DNZ-06-CHA-015

Previous Text Back to Volume PageNext Text

Wylie title		Rigpe Dorje Publications, 2024
Location	gdams ngag rin po che'i mdzod Volume 6, Text 15, Pages (Folios to )
Author	འཇམ་མགོན་ཀོང་སྤྲུལ་
Citation
Side notes
More details More details
Genre

Tibetan Text

[edit]

༄༅། །ངག་དབང་གྲགས་པའི་ཕྱག་རྒྱ་ཆེན་པᨖ་ཡི་གེ་མེད་པའི་ཁྲིད་ཡིག་བཀྲ་ཤིས་དཱུརྦའི་མྱུ་གུ་ཞེས་བྱ་བ་བཞུགས་སོ། །

ན་མོ་གུ་རུ་བཛྲ་དྷ་ར་པཱ་དཱ་ཡ། འཇིགས་བྲལ་ངག་གི་དབང་ཕྱུག་དང༌། །དབྱེར་མེད་རྗེ་བཙུན་གོང་མ་ལྔ། །གཅིག་བསྡུས་མཁྱེན་བརྩེའི་དབང་པᨖར་འདུད། །ཡི་གེ་མེད་པའི་ཁྲིད་རིམ་དགོད། །ལམ་སྐོར་ཕྱི་མ་བརྒྱད་ཀྱི་ནང་ཚན་སློབ་དཔᨖན་ངག་གི་དབང་ཕྱུག་གྲགས་པས་མཛད་པའི་ཕྱག་རྒྱ་ཆེན་པᨖ་ཡི་གེ་མེད་པའི་ཁྲིད་རིམ་འཆད་པ་ལ་གཉིས། གང་ལས་བརྒྱུད་པའི་ཁུངས་སྨོས་པ། དེ་ལས་བརྒྱུད་པའི་གདམས་ངག་དངོས་བཤད་པའོ། །དང་པᨖ་ནི། བི་ཀྲ་མ་ལ་ཤཱི་ལའི་ནུབ་སྒོ་སྲུང་བའི་པཎྜི་ཏ་ཆེན་པᨖ་རྗེ་བཙུན་སྒྲོལ་མས་དངོས་སུ་རྗེས་སུ་བཟུང་ཞིང་མཐར་དཔལ་ལྡན་འཁོར་ལོ་སྡོམ་པའི་ཡེ་ཤེས་ཀྱི་སྐུ་གྲུབ་པ་འཇིགས་བྲལ་གྱི་སློབ་དཔᨖན་ཆེན་པᨖ་ངག་གི་དབང་ཕྱུག་གྲགས་པས་ཡན་ལག་བདུན་པ་དང་བཞི་པ་སྣང་བར་བྱེད་པ་ལ་སོགས་པའི་བསྟན་བཅོས་མང་དུ་མཛད་པ་དེ་རྣམས་དང༌། སློབ་དཔᨖན་ཌོམྦི་ཧེ་རུ་ཀས་མཛད་པའི་བདག་མེད་མའི་སྒྲུབ་ཐབས་བདུད་རྩིའི་འོད་རྣམས་ཀྱི་གནད་ཀྱི་ཉམས་ལེན་སྙིང་པᨖ་བསྡུས་པ་གདམས་ངག་འདི་ཉིད་མཛད་པར་གསུངས་སོ། །བརྒྱུད་པའི་རིམ་པ་ནི༑ རྗེ་བཙུན་འཕགས་མ་སྒྲོལ་མ་ལས་ངག་གི་དབང་ཕྱུག་གྲགས་པས་གསན། དེ་ལས་སློབ་དཔᨖན་དེ་བཱ་ཀ་ར་ཙནྡྲས་གསན། དེ་གཉིས་ཀ་ལས་ཇོ་བོ་ཨ་མོ་གྷ་བཛྲས་གསན། དེ་ནས་རིམ་བཞིན་འབྲོག་མི་ལོ་ཙཱ་བ། བླ་མ་སེ་མཁར་ཆུང་བ། ཆོས་རྗེ་དགོན་པ་བ། རྗེ་བཙུན་ས་སྐྱ་པ་ཁུ་དབོན་ནས་རིམ་པར་བརྒྱུད་དེ། མདོ་སྔགས་དམ་པའི་ཆོས་ཀྱི་བདུད་རྩིའི་ཀླུང་རྒྱུན་གཅིག་ཏུ་འཁྱིལ་བ་རྗེ་བླ་མ་རིན་པᨖ་ཆེ་འཇམ་དབྱངས་མཁྱེན་བརྩེའི་དབང་པᨖའི་ཞལ་སྔ་ནས་ནོས་པའོ། །གཉིས་པ་གདམས་ངག་དངོས་ཀྱི་ཐོག་མར་མཁའ་འགྲོའི་བྱིན་རླབས་བྱ་བའི་ཚུལ་ཡོད་པ་དེའི་རྒྱུན་དེང་སང་མི་བཞུགས་ཀྱང་། བདག་མེད་མའི་དབང་དང་བྱིན་རླབས་ཀྱིས་གོ་ཆོད་པ་ཡིན་པས་ སྔར་མ་ཐོབ་ན་སྐབས་འདིར་བྱ་དགོས་སོ། །གདམས་ངག་ཁྲིད་རིམ་དངོས་ལ་གསུམ། དང་པᨖ་ཤེས་པར་བྱ་བའི་དོན་བཤད་པ། བར་དུ་བསྒོམ་པར་བྱ་བའི་ལམ་བསྟན་པ། མཐར་འབྲས་བུ་ཐོབ་པའི་ཚུལ་སྨོས་པའོ། །དང་པᨖ་ནི། ཕྱག་རྒྱ་ཆེན་པᨖ་ཞེས་བྱ་བའི་དོན་ཇི་ལྟར་ཡིན་ན། ཕྱག་རྒྱ་ནི། རྒྱལ་པᨖ་ལ་སོགས་པའི་བཀའ་རྟགས་ཀྱིས་རྒྱས་འདེབས་པ་ལྟར། འདིས་འཁོར་འདས་ཀྱི་ཆོས་ཐམས་ཅད་ལ་རྒྱས་འདེབས་པའི་ཕྱིར་དང༌། ཆོས་གོས་ལ་སོགས་པའི་རྟགས་མཚན་གྱིས་སོ་སོའི་བྱེ་བྲག་མཚོན་པ་ལྟར། འདིས་འཁོར་འདས་ཀྱི་གནས་ལུགས་མཚོན་པའི་ཕྱིར་དང༌། རྒྱལ་པᨖའི་བཀའ་རྒྱས་བཏབ་པ་ལ་འབངས་རྣམས་འདའ་བར་མི་ནུས་པ་ལྟར། འཁོར་འདས་ཀྱི་ཆོས་ཐམས་ཅད་འདི་ལས་མི་འདའ་བའི་ཕྱིར་ཏེ། ནམ་མཁའ་མཛོད་ཀྱིས་ཞུས་པའི་མདོ་ལས་རྒྱས་པར་འབྱུང་བ་བཞིན་ནོ། །ཆེན་པᨖ་ནི་ཆོས་འདིའི་གོང་ན་གཞན་མེད་པའི་དོན་ཏེ། གསང་བ་གྲུབ་པར། བཞི་པ་གོང་ན་མེད་པའི་རྒྱུད། །མངོན་པར་བྱང་ཆུབ་བྱེད་པ་པᨖ། །ཕྱག་རྒྱ་ཆེན་པᨖ་རྣམ་སྒོམ་པ། །དེ་ཡི་གོང་ན་གཞན་མེད་པའོ། །ཞེས་པ་ལྟར་རོ། །གཞན་ཡང་ཕྱག་ཆེན་ཐིག་ལེ་སོགས་ལས་མཚན་གྱི་དོན་མང་དུ་གསུངས་ཤིང༌༑ དུས་འཁོར་གྱི་དཀའ་འགྲེལ་པདྨ་ཅན་ལས། ཕྱག་རྒྱ་ཞེས་བྱ་བ་ནི། འདས་དང་མ་བྱོན་ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་སྐྱེད་པར་མཛད་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ལ། རབ་ཏུ་ མི་གནས་པའི་མྱ་ངན་ལས་འདས་པའམ་མི་འཕོ་བའི་བདེ་བས་བདེ་བ་ལ་རྒྱས་བཏབ་པས་ན་ཕྱག་རྒྱ་སྟེ། ལས་ཀྱི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱ་ལས་ཁྱད་པར་དུ་གྱུར་པ་དང༌། འཁོར་བའི་བག་ཆགས་དང་བྲལ་བར་འགྱུར་བས་ཆེན་མོའོ། །ཞེས་བཤད་དོ། །མཚན་གྱི་རྣམ་གྲངས་ཀྱང་དོན་དམ་པའི་དེ་ཉིད། བླ་ན་མེད་པའི་ཡེ་ཤེས། ཀུན་ཏུ་བཟང་པᨖ། ཕྱག་རྒྱ་ཆེན་པᨖ། ཆོས་ཀྱི་སྐུ་རྣམས་དོན་གཅིག་ཡིན་པ་ཨིནྡྲ་བོ་དྷིས་ཡེ་ཤེས་གྲུབ་པར་གསུངས་སོ། །འདིའི་ངོ་བོ་ནི། གང་དུའང་མི་གནས་ཤིང་མཚན་ཉིད་ཐམས་ཅད་དང་གདོད་ནས་བྲལ་བ་ཀུན་ལ་ཁྱབ་པ་ནམ་མཁའ་ལྟ་བུའི་རང་བཞིན་ཏེ་དབྱེ་བ་བཞིའོ། །དེ་ལ་དབྱེ་ན་གསུམ། རྒྱུ་དང་། ལམ་དང་། འབྲས་བུའི་ཕྱག་རྒྱ་ཆེན་པᨖའོ། །དང་པᨖ་རྒྱུའམ་གཞིའི་ཕྱག་ཆེན་ནི། སྤྱིར་ཆོས་ཐམས་ཅད་ཀྱི་ཆོས་ཉིད་གདོད་ནས་སྤྲོས་པ་ཐམས་ཅད་དང་བྲལ་བ་རང་བཞིན་གྱིས་འོད་གསལ་བའི་སྟོང་པ་ཉིད་འཁོར་འདས་ཀུན་གྱི་ཁྱབ་བདག་ཏུ་གྱུར་པ་དང༌། བྱེ་བྲག་ཏུ་གསལ་ཞིང་དྭངས་ལ་ངོས་བཟུང་མེད་པའི་རང་སེམས་ཀྱི་གཤིས་གདོད་མའི་གནས་ལུགས་སྨྲ་བསམ་བརྗོད་པ་དང་བྲལ་བ་སྟེ། རྒྱུད་རྡོ་རྗེ་ཕྲེང་བ་ལས། ཕྱག་རྒྱ་དེ་བཞིན་གཤེགས་ཡེ་ཤེས། །རྣམ་རྟོག་མེད་པའི་གོ་འཕང་བརྟེན། །མི་ཕྱེད་རྡོ་རྗེ་སེམས་དཔའི་གནས། །རྣམ་རྟོག་མེད་པའི་བདེ་བ་ལ། །ནམ་མཁའ་བཞིན་ཏུ་གོས་པ་མེད། །ཅེས་པས་བསྟན། ལམ་གྱི་ཕྱག་ཆེན་ལ། སྤྱིར་གཞིའི་ཕྱག་ཆེན་དེ་ཉིད་ལམ་ཕྱག་ཆེན་གྱིས་གོམས་པར་བྱས་པ་ལས་གློ་བུར་གྱི་སྒྲིབ་པ་སྤང་དུ་མེད་པའི་ཚུལ་གྱིས་སྤངས་ནས་རྟོགས་སུ་མེད་པའི་དོན་རྟོགས་པ་སྟེ། རྒྱུད་དེ་ལས། རང་བཞིན་མེད་ཅིང་གཞི་དང་བྲལ། །གཉིས་མེད་བདག་མེད་བརྗོད་དུ་མེད། །རྣལ་འབྱོར་རྣམས་ཀྱི་རང་རིག་པ། །ཕུང་པᨖ་ཁམས་དང་སྐྱེ་མཆེད་ཆའི། །ཀུན་རྟོག་ཆོས་ནི་ཡོངས་སུ་སྤངས། །ཞེས་སོགས་ཀྱིས་བསྟན། བྱེ་བྲག་ཏུ་རྡོར་ཕྲེང་ལས། ཆོས་དང་ལས་དང་དམ་ཚིག་དང༌། །ཕྱག་རྒྱ་ཆེན་པᨖ་མ་ནོར་བརྗོད། །ཅེས་དང༌། ཡེ་ཤེས་སྙིང་པᨖའི་རྒྱུད་ལས། ཆོས་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་དང་། ལས་ཀྱི་ཕྱག་རྒྱ་བཞིར་བཤད་པས་མཚོན་རྒྱུད་དང་གྲུབ་ཆེན་རྣམས་ཀྱི་གསུང་ལས་ཕྱག་རྒྱ་བཞི་དང་། གསུམ་དང༌། དེ་དག་གི་གོ་རིམ་མི་འདྲ་བ་དང་། ནང་གསེས་ཀྱི་དབྱེ་བ་སོགས་མང་དུ་འབྱུང་ཡང༌། གདམས་ངག་འདིའི་ལུགས་སུ། ལྟ་སྒོམ་སྤྱོད་པ་ཉམས་ཕྱག་རྒྱ་ཆེན་པᨖ་བཞིར་གསུངས་པ་ཡིན་ལ། དེའང་ལམ་བསྒོམ་པའི་དང་པᨖ་ལྟ་བ་ཕྱག་རྒྱ་ཆེན་པᨖ་ནི། བླ་མ་ལས་ཐོས་ཤིང་རང་གི་སེམས་ཀྱིས་གོ་བར་བྱ་དགོས་ཏེ། གོང་དུ་སྨོས་པའི་གཞིའི་གནས་ལུགས་མཚོན་བརྗོད་དང་བྲལ་བ་དེ་ཉིད་ལུང་དང་རིགས་པ་ལ་བརྟེན་ནས་གོ་ཞིང་ཁོང་དུ་ཆུད་པའོ། །དེའང་ཆོས་ཉིད་མི་གཡོ་བའི་མདོ་ལས། ཆོས་ཐམས་ཅད་རང་བཞིན་གྱིས་མ་སྐྱེས་པ། ངོ་བོ་ཉིད་ཀྱིས་མི་གནས་པ། ལས་དང་བྱ་བའི་མཐའ་ ཐམས་ཅད་དང་བྲལ་བ། རྟོག་པ་དང་མི་རྟོག་པའི་ཡུལ་ལས་འདས་པའོ། །ཞེས་པས་མཚོན་མདོ་རྒྱུད་ཀུན་ནས་བརྗོད་བྲལ་གྱི་གནས་ལུགས་ཡང་དང་ཡང་དུ་གསུངས་པ་ལས་ཤེས་པར་བྱའོ། །གཉིས་པ་སྒོམ་པ་ཕྱག་རྒྱ་ཆེན་པᨖ་ནི། སྤྱིར་ལྟ་བའི་ངང་དུ་མཉམ་པར་བཞག་པ་ལས་མི་གཡེང་བར་བྱེད་པ་སྟེ། བྱང་ཆུབ་སེམས་འགྲེལ་ལས། དམིགས་པ་དང་ནི་བྲལ་བའི་སེམས། །ནམ་མཁའི་མཚན་ཉིད་ལ་གནས་ཏེ། །ནམ་མཁའ་སྒོམ་པར་བྱེད་པ་ནི། །སྟོང་པ་ཉིད་ནི་སྒོམ་པར་བཞེད། །ཅེས་སོགས་མང་དུ་འབྱུང་ལ། བྱེ་བྲག་མན་ངག་འདིར་ནི་དཔེ་དོན་བསྲེ་བ་ཞེས་འབྱུང་སྟེ། དཔེ་ཟག་བཅས་ཀྱི་བདེ་བས་ཐབས་བྱས་ཏེ་ཟག་མེད་ཀྱི་ཡེ་ཤེས་བསྐྱེད་ནས་བདེ་སྟོང་ཟུང་དུ་འཇུག་པའི་ཏིང་ངེ་འཛིན་ལམ་དུ་ཁྱེར་བའམ། ནམ་མཁའ་སྟོང་པ་ལ་མཐའ་དབུས། ཕྱོགས་རིས། ཡོད་མེད། ཡིན་མིན། གང་དུའང་མ་གྲུབ་པའི་དཔེས་མཚོན་ཏེ། དོན་རང་གི་སེམས་སྟོང་པ་ཉིད་སྐྱེ་འགག་གནས་གསུམ་སོགས་སྤྲོས་པའི་མཐའ་ཐམས་ཅད་དང་བྲལ་བ་ལ་སྦྱོར་ཞིང་བསྲེས་ནས་ཉམས་སུ་ལེན་པ་སྟེ། ནམ་མཁའ་ལྟ་བུའི་ཏིང་ངེ་འཛིན་གྱི་མདོ་ལས། བླ་མ་དམ་པའི་བདུད་རྩི་ཡིས། །རང་སེམས་ནམ་མཁའ་ལྟ་བུར་ཤེས། །དེ་ཡི་དོན་ལས་མ་ཡེངས་པར། །དེ་ནི་ཏིང་འཛིན་ཅེས་པར་འགྱུར། །ཞེས་སོགས་མང་དུ་འབྱུང་ངོ༌། །གསུམ་པ་སྤྱོད་པ་ཕྱག་རྒྱ་ཆེན་པᨖ་ནི། ཤུགས་འབྱུང་གི་སྤྱོད་པ་བསྐྱང་བ་སྟེ། རྟོགས་པ་དང་ལྡན་པའི་
རྣལ་འབྱོར་པས་ལེགས་སུ་རེ་བ་དང་ཉེས་སུ་དོགས་པ་གང་ཡང་མི་བྱ་བར་གདོང་དུ་བབས་པའི་བྱ་བ་ཐམས་ཅད་ལ་འཛིན་མེད། རྩིས་མེད། སྣང་བ་གང་ཤར་ཐད་ཀར་གཅོད་པ་སྟེ། ཕལ་པᨖ་ཆེར། རྒྱལ་བའི་སྤྱོད་ཡུལ་འདི་ལ་གང་ཞིག་འཇུག་འདོད་པས། །དེ་ནི་བསམ་པ་ནམ་མཁའ་ལྟ་བུར་རྣམ་པར་སྦྱོང༌། །རྟོག་དང་རྣམ་པར་རྟོག་དང་འདུ་ཤེས་འཛིན་སྤོང་ལ། །ནམ་མཁའ་ལྟ་བུའི་ཡིད་ཀྱིས་འདི་ལ་འཇུག་པར་གྱིས། །ཞེས་དང༌། བྲམ་ཟེ་ཆེན་པᨖས༑ ནགས་ལས་མཆེད་པའི་མེ་འབར་བཞིན། །གདོང་དུ་བབས་པའི་འདི་ལྟར་སྣང་བ་ཀུན། །ཁྱོད་ཀྱིས་རྩ་བ་སྟོང་པ་ཉིད་དང་ལྷན་ཅིག་བྱོས། །ཞེས་ཐམས་ཅད་སྟོང་པ་ཉིད་དུ་ཐག་ཆོད་པས་གང་ལའང་ཉམ་ང་མེད་པར་ཐོལ་བྱུང་དུ་སྤྱོད་པར་གསུངས་སོ། །བཞི་པ་ཉམས་མྱོང་ཕྱག་རྒྱ་ཆེན་པᨖ་ནི། སྤྱིར་སྒོམ་གྱི་ཉམས་ལེན་གནད་དུ་སོང་ན་ཤེས་པ་དྭངས་སྙིགས་ཕྱེད་ནས་སེམས་ལ་ཉམས་ཀྱི་བྱེ་བྲག་མཐའ་གཅིག་ཏུ་མ་ངེས་པ་སྣ་ཚོགས་སུ་འཆར་བར་འགྱུར་ཞིང༌། གཙོ་བོའི་རིགས་བསྡུ་ན། ལུས་སེམས་ཡོད་མེད་མི་ཚོར་ཞིང་ཉིན་མཚན་ངོ་མི་ཤེས་པ་ལྟ་བུའི་བདེ་བས་ཁྱབ་པ་བདེ་ཉམས་དང༌། སེམས་ཤེལ་ལྟར་དྭངས་ཤིང་གཞན་སེམས་ཤེས་པ་སྙམ་བྱེད༑ འོད་ཀྱི་སྣང་བ་ལྟ་བུས་མཚན་མོའང་ཉེ་རིང་གི་དངོས་པᨖ་ཅི་རིགས་པ་མཐོང་སྙམ་བྱེད་པ་གསལ་ཉམས་དང༌། རང་དང་དངོས་པᨖ་ཐམས་ཅད་སྟོང་པའི་དངོས་པᨖར་འཆར་ཞིང་ཅིར་ཡང་མི་རྟོག་པ་ནམ་མཁའ་གཡའ་ དག་པ་ལྟ་བུའི་ཉམས་འབྱུང་བ་ནི་མི་རྟོག་པའི་ཉམས་ཏེ། ཉམས་མྱོང་དེ་དག་ཐམས་ཅད་ཀྱི་ངོ་བོ་སྐྱེ་འགག་དང་བྲལ་ཞིང་རང་བཞིན་ངོས་གཟུང་མེད་པ། སྐྱེ་མེད་སྟོང་པ་ཉིད་དུ་ཤེས་ན་ལམ་དུ་འགྱུར། དེ་ལྟར་མ་ཤེས་པར་དངོས་འཛིན་དང་བདེན་ཞེན་ཞུགས་ན་ཁམས་གསུམ་དུ་གོལ་བ་ཡིན་ལ། བྱེ་བྲག་འདིར་ནི་ཉམས་བདེ་སྟོང་ཟུང་འཇུག་ཅེས་གསུངས་པས། སྒོམ་པ་དཔེ་དོན་གྱི་ཡེ་ཤེས་བསྲེས་པ་དེ་ཉིད་ཉམས་སུ་བླངས་པས་མཆོག་ཏུ་མི་འགྱུར་བའི་བདེ་བ་ཆེན་པᨖ་དང་རྣམ་ཀུན་མཆོག་ལྡན་གྱི་སྟོང་ཉིད་ཕྱག་རྒྱ་ཆེན་པᨖ་ཟུང་དུ་འཇུག་པ། བདེ་ལ་ཞེན་པ་མེད་པ། གསལ་ལ་རྟོག་པ་མེད་པ། མཚན་བཅས་ཀུན་ལས་འདས་པ་ནི་ཕྱག་རྒྱ་ཆེན་པᨖ་ཡི་གེ་མེད་པའི་དོན་ཏོ། །གསུམ་པ་འབྲས་བུ་ཕྱག་རྒྱ་ཆེན་པᨖ་ནི། དེ་ལྟ་བུའི་ལམ་སྒོམ་པ་མཐར་ཕྱིན་པ་ལས་འབྲས་བུ་གཞིའི་ཕྱག་རྒྱ་ཆེན་པᨖ་མངོན་ཏུ་གྱུར་ནས་གདོད་མའི་གནས་ལུགས་ཀྱི་རང་སར་ཟིན་ཏེ། ཆོས་ཀྱི་སྐུ་བྱང་ཆུབ་པ་ལས་གཞན་དོན་ཏུ་གཟུགས་སྐུའི་སྣང་བརྙན་ཤར་ཏེ་འཁོར་བ་ཇི་སྲིད་དེ་སྲིད་དུ་འགྲོ་བའི་དོན་ལྷུན་གྱིས་གྲུབ་པ་འབྱུང་བར་འགྱུར་རོ། །གཉིས་པ་བསྒོམ་པར་བྱ་བའི་ལམ་བསྟན་པ་ལ་རྩ་བའི་ཆོས་གསུམ། དེ་རེ་རེ་ལ་ཡན་ལག་གི་ཆོས་གསུམ་གསུམ་སྟེ་དགུའོ། །དེ་ལ་རྩ་བའི་ཆོས་གསུམ་ནི། དང་པᨖ་སེམས་བཟུང་བ། བར་དུ་སེམས་འདུལ་བ། ཐ་མ་དེ་ཁོ་ན་ཉིད་ལ་བློ་བཞག་པའོ། །དང་པᨖའི་ཡན་ལག་གསུམ་ནི། སོང་སར་བཟུང༌། བཞག་སར་སྐྱོང༌། མཐའ་གཉིས་སྤོང་བའོ། །བར་པའི་ཡན་ལག་གསུམ་ནི། སོང་སར་ཤོར་དུ་མི་གཞུག །བཞག་སར་དལ་དུ་མི་གཞུག །གོང་འོག་ཐལ་དུ་མི་གཞུག་པའོ། །ཐ་མའི་ཡན་ལག་གསུམ་ནི། དཔེ་ལ་བསླབ། དོན་ལ་སྦྱར། དཔེ་དོན་བསྲེ་བ་སྟེ་གནད་ཀྱི་མན་ངག་གསུམ་གསུམ་བསྡོམས་པས་མདོར་བསྟན་རྩ་བའི་ཆོས་དགུ་ཞེས་བྱ་བའོ། །འདི་དག་ཐམས་ཅད་ཀྱི་སྔོན་དུ་འགྲོ་བ་ནི། དབེན་པའི་གནས་སུ་སྟན་བདེ་བ་ལ་སྐྱིལ་མོ་ཀྲུང་གིས་འདུག །ལུས་གནད་བསྲང༌། མདུན་གྱི་ནམ་མཁར་རྩ་བའི་བླ་མ་དང་གཉིས་སུ་མེད་པའི་རྗེ་བཙུན་མ་འཕགས་མ་སྒྲོལ་མ་ལ་བརྒྱུད་པའི་བླ་མ་རྣམས་དང་། སྐྱབས་གནས་དཀོན་མཆོག་རྒྱ་མཚོས་བསྐོར་བ་མངོན་སུམ་དུ་བཞུགས་པར་བསམས་ལ། མོས་གུས་དྲག་པᨖས་སྐྱབས་འགྲོའི་ཚིག་གང་ཡང་རུང་བ་ལན་གྲངས་མང་དུ་བརྗོད། མཁའ་ཁྱབ་ཀྱི་སེམས་ཅན་བསམ་ཡུལ་དུ་བྱས་ཏེ་བྱམས་པ་དང་སྙིང་རྗེའི་ཤུགས་དྲག་པᨖས་སྨོན་འཇུག་བྱང་ཆུབ་ཀྱི་སེམས་ཡང་ནས་ཡང་དུ་བསྐྱེད། དེ་ནས་རང་ཡི་དམ་གྱི་ལྷ་ཧེ་བཛྲའམ། རྣལ་འབྱོར་མ་ལ་སོགས་གང་ལ་མོས་པ་སྣང་ལ་རང་བཞིན་མེད་པའི་སྐུ་སྐད་ཅིག་གིས་གསལ་བཏབ་པའི་སྤྱི་བོར་རྩ་བའི་བླ་མ་སངས་རྒྱས་ཀུན་འདུས་ཀྱི་ངོ་བོར་བཞུགས་པར་བསྒོམས་པ་ལ། སྙིང་ཁུང་རུས་པའི་གདིང་ནས་མོས་གུས་མཆི་མ་བྱུང་བ་ཙམ་དུ་བསྐྱེད་ལ་ཕུར་ཚུགས་ཀྱིས་གསོལ་བ་བཏབ་ཅིང་། བརྒྱུད་པའི་གསོལ་འདེབས་ཀྱང་བྱ། དངོས་གཞི་སེམས་བཟུང་བའི་ཡན་ལག་དང་པᨖ་ནི། རླུང་རོ་བསལ་ལ་སེམས་མི་རྟོག་པའི་ངང་དུ་བཞག་པས་རྣམ་རྟོག་འཕྲོ་བའི་ཚེ་དེ་མ་ཐག་དྲན་པས་ཟིན་པར་བྱས་ལ། སེམས་གང་དུ་སོང་བ་དེར་རྩེ་གཅིག་ཏུ་བཟུང༌། ཡན་ལག་གཉིས་པ་ནི། སེམས་བཟུང་ས་དེ་ལས་གཞན་ཏུ་འཕྲོར་མི་གཞུག་པར་དྲན་ཤེས་ཀྱིས་ཇི་ཙམ་དུ་གནས་པ་དེ་སྲིད་དུ་བསྐྱང༌། ཡན་ལག་གསུམ་པ་ནི། སྔར་འདས་པ་དང་འབྱུང་འགྱུར་མ་འོངས་པའི་རྗེས་གཅོད་མི་བྱ་བར་ད་ལྟ་ཁྲིག་གེར་གནས་པ་དེ་ཀའི་ངང་དུ་བཞག །དེའང་ཡུན་ཐུང་ལ་གྲངས་མང་བར་བསླབ་པས་སྒོམ་གྱིས་སྣ་མི་སུན་ཅིང་འགྱུ་རྟོག་ཇེ་ཉུང་དུ་འགྱུར་རོ། །ཡང་དཀོན་མཆོག་གི་རྟེན་སོགས་མདུན་ཏུ་བཞག་ལ་དེར་སེམས་བཟུང༌། དེ་ལ་མི་གནས་པར་ཀ་བ། བུམ་པ་ལྟ་བུའི་གཟུགས། ཆུའི་སྒྲ་སོགས་སྒྲ། སྤོས་ཀྱི་དྲི་ལྟ་བུའི་དྲིའི་རྗེས་སུ་རྣམ་རྟོག་འཕྲོ་ན་སོང་ས་དེ་ཉིད་ངོས་བཟུང༌། བཞག་སར་བསྐྱང༌། མཐའ་གཉིས་སྤང་བ་ལ་བསླབ་པས་སེམས་ཟིན་པའི་རྟགས་སུ་རྣམ་རྟོག་གི་འགྱུ་བ་རྒྱུན་ཆད་ནས་སེམས་གར་གཏད་དུ་ལྷན་ནེར་གནས་པར་འབྱུང་ངོ༌། །གལ་ཏེ་དེ་དག་གིས་སེམས་མ་ཟིན་ན༑ སྤོགས་པའི་ཆོ་ག་ནི། རང་གི་མདུན་དུ་ཤིང་རིང་པᨖ་ཞིག་བཙུག་པའམ་དམིགས་པས་བསྒོམ། ལུས་གནད་རྐང་པ་གཤིབས་ཏེ་འཕོངས་ས་ལ་མ་རེག་པར་བསྡད་ལ་རན་ཚད་དུ་གཡོ་འགུལ་བྱ། རླུང་རིམ་གྱིས་འབུད། དམིགས་པ་རང་གི་ལུས་གཉིས་སུ་ཕྱེས་ལ་གཅིག་ཤིང་རིང་དེའི་རྩ་བར་བཞག །གཅིག་གོས་མེད་གཅེར་བུ་བྱས་ནས་ཤིང་དེ་ལ་འཛེགས་ཏེ་ཤིང་རིང་གི་རྩེ་མོར་བསྡད་པར་བསྒོམ། ཤིང་དེའི་རྩ་བར་བལྟས་པས་གཡང་ཟ་བའི་འཇིགས་པ་ལྷང་གིས་འབྱུང༌། དེ་ལ་སེམས་བཟུང་བས་མི་རྟོག་པའི་ཉམས་སྐྱེས་པ་ནི་ཕྱག་རྒྱ་ཆེན་པᨖ་ཡི་གེ་མེད་པའོ། །དེས་ཀྱང་སེམས་མ་ཟིན་ན། ལུས་དང་། རླུང་གི་གནད་དང༌། དམིགས་པའི་གཞི་སྔར་ལྟར་ལ༑ ཤིང་གི་རྩེ་མོར་ཡོད་པའི་རང་གི་ལུས་དེ་ཉི་ཟླའི་འོད་ཟེར་ལ་འཇུས་ཏེ་ཉི་ཟླའི་སྟེང་དུ་བསྡད་ལ་གླིང་བཞིར་ལྟ་བར་དམིགས། མར་ཤིང་གི་རྩེ་མོ་ལ་སེམས་དྲག་ཏུ་གཏད། ཤིང་གི་རྩ་བ་ལ་སེམས་གཏད། ཤིང་རྩར་ཡོད་པའི་རང་གི་ལུས་རྙིང་པ་ལ་སེམས་གཏད་པས་རང་གི་ལུས་རྣམས་གང་ཡང་ཡིན་ལ་གང་ཡང་མིན་པའི་ཉམས་སྐྱེས་པ་ནི་དེ་ཉིད་ཡི་གེ་མེད་པའི་དོན་དུ་ཤེས་པར་བྱས་ལ་བསྐྱང༌། དེས་ཀྱང་མ་ཟིན་པའམ་རྩལ་འབྱང་བའི་ཆེད་དུ་མདུན་གྱི་ནམ་མཁའི་དཀྱིལ་དང༌། སྣའི་རྩེ་མོ་དང༌། སྨིན་ཕྲག་དང༌། སྙིང་ག་དང༌། ལྟེ་བ་ལ་སོགས་པར་དམིགས་པ་སྤོ་ཞིང་སྔར་གྱི་གནད་གསུམ་གྱིས་སེམས་བཟུང་བས་ངེས་པར་ཟིན་པར་འགྱུར་རོ། །གཉིས་པ་བར་དུ་སེམས་འདུལ་བ་ལ། ཡན་ལག་དང་པᨖ་ནི། སོང་སར་ཤོར་དུ་མི་གཞུག་པ་སྟེ། སེམས་ཀྱི་རྣམ་རྟོག་འཕྲོ་ན་དེ་མ་ཐག་དྲན་པས་ཟིན་པར་བྱས་ལ་འཕྲོ་བའི་ཡུལ་དེར་འཕྲོ་རུ་མི་གཞུག་པར་སྔར་གནས་ཆ་དེའི་ཐོག་ཏུ་ འཇོག །ཡུལ་ལ་ཤོར་ནའང་དྲན་པས་ཟིན་པར་བྱས་ལ་ཡེང་བའི་དབང་དུ་ཅུང་ཟད་ཀྱང་མི་གཏང་བར་གཉེན་པᨖ་བསྐྱེད། རྣམ་རྟོག་མ་རིག་ཆེན་པᨖ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །ཅེས་གསུངས་པས་ངོ་ཤེས་ཀྱི་དྲན་པས་མ་ཟིན་པའི་རྣམ་པར་རྟོག་པ་འཁོར་བར་ལྟུང་བའི་རྩ་བ་ཡིན་ལ། ངོ་ཤེས་པ་ཙམ་གྱིས་ཀྱང་མི་ཆོག །དེ་ཉིད་རང་བཞིན་མེད་པའི་ངོ་བོའི་དབྱིངས་སུ་གྲོལ་དགོས་སོ། །ཡན་ལག་གཉིས་པ་ནི། བཞག་སར་དལ་དུ་མི་གཞུག་པ་སྟེ། སེམས་གང་དུ་བཞག་ས་དེ་སྟེང་ནས་གསལ་དྭངས་ཀྱི་ཆ་མེད་པའི་མོག་གེ་བ་གྱུར་ན་ཞི་གནས་སྐྱོན་ཅན་དུ་འགྱུར་ཅིང་སེམས་མ་ཐུལ་བ་ཡིན་པས། དེ་བཞིན་གཤེགས་པའི་རྟེན་དངོས་སམ་ཡིད་ཀྱིས་བསྒོམ་པ་དང༌། ཀ་བ་བུམ་པ་སོགས་དངོས་པᨖ་ཅི་རིགས་ལ་སེམས་ཡུད་ཅིག་གཏད། དེ་ལས་དངོས་པᨖ་གཞན་ལ་སྤོས་ཏེ་བཟུང༌། ཐམས་ཅད་དུ་དྲན་པས་ཟིན་པར་བྱ། དེ་བཞིན་དར་གཅིག་ཀྱང་སེམས་དལ་དུ་མི་གཞུག་པར་དམིགས་པ་སྣ་ཚོགས་སུ་ཁ་སྤོ་ཞིང་ཞི་གནས་ཁོ་ནའི་དབང་དུ་མི་བཏང་བར་སེམས་གདུལ་བར་བྱ། གསུམ་པ་གོང་འོག་ཏུ་ཐལ་དུ་མི་གཞུག་པ་ནི། སེམས་རྣམ་རྟོག་གི་འཕྲོ་རྒོད་དང་ཞི་གནས་ཁོ་ནར་གནས་པ་གཉིས་ཀའི་དབང་དུ་མི་བཏང་བར་དྲན་པའི་ཐག་པས་བཟུང་བས། གནས་པར་འདོད་ན་གནས་པའི་དབང་ཡང་ཡོད། འཕྲོ་བར་འདོད་ན་འཕྲོ་བའི་དབང་ཡང་ཡོད་ཅིང་། གཉིས་ཀའི་ཐོག་ཏུ་ཡེང་བའི་བསླད་མ་ཞུགས་པར་ ངོ་ཤེས་ནས་གཞི་མེད་དུ་གྲོལ་ཏེ་རང་ཇི་ལྟར་འདོད་པ་འོང་བ་ནི་སེམས་ཐུལ་བ་ཞེས་བྱའོ། །གསུམ་པ་དེ་ཁོ་ན་ཉིད་ལ་བློ་བཞག་པའི་ཡན་ལག་དང་པᨖ་དཔེ་ལ་བསླབ་པ་ལ་གསུམ། འཁྲུལ་པའི་དུས། འཁྲུལ་པར་གོ་བའི་ དུས༑ འཁྲུལ་པ་གཞི་མེད་དུ་ཁོང་དུ་ཆུད་པའི་དུས་སོ། །དེ་རྣམས་ནི་སྒྱུ་མའི་དཔེ་བཅུ་གཉིས་ཀྱིས་མཚོན་ནས་བསླབ་པར་བྱ་སྟེ། དང་པᨖ་རྒྱང་ནས་བལྟས་ན་ལུང་པ་ཐམས་ཅད་སྨིག་རྒྱུས་གང༌། དེར་མཐོང་མ་ཐག་ལུང་པ་རྣམས་ཆུས་གང་ངོ་སྙམ་པའི་འཁྲུལ་རྟོག་འབྱུང༌། འདི་ཆུའི་རྒྱ་མཚོ་ཡིན་པས་ཁྱེར་ནས་འཆི་བར་གྱུར་ཏོ་སྙམ་པའི་འཇིགས་སྐྲག་སྐྱེ་བ་ནི་འཁྲུལ་པའི་དུས། དེ་ནས་ཉེ་བར་ཕྱིན་ནས་ཞིབ་ཏུ་བརྟག་ཙ་ན། ཆུའི་རྒྱ་མཚོ་མ་ཡིན། སྨིག་རྒྱུ་འཁྲིག་པར་ཤེས་ནས་འཇིགས་སྐྲག་གི་རྟོག་པ་ལས་ལྡོག་པ་ནི་འཁྲུལ་པ་ཉིད་འཁྲུལ་པར་གོ་བའི་དུས། དེ་ནས་དྲུང་དུ་སླེབ་ཙ་ན་སྨིག་རྒྱུའང་གར་སོང་ཆ་མེད་དུ་ཡལ་ནས་ཅིའང་མི་དམིགས་པ་ནི་འཁྲུལ་པ་གཞི་མེད་དུ་ཁོང་དུ་ཆུད་པའི་དུས་སོ། །དེ་བཞིན་ཏུ་ཐམས་ཅད་ལ་འགྲེས་སྦྱར་ཏེ། རྨི་ལམ་རྨིས་པའི་ཚེ་དགྲ་དང་འཐབ་པའམ། གཉེན་དང་མཛའ་བ་སོགས་ཉིང་འཁྲུལ་སྟོང་པའི་རང་གཟུགས་ལ་བདེན་པར་འཛིན་པ་ནི་འཁྲུལ་པའི་དུས༑ ཏིང་འཛིན་བསྒོམས་པའི་སྟོབས་ཀྱིས་རྨི་ལམ་གྱི་སྣང་བ་མ་འགགས་པ་ལ་རྨི་ལམ་ཉིད་དུ་ཤེས་པ་ནི་འཁྲུལ་པར་གོ་བའི་དུས། གཉིད་སད་པའི་ཚེ་རྨི་ལམ་གྱི་སྣང་བ་གང་ཡང་མེད་དེ་མི་བདེན་པར་ཤེས་པ་ནི་འཁྲུལ་པ་ གཞི་མེད་དུ་ཁོང་དུ་ཆུད་པའི་དུས་སོ། །དེ་བཞིན་ཏུ། སྒྱུ་མ་དང༌། ཆུ་ཟླ་དང༌། དྲི་ཟའི་གྲོང་ཁྱེར་དང༌། འཇའ་ཚོན་དང༌། སྤྲིན་དང༌། གློག་དང༌། བྲག་ཆ་དང༌། འཕྲོག་བྱེད་ཟླ་བའི་གྲོང་ཁྱེར་ལ་སོགས་པ་ལ་རིམ་པར་སྦྱར་ཅིང་བསླབ་སྟེ། སྒྱུ་མའི་དཔེ་རྣམས་ལ་བརྟེན་ཏེ་ཆོས་ཐམས་ཅད་སྒྱུ་མའི་རང་བཞིན་ཏུ་རྟོགས་པའི་ངེས་ཤེས་ཁྱད་པར་ཅན་བསྐྱེད་པར་བྱའོ། །གཉིས་པ་དོན་ལ་སྦྱར་བ་ལ་གཉིས། དྲན་སྣང་ལ་སྦྱར་བ་དང༌། དམིགས་པ་ལ་བསླབ་པའོ། །དང་པᨖ་ནི། རྒྱུད་ལས་སྐྱེས་པའི་ཉོན་མོངས་པ་གང་རགས་པ་ལ་ཐོག་མར་སྦྱང་སྟེ། ཞེ་སྡང་དྲག་པᨖ་སྐྱེས་པའི་དུས་སུ་དགྲ་ཕ་ཀི་ད་ལྟ་གསད་དོ་སྙམ་པ་ལྟ་བུའི་གསོད་སེམས་དང་བཅས་པའི་ཟུག་རྔུ་མི་བཟོད་པ་འབྱུང་བ་ནི་འཁྲུལ་པའི་དུས། དར་གཅིག་ནས་ཞེ་སྡང་ཞི་ནས་བདེ་བར་གནས་པ་ནི་འཁྲུལ་པར་གོ་བའི་དུས། ཞེ་སྡང་དེ་སེམས་ཀྱི་རྟོག་པ་གློ་བུར་དུ་སྐྱེས་པ་ཡིན་པས་མི་བདེན་པར་རྟོགས་པ་ནི་འཁྲུལ་པ་གཞི་མེད་དུ་ཁོང་དུ་ཆུད་པའི་དུས་སོ། །རྣལ་འབྱོར་པས་བརྟག་ན་ཞེ་སྡང་རང་གི་སེམས་ལས་བྱུང༌། སེམས་མ་རིག་པས་རྒྱུ་བྱས། ཉོན་མོངས་པའི་རྐྱེན་ལས་སྐྱེས། དེ་དག་ངོ་བོས་མ་གྲུབ་པས་སྒྱུ་མའི་རང་བཞིན། སྒྱུ་མ་བརྟགས་ན་གང་དུའང་མ་གྲུབ་པས་རང་བཞིན་མེད་པ་སྟེ། དེ་ཉིད་ཕྱག་རྒྱ་ཆེན་པᨖ་ཡི་གེ་མེད་པའི་དོན་ཡིན་ནོ། །དེའི་དོན་ཀྱང་ཇི་ལྟར་ཡིན་ན། ཡི་གེ་ཞེས་བྱ་བ་དངོས་པᨖར་གྲུབ་པ་མེད་དེ། སེམས་ཀྱི་རྣམ་རྟོག་ལས་སྐྱེས་པའི་ངག་གི་ བརྗོད་པ་ཡིན། རྣམ་རྟོག་རང་བཞིན་མ་གྲུབ་པའི་ཕྱིར་བརྗོད་པའང་རང་བཞིན་གྱིས་མ་གྲུབ་པས། རྣམ་རྟོག་མེད་ཅིང་བརྗོད་དུ་མེད། །ཅེས་བྱ། བརྗོད་པ་དང་བྲལ་བའི་དོན་དེ་ལ་ཕྱག་རྒྱ་ཆེན་པᨖ་ཡི་གེ་མེད་པ་ཞེས་བྱ་སྟེ། ས་ར་ཧས། ཡི་གེར་བསྟེན་པའི་འགྲོ་བ་མ་ལུས་པར། །ཡི་གེ་མེད་པར་གཅིག་ཀྱང་མེད། །ཇི་སྲིད་ཡི་གེ་མེད་འགྱུར་བ། །དེ་སྲིད་ཡི་གེར་རབ་ཏུ་ཤེས། །ཡི་གེ་མེད་པའི་ཡི་གེ་ཡིན། །ཅེས་གསུངས་སོ། །དེས་མཚོན་ཏེ། འདོད་ཆགས། གཏི་མུག །ང་རྒྱལ། ཕྲག་དོག་རྣམས་དང༌། གཞན་ཡང་ཉོན་མོངས་པའི་རྟོག་ཚོགས་ཕྲ་རགས་ཀུན་ལ་སྦྱར་ཞིང་བསྒོམ་པར་བྱའོ། །གཉིས་པ་དམིགས་པ་ལ་བསླབ་པ་ལ་གསུམ། འཆིང་བྱེད་ཀྱི་ལུས་སེམས་གཏོང་བ། འཛིན་པའི་ལོངས་སྤྱོད་གཏོང༌བ། རྣམ་གྲངས་གཞན་ལ་བསླབ་པའོ། །དང་པᨖ་ནི། རང་གི་མདུན་གྱི་ནམ་མཁར་རྩ་བ་དང་བརྒྱུད་པའི་བླ་མ་རྣམས་དང་། ཡི་དམ་རྒྱུད་སྡེ་བཞིའི་ལྷ་ཚོགས་ཐམས་ཅད་སྤྱན་དྲངས་ནས་མངོན་སུམ་བཞུགས་པར་མོས། དེ་རྣམས་ལ་རང་སེམས་ཀྱིས་དགྲ་རུ་འཛིན་པ་རྣམས་དང༌། གཉེན་དུ་འཛིན་པ་རྣམས་དང༌། རང་གི་ལུས་ཀྱང་དུམ་བུ་མང་པᨖར་གཏུབས་ལ་ཕུལ་བས་བདག་གིར་མཛད་པར་མོས། དེ་ལྟར་འབུལ་བའི་ཡུལ་དང་། འབུལ་རྒྱུའི་དངོས་པᨖ། འབུལ་མཁན་རང་ཉིད་བཅས་ཐམས་ཅད་ཀྱང་སེམས་སྣང་འབའ་ཞིག །སེམས་དངོས་པᨖ་མེད་པས་སྒྱུ་མ། སྒྱུ་མ་རང་བཞིན་གྱིས་མ་གྲུབ་པས་ཕྱག་རྒྱ་ཆེན་པᨖ་ཡི་གེ་ མེད་པའི་དོན་ཁོང་དུ་ཆུད་པར་བྱའོ། །གཉིས་པ་ནི། ནམ་མཁར་བཞུགས་པའི་བླ་མ་དང་ཡི་དམ་རྣམས་ལ་རང་དང༌། གཞན་གྱིས་གཅེས་པར་བཟུང་བའི་ནོར་རྫས། གོས་རྒྱན། གནས་མལ། ཁང་མཁར། ཡུལ་ཞིང་སོགས་ལོངས་སྤྱོད་ལྟོས་པ་མེད་པར་ཕུལ་བས་བདག་གིར་མཛད་པར་མོས། དེ་ལྟར་ཕུལ་བའི་ཡུལ། དངོས་པᨖ། འབུལ་བྱེད་ཐམས་ཅད་ཀྱང་སེམས། སེམས་སྒྱུ་མ། སྒྱུ་མ་རང་བཞིན་མེད་པར་ཕྱག་རྒྱ་ཆེན་པᨖ་ཡི་གེ་མེད་པའི་དོན་ལ་བློ་སྦྱང་ངོ༌། །གསུམ་པ་ནི། འོག་དམྱལ་བའི་གནས་རྣམས་སུ་རིམ་པར་ཕྱིན་ལ་བཙོ་སྲེག་སོགས་ཚ་གྲང་གི་སྡུག་བསྔལ་ཉམས་སུ་མྱོང་བའི་དམིགས་པ་དངོས་ལྟ་བུ་མ་གསལ་བར་བྱ། བྲེད་དངངས་དང་འཇིགས་སྐྲག་བྱུང་ན་ཐམས་ཅད་སེམས་ཀྱི་སྣང་བ། སེམས་སྒྱུ་མ་ལྟ་བུ། སྒྱུ་མ་རང་བཞིན་མེད་པ་དེ་ཉིད་ཡི་གེ་མེད་པའི་དོན་ལ་བློ་སྦྱང༌། དེས་ཡི་དྭགས་སོགས་རིགས་དྲུག་གཞན་ལའང་སོ་སོའི་སྡུག་བསྔལ་ཉམས་སུ་མྱོང༌། ཐམས་ཅད་སེམས། སྒྱུ་མ། རང་བཞིན་མེད་པའི་དོན་ལ་བློ་སྦྱང་བ་འགྲེས་སུ་བྱ་སྟེ་མ་དག་པ་འཁོར་བའི་གནས་ལ་སྦྱང་བའོ། །དེ་ནས་འོག་ཕྱོགས་ཀྱི་སངས་རྒྱས་འབུམ་གཟིགས། སྟེང་ཕྱོགས་ཀྱི་སངས་རྒྱས་རྣམ་པར་སྣང་མཛད་ཆེན་པᨖ། ཤར་ཕྱོགས་ཀྱི་སངས་རྒྱས་མི་བསྐྱོད་པ། ལྷོ་ཕྱོགས་ཀྱི་སངས་རྒྱས་རིན་ཆེན་འབྱུང་ལྡན། ནུབ་ཕྱོགས་ཀྱི་སངས་རྒྱས་འོད་དཔག་ཏུ་མེད་པ། བྱང་ཕྱོགས་ཀྱི་སངས་རྒྱས་དོན་ཡོད་གྲུབ་པ་ ལ་སོགས་པ་ཕྱོགས་བཅུའི་ཞིང་ཁམས་ན་བཞུགས་པའི་སངས་རྒྱས་དང་། བྱང་ཆུབ་སེམས་དཔའ་རྣམས་དང་། དེ་དག་གི་ཞིང་གི་བཀོད་པ་མཐའ་དག་སྐད་ཅིག་སྐད་ཅིག་གིས་མཇལ་བར་དམིགས་ལ་བློ་བཞག །སངས་རྒྱས་ཀྱི་ཞིང་ཁམས་བསམ་གྱིས་མི་ཁྱབ་པ་སྐད་ཅིག་གིས་མཐོང་བ་ངོ་མཚར་ཆེ་སྙམ་དུ་སྤྲོ་དགའ་བསྐྱེད། དེ་དག་ཐམས་ཅད་ཀྱང་སེམས་ཀྱི་སྣང་བ། སེམས་དངོས་མེད་སྒྱུ་མ། སྒྱུ་མ་རང་བཞིན་མེད་པ་ཡི་གེ་མེད་པའི་དོན་ལ་བློ་སྦྱང་བ་ནི་དག་པ་སངས་རྒྱས་ཀྱི་ཞིང་ལ་སྦྱོང་བའོ། །གསུམ་པ་དཔེ་དོན་བཀྲལ་བ་ལ་གསུམ། རྩོལ་བ་དང་བཅས་པ། རྩོལ་བ་མེད་པ། གྲུབ་པའི་རྟགས་བསྟན་པའོ། །དང་པᨖ་ནི། སྒྱུ་མ་ལ་སོགས་པའི་དཔེ་བཅུ་གཉིས་དང༌༑ ཞེ་སྡང་ལ་སོགས་པའི་ཉོན་མོངས་པ་རྣམས་སེམས་སུ་བསྲེ་བ་སྟེ། ཕྱོགས་གཅིག་ལ་མཚོན་ན། ཞེ་སྡང་སྐྱེས་ན་སྐྱེས་མ་ཐག་པར་དྲན་པས་ངོས་ཟིན་པར་བྱས་ལ། འདི་སྒྱུ་མ་ཡིན། རྨི་ལམ་ཡིན་ཞེས་ངག་ཏུའང་བརྗོད། དེའང་སེམས་ཡིན། སེམས་སྒྱུ་མ། སྒྱུ་མ་རང་བཞིན་མེད་པ་ཕྱག་རྒྱ་ཆེན་པᨖ་ཡི་གེ་མེད་པའོ། །ཞེས་དྲན་རྩོལ་ཡིད་ལ་བྱེད་པའོ། །གཉིས་པ་ནི། སྔ་མ་ལ་སྦྱངས་ཤིང་གོམས་ན་རེ་ཞིག་ནས་དམིགས་པའི་འབད་རྩོལ་མི་དགོས་པར་སྣང་གྲགས་དང་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་གི་སེམས་ལས་གཞན་ཏུ་མ་གྲུབ་པ་དུས་གཅིག་ཏུ་རྟོགས། སེམས་ཀྱང་དངོས་པᨖ་མེད་པས་སྒྱུ་མ། སྒྱུ་མ་རང་བཞིན་མེད་པ་ཕྱག་རྒྱ་ཆེན་པᨖ་ ཡི་གེ་མེད་པར་རང་ཤུགས་ཀྱིས་རྟོགས་པར་འགྱུར་ཏེ། ས་ར་ཧས། རྟོགས་པ་ནགས་དང་ཁྱིམ་ན་གནས་པ་མེད། །ཅེས་གསུངས་པ་དང༌། སམྦུ་ཊི་ལས། གཟུགས་རྣམས་སྣ་ཚོགས་བལྟ་བ་དང༌། །སྒྲ་རྣམས་རྒྱས་པར་ཉན་པ་དང༌། །སྣ་ཚོགས་རོ་ནི་ཟ་བ་དང༌། །སྨྲ་བ་དང་ནི་རྒོད་པ་དང༌། །ལས་རྣམས་ཐམས་ཅད་བྱེད་པ་ན། །དེ་ཉིད་རིག་པའི་རྣལ་འབྱོར་གྱིས། །རྣལ་འབྱོར་རྒྱུན་ཏུ་སྐྱེ་བར་འགྱུར། །ཞེས་གསུངས་པའི་དོན་ཡིན་ཏེ༑ འཁོར་འདས་ཀྱི་ཆོས། རང་གི་སེམས། ཆོས་ཀྱི་དབྱིངས་ཕྱག་རྒྱ་ཆེན་པᨖ་ཡི་གེ་མེད་པ་རྣམས་ཆུ་ལ་ཆུ་བཞག་པའམ། མར་ལ་མར་བཞག་པ་ལྟར་རོ་གཅིག་གྱུར་པ་ཡིན་ནོ། །དེ་ཉིད་ཀྱི་སྟེང་དུ་སྔར་སྨོས་པའི་གནད་དགུ་ཀ་ཡང་འདུ་སྟེ། རྐྱེན་གཞན་གྱིས་རྣམ་རྟོག་གཞན་ཞིག་བྱུང་ན་དེ་ལ་ཐུག་འཕྲད་ཙམ་ལས་འཛིན་པ་མེད་པ་ནི་སོང་སར་ཟིན་པ་ཡིན། དེ་ཉིད་ཀྱི་སྟེང་དུ་བློ་ཅུང་ཟད་གནས་ན་བཞག་སར་སྐྱོང་བ་ཡིན། གཉིས་འཛིན་གྱི་རྣམ་རྟོག་སྤངས་པ་ནི་མཐའ་གཉིས་སྤངས་པ། ཡང་སོང་སར་བཟུང་བ་ནི་རྟོགས་པའི་དུས། བཞག་སར་སྐྱོང་བ་ནི་གོ་བའི་དུས། མཐའ་གཉིས་སྤངས་པ་ཁོང་དུ་ཆུད་པའི་དུས་སོ། །ཡང་གོང་ལྟར་ཕྱག་རྒྱ་ཆེན་པᨖ་ལས་མ་གཡོས་པས་ན་སོང་སར་མ་ཤོར་བ། རྟོགས་པ་གོང་ནས་གོང་དུ་འཕེལ་བས་ན་བཞག་སར་མི་དལ་བ། འཛིན་པ་ལས་གྲོལ་བས་གོང་འོག་ཏུ་མི་ཐལ་བའོ། །དེས་ན་ཆོས་ཐམས་ཅད་སྒྱུ་མ་ལ་སོགས་པ་དཔེ་བཅུ་གཉིས་སུ་གོ་རྟོགས་ ཁོང་དུ་ཆུད། དོན་སེམས་ལ་རྫོགས་པར་གོ་རྟོགས་ཁོང་དུ་ཆུད། ཕྱག་རྒྱ་ཆེན་པᨖ་ཡི་གེ་མེད་པར་གོ་རྟོགས་ཁོང་དུ་ཆུད་པ་གསུམ་དང་ཡང་ལྡན་ཏེ། ལམ་འདི་ཉིད་ཀྱི་སྐབས་དོན་གྲུབ་པའོ། །གསུམ་པ་གྲུབ་པའི་རྟགས་ལ་གཉིས། རྩོལ་བ་དང་བཅས་པའི་རྟགས། རྩོལ་བ་མེད་པའི་རྟགས་སོ། །དང་པᨖ་རྩོལ་བ་དང་བཅས་པ་ནི། མཉམ་རྗེས་ཐ་དད་དུ་ཡོད་པ་དང༌། ཞི་གནས་རྐྱང་པའི་སྐབས་དང༌། ཉོན་མོངས་པ་གློ་བུར་བ་ལ་གཉེན་པᨖ་བརྟེན་དགོས་པ་དང༌། ཡུལ་གྱིས་རེས་གནོད། རེས་མི་གནོད་པའི་སྐབས་རྣམས་སུ་ཡིན་ལ། གཉིས་པ་རྩོལ་བ་མེད་པ་ནི། མཉམ་རྗེས་འདྲེས་ཏེ་ཐམས་ཅད་མཉམ་བཞག་ཁོར་ཡུག་ཏུ་སོང་བ་དང༌། ལྷག་མཐོང་གི་ཡེ་ཤེས་སྐྱེས་པ་དང༌། ཉོན་མོངས་པས་མི་བརྫི་ཞིང་བག་ལ་ཉལ་ཆོམ་སྟེ་ཆོས་བརྒྱད་བྲལ་བ་དང༌། ཡུལ་རྐྱེན་གྱིས་ཕན་གདགས་པའི་སྐབས་སོ། །དེ་ལྟར་ཐུན་དང་ཐུན་མཚམས་མེད་ཅིང་མཉམ་རྗེས་འདྲེས་པར་སོང་ཙ་ན། སྣང་བ་སློབ་དཔᨖན་དུ་འཆར་བའི་དུས། དངོས་པᨖ་རྣམས་བླ་མར་འཆར་བའི་དུས། ཉོན་མོངས་པ་ལམ་དུ་འགྱུར་བའི་དུས། རྣམ་རྟོག་ཡེ་ཤེས་སུ་སློང་བའི་དུས། དུག་ལྔ་སྨན་དུ་འགྱུར་བའི་དུས། འགྲོ་དྲུག་གཡང་ས་བཅད་པའི་དུས༑ རིགས་དྲུག་གྲོང་ཁྱེར་འཇོམས་པའི་དུས། སྣང་བ་སྟོང་པ་སྒྱུ་མར་གོ་བའི་དུས་ཏེ། ནགས་ལ་མེ་མཆེད་པའམ། རྒྱ་མཚོ་ལ་ཁ་བ་བབས་པའམ། ཡར་ངོའི་ཟླ་བ་དང་འདྲ་བར་རྟོགས་པའི་ཡོན་ཏན་ཁྱད་པར་ཅན་རང་གི་ངང་གིས་འཇུག་སྟེ། སྔར་འདྲིས་པའི་མི་དང་འཕྲད་པ་ལ་རྟོག་དཔྱོད་ཀྱི་རྩོལ་སྒྲུབ་མེད་པ་དང་འདྲ་བའི་དུས་ཏེ་སྒྲ་དང་རྣམ་རྟོག་ལས་འདས་པ་ཕྱག་རྒྱ་ཆེན་པᨖ་དེ་ཁོ་ན་ཉིད་ཡི་གེ་མེད་པ་རྟོགས་པར་འགྱུར་བར་གསུངས་སོ། །ལུགས་སྲོལ་འདིའི་སྤྱོད་པ་ལ་དུས་ཀྱི་ངེས་པ་མེད་དེ། རྣམ་རྟོག་ཉིད་གཉེན་པᨖར་ཤར་ནས་རྟོགས་པའི་གྲོགས་སུ་འགྱུར་བ་ནམ་བྱུང་ཙ་ན། ཟས་ལ་བླང་དོར་མི་བྱ་བར་བཟང་ངན་ཇི་ལྟར་རིགས་པ་ལ་སྤྱོད། སྤྱོད་ལམ་ལ་དགག་སྒྲུབ་མེད་པར་སྣང་བ་གང་ཤར་ཐད་ཀར་གཅོད། གྲོགས་ལ་བཟང་ངན་མེད་པར་སུ་བྱུང་གང་བྱུང་དང་འགྲོགས། དེའང་གསང་སྤྱོད་ནས་བརྩམས་ཏེ་མཐར་ཕྱིན་པར་བྱའོ། །སྤྱིའི་དོན་གསུམ་པ་ནི། སྐུ་གསུམ་ཡན་ལག་བདུན་ལྡན་ཏུ་བཞེད་དེ། ཆོས་སྐུ་ལ་ཡན་ལག་གསུམ་ནི། སྤྲོས་པ་ཉེ་བར་ཞི་བས་རང་བཞིན་མེད་པ། དུས་གསུམ་མཉམ་ཉིད་དུ་གྱུར་པས་རྒྱུན་མི་འཆད་པ། འདུས་བྱས་ཀྱི་སྐྱེ་འཇིག་དང་བྲལ་བས་འགོག་པ་མེད་པ་རྣམས་སོ། །ལོངས་སྐུའི་ཡན་ལག་གསུམ་ནི། མཚན་དང་དཔེ་བྱད་འབར་བ། ཡེ་ཤེས་རང་སྣང་གི་ཡུམ་དང་ཁ་སྦྱོར་བ། ཟག་མེད་ཀྱི་བདེ་བས་རྒྱུད་བརླན་པ་སྟེ་ཁྱད་པར་གྱི་ཆོས་སོ། །སྤྲུལ་སྐུ་ལ་ཐུགས་རྗེ་རྒྱུན་མི་འཆད་པའི་ཡན་ལག་གཅིག་སྟེ། དམིགས་པ་མེད་པའི་སྙིང་རྗེས་སེམས་ཅན་གྱི་དོན་རྒྱུན་མི་འཆད་པར་མཛད་པའོ། །ཡང་ན་འབྲས་བུ་སྐུ་བཞིར་ཡང་བཞེད་དེ། དང་པᨖ་སེམས་རང་བཞིན་གྱིས་དག་པར་གནས་ པ་ནི་ངོ་བོ་ཉིད་ཀྱི་སྐུ། དེ་བསྒོམ་སྟོབས་ཀྱིས་མངོན་དུ་གྱུར་པ་ཆོས་ཀྱི་སྐུ་སྟེ་རང་གི་དོན། མཚན་དཔེ་འབར་བ་སོགས་ལོངས་སྤྱོད་རྫོགས་པ་དང༌། སེམས་ཅན་གྱི་དོན་མཛད་པ་སྤྲུལ་པའི་སྐུ་སྟེ་གཞན་གྱི་དོན། སྔ་མ་གཉིས་ནི་བྲལ་བའི་སྐུ་དང༌། ཕྱི་མ་གཉིས་ནི་རྣམ་སྨིན་གྱི་སྐུ་ཞེས་བྱ་བ་ཡིན་ནོ། །ཡི་གེ་མེད་ལ་བློ་སྦྱངས་པས། །ཡི་གེའི་ཡོནໆ་ཏནໆ་མཐའ་དག་ཐོབ། །གཏིང་ཟབ་རྒྱໆ་མཚོໆའི་རྗེས་འགྲོ་བའི། །ཁྲིད་རིམ་སྙིང་པᨖ་འདི་རྨད་དོ། ། སློབ་དཔᨖན་ངག་གི་དབང་ཕྱུག་གྲགས་པས་མཛད་པའི་ཕྱག་རྒྱ་ཆེན་པᨖ་ཡི་གེ་མེད་པའི་ཁྲིད་ཀྱི་ལེ་ཚན་འདིའང་རྗེ་བླ་མ་རིན་པᨖ་ཆེའི་བཀའ་བཞིན་བློ་གྲོས་མཐའ་ཡས་ཀྱིས་སྤེལ་བ་དགེ་ལེགས་འཕེལ།། །།