DNZ-06-CHA-008

Previous Text Back to Volume PageNext Text

Wylie title		Rigpe Dorje Publications, 2024
Location	gdams ngag rin po che'i mdzod Volume 6, Text 8, Pages (Folios to )
Author	འཇམ་མགོན་ཀོང་སྤྲུལ་
Citation
Side notes
More details More details
Genre

Tibetan Text

Subtexts

[edit]

༄༅། །དཔལ་ཏོག་ཙེ་པའི་བསམ་མི་ཁྱབ་ཀྱི་གདམས་ངག་བཞུགས་སོ། །

རྒྱ་གར་སྐད་དུ། ཨ་ཙནྟྱ་ཀྲ་མོ་པ་དེ་ཤ་ནཱ་མཿ བོད་སྐད་དུ། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ༑ ༑ཤེས་རབ་ རང་བཞིན་བསམ་མི་ཁྱབ། སྟོང་ཉིད་ངོ་བོ་ཉིད་ཟུང་འཇུག །གཉིས་མེད་སྟོང་པ་ཉིད། སྙིང་པᨖའི་རྩེར་བྱུང་བ། །བསམ་ཡས་ ཐབས་བསམ་མི་ཁྱབ་གསུམ་ནི་བསམ་གྱིས་མི་ཁྱབ་པའོ། ། གཉིས་མེད་མཁའ་བདག་ལ། །ཕྱག་འཚལ་ དེ་ནི་ཆོས་ཐམས་ཅད་ཀྱི་བབས་སམ་རྟོགས་པའི་ཕྱག་སྟེ། རང་གི་རིག་པའི་ཡེ་ཤེས་ནི། །ལེགས་མཐོང་གང་ཡིན་འདིར་ཕྱག་ཡིན། །བཟང་པᨖའི་ཞལ་སྔ་ཡི། །ཡང་དག་ ཡང་དག་སྤོང་བ། རིམ་འོད་ རྒྱུ་རྒྱུད། བྲི་བར་བྱ། །ཐབས་ དང་པᨖ་རྟེན་གསུངས། དང་ཤེས་རབ་གསང་ཆེན་པᨖ། །སྙིང་རྗེ་བསམ་ཡས་མཚན་ཉིད་ནི། །ངག་གི་ལམ་འདས་སྤྱོད་ཡུལ་གྱི། །ཡེ་ཤེས་ངང་གིས་སྐྱེ་བར་འགྱུར། །དེ་ནི་དངོས་པᨖའི་གཟུགས་ཀྱིས་ནི། །དམིགས་ཤེས་དམིགས་པ་བསྒོམ་པ་མིན། །བདེ་བའི་རྣམ་པའི་རང་བཞིན་གྱིས། ། རང་བྱུང་གཉིས་སུ་མེད་པའི་མཆོག །བྱང་སེམས་རྡོ་རྗེ་ཅན་བཅས་པས། །དངོས་པᨖ་མེད་པས་གཟིགས་མི་འགྱུར། །རྟག་དང་མི་རྟག་དབྱེ་བ་ཡིས། །དོན་དམ་གཉིས་སུ་གཟིགས་མི་འགྱུར། །དངོས་པᨖ་རྣམས་ཀྱི་རང་བཞིན་འདི། །དམིགས་པ་མེད་ཅིང་སྟོང་པ་མེད། །གཉིས་པᨖ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། །ཐམས་ཅད་གཉིས་མེད་རྣམ་པ་སྟེ། །གཉིས་པᨖ་དེ་དག་ཡོད་མ་ཡིན། །མཉམ་པར་རོ་གཅིག་རྣམ་པ་སྟེ། །བསམ་གྱིས་མི་ཁྱབ་ཡེ་ཤེས་མཆོག ། རྟོག་པ་རྟོག་པའི་རྣལ་འབྱོར་གྱིས། །གཉིས་མེད་མཆོག་ནི་བསྒོམ་པ་མིན། །བདེ་བའི་རྡོ་རྗེ་མི་རྟོག་པ། །བསམ་མི་ཁྱབ་ཀྱིས་ཐོབ་པར་འགྱུར། །བསྐྱེད་པ་རྣམ་པར་རྟོག་པའི་རྒྱུ། །རྫོགས་པ་གཉིས་ཀྱང་དེ་བཞིན་ནོ། །གཉིས་ཀྱི་རྣམ་པར་བྲལ་བ་སྟེ། །བག་ཆགས་བག་ཆགས་ལྡན་པ་སྤངས། །བཟང་པᨖའི་ཞལ་སྔ་རིམ་འོངས་པ། །ཡེ་ཤེས་བག་ཆགས་རྣམ་བྲལ་བ། །རང་བྱུང་རློམ་སེམས་མེད་པ་ནི། །རྟོག་པ་ཐམས་ཅད་ཡང་དག་སྤངས། །དངོས་དང་དངོས་མེད་རང་བཞིན་གྱི། །བག་ཆགས་ཉིད་ནི་འཆིང་བ་ཉིད། །མི་རྟོག་པ་ཡི་རང་བཞིན་གྱིས། །བསམ་མི་ཁྱབ་ཀྱིས་གཅོད་པར་འགྱུར། །རྟོག་པའི་དྲི་མའི་དྲྭ་བ་ཡིས། །རིན་ཆེན་སེམས་ནི་དྲི་ཅན་བྱས། །དྲི་མ་བྲལ་བས་སངས་རྒྱས་ཉིད། །གཉིས་སུ་མེད་པའི་ཡེ་ཤེས་བརྗོད། །ཐམས་ཅད་རྟོག་མེད་བདག་ཉིད་དུ། །རྣལ་འབྱོར་པ་ཡིས་རྟག་ཏུ་བལྟ། །ཏིང་འཛིན་བསྒོམ་པ་འདི་ཉིད་ནི། །བཟང་པᨖའི་ཞལ་སྔ་ནས་ཀྱིས་བསྟན། །གང་གི་རང་བཞིན་མ་སྐྱེས་པ། །འགགས་པ་ཉིད་ནི་ཡོད་མི་འགྱུར། །དེ་ཡི་ཡེ་ཤེས་གཉིས་མེད་ཅིང༌། །རྣམ་རྟོག་ཐམས་ཅད་ཡང་དག་སྤངས། །སངས་རྒྱས་རྡོ་རྗེ་འཛིན་སོགས་ཀྱིས། །རྟོག་པ་ཕྱི་རོལ་ཉིད་དུ་བཤད། །བདེ་ཆེན་རྡོ་རྗེ་ཅན་དཔལ་གྱིས། །མི་རྟོག་དོན་ནི་སྐྱེས་པ་པᨖ། །ཕྱི་རོལ་ནང་གི་རྣམ་རྟོག་གིས། །འཇིག་རྟེན་ཐམས་ཅད་ཡང་དག་གནས། །གཉིས་མེད་གཉིས་ལས་རྣམ་གྲོལ་བ། །ཡེ་ཤེས་ངང་གིས་སྐྱེ་བར་འགྱུར། །དངོས་པᨖ་མེད་པ་བསྒོམ་པ་མིན། །དངོས་པᨖར་ཡང་ནི་བསྒོམ་པ་མིན། །སེམས་དཔའི་བདེ་བ་མཐའ་མེད་པ། །བསམ་གྱིས་མི་ཁྱབ་གཉིས་མེད་གནས། །སེམས་ཅན་ཀུན་ལ་གང་བསམ་པ། །ཤེས་རབ་སྙིང་པᨖ་རྣམ་པར་གནས། །སྙིང་རྗེ་པདྨའི་མདའ་ཡིས་ནི། །མཚོན་ཆའི་འབེན་ནམ་བདེ་ཆེན་པᨖ། །བརྟན་དང་གཡོ་བའི་དངོས་པᨖ་རྣམས། །གཉིས་སུ་མེད་པས་ རྣམ་པར་གནས། །དེ་རྣམས་རང་བཞིན་རྣམ་པར་དག །ཞི་བ་ནམ་མཁའ་དྲི་མ་མེད། །གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོད་མི་འགྱུར། །ཚོར་དང་མ་ཚོར་མཚོན་བྱ་བྲལ། །གཉིས་མེད་བདེ་བ་ཆེན་པᨖ་ཉིད༑ ༑རྟོག་པ་ཀུན་ལས་རྣམ་པར་གྲོལ། །གཉིས་གཉིས་མེད་ཅིང་མཆོག་ཞི་བ། །མཁའ་མཉམ་རྣམ་རྟོག་ལས་གྲོལ་བ། །དེ་ནི་གཉིས་སུ་མེད་པར་བརྗོད། །བསམ་ཡས་གནས་ཀྱི་རྣལ་འབྱོར་གྱིས། །དངོས་པᨖ་ཐམས་ཅད་རྣམ་པར་བསྒོམས། །ཆོས་ཀྱི་ཞལ་སྔའི་རིམ་འོངས་པ། །བཟང་པᨖའི་ཞལ་སྔ་ནས་ཀྱིས་གསུངས། །གཉིས་མེད་རྣམ་པའི་དབྱེ་བ་ཡིས། །བདེ་ཆེན་མགོན་པᨖ་དཔལ་གྱིས་ནི། །གཅིག་ཏུ་གྱུར་པའི་རང་བཞིན་གྱིས། །འགྲོ་བ་རྣམས་ཀྱིས་རྣམ་པར་སྤྲུལ། །སྟོང་པ་དམིགས་པར་སྨྲ་བ་ཡིས། །རྫུན་དུ་སྨྲས་པས་བསླུས་པ་རྣམས། །རྟོག་པ་རྨོངས་པའི་འཆིང་བ་ཡིས། །བདེ་བ་དམ་པ་ཉིད་མི་རྟོགས། །ཐབས་དང་ཤེས་རབ་རྣམ་དག་པ། །ངན་རྟགས་རྟོགས་པས་ཕྱི་རོལ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །བདེ་བ་ཆེན་པᨖ་གཅིག་པུ་ཉིད། །གང་ཞིག་བསམ་ཡས་རང་བཞིན་ཕྱིར། །སངས་རྒྱས་བློ་ཡི་སྤྱོད་ཡུལ་མིན། །དེ་ཡི་རང་བཞིན་ཐམས་ཅད་ཉིད། །རང་བྱུང་བསམ་པ་རྣམས་ལས་འདས། །ས་སྟེང་སྲོག་ཆགས་ཐམས་ཅད་རྣམས། །རྟོག་པའི་དྲྭ་བས་ཉམས་པར་འགྱུར། །གཉིས་མེད་ཡེ་ཤེས་གཅིག་པུ་དེ། །རྣམ་པར་རྟོག་པ་ཐམས་ཅད་སྤངས། །ཇི་སྙེད་རྒྱུན་དང་རྒྱུན་བཅས་པ། །ཆ་གཉིས་ ཡོད་པར་མི་འགྱུར་ཞིང༌། །དབུ་མར་ཡང་ནི་མི་དམིགས་པ། །གཉིས་སུ་མེད་པའི་ཡེ་ཤེས་མཆོག །ཀུན་རྫོབ་ཐམས་ཅད་ཐ་དད་པ། །གཉིས་དང་གཉིས་མེད་རྣམ་རྟོག་ཉིད། །ཐབས་དང་ཤེས་རབ་རྣལ་འབྱོར་ཆེ། །རོ་གཅིག་གཉིས་སུ་མེད་པར་བརྗོད། །འདོད་ཆགས་འདོད་ཆགས་བྲལ་བ་པ། །དབུ་མར་དམིགས་པར་མི་འགྱུར་རོ། །བདེ་བ་ཡང་དག་རིག་པ་མེད། །དེ་ནི་གཉིས་སུ་མེད་པར་བརྗོད། །མཚན་གཞི་མཚན་ཉིད་རྣམ་པར་གྲོལ༑ ༑རིག་པ་པᨖ་དང་རིག་བྱ་སྤངས། །བདག་མེད་སོ་སོ་སྤངས་པ་ཡིས། །རིན་ཆེན་སེམས་ནི་རབ་རྟོགས་བྱ། །དངོས་པᨖའི་རང་བཞིན་མེད་པའི་ཕྱིར། །དངོས་མེད་ཉིད་ཀྱང་མཐོང་མི་འགྱུར། །མིག་གི་རྣམ་ཤེས་རྟོགས་པ་ཡིས། །གཉིས་མེད་ཡེ་ཤེས་ངོ་མཚར་ཆེ། །སྤྲོས་པ་ཐམས་ཅད་རྣམ་བྲལ་ཞིང༌། །ནམ་མཁའ་ལྟ་བུར་དྲི་མ་མེད། །རྟོག་པའི་དྲྭ་བ་རྣམ་བཅད་ཅིང༌། །བསམ་གྱིས་མི་ཁྱབ་གཉིས་མེད་མཆོག །གཉིས་མེད་བཅུད་ཀྱིས་ཕིགས་པ་ཡིས། །རྡོ་ཤིང་ལྗི་བའི་འགྱུར་བ་རྣམས། །ལྷ་ཡི་རྣམ་པར་འགྱུར་བར་ནི། །བཟང་པᨖའི་ཞལ་སྔ་ནས་ཀྱིས་བསྟན། །ཐབས་དང་ཤེས་རབ་སྙིང་རྗེ་ཆེ། །གཅིག་ཏུ་རོ་གཅིག་རྣམ་པར་ཉིད། །དེར་ནི་ཡེ་ཤེས་རྫོགས་པར་འགྱུར། །གཉིས་མེད་བདེ་བ་ཆེན་པᨖ་ཉིད། །གཟུགས་དང་སྒྲ་དང་རོ་ལས་འདས། །དྲི་དང་རེག་བྱ་ལ་སོགས་སྤངས། །ཆོས་དབྱིངས་འགྱུར་བ་རྣམ་པར་དག །གཉིས་སུ་མེད་པའི་ཡེ་ཤེས་མཆོག །རྟོག་པ་ཀུན་ལས་རྣམ་པར་གྲོལ། །གཟུང་དང་འཛིན་པ་རྣམ་པར་སྤངས། །རང་བཞིན་རྣམ་དག་མ་གོས་པ། །གཉིས་མེད་དོན་ནི་དམ་པ་བ། །མ་སྐྱེས་པ་དང་མ་འགགས་པ། །མི་འགྱུར་བ་དང་མི་གནས་པ། །མངོན་པར་ཡེ་ཤེས་གཉིས་མེད་མཆོག །འདི་ནི་ཕྱག་རྒྱ་ཆེན་པᨖ་ཉིད། །ཡོན་ཏན་རྣམས་དང་སྐྱོན་རྣམས་ཉིད། །རྣམ་པ་སེམས་སུ་བརྗོད་པར་བྱ། །དེས་ན་རྩེ་གཅིག་ཡེ་ཤེས་མཆོག །རློམ་སེམས་མེད་པའི་རང་བཞིན་ལས། །ཡེ་ཤེས་ངང་གིས་སྐྱེ་འགྱུར་ཏེ། །ཅུང་ཟད་ཀྱང་ནི་བསྒོམ་པ་མེད། །གང་ཕྱིར་བསམ་ཡས་ཆོས་འདི་ནི། །སངས་རྒྱས་རྣམས་ཀྱི་གཉིས་མེད་གནས། །ཤིན་ཏུ་དྲི་མེད་ཆེས་དག་ཅིང༌། །སྒོམ་པ་པᨖ་དང་བསྒོམ་བྱ་ཡང༌། །དཔལ་ལྡན་བདེ་བའི་འབྱུང་གནས་ཀུན། །རྣམ་རྟོག་མེད་པས་ངེས་མཐོང་འགྱུར། །ལྷ་ཡི་གཟུགས་ནི་དུ་མ་དང༌། །རྡོ་རྗེ་སེམས་དཔའ་ལ་སོགས་སྐུ། །སངས་རྒྱས་གཟུགས་བརྙན་ཐམས་ཅད་དང༌། །རྣལ་འབྱོར་མ་ཡི་དཀྱིལ་འཁོར་ཚོགས། །ཁྲོ་བོ་རྒྱལ་པᨖ་ཐམས་ཅད་དང༌། །དེ་བཞིན་རིག་མ་ལྷ་མོ་ཉིད། །དཀྱིལ་འཁོར་འཁོར་ལོ་བཟང་པᨖ་དང༌། །སྣང་བའི་རྣམ་པ་དྲི་མེད་དང༌། །དེ་བཞིན་མདོ་སྡེའི་སྡེ་སྣོད་དང༌། །གཞན་ཡང་ཕ་རོལ་ཕྱིན་རིམ་དང༌། །སྔགས་དང་ཕྱག་རྒྱ་རིག་པ་དང༌། །དེ་བཞིན་སྙིང་ཉིད་བསྒྲུབ་པ་དང༌། །སྔགས་ཀྱི་སྨྲ་བ་མ་ལུས་པ། །དཀྱིལ་འཁོར་དང་ནི་སྦྱིན་སྲེག་ལས། །བཟླས་དང་ ཕྱི་ནང་གི་ མཆོད་པའི་ཆོ་ག་རྣམས། །གཉིས་མེད་ལས་ནི་རང་གི་སྐྱེ། །གཞུ་ནི་ཞི་བ་ ཉི་མ་བ། །དེ་བཞིན་མཆོད་འོས་ཁྱབ་འཇུག་པ། །རིག་བྱེད་ཚད་མར་སྨྲ་བ་དང༌། །གཞན་ཡང་རང་གིས་སྐྱེ་བར་འགྱུར། །ཀུན་མཁྱེན་གནས་ཀྱི་སྦྱོར་བ་འདི། །བསམ་གྱིས་མི་ཁྱབ་མི་རྟོག་པ། །ཀུན་ཏུ་བཟང་པᨖ་ཞེས་བྱ་ལྷ༑ ༑གཉིས་མེད་ཡིད་བཞིན་ནོར་བུ་བཞིན། །རྐང་འོག་རལ་གྲི་དྲིལ་བུ་དང༌། །ཤིང་ལྷམ་བུམ་པ་གནོད་སྦྱིན་མོ། །བཅུད་དང་མིག་སྨན་བཟང་པᨖ་ཡང༌། །རང་གིས་གྲུབ་སྟེ་གཞན་ཡོད་མིན། །སྔགས་པས་དངོས་པᨖ་བསྒོམ་མི་བྱ། །དངོས་མེད་ཉིད་ཀྱང་བསྒོམ་པ་མིན། །རྟོག་པ་མེད་པའི་ཐར་པ་མིན། །ཐམས་ཅད་རང་གིས་སྐྱེ་བར་འགྱུར། །སངས་རྒྱས་ཉིད་ཀྱང་འགྲུབ་འགྱུར་ན། །ཞི་བ་ཁྱབ་འཇུག་སོགས་ཅི་སྨོས། །དེ་ཡི་མཚན་ཉིད་ཡོད་མ་ཡིན༑ ༑གཟུགས་དང་མཚན་ཉིད་ཁ་དོག་མེད། །སྒྱུ་མའི་རྣམ་འཛིན་བཟང་པᨖ་ཉིད། །དྭངས་པའི་རང་བཞིན་དྲི་མ་མེད། །རང་བཞིན་འོད་གསལ་རྣམ་པ་སྟེ། །རྟག་ཏུ་བདེ་བའི་འབྱུང་གནས་དགའ། །སྐུ་དང་གསུང་དང་ཐུགས་དང་བྲལ། །མེ་ལོང་འབར་བའི་ཕུང་པᨖ་ཉིད། །མཆོག་དགའ་བདེ་བའི་རྣམ་པ་སྟེ། །རྟག་ཏུ་བདེ་ཆེན་འབྱུང་བ་པᨖ། །བསྟན་པའི་ཚིག་གི་སྦྱོར་བ་ཡིས། །མིང་དང་ཁ་དོག་རབ་ཏུ་བརྗོད། །གཞན་ཏུ་ངག་གི་ལམ་འདས་ཕྱིར། །སླ་བ་ཉིད་དུ་མི་ནུས་སོ། །བྱ་བར་འདོད་པའི་ཚུལ་གྱིས་ནི། །འདོད་པའི་དོན་གྱི་སླ་བས་ཀྱང༌། །གསང་བའི་མཆོད་པའི་དུས་སུ་ནི། །ཤེས་རབ་གཉིས་མེད་འགྱུར་བས་སོ། །གཅིག་པུའི་རྣམ་པར་རང་བཞིན་ལས། །བག་ཆགས་ཟད་པར་འགྱུར་བས་ན། །སངས་རྒྱས་ཉིད་ནི་ངེས་ཐོབ་པར། །བཟང་པᨖའི་ཞལ་སྔ་ནས་ཀྱིས་བསྟན། །ཁ་དོག་ཐ་དད་བྱེ་བྲག་གིས། །གཞུང་ནི་ཐ་དད་སྦྱོར་བ་ལས། །བག་ཆགས་དྲི་མས་དབང་བསྐུར་བས༑ ༑གཉིས་མེད་ཉིད་ནི་ཡོད་མ་ཡིན། །ཐོག་མ་དབུས་དང་ཐ་མ་བྲལ། །བསྐྱེད་པ་དང་ནི་རྫོགས་པ་སྤངས། །གྲོལ་བ་སེམས་དང་སེམས་དཔའ་ནི། །གཉིས་སུ་མེད་པའི་ཡེ་ཤེས་མཆོག །སངས་རྒྱས་གཉིས་མེད་ཅེས་བྱ་བར། །བཟང་པᨖའི་ཞལ་སྔ་ནས་ཀྱིས་གསུངས། །དེ་ཕྱིར་སངས་རྒྱས་རྟོགས་པ་ལས། །སྒྲུབ་པᨖ་དམ་པ་སངས་རྒྱས་འགྱུར། །བསྟན་པའི་ཚིག་གི་སྦྱོར་བས་ནི། །སངས་རྒྱས་གཉིས་སུ་མེད་པར་བཏགས། །དོན་དམ་ཐ་དད་མེད་ཚུལ་གྱིས། །སངས་རྒྱས་མེད་ཅིང་གཉིས་མེད་མེད། །ཡེ་ཤེས་མཆོག་ཏུ་གྱུར་པ་ན། །རྟོག་པའི་དྲི་མ་རིང་བར་འགྱུར། །དངོས་པᨖ་ལ་སོགས་རྟོག་པ་ཀུན། །གནམ་གྱིས་བསྐོས་ན་རྒོག་ཏུ་འགྱུར། །བཟང་པᨖའི་ཞལ་སྔའི་བཀའ་དྲིན་གྱིས། །ཉམས་པ་གོམས་པའི་སྦྱོར་བ་ལས། །གཉིས་མེད་ཅེས་བྱ་གཟུང་བ་ནི། །བདག་ལ་རྣལ་འབྱོར་པས་བཟོད་མཛོད། །མཁས་པས་རབ་ཏུ་འབད་པས་ཀྱང༌། །བག་ཆགས་རྣམས་ནི་ཟད་པར་བྱ། །གཞན་ཏུ་བསྐལ་པ་གྲངས་མེད་པར། །སངས་རྒྱས་ཉིད་ནི་ཡོད་མ་ཡིན། །ཡེ་ཤེས་གཉིས་མེད་མགོན་ནས་ནི། །བག་ཆགས་རྣམས་ནི་ཟད་པར་བྱེད། །བག་ཆགས་ཟད་པར་འགྱུར་བ་ན། །གཉིས་སུ་མེད་པར་སངས་རྒྱས་བརྗོད། ། བག་ཆགས་བྲལ་བའི་གནས་སྐབས་ན། །སྐྱེས་བུ་ཐ་མ་འབྲིང་པᨖ་དང༌། །གང་ལ་ཕྱོགས་ནི་ཡོད་མིན་པ། །དེ་ལ་སངས་རྒྱས་བརྗོད་པར་བྱ། །རང་བཞིན་མེད་པའི་རང་བཞིན་གྱིས། །ཤེས་རབ་ཆར་ཡང་ཡང་དག་གནས། ། ཐབས་ནི་དངོས་པᨖ་བསྐྱེད་པ་པོར། །བཟང་པᨖའི་ཞལ་སྔ་ནས་ཀྱིས་བསྟན། །དེ་དག་འདུས་པའི་བདག་ཉིད་ཅན། །རོ་གཅིག་པ་ཡི་སྦྱོར་བ་ལས། །བཟང་པᨖའི་ཞལ་སྔ་ནས་ཀྱིས་གསུངས། །འདི་ནི་གཉིས་སུ་མེད་པ་མཆོག ། གདམས་དང་བསྒོམ་པ་བསམ་ལ་མེད། །མཆོག་ཏུ་དགའ་བའི་གཟུགས་ཅན་མ། །སངས་རྒྱས་ཉིད་ནི་ཐོབ་པའི་ཕྱིར། །བཟང་པᨖས་བཟང་པᨖ་གསུངས་པ་ཉིད། །དཔེ་ནི་ཆོས་རྣམས་ཐམས་ཅད་ལ། །བཞག་པ་ཉིད་དུ་དེ་མི་ནུས། །མིག་སོགས་ཡིད་ཀྱི་རྣམ་ཤེས་ཀྱིས། །དཔེ་ཡི་དངོས་པᨖ་རྣམ་པར་སྤངས། །གཅིག་ཉིད་ཐོག་མ་མེད་པ་སྟེ། །མཐའ་མེད་རྣམ་པས་ཡང་དག་གནས། །བླ་མའི་ཞལ་སྔའི་བཀའ་དྲིན་ལས། །མཆོག་གཅིག་གིས་ནི་ཤེས་པར་འགྱུར། །རྣལ་འབྱོར་སྐྱེས་བུར་བཤད་པ་སྟེ། །རྗེས་སུ་རྣལ་འབྱོར་ཀུན་རྫོབ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །རྣལ་འབྱོར་པ་ཉིད་སངས་རྒྱས་འགྱུར། །ཉི་ཟླ་གཟའ་ཡིས་ཟིན་པ་ན། །ཤེས་རབ་རྡོ་རྗེ་སྦྱོར་བ་ལས། །ཞུ་བ་གཉིས་མེད་ཡེ་ཤེས་ལས། །སྐྱེ་བ་འདིར་ནི་སངས་རྒྱས་ཉིད། །དོན་དམ་དགའ་བའི་རང་བཞིན་ཏེ། །གཟུང་དང་འཛིན་པ་རྣམ་པར་སྤངས། །གྲུབ་པའི་གཟུགས་སུ་ཐེ་ཚོམ་མེད། །སྙིང་རྗེ་གཉིས་སུ་མེད་པ་མཆོག །གཟུགས་མཆོག་ཐ་མ་འབྲིང་པᨖ་གང༌། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། །སྒྲ་དང་སྒྲ་ངན་རྣ་ཆ་ལས། །གང་ཡང་རྣ་བས་ཐོས་གྱུར་པ། །སྒྲ་ལས་འདས་པའི་ཡེ་ཤེས་མཆོག །རྣ་བ་གཉིས་སུ་མེད་པར་མཆོག །རོ་མཆོག་རོ་ནི་ངན་པ་དང༌། །གང་ཡང་ལྕེ་ཡིས་མྱང་འགྱུར་བ། །རོ་དྲུག་དངོས་པᨖ་དུ་མ་ཡིས། །གཉིས་མེད་མཆོག་ནི་རྟོགས་པར་བྱ། །རི་དྭགས་ཆང་ལ་སོགས་པའི་དྲིས། །སྣ་ཡིས་དྲི་ནི་སྣོམ་ཤེས་པ། །གཅིག་ཏུ་གྱུར་པའི་རང་བཞིན་གྱིས། །གཉིས་མེད་མཆོག་ནི་ཤེས་པར་བྱ། །གྲིབ་པའི་རྣམ་པའི་རང་བཞིན་གྱིས། །སྐྱེ་གནས་ཆ་ལས་སྐྱེས་པ་ཡིས། །ཐབས་དང་ཤེས་རབ་སྦྱོར་བ་ཡི། །རྫོགས་པ་གཉིས་སུ་མེད་པ་མཆོག །མཁའ་མེད་ཐམས་ཅད་ཁྱབ་པ་པᨖ། །ཡེ་ཤེས་སྣང་བའི་འོད་ཟེར་ལས། །རང་དབང་མཆོག་ཏུ་དགའ་བ་ཉིད། །གཉིས་མེད་སངས་རྒྱས་དམ་པ་བདེ། །འདུ་བྱེད་ཚོར་བ་འདུ་ཤེས་དང༌། །གཟུགས་དང་རྣམ་པར་ཤེས་པ་ཉིད། །ཡེ་ཤེས་ལྔ་ཡི་ཡན་ལག་སྐུ། །མངའ་བདག་གཉིས་སུ་གཉིས་སུ་མེད། །རྟག་པ་མི་བསྐྱོད་རིན་ཆེན་དང༌། །ཚེ་དང་དེ་བཞིན་དོན་ཡོད་ཉིད། །ལྔ་བདག་འགྱུར་བའི་རིལ་པᨖ་ནི། །དྲུག་པ་བདེ་བ་ཆེན་པᨖ་ཉིད། །ས་དང་ཆུ་དང་དེ་བཞིན་མེ། །རླུང་དང་ཡང་ནི་ནམ་མཁའ་ཉིད། །འབྱུང་ལྔ་ལྷན་ཅིག་སྐྱེས་པ་ནི། །བྱང་ཆུབ་གཉིས་སུ་མེད་པར་འགྱུར། །མེ་ལོང་ མཉམ་ཉིད་བྱ་ནན་ཏན། །སོ་སོར་རྟོགས་པའི་ཆོས་དབྱིངས་ཀྱིས། །རྣམ་པར་རྟོག་པ་རྟོགས་པའི་ཚུལ། །ཡིད་ཆེས་གཅིག་པུ་གཉིས་སུ་མེད། །གཞུང་ལ་སོགས་པའི་བསྐལ་པ་ཡིས། །སེམས་ཅན་བསམ་པའི་དབང་གིས་ནི། །ཞི་སོགས་ཁྱབ་མཇུག་ཚངས་པ་དང༌། །ཀུན་མཁྱེན་གཅིག་པུ་གཉིས་སུ་མེད། །དམིགས་སོགས་མ་ཚང་མེད་པ་དང༌། །ཡིད་ལས་འདས་པའི་སྤྱོད་ཡུལ་ལོ། །དོན་དམ་གཉིས་སུ་མེད་པའི་མིང༌། །ངག་གི་སྤྲོས་པ་ཀུན་རྫོབ་ཉིད། །དོན་དམ་གནས་སྐབས་བྱེ་བྲག་ལས། །སངས་རྒྱས་མེད་ཅིང་གཉིས་མེད་དེ། །རྟོག་པ་ནམ་མཁའ་སྦྱོར་བས་ནི། །ངག་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པའི་ཚིག་གིས་ནི། །རྣམ་པའི་ཆ་ལས་བཤད་པར་བྱ། །གཞན་ཏུ་སངས་རྒྱས་གཉིས་མེད་པར། །སྨྲ་བ་ཉིད་དུ་མི་ནུས་སོ། །སྟོང་པ་བཅུ་དྲུག་བཤད་པ་དང༌། །ཤེས་རབ་བཅུར་ནི་རྟག་པ་དང༌། །སངས་རྒྱས་ལྔར་ཡང་བཤད་པ་དང༌། །ཀུན་རྫོབ་བརྒྱད་ནི་གཉིས་སུ་མེད། །མེ་ལོང་སྣང་བའི་གཟུགས་བརྙན་ལ། །ཇི་ལྟར་ཐམས་ཅད་མཐོང་གྱུར་པ། །དེ་བཞིན་གཉིས་མེད་ཡེ་ཤེས་འདིར། །སངས་རྒྱས་བྱང་ཆུབ་བསམ་མི་ཁྱབ། །ཁམས་གསུམ་དག་ནི་ཐམས་ཅད་དུ། །སྐྱེ་དང་གནས་པའི་རྒྱུ་རྣམས་ཀྱིས། །དེ་ཀུན་གཉིས་མེད་ཡེ་ཤེས་ལས། །སྐྱེ་བ་ཐམས་ཅད་འབྱུང་བར་འགྱུར། །རྒྱ་མཚོ་རི་དང་ཤིང་དང་ནི། །རྩ་ལྕུག་འཁྲིལ་ཤིང་ལ་སོགས་པ། །གཉིས་མེད་ཡེ་ཤེས་དེ་འབྱུང་བ། །འདི་ལ་ཐེ་ཚོམ་ ཡོད་མ་ཡིན། །མ་དང་ཕ་དང་གཅིག་པ་རུ། །འདི་གཉིས་ཡོད་པ་མ་ཡིན་ནོ། །གཉིས་མེད་ཡེ་ཤེས་མངོན་པ་ལས། །གཞན་ཡང་ཐམས་ཅད་སྐྱེ་བར་འགྱུར། །འདི་ནི་ཐབས་ཀྱི་སྦྱོར་བས་ནི། །ཤེས་རབ་གཉིས་མེད་རང་བཞིན་ལས། །སྐྱེ་བ་འདིར་ནི་རྣལ་འབྱོར་པས། །སངས་རྒྱས་ཉིད་ནི་འཕྲལ་དུ་རྙེད། །ཡེ་ཤེས་དག་གི་རང་བཞིན་མཆོག །བླ་མ་བརྒྱུད་པའི་རིམ་པའི་གཞུང༌། །ཞལ་ནས་སྙན་དུ་ཞལ་ནས་སྙན། །བཟང་པᨖའི་ཞལ་སྔ་ནས་ཀྱིས་གསུངས། །འདིས་ནི་རྫོགས་པའི་རྣལ་འབྱོར་གྱིས། །བཟང་པᨖའི་ཞལ་སྔ་བཀའ་དྲིན་ལས། །སྒོམ་པ་བསམ་ཡས་རྣལ་འབྱོར་གྱིས། །སངས་རྒྱས་ཉིད་ནི་ངེས་པར་ནོས། །རྟ་མཆོག་བཱི་ཎའི་ཞལ་སྔ་དང༌། །ཨིནྡྲ་བྷུ་ཏི་ལེགས་སྨིན་བཅས། །སྒེག་པའི་རྡོ་རྗེ་གྷུན་དེ་རི། །སློབ་དཔᨖན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལ། །བཟང་པᨖའི་ཞལ་སྔར་འཕྲད་པ་ནི། །ཐམས་ཅད་ཀྱི་ནི་དགོངས་པ་གཅིག །གཉིས་སུ་མེད་པའི་ཡེ་ཤེས་མཆོག །སྔགས་ཀྱི་སྨྲ་བ་མ་ལུས་དང༌། །དེ་བཞིན་ཕ་རོལ་ཕྱིན་པའི་ལུང་། །མདོ་སྡེའི་སྡེ་སྣོད་ལ་སོགས་ལས། །འདིར་གཅིག་གཉིས་མེད་བདེ་ཆེན་པᨖ། །མཆོད་འོས་ཉི་མ་ཞི་བ་སོགས། །སོ་མ་གྲུབ་པའི་མཐའ་ཉིད་དང༌། ། ཁྱབ་འཇུག་དང་ནི་ཤེད་བུའི་ཆོས། །གཉིས་སུ་མེད་པས་བསྟན་པའོ། །གཉིས་མེད་ཕྱི་རོལ་ཡོད་མ་ཡིན། །ལྷ་དང་ལྷ་མིན་ཐ་མ་མི། །ཐམས་ཅད་གཉིས་མེད་ཡེ་ཤེས་ཏེ། །སོ་སོར་གསལ་བ་མཐོང་བར་འགྱུར། །གཉིས་མེད་ དང་ནི་སྙིང་རྗེ་འདྲེས། །ཐབས་དང་ཤེས་རབ་མཉམ་པར་ལྡན། །སྟོང་པའི་བྱེ་བྲག་ཐ་དད་པ། །སངས་རྒྱས་ཡན་ལག་ཀུན་གྱི་བླ། །འདི་ནི་བཟང་པᨖའི་ཞལ་སྔའི་གཞུང༌། །ཡེ་ཤེས་རྒྱ་མཚོ་དམ་པ་ཉིད། །འོ་མ་བཞིན་བསྲུབས་རྣམ་པར་ནི། །གཞན་ཡང་ཐམས་ཅད་རང་སྐྱེ་འགྱུར། །ཚངས་པ་ཁྱབ་འཇུག་དབང་ཕྱུག་དང༌། །གང་ཡང་སངས་རྒྱས་སོགས་གྲགས་དང༌། །ཉི་ཟླ་སྐར་མར་བཅས་པ་ཡང༌། །ཡེ་ཤེས་རྒྱ་མཚོ་ལས་འབྱུང་ཞིང༌། །ལེགས་སྨིན་དང་ནི་དབྱངས་ཅན་ཉིད། །བདུད་རྩི་རྣམས་ཀྱི་རོ་མཆོག་ཉིད། །ལྷར་བཅས་ལྷ་མིན་མི་རྣམས་ནི། །བདུད་རྩི་ལས་ནི་ཐམས་ཅད་ལོངས། །རྡོ་རྗེ་འཛིན་པའི་སའི་དགེ་བ། །བཅུ་གསུམ་དུ་ཡང་རྣམ་བཤད་པ། །གྲུ་གསུམ་རྣམ་པར་འབྱུང་བ་ནི། །འདི་ནི་ཆོས་ཀྱི་འབྱུང་གནས་བརྗོད། །ཉི་ཟླ་ཆུ་ཡིས་གང་བ་ཡིས། །ཤེས་རབ་གཟུགས་ནི་ཆེར་འབར་བའི། །བདེ་ལས་བདེ་བ་ཆེན་པᨖ་ཀུན། །སངས་རྒྱས་ཉིད་ནི་ཐོབ་པའི་ཕྱིར། །པད་ཆེན་འདབ་མ་བྱེ་བ་ཉིད། །དེ་ལ་ནང་དུ་རྣམ་པར་གནས། །མཆོག་དང་མཆོག་མིན་ཟེར་བ་ནི། །ཨཱ་ལི་ཀཱ་ལི་ཡང་དག་ལྡན། །ཟླ་བ་ཉི་མ་གོས་ཀྱིས་བཀབ། །ཤེས་རབ་དགུ་དང་མཉམ་པར་ལྡན། །འཛག་ཅིང་འབར་བའི་རྣམ་པ་ཉིད། ། ཟླ་བའི་ཐིག་ལེ་འབྱུང་གནས་མཆོག །དགའ་བ་བསྐྱེད་དོ་བཟང་མོ་ཉིད། །མ་ལུས་དོན་གྱི་འབྲས་འབྱིན་མ། །དང་པᨖའི་བདུད་རྩིས་ཤིན་ཏུ་གང༌། །ནོར་བུ་རིན་ཆེན་མཉམ་པར་ལྡན། །ཡོན་ཏན་མཐའ་ཡས་ས་ཡི་གནས། ། བདེ་དཔལ་རྡོ་རྗེ་ཅན་གྱི་གནས། །ཐམས་ཅད་བདེ་བ་བྱེད་པ་ཅན། །ཕུང་དང་བསྐྱེད་པ་བྱེད་པ་ཅན། །ལྷ་ཡི་གཟུགས་ནི་དུ་མ་དང༌། །གཉིས་མེད་རྒྱ་མཚོ་ལས་བྱུང་བ། །ཆོས་དང་ལོངས་སྤྱོད་རྫོགས་གཟུགས་དང༌༑ ༑སྤྲུལ་པ་ཡི་ནི་སྐུ་ཉིད་དང༌། །སེམས་ཅན་དུ་མ་ཀུན་གྱི་དོན། །ཕྱོགས་བཅུའི་འཇིག་རྟེན་ཁམས་རྣམས་ཀྱི། །མཐའ་ལས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་སྐོར་བ་པོ། །ཡེ་ཤེས་བཅུ་ཡི་སྟོབས་དང་ལྡན། ། ཤེས་རབ་གཙོ་མོ་དམ་པ་ཉིད། །པདྨའི་མཁའ་འགྲོ་བྱོལ་སོང་ལམ། །ངེས་པར་བཟང་པᨖའི་རིམ་འོངས་པའོ། །སྙིང་པད་ལྟེ་བའི་པདྨ་དང༌། །དེ་བཞིན་ལྐོག་མའི་པདྨ་ཉིད། །དྲིལ་ཅན་སྐྱེ་གནས་པདྨ་ཡང༌། །བྱོལ་སོང་སྒོ་རུ་རྣམ་པར་གནས། །བཤང་གཅི་ཁུ་བ་འཕོ་བ་ནི། །སྒོ་དགུ་དག་ཏུ་ཕྲད་པ་ན། །ལྟ་དང་བསྒོམ་དང་ཉན་པ་དང༌། །རོ་མཆོག་རྣམས་ནི་རིག་པར་འགྱུར། །པདྨའི་སྐུའི་མཉམ་རྣམ་པ་ཉིད། །འོག་དང་སྟེང་དུ་རྣམ་པར་གནས། ། འདི་ནི་ཤེས་རབ་ཅེས་བཤད་པ། །སངས་རྒྱས་ཀུན་གྱི་ཡུམ་ཉིད་དོ། །དེ་ལ་དབུས་སུ་གནས་པའི་ལྷ། །དམ་པའི་དབང་ཕྱུག་གཉིས་མེད་པ། །པདྨ་གསུམ་དུ་རོལ་བར་འགྱུར། །ཐམས་ཅད་མཁྱེན་པ་བདེ་ཆེན་པᨖ། །མེ་དང་ཆུ་དང་དབང་ཆེན་དང༌། །རླུང་གིས་རྣམ་པར་བརྒྱན་པ་ཉིད། །དལ་བར་རྒྱུ་བའི་རིག་མ་ཡིས། །བྱེ་བྲག་གསུམ་དུ་ཁྱེར་བར་འགྱུར། །དྲིལ་ཅན་ཟླ་བའི་ལམ་གྱིས་ནི། །སྣ་ཡི་རྡོག་མའི་སྦྱོར་བ་ལས། །རྩ་ཅན་རྡོ་རྗེའི་ སྦུ་གུ་རུ། །སངས་རྒྱས་ཕྲེང་བ་གཉིས་སུ་མེད། །བསྐྱོད་པས་ཡོངས་སུ་ཉོན་མོངས་ན། །དྲིལ་ཅན་རྩེ་མོར་ངལ་སོས་ནས། །རྡོ་རྗེ་ལྕེ་ཡི་རབ་སྦྱོར་བས། །བདུད་རྩི་བཏུང་བར་བྱ་བ་ཉིད། །དེ་ནས་ལུས་ནི་རྣམ་དག་པ༑ ༑རང་བཞིན་དྲི་མ་མེད་པར་གྱུར། །ཤེས་རབ་བཟང་ཞིང་བློ་དང་ལྡན། །རྒ་དང་འཆི་བ་མཉམ་པར་བྱས། །བཟང་པᨖའི་ཞལ་སྔས་རྣལ་འབྱོར་འདི། །བདག་ལ་དཀའ་བ་མེད་པར་གསུངས། །ཏིང་འཛིན་བདུད་རྩི་ཞེས་བྱ་བ། །བདེན་ཞིང་བདེན་དོན་གཞན་དུ་མིན། །སྣ་ཡིས་རྔུབ་པའི་བྱེ་བྲག་གིས། །ཧྃ་གི་རྣམ་པ་མ་བཅོས་པ། །དྲིལ་ཅན་སྦུ་གུའི་ལམ་གྱིས་ནི། །ལམ་ནས་ཁྱེར་ཞིང་ངེས་པའི་གནས། །དེ་ལ་སྒོ་རུ་ངལ་སོས་ཤིང༌། །དག་པའི་རྣམ་པ་འོད་གསལ་བ། །ཐོག་མེད་གཉིས་མེད་ཅེས་བྱ་བ། །བདེ་དཔལ་རྣམ་པར་ཡང་དག་གནས། །དེ་ནས་རླུང་གིས་ཕུལ་བ་དང༌། །དབང་ཆེན་ཡང་ནི་འདོར་བར་འགྱུར། །མཆོག་གི་དབང་ཕྱུག་མ་བཅོས་པ། །ས་ནི་བཅུ་གསུམ་ཐོབ་པ་དང༌། །བདེ་བའི་དབང་ཕྱུག་ལྟ་བུར་བཞག །ཐོག་མ་མེད་པར་གྲུབ་པའི་གཟུགས། །ཆོས་ཀྱི་འཁོར་ལོ་སྐོར་བ་པᨖ། །བཟང་པᨖའི་ཞལ་སྔའི་རིམ་པ་ནི། །ཉུང་ངུའི་རིམ་པ་སྙིང་པᨖའི་དོན། །གང་ཡང་ཐོས་པ་ཀུན་བཟུང་ནས། །དེ་ཐོས་བསམ་པ་སྒོམ་པ་ཉིད། །བཟང་པᨖའི་ཞལ་སྔའི་བཀའ་དྲིན་གྱིས། །ཉན་པ་གོམས་པའི་སྦྱོར་བ་ལས། །དགེ་ཅན་ཏོག་རྩེ་ཞེས་བྱ་བ། །དེས་ནི་འདི་ནི་ཡང་དག་འདུ། །བདག་ནི་བཟང་པᨖའི་ཞལ་སྔ་དང༌། །སློབ་དཔᨖན་གཞན་དང་རྣལ་འབྱོར་པ། །སེམས་ཅན་རྣམས་ནི་མ་ལུས་པའི། །བྲན་དུ་སྐྱེ་དང་སྐྱེ་གྱུར་ཅིག །འདིས་ནི་བསམ་པའི་སྒོ་ནས་ནི། །གལ་ཏེ་བདག་ནི་སངས་རྒྱས་འགྱུར། །མ་གྱུར་ནའང་དམྱལ་བར་འགྲོ །དམྱལ་བ་ཉིད་ནི་བདེ་བ་ཅན། །བླ་མའི་རིམ་པ་དྲི་མེད་མཐའ་ཡས་རྣལ་འབྱོར་ནི། །བློ་ཆེན་མ་ལུས་སྔགས་ཀྱི་རང་བཞིན་གཞུང་གྱུར་པ། །བསམ་གྱིས་མི་ཁྱབ་གཉིས་མེད་ཆ་ནི་རྫོགས་རིམ་ཉིད། །རྣལ་འབྱོར་གཞུང་ལུགས་སྙིང་པᨖའི་བདག་བློ་རྨོངས་པས་ན། །བློ་ཆུང་བདག་ཉིད་དྲན་པའི་དོན་དུ་བྲིས་པ་ཡིན། །བསམ་གྱིས་མི་ཁྱབ་པའི་རིམ་པ་ཞེས་བྱ་བ་ཕྱག་རྒྱ་ཆེན་པᨖ་གྲུབ་པ་དཔལ་ཏོག་རྩེ་པའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པᨖ་རཏྣ་བཛྲ་དང༌། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །མངྒ་ལམ།། ༈ །།སློབ་དཔᨖན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ། །བླ་མ་དམ་པའི་ཞབས་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་གིས་སྤྲུལ་པའི་སྐུ་ཡེ་ཤེས་ཀྱི་མཁའ་འགྲོ་མར་བསྟན་ནས། སློབ་དཔᨖན་རྟ་མཆོག་ལ་དབང་བསྐུར་ཞིང་བསམ་མི་ཁྱབ་ལྔ་ཡིས་གདམས་ཏེ། སློབ་དཔᨖན་ཨུ་རྒྱན་གྱི་གནས་སུ་སྐུ་འཁྲུངས། དུར་ཁྲོད་ཀྱི་གནས་སུ་གནས་པའི་ཚེ། ཨུ་རྒྱན་གྱི་རྒྱལ་པᨖ་རིན་པᨖ་ཆེ་ཨིནྡྲ་བྷུ་ཏི་ཞེས་པའི་འཁོར་རྣམས་ཀྱིས་ཡང་ནས་ཡང་དུ་འཚེ་བ་བྱས་པ་ལས། ཡུལ་ཐམས་ཅད་རྟས་ གང་བར་བྱས་ཏེ། འབྲས་ཀྱི་ཞིང་ཐམས་ཅད་མེད་པར་བྱས་པས་མཐར་སྤྲུལ་པ་བསྡུས་ཏེ། དེ་ཉིད་ཀྱིས་རྒྱལ་པᨖ་བཏུལ་ནས་རྡོ་རྗེ་ཐེག་པ་ལ་བཀོད་དོ། །དེས་དབང་བསྐུར་ཞིང་གདམས་ངག་གནང་བ་ནི་སློབ་དཔᨖན་ཆེན་པᨖ་བཱི་ཎི་པ་ཏྲ་ཞེས་བྱ་བ་ཡིན་ཏེ། ཐ་མལ་པའི་རིགས་མེ་ཏོག་འཚོང་བ་གྲུབ་པ་བརྙེས་པས་སྤྱོད་ལམ་ཏམྦུ་རའི་རྩེད་མོས་འདའ་བས་ཏམྦུ་རའི་ཞབས་ཞེས་པ་ཡིན་ནོ། །དེ་དུས་རྒྱལ་པᨖ་ངོ་མཚར་སྐྱེས་ནས་བཏུལ་ཏེ། དེས་དབང་བསྐུར་ཞིང་གདམས་ངག་གནང་བ་ནི་རྒྱལ་པᨖ་ཨིནྡྲ་བྷུ་ཏི་ཡིན་ཏེ། མཆོག་དབང་རིན་པᨖ་ཆེ་ཐོབ་པའི་དེ་ཉིད་དུ་དབང་གདམས་ངག་ཅིག་ཅར་རྫོགས་པ་ལས་མཚན་གཅིག་གིས་ཕྱག་རྒྱ་ཆེན་པᨖ་མཆོག་གི་དངོས་གྲུབ་བརྙེས་པས། རྒྱལ་ཁམས་གཅིག་གི་གྲོང་པ་རྣམས་མཁའ་སྤྱོད་དུ་འགྲོ་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི་ལེགས་སྨིན་བྱ་བ་དཔལ་མོ་ཆུང་ངུ་ཡིན་ཏེ། དེས་ཡང་དག་པའི་དོན་ཡིད་ལ་བྱས་པ་ལས། ལུས་དེ་ཉིད་ཀྱིས་དྲོད་རྟགས་རྣམས་མངོན་དུ་བྱས་ནས་ཕྱག་རྒྱ་ཆེན་པᨖ་མཆོག་གི་དངོས་གྲུབ་མངོན་དུ་འགྱུར་བ་ཡིན་པས། འགྲོ་བ་གཞན་གྱི་དོན་དུ་གྱུར་ན་འཁོར་ལོ་སྤྲོ་ཞིང་བསྡུ་བ་ལ་སོགས་པ་མང་དུ་བྱེད་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི་སློབ་དཔᨖན་སྒེག་པའི་རྡོ་རྗེ་ཡིན་ཏེ། དྲོད་ཀྱི་ཡེ་ཤེས་ལ་དབང་ཐོབ་པས་རྒྱན་དྲུག་དང་ལྡན་པ་ཕྱོགས་ལས་རྣམ་པར་རྒྱལ་བའི་སྤྱོད་པ་མཛད་པ་ ཤར་ཕྱོགས་སུ་སྐུ་འཁྲུངས་པ་དེ་ཉིད་ཀྱིས་མཆོག་གི་དངོས་གྲུབ་ཐོབ་བོ། །དེས་དབང་བསྐུར་ཞིང་གདམས་ངག་གནང་བ་ནི། སློབ་དཔᨖན་གུནྡྷི་རི་ཞེས་བྱ་བ་ཡིན་ཏེ། ནུབ་ཕྱོགས་ཨུ་རྒྱན་གྱི་ཡུལ་གྱི་དགོན་པ་ཞིག་ལ་གནས་པའི་ཚེ། ཟས་ཀྱི་བྱ་བ་ཐམས་ཅད་བྱེའུ་གུནྡྷི་རི་ཞེས་བྱ་བའི་ཚོད་མ་དཔག་ཏུ་མེད་པ་བྱས་ཏེ་ཚིམས་པ་དང༌། ཁ་ནས་སྤུར་གཏོང་བ་དང་། དེ་འདྲ་བའི་བསད་གསོ་ལ་སོགས་པས་ཚར་བཅད་པ་དང༌། རྗེས་སུ་བཟུང་གིས་འགྲོ་བ་མང་པᨖ་འདུལ་བའོ། །དེའི་སློབ་མ་ནི་སློབ་དཔᨖན་ཆེན་པᨖ་པདྨ་བཛྲ་ཆུང་བ་ཡིན་པར་བཞེད་དོ། །ཕྱག་དང་ཞབས་ལ་པདྨའི་རི་མོ་གསལ་བར་ཡོད་པ། ཡུངས་འབྲུ་གཅིག་གི་ནང་དུ་སྟོང་གསུམ་ཚུད་པ་ལ་ཆེ་ཆུང་མེད་པ། ཆུ་བོ་གྱེན་ལ་བཟློག་ཅིང་རྩིགས་པ་དང་རི་ལ་ཐོགས་པ་མེད་པ། ཁྱད་པར་དུ་སྙིང་རྗེ་ཆེན་པᨖས་དུད་འགྲོ་གདུག་པ་ཅན་ལ་སོགས་པ་འཆིང་ནུས་པ། ཕྱག་རྒྱ་པདྨ་ཅན་ལ་བརྟེན་ནས་ལུས་དེ་ཉིད་ཀྱིས་མཆོག་གྲུབ་བོ། །དེས་དབང་བསྐུར་གདམས་ངག་གནང་བ་ནི་སློབ་དཔᨖན་ཆེན་པᨖ་དཔལ་ལྡན་ཆོས་ཀྱི་སྡེ་ཡིན་ཏེ། ཡང་དག་པའི་ཏིང་ངེ་འཛིན་རྒྱུད་ལ་སྐྱེས་པ་ཉིད་ཀྱིས་སྤང་བྱ་འཇིག་རྟེན་ཆོས་བརྒྱད་སྤོང་ནུས་པ་དང༌༑ བྱ་བ་གང་གིས་ཀྱང་གདུལ་བྱའི་བསམ་པ་ཚིམ་ནུས་པ་དང༌། ལུས་དེ་ཉིད་ཀྱིས་ཕྱག་རྒྱ་ཆེན་པᨖ་མཆོག་གི་དངོས་གྲུབ་ཐོབ་བོ། །དེས་དབང་བསྐུར་ཞིང་གདམས་ངག་གནང་བ་ནི་དཔལ་ལྡན་བཟང་པᨖའི་ཞབས་ཡིན་ཏེ། ཨིནྡྲ་བྷཱུ་ཏི་ཆུང་བ་དང༌། ནུས་པ་འགྲན་པའི་ཚེ་ཞལ་བྱེ་བ་ལ་སོགས་པར་སྤྲུལ་ནས་རྒྱལ་པᨖ་ཕམ་པར་བྱས་པ་དང༌། རྒྱལ་པᨖའི་གཟུགས་དང་ལོངས་སྤྱོད་ཀྱི་ང་རྒྱལ་རྣམས་མེད་པར་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི་དཔལ་ལྡན་ཏོག་རྩེ་ཞབས་ཡིན་ཏེ། རིགས་ངན་སོ་ནམ་པའི་རིགས་ཡིན་པ་ལ། རྒྱལ་པᨖའི་སྐྱེད་མོའི་ཚལ་དང་ལྡུམ་ར་ལ་སོགས་པའི་བྱ་བ་བྱེད་པ་ལ་ཡིད་གཞུང་པ་དང༌། དབང་དང་གདམས་ངག་གི་དུས་ཉིད་ནའང་རྟོགས་པ་མཆོག་ཏུ་གྱུར་པ་སྟེ། སྡེ་སྣོད་གསུམ་གྱིས་བསྡུས་པའི་སྒྲ་དོན་ཐམས་ཅད་ལ་ཐོགས་པ་མེད་ཅིང་མ་རྨོངས་པར་གྱུར་པ་དང༌། ཕྱིའི་རིག་བྱེད་བཞི་ལ་སོགས་པ་དང༌། ནང་རྒྱུད་སྡེ་བཞི་ལ་སོགས་པ་ལ་སྒྲོ་འདོགས་གཅོད་པའི་ཤེས་རབ་ཅན། རང་གི་བླ་མའི་གསུང་གཅིག་གིས་འཁོར་འདས་དབྱེར་མེད་དུ་རྟོགས་པར་ནུས་པ་དང༌། ལྷག་མཐོང་གི་ཏིང་ངེ་འཛིན་དུ་མ་ལ་བརྟེན་ནས་བདག་གི་རྟོགས་པ་ཡི་གེར་བཀོད་པ་ཡིན་ནོ། །དེ་ལྟར་དམ་པ་དགུ་དགོངས་རྒྱུད་གཅིག་པའི་དབང་དུ་བྱས་ནས། གཏམ་རྒྱུད་ཅི་རིགས་པར་བརྗོད་པ་ཙམ་མོ། ། ཨྠ ི། སློབ་དཔᨖན་ཏོག་རྩེ་ཞབས་ཀྱི་རྗེས་ལ་ཤིང་ལོ་པ་ནི། གདན་དུ་ཤིང་གི་འདབ་མ་བཏིང་ཞིང་ཤིང་ལོའི་ན་བཟའ་གསོལ་བས་སོ། །དེའི་རྗེས་ཀརྞ་པ་ནི། ཀརྞ་པ་ཞེས་བྱ་བ་སྙན་ཤལ་རིང་བས་སོ། །དེའི་རྗེས་ལ་དཔའ་བོ་རྡོ་རྗེ་ནི་རྟེན་རབ་ཏུ་བྱུང་བའོ། །ཌཱ་ཀི་མས་ཕྱག་ནས་གཏོར་མ་ལེན་པ་དང༌། གྲོམ་པ་རྒྱང་དུ་བྱོན་ནས། དགུན་གྲང་ཙམ་ན་ལྷོ་བལ་དུ་ཕར་གཤེགས་སྐད། དེའི་རྗེས་ལ་བོད་ཀྱི་སློབ་དཔᨖན་ནི། མང་མཁར་མུ་གུ་ལུང་པ། འབྲོག་མི་ལོ་ཙཱ་བ་ཤཱཀྱ་ཡེ་ཤེས། མཁར་ཆུང་བ་ ཀུན་རིག དགོན་པ་བ་ ཆོས་འབར། དེས་བླ་མ་ས་སྐྱ་པ་ ཀུན་དགའ་སྙིང་པᨖ། ལ་གདམས་པའོ། །ལོ་རྒྱུས་བསྟན་ཟིན་ཏོ། ༈ །སློབ་དཔᨖན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ། །བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ། །རྟ་མཆོག་ལ་སོགས་པ་བརྒྱུད་པ་ རྟ་མཆོག་བཱི་ཎའི་ཞལ་སྔ་དང༌། །ཨིནྡྲ་བྷཱུ་ཏི་ལེགས་སྨིན་བཅས། །སྒེག་པའི་རྡོ་རྗེ་གུནྡྷེ་རི། །སློབ་དཔᨖན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལས། །བཟང་པᨖའི་ཞལ་སྔར་འཕྲད་པ་དང༌། །ཐམས་ཅད་ཀྱང་ནི་དགོངས་པ་གཅིག །ཅེས་གཞུང་ནས་འབྱུང་བས་སོ། །དགུ་པའི་མཐར། ཏོག་རྩེ་པ། བྷཱུ་ཥ་ཎ། དྷ་མ་པ། ཀརྞ་པ། དགེ་སློང་དཔའ་བོ་རྡོ་རྗེའི་བར་དུ་བརྒྱུད་པ་མ་ཆད་པའི་ལུགས་ཀྱིས། རྒྱུ་དུས་སུ་ལྟ་བ་གཏན་ལ་དབབ་པ། ལམ་དུས་སུ་ཏིང་ངེ་འཛིན་སྐྱེད་ཅིང་སྦྱང་བ། འབྲས་བུའི་དུས་སུ་ཡེ་ཤེས་མངོན་ཏུ་འགྱུར་བ་སྟེ་གསུམ་གྱིས་ལམ་དང་འབྲས་བུ་ཐམས་ཅད་བསྡུས་པར་བཞེད་དོ། །དེ་ལ་དང་པᨖ་རྒྱུ་དུས་སུ་ལྟ་བ་གཏན་ལ་དབབ་པ་ལ། ཕ་རོལ་ཏུ་ཕྱིན་པའི་ཐེག་པ་ལྟར་ན། གཏན་ལ་དབབ་པར་བྱ་བ་ཕུང་པᨖ་ཁམས་དང་སྐྱེ་མཆེད་ལ་སོགས་པ་ཡིན་པ་ལ། འདི་ལ་གཏན་ལ་དབབ་པར་བྱ་བ་ལུས་ངག་ཡིད་གསུམ་ཡིན་པས་དང་པོ་འཁོར་བའི་སྡུག་བསྔལ་ཀྱང་ལུས་ངག་ཡིད་གསུམ་ལ་མྱོང་ལ། ལམ་དུ་ཏིང་ངེ་འཛིན་སྐྱེ་བ་ཡང་ལུས་ངག་ཡིད་གསུམ་ལ་སྐྱེ། འབྲས་བུ་སྐུ་གསུང་ཐུགས་རྡོ་རྗེའི་དངོས་གྲུབ་ཀྱང་དེ་གསུམ་ཉིད་འགྱུར་བའི་ཕྱིར། རྟེན་ནམ་གཞི་ཡིན་གསུངས། གདམས་ངག་གི་གཞི་དགོད་པ་བཅུ་གཉིས་ཏེ། གདམས་པའི་རྟེན་བཅའ་བ་ལུས་ངག་ཡིད་གསུམ། དེ་ཤེས་པར་བྱེད་པའི་དུས་གསུམ། འཇལ་བར་བྱེད་པའི་བསམ་པ་གསུམ། གཏན་ལ་འབེབས་པར་བྱེད་པའི་ཚད་མ་གསུམ་མོ། །དེ་ལ་རྟེན་བཅའ་བ་ལུས་ངག་ཡིད་གསུམ་ལ། ལུས་རགས་པ་དབང་རྟེན་ཁོག་པ་དང་བཅས་པ། ཕྲ་བ་རྩ་གསུམ། ངག་རགས་པ་སྨྲ་བ་དང་རྒོད་པ་ལ་སོགས་པའི་ཐ་སྙད། ཕྲ་བ་རླུང་ལྡང་འཇུག་ རླུང་ཕྱིར་ལྡང་བ་ཧཱུྃ། ནང་དུ་འཇུག་པ་ༀ། གནས་པ་ཨཱཿ འི་ངོ་བོར་གནས་པས། གནས་པ་གསུམ་དང༌། ཡིག་འབྲུ་གསུམ། སེམས་ལ་རྟེན་དང་བརྟེན་པ་གཉིས་ལས། རྟེན་ རྩ་ཐམས་ཅད་གནས་པའི་ ཁམས་དགུའི་དྭངས་མ་བྱང་ཆུབ་སེམས་ཀྱི་ཐིག་ལེ་དྭངས་པའི་བདུད་རྩི། བརྟེན་པ་རང་རིག་པའི་ཡེ་ཤེས་གསལ་བའོ། །དེ་ཡང༌། ལུས་དང་ངག་དང་ཡིད་དང་གསུམ། གཅིག་ལ་ ལུས་ངག་གི་རང་བཞིན་སེམས་ལ་བརྟེན་པ་སེམས་ཀྱི་གནས་སྐབས་ལུས་ངག་ལ་བརྟེན་ཏེ། ཡང་ཇི་སྲིད་ལུས་སེམས་མ་བྲལ་གྱི་བར་དུ་ངོ་བོ་གཅིག་ཡིན་པར་བཞེད་དེ། གཅིག་བརྟེན་གཅིག་གི་ངང༌། ཡིན་པས་ ཐམས་ཅད་སེམས་མྱོང་རིག་གཅིག་ཏུ་རིགས་གཅིག་པ་དང༌། དེ་ལས་མ་རྟོགས་པའི་ཆོས་མེད་པས་ སེམས་གཅིག་པུ་གཏན་ལ་ཕབ་པས་ལུས་ངག་གཉིས་པᨖ་ཤུགས་ལ་ཕེབས་པར་འགྱུར་ལ། སེམས་གཏན་ལ་དབབ་ན་ ལྡོག་པའི་ཆ་ནས། བསམ་གྱིས་མི་ཁྱབ་རྣམ་པ་ལྔ་སྟེ། རྣམ་རྟོག་བྱེ་བྲག་གིས་མི་འདྲ་བའི་ མཚན་ཉིད་ བསམ་གྱིས་མི་ཁྱབ་པ་མ་འདྲེས་པ་ཡོངས་སུ་རྫོགས། ངོ་བོ་ཉིད་ལ་རྟོགས་ལུགས་མི་འདྲ་བའི་སྒོ་ནས་ཕྱི་རོལ་པའི་དང་། སངས་རྒྱས་པའི་ལམ་དང༌། གྲུབ་མཐའ་མི་འདྲ་བ་སྣ་ཚོགས་སུ་སྣང་བའོ། །ཡོན་ཏན་བསམ་གྱིས་མི་ཁྱབ་པ་དཔེ་ཡིད་བཞིན་གྱི་ནོར་བུ་རིན་པᨖ་ཆེའམ་ཉི་མའི་དཀྱིལ་འཁོར་ལྟ་བུ་ གཅིག་ལ་འཆར་ལུགས་མི་འདྲ་བ་སྣ་ཚོགས་སུ་སྣང་བའོ། །ནུས་པའི་མཐུ་ ངོ་བོ་གཅིག་པུ་ལ་དངོས་གྲུབ་ཐམས་ཅད་ཐབས་ཀྱི་རྐྱེན་འཕྲད་པས་འབྱུང་བས་ན། བསམ་གྱིས་མི་ཁྱབ་པ། མ་བཅིངས་ མ་བཅིངས་པ་ནི་སེམས་དགེ་བ་སྐྱེད་པའི་ནུས་པ་ངོ་བོ་ཉིད་ཀྱིས་གནས་ཀྱང་། ཐབས་ཀྱི་རྐྱེན་དང་མ་འཕྲད་ན་མི་འབྱུང་བས་ན། མ་གྲོལ་བ་དཔེ་སྣ་མའི་མེ་ཏོག་དང་། ཏིལ་གྱི་ ཏིལ་ལ་ཤིང་སོགས་ཀྱི་རྐྱེན་དང་མ་འཕྲད་ན་མི་འབྱུང་ལ། འཕྲད་ན་འབྱུང་བས། མར་ཁུ་ལྟ་བུ། དེ་གསུམ་ནི་ སེམས་གཅིག་ལ་རྒྱུ་དང་། ལམ་དང་། འབྲས་བུ་ཐམས་ཅད་དུ་སྣང་བ། དེ་ཡང་། བསམ་གྱིས་མི་ལང་བས་ན་བསམ་མི་ཁྱབ་སྟེ་ཐབས་སོ། །རང་བཞིན་བསམ་མི་ཁྱབ་པ་ གསུམ་པᨖས་དེ་དག་དོན་དམ་པར་རྒྱུ་དང་། རང་གི་ངོ་བོ་དང་། འབྲས་བུ་གསུམ་གྱིས་སྟོང་པས་ དཔེ་ནམ་ མཁའ་ལྟ་བུ། དེ་ནི་བསམ་པས་ རྒྱུ་དང་འབྲས་བུ་ལ་སོགས་པ་གང་ལྟར་ཡང་། མི་རྙེད་པས་བསམ་མི་ཁྱབ་སྟེ་ཤེས་རབ་བོ། །ངོ་བོ་ཉིད་ ཆོས་གཅིག་ལ་འགལ་བ་ལྟ་བུའི་ཆོས་གཉིས་མི་འགལ་བར་གནས་པས། བསམ་གྱིས་མི་ཁྱབ་པ་མ་བྲལ་ བརྟགས་ན་མི་རྙེད་པས། མི་ལྡན་པ་དེ་ནི་བསམ་དུ་མི་འདོད་པས་བསམ་གྱིས་མི་ཁྱབ་པ་སྟེ་ཟུང་འཇུག་ ཡོད་མེད་གཉིས་འདྲེས་པ་ལྟ་བུའང་མ་ཡིན། གཅིག་གཉིས་སུ་བགོས་པ་ལྟ་བུའང་མ་ཡིན། ཕྱོགས་གཅིག་ཡོད་ལ་ཕྱོགས་གཅིག་མེད་པ་ལྟ་བུའང་མ་ཡིན། གཉིས་གཅིག་ཏུ་བསྡོམས་པ་ ལྟ་བུའང་མ་ཡིན་ཏེ། མདོར་ན་ཐབས་ཀྱི་བསམ་པས་བཙལ་ན་ཧྲིལ་གྱིས་ཡོད་ལ། ཤེས་རབ་ཀྱི་བསམ་པས་བཙལ་ན་ཧྲིལ་གྱིས་མེད་པར་འདུག་ལ། མདོར་ན་གཉིས་སུ་བྱར་མ་འདོད་པ་ཙམ་ལ་གཉིས་མེད་དམ་ཟུང་འཇུག་ཅེས་བྱ་སྟེ། ཤེས་བརྗོད་ཐམས་ཅད་ཀྱི་ཡུལ་ལས་འདས་པའོ་གསུངས། དེ་ཉིད། དེ་བཞིན་ཉིད་སོགས་སྔར་ལྟར་མིང་འདོགས་སོ། །བསམ་མི་ཁྱབ་བོ། །དེ་ཤེས་པར་བྱེད་པའི་དུས་གསུམ་ནི། རྒྱུར་གནས་པ་སེམས་ཅན་གྱི་དུས་སུ་ སེམས་མ་ཟིན་ཏེ་ཞི་གནས་དང་ལྷག་མཐོང་གི་རོ་གང་ཡང་ཉམས་སུ་མ་མྱོང་བའི་དུས་ན། རྣམ་རྟོག་བསམ་མི་ཁྱབ༑ ལམ་སྒོམ་པའི་རྣལ་འབྱོར་གྱི་དུས་སུ་ ཐོག་མར་དབང་གསུམ་པའི་མཚོན་བྱེད་དམ། ནམ་མཁའ་ལ་སེམས་གཟུང་བའི་གདམས་པ་ལ་སོགས་པས་སེམས་ཟིན་པ་ཡན་ཆོད། ཏིང་ངེ་འཛིན་བསམ་མི་ཁྱབ། འབྲས་བུ་མཐར་ཐུག་པའི་དུས་སུ་ བསམ་མི་ཁྱབ་ལྔ་མངོན་དུ་གྱུར་ཙམ་ན། ཡེ་ཤེས་བསམ་གྱིས་མི་ཁྱབ་བོ། །དེ་ཡང་རྒྱུ་དུས་ན་ ལུས་རྩ་རླུང་ལ་སོགས་སྡུག་བསྔལ། ངག་ལས་ཀྱི་རླུང་། སེམས་རྣམ་རྟོག་འདུ་འཕྲོ། ལུས་ངག་ཡིད་གསུམ་ཀ་རྣམ་རྟོག་གིས་བསྡུས། ལམ་དུས་ན་ གསེར་འགྱུར་གྱི་རྩི་གྲུབ་པ་ལྟ་བུར། ལུས་ལྡང་བ་ཡང་བ་དང་། དྲོད་དང་། བདེ་བ་སོགས། ངག་སྨྲ་བ་དང་རྒོད་པ་སོགས། སེམས་ཐབས་ཀྱི་ཏིང་ངེ་འཛིན། ཤེས་རབ་ཀྱི་ཏིང་ངེ་འཛིན། ཟུང་འཇུག་གི་ཏིང་ངེ་འཛིན། གསུམ་ཀ་ཏིང་ངེ་འཛིན་གྱིས་བསྡུས། འབྲས་བུའི་དུས་ན་ ལུས་འཇའ་ཚོན་ལྟར་སྣང་བ་དང་གདུལ་བྱའི་བསམ་ངོར་སྐུ་དུ་མར་སྣང་། གསུང་ཡང་དུ་མར་སྟོན་པ། སེམས་ཀྱིས་ཤེས་བྱ་ཇི་སྙེད་པ་དང་། ཇི་ལྟ་བ་ཐམས་ཅད་མཁྱེན་པས་ན་གསུམ། ཡེ་ཤེས་ཀྱིས་བསྡུས་པའོ། །འཇལ་བར་བྱེད་པའི་བསམ་པ་གསུམ་ནི། ཐབས་འཇིག་རྟེན་ཐམས་ཅད་ཀུན་རྫོབ་ཀྱི་བདེན་པ་ མྱོང་ཚོད་ཀྱི་ཤེས་པ། ལ་དམིགས་པའི་བསམ་པས་བཙལ་ན་ མཚན་ཉིད་ཡོན་ཏན་ནུས་མཐུ། ཐམས་ཅད་དུ་སྣང་ཞིང་ཡོད། ཤེས་རབ་དོན་དམ་པའི་བདེན་པ་ དཔྱོད་པར་བྱེད་པའི་ཤེས་པ། ཆོས་ཀྱི་དབྱིངས་ སྟོང་པ་ཉིད་ལ་དམིགས་པའི་བསམ་པས་བཙལ་ན་སྣང་བ་ རྒྱུ་ལམ་འབྲས་བུ། ཐམས་ཅད་ཀྱིས་སྟོང་ཞིང་མེད། ཐབས་དང་ཤེས་རབ་གཉིས་སུ་མེད་པའི་ངོ་བོ་ཉིད་ལ་དམིགས་པའི་བསམ་པས་བཙལ་ན་ དཔྱད་ཅིང་བརྟགས་ན་མི་རྙེད་པས། ཡོད་པ་མིན། མྱོང་བ་མི་འགག་པས། མེད་པའང་མ་ཡིན་ཏེ། ཟུང་འཇུག་གོ །གཏན་ལ་འབེབས་པའི་ཚད་མ་གསུམ་ནི། བདེ་བར་གཤེགས་པའི་བཀའ་ སྟེ་སྡེ་སྣོད་གསུམ་དང་རྒྱུད་སྡེ་བཞི། ཡང་དག་པ་ལུང་གི་ཚད་མ། བླ་མ་ དང་པᨖ་རྟ་མཆོག་ནས་རང་གི་དངོས་ཀྱི་བླ་མའི་བར་དུ་གསུངས་ཤིང་། རྡོ་རྗེ་སློབ་དཔᨖན་ཉམས་ཀྱི་མན་ངག་ཚད་མ། རྣལ་འབྱོར་པ་ ཐབས་དང་། ཤེས་རབ་དང་། ཟུང་འཇུག་གསུམ་གྱི་ཉམས་མཉམ་པར་བཞག་པར་སྐྱེས་ནས། རྗེས་ལ་དེ་གསུམ་དྲན་པས་ཆོས་ཉིད་ལ་ཡིད་ཆེས་པའོ། །བདག་ཉིད་ཀྱི་ཉམས་མྱོང་རྗེས་སུ་དྲན་པའི་ཚད་མའོ། །དེ་ལྟར་གདམས་ངག་གི་གཞི་དགོད་པ་བཅུ་གཉིས་སོ། །རྒྱུ་དུས་སུ་ལྟ་བ་གཏན་ལ་དབབ་པའི་ཚུལ་བསྟན་ཟིན་ཏོ། །དེ་ལྟར་རྒྱུར་གནས་པ་སེམས་ཅན་གྱི་དུས་སུ་རྟོགས་པའི་ལྟ་བ་གཏན་ལ་ཕབ་པས་ རྗེ་མཁར་ཆུང་བ་ཐོག་མར་ལྟ་བ་བསྟན་ནས་ཕྱིས་སེམས་བཟུང་སྟེ་ལྟ་བ་རྟོགས་པས་སེམས་ཟིན་པས་སེམས་འཛིན་སླ་བའི་ཕྱིར་གསུངས། རྗེ་མུ་གུ་ལུང་པ་ཐོག་མར་སེམས་མ་བཟུང་ན་ལྟ་བ་བསྟན་ཀྱང་མི་གོ་བས། དང་པᨖ་སེམས་བཟུང་ལ་ལྟ་བ་ཕྱིས་བསྟན་གསུངས། རྣལ་འབྱོར་པ་ལ་དུག་རྣམ་པ་གཉིས་ལས། མ་རིག་པའི་དུག་ ངོ་བོ་ཉིད་མ་རྟོགས་པས་དངོས་པᨖར་ཞེན་པ། དང་བྲལ་བར་བྱས་ནས། གཉིས་པ་རྣམ་པར་རྟོག་པ་རྩོལ་བའི་དུག་ ཐ་མལ་རྣམ་རྟོག་གི་རྒྱུན་ཆགས། དང་བྲལ་བའི་ཕྱིར། ལམ་དུས་ན་ཏིང་ངེ་འཛིན་བསྐྱེད་ཅིང་སྦྱང་བ་དོན་བདུན་དུ་ཤེས་པར་བྱ་སྟེ། ཐོག་མར་སེམས་བཟུང༌། བར་དུ་དེ་ཁོ་ན་ཉིད་ལ་བློ་བཞག །སྤྱོད་ལམ་ཐམས་ཅད་དུ་གོམས་པར་བྱ། བསམ་གཏན་གྱི་གེགས་བྱིང་བ་དང་རྒོད་པ་བསལ། བོགས་འབྱིན་རྣམ་པ་བརྒྱད་ཀྱིས་བོགས་དབྱུང༌། སེམས་ཉམས་ཀྱི་དྲོད་རྟགས་དང་སྦྱར། མཐར་ཕྱག་རྒྱ་ལ་ གནས་གསུམ་བསྲུང་བ་བྱས་ཏེ། བརྟེན་ཏེ་སྤྱོད་པས་འབྲས་བུ་དང་མཚམས་སྦྱར་བའོ། །དེ་ལ་ བླ་མས་དང་པᨖར་སྲོག་རྩོལ་གྱི་བསམ་གཏན་བཙལ་ནས། འདི་ལ་སློབ་ཏུ་འཇུག །དང་པᨖ་སེམས་གཟུང་བ་ནི། ཐོག་མར་སེམས་འཛིན་ལ་གཅིག་པུར། ལུས་ ཙོག་པུམ་སྐྱིལ་ཀྲུང་དུ་། གནད་ལ་དབབ། ངག་ དབུགས་ལན་གསུམ་དྲག་ཏུ་བུས་ལ་བཏང༌། གནད་ལ་དབབ། སེམས་ ཅུང་ཞིག་རང་སོ་བཟུང༌། གནད་ ལ་དབབ། བྱང་ཆུབ་ཀྱི་སེམས་ བདག་གིས་རྫོགས་པའི་བྱང་ཆུབ་ཐོབ་པར་བྱས་ལ། སེམས་ཅན་ཐམས་ཅད་ཀྱི་དོན་བྱའོ་སྙམ་དུ། བསྒོམ། བླ་མ་སྤྱི་བོར་བསྒོམ། གུས་འདུད་དྲག་པᨖ་བྱས་ལ་ཐིམ་པར་བསམ། ལྷག་པའི་ལྷའི་ང་རྒྱལ་ ངག་ཏུ་ཧཱུྃ་བརྗོད་ཅིང་། སེམས་ལ་ཧཱུྃ་དྲན་པ། བསྒོམས་ཏེ་བསམ་གཏན་གྱི་ཡན་ལག་དྲུག་པོ་རྣམས་ བི་པ་དང་མཐུན་པར། ཚང་བར་བྱས་ལ། ཕྱི་རོལ་ཏུ་དཔེའི་ཚུལ་ཏུ་ནམ་མཁའ་ལ་བསླབ་སྟེ། གཉིས་མེད་ནམ་མཁའ་སྦྱོར་བའི་ཏིང་ངེ་འཛིན་འབྱུང་བས་སོ། །དེའང་ དེ་བས་ན་སློབ་དཔᨖན་ཉིད་ཀྱིས་དོན་དམ་པར་སྤྲོས་པ་དང་བྲལ་བས་བསྟན་དུ་མེད་ན། གཞན་ནས་རྟོགས་པའི་ཐབས་མེད། དཔེ་ཙམ་གྱིས་བྱ་སྟེ། རྟོགས་པ་ནམ་མཁར་སྦྱོར་བ་ནི། །གང་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པ་ཚིག་གིས་ནི། །རྣམ་པའི་ཆ་ལས་བཤད་པར་བྱ༑ ༑ཞེས་གསུངས་སོ། །ཐུང་དུ་བསླབ་པ་དང་། རིང་དུ་བསླབ་པའོ། །དེ་དག་རེ་རེ་ལའང་ཚར་བཅད་པའི་ཚུལ་དུ་བསླབ་པ་དང༌། ཕན་གདགས་པའི་ཚུལ་དུ་བསླབ་པ་གཉིས་གཉིས་སུ་བསླབ་པའོ། །དེ་ལ་ཐུང་དུ་བསླབ་པ་ནི། སྣ་རྩེ་ནས་སོར་བཞི་ཚུན་ཆད་ཀྱི་ནམ་མཁའ་ལ་རང་གི་ཤེས་པ་ཡོད་པར་དམིགས་པ་སྟེ། ལུས་སེམས་གཉིས་ཀ་གྲིམས་པར་བྱས་ལ་བསྒོམ། ཚར་བཅད་པའི་ཚུལ་དུ་བསླབ་པའོ། །དེ་ནས་ལུས་སེམས་གཉིས་ཀ་ཀློད་པར་བསྒོམ། ཕན་གདགས་པའི་ཚུལ་དུ་བསླབ་པའོ། །ཡང་སོར་བརྒྱད་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། ཡང་སོར་བཅུ་དྲུག་ནས་འདོམ་གང་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། སེམས་གནས་པའི་ཉམས་ ཐབས་ཀྱི་ཏིང་ངེ་འཛིན། ཤེས་རབ་ཀྱི་ཏིང་ངེ་འཛིན། དེ་གཉིས་ནི་བསྒོམ་པ་སྐྱོན་ཅན། ཟུང་འཇུག་གི་ཏིང་ངེ་འཛིན་སྐྱོན་མེད་དོ། །ཅི་བྱུང་ཡང་དེ་བཞིན་ཏུ་བསྐྱང༌། ཕལ་ཆེར་རང་བཞིན་སྟོང་ཉམས་སུ་སྐྱེའོ། །དེ་ནས་བོགས་དབྱུང་བའི་ཕྱིར་རིང་དུ་བསླབ་པ་ནི། ཁ་ཤར་ཕྱོགས་སུ་བལྟས་ལ་ བསམ་གཏན་གྱི་སྔོན་འགྲོའི་ཡན་ལག་ཚང་བར་བྱས་ཏེ། རང་རིག་པ་སེམས་ཉིད་ཤར་ཕྱོགས་སུ་འདོམ་དོ་ལ་སོགས་པ་ནས་བཟུང་སྟེ། ཇི་སྲིད་ནམ་མཁའི་མཐར་ཐུག་གི་བར་དུ་རྟོག་ ཏུ་བཏང་། དེ་ཡང་ཕན་གདགས་པ་དང་ཚར་བཅད་པའི་ཚུལ་གྱིས་བསླབ་པས་ འོག་མ་གཉིས་དང་མི་འདྲ་བར་བདེ་སྟོང་དུ་སྐྱེ་བས། མཐའ་བྲལ་གྱི་ཉམས། ཕན་ཆོད་མི་འགྲོ་བར་སྟན་གཅིག་ལ་ཆགས་འདུག་པ་ ཤུགས་ཆད་ཀྱི་ཉམས། ཕར་བཏང་ཡང་ཚུར་ལྡོག་པ་ གཟིངས་ཆག་གི་ཉམས་གསུམ་གང་སྐྱེ་ཡང་དེ་བཞིན་དུ་བསྐྱང་ངོ༌། །དེ་བཞིན་ཡང་བོགས་དབྱུང་བའི་ཕྱིར་ སྟེང་འོག་གཉིས་ཡིན། ལྷོ་ལ་སོགས་པའི་ཕྱོགས་ཐམས་ཅད་དུ་བསླབ་བོ། །དེ་ལྟར་བསླབས་པས་ཉམས་གསུམ་སྐྱེ་ལ། དེའི་མཐའ་བྲལ་གྱི་ཉམས་ལ་བརྟེན་ནས། དེ་ མཐའ་དང་བྲས་བས། ནམ་མཁའ། གང་དུའང་མ་གྲུབ་པས་ སྟོང་པ། ཤེས་པ་དང་ཤེས་བྱ་ཐམས་ཅད་ལ་ ཁྱབ་པ། གང་གིས་ཀྱང་མི་འཇིག་པ་སྙམ་བྱེད་པའི་ རྟག་པའི་ཉམས་ཏེ་ཆོས་བཞི་ལྡན་དུ་སྐྱེ་བར་འགྱུར་ཏེ་དེ་བཞིན་དུ་བསྐྱང་ངོ༌། །རིང་དུ་བསླབ་པའོ། །དེས་ནི་ཐོག་མར་སེམས་བཟུང་བའོ། །བར་དུ་དེ་ཁོ་ན་ཉིད་ལ་བློ་བཞག་པ་ནི། དོན་ནང་དུ་རང་གི་སེམས་ཉིད་ལ་སྦྱར་ནས་ཚུལ་གསུམ་དུ་བསླབ་པས་རྣམ་པར་རྟོག་པ་རྩོལ་བའི་དུག་ལ་འཆིང་བྱེད་བཞི་ལས། དང་པᨖ་གསུམ་ལས་གྲོལ་བར་བྱེད་དོ། །དེ་ལ་ཚུལ་གསུམ་ནི། སྒོང་རྒྱ་བཅག་པའི་ཚུལ་ ངང་པའི་ཕྲུ་གུ་སྒོ་ངའི་ནང་ན་ལུས་ཐམས་ཅད་རྫོགས་ནས་ཡོད་ཀྱང༌། ཕྱིའི་རྒྱ་མ་བཅག་ན་འགྲོ་མི་ཤེས་པ་ལ། བཅག་ན་ཤེས་པ་ལྟར་རོ། །དུ་མིང་སྐྱེ་མེད་བསམ་མི་ཁྱབ་ལ་སྦྱར་བ། བབ་རྒྱ་དབྲལ་བའི་ཚུལ་ བབ་བླ་དེ་ཉིད་ན་ཡོད་ཀྱང༌། ཕྱིའི་རྒྱ་མ་བྲལ་ན་མི་འགྲོ། དབྲལ་ན་འགྲོ། དུ་དོན་སྐྱེ་མེད་བསམ་མི་ཁྱབ་ལ་སྦྱར་བ། ཁ་ཆུ་བསལ་བའི་ཚུལ་ སྲིན་བུ་ རང་གི་ཁ་ཆུས་བསྟུམས་ནས་མི་མངོན་པ། དེ་བསལ་མ་ཐག་རྗེན་གཅེར་གྱིས་མངོན་པ་ལྟ་བུའོ། །དུ་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བའོ། །དེ་ལ་དང་པᨖ་ ནི་དངོས་པᨖ་མ་གྲུབ་པ་ལ་དངོས་པᨖར་མངོན་པར་ཞེན་པས་ཆགས་སྡང་སོགས་སྐྱེ་བས༑ མིང་གི་འཆིང་བ་ལས་གྲོལ་བར་བྱ་བའི་ཕྱིར་མིང་སྐྱེ་མེད་བསམ་མི་ཁྱབ་ལ་སྦྱར་བ་ནི། རྣལ་འབྱོར་པ་ བསམ་གཏན་གྱི་ཡན་ལག་འཆིང་བར་བྱས་ལ། རང་ཉིད་ཀྱི་མིང་ལ་སོགས་པ་མིང་གང་ཡང་རུང་བ་ལ། དང་པᨖ་མིང་དང་བཅས་ནས་སྐྱེ་བ་མ་ཡིན་ཏེ། བློ་བུར་དུ་བཏགས་པ་ཡིན་པས་ མ་སྐྱེས་སྐྱེ་མེད་ནམ་མཁའ་བཞིན། །དེ་ལྟར་མིང་ལ་བསྟོད་ཀྱང་ཕན་འདོགས་པ་མེད་ལ། སྐྱོན་བརྗོད་ཀྱང་གནོད་པ་མེད་པས་ སྐྱེས་པ་སྐྱེ་མེད་ནམ་མཁའ་བཞིན་། །གང་དུའང་མ་འགགས་ཏེ། ནམ་མཁའ་རང་ལ་ཐིམ་པར་འགྱུར་བས་ འགགས་པ་སྐྱེ་མེད་ནམ་མཁའ་བཞིན། །ཞེས་བསླབས་པས་ སྤྲིན་སོགས་ནམ་མཁའ་ལ་ཐིམ་པ་བཞིན། མིང་དུ་འཛིན་པའི་རྟོག་པ་སེམས་ཉིད་ལ་ཐིམ་ཞིང༌། གསལ་ལ་མི་འགག་པའི་ཉམས་སྐྱེ་སྟེ། དེ་ཉིད་ལ་རྣམ་པར་ཐར་པའི་སྒོ་ དང་པᨖ་མཚན་མ་མེད་པ། གཉིས་པ་སྟོང་པ་ཉིད། གསུམ་པ་སྨོན་པ་མེད་པ། གསུམ་གྱི་མིང་ཐོབ་གསུང༌། དེ་ལྟ་བུའང་གཞུང་ལས། གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོད་མི་འགྱུར། །གཉིས་མེད་མིང་དུ་བཟུང་བ་ལ། །དེ་ལ་རྣལ་འབྱོར་པས་བཟོད་མཛོད། །ཅེས་འབྱུང་བ་དང༌། རྒྱལ་བའི་ཡུམ་ལས་ཀྱང་། རབ་འབྱོར་གཟུགས་ནི་བཏགས་པ་ཙམ་མོ། །བཏགས་པ་ཙམ་གང་ཡིན་པ་དེའང་ཆོས་ཉིད་དེ། ཞེས་པ་ལ་སོགས་པ་གསུངས་སོ། ། གཉིས་པ་དོན་གྱི་འཆིང་བ་ལས་གྲོལ་བར་བྱ་བའི་ཕྱིར། དོན་སྐྱེ་མེད་བསམ་མི་ཁྱབ་པ་ལ་སྦྱར་བ་ནི། རང་རིག་ཉོན་མོངས་པའི་སེམས་ཉིད་འདི་ལ་རྒྱུ་བ་གང་རགས་བརྟགས་ལ། རྒྱུ་ ཆགས་སྡང་ལ་སོགས་པ་སྐྱེ་མེད་ཡིན་པ་ལ་དངོས་པᨖར་བཟུང་བས་བཅིངས་ བ་རགས་པ་ཞེ་སྡང་ལྟ་བུ་གཅིག་གི་དབང་དུ་བྱས་ནས། ཐོག་མའི་ སྐྱེ་བའི་ རྒྱུ་དང༌། ད་ལྟར་གནས་པའི་ངོ་བོ་དང༌། མཐར་འགགས་པའི་འབྲས་བུ་གསུམ་ཡང་སྐྱེ་མེད་བསམ་མི་ཁྱབ་པ་ནམ་མཁའ་ལྟ་བུར་སྦྱར་ཞིང་བརྟག །ཡང་ ལུས་ངག་ཡིད་གསུམ་གང་ལ་སྐྱེས་པ། གནས་ གང་ཡིན་བརྟག །རིགས་ གང་ཡིན་བརྟག་པ་ དང་། ཁ་དོག་དང་དབྱིབས་ལ་སོགས་པ་ རང་གི་ངོ་བོ་ གང་དུ་གྲུབ་བརྟག །གསུམ་ལ་བརྟགས་ཏེ་སྐྱེ་མེད་དུ་བསྒོམ། དེ་ལྟར་ བརྟག་པས་མི་རྙེད་པ། བསྒོམས་པས་ཞེ་སྡང་དུ་འཛིན་པའི་རྣམ་རྟོག་སེམས་ཉིད་ལ་ཐིམ་ཞིང༌། ཞེ་སྡང་གི་གསལ་བ་མི་འགགས་པའི་ཉམས་སྐྱེའོ། །དེའང་གཞུང་ལས། གཉིས་པᨖ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། །ཞེས་འབྱུང་ངོ༌། །གསུམ་པ་ བསྒོམ་བྱའི་ཡུལ་དང༌། སྒོམ་བྱེད་ཀྱི་ཤེས་པ་དང༌། སྒོམ་པ་པᨖ་གསུམ་དངོས་པᨖ་ལས་མ་གྲུབ་པ་ལ་དེར་འཛིན་པ། འཆིང་བར་བྱེད་པའི་ཏིང་ངེ་འཛིན་གྱི་འཆིང་བ་ལས་གྲོལ་བར་བྱ་བའི་ཕྱིར་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བ་ནི། ནང་དུ་ཡིད་འཛིན་མེད་དུ་བཞག་པ་དང༌། ཕྱི་རོལ་ཏུ་ཤེས་པ་ལྷུག་པར་བཞག་པ་གཉིས་སོ། །དང་པᨖ་ནི། ལུས་སེམས་ཡངས་པར་བྱ། དེ་ནས་ཤེས་པ་ཁ་ནང་དུ་བལྟ་བྱ་ཙམ་ དྲན་པར་བྱ། དེས་བདེ་སྟོང་གི་ཏིང་ངེ་འཛིན་སྐྱེ། གལ་ཏེ་ཕྱིར་འཕྲོ་ན་ཡང་སྔར་བཞིན་ཏུ་ ཤེས་པ་ཁ་ནང་དུ་བལྟ་སྙམ་དུ་ དྲན་པར་བྱ། གཉིས་པ་ནི། ཡུལ་གང་ལའང་འཛིན་པ་མེད་པར་དབང་པᨖའི་སྒོ་ལྷུག་པར་བཞག །དེ་ལྟར་བསྒོམ་བྱའི་ཡུལ་གཅིག་ལ། སྒོམ་བྱེད་ཀྱི་ཤེས་པ་གཅིག་གིས་ཆེད་དུ་གཏད་ནས་མི་བསྒོམ་སྟེ། གང་ལྟར་ཡང་མི་བསྒོམ་པའི་ཚུལ་གྱིས་བསྒོམས་པས། བསྒོམ་པའི་ཡུལ་ལ་སོགས་པ་ཞེན་པ་དང་བྲལ་ནས་ཏིང་ངེ་འཛིན་བདེ་སྟོང་མཆོག་ཏུ་སྐྱེ་བར་འགྱུར་རོ། །དེའང་གཞུང་ལས། ཚོར་དང་ཚོར་པᨖ་མཚོན་བྱ་བྲལ། །རིག་པ་པᨖ་དང་རིག་བྱ་སྤང༌། །དེ་མན་ཆད་ལ་ཐབས་ཀྱི་ཏིང་ངེ་འཛིན་ལ་སོགས་པ་གང་སྐྱེད་བཞིན་ཏུ་སྐྱོང་ངོ༌། །ཞེས་འབྱུང་བའོ། །དེ་དག་བརྟན་པའི་ཡན་ལག་ཏུ་ མཉམ་གཞག་ལ་ཆགས་སྡང་ལ་སོགས་པ་མི་སྐྱེ་ཡང༌། རྐྱེན་དང་འཕྲད་ཙམ་ན་སྐྱེའོ། །རྐྱེན་གྱི་འཆིང་བ་ལས་གྲོལ་བར་བྱ་བའི་ཕྱིར་སྤྱོད་ལམ་ཐམས་ཅད་དུ་གོམས་པར་བྱ་བ་ནི། དང་པᨖ་ རྗེ་མུ་གུ་ལུང་པ་དང་པᨖར་གཟུགས་ལ་བསླབ་པར་བཞེད། རྗེ་མཁར་ཆུང་བ་སྒྲ་ནས་བསླབ་ན་ཟིན་ཆེ་བར་བཞེད། རྗེ་དགོན་པ་བ་གང་ཟག་གི་རིགས་མི་གཅིག་པས་ཉམས་དང་སྦྱར་གསུངས་སྐད། གཟུགས་ལྟ་བུ་བསླབ་པའི་དབང་དུ་བྱས་ནས། མིག་ལ་ཉི་མའི་འོད་དང༌། རླུང་གི་སེར་བུ་མི་འོང་བར་བྱས་ཏེ། མདུན་ཏུ་མེ་ཏོག་ལ་སོགས་པའི་དངོས་པᨖ་གཅིག་ཉེ་རིང་རན་པར་བཞག་ལ། དེ་དག་ལ་རྟེན་མི་འགྱུར་ དེ་ལས་གཞན་ལ་མི་བལྟ། བའི་ཡན་ལག །ལུས་མི་གཡོ་བའི་ཡན་ལག །མིག་མི་འཛུམ་པའི་ཡན་ལག །ཡིད་ གང་ལ་ཆེད་དུ་གཏད་ས་མེད་པར་ འཛིན་པ་མེད་པའི་ཡན་ལག་སྟེ། ཡན་ལག་བཞི་ལྡན་ཏུ་བྱས་ནས་བསླབས་པས། ཡུལ་དེ་ལ་མི་དམིགས་པའི་ཏིང་ངེ་འཛིན་སྐྱེ། དེ་ནས་ ཉི་མ་གཉིས་ལ་སོགས་པ་ལ། རྟེན་དེ་ཐག་ཇེ་རིང་ཇེ་རིང་བསྲིངས་ལ་བསླབ་ མཐར་རྒྱང་གྲགས་དང༌། དཔག་ཚད་ལ་སོགས་པར་བསླབ། སྟེ། གཟུགས་ལས་ཡེ་ཤེས་ངོས་བཟུང་བའོ། །དེ་བཞིན་ཏུ་སྒྲ་ལ་སོགས་པ་ཡང་ཡན་ལག་བཞི་ལྡན་ཏུ་བྱས་ནས་བསླབ་སྟེ། དེ་ལྟར་ཡུལ་ལས་ཡེ་ཤེས་ངོས་བཟུང་བའི་གདམས་ངག་གིས་བསྒོམས་པས༑ ཐོག་མར་སེམས་ཉམས་ཆུང་ངུ་ལ་སོགས་པ་ཡུལ་རྐྱེན་གྱིས་རེས་གནོད། རེས་ཕན། རེས་འདྲེ་ཞིང་སྐྱེ་སྟེ་སྣང་བ་ཕྲ་མོར་འཆར་བའི་དུས་སོ། །འབྲིང་པᨖ་ལ་ཕན་གནོད་མེད་པའི་དུས། སེམས་ཉམས་ཆེན་པᨖ་ལ་མེ་འབར་བ་ལ་ཤིང་བསྣན་པ་བཞིན་ཏུ་ཡུལ་རྐྱེན་གྱི་རྟོག་པ་ཡེ་ཤེས་ཀྱི་གྲོགས་བྱེད་དེ། ཡུལ་རྐྱེན་རབ་འབྲིང་གསུམ་ གཟུགས་སྡུག་པ་དང་། མི་སྡུག་པ་དང་། ཐ་མལ་པ་གསུམ། དེ་བཞིན་ཏུ་སྒྲ་ལ་སོགས་པ་ལའང་གསུམ་གསུམ། དང་འཕྲད་མ་ཐག་ཏུ། ནང་དུ་དེ་ཁོ་ན་ཉིད་ཀྱི་རྟོགས་པའི་ཡེ་ཤེས་མཆོག་ཏུ་འགྱུར་རོ། །དེ་ནི་སྣང་བར་ ཏིང་ངེ་འཛིན་སྐྱེ་བས། ཕན་འདོགས་པའི་དུས། སྣང་བ་དགེ་བའི་བཤེས་གཉེན་དུ་འཆར་བའི་དུས། བདག་གི་དངོས་པᨖ་ལ་སོགས་གཅིག་ཉིད་དུ་མར་དུ་མ་ལས་སྣང་བའི་དངོས་པᨖ་ལ་སོགས་གཅིག་ཏུ་ ཕྱི་ནང་གཉིས་འདྲེས་པའི་དུས། ཐ་མལ་པ་ཆགས་སྡང་སྐྱེ་བ་དེས་ཛོ་ཀི་ལ་རྟོགས་པ་སྐྱེ་བས། དེ་ཙམ་ལ་འདོད་ཡོན་བསྟེན་ཀྱང་ཉེས་པར་མི་འགྱུར་བའོ། །དུག་ལྔ་སྨན་ཏུ་ངོ་ཤེས་པའི་དུས་སོ། །དེའང་གཞུང་ལས། མིག་གི་རྣམ་ཤེས་ རྟོགས་པ་ཡི། །གཉིས་མེད་ཡེ་ཤེས་ངོ་མཚར་ཆེ། །ཞེས་འབྱུང་བ་དང༌། གཟུགས་མཆོག་ཐ་མ་འབྲིང་པᨖ་གང༌། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། །ཞེས་བྱ་བ་ལ་སོགས་པ་འབྱུང་བས་བསྟན་ཏོ། །དེ་ནས་བསམ་གཏན་གྱི་གེགས་བྱིང་བ་དང་རྒོད་པ་བསལ་བ་ནི། སྤྱིར་གསུམ་སྟེ། ཆེད་དུ་བྱས་པའི་བྱིང་རྒོད། རྐྱེན་གྱིས་བྱུང་བའི་བྱིང་རྒོད། ཤུགས་ཀྱིས་བྱུང་བའི་བྱིང་རྒོད་བསལ་བའོ། །དེ་ལ་ཆེད་དུ་བྱས་པའི་བྱིང་བ་ནི། མལ་སྟན་ལ་སོགས་པ་བསོད་ནམས་དོན་དུ་གཉེར་བ་ལས་བྱུང་བའོ། །ཆེད་དུ་བྱས་པའི་རྒོད་པ་ནི། ཁ་སྨྲས་ལ་སོགས་པ་འཇིག་རྟེན་པའི་བྱ་བ་དོན་ཏུ་གཉེར་བ་ལས་བྱུང་བའོ། །དེ་བསལ་བ་ནི། ངོ་ཤེས་པར་བྱས་ཏེ་ཞག་གྲངས་ཅི་རིགས་པར་དེ་དག་སྤངས་པ་ཉིད་ཀྱིས་རང་སེལ་བར་འགྱུར་རོ། །རྐྱེན་གྱིས་བྱིང་བ་ནི། ཧ་ཅང་ཁ་ཟས་བཅུད་ཆེས་པ་དང༌། ཆང་མང་བ་དང༌། ངལ་དུབ་ལ་སོགས་པའི་རྐྱེན་གྱིས་བྱིང་བའོ། །རྐྱེན་གྱིས་རྒོད་པ་ནི། ཉིན་མོ་སྐྱེ་བོ་རྒྱུན་ལུགས་ཀྱིས་མ་དབེན་པ་དང༌། མཚན་མོ་སྒྲའི་ཀླག་ཅོར་གྱིས་མ་དབེན་པ་ལ་སོགས་པས་རྒོད་པའོ། །དེ་དག་བསལ་བ་ཡང༌༑ འདི་དག་ལ་གཉེན་པོ་གཞན་མི་དགོས་ཏེ། རྐྱེན་དེ་དག་ཞག་གྲངས་ཅི་རིགས་པར་སྤངས་པ་ཉིད་ཀྱིས་རང་སེལ་ལོ། །རང་ཤུགས་ཀྱིས་བྱུང་བའི་བྱིང་བ་དང་རྒོད་པ་ནི། སྔ་མ་གཉིས་པᨖ་དེ་དག་བསལ་ཀྱང་རང་ཤུགས་ཀྱིས་ འབྱུང་བའོ། །དེ་ཡང་ཐུན་སྟོད་ལ་འབྱུང་ངམ། ཐུན་སྨད་ལ་འབྱུང་བརྟགས་ལ། ཐུན་སྨད་ལ་བྱུང་ན། བསམ་བསྟན་གྱི་སྐྱོན་མ་ཡིན་ཏེ། ཁམས་ཀྱི་སྐྱོན་ཡིན་པས་བསྐྱུངས་ ལན་གྲངས་མང་དུ་བྱ་ པ་ཉིད་ཀྱིས་རང་སེལ་ལོ། གསུངས། །ཐུན་སྟོད་ལ་བྱུང་ན་བསམ་བསྟན་གྱི་གེགས་ཡིན་པས། དེ་བསལ་བ་ནི། སྤྱིར་གསུམ་སྟེ། སྤྱོད་ལམ་གྱིས་བསལ། ཁ་ཟས་ཀྱིས་བསལ། སེམས་ཀྱི་མཐུས་བསལ་བའོ། །དེ་ལ་སྤྱོད་ལམ་གྱིས་བྱིང་བ་བསལ་བ་ནི། སྟན་མཐོ་སར་བསྡད། དེས་མ་སེལ་ན། ས་མཐོ་སར་བསྡད། འདི་གསུམ་དུས་གཅིག་ཏུ་བསྟུན་ལ་བྱ། མིག་རི་ཐང་མཚམས་སུ་བལྟ། ལུས་སེམས་ཧུར་ཕྱུང་བྱའོ། །རྒོད་པ་བསལ་བ་ནི། ས་དམའ་སར་བསྡད། ཅུང་ཟད་ཀོས་ཀོས་བྲང་ནོན་པར་བྱ། མུན་པའི་མཚན་མར་གྱུར་པ་ལ་བསྡད་དོ། །ཁ་ཟས་ཀྱིས་བྱིང་བ་བསལ་བ་ནི། གང་བསམ་གཏན་གྱི་སྔོན་རོལ་གྱི་ཁ་ཟས་བཅག་པའོ། །རྒོད་པ་བསལ་བ་ནི། བསམ་གཏན་ལ་འཇུག་ཁར་ཁ་ཟས་དང་བཅས་པའི་ཆང་སྣོད་ཆེ་ཆུང་ཅི་རིགས་པ་གང་བཏང༌། ཡུལ་གང་ཡིན་པའི་ཕུལ་གང་ཙམ། གོམ་པ་ལྔ་བཅུར་བཅག །དེ་ནས་བསྒོམ། དེས་མ་ཞི་ན་དོ་བཏང༌། གོམ་པ་བརྒྱར་བཅག །དེ་ཡང་སྤྱིར་ ཁྲག་མཁྲིས་ཤས་ཆེ་ན་ཉུང་ངུ་བཏང༌། བད་ཀན་དང་རླུང་ཤས་ཆེ་ན་མང་དུ་བཏང་ངོ༌། །ནད་གཞི་དང༌སྦྱར། ན་ཚོད་ ལང་ཚོ་བབས་པར་ཉུང་ངུ་། རྒས་པ་ལ་མང་དུ་བྱའོ། །དང་སྦྱར། ནམ་ཟླ་དང་སྦྱར་རོ། །དེས་ངེས་པར་བྱིང་བ་དང་རྒོད་པ་སེལ་ལོ། །གསུམ་པ་སེམས་ཀྱི་ནུས་མཐུས་བསལ་བ་ནི། བྱིང་བའི་ཚེ་སྟེང་དུ་བྱང་ཆུབ་ཀྱི་ སེམས་བདེ་བ་ཆེན་པᨖའི་འཁོར་ལོ་ལ་བསླབ། སླར་ཡང་ཡིད་བཞིན་གྱི་ནོར་བུ་རིན་པᨖ་ཆེའི་གནས་སུ་བསླབ་སྟེ། དེ་ནས་ཐོག་མར་རང་གི་སེམས་རང་གི་སྙིང་གར་ ན་ཡོད་ དྲན་པར་བྱ། དེ་ནས་སྨིན་མཚམས་སུ། དེ་ནས་ཚངས་པའི་བུ་གར། དེ་ནས་སྤྱི་བོའི་སྟེང་དུ་སོར་བཞི་ལ་སོགས་པ་ནས། འདིས་ལྷའི་གནས་མཐོང་བ་ལ་སོགས་པ་འབྱུང་གསུངས། མཐར་སྟེང་གི་ནམ་མཁའི་མཐར་ཐུག་པར་བཏང༌། མཐའ་རྟོག་ཏུ། དེ་ལྟར་སེམས་ བྱིང་བ་སེལ་ནུས་སམ་མ་ནུས། ཚོད་བཟུང་ཞིང་བསྒོམས་ལ། སྟེང་དུ་ ཡུན་རིང་ན་ཤེས་པ་མི་བདེ་ཞིང༌། སྙིང་རླུང་ལ་སོགས་པར་འགྱུར་བས། སླར་མར་རིམ་གྱིས་ཕབ་ལ་སྙིང་གར་དྲན་པར་བྱས་ལ་བཞག་གོ །རྒོད་པའི་ཚེ་ན། འོག་ཏུ་བྱང་ཆུབ་ཀྱི་སེམས་ཨེ་ཆོས་ཀྱི་འབྱུང་གནས་སུ་བསླབ། སླར་ཡང་ཡིད་བཞིན་གྱི་ནོར་བུ་རིན་པᨖ་དེའི་གནས་སུ་བསླབ་བོ། །དེ་ནི་ དང་པᨖར་རང་དང་སྟན་གྱི་བར་དུ་ནམ་མཁའ་སྟོང་པ་གཅིག་བྱུང་བར་བསམ་པ་ཙམ་གྱིས་ཀྱང་སེལ། དེས་མ་སེལ་ན། བཤང་ལམ་དུ་ཆོས་འབྱུང་དམར་སེང་ངེ་བ་ཞིག་བསམས་ལ། དེའི་ནང་ན་མར་སེམས་ཀྱིས་བལྟ། འཇོག་ཙམ་ན་སླར་ཡང་སྙིང་གར་དྲན་པར་བྱའོ། །དེས་ཀྱང་རྒོད་པ་མ་ཞི་ན་འཕྲང་དུ་བཟུང༌། རྗེས་སུ་འབྲང༌། ཡོངས་སུ་ཤེས་པས་བསལ་ལོ༑ ༑དེ་ལ་འཕྲང་དུ་གཟུང་བ་ནི། ལན་ཅིག་འཕྲོས། ལན་གཉིས་འཕྲོས་ཞེས་བྱ་བ་ལ་སོགས་པའི་ཚུལ་གྱིས་རྒོད་པའི་གྲངས་བཟུང་བས་འཕྲལ་དུ་སེལ། རྗེས་སུ་འབྲང་བ་ནི། ཡུལ་གང་ལ་འཕྲོས་པའི་ཡུལ་དེ་ལ་ཆེད་དུ་ གཏད་ཅིང་དམིགས། དེས་ཀྱང་མྱུར་དུ་སེལ། ཡོངས་སུ་ཤེས་པ་ནི། རྒོད་ནས་འདུག་བྱ་བར་ སེམས་སུ་ ཤེས་པ་ཙམ་གྱིས་སེལ་གསུངས། དེ་དག་གིས་ཀྱང་མ་ཞི་ན། མནན་སྦྱོར། དཔྱང་ཐག །འཕྲང་གཞུར་ཞེས་བྱ་བས་ཀྱང་སེལ་ལོ། །དེ་ལ་མནན་སྦྱོར་ནི། རང་གི་སྤྱི་བོར་ཤིང་བུ་ལྕི་ཡང་རན་པ་གཅིག་གིས་མནན་ཏེ་བསྒོམ། དེས་འཕྲལ་དུ་སེལ། དཔྱང་ཐག་ནི། ས་གཞི་བསྟར་ཞིང་འཐས་པར་བྱས་ལ། སྟེང་དུ་ཐག་པ་གསུམ་གྱིས་ཤིང་སྟེགས་གཅིག་བཏགས་ཏེ། དེའི་སྟེང་དུ་རང་གི་རྐང་པ་འོག་ཏུ་བརྐྱངས་ནས་འདུག་པས། རྐང་པའི་བྲང་བས་ ཤིང་བུ་རིལ་པᨖ་ གཅིག་གི་སྟེང་དུ། ནོན་པར་བྱ། ལག་པ་གཉིས་ ཐག་པ་བསྟུངས་ནས་མདུན་ཕྱོགས་སུ་འགྲོ། བསྲིངས་ནས་རྒྱབ་ཕྱོགས་སུ་ འགྲོ༑ མདུན་གྱི་དཔྱང་ཐག་ལ་འཇུ་བའི་སྦྱོར་བ་བྱ་བའི་མན་ངག་གོ །འཕྲང་གཞུར་ནི། གཡས་གཡོན་གང་རུང་གཅིག་ཏུ་ཤིང་ཁྲུ་གང་བ་གཅིག་གམ། ཐོ་གཅིག་བཙུགས་ལ། དེའི་སྟེང་དུ་རྡོ་ལ་སོགས་པ་དཀར་པᨖ་གཅིག་བཞག །དེའི་ཡང་སྟེང་དུ་ནག་པᨖ་གཅིག་བཞག་ལ། དེ་དག་ལ་སྙུག་མ་ལ་སོགས་པས་གཞུར་ཏེ། མིག་མི་འཛུམ་པར་བྱས་ལ་བལྟ། དེས་ཀྱང་འཕྲལ་དུ་སེལ་གསུངས། བསམ་གཏན་གྱི་གེགས་བྱིང་རྒོད་བསལ་བའོ། །དེ་ནས་བོགས་འབྱིན་རྣམ་པ་བརྒྱད་ཀྱིས་བོགས་དབྱུང་བ་ནི། སྒྲིམ་ཀློད་གཉིས་རེས་འཇོག །དབྲི་བསྐྱེད་གཉིས་རེས་འཇོག་སྟེ་བཞི། ཁ་ཟས་རེས་འཇོག །སྤྱོད་ལམ་བག་ཡངས། སེམས་ཀྱི་གནད་སྣ་ཚོགས་སུ་འཕོ་བ། ཡུལ་ སྣ་ཚོགས་ཀྱི་བདུད་རྩི་བསྟེན་པ་སྟེ། རྣམ་པ་བརྒྱད་ཀྱིས་སེམས་ཉམས་དང་སྦྱར་ཏེ་བོགས་དབྱུང་ངོ༌། །དང་པᨖ་ལ་བཞི། ལུས་སེམས་གཉིས་ཀ་སྒྲིམ་པ་དང་ཐུན་དབྲི་བར་སྦྱར། ཀློད་པ་དང་བསྐྱེད་པ་ལ་སྦྱར་ལ། དང་པᨖར་ ཐུན་དང་པᨖ་ཐོ་རངས་བསྒྲིམས་ཏེ་ཐུང་ངུ་བྱ་བ་ལ་སོགས་པ་ཐུན་རེས་འཇོག་ཏུ་བྱ། དེ་ནས་ ཉི་མ་དང་པᨖར་བསྒྲིམས་ཏེ་ཐུང་ངུ་སོགས། ཉི་མ་རེས་འཇོག་ཏུ་བྱ། ཁ་ཟས་རེས་འཇོག་ཀྱང་ ཐུན་དང་པᨖ་ལ་ཁ་ཟས་མི་ཟ་བར་སྒོམ་པ་ལ་སོགས་པ་གོ་སླའོ། །ཐུན་དང་ཉི་མ་གཉིས་ཀ་ལ་ཆང་ལ་སོགས་པ་རེས་འཇོག་ཏུ་བྱའོ། །སྤྱོད་ལམ་བག་ཡངས་ཀྱི་བདུད་རྩི་བསྟེན་པ་གོ་སླ། སེམས་ཀྱི་གནད་སྣ་ཚོགས་སུ་འཕོ་བ་ནི། མདོ་སྡེ་དང་རྒྱུད་སྡེ་ལ་སོགས་པ་རྣམས་ལས་བསྒོམ་བྱར་གསུངས་པ་ཐམས་ཅད་ལ་རིམ་གྱིས་བསྒོམ་པས་བོགས་དབྱུང་བར་འགྱུར་བའོ། །ཡུལ་སྣ་ཚོགས་ཀྱི་བདུད་རྩི་བསྟེན་པ་ནི། གཟུགས་སྡུག་པ་རྣམས་ལ་ལོངས་སྤྱོད་པས་རྒྱུད་ཚིམ་པར་འགྱུར་ལ། དེའི་སྟོབས་ཀྱིས་རྟོགས་པ་བོགས་དབྱུང་བར་འགྱུར་རོ། །དེ་ལྟར་བོགས་འབྱིན་བརྒྱད་དོ། །དེ་ལྟ་བུའི་ཚུལ་གྱིས་བསྒོམ་པས་སེམས་ཉམས་ཀྱི་དྲོད་རྟགས་དབྱུང་བ་ནི། ཐོག་མར་སེམས་ གར་སྤྱིན་གྱི་ཕུང་པᨖ་ལ་ལག་པས་རེག་པ་བཞིན་དམིགས་པ་བཏང་དུ་མི་འདོད་པའོ། །གནས། དོན་གྱི་དེ་ཁོ་ན་ཉིད་ལ་ངེས་ཤེས་སྐྱེ། ཅུང་ཟད་ལེ་ལོ་ཆེ། བྱ་བ་གང་ལའང་འཇུག་སྙིང་མི་འདོད། བརྗེད་ངས། བྱ་བ་ཐམས་ཅད་ལ་ཐུག་འཕྲད་ཙམ་བྱེད། སྐབས་སྐབས་སུ་དྲན་པ་གསལ་པᨖ་ཁྱད་པར་ཅན་འབྱུང༌། ཁ་ཟས་ལ་ འདོད་པ་ཆུང༌། གཉིད་རིམ་གྱིས་སྤོང་བར་ནུས། ཉོན་མོངས་བློ་བུར་བ་དྲག་པᨖ་ཟློག །ཆོས་བརྒྱད་ཀྱི་རྣམ་པར་རྟོག་པའི་བློ་རགས་རིམ་ཟློག །རྨི་ལམ་མངོན་ཤེས་དང་འདྲ་བའི་གསལ་པᨖ་འབྱུང༌། ཕྱི་དང་ནང་གི་སྲིན་བུ་རིམ་གྱིས་སྤོང་ནུས། དེ་ཙམ་ན་ངན་སོང་དུ་མི་སྐྱེ་བའི་གདིང་ཐོབ་བོ། །མཐར་སྤྱོད་པས་འབྲས་བུ་དང་མཚམས་སྦྱར་བ་ནི། ཤིན་ཏུ་སྤྲོས་པ་མེད་པའི་སྤྱོད་པ་དབང་བཞི་པའི་ལམ་ཡིན་ཏེ། འདིའི་གོང་ན་བགྲོད་པར་བྱ་བའི་ལམ་གཞན་མེད་པས་འདི་ཟབ་པར་བཞེད་གསུངས། དེ་ཡང་གོང་དུ་བསྟན་པའི་ཚུལ་ལྟར་བསྒོམས་པའི་མཐར། སྤྲུལ་པའི་སྐུ་ཞིང་ལས་སྐྱེས་པའི་མཁའ་འགྲོ་མས། ཕྱག་རྒྱ་བུ་མོ་པདྨ་ཅན་ལ་སོགས་པ་ལུང་བསྟན་པར་བྱེད་དེ། ཧེ་བཛྲ་ལས། གནང་བ་རྙེད་གྱུར་སྔགས་པ་ལ། །རྣལ་འབྱོར་མ་ཡིས་བསྟན་པར་བྱ། །ཕྱག་རྒྱ་ཆེ་གེ་མོ་ཁྱེར་ལ། །སེམས་ཅན་དོན་གྱིས་རྡོ་རྗེ་འཛིན། །ཅེས་པའོ། །སློབ་དཔᨖན་འདིའི་བཞེད་པས་ལྷའི་བུ་མོ་ལ་སོགས་པ་ལ་ཡང་འགྲོགས་པའི་ནུས་པ་ཡོད་པར་བཞེད་པས། དེ་ལྟ་བུའི་ལུང་བསྟན་པའི་བུ་མོ་ལ་སོགས་ དང་པᨖ་ནས་གོམས་པའི་བུ་མོ་གྲུབ་པ་ཐོབ་པའི་རྣལ་འབྱོར་མ་ལའང་བརྟེན་དུ་འདོད་ནའང༌། འདིར་ལུང་བསྟན་པའི་བུ་མོ་གཙོ་ཆེ་བར་བཞེད་གསུངས། པ་ལ་བརྟེན་ནས་མཆོག་གི་དངོས་གྲུབ་མངོན་ཏུ་བྱེད་པའི་ཚེ། བདག་དང་ཕྱག་རྒྱ་གཉིས་པᨖར་རྣམ་སྣང་ བདག་མི་བསྐྱོད་པའི་རྣལ་འབྱོར་པ་ཡིན་ན། རྒྱུད་ཡོངས་སུ་དག་པའི་ཕྱག་རྒྱ་དེ་མ་མཱ་ཀིར་བསྐྱེད་པ་ལ་སོགས་སོ་སོར་སྦྱར། ལ་སོགས་པ་ལྷ་གང་ལ་མེ་ཏོག་ཕོག་པའི་ལྷའི་འདུ་ཤེས་སུ་བྱ། མཁའ་དང་གསང་བ་བྱིན་གྱིས་བརླབས་ཏེ་ སྔགས་ཀྱི་འདུ་ཤེས་སུ་བྱ། ཐབས་ཤེས་སྙོམས་པར་ཞུགས་པ་ལས་མཆོག་གི་དངོས་གྲུབ་མངོན་ཏུ་བྱ་སྙམ་པས་ཆོས་ཀྱི་འདུ་ཤེས་བྱས་ཏེ། དེ་ལྟར་འདུ་ཤེས་གསུམ་དང་ལྡན་པས་ཐབས་ཤེས་རབ་སྙོམས་པར་ཞུགས་པ་ལས། གཉིས་ཀའི་ སྒོ་དགུ་དང་བྲལ་བའི་རྩ་ལ་སོགས་པ། རྩ་གནས་ཐམས་ཅད་ནས་བྱང་ཆུབ་ཀྱི་སེམས་ཁམས་དགུའི་དྭངས་མ་རྣམས་རེ་ཞིག་སྤྱི་བོར་ཧྃ་གི་གནས་སུ་འདུ། དེ་ནས་ རྩ་གསུམ་འཛོམ་པའི་གནས། སོ་སོའི་རྩ་གསུམ་ནས་དབང་གི་གནས་སུ་འདུ་བའི་བར་དུ་ཡས་བབ་པའི་ ཐབས་ཀྱི་ཁམས་དྭངས་མ་ཐིག་ལེ་ཟླ་བས་དབང་དུ་བྱས། ཤེས་རབ་ཀྱི་ཁམས་དྭངས་མ་ཐམས་ཅད་རཀྟ་ཉི་མས་དབང་དུ་བྱས་ཏེ་འདུས་ནས། དགའ་བ་བཞི་ཉམས་སུ་མྱོང༌། དེ་ནས་གནས་མཆོག་གི་ཟེ་བར་ཐིག་ལེ་ཉི་ཟླ་གཟས་ཟིན་པའི་དུས་སུ། ཁམས་དྭངས་མ་དེ་རྒྱ་མཚོའི་ནང་གི་ཉི་མའི་དཀྱིལ་འཁོར་རམ། ཉི་མ་འཆར་ཀའི་འོད་ལྟར་ཁ་དོག་སྣ་ཚོགས་པ་མངོན་དུ་བྱེད་ལ། དེའི་ཚེ་འཁོར་འདས་ཀྱི་ཆོས་ཐམས་ཅད་ཐིག་ལེ་གཅིག་པᨖ་དེའི་ནང་དུ་ ལག་མཐིལ་གྱི་རི་མོ་བལྟ་བ་བཞིན། མཐོང་བར་འགྱུར། དེ་ཉིད་ལ་ས་བཅུ་གཉིས་པ་ཞེས་ཀྱང་མིང་ཐོབ་བོ། །རྒྱུའི་སྐད་ཅིག་མ་ཟག་བཅས་ཀྱི་བདེ་བ་ཞེས་ཀྱང་བྱའོ། །དེ་ནས་ཐབས་ཤེས་གཉིས་སོ་སོར་རྒྱུད་དག་པར་བྱ་བ་ནི། ཐབས་ཀྱིས་འདྲེན་པའི་བྱེ་བྲག་རིགས་གསུམ་གྱིས་གཡས་ནས་དྲངས། གཡོན་ནས་དྲངས། དབུས་མ་ནས་དྲངས། ཐབས་རྒྱུད་དག་པ། དེ་བཞིན་ཏུ་ཤེས་རབ་ཀྱིས་ཀྱང་དྲངས། ཤེས་རབ་ཀྱི་རྒྱུད་དག་པ། དེའི་མཐར་ གཉིས་ ཀའི་རྒྱུད་དག་པ། ཁམས་དགུའི་དྭངས་མར་གྱུར་པ་དེ་དལ་བར་རྒྱུ་བའི་རླུང་ཤིན་ཏུ་འབྱོངས་པར་གྱུར་པ་ཡིས་གཉིས་ཀའི་རྩ་དབུ་མ་ནས། ཡར་གྱེན་ལ་སྤྱི་བོའི་ཧྃ་གི་གནས་སུ་ འོད་ཟེར་གྱི་རྣམ་པར་གྱུར་ནས། ཐིམ་པར་གྱུར་ལ། དེའི་དུས་སུ་མས་བརྟན་པའི་དགའ་བ་བཞིའི་ཉམས་མྱོང་སྐྱེ་ལ། དེའི་མཐར་རླུང་སེམས་ཐམས་ཅད་དབུ་མར་ཐིམ་པས་རྒྱུད་གཉིས་དུས་གཅིག་ཏུ་གྲོལ་ཏེ། འབྲས་བུ་ས་བཅུ་གསུམ་པ་རྡོ་རྗེ་འཛིན་པའི་ཡེ་ཤེས་མངོན་ཏུ་བྱེད་པར་འགྱུར་རོ། །དེའང་གཞུང་ལས། དལ་བར་རྒྱུ་བའི་རིག་པ་ རླུང་འབྱོངས་ནས། ཡིས། །བྱེ་བྲག་གསུམ་དུ་ སོ་སོའི་རྩ་གསུམ། འདྲེན་པར་བྱེད། །སྲོལ་ གཉིས་ཀའི་དབུ་མ། གོང་རྡོ་རྗེའི་སྦུ་གུ་རུ། །ངེས་པར་འདྲེན་པ་ གོང་ན་མེད་པ། ལམ་གྱི་མཆོག གོང་འདྲེན་ན། །དྭངས་མའི་བདུད་རྩིས་ཤིན་ཏུ་གང༌། །གཉིས་ཀའི་རྩ། གསུམ་ནས་བྱུང་ཞིང་ ཕན་ཚུན་ཏུ། གསུམ་སོ་སོའི་རྩ་གསུམ་དང་འདྲེས། །འཁོར་འདས་ཐིག་ལེའི་ནང་དུ་མཐོང༌། ཡོན་ཏན་རྫོགས་ཤིང་མངོན་ཤེས་འཆར། །ཞེས་བྱུང་བ་ལ་སོགས་པའི་དོན་ཏེ། ལམ་དུས་སུ་ཏིང་ངེ་འཛིན་བསྐྱེད་ཅིང་སྦྱངས་པའི་ཚུལ་བསྟན་ཟིན་ཏོ། །གསུམ་པ་འབྲས་བུ་ནི། སློབ་དཔᨖན་འདིས་སྐུ་གསུམ་ཡན་ལག་བདུན་ལྡན་ཏུ་བཞེད་དེ། དེའང་ཆོས་ཀྱི་སྐུ་ལ་རང་བཞིན་མེད་པའི་ཡན་ལག་གཅིག་ནི། དབྱིངས་དང་ཡེ་ཤེས་གཉིས་སུ་མེད་པ་ཡིན་ལ། གཞུང་ལས། གཉིས་མེད་རྒྱ་མཚོ་དམ་པ་ཉིད། །ཅེས་བྱ་བ་དང༌། ཡེ་ཤེས་རྒྱ་མཚོ་དམ་པ་ཉིད། །ཅེས་བྱ་བས་བསྟན་ཏོ། །ལོངས་སྤྱོད་ རྫོགས་པའི་སྐུ་ཡན་ལག་གསུམ་གྱིས་བསྡུས་ཏེ། ཟག་མེད་ཀྱི་བདེ་བས་ཚིམས་པ་ཁྱད་པར་ཅན་དང་ལྡན་པས་བདེ་ཆེན་གྱི་ཡན་ལག་སྟེ། དེ་ཡང༌། བདེ་བའི་དབང་ཕྱུག་ལྟ་བུར་གཞན། །ཞེས་བྱ་བ་དང༌། ཀུན་ཏུ་འདོད་ཆགས་ཆགས་ཆེན་ལས། །ཞེས་པས་བསྟན་ཏོ། །རང་གི་ ལམ་བསྐྱེད་རྫོགས་ལ་མཉམ་རྗེས་གཉིས་འདོད་ཡོན་མ་སྤངས་པས་འབྲས་བུ་འདོད་ཡོན་གྱི་སྣང་བ་མི་འགགས་པ། ཡེ་ཤེས་ཀྱི་སྣང་བར་གྱུར་པའི་ཡུམ་དང་བཅས་པའི་ཁ་སྦྱོར་གྱི་ཡན་ལག ༑མཚན་དཔེ་འབར་བས་ལོངས་སྤྱོད་རྫོགས་པའི་ཡན་ལག་གོ །སྤྲུལ་པའི་སྐུ་ཡང་ཡན་ལག་གསུམ་ལྡན་ཏེ། རྒྱུའི་ཡན་ལག་ སེམས་ཅན་སུ་ནི་འདུལ་བའི་དུས་ལ་བབ། སུ་ནི་མ་བབ་ཅེས་པའི་ཚུལ་གྱིས་རྟག་ཏུ་གཟིགས་པ། སྙིང་རྗེས་ངེས་པར་གང་བ། འབྲས་བུའི་ཡན་ལག་ལས་ དོན་བྱ་རྒྱུའི་སེམས་ཅན་རྒྱུན་མི་འཆད་པས་དོན་མི་བྱེད་པ་མི་སྲིད་པ། དགག་ཕྱོགས་ཀྱི་ཡན་ལག་འགོག་པ་མེད་པ་དང༌། སྒྲུབ་ཕྱོགས་ཀྱི་ཡན་ལག་ འདུལ་བྱེད་རྒྱུན་མི་ཆད་པས་དོན་བྱེད་པ་ཁོ་ནའོ་གསུངས། རྒྱུན་མི་འཆད་པའོ། །དེའང་གཞུང་ལས། འཇིག་རྟེན་ཁམས་ནི་ཐམས་ཅད་ཀྱི། །མཐའ་ཡས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་སྐོར་བས་སོ། །ཞེས་བྱ་བ་ལ་སོགས་པས་བསྟན་ཏོ། །འབྲས་བུ་ཡེ་ཤེས་ཀྱི་དབང་དུ་བྱས་པ་བསྟན་ཟིན་ཏོ། །དེ་ལྟར་ཚིག་ཉེ་བར་བསྡུ་བ་འདི་དག་གིས་བསམ་གྱིས་མི་ཁྱབ་པ་རྣམ་པ་ལྔ་ལ་བརྟེན་ཏེ་ལམ་ཡོངས་སུ་རྫོགས་པའི་གདམས་ངག་གོ །ས་མཱཔྟ་མི་ཐཱི། ༈ །བསམ་གྱིས་མི་ཁྱབ་པ་རྣམ་པ་ལྔ་ལས། ཡོན་ཏན་ བསམ་གྱིས་མི་ཁྱབ་པའི་སྐབས་སུ། ངོ་བོ་ཉིད། ལམ་གྲུབ་མཐའ་ལ་སོགས་པ་སྣ་ཚོགས་སུ་སྣང་ཡང༌། ཆོས་ཉིད་རང་གི་ངོ་བོ་ལས་མི་གཡོ་བར་ཐམས་ཅད་ལ་ཐ་དད་པར་བསྟན་པ། ཐེག་པ་ཆེན་པᨖའི་མདོ་ལས། སྣང་བྱེད་མཁའ་ལས་མ་གཡོས་ཀྱང༌༑ ༑མཐུན་སྣང་རི་བོའི་ཕག་ཏུ་འགྱུར། །རླུང་གི་ཤིང་རྟས་དྲངས་ཤིང་བསྐྱོད། །ངེས་པར་ རང་རེའི་རིའི་རྩེ་མོ་ཁོ་ན་ནས་འཆར་བས། རྟོགས་ཀྱང་དེ་ལྟར་མིན། །རང་བཞིན་ སེམས་ངོ་བོ་ཉིད། དབྱིངས་ལས་མ་གཡོས་ཀྱང༌། །རྣམ་རྟོག་རི་བོའི་ཕག་ཏུ་འགྱུར། །རྟོག་པ་ རང་རང་གི་གཞུང་ལུགས་ཀྱིས་བསྐྱེད་པའི་ རླུང་གིས་དྲངས་ཤིང་བསྐྱོད། །ངེས་པར་ རང་རང་གི་གྲུབ་མཐའ་བདེན་པ། རྟོགས་ཀྱང་དེ་ལྟར་མིན། །ཞེས་གསུངས་སོ། །ལྟ་བ་ངོ་བོ་ཉིད་ཀྱི་སྐབས་སུ། མེད་པ་རྣམ་པ་དྲུག་ཏུ་གནས་ཏེ། རྒྱུ་དངོས་པᨖའི་ཆོས་ཉིད་ལ་སེམས་མ་གྲུབ་པས་ རྒྱུ་ཡིས་བསྐྱེད་པ་མེད། རྐྱེན་གྱིས་འཇིག་པ་མེད། དེས་འགྲེ། དཔེས་མཚོན་དུ་མེད། སེམས་ལ་ཆ་ཤས་མེད་པས་ གཉེན་པᨖས་སྤང་བླང་མེད། ངོ་བོ་ཉིད་སྦྱངས་པས་བཟང་དུ་མི་འགྲོ་བས་ ལམ་གྱིས་སྦྱང་དུ་མེད། འཁོར་འདས་ཀྱི་ཆོས་ལ་ཁྱད་པར་མེད་པས་ འབྲས་བུ་ལ་རེ་དོགས་མེད་དོ། །རྣལ་འབྱོར་པའི་ལམ་ཉམས་སུ་ལེན་པའི་དུས་ན་ ཞེན་ནམ་སྒྲོ་བཏགས་ན། ཡོད་པ་རྣམ་པ་དྲུག་གིས་ བྱིང་རྒོད་ཀྱི་རྐྱེན་གྱིས་འཇིག །གཟུགས་བརྙན་སོགས་ཀྱིས་མཚོན། རྟོག་པ་སྤངས་ཤིང་མི་རྟོག་པ་སྐྱེ། བོགས་འབྱིན་གྱིས་གོང་ནས་གོང་དུ་སྦྱང་དུ་རུང༌། རྟུན་པ་ཅན་ཚེ་གཅིག་གིས་འབྲས་བུ་ཐོབ། འབྲིང་བར་དོར། ཐ་མ་སྐྱེ་བ་བདུན་ནམ་བཅུ་དྲུག་ཚུན་ཆད་ཀྱིས་ཐོབ་ཏུ་ཡོད་པས་ ཉམས་སུ་ལེན་དགོས་ཏེ། རྒྱུ་ཡིས་ ཉམས་མྱོང་དབང་གསུམ་པ་སོགས་ཀྱིས། བསྐྱེད་པ་ཡོད་ཅེས་བྱ་བ་ལ་སོགས་བྱའོ། །གཞན་ཡང་ དུས་གསུམ་དུ་མི་འགྱུར་བས་ན། དེ་བཞིན་ཉིད། མ་བཅོས་པའི་དོན་གྱིས་ན་ དངོས་པᨖའི་གནས་ལུགས། ཡེ་ནས་གནས་པས་ན་ སྔོན་དུ་གྲུབ་པའི་ཆོས་ཉིད། འཁོར་འདས་ཐམས་ཅད་ལ་བཟང་ངན་མེད་པར་ཁྱབ་པའི་དོན་གྱིས་ན་ རང་བཞིན་ལྷན་ཅིག་སྐྱེས་པའི་ཡེ་ཤེས། འཁོར་འདས་ཀྱི་འབྲས་བུ་བྱེད་པ་ཡིན་པས་ན་ སློབ་དཔᨖན་སེམས་ཀྱི་རྒྱལ་པᨖའོ། །ཡང་དེ་རྟོགས་བྱའི་ཡེ་ཤེས། དེ་བཞིན་ཉིད་རྟོགས་པ་ལ་སོགས་པ་ལ་རིམ་གྱིས་སྦྱར། རྟོགས་པའི་ལྟ་བ། སོ་སོ་རང་རང་གི་རིག་པ། ཆོས་ཉིད་ཚུལ་བཞིན་ཡིད་ལ་བྱེད་པ། རྣལ་འབྱོར་ འདི་ནས་ལམ་སྣ་ཟིན་པས་གསུངས། པའི་ས་དང་པᨖའོ། །དེ་དག་ཐམས་ཅད་མིང་གི་རྣམ་གྲངས་སོ། །ཤུ་བྷྃ། ༈ །བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ། །སློབ་དཔᨖན་འདིའི་ལུགས་ཀྱི་ལོག་གནོན་རྣམ་པ་ལྔ་སྟེ། འཁོར་ལོ་ལྟར་བསྐོར་བ། དྲུ་གུ་ལྟར་དྲིལ་བ། བུ་ག་མང་པᨖའི་སྦྱོར་བ། སྟེང་འོག་གི་འཁོར་ལོ་མེད་པ་ལ་བསླབ་པ། རབ་ཏུ་དམའ་བའི་སྦྱོར་བ་ལ་བསླབ་པའོ། །དང་པᨖ་ནི། ལུས་ཁེངས་པ་སྙམ་བྱེད་ཅིང་ན་བ་ལ་སོགས་པ་བྱུང་ན། ལྟེ་བའི་གནས་སུ་འཁོར་ལོ་རྩིབས་བརྒྱད་སེར་པᨖ་གཅིག་བསམས་ལ། འཁོར་ལོ་དེ་དང་པᨖ་གཡས་སུ་འཁོར་བར་བསྒོམ། དེས་མ་བདེ་ན་གཡོན་ཏུ་འཁོར་བར་བསྒོམ། དེ་ལྟར་འཁོར་བར་ཇེ་ཆེ་ཇེ་ཆེར་སོང་བས་ལུས་ཀྱང་ཇེ་ཆེར་སོང་བར་བསྒོམ། དེས་ཤིན་ཏུ་ཆེར་སོང་བར་སྙམ་བྱེད་ན། འཁོར་ལོ་བློས་བཏང་ལ། ལུས་ནང་སྟོང་པ་དེ་ནམ་མཁའ་ ལ་དེངས་ཤིང་ཡས་ཏེ་མེད་པར་བསམ། དེས་འཕྲལ་དུ་སྐྱོན་ལས་གྲོལ་ལོ། །གཉིས་པ་ནི། སྙིང་ག་ལ་སོགས་པའི་ལུས་ཁོལ་བུར་དམིགས་ཀྱིས་ན་བ་བྱུང་ན། གང་ན་ས་དེར་བུ་ག་གཅིག་སེང་གིས་བྱུང་བར་བསམས་ལ། དེ་ནས་དབུགས་ཕྱིར་དྲག་ཏུ་བཏང་ཞིང༌། སེམས་ཀྱིས་རླུང་ཁ་དོག་སྔོན་པᨖ། སྦོམ་ཕྲ་རྟ་རྔ་ཚད་ཙམ་གཅིག་བྱུང་ནས་ཕྱི་རོལ་ཏུ་ཁྲུ་གང་པ་ཧྲིལ་ལི་ལི་འདྲིལ་བར་བསམ། དེ་ནས་ཅུང་ཞིག་དམིགས་པ་དེ་བློས་དོར། དེ་ནས་ཡང་བུ་ག་དེ་ཆེར་སོང་ནས་རླུང་ཡང་སྔར་བས་སྦོམ་དུ་སོང་བར་དམིགས་ཏེ། སྐུད་པའི་ཚད་ཙམ་ནས་ཐག་པའི་ཚད་ཙམ་གྱི་བར་དུ་སོང་བར་དམིགས་པ་སྔར་བཞིན་ཏུ་དྲིལ་བར་བསམ། དེས་འཕྲལ་དུ་སྐྱོན་ལས་གྲོལ་ལོ༑ ༑གསུམ་པ་ནི། ལུས་ཐམས་ཅད་ཁྱབ་པར་ན་ན། ལུས་ཐམས་ཅད་ལ་ཚགས་སའི་མིག་བཞིན་ཏུ་བུ་ག་མང་པᨖ་བྱུང་སྟེ། དེ་དག་ཐམས་ཅད་ནས་རླུང་ཕྱིར་སྔོ་བུན་བུན་འགྲོ་བར་བསམས་ཤིང་། དབུགས་ཕྱིར་དྲག་ཏུ་བུས་ལ་བཏང༌། སྐྱོན་འཕྲལ་དུ་སེལ། ཁམས་ལ་ཅུང་ཞིག་གནོད་གསུངས། བཞི་པ་ནི། ལུས་ཀྱི་སྟོད་དུ་ན་ཞིང་མི་བདེ་ན། མགྲིན་པ་ཡན་ཆད་ཧན་དང་དུ་སྟོང་པར་བསམས་ལ། དེ་ནས་ཡར་རླུང་སྔོ་བུན་བུན་འགྲོ་བར་བསམ་ ཞིང་༑ དབུགས་ཕྱིར་དྲག་ཏུ་བཏང༌། ལུས་ཀྱི་སྨད་དུ་ན་ཞིང་མི་བདེ་ན། སྨད་ཉིད་ཧན་དང་སྟོང་པར་བསམས་ལ། དེ་ནས་མར་རླུང་ཐུར་ལ་ དེས་གལ་ཏེ་ཐུར་དུ་འགྱུ་ན་འོག་རླུང་དྲག་ཏུ་བསྐུམ་པས་ཆད་གསུངས། སྔོ་བུན་བུན་འགྲོ་བར་བསྒོམ། དེ་དག་གིས་འཕྲལ་དུ་སྐྱོན་ལས་གྲོལ་ལོ། །ལྔ་པ་ནི། མཆོང་རྒྱུག་ལ་སོགས་པ་དུ་མ་བྱུང་ན། རང་གི་འདུག་སའི་འོག་དེ་དོང་ལྟ་བུ་ཤིན་ཏུ་དམའ་བར་བསམས་ཏེ། དེ་ནས་མར་རང་གི་ལུས་བྱིང་བར་བསམ། དེས་ མི་སེལ་མི་སྲིད་གསུངས། ལོག་གནོན་རྣམ་པ་ལྔའི་མན་ངག་ས་མཱཔྟ་མི་ཐཱི། །སརྦ་མངྒ་ལཾ།། །།

[edit]

There are 3 subtexts included in this text

1 105-121	བསམ་མི་ཁྱབ་ཀྱི་གདམས་ངག། bsam mi khyab kyi gdams ngag Spiritual Instructions - gdams ngag	Text page View PDF
	རྗེ་བཙུན་གྲགས་པ་རྒྱལ་མཚན་ (Rje btsun grags pa rgyal mtshan)

2 121-125	སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས། slob dpon tog rtse pa'i lam bsam gyis mi khyab pa lnga'i lo rgyus History Texts - lo rgyus	Text page View PDF
	རྗེ་བཙུན་གྲགས་པ་རྒྱལ་མཚན་ (Rje btsun grags pa rgyal mtshan)

3 125-149	སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ། slob dpon tog rtse pas mdzad pa'i bsam mi khyab kyi gdams pa gsal bar byed pa Spiritual Instructions - gdams ngag	Text page View PDF
	རྗེ་བཙུན་གྲགས་པ་རྒྱལ་མཚན་ (Rje btsun grags pa rgyal mtshan)