ་ཏུ་སེམས་ཅན་གཞན་རྣམས་དང་བདག་ཉིད་ཀྱི་ཡང་སྐྱེ་བ་དུ་མ་རྗེས་སུ་དྲན་པ་འབྱུང་ངོ༌༑ ༑དེ་དག་གིས་ནི་ཕྱི་ནང་གསང་བ་དེ་ཁོ་ན་ཉིད་རྟེན་ཅིང་འབྲེལ་བར་འབྱུང་བ་བཞིའི་ཚུལ་གྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་བསྟན་ཏོ། །ནང་རྟགས་རླུང་སོར་བཅུ་གཉིས་འགགས་ཞེས་བྱ་བ་ཕྱིའི་སོར་བཅུ་གཉིས། ཕྱི་ནང་གི་སོར་ཉི་ཤུ་རྩ་བཞི། གྲངས་ཀྱང་ལས་ཀྱི་རླུང་སྟོང་བརྒྱད་བརྒྱ་པ་བཅུ་གཉིས་དབུ་མར་འགགས་ཏེ། རྟེན་འབྲེལ་བཅུ་གཉིས་ལས་མ་རིག་པའི་བར་དུ་འགགས་པ་ཡིན་ནོ། །ཕྱི་རྟགས་སྤྱི་གཙུག་ཧྲིལ་ཐིག་ལེས་བརྟན་ཞེས་བྱ་བ་སྤྱི་གཙུག་གི་འཁོར་ལོ་ལ་དབུ་མའི་མདུད་པ་བཞི་ གསུམ་པ་གཅིག་ཐ་མ་གཅིག །གྲོལ་ནས་ཁམས་དྭངས་མ་དེ་ལས་མི་ལྡོག་པར་གྱུར་པའོ། །ས་བཅུ་གཉིས་སོ་ཞེས་བྱ་བ་སྦས་པའི་དོན་གྱིས་ས་བཅུ་གཅིག་པ་དཔེ་མེད་པའི་ཡེ་ཤེས་དང༌། བཅུ་གཉིས་པ་ཡེ་ཤེས་ས་ཆེན་པོའོ། །ད་ནི་དབང་བཞི་པའི་ས་ཕྱེད་ལས། དེ་ལའང་བཞི། རྒྱུ་བསྟན་པ། རྟགས་བསྟན་པ། འབྲས་བུ་བསྟན་པ། མཇུག་སྡུད་བསྟན་པའོ། །རྒྱུ་བསྟན་པ་ལའང༌། རིང་རྒྱུ་དང༌། ཉེ་རྒྱུ་གཉིས་ལས། རིང་རྒྱུ་དེ་ལའང་དབང་དང༌། ལམ་གཉིས་ལས། དབང་ནི་བཞི་པ་སྟེ། བཞི་པ་ལུས་ངག་ཡིད་ཀྱི་དབང་ཞེས་སྨོས་སོ། །ལམ་རྡོ་རྗེའི་རྦ་རླབས་ཀྱི་ལམ་ཞེས་པ་དང༌། སྲིད་པ་རྣམ་པར་དག་པའི་ལམ་ཞེས་པ་དང་སྦྱར་རོ། །ཉེ་རྒྱུའི་ཕྱི་རྟེན་འབྲེལ་ནི། ཡང་དབང་བཞི་བཞི་ཞེས་བྱ་བ་རྒྱལ་བ་སྐུ་གསུམ་ཐ་མི་དད་པ་ལས་ས་བཅུ་གཉིས་མའི་རིག་མ་ཡོངས་སུ་དག་པ་ལ་བརྟེན་ཏེ་དབང་བཞི་ལེན་པར་སྣང་བའོ། །ནང་རྟེན་འབྲེལ་ནི་འགྲོས་བཞི་ཐིམ་པའི་དབང་ཉིད་དོ། །ཉེ་བའི་རྒྱུ་དེ་ཉིད་ལ་ལུང་སྒོ་བསྟུན་ཏེ། ལམ་ལྔ་ལས། མཐར་ཕྱིན་གྱི་ལམ་ནས་ཞེས་བྱ་བ། རྟེན་འབྲེལ་ལྔ་ལས་ཀྱང་མཐར་ཐུག་རྟེན་འབྲེལ། སྤང་བྱ་ལས་ཀྱང་ཤེས་བྱའི་སྒྲིབ་པ་མཐར་ཐུག་འདག་པར་ཤེས་པར་བྱའོ། །ཚིག་གི་དོན་ལས། སྲིད་པ་རྣམ་པར་དག་པའི་ལམ་ཞེས་བྱ་བ་ནི། སྲིད་པ་ནི་རྩ་རླུང་ལྡང་འཇུག་གནས་པ་གསུམ། ཉོན་མོངས་པ་དུག་གསུམ། ལུས་དང༌། ངག་དང༌། ཡིད་དང་གསུམ། ཁམས་གསུམ་སྟེ། དེ་རྣམ་པར་དག་པའི་ལམ་ནི་རྦ་རླབས་གསུམ་མོ། །འཕགས་པ་ནི་ཡེ་ཤེས་ལྔ། ཡན་ལག་ནི་དེ་ཡི་རྒྱུ་རྣམ་པར་ཤེས་པ་ཚོགས་བརྒྱད་དོ། །འབྲས་བུ་གཉིས་ཐོབ་པ་ཞེས་བྱ་བ་ཡང་གཡས་གཟུང་བའི་རྦ་རླབས་རེངས་པ་ལས་རྣམ་པར་ཐར་པ་མཚན་མ་མེད་པ། གཡོན་འཛིན་པའི་རྦ་རླབས་རེངས་པ་ལས་རྣམ་པར་ཐར་པ་སྨོན་པ་མེད་པའོ། །ད་ནི་མཐར་ཕྱིན་གྱི་ལམ་ས་བཅུ་གསུམ་པའི་ས་ཕྱེད་ཀྱི་རྟགས་སེམས་ལ་འཆར་བ་ལས། ས་ཆེན་འདི་ནི་དགའ་ཞིང་རངས་ལ་མགུ། ཞེས་བྱ་བ་ནི་བདག་ཅག་ སྟོང་གསུམ་གྱི་སའི་ལྷ་མོ་རྣམས། གི་སྟོན་པ་ཡང་དག་པར་རྫོགས་པའི་སངས་རྒྱས་ཞེས་སྐད་ཅིག་མ་དང་པོ་ ལ་དགའ། གཉིས་པ་ལ་རངས། གསུམ་པ་ལ་མགུ་ཞེས་པའོ། །དེའི་གད་མོའི་སྒྲས་ས་རྣམ་པ་དྲུག་ཏུ་གཡོ་བ་ཡང་ལྡེག་ལྡེག་རབ་ཏུ་ལྡེག་ཅེས་བྱ་བ་ལ་སོགས་པ་རྒྱལ་བའི་ཡུམ་ལས་འབྱུང་བ་བཞིན་ཏུ་ཤེས་པར་བྱའོ༑ ༑བདུད་གནས་སུ་སྒྲ་བསྒྲག་པ་ཡང་བདུད་བཞི་བཅོམ་པས་བདུད་བཞི་དཔའ་བཀོང་བའི་ཆོ་འཕྲུལ་ཡིན་ཏེ། གནམ་རྡོ་ལྟུང་བ་དང༌། རྒྱ་མཚོ་ཆེན་པོ་རབ་ཏུ་འཁྲུག་པ་ལ་སོགས་པའི་སྒྲ་དང༌། བདུད་ཀླད་པ་འགེམས་པའི་ཆ་ལང་ལྟ་བུའི་སྒྲ་འབྱུང་སྟེ། འདི་ཡང་སྲོད་ལ་བདུད་བཏུལ་བའི་དུས་སམ་བར་ཆད་མེད་པའི་དུས་ཞེས་པ་དང་སྦྱར་རོ། །ཕྱག་རྒྱའི་གནས་སུ་ཁམས་གསུམ་མཐོང་བ་ནི་འཁོར་འདས་ཀྱི་ཆོས་ཐམས་ཅད་ས་བཅུ་མ་ལ་སོགས་པ་ཡུམ་གྱི་བྷ་ག་དེར་གནས་པ་ཁམས་དྭངས་མའི་དྭངས་མ་ཆེན་པོའི་ཐིག་ལེ་གཅིག་ལ་ཆེ་ཆུང་དང་ཡངས་དོག་མེད་པར་རོ་གཅིག་ཚུལ་གཅིག་པར་བལྟ་བྱ་དང་ལྟ་བྱེད་ཀྱི་ཚུལ་དུ་འཁོར་འདས་ཀྱི་ཆོས་ཐམས་ཅད་མཐོང་བ་སྟེ། འདི་ནི་ཐམས་ཅད་མཁྱེན་པ་ཆུང་ངུ་གཅིག་ཡིན་ནོ། །ཧ་རི་མ་ལ་སོགས་པ་དབང་ཕྱུག་གི་དོན་བརྒྱད་འཆར་བ་ཡང༌། དེ་ཙམ་ན་རྩ་གཉིས་ཀྱི་སྲོག་རྩོལ་གྱི་རླུང་ཨ་ཝ་དྷཱུ་ཏིར་ཞུགས་པས་རྟགས་བརྒྱད་འཆར་བ་སྟེ། ཕྲ་ཞིང་ཡང་ལ་ཕྲ་བར་ནུས་པ་དང༌། །སྤྱོད་པར་ནུས་དང་བདག་ཉིད་ཆེན་པོ་དང༌། །དགའ་མགུར་བྱེད་དང་ཐམས་ཅད་དབང་དུ་འགྱུར། །ཅི་འདོད་བྱེད་དང་དབང་ཕྱུག་དོན་བརྒྱད་དོ། །མཁའ་འགྲོ་རིང་ནས་ འདུ་བ་ཡང་དེ་ཙམ་ན་ནང་གི་མ་མཁའ་འགྲོ་རིང་ནས་འདུ་ཞེས་བྱ་བ་སྟེ། རྩ་གནས་ཐམས་ཅད་ཀྱི་ཁམས་དྭངས་མའི་དྭངས་མ་ཆེན་པོ་ཡབ་ཡུམ་བཅུའི་ཚུལ་གྱིས་ཕོ་བྲང་དབུ་མར་འདུ་བ་མཐོང་བའོ། །ཕྱིའི་མཁའ་འགྲོ་རིང་ནས་འདུ་བའང་མཁའ་འགྲོ་སྤྲུལ་པའི་སྐུ་དང༌། ལོངས་སྤྱོད་རྫོགས་པའི་སྐུ་དང༌། ཆོས་ཀྱི་སྐུ་རྣམས་སྒྲུབ་པ་པོ་བདག་གི་བ་སྤུའི་བུ་ག་རེ་རེ་ཡང་ཐ་མི་དད་པའི་ཚུལ་གྱིས་བྱིན་གྱིས་རློབ་པ་མཐོང་སྟེ། དེ་ཡང༌། པདྨའི་འབྱུང་གནས་ཉམས་དགའ་ལ། །ངང་པའི་ཚོགས་འདུ་ཇི་བཞིན་ཏུ། །དམ་ཚིག་གནས་ལ་མཁའ་འགྲོ་མ། །རིང་ན་གནས་ཀྱང་བྱིན་གྱིས་རློབ། །ཅེས་བྱའོ། །དེ་དག་གིས་ནི་ཐོ་རངས་མངོན་པར་བྱང་ཆུབ་པ་དང༌༑ རྣམ་པར་གྲོལ་བའི་དུས་ཞེས་བྱ་བར་ཡང་བསྟན་ཏོ། །ནང་རྟགས་སྲོག་རྩོལ་ཨ་ཝ་དྷཱུ་ཏིར་འཇུག་ཅེས་བྱ་བ་རྩ་གཉིས་ཀྱི་སྲོག་རྩོལ་གྱི་རླུང་ཕྱི་དབྱིབས་ཀྱི་ཨ་ནི་ཡར་གཙུག་ཏོར་ཕྱེད་ཀྱི་བར་དུ་བཞུགས་པའོ། །ཕྱི་རྟགས་གཙུག་ཏོར་ཕྱེད་ཐིག་ལེས་བརྟན་ཞེས་པ་དབུའི་གཙུག་ཏོར་ཕྱེད་ཁམས་དྭངས་མས་བརྟན་ཞིང་དེ་ཙམ་ན་འདོམས་ཀྱི་སྦ་བ་སྦུབས་སུ་ནུབ། ཆོས་ཀྱི་དུང་དང༌། ཐུགས་ཀའི་དཔལ་བེའུ་དང༌། སྨིན་མཚམས་ཀྱི་མཛོད་སྤུ་ཡང་འགྲུབ་པ་ཡིན་ནོ། །ས་ཕྱེད་དང་བཅུ་གསུམ་མོ་ཞེས་བྱ་བ་མཇུག་སྡུད་དོ། །བཅུ་གསུམ་པའི་རྒྱུ་སྐད་ཅིག་དང་པོ་མཐར་ཕྱིན་གྱི་ལམ་འགྲོས་བཞི་ཐིམ་པ་ཉིད་ལ་མིང་བཏགས་པ་ཡིན་ནོ། །ད་ནི་འབྲས་བུ་གཅིག་གི་དབང་དུ་བྱས་ནས་རྒྱས་པར་བསྟན་པའི་ཕྱིར། བཞི་པ་ཡིད་ཀྱི་དབང་ཞེས་བྱ་བ་ལ་སོགས་པ་རྒྱས་པར་སྨོས་ཏེ། བཞི་པ་ནི་དབང་བཞི་པས་བསྡུས་པའི་ས་ཡིན་པས་སོ། །ཡིད་ཀྱི་དབང་ཞེས་བྱ་བ། རྩ་གཡས་ལུས༑ གཡོན་ངག །དབུ་མ་སེམས་ཡིན་པ་ལས། དབུ་མར་རྩ་གཉིས་ཀྱི་རླུང་སེམས་ཐམས་ཅད་དང་པོར་ཞུགས་ནས་དེ་ནས་འགགས་ཤིང་ཐིམ། ཞེས་བྱ་བའི་དོན་ཏོ། །མཐར་ཕྱིན་དེ་ཁོ་ན་ཉིད་ཀྱི་རྟགས་ཀྱང་ཕྱི་རྟགས་ནང་རྟགས་གཉིས་སྔོན་དུ་སོང་ནས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་སྟེ། ལོངས་སྐུ་ཞེས་འོག་ནས་སྨོས་ཀྱང༌། ཆོས་སྐུའི་ཞིང་ཁམས་མ་ལུས་པ་ལ་སོགས་པ་སྒུལ་བ་ལ་སོགས་པ་ནུས་ཞེས་སྦྱར་བར་བྱའོ། །འབྲས་བུ་ནི་རྣམ་པར་ཐར་པའི་སྒོ་སྟོང་པ་ཉིད་གཟུང་འཛིན་གྱི་རྣམ་པར་རྟོག་པ་མ་ལུས་པ་ནུབ་པ་ཉིད་ལ་བྱའོ། །དེའི་དོན་གྱིས་བསྟན་པ་འབིགས་བྱེད་ཅེས་བྱ་བ་ལ་སོགས་སྨོས་ཏེ། འབིགས་པར་བྱེད་པ་ནི་རླུང་སེམས་དྭངས་མའི་དྭངས་མ་ཆེན་པོ། དབུག་པར་བྱ་བ་ནི་དབུ་མ་སྟེ། སངས་རྒྱས་བསམ་པའི་གྲོང་ཁྱེར་ཆོས་ཀྱི་དབྱིངས་རྣམ་པར་ཐར་པའི་སྒོ་སྟོང་པ་ཉིད་མཐར་ཐུག་གི་ཕོ་བྲང་ངོ༌། །བྱང་ཆུབ་སེམས་ཀྱིས་ནི་འབིགས་ཞེས་སྨོས་ཀྱང་རླུང་སེམས་དྭངས་མའི་དྭངས་མ་ཆེན་པོས་དབུ་མ་འབིགས་ཤིང་ཁ་ཕྱེ་ནས་མཐར་གཙུག་ཏོར་མཆོག་ཏུ་འགྲོས་བཞི་ཐིམ་པ་ཡིན་ནོ། །ས་ཕྱེད་པ་ཉིད་ཀྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས༑ ལོངས་སྐུའི་ཞིང་ཁམས་རབ་བཀྲམ་ལ་སོགས་པ་སྒུལ་བ་ལ་སོགས་པ་ནུས་ཞེས་སྨོས་ཀྱང༌། འདིར་ནི་ས་བཅུ་གཉིས་པར་སྦྱར་ལ། འོག་གི་མ་ལུས་པར་ནི་ཕྱེད་པོ་འདིར་སྦྱར་བར་ཤེས་པར་བྱའོ། །ནང་རྟགས་སྲོག་རྩོལ་ཨ་ཝ་དྷཱུ་ཏིར་འཇུག་ཅེས་བྱ་བ་ཐོག་མར་འཇུག་པ་ཡིན་ཞིང་སྐད་ཅིག་གཉིས་པ་ལ་ནི་འགག་པར་འགྱུར་རོ། །ད་ནི་དེའི་རྟེན་གྱི་སྒོ་ནས་ཤིན་ཏུ་རྒྱས་པར་བཤད་པའི་ཕྱིར། ས་བཅུ་གསུམ་ཐོབ་ཁར་ས་བཅུ་མ་ལ་སོགས་པ་ཡིད་ཀྱིས་བཀུག་སྟེ་ཞེས་བྱ་བ་ལ་སོགས་པ་སྨོས་ཏེ། སྔར་ཁམས་འདུས་པ་ཐ་མར་པད་ཅན་ལུང་བསྟན་པ་ལ་བརྟེན་ནས་ས་བཅུ་གསུམ་གྱི་བར་དུ་བགྲོད་པ་ཡིན་ནོ། །སྔར་མགྱོགས་ཕོ་ཉའི་ལམ་དུ་གྱུར་པ་ཡིན་ན་ནི་རྟེན་མི་དགོས་ལ། དེ་ལྟར་མ་ཡིན་ཀྱང་སྩོགས་ཀྱིས་བསྡུ་བ། བདག་ས་དང་པོ་ཡིན་པའི་ཚེ་རིག་མ་ཡང་ས་དང་པོ་པ། དེ་བཞིན་ཏུ་བདག་བདུན་པ་ཡིན་ན་རིག་མ་ཡང་བདུན་པ། དེ་བཞིན་ཏུ་བདག་ས་བཅུ་པ་ཡིན་པའི་ཚེ་རིག་མའང་བཅུ་པ་ཡིན་པར་ཤེས་པར་བྱའོ། །ཡིད་ཀྱིས་དགུག་ཅེས་པ་དྲན་པ་ཙམ་གྱིས་འགྲུབ་པ་ཡིན་ཏེ། ཕྱི་རྫས་ལ་སོགས་པ་ལ་མ་ལྟོས་པས་སོ། །ད་ནི་མཐར་ཕྱིན་གྱི་ལམ་གྱིས་འགྲོས་བཞི་ཐིམ་པའི་དབང་བཞི་བླང་བ་ལས། བླང་བའི་ཡུལ་ནི། སློབ་དཔོན་དུས་གསུམ་བདེ་གཤེགས་བཅུད་འདུས་ཡིན་ཞེས་བྱ་བ་ལ་སོགས་པ་སྨོས་ཏེ། དུས་གསུམ་ནི་གོང་ནས་རིམ་གྱིས་འབྱུང་བའི་འཁོར་ལོ་གསུམ་མམ། རྩ་གསུམ་མམ། རླུང་ལྡང་འཇུག་གནས་པ་གསུམ་མམ། ཐིག་ལེ་ཞུ་བདེ་མི་རྟོག་པ་གསུམ་མམ། མདོར་ན་དཀྱིལ་འཁོར་གསུམ་གྱི་ཡང་དྭངས་མའི་དྭངས་མ་ཆེན་པོར་སྒྱུར་བ་སྐྲའི་རྩེ་མོ་ཙམ་མོ། །ཡི་དམ་ལྷ་དང་བླ་མ་དབྱེར་མེད་ཅེས་བྱ་བ་ཐིག་ལེ་དེ་ཉིད་ལ་སོ་སོ་སྐྱེ་བོའི་བླ་མ། རྒྱལ་བ་སྤྲུལ་པའི་སྐུའི་བླ་མ། ལོངས་སྐུའི་བླ་མ། ཆོས་སྐུའི་བླ་མ། ངོ་བོ་ཉིད་ཀྱི་སྐུའི་བླ་མ་རྣམས་ཐ་མི་དད་པར་མངོན་ཏུ་གྱུར་པའོ། །བླ་མ་ཕུན་སུམ་ཚོགས་པ་དེའི་བཞུགས་པའི་གནས་ནི། བྷ་གར་ཞེས་བྱ་བ་ལ་སོགས་པ་ས་བཅུ་མ་ལ་སོགས་པ་ཡུམ་གྱི་མཆོག་གི་ཟེ་བར་རོ། །དངོས་གྲུབ་ལེན་ཞེས་བྱ་བ་ཡང་འགྲོས་བཞི་ཐིམ་པའི་དབང་ཉིད་བླ་མ་དེ་ལས་འགྲོས་ཐིམ་པའི་དབང་གིས་སྐད་ཅིག་གཉིས་པ་ལ་སྐུ་ལྔ་མངོན་དུ་འགྱུར་བའི་དངོས་གྲུབ་ལེན་པས་སོ། །སྲིད་པ་རྣམ་པར་དག་པའི་ལམ་ཞེས་བྱ་བ་ཡང་འགྲོས་བཞི་ཐིམ་པའི་དབང་ཉིད་ཀྱིས་ཏེ། ཡན་ལག་གི་དོན་ནི་སྔ་མ་བཞིན་ནོ། །དེ་དག་གིས་ནི་ཉེ་བའི་རྒྱུ་བསྟན་ཏོ། །ངོ་བོ་ཉིད་ཀྱི་སྐུ་ཤིན་ཏུ་རྣམ་པར་དག་པ་ལྷུན་གྲུབ་ཀྱི་སྐུ་ཐོབ་པར་བྱེད་པ་ཞེས་བྱ་བ་རྟེན་གནས་གྱུར་གྱི་སྐུ་བཞི་དང་གྲུབ་བདེ་གཅིག་པ། བརྟེན་པ་གནས་གྱུར་སྐུ་ཡང་གྲུབ་ཅེས་བྱ་བའི་དོན་ཏེ་འབྲས་བུའོ། །ལོངས་སྐུའི་ཞིང་ཁམས་མ་ལུས་པ་ལ་སོགས་སྒུལ་བ་ལ་སོགས་པ་ནུས་ཞེས་སྨོས་ཀྱང༌། ངོ་བོ་ཉིད་ཀྱི་སྐུའི་ཞིང་ཁམས་མ་ལུས་པ་ལ་སོགས་པ་སྒུལ་བར་ཤེས་པར་བྱའོ། ། ནང་རྟགས་སྲོག་རྩོལ་ཨ་ཝ་དྷཱུ་ཏིར་འགགས་པ་ཡང་རྩ་གཉིས་ཀྱི་སྲོག་རྩོལ་གྱི་རླུང་གཙུག་ཏོར་མཆོག་གི་འགྲོས་བཞི་ཐིམ་པའོ། །ཕྱི་རྟགས་གཙུག་ཏོར་ཧྲིལ་ཐིག་ལེས་བརྟན་ཞེས་བྱ་བ། དབུའི་གཙུག་ཏོར་མཆོག་ གྲུབ་ནས་རྟེན་དང་བརྟེན་པ་མ་ལུས་པ་གནས་གྱུར་ཞེས་བྱ་བའི་དོན་ཏོ། །རེ་ཞིག་དེ་དག་གིས་ལོ་ཀ་དང་ལོ་ཀ་ལས་འདས་པའི་ལམ་གཉིས་ལ་ལུང་སྒོ་བསྟུན་ཏེ། ལམ་ལྟར་ན་ལྔ། བྱང་ཆུབ་ཀྱི་ཕྱོགས་ལྟར་ན་སུམ་ཅུ་རྩ་བདུན། ས་ལྟར་ན་ཕྱེད་དང་བཅུ་གསུམ་གྱི་ལམ་མ་ལུས་པ་བསྟན་ཏོ། །ད་ནི་ལམ་དེས་བསྒྲུབས་པའི་འབྲས་བུ་བསྟན་པ་ལས། ཕྱི་དང་ནང་གི་རྟེན་འགྲོས་བཞིས་ཐིམ་པ་རྣམས་ཀྱི་སྒོམ་ཉམས་སྐྱོན་ཡོད་མེད་ཕྱེད་པས་ས་བཅུ་གསུམ་པའོ། །ཐམས་ཅད་མཁྱེན་ཏོ། །བཅུ་གསུམ་རྡོ་རྗེ་འཛིན་པར་རྟེན་འབྲེལ་འགྲིག་པ་ལྟར་སྣང༌། འཚང་རྒྱ་ཁར་འཁོར་ཚོམ་བུ་གཅིག་དང་སངས་རྒྱས་ཞེས་སྨོས་ཏེ། དེ་ལ་དོན་ནི་འདི་ཡིན་ཏེ། བདག་ཉིད་ཚོགས་རྫོགས་ཤིང་ཇི་ལྟར་རྟེན་འབྲེལ་འགྲིག་པ། གནས་གྱུར་སྐུ་ལྔ་བསྟན་པ་དང༌། ཁྱད་པར་དུ་གཞན་གྱི་དོན་ཆེ་བ་སེམས་མ་བསྐྱེད་པ་བསྐྱེད་པ་ལ་སོགས་པ་དང༌། བདག་གཞན་གཉིས་ཀའི་ཆེ་བ་འཁོར་ཚོམ་བུ་གཅིག་དང་སངས་རྒྱ་བ་བསྟན་པའོ། །དེ་ལ་དང་པོ་རྩ་ཐམས་ཅད་ཀྱི་འགྲོས་རིམ་གྱིས་ཐིམ་པ་ལས་དབུ་མ་མཆོག་ཏུ་གྱུར། དེ་ལ་སྐུ་ཐམས་ཅད་པ་སྤྲུལ་སྐུ། ཞེས་བྱ་བ་བཅོམ་ལྡན་འདས་རྡོ་རྗེ་འཆང་ཆེན་པོ་མཚན་དཔེ་འབར་བ་དང༌། ཤཱཀྱ་ཐུབ་པ་ལ་སོགས་པ་སྤྲུལ་པ་མཆོག་ནས་བཟུང་སྟེ་འགྲོ་བ་མཐའ་དག་དང༌། དཔག་བསམ་གྱི་ཤིང་ལ་སོགས་པ་སྣོད་མཐའ་དག་གི་རྣམ་པར་སྣང་བས་གདུལ་བྱ་མཐའ་དག་གི་དོན་དུ་འགྱུར་བའོ། །གསང་དབང་ཡི་གེའི་འགྲོས་ཏེ་ཡི་གེ་ཐམས་ཅད་རིམ་གྱིས་འགྲོས་ཐིམ་སྟེ། དེའང་ཁ་དོག་ཐིམ་པས་དཀར་པོ། དབྱིབས་ཐིམ་པས་ཨ་ཧྃ་མི་ཐིའི་ཟུང་འཇུག་མི་ཤིགས་པའི་ཡི་གེ་སྟེ། སྟོབས་ཐིམ་པས་བདུད་བཞི་ཟིལ་གྱིས་གནོན་པ་ཧཱུྃ་གི་སྟོབས་ལྟ་བུར་འགྱུར་རོ། །དེ་ལས་གསུང་ཐམས་ཅད་པ་ལོངས་སྤྱོད་རྫོགས་པའི་སྐུ། ཞེས་བྱ་བ་ལེགས་པར་སྦྱར་བའི་སྐད་ནས་བཟུང་སྟེ། འགྲོ་བ་མཐའ་དག་གི་སྐད་དང༌། འབྱུང་བ་མཐའ་དག་གི་སྒྲ་དང༌། ནམ་མཁའ་ལས་ཀྱང་གསུང་ཡོངས་སུ་དག་པའི་སྒྲ་འབྱུང་སྟེ་གདུལ་བྱའི་དོན་ཏུ་འགྱུར་བའོ། །ཤེས་རབ་ཡེ་ཤེས་བདུད་རྩིའི་འགྲོས་ཏེ། ཁམས་དགུ་རིམ་གྱིས་དྭངས་མ་ལས་ཁམས་དྭངས་མ་མཆོག་ཏུ་འགྲོས་ཐིམ་པས་བདུད་རྩི་གནས་གྱུར༑ ཐུགས་ཐམས་ཅད་པ་ཆོས་ཀྱི་སྐུ། ཞེས་བྱ་བ་ཇི་ལྟ་བ་དང༌ཇི་སྙེད་པ་མ་ལུས་པ་མཁྱེན་ཅིང་ཇི་ལྟར་རྟེན་འབྲེལ་འགྲིག་པ་ལྟར་མངོན་དུ་འགྱུར་བའོ། །དབང་བཞི་པ་རླུང་གི་འགྲོས་ཏེ། ལས་ཀྱི་རླུང་རྣམས་རིམ་གྱིས་ཐིམ་ནས་ཡེ་ཤེས་ཀྱི་རླུང་དུ་འགྱུར་རོ། །དེ་ལ་རླུང་གནས་གྱུར། སྐུ་དང༌། གསུང་དང༌། ཐུགས་ཐམས་ཅད་པ་ངོ་བོ་ཉིད་ཀྱི་སྐུ། ཞེས་བྱ་བ་མངོན་དུ་འགྱུར་ཏེ། སྐུ་ཐམས་ཅད་པའི་དུས་ནའང༌། གསུང་དང༌། ཐུགས་ཐམས་ཅད་པ་ ཡིན་ལ། གཉིས་པོའི་ཚེ་ན་ཡང་དེ་བཞིན་ཏུ་ཡིན་པས་གྲུབ་པ་དང༌། བདེ་བ་གཅིག་པའི་ཚུལ་གྱིས་གདུལ་བྱ་མཐའ་དག་གི་དོན་དུ་འགྱུར་བའོ། །དེ་དག་གིས་ནི་རྟེན་གནས་གྱུར་གྱི་སྐུ་བཞི་བསྟན་ཏོ། །བརྟེན་པ་གནས་ གྱུར་པ་ནི། ངོ་བོ་ཉིད་ཀྱི་སྐུ་ཤིན་ཏུ་རྣམ་པར་དག་པ་ལྷུན་གྲུབ་ཀྱི་སྐུ་ཞེས་བྱ་བ་ཡིན་ཏེ། དེ་ལྟ་བུའི་སྐུ་བཞི་ཀ་ཡང་ཡོངས་སུ་དག་པ་ཡེ་ཤེས་གཅིག་ཉིད་དེ་དང་དེར་སྣང་བ་མངོན་དུ་གྱུར་པའོ། །དེ་ལྟར་ཡང་སྒྱུ་འཕྲུལ་ དྲྭ་བ་ལས། སངས་རྒྱས་སྐུ་ལྔའི་བདག་ཉིད་ཅན། །ཞེས་འབྱུང་ངོ༌། །རང་གི་ངོ་བོ་སྐུ་གཅིག་ཡིན་པར་ཡང་དེ་ཉིད་ལས། ཡེ་ཤེས་མིག་གཅིག་དྲི་མ་མེད། །ཅེས་འབྱུང་ངོ༌། །གཞན་དོན་གྱི་ཆེ་བ་ནི་སེམས་མ་བསྐྱེད་ པ་དེ་བསྐྱེད་པ་དང༌། ས་ནས་སར་འཕར་བ་དང༌། མངོན་པར་བྱང་ཆུབ་པ་དང༌། ལོང་བ་རྣམས་ཀྱི་མིག་གིས་གཟུགས་མཐོང་བ་ལ་སོགས་པ་ཆེ་བའི་ཡོན་ཏན་བསམ་གྱིས་མི་ཁྱབ་པ་རྣམས་ནི་འདིར་མ་སྨོས་སོ། ། གཉིས་ཀའི་ཆེ་བ་འཁོར་ཚོམ་བུ་གཅིག་དང་སངས་རྒྱས་ཞེས་བྱ་བ། སྒྲུབ་པ་པོ་བདག་ཉིད། རྒྱུད་ཡོངས་སུ་དག་པའི་རིག་མ་གཅིག །བརྒྱུད་པའི་བླ་མ་གཅིག །བྱིན་གྱིས་རློབ་པའི་མཁའ་འགྲོ་གཅིག །ཞིང་ཡོངས་སུ་དག་པའི་སློབ་མ་གཅིག་སྟེ་ལྔ་དུས་གཅིག་ཏུ་གྲོལ་བར་འགྱུར་རོ། །དོན་བསྟན་པས་ཚང་བས་དེ་ཉིད་ཀྱིས་གོ་བར་ནུས་པའི་ཕྱིར་ཚིག་དོན་རྣམ་པར་ཕྱེ་བའོ། །འབྲས་བུ་བསྟན་ཏོ། །ད་ནི་གཞུང་དེ་དག་གི་གཞུང་ཉེ་བར་བསྡུ་བ་ བསྟན་པ་ལས། གསང་སྔགས་ཞེས་བྱ་བ་ལ་སོགས་པ་སྨོས་ཏེ། ཚངས་པ་དང༌། ཁྱབ་འཇུག་དང༌། དབང་ཕྱུག་ཆེན་པོ་དང༌། ལོ་ཀ་ལས་འདས་པའི་ཉན་ཐོས་དང་རང་སངས་རྒྱས་རྣམས་ཀྱི་ཡང་ཡུལ་མ་ཡིན་པའི་ ཕྱིར་གསང་བའོ། །སྔགས་ནི་ནང་དུ་བྱིན་གྱིས་རློབ་པར་བྱེད་པས། རྡོ་རྗེ་ཐེག་པ་ནི་བདག་ཉིད་ཀྱི་ལུས་ལ་སོགས་པ་བཞི་དང༌། འབྲས་བུ་སྐུ་རྡོ་རྗེ་འཆང་ལ་སོགས་པ་བཞི་དབྱེར་མི་ཕྱེད་པར་ལམ་དུ་བྱེད་པས་སོ། ། རྒྱུའི་དབང་བླ་མ་ལས་དང་པོར་ཐོབ་པ། ལམ་གྱི་དབང་རང་གིས་ཐུན་བཞི་ལ་སོགས་པ་བསྒོམས་པས་འབྲས་བུའི་དབང་འགྲོས་བཞི་ཐིམ་པའོ། །རྟོག་པས་བརྟགས་པ་ལམ། རྟོག་མེད་རྟོགས་པ་ལྟ་བ། ཡེ་ཤེས་སྣང་བ་འབྲས་བུའོ། །ཡང་རྟོག་པས་བརྟགས་པ་འཇིག་རྟེན་པའི་ལམ། རྟོག་མེད་རྟོགས་པ་འཇིག་རྟེན་ལས་འདས་པའི་ལམ། ཡེ་ཤེས་སྣང་བ་འབྲས་བུའོ། །ཡང་རྟོག་པས་བརྟགས་པ་མཚན་ཉིད་སྣ་ཚོགས། རྟོག་མེད་རྟོགས་པ་རང་ བཞིན་སྟོང་པ། ཡེ་ཤེས་སྣང་བ་ངོ་བོ་ཟུང་འཇུག་གོ །ད་ནི་དེ་ལྟར་བསྟན་པའི་ལམ་རྣམས་ཀྱང་ཟབ་འབྲིང་གསུམ་དུ་བསྡུ་བའི་ཕྱིར། ལམ་ཟབ་བླ་མ་ཞེས་བྱ་བ་གང་ཟག་དབང་པོ་རབ་བླ་མ་ལས་རྫོགས་པ་ཡིན་ཏེ། དབང་པོ་ རབ་ཀྱིས་བླ་མ་ལ་མོས་གུས་དང་བསྙེན་བཀུར་ཉིད་ཀྱིས་བླ་མས་ཚིག་གཅིག་བསྟན་པ་མེད། སློབ་མས་ཐུན་གཅིག་བསྒོམ་པ་མེད་ཀྱང་རྟེན་འབྲེལ་རང་འགྲིག་ཏུ་གྱུར་ནས་གྲུབ་མཐའ་སྙོགས་པ་ལ་སོགས་པར་འགྱུར་རོ། ། དམ་ཚིག་ཅེས་བྱ་བ་ལ་སོགས་པ་ལམ་འབྲིང་པོ་སྟེ། གང་ཟག་དབང་པོ་འབྲིང་གིས་དམ་ཚིག་ཉི་ཤུ་ལ་བསླབ་ཚུལ་གསུམ་གྱིས་བསླབ་ཅིང༌། ལུས་སོ་སོར་བརྟགས་པའི་འགོག་པ་ཞེས་བྱ་བ་གང་ཟག་དབང་པོ་ ཐ་མའི་ལམ། ཉམས་སྐྱེ་བ་དང༌། རྟེན་འབྲེལ་འགྲིག་པ་དང༌། ཡིད་ཆེས་དཀའ་བས་ཐ་མ་སྟེ། ལུས་ལ་རྟེན་འབྲེལ་ལྔ་རིམ་གྱིས་འགྲིག་པ་ན། གཉེན་པོ་ལུས་ཀྱིས་བྱེད། སྤང་བྱ་ལུས་ཀྱིས་སྤོང་བས་ལུས་སོ་སོར་བརྟགས་པའི་འགོག་པ་ཞེས་བྱའོ། །དེ་དག་གིས་ལམ་འབྲས་བུ་དང་བཅས་པའི་གདམས་ངག་དབྲི་བསྣན་མེད་པར་བསྟན་ཏོ། །ད་ནི་དེ་དག་གི་གཞུང་རྫོགས་པར་བསྟན་པའི་ཕྱིར། ལམ་འབྲས་བུ་དང་བཅས་པའི་གདམས་ངག་མན་ ངག་དང་བཅས་པ་རྫོགས་སོ། །ཞེས་སྨོས་ཏེ། ལམ་དང་འབྲས་བུ་ནི་སྔར་བཤད་པའི་དམ་པའི་སྐབས་སུ་བཤད་པ་བཞིན་ནོ། །གདམས་ངག་ནི་འཇིག་རྟེན་པའི་ལམ་གྱིས། མན་ངག་ནི་འཇིག་རྟེན་ལས་འདས་པའི་ལམ་གྱིས༑ ཡང་གདམས་ངག་ནི་ལམ་གྱི། མན་ངག་ནི་འབྲས་བུ་གཏན་ལ་དབབ་པའི། ཡང་གདམས་ངག་ནི་བླ་མས་རྗེས་སུ་བསྟན་པའི། མན་ངག་ནི་བདག་ཉིད་ལས་ཉམས་མྱོང་རྗེས་སུ་དྲན་པའི་ཚད་མ་སྐྱེས་པ་རྣམས་ཀྱིས་ཏེ། དེ་ལྟར་རྣམ་གྲངས་ཀྱི་ཚུལ་གྱིས་སོ། །རྫོགས་སོ།། །།ཞེས་བྱ་བ་མང་ཉུང་མེད། དབྲི་བསྣན་མེད་པར་བསྟན་པའི་ཐ་ཚིག་སྟེ། ས་མཱཔྟ་མི་ཐཱི། ཞེས་བྱ་བའི་དོན་ཏོ། །ས་མཱཔྟ་མི་ཐཱི། རྣལ་འབྱོར་ཆེན་པོའི་མཆོག་གི་ལམ། །ཡོན་ཏན་ཀུན་གྱིས་བརྒྱན་པ་འདི། །གྲགས་པས་ཀུན་ཁྱབ་རབ་དགའི་སྙིང༌། །ས་སྐྱའི་མཚན་དང་ལྡན་པས་མཛད། །ཐམས་ཅད་མཁྱེན་པའི་ས་ཡི་རྟེན་གྱུར་ཅིང༌། །ཡོན་ཏན་མ་ལུས་སྐྱེད་པའི་གཞིར་གྱུར་པ། །ས་སྐྱ་ཞེས་བྱའི་གཙུག་ལག་ཁང་ཆེན་དུ། །གྲགས་པ་རྒྱལ་མཚན་བདག་གིས་གུས་པས་བླངས། །སརྦ་མངྒ་ལཾ།། །།