ཡོན་པོ་བསྲང་བའི་ཁྲིད་ཡིག།

Previous TextNext Text

Wylie title	yon po bsrang ba'i khrid yig	Rigpe Dorje Publications, 2024
Location	gdams ngag rin po che'i mdzod Volume 18, Text 10, Subtext 47, Pages 317-318 (Folios 60a3 to 60b2)
Author	ཀུན་དགའ་གྲོལ་མཆོག་
Citation	Kun dga' grol mchog. Yon po bsrang ba'i khrid yig. In Gdams ngag rin po che'i mdzod, Vol. 18: 317-318. Kalimpong: Rigpe Dorje Publications, 2024.
Side notes	Recto: zab khrid   Verso: jo nang khrid brgya skor
More details More details
Genre	Contemplative Guide Books and Instructional Manuals - khrid yig
Colophon	རྗེ་བཙུན་གྲགས་པའི་ཁྲིད་དཔེ་ལས་བཏུས་སོ།
	rje btsun grags pa'i khrid dpe las btus so/

Tibetan Text

[edit]

(༤༧) །ཡོན་པོ་བསྲང་བའི་ཁྲིད་ཡིག །ལམ་སྐོར་ཕྱི་མ་ཡོན་པོ་བསྲང་བའི་ཁྲིད་ནི། སྐྱབས་སེམས་སྔོན་དུ་སོང་ནས། སྟན་ལ་བསྡད། ཡི་དམ་དྲན་པར་བྱ། འཁྲུལ་འཁོར་བཅའ། ལག་པ་ཁུ་ཚུར་པུས་མོའི་སྟེང་དུ་བཞག །མིག་གྱེན་ལ་བཟློག །ལྕེ་སྐན་ལ་སྦྱར། སོ་བསྒྲིག་ལ་ཁ་བགྲད། སྟེང་རླུང་འོག་རླུང་ཁ་སྦྱར་ལྟོ་བ་དྲག་ཏུ་ཚིགས་པ་ལ་གཅེར། ལག་པ་པུས་མོའི་སྟེང་ནས་ཡར་རིམ་གྱིས་གྲུ་མོ་པུས་མོ་ལ་སླེབ་སླེབ་བཏང༌། ལུས་ཉྭ་སུལ་བསྒྲིམ། ཅུང་ཟད་འདར་བ་ཙམ། རླུང་འཆིང༌། དེ་ལྟ་བུ་ཐུན་གྲངས་དང་ཐུན་ཚད་མེད་པར་བྱས་ན་ཅི་ཞིག་ཙམ་ན་ལུས་ཀྱི་འཁྲུལ་འཁོར་བྱས་མ་ཐག་ཏུ་གསལ་སྟོང་གི་ཏིང་ངེ་འཛིན་དུ་འགྲོ་བ་བྱུང་ན་མཐར་ཕྱིན་པ་ཡིན་པས་བརྟན་པར་བྱ་བའི་ཕྱིར་ལག་པ་གཡོན་ཁུ་ཚུར་སྙིང་གར་བཞག །གཡས་པ་ཁུ་ཚུར་ཕྱར། རླུང་ཁ་སྦྱར། ཡང་དེ་ལས་ལྡོག་ཏེ་གཡོན་པ་ཕྱར། ཡང་གཡས་གཡོན་གཞུ་འགེངས་པའི་ཚུལ་དུ་བྱས། ཡང་ལག་པ་གཉིས་ནམ་མཁའ་ལ་ཕྱར། ཁུ་ཚུར་བཅིངས་ལ་ཡང་སྙིང་གར་བསྣོལ་བཞིན་བསྒོམ། དེ་ལྟར་འཁྲུལ་འཁོར་གང་བཅིངས་ཀྱང་བརྗོད་བྲལ་ཏིང་ངེ་འཛིན་རྒྱུད་ལ་སྐྱེ་བ་མཐར་ཕྱིན་པའི་ཚད་ཡིན་ནོ༑ ༑རྩ་ཐིག་རླུང་ཀུན༵་དག༵འ་བཞིའི་གནས། །དབུ་མར་འཆིང་གྲོལ༵་མཆོ༵ག་སྟོན་པའི། །མྱུར་བདེའི་སངས་རྒྱས་ཉེ་ལམ་གྱི། །གནད་འདོམས་སྙིང་པོ་ཡི་གེར་བྲིས། །རྗེ་བཙུན་གྲགས་པའི་ཁྲིད་དཔེ་ལས་བཏུས་སོ།