རང་སྟོང་གི་ལྟ་ཁྲིད།

Previous TextNext Text

Wylie title	rang stong gi lta khrid	Rigpe Dorje Publications, 2024
Location	gdams ngag rin po che'i mdzod Volume 18, Text 10, Subtext 24, Pages 251 (Folios 27a2 to 27a6)
Author	ཀུན་དགའ་གྲོལ་མཆོག་
Citation	Kun dga' grol mchog. Rang stong gi lta khrid. In Gdams ngag rin po che'i mdzod, Vol. 18: 251. Kalimpong: Rigpe Dorje Publications, 2024.
Side notes	Recto: zab khrid   Verso: jo nang khrid brgya skor
More details More details
Genre	Contemplative Guide Books and Instructional Manuals - khrid yig
Colophon	པ་ཚབ་ཀྱི་ཁྲིད་དཔེ་ལས་བཏུས་སོ།
	pa tshab kyi khrid dpe las btus so/

Tibetan Text

[edit]

(༢༤) །རང་སྟོང་གི་ལྟ་ཁྲིད། རང་སྟོང་གི་ལྟ་ཁྲིད་ནི། སྐྱབས་སེམས་སྔོན་དུ་སོང་ནས༑ གཞི་དབུ་མ་ཐ་སྙད་སྣང་ཙམ་དགེ་མི་དགེ་ཕྲ་ཞིང་ཕྲ་བ་ནས་ཉམས་སུ་ལེན། མཉམ་གཞག །འགག་མེད། སྐྱེ་མེད། ཆད་མེད། རྟག་མེད། འོངས་མེད། འགྲོ་མེད། ཐ་དད་མིན། གཅིག་མིན། སྤྲོས་པའི་མཐའ་བརྒྱད་དང་བྲལ་བ། རྗེས་ཐོབ་སྒྱུ་མ་ལྟ་བུ་ཡུན་རིང་དུ་བསྒོམ། གོམས་ན་སྟོང་པ་ཉིད་ཀྱི་སྒྲ་ཐོས་པའི་དུས་སུ་ཡིད་བདེ་ཆེན་པོ་འབྱུང་ཞིང་ལུས་ཀྱི་བ་སྤུ་ལྡང༌། མིག་མཆི་མ་འཁྲུགས། ཐེག་པ་ཆེན་པོའི་རིགས་སད། གནད་དོན་མངོན་སུམ་དུ་རྟོགས། སྤང་བྱ་ཉོན་མོངས་པ་ལས་གྲོལ། ཉམས་ལེན་སྤྲོས་བྲལ་ལ་འཛིན་མེད་ཞེན་མེད་དུ་སྐྱོང༌། ལུས་ངག་གི་དགེ་སྦྱོར་གཙོ་བོར་མི་བྱ། སྤྲོས་བྲལ་གྱི་དོན་ལ་བརྟན་པ་མ་ཐོབ་ན། ལུས་ངག་གི་དགེ་སྦྱོར་གཙོ་བོར་བྱེད་དགོས། མཐར་འཛིན་སྤྲོས་པའི་ཚོགས་རྣམ་ཀུན༵། །སྤྲིན་བྲལ་མཁའ་བཞིན་དག༵འ་སྤྲོའི་ངང༌། །དེ་ཡང་རང་གྲོལ༵་འཛིན་བྲལ་བའི། །མཆོ༵ག་གི་ལྟ་ཁྲིད་ཡི་གེར་བཀོད། །པ་ཚབ་ཀྱི་ཁྲིད་དཔེ་ལས་བཏུས་སོ།