DNZ-06-CHA-020

Previous Text Back to Volume PageNext Text

Wylie title		Rigpe Dorje Publications, 2024
Location	gdams ngag rin po che'i mdzod Volume 6, Text 20, Pages (Folios to )
Author	འཇམ་མགོན་ཀོང་སྤྲུལ་
Citation
Side notes
More details More details
Genre

Tibetan Text

Subtexts

[edit]

༄༅། །བློ་སྦྱོང་ཞེན་པ་བཞི་བྲལ་གྱི་སྐོར་བཞུགས་སོ། །

བླ་མ་ས་སྐྱ་པ་ཆེན་པᨖ་དགུང་ལོ་བཅུ་གཉིས་བཞེས་པའི་ཚེ། འཕགས་པ་འཇམ་པའི་དབྱངས་ཀྱི་སྒྲུབ་པ་ཟླ་བ་དྲུག་མཛད་པས། དུས་གཅིག་གི་ཚེ་འོད་ཚོགས་ཀྱི་དབུས་ན་རིན་པᨖ་ཆེའི་ཁྲི་གཅིག་གི་སྟེང་ན་རྗེ་བཙུན་འཇམ་དབྱངས་དམར་སེར་ཆོས་འཆད་ཀྱི་ཕྱག་རྒྱ་ཅན་བཟང་པᨖའི་སྟབས་ཀྱིས་བཞུགས་པ། འཁོར་བྱང་སེམས་གཉིས་གཡས་གཡོན་ཏུ་གནས་པ་མངོན་སུམ་དུ་གཟིགས་ཏེ། གཙོ་བོའི་ཞལ་ནས། ཚེ་འདི་ལ་ཞེན་ན་ཆོས་པ་མིན། །ཁམས་གསུམ་ལ་ཞེན་ན་ངེས་འབྱུང་མིན། །བདག་དོན་ལ་ཞེན་ན་བྱང་སེམས་མིན། །འཛིན་པ་བྱུང་ན་ལྟ་བ་མིན། །ཞེས་གསུངས་པའི་དོན་ལ་དཔྱད་པས། ཕ་རོལ་ཏུ་ཕྱིན་པའི་ལམ་གྱི་ཉམས་ལེན་ཐམས་ཅད་ཞེན་པ་བཞི་དང་བྲལ་བའི་བློ་སྦྱོང་དུ་འདུ་བར་དགོངས་ཏེ། ཆོས་ཐམས་ཅད་ལ་ངེས་ཤེས་ཁྱད་པར་ཅན་ཐོབ་པ་ཡིན་ནོ། །ས་མཱཔྟ་མི་ཐཱི། ༈ །རྗེ་བཙུན་གྲགས་པ་རྒྱལ་མཚན་གྱིས་ མཛད་པའི་ཞེན་པ་བཞི་བྲལ་བཞུགས་སོ། །བཀའ་དྲིན་ཅན་གྱི་བླ་མ་དང༌། །ཐུགས་རྗེ་ཅན་གྱི་ཡི་དམ་ལྷ། །སྙིང་ནས་སྐྱབས་སུ་མཆི་ལགས་ཀྱིས། །བདག་ལ་བྱིན་གྱིས་བརླབ་ཏུ་གསོལ། །ཆོས་མིན་གྱི་སྤྱོད་པ་དགོས་རྒྱུ་མེད། །ཆོས་བཞིན་སྒྲུབ་པར་བྱེད་པ་ལ། །ཞེན་པ་བཞི་བྲལ་གྱི་གདམས་ངག་འཚལ། །དེ་ཁྱེད་ཀྱི་སྙན་དུ་གསོལ་བར་བགྱི། །མཆོད་བརྗོད་དང༌། བཤད་པར་དམ་བཅའ་བ་བསྟན་ནོ། །ཚེ་འདི་ལ་ཞེན་ན་ཆོས་པ་མིན། །འཁོར་བ་ལ་ཞེན་ན་ངེས་འབྱུང་མིན། །བདག་དོན་ལ་ཞེན་ན་བྱང་སེམས་མིན༑ ༑འཛིན་པ་བྱུང་ན་ལྟ་བ་མིན། །དང་པᨖ་ཚེ་འདིར་མ་ཞེན་པ། །ཚུལ་ཁྲིམས་དང་ཐོས་བསམ་སྒོམ་པ་གསུམ། །ཚེ་འདི་ལ་དམིགས་ནས་བསྒྲུབ་པ་དེ། །ཆོས་པ་མིན་གྱི་བཤོལ་ལ་ཞོག །ཐོག་མར་ཚུལ་ཁྲིམས་བཤད་ཙ་ན། །མཐོ་རིས་བསྒྲུབ་པའི་རྩ་བ་ཅན། །ཐར་པ་བསྒྲུབ་པའི་ཐེམ་སྐས་ཅན། །སྡུག་བསྔལ་སྤོང་བའི་གཉེན་པᨖ་ཅན། ། ཚུལ་ཁྲིམས་ལ་མེད་ཐབས་མི་འདུག་སྟེ། །ཚེ་འདི་ལ་ཞེན་པའི་ཚུལ་ཁྲིམས་དེ། །ཆོས་བརྒྱད་བསྒྲུབ་པའི་རྩ་བ་ཅན། །ཚུལ་ཁྲིམས་ངན་ལ་གཤེ་བ་ཅན། །ཚུལ་ཁྲིམས་ལྡན་ལ་ཕྲག་དོག་ཅན། །རང་གི་ཚུལ་ཁྲིམས་ངོ་ཕག་ཅན༑ ༑ངན་འགྲོ་བསྒྲུབ་པའི་ས་བོན་ཅན། །བཅོས་མའི་ཚུལ་ཁྲིམས་བཤོལ་ལ་ཞོག །ཐོས་བསམ་བྱེད་པའི་གང་ཟག་དེ། །ཤེས་བྱ་བསྒྲུབ་པའི་ལོངས་སྤྱོད་ཅན། །མ་རིག་སེལ་བའི་སྒྲོན་མེ་ཅན། །འགྲོ་བ་འདྲེན་པའི་ལམ་རྒྱུས་ཅན། །ཆོས་ཀྱི་སྐུ་ཡི་ས་བོན་ཅན། །ཐོས་བསམ་ལ་མེད་ཐབས་མི་གདའ་སྟེ། །ཚེ་འདི་ལ་ཞེན་པའི་ཐོས་བསམ་དེ། །ང་རྒྱལ་བསྒྲུབ་པའི་ལོངས་སྤྱོད་ཅན། །ཐོས་བསམ་དམན་ལ་བརྙས་པ་ཅན། །ཐོས་བསམ་ལྡན་ལ་ཕྲག་དོག་ཅན། །འཁོར་དང་ལོངས་སྤྱོད་འཚོལ་བ་ཅན། །ངན་འགྲོ་བསྒྲུབ་པའི་རྩ་བ་ཅན། །ཆོས་བརྒྱད་ཀྱི་ཐོས་བསམ་བཤོལ་ལ་ཞོག །སྒོམ་པ་བགྱིད་པའི་གང་ཟག་ཀུན། །ཉོན་མོངས་སྤོང་བའི་གཉེན་པᨖ་ཅན། །ཐར་ལམ་བསྒྲུབ་པའི་རྩ་བ་ཅན། །སངས་རྒྱས་བསྒྲུབ་པའི་ས་བོན་ཅན། །སྒོམ་པ་ལ་མེད་ཐབས་མི་འདུག་སྟེ། །ཚེ་འདི་ལ་དམིགས་པའི་བསྒོམ་པ་དེ། །དབེན་པར་བསྡད་ཀྱང་འདུ་འཛི་ཅན། །ལོང་གཏམ་སྨྲ་བའི་ཁ་ཏོན་ཅན། ། ཐོས་བསམ་བྱེད་ལ་བསྐུར་པ་ཅན། །སྒོམ་པ་གཞན་ལ་ཕྲག་དོག་ཅན། །རང་གི་སྒོམ་པ་རྣམ་གཡེང་ཅན། །ཆོས་བརྒྱད་ཀྱི་བསམ་གཏན་བཤོལ་ལ་ཞོག །འདི་ཡན་ཆད་ཀྱིས། མངོན་པ་མཛོད་ལས། ཚུལ་གནས་ཐོས་དང་བསམ་ལྡན་པས། ། སྒོམ་པ་ལ་ནི་རབ་ཏུ་སྦྱོར། །ཞེས་གསུངས་པའི་དོན་ལ་ཡང་དག་དང་ལྟར་སྣང་གི་དབྱེ་བ་དངོས་སུ་བསྟན་ནོ། །དལ་འབྱོར་རྙེད་དཀའ་དང༌། འཆི་བ་མི་རྟག་པ་བསྒོམ་ཚུལ་ཤུགས་ལ་བསྟན་ནོ། །མཆན། མྱ་ངན་འདས་པ་བསྒྲུབ་པ་ལ། །ཁམས་གསུམ་གྱི་ཞེན་པ་སྤོང་ཡང་འཚལ། །ཁམས་གསུམ་གྱི་ཞེན་པ་སྤོང་བ་ལ། །འཁོར་བའི་ཉེས་པ་དྲན་པར་འཚལ། །དང་པᨖ་སྡུག་བསྔལ་གྱི་སྡུག་བསྔལ་དེ། །ངན་སོང་གསུམ་གྱི་སྡུག་བསྔལ་ཡིན། །དེ་ལེགས་པར་བསམ་ན་སྐྱི་ཤ་འབུང༌། །ཐོག་ཏུ་བབས་ན་སྲན་ཐབས་མེད། །སྤོང་བའི་དགེ་བ་མི་བསྒྲུབ་པར། །ངན་སོང་གི་སོ་ནམ་བྱེད་བྱེད་པ། །དེ་གང་ན་འདུག་ཀྱང་ཐེ་ལེ་ལེ། །འགྱུར་བའི་སྡུག་བསྔལ་བསམ་ཙ་ན། །མཐོ་རིས་ངན་འགྲོར་འགྲོ་བ་ཡོད། །བརྒྱ་བྱིན་ཐ་མལ་དུ་སྐྱེ་བ་ཡོད། །ཉི་ཟླ་མུན་པར་འགྲོ་བ་ཡོད། །བསྒྱུར་རྒྱལ་བྲན་ཏུ་སྐྱེ་བ་ཡོད། །དེ་ལུང་ལ་བརྟེན་ནས་ཡིད་ཆེས་ཀྱང༌། །ཕལ་པས་རྟོགས་པར་མི་ནུས་པས། །རང་སྣང་མི་ཡི་འགྱུར་བ་ལྟོས། །མི་ཕྱུག་པᨖ་སྤྲང་པᨖར་འགྲོ་ཡིན་འདུག །ཁ་དྲག་པᨖ་ཞན་པᨖར་འགྲོ་ཡིན་འདུག །མི་མང་པᨖ་གཅིག་ཏུ་འགྲོ་ཡིན་འདུག །དེ་ལ་སོགས་པ་བསམ་མི་ཁྱབ། །འདུ་བྱེད་ཀྱི་སྡུག་བསྔལ་བསམ་ཙ་ན། །བྱ་བའི་ལས་ལ་ཟིན་པ་མེད། །མི་མང་ཡང་སྡུག་ལ་ཉུང་ཡང་སྡུག །ནོར་ཕྱུག་ཀྱང་སྡུག་སྟེ་ལྟོག་ཀྱང་སྡུག །མི་ཚེ་ཐམས་ཅད་གྲབས་ལ་ཟད། །གྲབས་བྱེད་པའི་འཕྲོ་ལ་ཐམས་ཅད་འཆི། །ཤི་ཡང་གྲབས་ལ་ཟིན་པ་མེད། །ཚེ་ཕྱི་མའི་གྲབས་ཀྱི་མགོ་ལ་འཇུ། །འཁོར་བ་སྡུག་བསྔལ་གྱི་ ཕུང་པᨖ་ལ། །ཞེན་པར་བྱེད་རྣམས་ཐེ་ལེ་ལེ། །འདི་ཡན་ཆད་ཀྱིས་འཁོར་བའི་ཉེས་དམིགས་དངོས་སུ་བསྟན་ནས། ལས་འབྲས་ཀྱི་བླང་དོར་ཤུགས་ལ་བསྟན་ནོ། །མཆན། ཞེན་པ་བྲལ་ན་མྱ་ངན་འདས། །མྱ་ངན་འདའ་ན་བདེ་བ་ཐོབ། །ཞེན་པ་བཞི་བྲལ་ཉམས་ཀྱི་དབྱངས། །བདག་གཅིག་པུར་ཐར་བས་ཕན་རྒྱུ་མེད། །ཁམས་གསུམ་སེམས་ཅན་ཕ་མ་ཡིན། །ཕ་མ་སྡུག་བསྔལ་གྱི་གསེབ་ཏུ་བཞག །བདག་བདེ་བར་འདོད་པ་ཐེ་ལེ་ལེ། །ཁམས་གསུམ་གྱི་སྡུག་བསྔལ་བདག་ལ་སྨིན། །བདག་གི་བསོད་ནམས་ཐམས་ཅད་སེམས་ཅན་ཁྱེར། །བསོད་ནམས་འདི་ཡི་བྱིན་རླབས་ཀྱིས། །སེམས་ཅན་ཐམས་ཅད་སངས་རྒྱས་ཤོག །འདི་ཡན་ཆད་ཀྱིས་རྒྱུ་བྱམས་པ་དང་སྙིང་རྗེ་བསྒོམས་པ་ཤུགས་ལ་བསྟན་ནས། འབྲས་བུ་བདག་གཞན་བརྗེ་བ་དངོས་སུ་བསྟན་ནོ། །མཆན། བདག་ཇི་ལྟར་འདོད་ཀྱང་ཆོས་ཉིད་ཀྱི་ངང༌། །འཛིན་དང་བཅས་ལ་གྲོལ་བ་མེད། །དེ་ཡང་ཞིབ་ཏུ་བཤད་ཙ་ན། །ཡོད་པར་འཛིན་ལ་ཐར་པ་མེད། །མེད་པར་འཛིན་ལ་མཐོ་རིས་མེད༑ ༑གཉིས་ཀར་འཛིན་པ་མི་ཤེས་པས། །གཉིས་མེད་ཀྱི་ངང་ལ་གང་དགར་ཞོག །འདི་ཡན་ཆད་ཀྱིས་རྟག་ཆད་ཀྱི་ལྟ་བ་སྤངས་ནས་ཟུང་འཇུག་གཉིས་མེད་ལ་བློ་འཇོག་ཚུལ་སྤྱིར་བསྟན་ནོ། །མཆན། ཆོས་ཀུན་སེམས་ཀྱི་སྤྱོད་ཡུལ་ཡིན། །ཕྱྭ་དང་དབང་ཕྱུག་ལ་སོགས་པ། །འབྱུང་བཞིའི་བྱེད་མཁན་མ་ཚོལ་བར། །སེམས་ཉིད་ཀྱི་ངང་ལ་གང་དགར་ཞོག །འདི་ཡན་ཆད་ཀྱིས་བྱང་སེམས་སེམས་ཙམ་པ་དང་ཐུན་མོང་བའི་ལམ་རིམ་བསྟན་ནས། ཐེག་ཆེན་དབུ་མ་པའི་ཐུན་མོང་མ་ཡིན་པའི་ལམ་ནི། མཆན། སྣང་བ་སྒྱུ་མའི་རང་བཞིན་དང༌། །རྟེན་ཅིང་འབྲེལ་བར་འབྱུང་བ་ཡིན། །གནས་ལུགས་བརྗོད་པར་མི་ཤེས་ཀྱིས། །བརྗོད་བྲལ་གྱི་ངང་ལ་གང་དགར་ཞོག །འདི་ཡན་ཆད་ཀྱིས་ཞི་གནས་བསྒོམ་ཚུལ་ཤུགས་ལ་བསྟན་ནས། ལྷག་མཐོང་བསྒོམ་ཚུལ་ལ། ཡུལ་སྣང་སེམས་སུ་བསྒྲུབ་པ་དང༌། དེ་སྒྱུ་མར་བསྒྲུབ་པ་དང་། དེ་རང་བཞིན་མེད་པ། རྟེན་འབྲེལ་དང༌། བརྗོད་བྲལ་དུ་གཏན་ལ་ཕབ་ནས། སྤྲོས་བྲལ་ཟུང་འཇུག་བསྒོམ་པ་དངོས་སུ་བསྟན་ནོ། །མཆན། ཞེན་པ་བཞི་བྲལ་བཤད་པ་ཡི། །དགེ་བ་འདི་ཡི་བསོད་ནམས་ཀྱིས། །འགྲོ་བ་བདུན་པᨖ་མ་ལུས་པ། །སངས་རྒྱས་ས་ལ་འགོད་པར་ཤོག །འདིས་བསྔོ་བ་དང་འབྲས་བུ་བསྟན་ནོ། །ཞེན་པ་བཞི་བྲལ་གྱི་གདམས་ངག་རྣལ་འབྱོར་པ་གྲགས་པ་རྒྱལ་མཚན་གྱིས་དཔལ་ས་སྐྱའི་དགོན་པར་སྦྱར་ བའོ༑ ༈ ༑ས་པཎ་གྱིས་མཛད་པའི་ཞེན་པ་བཞི་བྲལ་གྱི་གདམས་ངག་གོ །བླ་མ་དམ་པའི་ཞབས་ལ་ཕྱག་འཚལ་ལོ། །སྤྱིར་དལ་འབྱོར་གྱི་ལུས་ཐོབ། སངས་རྒྱས་ཀྱི་བསྟན་པ་རིན་པᨖ་ཆེ་དང་འཕྲད། བཅོས་མ་མ་ཡིན་པའི་བློ་སྐྱེས་ནས་དམ་ཆོས་ཕྱིན་ཅི་མ་ལོག་པ་ཅིག་བྱེད་དགོས། དེ་ལ་ཞེན་པ་བཞི་དང་བྲལ་བ་ཅིག་ཉམས་སུ་ལེན་དགོས། དེ་གང་ཞེ་ན། ཚེ་འདི་ལ་མ་ཞེན་པ། ཁམས་གསུམ་འཁོར་བ་ལ་མ་ཞེན་པ། བདག་གི་དོན་ལ་མ་ཞེན་པ༑ དངོས་པᨖ་དང་མཚན་མ་ལ་མ་ཞེན་པའོ། །དེ་བཤད་ན། ཚེ་འདི་ཆུའི་ཆུ་བུར་དང་འདྲ་བས་ནམ་འཆི་ངེས་པ་མེད་པས་ཞེན་པ་བྱ་རིན་མི་ཆོག །ཁམས་གསུམ་འཁོར་བ་འདི་དུག་གི་འབྲས་བུ་དང་འདྲ་བས། འཕྲལ་ཞིམ་ ཡང་ཕུགས་སུ་གནོད་པ་སྐྱེལ། སུ་ཞེན་པར་བྱེད་པ་ཚོ་འཁྲུལ། རང་གི་དོན་ལ་ཞེན་ན་དགྲའི་བུ་གསོས་པ་དང་འདྲ། འཕྲལ་དགའ་དགའ་ལྟར་བྱེད་ཀྱང༌ཕུགས་སུ་རང་ལ་གནོད་པ་སྐྱེལ་ངེས། དེས་ན་རང་དོན་ལ་ཞེན་ན་འཕྲལ་བདེ་ཡང༌། ཕུགས་ངན་སོང་དུ་འགྲོའོ། །དངོས་པᨖ་དང་མཚན་མ་ལ་མངོན་པར་ཞེན་ན། སྨིག་རྒྱུ་ལ་ཆུར་འཛིན་པ་དང་འདྲ། འཕྲལ་ཆུར་སྣང་ཡང་བཏུང་རྒྱུ་མེད། འཁོར་བ་འདི་བློ་འཁྲུལ་པ་ལ་སྣང་ཡང༌། ཤེས་རབ་ཀྱིས་བརྟགས་ན་ངོ་བོར་གྲུབ་པ་ཅི་ཡང་མེད། དེས་ན་འདས་པ་ལ་སེམས་མི་གཞུག །མ་འོངས་པ་ལ་སེམས་མི་གཞུག །ད་ལྟར་བ་ལ་རྣམ་པར་ཤེས་པ་མི་གཞུག་པ་ཅིག་གོ་བར་བྱས་ནས། ཆོས་ཐམས་ཅད་སྤྲོས་བྲལ་དུ་ཤེས་པར་བྱའོ། །དེ་ལྟར་བྱས་པས་ཚེ་འདི་ཉིད་ལ་མ་ཞེན་པས་ངན་སོང་དུ་མི་སྐྱེ། ཁམས་གསུམ་འཁོར་བ་ལ་མ་ཞེན་པས་འཁོར་བར་མི་སྐྱེ། བདག་གི་དོན་ལ་མ་ཞེན་པས་ཉན་རང་དུ་མི་སྐྱེ། དངོས་པᨖ་དང་མཚན་མ་ལ་མ་ཞེན་པས། མྱུར་དུ་མངོན་པར་རྫོགས་པར་སངས་རྒྱའོ། །ཞེན་པ་བཞི་བྲལ་གྱི་གདམས་ངག་ཕྱིན་ཅི་མ་ལོག་པ་དཔལ་ས་སྐྱ་པ་ཆེན་པᨖའི་ཐུགས་ཀྱི་དགོངས་པ་ས་སྐྱ་པཎྜི་ཏས་མཛད་པ་རྫོགས་སོ། ༈ །ནུབ་པ་རིག་འཛིན་གྲགས་ཀྱིས་མཛད་པའི་ཞེན་པ་བཞི་བྲལ་བཞུགས་སོ། །ན་མོ་གུ་རུ། རྗེ་བཙུན་ཆེན་པᨖ་ས་སྐྱ་པའི་ཞལ་ནས། མྱ་ངན་འདས་པའི་བདེ་བ་ཆེན་པᨖ་མཆོག་དོན་ཏུ་གཉེར་བར་འདོད་པ་རྣམས་ཀྱིས། ཞེན་པ་བཞི་དང་བྲལ་དགོས་ཏེ། དེ་ལ་ཞེན་པ་བཞི་ནི། ཚེ་འདི་ལ་ཞེན་པ། ཁམས་གསུམ་འཁོར་བ་ལ་ཞེན་པ། བདག་གི་དོན་ལ་ཞེན་པ། དངོས་པᨖ་དང་མཚན་མ་ལ་ཞེན་པའོ། །དེའི་གཉེན་པᨖའང་བཞི་སྟེ། ཞེན་པ་དང་པᨖའི་གཉེན་པᨖར་འཆི་བ་མི་རྟག་པ་བསྒོམ་པ། གཉིས་པའི་གཉེན་པᨖར་འཁོར་བའི་ཉེས་དམིགས་དྲན་པ། གསུམ་པའི་གཉེན་པᨖར་བྱང་ཆུབ་ཀྱི་སེམས་དྲན་པ། བཞི་པའི་གཉེན་པᨖར་ཆོས་ཐམས་ཅད་རྨི་ལམ་སྒྱུ་མ་ལྟ་བུར་བདག་མེད་པར་དྲན་པའོ༑ ༑དེ་ལྟར་དྲན་ཞིང་གོམས་པར་བྱས་པས་འབྲས་བུ་བཞི་འབྱུང་སྟེ། ཆོས་ཆོས་སུ་འགྲོ་བ། ཆོས་ལམ་དུ་འགྲོ་བ། ལམ་འཁྲུལ་པ་སེལ་བ། དེ་ལྟར་ཤེས་ཤིང་གོམས་པའི་འབྲས་བུ་འཁྲུལ་སྣང་གནས་གྱུར་ཡེ་ཤེས་ཕུན་སུམ་ཚོགས་པའི་སངས་རྒྱས་འབྱུང་ངོ༌། །དེ་ལ་དང་པᨖར་ཚེ་འདི་ལ་ཞེན་པའི་གཉེན་པᨖར་འཆི་བ་མི་རྟག་པ་དྲན་པ་ནི། ནམ་འཆི་ཆ་མེད་པར་བསམ། འཆི་རྐྱེན་མང་བར་བསམ། འཆི་བ་ལ་ཅིས་ཀྱང་མི་ཕན་པ་རྒྱས་པར་བསམ་མོ། །དེ་ལྟར་བསམ་པ་གཅིག་སྐྱེས་ན། སྙིང་ནས་ཆོས་གཅིག་བྱེད་འདོད་འོང་སྟེ། དེའི་དུས་ན་ཆོས་ཆོས་སུ་འགྲོ་བ་ཡིན་ནོ། །དེ་ནས་ཁམས་གསུམ་འཁོར་བ་ལ་ཞེན་པའི་གཉེན་པᨖར་འཁོར་བའི་ཉེས་དམིགས་དྲན་པ་ནི། དེ་ལྟར་ཚེ་འདི་ལ་ཞེན་པ་ལ་ཉེས་པ་དེ་ལྟར་འདུག་ཀྱང༌། གཞན་འཁོར་ལོས་སྒྱུར་བ་དང༌། ཚངས་པ་དང༌། བརྒྱ་བྱིན་ལ་སོགས་པ་ཀུན་བདེ་བ་མཆོག་ཡིན་ནམ་སྙམ་ན་མ་ཡིན་ཏེ། དེ་རྣམས་ཀྱང་སྡུག་བསྔལ་གྱི་ རང་བཞིན་ལས་མ་འདས་པ་སྟེ། དེ་རྣམས་ཀྱི་ཚེ་དང་ལོངས་སྤྱོད་བསྐལ་པ་དུ་མར་གནས་ཤིང་རྒྱས་ཀྱང་། མཐར་འཆི་ཞིང་འཇིག་སྟེ་མནར་མེད་པའི་སེམས་ཅན་དམྱལ་བར་སྐྱེ་བའི་ཉེན་ཡོད་པས་ན། དེ་ཐམས་ཅད་ཀྱང་སྡུག་བསྔལ་གྱི་རང་བཞིན་ལས་མ་འདས་སྙམ་དུ་བསམ་ཞིང༌། གོམས་པ་ན་ཆོས་ལམ་དུ་འགྲོ་བ་ཅིག་ཡོད་དེ། ཁམས་གསུམ་སྡུག་བསྔལ་གྱི་རང་བཞིན་ལས་མ་འདས་པར་འདུག་པས། མྱ་ངན་ལས་འདས་པའི་བདེ་བ་ཅིག་རང་དགོས་སྙམ་པའི་བློ་སྐྱེ་ཞིང༌། ལམ་ཐམས་ཅད་དེའི་དོན་ཏུ་བསྒྲུབ་པ་ཅིག་འོང་ངོ༌། །དེ་ལྟར་རྒྱུད་ལ་སྐྱེས་ཀྱང་བྱང་ཆུབ་ཀྱི་སེམས་དང་མི་ལྡན་པའི་བདག་གཅིག་པུ་བདེ་བ་དོན་དུ་གཉེར་ན། དགྲ་བཅོམ་པའམ་རང་སངས་རྒྱས་སུ་འགྱུར་བས་ན། བདག་གི་དོན་ལ་ཞེན་པའི་གཉེན་པᨖར་བྱང་ཆུབ་ཀྱི་སེམས་དྲན་པ་ནི། དེ་ལྟར་ཁམས་གསུམ་སྡུག་བསྔལ་གྱི་རང་བཞིན་འདི་ལས་བདག་གཅིག་པུ་གྲོལ་བས་མི་ཕན་ཏེ། སེམས་ཅན་འདི་རྣམས་རེ་རེ་ནས་བདག་གི་ཕ་དང་མ་མ་བྱས་པ་མེད་པས། འདི་རྣམས་ཀྱིས་མྱ་ངན་ལས་འདས་པའི་བདེ་བ་མཆོག་ཐོབ་ན། བདག་བསྐལ་པ་ནས་བསྐལ་པའི་བར་དུ་དམྱལ་བའི་སེམས་ཅན་ཏུ་སྐྱེས་ཀྱང་སླའི་སྙམ་པའི་བློ་གོམས་ཤིང་སྐྱེས་ཙམ་ན། ལམ་གྱི་འཁྲུལ་པ་དང་པᨖ་བདག་གི་དོན་ལ་ཞེན་པ་སེལ་བ་ཡིན་ནོ། །དེ་ལྟར་སྐྱེས་ཤིང་གོམས་ཀྱང་བདེན་འཛིན་དང་བཅས་པར་གྱུར་ན་ཐམས་ཅད་མཁྱེན་པ་མི་ཐོབ་པས། དངོས་པᨖ་དང་ མཚན་མར་ཞེན་པའི་གཉེན་པᨖར་ཆོས་ཐམས་ཅད་བདག་མེད་པར་དྲན་དགོས་ཏེ། དེ་ཡང་ཆོས་ཐམས་ཅད་ཅིར་ཡང་མ་གྲུབ་པའི་རང་བཞིན་ཡིན་པ་ལ། བདེན་འཛིན་བྱུང་ན་རྟག་ལྟ་ཡིན་ལ། སྟོང་པར་ཞེན་ན་ཆད་ལྟ་ཡིན་ལ། ཆོས་ཐམས་ཅད་རྨི་ལམ་ལྟ་བུར་ཡིད་ལ་བྱའོ། །དེ་ཡང་བདག་གི་རྨི་ལམ་དང་སྣང་བ་བསྲེས་ཤིང་བསྒོམས་པས་རྨི་ལམ་མི་བདེན་པ་བཞིན་ཏུ་སྣང་བ་ཡང་མི་བདེན། མི་བདེན་བཞིན་དུ་སྣང་བ་ཡིན་སྙམ་དུ་ཡང་ཡང་དྲན་ཞིང་བསྒོམ་པ་ན། ལམ་གྱི་འཁྲུལ་པ་གཉིས་པ་དངོས་པᨖ་དང་མཚན་མར་ཞེན་པ་སེལ་བ་ཡིན་ནོ། །དེ་ལྟར་འཁྲུལ་པ་ཐམས་ཅད་བསལ་ཞིང་མཐར་ཕྱིན་པ་ན། འཁྲུལ་པ་ཡེ་ཤེས་སུ་འཆར་བ་ཞེས་བྱ་བ་འབྲས་བུ་རྫོགས་པའི་སངས་རྒྱས་སྐུ་དང་ཡེ་ཤེས་ལ་སོགས་པ་ཡོན་ཏན་བསམ་གྱིས་མི་ཁྱབ་པའི་བདེ་བའི་མཆོག་འབྱུང་བར་འགྱུར་རོ། །ཞེས་པ་རྣལ་འབྱོར་གྱི་དབང་ཕྱུག་གྲགས་པ་རྒྱལ་མཚན་གྱི་གསུང་ཞེན་པ་བཞི་བྲལ་གྱི་གདམས་པ་ ཨྠ ི། མངྒ་ལཾ། ༈ །ཞེན་པ་བཞི་བྲལ་གྱི་ཁྲིད་ཡིག་རྗེ་བླ་མ་ཨཱ་ནནྡ་བྷ་དྲའི་གསུང་སྒྲོས་བཞུགས་སོ། །བླ་མ་འཇམ་པའི་དབྱངས་ལ་ཕྱག་འཚལ་ལོ། །འོ་སེམས་ཅན་ཐམས་ཅད་ཀྱི་དོན་ཏུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་དམ་པའི་ཆོས་ཟབ་མོ་གསན་ལ་དེའི་དོན་ཉམས་སུ་བླང་སྙམ་པའི་བྱང་ཆུབ་ཀྱི་མཆོག་ཏུ་སེམས་བསྐྱེད་པ་ལ་སོགས་པ་ཆོས་ཉན་པའི་ཀུན་སྤྱོད་རྣམས་གསལ་བཏབ་ནས་ གསན་པར་ཞུ། འདིར་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བསྒྲོད་པ་གཅིག་པའི་ལམ། སངས་རྒྱས་ཀྱི་གསུང་རབ་ཟབ་མོ་མདོ་སྡེ་ཐམས་ཅད་ཀྱི་ཉམས་ལེན་གྱི་གནད་ཕྱོགས་གཅིག་ཏུ་བསྡུས་པ། ཞེན་པ་བཞི་བྲལ་གྱི་མན་ངག་ཉམས་སུ་ལེན་པ་ལ། ཡིད་ཆེས་ཤིང་ཁུངས་བཙུན་པར་བྱེད་པ་བླ་མ་བརྒྱུད་པའི་ལོ་རྒྱུས་དང༌། གདམས་ངག་དངོས་གཉིས་སོ། །དང་པᨖ་ནི། རྣལ་འབྱོར་གྱི་དབང་ཕྱུག་རྗེ་བཙུན་ས་སྐྱ་པ་ཆེན་པᨖ། དགུང་ལོ་བཅུ་གཉིས་བཞེས་པའི་དུས། སྙིང་རྗེ་ཆེན་པᨖ་བ་རི་ལོ་ཙཱ་བ་བླ་མར་བསྟེན་ཏེ་ཆོས་གསན་པས། བླ་མའི་གསུང་གིས་ཁྱོད་ཕ་ཇོ་སྲས་ཙམ་གྱི་བུ་ཡིན་པས་སློབ་གཉེར་བྱེད་དགོས་ཤིང༌། དེ་ལ་ཤེས་རབ་དགོས་པས་རྗེ་བཙུན་འཇམ་པའི་དབྱངས་ཀྱི་བསྒྲུབ་པ་གྱིས་གསུངས་ནས། འཇམ་དབྱངས་ཨ་ར་པ་ཙ་ནའི་རྗེས་གནང་དང་ལུང་གནང་ཞིང༌། བླ་མས་ཀྱང་བསྒྲུབ་པའི་གྲོགས་མཛད་ནས་བླ་བྲང་རྙིང་མར་བསྒྲུབ་པ་མཛད་པས། བར་ཆད་ཀྱི་ཆོ་འཕྲུལ་ཅུང་ཟད་བྱུང་བ་ལ། མི་གཡོ་བ་སྔོན་པᨖའི་བསྒོམ་བཟླས་དང༌། ཆུ་བསྲུང་གི་སྒོ་ནས་བཟློག་པ་མཛད་ཅིང༌། ཟླ་བ་དྲུག་བསྒྲུབས་པས་དུས་གཅིག་གི་ཚེ་འཕགས་པ་འཇམ་དཔལ་རིན་པᨖ་ཆེའི་ཁྲིའི་སྟེང་ན་ཆོས་འཆད་ཀྱི་ཕྱག་རྒྱ་ཅན། བཟང་པᨖའི་འདུག་སྟངས་ཀྱིས་བཞུགས་པ། འཁོར་བྱང་ཆུབ་སེམས་དཔའ་གཉིས་དང་བཅས་པ་མངོན་སུམ་དུ་ཞལ་གཟིགས་ཏེ། དེའི་ཚེ་འཕགས་པ་འཇམ་དཔལ་གྱི་ཞལ་ནས། ཚེ་འདི་ལ་ཞེན་ན་ཆོས་པ་མིན། །འཁོར་བ་ལ་ཞེན་ན་ངེས་འབྱུང་མིན། །བདག་དོན་ལ་ཞེན་ན་བྱང་སེམས་མིན། །འཛིན་པ་བྱུང་ན་ལྟ་བ་མིན། །ཞེས་པའི་ཚིག་རྐང་བཞི་པᨖ་འདི་གསུངས། དེའི་དོན་ལ་ཐུགས་བསམ་མཛད་པས། སངས་རྒྱས་ཀྱི་གསུང་མདོ་སྡེ་ཐམས་ཅད་ཀྱི་ཉམས་ལེན་འདིར་འདུས་ཤིང་ཟབ་པར་དགོངས་ནས་ཐུགས་ཉམས་སུ་བཞེས་སོ། །དེས་སློབ་དཔᨖན་རིན་པᨖ་ཆེ་ལ་གནང༌། དེས་རྗེ་བཙུན་རིན་པᨖ་ཆེ་ལ། དེས་ཆོས་རྗེ་ས་སྐྱ་པཎྜི་ཏ་ཆེན་པᨖ་ལ། དེས་འགྲོ་མགོན་ཆོས་རྒྱལ་འཕགས་པ་ལ། དེས་ཞང་དཀོན་མཆོག་དཔལ་བ་ལ། དེས་རྒྱལ་བ་བྲག་ཕུག་པ་ལ། དེས་ཆོས་རྗེ་བསོད་ནམས་རྒྱལ་མཚན་དཔལ་བཟང་པᨖ་ལ། དེས་བླ་མ་དཔལ་ལྡན་ཚུལ་ཁྲིམས་ལ། དེས་ཆོས་རྗེ་ཡེ་ཤེས་རྒྱལ་མཚན་དཔལ་བཟང་པᨖ་ལ། དེས་བདག་ཅག་གི་དཔལ་ལྡན་བླ་མ་དམ་པ་ཀུན་དགའ་བཟང་པᨖ་ལ་གནང་ངོ༌། །གཉིས་པ་མན་ངག་དངོས་ལ། སྔོན་འགྲོ། དངོས་གཞི། རྗེས་གསུམ་གྱི་དང་པᨖ་ལ་གཉིས་ལས། སྐྱབས་འགྲོ་ནི་ཐེག་ཆེན་གྱི་སྐྱབས་འགྲོ་ཁྱད་པར་བཞི་ལྡན་ཏེ། དེའང་སྐྱབས་སུ་འགྲོ་བའི་ཚུལ་ནི། ཡོན་ཏན་གྱི་ཆོས་བསམ་གྱིས་མི་ཁྱབ་ཅིང༌། སྐྱོན་གྱི་རྣམ་པ་གང་ཡང་མེད་པའི་གང་ཟག་ཟླ་མེད་པ་སངས་རྒྱས་དཀོན་མཆོག །དེའང་བྱང་སེམས་ཕྱིར་མི་ལྡོག་པ་རྣམས་ཀྱི་ཐུགས་རྒྱུད་ལ་བཞུགས་པའི་ལུང་དང་རྟོགས་པའི་ཆོས་ཇི་ལྟ་བ་དང་ཇི་སྙེད་པ་ཆོས་དཀོན་མཆོག །དེ་དག་ཚུལ་བཞིན་ཏུ་བསྒྲུབ་པའི་ བྱང་སེམས་ཕྱིར་མི་ལྡོག་པ་དགེ་འདུན་དཀོན་མཆོག་སྟེ་དེ་ལ་སྐྱབས་སུ་འགྲོ། དུས་འདི་ནས་བཟུང་སྟེ་བྱང་ཆུབ་སྙིང་པᨖ་ལ་མཆིས་ཀྱི་བར་དུ། གང་ཟག་བདག་གཅིག་པུ་སྐྱབས་སུ་འགྲོ་བ་མ་ཡིན་གྱི། ཕ་མས་ཐོག་དྲངས་ནམ་མཁའ་དང་མཉམ་པའི་སེམས་ཅན་ཐམས་ཅད། ཆེད་དུ་བྱ་བ་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་འདོད་ནས་སྐྱབས་སུ་འགྲོ་བས་དེའི་དོན་དྲན་ཅིང་མ་ཡེངས་པའི་སྒོ་ནས་ངག་ཏུ། བདག་གཞན་མར་གྱུར་ནམ་མཁའི་མཐས་གཏུགས་སེམས་ཅན་ཐམས་ཅད་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པᨖ་ལ་མཆིས་ཀྱི་བར་དུ། བླ་མ་སངས་རྒྱས་རིན་པᨖ་ཆེ་ལ་སྐྱབས་སུ་མཆིའོ། ། ལུང་རྟོགས་བདག་ཉིད་དམ་པའི་ཆོས་ལ་སྐྱབས་སུ་མཆིའོ། །རྒྱལ་སྲས་འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་སྐྱབས་འགྲོ་ཅི་ནུས་བྱས་པའི་མཐར། དཀོན་མཆོག་རིན་པᨖ་ཆེ་རྣམ་པ་གསུམ་གྱིས་བྱིན་གྱིས་རླབས་ཀྱིས། བདག་གི་བློ་ཆོས་སུ་འགྲོ་བར་བྱིན་གྱིས་བརླབ་ཏུ་གསོལ། ཆོས་ལམ་དུ་འགྲོ༴ ལམ་འཁྲུལ་པ་སེལ༴ འཁྲུལ་སྣང་ཡེ་ཤེས་སུ་འཆར༴ བློ་ལ་ཆོས་མ་ཡིན་པའི་རྣམ་པར་རྟོག་པ་སྐད་ཅིག་ཀྱང་མི་སྐྱེ་བར༴ མྱུར་དུ་སངས་རྒྱས་ཐོབ་པར་བྱིན་གྱིས་བརླབ་ཏུ་གསོལ། ཞེས་གསོལ་བ་གདབ་བོ། །གཉིས་པ་སེམས་བསྐྱེད་ནི། སེམས་ཅན་ཐམས་ཅད་ཀྱི་དོན་ཏུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱའོ་སྙམ་པ་ སྨོན་པ་དང༌། དེའི་ཆེད་དུ་ཐེག་པ་ཆེན་པᨖའི་ལམ་གྱི་རིམ་པ་ཟབ་མོ་ལ་བསླབ་པར་བགྱིའོ་སྙམ་པ་འཇུག་པ་སྟེ། སྨོན་འཇུག་གི་སེམས་བསྐྱེད་པའི་དོན་ཡིད་ལ་དྲན་བཞིན་པས། སངས་རྒྱས་ཆོས་དང་ཚོགས་ཀྱི་མཆོག་བཅས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གི་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཞེས་བརྗོད་དོ། །གཉིས་པ་དངོས་གཞི་ལ་བཞི་ལས། དང་པᨖ་ནི། ཉམས་སུ་ལེན་པ་ལ་ལུས་རྡོ་རྗེ་སྐྱིལ་ཀྲུང་ངམ། ཇི་ལྟར་བདེ་བར་བྱས་ལ། སྐྱབས་འགྲོ་སེམས་བསྐྱེད་སྔོན་ཏུ་སོང་ནས། ཚེ་འདི་ལ་ཞེན་ན་ཆོས་པ་མིན། །ཞེས་པའི་དོན་ཚེ་འདི་ལ་མ་ཞེན་པ་ཅིག་དགོས་ཀྱི། ཞེན་ན་སྨིག་རྒྱུ་ལ་ཆུར་ཞེན་ཀྱང༌སྐོམ་པ་སེལ་བའི་དོན་མི་བྱེད་པ་ལྟར་ཚུལ་ཁྲིམས་དང་ཐོས་བསམ་བསྒོམ་གསུམ་ཅི་བྱས་ཀྱང༌། ཚེ་འདིའི་ཕུན་ཚོགས་བསྒྲུབ་པའི་ཆེད་དུ་སོང་བས་ཆོས་རྣལ་མར་མི་འགྲོ། དེས་ན། དཔལ་མགོན་དབྱིག་གཉེན་གྱིས་མངོན་པ་མཛོད་ལས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་པ་ལྟར་གཞི་ཚུལ་ཁྲིམས་རྣམ་པར་དག་པ་ལ་བརྟེན་ནས་ཐོག་མར་ཐོས་པ་བྱ། དེ་ནས་དེའི་དོན་ལ་བསམས་ནས་སྒྲོ་འདོགས་བཅད་པའི་དོན་ལ་བསྒོམ་དགོས་པས། དེ་ལའང་ཆོས་བྱེད་པར་འདོད་པའི་བློ་མ་སྐྱེས་པ་བསྐྱེད་པའི་ཕྱིར་དལ་འབྱོར་རྙེད་དཀའ་བསམ་པ། ཆོས་བྱེད་པ་ལ་བརྩོན་འགྲུས་མཆོག་ཏུ་འགྱུར་བའི་ ཆེད་དུ་འཆི་བ་མི་རྟག་པ་བསམ་པ་དང་གཉིས་ལས། དང་པᨖ་ནི། སློབ་དཔᨖན་ཞི་བ་ལྷའི་སྤྱོད་འཇུག་ལས། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུའི་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་ནས་ཡང་དག་འབྱོར་བར་ག་ལ་འགྱུར། །ཞེས་གསུངས་པ་ལྟར་དམ་པའི་ཆོས་བསྒྲུབ་པའི་རྟེན་ཏུ་གྱུར་པའི་དལ་འབྱོར་གྱི་རྟེན་འདིའང་རྙེད་པར་དཀའ་བས། རྙེད་པའི་དུས་འདིར་ཆོས་རྣམ་དག་ཅིག་བྱ་དགོས་སྙམ་དུ་ཡང་ཡང་བསྒོམ་མོ། །དེ་ཉིད་ཅུང་ཟད་རྒྱས་པར་བཤད་ན་བཞི་སྟེ། རྒྱུའི་སྒོ་ནས་རྙེད་པར་དཀའ་བ། གྲངས་ཀྱི་སྒོ་ནས་རྙེད་པར་དཀའ་བ། དཔེའི་སྒོ་ནས་རྙེད་པར་དཀའ་བ། ངོ་བོའི་སྒོ་ནས་རྙེད་པར་དཀའ་བ་བསམ་པའོ། །དང་པᨖ་ནི། དལ་འབྱོར་གྱི་རྟེན་རྣམ་པར་དག་པ་ཐོབ་པ་ལ། རྒྱུ་ཚུལ་ཁྲིམས་ལ་སོགས་པ་དགེ་བའི་ལས་བསྒྲུབ་ཅིང༌མི་དགེ་བ་མཐའ་དག་སྤང་དགོས་པ་ལ། ཁམས་གསུམ་གྱི་སེམས་ཅན་དགེ་བ་བསྒྲུབ་པ་ཉུང༌། མི་དགེ་བ་སྤྱོད་པ་ཤིན་ཏུ་མང་བས་རྒྱུའི་སྒོ་ནས་རྙེད་པར་དཀའ་སྙམ་དུ་བསྒོམ་མོ། །གཉིས་པ་ནི། སེམས་ཅན་གྱི་ཁམས་ལ་བལྟས་པས་དམྱལ་བ་ནི་མང་ཉུང་སའི་རྡུལ་ཙམ། ཡི་དྭགས་ནི་ཁ་བ་བུ་ཡུག་འཚུབས་པའི་གྲངས་ཙམ། དུད་འགྲོ་ནི་ཆང་ངར་མའི་སྦང་མ་ཙམ་དུ་མང་ལ། དེ་རྣམས་ལ་ལྟོས་ན་མིའི་ལུས་རྣམ་པར་དག་པ་ཐོབ་པ་ཆེས་ཉུང་བས་གྲངས་ཀྱི་སྒོ་ནས་རྙེད་པར་དཀའ་སྙམ་དུ་བསྒོམ་མོ། །གསུམ་པ་ནི། སྤྱོད་འཇུག་ལས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི །བུ་གར་རུ་སྦལ་མགྲིན་ཆུད་ལྟར། །མི་ཉིད་ཤིན་ཏུ་རྙེད་དཀའ་གསུངས། །ཞེས་གསུངས་པས། རྒྱ་མཚོ་ཆེན་པᨖ་ན་གནས་པའི་རུ་སྦལ་ཞར་བ་ལོ་བརྒྱ་ནས་ལན་རེ་སྟེང་དུ་འོངས་པ་དང༌། གསེར་གྱི་གཉའ་ཤིང་བུ་ག་གཅིག་པ་རྒྱ་མཚོའི་རླབས་ཀྱིས་གཡེངས་པས་བུ་གར་རུ་སྦལ་གྱི་མགྲིན་པ་ཆུད་པ་སྲིད་པ་ཙམ་ཡིན་པ་ལྟར། སེམས་ཅན་གྱི་རིགས་བསམ་གྱིས་མི་ཁྱབ་པ་ཡོད་ཀྱང༌། མིར་སྐྱེས་པ་ཡང་སྲིད་པ་ཙམ་ཡིན་པས་དཔེའི་སྒོ་ནས་ཀྱང་རྙེད་པར་དཀའ་སྙམ་དུ་བསྒོམ་མོ། །བཞི་པ་ནི། ལྐུགས་པ་དང་ཀླ་ཀློར་སྐྱེས་པ་སོགས་མི་ཁོམ་པ་བརྒྱད་དང་བྲལ་ཞིང༌༑ འབྱོར་པ་བཅུ་ཚང་བར་སྐྱེ་བ་དཀོན་པས་ངོ་བོའི་སྒོ་ནས་ཀྱང་རྙེད་པར་དཀའ་སྙམ་དུ་བསྒོམ་མོ། །དེ་ཡང་ཅུང་ཟད་བཤད་ན། དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་ཀླ་ཀློ་དང་། །ལོག་ལྟ་སངས་རྒྱས་ཀྱིས་སྟོང་དང་། །ལྐུགས་པ་འདི་དག་མི་ཁོམས་བརྒྱད། །ཞེས་པ་ལྟར་མི་ཁོམ་པ་བརྒྱད་སྤོངས་ཤིང་། འབྱོར་པ་བཅུ་ནི། མིཉིད་དབུས་སྐྱེས་དབང་པོ་ཚང་། །ལས་མཐའ་མ་ལོག་གནས་ལ་དད། །ཅེས་པས་རང་འབྱོར་ལྔ་དང་། སྟོན་པ་བྱོན་དང་དེས་ཆོས་གསུངས། །བསྟན་པ་གནས་དང་དེ་རྗེས་འཇུག །གཞན་ཕྱིར་སྙིང་ནི་བརྩེ་བའོ། །ཞེས་པ་ལྟར་གཞན་འབྱོར་ལྔ་སྟེ་འབྱོར་པ་བཅུ་དང་ལྡན་པའི་དལ་འབྱོར་གྱི་ཆོས་བཅོ་བརྒྱད་དང་ལྡན་པའི་ལུས་རྙེད་པར་དཀའ་བ་རང་གཞན་གྱི་བློ་གྲོས་དང་བསྟུན་ཏེ་བཤད་པར་བྱའོ། །གཉིས་པ་འཆི་བ་མི་རྟག་པ་བསམ་པ་ནི། སློབ་དཔᨖན་དཔའ་བོས་མྱ་ངན་བསལ་བ་ལས། འདི་ལྟར་སྐྱེས་པ་ཐམས་ཅད་ཀྱི། །མདུན་ན་གནས་པ་འཆི་བ་སྟེ། །ཞེས་བཤད་པས། སྐྱེས་པའི་ཐ་མར་ངེས་པར་འཆི་བས་མྱུར་དུ་ཆོས་བྱེད་དགོས་སྙམ་དུ་བསྒོམ། དེ་ཉིད་ཅུང་ཟད་བཤད་ན། ངེས་པར་འཆི་བ་བསམ་པ། ནམ་འཆི་ངེས་པ་མེད་པར་བསམ་པ། འཆི་བའི་ཚེ་ཆོས་ལས་གཞན་གང་གིས་ཀྱང་མི་ཕན་པར་བསམ་པའོ། །དང་པᨖ་ནི། སྤྱིར་འདུས་བྱས་ཐམས་ཅད་མི་རྟག་པའི་ཆོས་ཉིད་ཡིན་པས་མཐར་འཇིག་དགོས་ཏེ། མདོ་རྒྱ་ཆེ་རོལ་པ་ལས། སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་ལྟ་དང་མཚུངས། །སྐྱེ་བུའི་ཚེ་སྲོག་ནམ་མཁའི་གློག་བཞིན་ཏེ། །རི་གཟར་འབབ་ཆུ་བཞིན་ཏུ་མྱུར་མགྱོགས་འགྲོ། །ཞེས་གསུངས་ཤིང༌། ཁྱད་པར་དུ། སློབ་དཔᨖན་དཔའ་བོས། སངས་རྒྱས་རྣམས་ཀྱི་གཟུགས་ཀྱི་སྐུ། །མཚན་དང་དཔེ་བྱད་ཀྱིས་སྤྲས་པའི། །རྡོ་རྗེའི་སྐུ་ཡང་མི་རྟག་ན། །ཆུ་བུར་ལུས་ལྟ་སྨོས་ཅི་དགོས། །ཞེས་གསུངས་པས། འཆི་བ་མེད་པའི་གོ་འཕང་བརྙེས་པའི་རྫོགས་པའི་སངས་རྒྱས་ཀྱང༌། མྱ་ངན་ལས་འདས་པའི་ཚུལ་སྟོན་ན། སོ་སོའི་སྐྱེ་བོ་རྣམས་ངེས་པར་འཆི་དགོས་སྙམ་དུ་བསམ་ཞིང༌། སློབ་དཔᨖན་དཔའ་བོས། དྲང་སྲོང་ཆེན་པᨖ་ལྔ་མངོན་ཤེས། །མཁའ་ལ་ཐོགས་མེད་ རྒྱུ་བས་ཀྱང༌། །གང་ན་འཆི་མེད་སྤྱོད་ཡུལ་བའི། །གནས་དེར་ཕྱིན་པ་མ་ཡིན་ནོ། །ཞེས་བཤད་པས། ཁམས་གསུམ་གང་དུ་སྐྱེས་ཀྱང་འཆི་བས་མི་ཚུགས་པའི་གནས་མེད་པས་ངེས་པར་འཆི་དགོས་སྙམ་དུ་བསྒོམ་མོ། ། འཆི་བའི་རྐྱེན་མང་ཞིང་འཚོ་བའི་རྐྱེན་ཉུང་བའི་སྒོ་ནས་ཀྱང་ངེས་པར་འཆི་སྟེ། སློབ་དཔᨖན་ཀླུ་སྒྲུབ་ཀྱིས་རིན་ཆེན་ཕྲེང་བ་ལས། འཆི་བའི་རྐྱེན་ནི་ཤིན་ཏུ་མང༌། །འཚོ་བའི་རྐྱེན་ནི་ཉུང་ཟད་ཙམ། །དེ་དག་ཉིད་ཀྱང་འཆི་རྐྱེན་ཏེ། །དེ་བས་རྟག་ཏུ་ཆོས་མཛོད་ཅིག །ཅེས་གསུངས་པས་འཚོ་བའི་རྐྱེན་དུ་འདོད་པའི་གནས་དང༌། ཟས་དང་ལོངས་སྤྱོད་ལ་སོགས་པ་འགའ་ཞིག་ཀྱང་འཆི་རྐྱེན་ཏུ་འགྱུར་བ་ཡོད་པས་ངེས་པར་འཆི་སྙམ་དུ་བསྒོམ་མོ། །གཉིས་པ་ནམ་འཆི་ཆ་མེད་བསམ་པ་ནི། ལ་ལ་མའི་མངལ་དུ་འཆི་བ་ནས། ལ་ལ་སྐྱེས་མ་ཐག་འཆི་བ་སོགས་རྒན་གཞོན་བར་མ་ངེས་པ་མེད་པར་འཆི་བ་མངོན་སུམ་གྱིས་མངོན་པས། ནམ་འཆི་ངེས་པ་མེད་པའི་ཚུལ་བསམ་ཞིང་བསྒོམ་མོ། །གསུམ་པ་ནི། དེ་ལྟར་འཆི་བའི་དུས་ལ་བབ་པ་ན། ཁ་དྲག་ཅིང་དབང་བཙན་པ་དང༌། འཁོར་དང་ལོངས་སྤྱོད་ཆེ་བ་དང༌། དཔའ་བ་ལ་སོགས་པ་གང་གིའང་མི་བཟློག་པར་ངེས་པར་འཆི་དགོས་ལ། འཆི་བའི་ཚེ་ཆོས་མ་ཡིན་པ་གང་གིའང་མི་ཕན། དེ་ལ་ཚེ་ཇི་སྲིད་གནས་ཀྱི་བར་དུ་ཆོས་བྱས་པས་འཆི་བའི་ཚེ་མི་འགྱོད། འགྲོ་བ་བཟང་པᨖར་སྐྱེ་བའི་གདེངས་ཐོབ་པས་བློ་བདེ། དེས་ན་ངེས་པར་དམ་པའི་ ཆོས་བྱ་དགོས་ལ། དེའང་ནམ་འཆི་ངེས་པ་མེད་པས་མྱུར་དུ་ཆོས་བྱ་དགོས་སྙམ་དུ་བསྒོམ་མོ། །གཉིས་པ་ནི། འཁོར་བ་ལ་ཞེན་ན་ངེས་འབྱུང་མིན། །ཞེས་པའི་དོན་ཁམས་གསུམ་འཁོར་བ་ལ་ཞེན་ན། ཆོས་བྱས་ཀྱང་བྱང་ཆུབ་ཀྱི་ལམ་དུ་མི་འགྲོ་བས་འཁོར་བ་ལ་མ་ཞེན་པ་ཅིག་དགོས། དེ་ལ་འཁོར་བའི་ཉེས་དམིགས་བཤད་པས་འཁོར་བ་མཐའ་དག་སྡུག་བསྔལ་གྱི་རང་བཞིན་ཏུ་མཐོང་ནས་དེ་སྤང་བར་འདོད་ཅིང་ཐར་པ་དོན་ཏུ་གཉེར་བའི་བློ་འབྱུང་བས། དེའི་རྟོགས་པ་བསྐྱེད་པའི་ཕྱིར་འཁོར་བའི་ཉེས་དམིགས་བཤད་པ་དང༌། འཁོར་བར་སྐྱེ་བའང་ལས་རྒྱུ་འབྲས་ཀྱི་བླང་དོར་མ་ཤེས་པར་མི་དགེ་བ་བག་ཡངས་སུ་སྤྱད་པ་ལས་བྱུང་བས། རྒྱུ་འབྲས་ཀྱི་བླང་དོར་ཤེས་པར་བྱ་བའི་ཕྱིར་ལས་རྒྱུ་འབྲས་བསམ་པ་དང་གཉིས་སོ། །དང་པᨖ་ནི། མདོ་ལས། འདོད་པའི་ཁམས་ནི་སྐྱོན་དང་བཅས་པ་སྟེ། །དེ་བཞིན་གཟུགས་ཀྱི་ཁམས་ཀྱང་སྐྱོན་དང་བཅས། །གཟུགས་མེད་ཁམས་ཀྱང་སྐྱོན་དང་བཅས་པ་སྟེ། །མྱ་ངན་འདས་པ་འབའ་ཞིག་སྐྱོན་མེད་མཐོང༌། །ཞེས་གསུངས་པས་གནས་ཁམས་གསུམ་པᨖ་གང་དུ་སྐྱེས་ཀྱང་སྐྱོན་དང་བཅས་པ་ཡིན་ལ། དེའི་ཚུལ་རྒྱས་པར་མདོ་དྲན་པ་ཉེར་བཞག་ལས། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་ཉམས། །དུད་འགྲོ་གཅིག་ལ་གཅིག་ཟས་ཉམས། །མི་དག་འཚོ་བ་ཐུང་བས་ཉམས། །ལྷ་རྣམས་བག་མེད་པ་ཡིས་ཉམས། །འཁོར་བ་ཁབ་ཀྱི་ རྩེ་ཙམ་ཡང༌། །བདེ་བ་ནམ་ཡང་ཡོད་མ་ཡིན། །ཞེས་གསུངས་པས་གནས་ཁམས་གསུམ་པᨖ་དེར། འགྲོ་བ་རིགས་དྲུག་པᨖ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ཅན། གང་ལ་ལོངས་སྤྱོད་ཀྱང་སྡུག་བསྔལ་གྱི་ལོངས་སྤྱོད་ཅན་འབའ་ཞིག་ཏུ་འདུག་པས། དེ་ལས་ཐར་བར་བྱ་བའི་ཕྱིར་བྱང་ཆུབ་ཀྱི་ལམ་དུ་འགྲོ་བའི་ཆོས་རྣམ་པར་དག་པ་བྱ་དགོས་སྙམ་དུ་བསྒོམ་མོ། །དེ་ཉིད་ཅུང་ཟད་བཤད་ན། སྡུག་བསྔལ་གྱི་སྡུག་བསྔལ་བསམ་པ། འཁོར་བའི་སྡུག་བསྔལ་བསམ་པ། ཁྱབ་པ་འདུ་བྱེད་ཀྱི་སྡུག་བསྔལ་བསམ་པ་དང་གསུམ། དང་པᨖ་ལ། དམྱལ་བའི་སྡུག་བསྔལ་བསམ་པ། ཡི་དྭགས་ཀྱི་སྡུག་བསྔལ་བསམ་པ། དུད་འགྲོའི་སྡུག་བསྔལ་བསམ་པ་དང་གསུམ་མོ། །དང་པᨖ་ལ། གྲང་དམྱལ་གྱི་སྡུག་བསྔལ་བསམ་པ། ཚ་དམྱལ་གྱི་སྡུག་བསྔལ་བསམ་པ། ཉི་ཚེ་ཉེ་འཁོར་བའི་སྡུག་བསྔལ་བསམ་པ་དང་གསུམ། དང་པᨖ་ལ་བརྒྱད་དེ། ཆུ་བུར་ཅན་ནི་ཉི་མ་དང་འཇོ་སྐྱིབས་ལ་སོགས་པ་མེད་པའི་གངས་རིའི་བར་དང༌། ཆབ་རོམ་ལ་སོགས་པའི་ནང་དུ་སྐྱེས། རླུང་ཤིན་ཏུ་གྲང་བས་ལུས་ལ་བཏབ་པས་གྲང་བའི་རྐྱེན་གྱིས་ལུས་ཐམས་ཅད་ཆུ་བུར་གྱི་རང་བཞིན་ཅན་དུ་སོང་བ་དང༌། ཚེའི་ཚད་ཀྱང་མཛོད་ལས། ཏིལ་སྦྱང་ནང་ནས་ལོ་བརྒྱ་ཞིག །ཏིལ་གཅིག་ཕྱུང་བས་ཟད་གྱུར་པ། །ཆུ་བུར་ཅན་གྱི་ཚེ་ཡི་ཚད། །གཞན་གྱི་ཚེ་ཚད་ཉིས་འགྱུར་ཡིན། །ཞེས་གསུངས་སོ། །དེ་ལས་ཀྱང་ གྲང་བའི་རྐྱེན་གྱིས་ཆུ་བུར་བརྡོལ་ཏེ། ཆུ་སེར་དང་རྣག་ཁྲག་ལ་སོགས་པ་འཛག་པ་ཆུ་བུར་རྡོལ་བ་ཅན་དང༌། དེ་ལས་ཀྱང་གྲང་བའི་རྐྱེན་གྱིས་ཤིན་ཏུ་སྡུག་བསྔལ་ཏེ། ཨ་ཆུ་ཟེར་བའི་ངུད་མོའི་སྒྲ་ལྷང་ལྷང་འདོན་པ་ཨ་ཆུ་ཟེར་བ་དང༌། དེ་ལས་ཀྱང་གྲང་བའི་རྐྱེན་གྱིས་སྡུག་བསྔལ་ཞིང་སྐད་ཆེར་འདོན་པའི་ནུས་པ་མེད་པར་ལྐོག་མ་ནས་ཀྱི་ཧུད་ཀྱི་ཧུད་ཅེས་པའི་སྒྲ་ཤིབ་ཤིབ་འདོན་པ་ཀྱི་ཧུད་ཟེར་བ་དང༌། དེ་ལས་ཆེར་གྲང་བའི་རྐྱེན་གྱིས་སྐད་ཆེ་ཆུང་གང་ཡང་འདོན་པའི་མཐུ་མེད་པར་ལུས་ཐམས་ཅད་ཤིན་ཏུ་འཁྱག་སྟེ་འཐམ་པའི་རྣམ་པ་ཅན་དུ་བྱས་པ་སོ་ཐམ་ཐམ་པ་དང༌། དེ་ལས་ཀྱང་ཆེས་གྲང་ཞིང་སྟོབས་ཆེ་བའི་རླུང་གིས་བཏབ་པས་པགས་པའི་མདོག་སྔོན་པᨖར་གྱུར་ཅིང་དུམ་བུ་བརྒྱད་ལ་སོགས་པར་གས་པ་ཨུཏྤལ་ལྟར་གས་པ་དང༌། པགས་པའི་མདོག་སྔོན་པᨖར་གྱུར་པ་དེའང་རུལ་ཞིང་རླུང་གིས་བཏབ་པས་ཤུས་ཏེ་ལུས་དམར་པᨖར་སོང་ཞིང༌། དུམ་བུ་མང་པᨖར་གས་པ་པདྨ་ལྟར་གས་པ་དང༌། ཡང་གྲང་བའི་རྐྱེན་གྱིས་ཤིན་ཏུ་འཁྱགས་ཏེ། ལུས་ཀྱི་ཕྱི་ནང་ཐམས་ཅད་རྡོ་ལྟ་བུའི་དངོས་པᨖར་གྱུར་ཅིང་དུམ་བུ་བཅུ་དྲུག་ལ་སོགས་པར་གས་ཏེ་ཕྱིའི་ལུས་གས་པའི་དབང་གིས་རྒྱུ་མ་དང༌། མཉེ་མ་དང༌། ལོང་ཀ་ལ་སོགས་པའང་ཚལ་པ་ཚལ་པར་གས་པ་པདྨ་ལྟར་ཆེར་གས་པ་རྣམས་ཀྱི་སྡུག་བསྔལ་དྲན་པར་བྱས་ནས་ཡང་ཡང་བསམ་མོ། །གཉིས་པ་ལའང་བརྒྱད་དེ། ཡང་སོས་ཞེས་བྱ་བ། ལས་ཀྱི་ དབང་གིས་ལྕགས་བསྲེགས་ཀྱི་ས་གཞིའི་སྟེང་དུ་སྐྱེས། ལུས་ཤིན་ཏུ་གཞོན་ཤ་ཅན་བདག་ཏུ་འཛིན་པ་ཆེ་བ་ལག་ཏུ་གང་བླངས་པ་ཐམས་ཅད་མཚོན་ཆར་འགྲོ་བ། སྐྱེས་བུ་ཕན་ཚུན་མཐོང་བ་ཐམས་ཅད་དགྲའི་འདུ་ཤེས་ཅན། དེ་རྣམས་ཕན་ཚུན་གཅིག་གིས་གཅིག་ལ་མཚོན་གྱིས་བསྣུན་ཅིང་གཏུབས་པས་ལུས་དུམ་བུ་དུམ་བུར་གྱུར་པ་དང༌། ནམ་མཁའ་ནས་ཡང་སོས་པར་གྱུར་ཅིག་ཅེས་བྱ་བའི་སྒྲ་དང༌། རླུང་གྲང་མོ་གཅིག་གིས་ལུས་ལ་བཏབ་པས་སྔ་མ་བཞིན་དུ་གཞོན་ཤ་ཅན་ལ་སོགས་པར་གྱུར་པའོ། །ཐིག་ནག་ཅེས་བྱ་བ། ལུས་ལ་དམྱལ་སྲུང་རྣམས་ཀྱིས་ཐིག་བརྒྱད་དང་བཅུ་དྲུག་ལ་སོགས་པ་བཏབ་ནས་སོག་ལེས་གཤགས་པ་དང་། སྟ་རེ་ལ་སོགས་པས་གཞོག་ཅིང་སྡུག་བསྔལ་དཔག་ཏུ་མེད་པ་མྱང་བའོ། །བསྡུས་འཇོམས་ཞེས་བྱ་བ་ལུས་ཤིན་ཏུ་གཞོན་ཤ་ཅན་རི་ར་དང་ལུག་ལ་སོགས་པའི་མགོ་བོ་ཅན་གྱི་བར་དུ་བཙིར་ཏེ་ཤིན་ཏུ་སྡུག་བསྔལ་བའོ༑ ༑ངུ་འབོད་ཅེས་བྱ་བ་ལྕགས་བསྲེགས་ཀྱི་ས་གཞིར། དམྱལ་སྲུང་བ་རྣམས་ཀྱིས་དེད་ཅིང་བྲོས་པས་ཁང་པ་དཀར་པᨖ་གཅིག་མཐོང་སྟེ། འདིར་བྲོས་པས་ཐུབ་སྙམ་དུ་ནང་དུ་ཕྱིན་པ་ན། ཁང་པ་སྒོ་རང་འགྲིག་ཏུ་གྱུར་པ་དང་ལྕགས་བསྲེགས་ཀྱི་ཁང་པར་གྱུར་ཏེ། བརྐོས་པས་ཕྱེད་པའི་ཕྱིར་ཐར་བའི་སྐབས་མེད་པ་དང༌། མེ་རང་འབར་དུ་གྱུར་ཏེ། ཤིན་ཏུ་སྡུག་བསྔལ་ཞིང་ངུད་མོའི་སྒྲ་འབྱིན་པའོ། །ངུ་འབོད་ཆེན་པᨖ་ནི་མཚན་ཉིད་སྔ་མ་བཞིན་ལས། ཁང་པ་གཉིས་རིམས་སོ། །ཚ་བ་ནི། དམྱལ་སྲུང་རྣམས་ཀྱིས་ལྕགས་བསྲེགས་ཀྱི་མདུང་རྩེ་གཅིག་པས་བཤང་ལམ་ནས་སྤྱི་གཙུག་གི་བར་དུ་ཐལ་བྱུང་དུ་ཕུག་སྟེ་སྡུག་བསྔལ་བའོ། །རབ་ཏུ་ཚ་བ་ནི། མདུང་རྩེ་གསུམ་པས་བཤང་ལམ་ནས་སྤྱི་གཙུག་གི་བར་དང༌། འཕོང་ཚོས་གཡས་གཡོན་ནས་དཔུང་པ་གཡས་གཡོན་གྱི་བར་ཐལ་བྱུང་དུ་ཕུག་སྟེ་སྡུག་བསྔལ་བའོ། །མནར་མེད་པ་ནི། ལྕགས་བསྲེགས་ཀྱི་ས་གཞིར་མེས་བསྲེགས་ཤིང་མེ་འདི་ཡིན་ལུས་འདི་ཡིན་ཞེས་ཐ་དད་དུ་དབྱེར་མེད་པར་གྱུར་ཅིང་བསྲེགས་ནས། ངུད་མོའི་སྒྲ་ལས་དཔགས་ཏེ། འདི་ན་སེམས་ཅན་དམྱལ་བ་ཅིག་འདུག་གོ་སྙམ་དུ་མཚོན་པའོ། །དེ་རྣམས་ཀྱི་ཚེའི་ཚད་ནི་མཛོད་ལས། མི་རྣམས་ལོ་ནི་ལྔ་བཅུ་ལ། །འདོད་ལྷ་དག་གིས་ལྷ་རྣམས་ལས། །འོག་མ་དག་གི་ཉིན་ཞག་གཅིག །དེ་ན་རང་ལོ་ལྔ་བརྒྱའོ། །གོང་མ་གཉིས་ཀ་ཉིས་འགྱུར་རོ། །ཡང་སོས་ལ་སོགས་དྲུག་རིམ་བཞིན། །འདོད་ལྷའི་ཚེ་དང་ཉིན་ཞག་མཉམ། །ཞེས་གསུངས་ཏེ། མི་ལོ་ལྔ་བཅུ་ལ་རྒྱལ་ཆེན་རིགས་བཞི་པའི་ཞག་གཅིག་བྱས། དེ་སུམ་ཅུ་ལ་ཟླ་བ་གཅིག །དེ་བཅུ་གཉིས་ལ་ལོར་བྱས་པའི་རང་ལོ་ལྔ་བརྒྱ་ནི་རྒྱལ་ཆེན་རིགས་བཞི་པའི་ཚེ་ཚད་ཡིན་ཞིང༌། དེ་ཉིད་ཞག་གཅིག་ཏུ་རྩིས་པའི་རང་ལོ་ལྔ་བརྒྱ་ཡང་སོས་པའི་ཚེ་ཚད་དོ། །དེ་བཞིན་དུ་མི་ལོ་བརྒྱ་ལ་ཞག་གཅིག་བྱས་པའི་རང་ལོ་སྟོང་སུམ་ཅུ་རྩ་གསུམ་པའི་ཚེ་ཚད་ཡིན་ཞིང༌། དེ་ཞག་ཏུ་བྱས་པའི་རང་ལོ་སྟོང་ཐིག་ནག་པའི་ཚེ་ཚད་དོ། །མི་ལོ་ཉིས་བརྒྱ་ལ་ཞག་གཅིག་ཏུ་བྱས་པའི་རང་ལོ་ཉིས་སྟོང་འཐབ་བྲལ་བའི་ཚེ་ཚད། དེ་ཞག་ཏུ་བྱས་པའི་རང་ལོ་ཉིས་སྟོང་བསྡུས་འཇོམས་པའི་ཚེ་ཚད་དོ། ། མི་ལོ་བཞི་བརྒྱ་ལ་ཞག་གཅིག་ཏུ་བྱས་པའི་རང་ལོ་བཞི་སྟོང་དགའ་ལྡན་པའི་ཚེ་ཚད་དོ། །དེ་ཞག་ཏུ་བྱས་པའི་རང་ལོ་བཞི་སྟོང་ངུ་འབོད་པའི་ཚེ་ཚད་དོ། །མི་ལོ་བརྒྱད་བརྒྱ་ལ་ཞག་ཏུ་བྱས་པའི་རང་ལོ་བརྒྱད་སྟོང་འཕྲུལ་དགའ་བའི་ཚེ་ཚད། དེ་ཞག་ཏུ་བྱས་པའི་རང་ལོ་བརྒྱད་སྟོང་ངུ་འབོད་ཆེན་པᨖ་བའི་ཚེ་ཚད་དོ། །མི་ལོ་སྟོང་དྲུག་བརྒྱ་ལ་ཞག་གཅིག་ཏུ་བྱས་པའི་རང་ལོ་ཁྲི་དྲུག་སྟོང་གཞན་འཕྲུལ་དབང་བྱེད་པའི་ཚེ་ཚད། དེ་ཞག་ཏུ་བྱས་པའི་རང་ལོ་ཁྲི་དྲུག་སྟོང་ཚ་བ་པའི་ཚེ་ཚད་དོ། །རབ་ཏུ་ཚ་བ་པས་བར་སྐལ་ཕྱེད་དང༌། མནར་མེད་པས་བར་བསྐལ་གཅིག་ཐུབ་བོ། །གསུམ་པ་ལ་བཞི་ལས། དང་པᨖ་ནི། མེ་མ་མུར་གྱི་འོབས་ནི། ཚ་བའི་དམྱལ་བ་ཐམས་ཅད་ཀྱི་མཐའ་ན་ཡོད་དེ། དེའང་འོབས་ཀྱི་ནང་མེ་མ་མུར་གྱིས་གང་བ་དེར་ཚུད་དེ། ཡན་ལག་ཐམས་ཅད་ཚིག་ཅིང་རྐང་པ་གཡས་བཏེགས་ན་ཚིག་པ་སོས་ཤིང་གཡོན་པ་ཚིག །གཡོན་པ་བཏེགས་པ་ན་དེ་སོས་ཤིང་གཡས་པ་ཚིག །ནང་གི་རྒྱུ་མ་དང་མཉེར་མ་ལ་སོགས་པའང་ཚིག་ཅིང་དབང་པᨖའི་སྒོ་རྣམས་ནས་དུ་བ་འཐུལ་བའོ། །གཉིས་པ་རོ་མྱགས་ཀྱི་འདམ་ནི། ཕྱི་ས་ལ་སོགས་པ་མི་གཙང་བའི་དངོས་པᨖ་མཐའ་དག་ནུར་ནུར་པོར་ཡོད་པའི་ནང་དུ། གན་རྐྱལ་དང་ཁས་བུབ་ལ་སོགས་པར་འགྱེལ་ཞིང་དབང་པᨖའི་སྒོ་ཐམས་ཅད་མི་གཙང་བའི་དངོས་པᨖས་གང་བར་བསམས་ནས་སྡུག་བསྔལ་ཞིང༌། དེའི་གསེབ་ན་ལྕགས་ཀྱི་ མཆུ་ཅན་གྱི་འབུ་སྲིན་ལ་སོགས་པས་ལུས་ཀྱི་ཡན་ལག་དང་ཉིང་ལག་ཐམས་ཅད་རུས་པ་ལ་ཐུག་གི་བར་དུ་འབིགས་ཤིང་གཅོད་པར་བྱེད་པས་ཤིན་ཏུ་སྡུག་བསྔལ་བའོ། །གསུམ་པ་སྤུ་གྲིའི་ལམ་ནི། རོ་མྱགས་ཀྱི་འདམ་ལས་འདས་པ་ན། སྤུ་གྲིས་གཏམས་པའི་ཐང་ཤིན་ཏུ་རྣོ་བའི་སྟེང་དུ་ཕྱིན་ནས་རྐང་པའི་ཤ་དང་རུས་པ་ལ་ཐུག་གི་བར་དུ་གཏུབ་ཅིང་སྡུག་བསྔལ་བའོ། །སོགས་ཁོངས་ནས་རལ་གྲི་ལོ་མའི་ནགས་ཚལ་ཞེས་བྱ་བ། ཤིང་སྡོང་གི་ཡལ་ག་ཐམས་ཅད་རལ་གྲི་ལ་སོགས་པའི་མཚོན་ཆར་ཡོད་པ་ལ། ལས་ཀྱི་དབང་གིས་ཚ་བས་ཉེན་ནས་སྐྱབས་ཚོལ་བའི་ཕྱིར་དེའི་འཁྲིས་སུ་བསྡད་པ་དང༌། དེ་རླུང་གིས་བསྐྱོད་ནས་མཚོན་ཆར་རྣམས་ཀྱིས་ཡན་ལག་ཐམས་ཅད་དུམ་བུར་གཏུབ་ཅིང་ཤིན་ཏུ་སྡུག་བསྔལ་བའོ། །ཤལ་མ་རིའི་སྡོང་པᨖ་ནི། རི་ཤིན་ཏུ་མཐོ་བའི་རྩེ་མོར་ཕྱིན་ན་སྙམ་ནས་འཛེགས་པ་དང༌། ལྕགས་ཀྱི་ཐུར་མ་སོར་བརྒྱད་པ་དང༌། བཅུ་དྲུག་པ་ཐུར་དུ་བསྟན་པས་ལུས་ཐལ་བྱུང་དུ་ཕུག་ཅིང་སྡུག་བསྔལ་ལ། རིའི་རྩེ་མོར་ཕྱིན་པ་དང༌། ཁྭ་ཏ་དང་འོལ་བ་ལ་སོགས་པས་མིག་འབྲུ། ལྕེ་འདོན། ཀླད་པ་ལ་སོགས་པ་འདྲུ་ཞིང་སྡུག་བསྔལ། ཡང་རིའི་རྩ་བར་སླེབ་ན་སྙམ་ནས་ཐུར་ལ་ཕྱིན་པ་ན། ལྕགས་ཀྱི་ཐུར་མ་རྣམས་ཁ་གྱེན་ལ་བསྟན་ནས་ལུས་འབིགས་ཤིང༌། རིའི་རྩ་བ་ན་ཡོད་པའི་ལྕགས་ཀྱི་སྤྱང་ཀུ་དང༌། ཁྱི་དང་ཝ་ལ་སོགས་པས་ཡན་ལག་རྣམས་ཟ་ཞིང་ཕན་ཚུན་དུ་འཐེན་པས་ལུས་ དུམ་བུར་ཆད་ཅིང་སྡུག་བསྔལ་བའོ། །གཞན་ཡང་ལྕགས་བསྲེགས་ཀྱི་ས་གཞིར་ལུས་ཕུར་པས་བརྒྱངས་པ་དང༌། ལྕེ་ལྕགས་ཕུར་གྱིས་བརྒྱངས་ནས་རྨོ་བ་ལ་སོགས་པས་སྡུག་བསྔལ་བའང་ཉི་ཚེ་ཉེ་འཁོར་བའི་ནང་ཚན་ཡིན་ནོ། །བཞི་པ་ཐལ་ཚན་གྱི་ཆུ་བོ་རབ་མེད་ནི། སྤུ་གྲིའི་ཐང་གི་ཕ་རོལ་ན་ཐལ་ཚན་གྱི་ཆུས་ལུས་གཡེངས་ནས་ལུས་ཀྱི་ཕྱི་ནང་ཀུན་ཚིག་ཅིང༌། དམྱལ་སྲུང་གིས་མཐའ་ནས་བསྲུངས་ཏེ་སྡུག་བསྔལ་བའོ། ། དེ་རྣམས་ཀྱི་སྡུག་བསྔལ་བསམ་ཞིང་དེ་ལས་ཐར་པའི་དམ་པའི་ཆོས་བྱ་དགོས་སྙམ་དུ་ཡང་ཡང་བསམ་ཞིང་བསྒོམ་མོ། །གཉིས་པ་ཡི་དྭགས་ཀྱི་སྡུག་བསྔལ་བསམ་པ་ལ། ཕྱིའི་སྒྲིབ་པ་ཅན། ནང་གི་སྒྲིབ་པ་ཅན། ཟས་སྐོམ་གྱི་སྒྲིབ་པ་ཅན་ནམ། སྒྲིབ་པ་ཅན་གྱི་སྒྲིབ་པ་ཅན་ཞེས་པ་གསུམ་མོ། །དང་པᨖ་ནི། སེར་སྣ་ལ་སོགས་པ་མི་དགེ་བའི་དབང་གིས་ཡི་དྭགས་ཀྱི་རྒྱལ་ཁམས་སུ་སྐྱེས་ནས། བཀྲེས་པ་དང་སྐོམ་པས་ཉམ་ཐག་ཀྱང་ཟས་སྐོམ་མིག་གིའང་མི་མཐོང་ངོ༌། །རྒྱང་རིང་པᨖ་ནས་འབྲས་ཟན་ལ་སོགས་པའི་རི་དང༌། ཆུའི་རྒྱལ་ཁམས་ཆེན་པᨖར་འདུག་སྙམ་ནས་ཕྱིན་པ་དང༌། ཤིན་ཏུ་ཐག་རིང་ཞིང་བགྲོད་དཀའ་བས་ལུས་སེམས་སྡུག་བསྔལ། དེར་ཕྱིན་པ་དང་འབྲས་ཟན་གྱི་རིར་སྣང་བ་དེ། རྡོ་དཀར་པᨖའམ། ས་དཀར་པᨖའི་ཕུང་པᨖར་སོང༌། སྔར་ཆུའི་རྒྱལ་ཁམས་སུ་སྣང་བ་དེ་ཡང་སྨིག་རྒྱུའམ། ས་སྔོན་ནམ། གཡམ་པ་སྔོན་པᨖ་ལ་སོགས་པའི་དངོས་པᨖར་གྱུར་ཏེ། བཟའ་བཏུང་ལོངས་སྤྱོད་རྒྱུ་མེད་པས་ཀྱང་ཆེས་སྡུག་བསྔལ་བའོ། །ནང་གི་སྒྲིབ་པ་ཅན་ནི། སྔར་གྱི་སྡུག་བསྔལ་དེའི་སྟེང་དུ་ཡང་ཟས་སྐོམ་ཅུང་ཟད་ཟོས་པས་དང་པᨖར་ཁ་ཁབ་མིག་ཙམ་དུ་དོག་པས་མི་ཆུད་ནས་ཁ་རལ་ཅིང་ཁྲག་འཛག་སྟེ་སྡུག་བསྔལ། དེ་ནས་མགྲིན་པ་རྟ་རྔ་ཙམ་དུ་ཕྲ་བ་ལ་མ་ཆུད་ཅིང༌། ཁ་ཟས་ཀྱང་རྩུབ་པའི་རེག་བྱ་ཅན་དུ་གྱུར་པས་མགྲིན་པ་རལ་ཏེ་ཚ་བས་སྡུག་བསྔལ། དེ་ནས་ལྟོ་བ་རིའི་ལྟོས་ཙམ་དུ་ཅུང་ཟད་སླེབས་ཀྱང་འགྲངས་པའམ། སྐོམ་པ་སེལ་བའི་ནུས་པ་མེད་པས་སླར་ཡང་སྡུག་བསྔལ་བའོ། །ཟས་སྐོམ་གྱི་སྒྲིབ་པ་ཅན། ཁ་ཟས་ཚོལ་བའི་ཕྱིར་ཕྱོགས་ཀུན་ཏུ་ཕྱིན་པ་ན། ཡི་དྭགས་ཀྱི་དེད་དཔᨖན་གཞན་གྱིས་དེད་ཅིང་བརྡུངས་ཤིང་འཇིགས་པས་སྡུག་བསྔལ། ཁ་ཟས་ཅུང་ཟད་རྙེད་པ་གཞན་གྱིས་ཕྲོགས་སུ་དོགས་པ་དང༌། ཅུང་ཟད་རྙེད་པ་དེ་ཟོས་པས་སྔར་བཞིན་དུ་ཁ་ལ་མ་ཆུད་པ་ལ་སོགས་པ་སྡུག་བསྔལ་ཞིང༌། ལྟོ་བར་སླེབ་པ་ན་ལས་ཀྱི་དབང་གིས་ཁ་ཟས་དེ་མེ་འབར་ནས། རྒྱུ་མ་དང་གཉེ་མ་ལ་སོགས་ཀུན་ཚིག་ཅིང་གཞོབ་ཀྱི་དངོས་པᨖར་བྱས་ཏེ། ཁ་ལ་སོགས་པ་དབང་པᨖའི་སྒོ་རྣམས་ནས་མེ་འབར་བས་སྡུག་བསྔལ་བའོ། །དེ་ལྟར་ཤིན་ཏུ་སྡུག་བསྔལ་ཡང༌༑ ལས་དེ་མ་ཟད་ཀྱི་བར་དུ་སྡུག་བསྔལ་དྲག་པᨖ་མྱོང་དགོས་པ་འདུག །འདི་ལྟ་བུ་མི་སྐྱེ་བའི་ཕྱིར་བྱང་ཆུབ་ཀྱི་ལམ་དུ་འགྲོ་བའི་ཆོས་རྣམ་དག་ཅིག་བྱ་དགོས་སྙམ་དུ་བསྒོམ་མོ། །གསུམ་པ་དུད་འགྲོའི་སྡུག་བསྔལ་བསམ་པ་ལ། བྱིང་ན་གནས་པ་དང༌། ཁ་འཐོར་བ་གཉིས། དང་པᨖ་ནི། ཕྱིའི་རྒྱ་མཚོའི་ནང་ན་ཆུ་སྲིན་ལ་སོགས་པའི་སྲོག་ཆགས་ཆང་ངར་མའི་སྦང་མ་ཙམ་ཡོད་པས། གཅིག་གིས་གཅིག་བཙིར་ཏེ་དོག་པའི་སྡུག་བསྔལ། རྒྱ་མཚོའི་རླབས་ཀྱིས་ཕྱོགས་མཐའ་དག་ཏུ་དེད་པས་གནས་མ་ངེས་པ་དང༌། གྲོགས་སུ་དང་འཕྲད། སུ་དང་འགྲོགས་མ་ངེས་པ་བག་ཕེབས་རྒྱུ་མེད་པ་དང༌། ཆེ་བས་ཆུང་བ་ཟ་བ་དང༌། ཆུ་སྲིན་ལ་སོགས་པ་ ཆེ་བ་རྣམས་ཀྱི་ལུས་དུང་ལ་སོགས་པས་འབིགས་པས་སྡུག་བསྔལ་བ་དང༌། ཡང་གླིང་བར་གྱི་མུན་པ་ན་ཡོད་པ་རྣམས་སྣང་བའི་དངོས་པᨖ་དང་བྲལ་བས་གཅིག་གིས་གཅིག་མཐོང་རྒྱུ་མེད་པ་དང༌། གཅིག་གི་སྟེང་གཅིག་བསྡད་དེ་དོག་ཅིང་ལྗི་བ་དང༌། ཤིན་ཏུ་དོག་ཅིང་བཙིར་བས་ལུས་དུབ་ཅིང་ཆད་པ་དང༌། ཟས་སྐོམ་འཚོལ་བའི་སྐབས་ཙམ་ཡང་མེད་པས་སྡུག་བསྔལ་བའོ། །གཉིས་པ་ནི། མི་ལ་བརྟེན་པའི་དུད་འགྲོ་རྣམས་ནི། མི་ཐེག་པའི་ཁལ་བཀལ་བ་དང༌། རྨོ་བ་དང༌། བཞོ་བ་དང༌། ལྕགས་སྒྲོག་གིས་བཅིང་བ་དང༌། ལྕག་དང་ལྕག་ཀྱུས་བཏབ་པ་དང༌། ལས་ཀྱི་མཐའ་སྣ་ཚོགས་ཀྱི་སྒོ་ནས་ལོངས་སྤྱོད། མཐར་ཤའི་ཆེད་དུ་གསོད་པ་དང༌། གཞན་ལ་བཙོང་སྟེ་སྐྱུགས་པ་དང༌། མི་རྟག་བལ་དང་རུས་པ་དང་པགས་པའི་ཆེད་དུ་གསོད་པས་སྡུག་བསྔལ་བའོ། །མི་ལ་མ་བརྟེན་པའི་རི་དྭགས་སོགས་ནི་གནས་ལ་ངེས་པ་མེད་ཅིང༌། ཤའི་ཆེད་དུ་རྔོན་པས་མདའ་བསྣུན་ཅིང་ཁྱིས་བརྡས་ཏེ་ ངམ་གྲོགས་དང་གཡང་ས་ལ་སོགས་པར་མཆོངས་པ་དང༌། མཚོན་གྱིས་བཏབ་བཞིན་ཏུ་བྲོས་ཀྱང་མཐར་ཟིན་ཏེ་བསད་པ་སོགས་སྡུག་བསྔལ་ལོ་སྙམ་དུ་བསམ། དུད་འགྲོ་སྤྱིའི་སྡུག་བསྔལ་གླེན་ལྐུགས་དང༌། བྱེ་བྲག་གི་སྡུག་བསྔལ་བསམ་སྟེ་ཆོས་རྣམ་པར་དག་པ་ཅིག་བྱ་དགོས་སྙམ་དུ་བསྒོམ་མོ། །གཉིས་པ་འགྱུར་བའི་སྡུག་བསྔལ་བསམ་པ་ནི། ལྷ་ལྟ་བུ་སྔོན་གྱི་ལས་ཀྱི་སྟོབས་ཀྱིས་ཁང་བཟང་དང༌། གོས་དང་ཁ་ཟས་ལ་སོགས་པ་བསམ་པ་ཙམ་གྱིས་འབྱུང་བ་དང༌། ལྷ་མོའི་བདེ་བ་ལ་སོགས་པ་མཐའ་ཡས་ཀྱང༌། འཆི་ལྟས་ལྔ་དང༌། ཉེ་བའི་འཆི་ལྟས་ལྔ་ལ་སོགས་པ་ཕོག་པ་ན། དམྱལ་བའི་སྡུག་བསྔལ་ལས་ཀྱང་ཆེ་བའི་ཡིད་ཀྱི་སྡུག་བསྔལ་དང༌། ཤི་ནས་ཀྱང་བརྒྱ་བྱིན་ལྟ་བུའི་གཙོ་བོ་གྱུར་པ་ཡང་མིའི་ནང་དུ་བྲན་ལ་སོགས་པར་སྐྱེ་བ་དང༌། ལྷའི་བུ་ཉི་མ་དང་ཟླ་བ་ལྟ་བུ་རང་གི་ཁང་པའི་འོད་ཀྱིས་གླིང་བཞི་གསལ་བར་ནུས་པ་ཡང་གླིང་བར་གྱི་མུན་པར་སྐྱེས་ཏེ༑ རང་གི་ལག་པ་བརྐྱང་བསྐུམ་ཙམ་ཡང་མི་མཐོང་བས་སྡུག་བསྔལ་བ་དང༌། འཁོར་ལོས་སྒྱུར་རྒྱལ་ཉིད་དུ་གྱུར་ཀྱང༌། མཐར་འཁོར་བའི་ཡང་བྲན་དུ་འགྱུར་བ་དང༌། མི་ལྟ་བུ་ཁ་དྲག་པᨖ་ཞན་པᨖར་འགྲོ་བ་དང༌། ཕྱུག་པᨖ་དབུལ་པᨖར་འགྲོ་བ་དང༌། མི་མང་པᨖ་ཡོད་ཀྱང་མཐར་རབས་ཆད་པ་དང༌། དགྲ་སྡང་བ་དང་འཕྲད་པའམ་ཕྲད་ཀྱིས་དོག་པ་དང༌། གཉེན་སྡུག་པ་དང་བྲལ་བའམ་བྲལ་གྱིས་དོག་པ་དང༌། འདོད་པ་བཙལ་གྱིས་མི་རྙེད་པ་དང༌། རེ་བ་འབྲས་བུ་མེད་པ་ལ་སོགས་པས་སྡུག་བསྔལ་བསམ་གྱིས་མི་ཁྱབ་བོ། །ལྷ་མ་ཡིན་རྣམས་ཀྱང་ཕན་ཚུན་འཐབ་ཅིང་མཚོན་གྱིས་འདེབས་པ་དང༌། ཡན་ལག་རྣམས་གཏུབ་པ་དང་། རང་བཞིན་གྱིས་ཞེ་སྡང་ཆེ་ཞིང་ལྷའི་དཔལ་ལ་ཕྲག་དོག་པས་ཡིད་ཀྱི་སྡུག་བསྔལ་བསམ་གྱིས་མི་ཁྱབ་བོ། །གསུམ་པ་ཁྱབ་པ་འདུ་བྱེད་ཀྱི་སྡུག་བསྔལ་ནི། མི་རྣམས་ཀྱི་ལས་ཀྱི་མཐའ་བསམ་གྱིས་མི་ཁྱབ་པས་ཅི་ཙམ་བྱས་ཀྱང་ཟིན་རྒྱུ་མེད་པ་དང༌། བྱས་པ་ཆུད་ཟོས་པ་དང༌། ཡང་འདི་དང་འདི་ལྟ་བུ་བྱེད་དགོས་སྙམ་དུ་མི་ཚེ་གྲངས་ལ་ཟད་ཅིང༌། ལས་མཐར་ཕྱིན་རྒྱུ་མེད་པར་འཆི་བའི་དུས་བྱས་ཏེ། བསམ་པ་མ་རྫོགས་པས་ཤིན་ཏུ་སྡུག་བསྔལ་ཞིང༌། ནོར་ཡོད་པ་རྣམས་རྐུན་མས་ཁྱེར་བ་དང༌། དབང་བཙན་པᨖས་འཕྲོག་པ་ལ་སོགས་པས་སྡུག་བསྔལ། དབུལ་པᨖ་རྣམས་ནོར་ཚོལ་བའི་ཕྱིར་ཤིན་ཏུ་ཤ་ཐང་ཆད་པས་སྡུག་བསྔལ། མདོར་ན་གནས་ཁམས་གསུམ་སོགས་རྟེན་རིགས་དྲུག་པᨖ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ལས་མ་འདས་པས། འདིའི་སྡུག་བསྔལ་མི་མྱོང་བར་བྱ་བའི་ཕྱིར་ཆོས་རྣམ་པར་དག་པ་བྱ་དགོས་སྙམ་དུ་བསྒོམ་མོ། །གཉིས་པ་ལས་རྒྱུ་འབྲས་བསམ་པ་ནི། གོང་དུ་བཤད་པའི་སྡུག་བསྔལ་ཅན་གྱི་འཁོར་བར་སྐྱེ་བའང༌། རྒྱུ་མི་དགེ་བ་སྤྱད་པ་ལས་བྱུང་བས། དེ་སྤོང་བ་ལ་དེའི་རྒྱུ་སྤང་དགོས་ཤིང༌། དེའང་མདོར་བསྡུས་ན་རྒྱུ་མི་དགེ་བ་མཐའ་དག་སྤོང༌། དགེ་བ་སྣ་རེ་ཙམ་ཡང་ ཅི་ནུས་ཀྱིས་བསྒྲུབ་སྙམ་དུ་བསྒོམ་མོ། །དེ་ཉིད་ཅུང་ཟད་རྒྱས་པར་བཤད་ན། མི་དགེ་བའི་ལས་བསམ་པ། དགེ་བའི་ལས་བསམ་པ། ལུང་མ་བསྟན་གྱི་ལས་བསམ་པ་དང་གསུམ་མོ། །དང་པᨖ་ལ། ལས་ཀྱི་ངོ་བོ་བསམ་པ༑ དེའི་འབྲས་བུ་བསམ་པ། དེ་སྤོང་བར་གདམས་པ་དང་གསུམ། དང་པᨖ་ལ་བཅུ་སྟེ། ཀུན་སློང་དུག་གསུམ་གང་རུང་གིས་ཀུན་ནས་བསླངས་པའི་གསོད་སེམས་ཀྱིས་སྲོག་ཆགས་གྲོག་སྦུར་ནས་མིའམ། མིར་ཆགས་པའི་བར་གང་རུང་བསམ་བཞིན་དུ་བསད་པ་སྲོག་གཅོད་པ་དང༌། གཞན་གྱིས་བདག་གིར་བཟུང་བའི་རྫས་འབྲུའི་ཕུབ་མ་ཙམ་ཡང་མ་བྱིན་པར་ལེན་པ་དང༌། རང་གིས་རིན་འཇལ་ཏེ་གཉེན་དུ་འཐམས་པའི་བུད་མེད་མ་གཏོགས། གཞན་གྱི་བུད་མེད་དང་དགེ་ཚུལ་མ་ལྟ་བུ་ཆོས་ཀྱི་རྒྱལ་མཚན་འཛིན་པ་དང༌། ཉིན་གཅིག་པའི་སྡོམ་པ་བསྲུང་བ་དང༌། ཕ་མ་ལ་སོགས་པས་བསྲུང་བ་དང༌། རང་གི་བུད་མེད་ཡིན་ཡང་ཉིན་པར་སྤྱོད་པ་ལ་སོགས་པ་འདོད་པས་ལོག་པར་གཡེམ་པ་སྟེ། ལུས་ཀྱི་མི་དགེ་བ་གསུམ་དང༌། འདོད་ཆགས་ལྟ་བུའི་ཀུན་ནས་བསླང་སྟེ། གཞན་གྱི་མགོ་བསྐོར་བའི་ཕྱིར་འདུ་ཤེས་བསྒྱུར་ཏེ་ཚིག་དང་དོན་གཞན་གྱིས་གོ་བར་སྨྲ་བ་རྫུན་དང༌། གཞན་མཛའ་བ་དབྱེ་བའི་ཕྱིར་ཕ་རོལ་པᨖ་ལ་དབྱེན་དུ་འགྱུར་བའི་གཏམ་སྨྲ་བ་ཕྲ་མ་དང༌། ཞེ་སྡང་ལྟ་བུའི་ཀུན་ནས་བསླངས་ཏེ། དོན་དང་མཐུན་མི་མཐུན་ཇི་ལྟར་ཡིན་ཡང་སྐད་ཤུགས་ཆེན་པᨖས་ གཞན་གྱི་སེམས་ལ་གཟན་པར་སྨྲ་བའི་ཚིག་རྩུབ་དང༌། དོན་དང་མི་མཐུན་པའི་གཏམ་ཆལ་ཆོལ་མང་དུ་སྨྲ་བས་རང་གཞན་གྱི་དགེ་སྦྱོར་སོགས་ཀྱི་བར་དུ་གཅོད་ཅིང་གཏད་སོ་མེད་པར་སྨྲ་བ་ངག་འཁྱལ་ཏེ༑ ངག་གི་མི་དགེ་བ་བཞི་དང༌། འདོད་ཆགས་ཀྱིས་ཀུན་ནས་བསླང་སྟེ་གཞན་གྱི་ལོངས་སྤྱོད་དང་དབང་ཕྱུག་ལ་སོགས་པ་བདག་གིས་ལོངས་སྤྱོད་དུ་གྱུར་ན་སྙམ་དུ་གཞན་གྱི་ཕུན་སུམ་ཚོགས་པ་བདག་གིས་ཐོབ་པར་འདོད་པ་བརྣབ་སེམས་དང༌། ཞེ་སྡང་གིས་ཀུན་ནས་བསླང་སྟེ་གང་ཟག་གཞན་འདི་ལ་གནོད་པ་ཅིག་བྱས་ན། འདི་ཤིན་ཏུ་སྡུག་བསྔལ་ན་ཅི་མ་རུང་སྙམ་དུ་བསམ་པ་ལྟ་བུ་གནོད་སེམས་དང༌། གཏི་མུག་གིས་ཀུན་ནས་བསླངས་ཏེ། ལས་རྒྱུ་འབྲས་དང༌། བདེན་བཞི་དང༌། དཀོན་མཆོག་གསུམ་ལ་སོགས་པ་ལ་ཡོད་མེད་དང༌། རྒྱུ་དགེ་བ་ལ་འབྲས་བུ་བདེ་བ་དང༌། མི་དགེ་བ་ལ་འབྲས་བུ་སྡུག་བསྔལ་འབྱུང་ཞེས་བླ་མ་དག་གསུང་ཡང་མི་བདེན་ནམ་སྙམ་པ་ལོག་ལྟ་སྟེ། ཡིད་ཀྱི་མི་དགེ་བ་གསུམ་དང་བཅུའོ། །གཉིས་པ་དེའི་འབྲས་བུ་ལ། གནས་སྐབས་ཀྱི་འབྲས་བུ་དང༌། མཐར་ཐུག་གི་འབྲས་བུ་གཉིས། དང་པᨖ་ནི། ཚེ་ཐུང་བ་དང༌། ལོངས་སྤྱོད་དབུལ་བ་དང༌། རང་གི་ཁྱིམ་ཐབས་ལ་སོགས་པས་དགྲ་ལྟ་བུར་བྱེད་པ་དང༌། གཞན་གྱིས་བསྐུར་བ་འདེབས་པ་དང༌། རང་གི་མཛའ་བོ་དང་མི་མཐུན་པར་འགྱུར་བ་དང༌། གཏམ་མི་སྙན་པ་ཐོས་པ་དང༌། དེའི་གཏམ་ལ་ བྱུང་གནས་མེད་ཅེས་བདེན་པར་མི་འཛིན་པ་དང་། རེ་བ་འབྲས་བུ་མེད་པ་དང༌། འཇིགས་པ་ཆེན་པᨖ་དང་ཕྲད་པ་དང༌། ལྟ་བ་ཕྱིན་ཅི་ལོག་ཏུ་འགྱུར་བ་ལ་སོགས་པའོ། །གཉིས་པ་མཐར་ཐུག་གི་འབྲས་བུ་ནི། མི་དགེ་བ་ཆུང་ངུར་སྤྱད་པས་དུད་འགྲོ་དང༌། འབྲིང་གིས་ཡི་དྭགས་དང༌། ཆེན་པᨖར་སྤྱད་པས་དམྱལ་བར་འཕེན་པའོ། །གསུམ་པ་ནི། དེ་ལྟར་དུག་གསུམ་གྱིས་ཀུན་ནས་བསླངས་ཏེ། མི་དགེ་བ་དེ་རྣམས་སྤྱད་པས་འབྲས་བུ་ངན་སོང་ལས་འདས་པ་མི་འདུག་པས་ཅི་ནས་ཀྱང༌། སྲོག་ལ་བབ་རུང་མི་བྱེད་པར་ཡིད་ཀྱིས་དམ་བཅའ་ཞིང་ལུས་ངག་གིས་སྤོང་བའོ། །གསུམ་པ་དགེ་བའི་ལས་བསམ་པ་ལའང༌། ལས་ཀྱི་ངོ་བོ་བསམ་པ། དེའི་འབྲས་བུ་བསམ་པ། དེ་བསྒྲུབ་པར་གདམས་པའོ། །དང་པᨖ་ནི། སྔར་བཤད་པའི་མི་དགེ་བ་བཅུ་སྤོང་ཞིང༌། མ་ཆགས་པ་དང༌། ཞེ་སྡང་མེད་པ་དང༌། གཏི་མུག་མེད་པས་ཀུན་ནས་བསླངས་ཏེ། དགེ་བ་བཅུ་པᨖ་ཅི་ནུས་བསྒྲུབ་པའོ། ། གཉིས་པ་དེའི་འབྲས་བུ་ལ། གནས་སྐབས་ཀྱི་འབྲས་བུ་དང༌། མཐར་ཐུག་གི་འབྲས་བུ་གཉིས། དང་པᨖ་ནི། ཚེ་རིང་བ་དང༌། ལོངས་སྤྱོད་ཆེ་བ་དང༌། ཁྱིམ་ཐབས་ལ་སོགས་པས་ཡིད་དང་མཐུན་པར་བྱེད་པ་དང༌། ཕྱོགས་ཀུན་ཏུ་སྙན་གྲགས་ཐོབ་པ་དང༌། མཛའ་བོ་དང་མཐུན་པར་འགྱུར་བ་དང༌། དབང་པᨖ་དྭངས་པ་དང༌། ཚིག་བརྩན་པ་དང༌། ཡིད་ཀྱི་རེ་བ་འགྲུབ་པ་དང༌། འཇིགས་པ་མེད་པ་དང༌། ལྟ་བ་རྣམ་པར་དག་པར་འགྱུར་བ་ལ་སོགས་པའོ། །མཐར་ཐུག་གི་འབྲས་བུ་ནི། དགེ་བ་བཅུ་པᨖ་ཆུང་ངུ་དང༌། འབྲིང་དང་། ཆེན་པᨖར་སྤྱད་པས་ཉན་ཐོས་དང༌། རང་སངས་རྒྱས་དང༌། བླ་ན་མེད་པའི་བྱང་ཆུབ་ཐོབ་བོ། །གསུམ་པ་ནི། དེ་ལྟར་དགེ་བ་བཅུ་སྤྱད་པ་ལས། འབྲས་བུ་བྱང་ཆུབ་གསུམ་གང་རུང་ཐོབ་ཅིང༌། ཉན་ཐོས་ཀྱི་གོ་འཕང་ལྟ་བུ་ཐོབ་ཀྱང༌། འཁོར་བ་དང་ངན་སོང་གི་འཇིགས་པ་ལས་གྲོལ་བར་འདུག་པས་ཅི་ནས་ཀྱང་དགེ་བ་བསྒྲུབ་སྙམ་དུ་བསམ་མོ༑ ༑གསུམ་པ་ལུང་མ་བསྟན་གྱི་ལས་བསམ་པ་ལ་གསུམ་ལས། དང་པᨖ་ལས་ཀྱི་ངོ་བོ་ནི། དགེ་མི་དགེ་གང་གིའང་ཀུན་སློང་མེད་པར་བཏང་སྙོམས་སུ་ཁ་ཟས་ཟ་བ་དང༌། བཟོ་བྱེད་པ་ལ་སོགས་པའོ། །གཉིས་པ་ནི། དེའི་འབྲས་བུའང་བདེ་བ་དང་སྡུག་བསྔལ་གང་ཡང་འབྱིན་མི་ནུས་པས། བཏང་སྙོམས་པའི་བཟོ་བྱེད་པ་ལ་སོགས་པ་སྤྲོ་བ་དང་ལག་ཏུ་ལེན་པའོ། །གསུམ་པ་དེ་དགེ་བར་བསྒྱུར་བ་ནི། ཀུན་སློང་གི་དབང་གིས་འགྱུར་བ་ཡིན་པས༑ ཁ་ཟས་ཟ་བ་ལྟ་བུ་ལའང༌། ལུས་ཀྱི་སྲིན་བུ་གསོ་སྙམ་པ་དང༌། ལུས་བརྟས་པར་བྱས་ནས་ཐོས་བསམ་ལ་སོགས་པ་བྱེད་སྙམ་པ་དང༌། འགྲོ་འདུག་ལ་སོགས་པ་བྱེད་ནའང་བླ་མ་ལ་མཇལ་བའི་ཆེད་དང༌། དམ་པའི་ ཆོས་ཀྱི་ཆེད་དུ་འགྲོ་བ་དང༌། གཡས་ཕྱོགས་ན་སངས་རྒྱས་བྱང་ཆུབ་སེམས་དཔའི་སྐུ་གཟུགས་ཡོད་པར་བསམ་སྟེ། དེ་ལ་ལུས་ཀྱི་དྲག་ཤོས་གཡས་བསྟན་ནས་བསྐོར་བ་བྱེད་པར་བསམ་སྟེ་འགྲོ་བ་ལྟ་བུའོ། །གསུམ་པ་ནི། བདག་དོན་ལ་ཞེན་ན་བྱང་སེམས་མིན། །ཞེས་པའི་དོན། སྔར་བཤད་པ་ལྟར་འཁོར་བ་མཐའ་དག་སྡུག་བསྔལ་དུ་མཐོང་ནས་དེ་ལྟ་བུ་ལས་ཐར་བའི་ཕྱིར། དགེ་བ་ཆུང་འབྲིང་ཅི་རིགས་སུ་སྤྱད་པས་ཉན་ཐོས་དང་རང་སངས་རྒྱས་ཀྱི་གོ་འཕང་ཐོབ་ཀྱང༌། དེའང་རང་དོན་མ་རྫོགས་ཤིང་གཞན་དོན་རྒྱ་ཆེན་པᨖ་མི་ནུས་ལ། རྫོགས་པའི་སངས་རྒྱས་ཐོབ་པ་ལ་གེགས་དང་བཅས་པ་ཡིན་པས་དེ་ལྟ་བུའི་རང་དོན་ཁོ་ན་དོན་དུ་མི་གཉེར་བར་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེ་ཡང་རྒྱུ་རྐྱེན་མ་ཚང་བ་དང་ནོར་བ་ལས་མི་སྐྱེ་སྟེ། དཔེར་ན་དགུན་ལྟ་བུར་དྲོད་གཤེར་མ་འཛོམ་པའི་དུས་འབྲས་ཀྱི་ས་བོན་བཏབ་ཀྱང་མི་སྐྱེ། འབྲས་འདོད་པ་ལ་ནས་བཏབ་ཀྱང་འབྲས་ཀྱི་ལོ་ཏོག་མི་འབྱུང་གི །འབྲས་ཀྱི་ལོ་ཏོག་འདོད་པ་ལ་རྒྱུ་འབྲས་ཀྱི་ས་བོན་དང༌། རྐྱེན་ཆུ་ལུད་དྲོད་གཤེར་འཛོམས་ན་སྐྱེ་བ་ལྟར་རྫོགས་པའི་བྱང་ཆུབ་ནི༑ རྣམ་སྣང་མངོན་བྱང་ལས། རྒྱུ་སྙིང་རྗེ་ཆེན་པᨖ་ལས་བྱུང་བ་ཡིན། རྩ་བ་བྱང་ཆུབ་ཀྱི་སེམས་ལས་བྱུང་བ་ཡིན། རྐྱེན་ཐབས་ལ་མཁས་པས་མཐར་ཕྱིན་པར་བྱས་པ་ཡིན་ནོ། །ཞེས་གསུངས་པས། དེའི་དོན་ཉམས་སུ་ལེན་པ་ལ། བྱམས་པ་བསྒོམ་པ། སྙིང་རྗེ་བསྒོམ་པ། བྱང་ཆུབ་ཀྱི་སེམས་བསྒོམ་པ། དེ་དག་གི་སྤྱོད་པ་ལ་བསླབ་པའོ། །དང་པᨖ་ལ་བཞི། གཉེན་ལ་བསྒོམ་པ། བར་མ་ལ་བསྒོམ་པ། དགྲ་ལ་བསྒོམ་པ། སེམས་ཅན་ཐམས་ཅད་ལ་བསྒོམ་པའོ། །དང་པᨖ་ལའང་གསུམ། མར་ཤེས་པ། དྲིན་དྲན་པ། དེ་ལ་བྱམས་པ་བསྒོམ་པའོ། །དང་པᨖ་ནི། རང་གི་ད་ལྟའི་མ་ལྟ་བུ་ལ་མཚོན་ན། འདིས་ད་ལྟ་མ་བྱས་པར་མ་ཟད། སྐྱེ་བ་མང་པᨖའི་བར་དུ་མ་བྱས་པ་ཡིན་ཏེ། སློབ་དཔᨖན་ཀླུ་སྒྲུབ་ཀྱིས་བཤེས་སྤྲིངས་ལས། མ་ཡི་ཐུག་མཐའ་རྒྱ་ཤུག་ཚི་གུ་ཙམ། །རིལ་བུར་བགྲངས་ཀྱང་ས་ཡིས་ལང་མི་འགྱུར། །ཞེས་དང༌། མདོ་ལས། སེམས་ཅན་གཅིག་གིས་མ་བྱས་ཏེ། ། ནུ་ཞོ་འཐུངས་པ་གང་ཡིན་པ། །རྒྱ་མཚོ་བཞི་ལའང་དེ་ཙམ་མེད། །སེམས་ཅན་གཅིག་གིས་ཕ་བྱས་ཏེ། །རྟ་དང་གླང་པᨖ་ཕྱིན་པ་རྣམས། །ཚངས་པའི་འཇིག་རྟེན་ལས་ཀྱང་བརྒལ། །ཞེས་གསུངས་སོ། །གཉིས་པ་དྲིན་དྲན་པ་ནི། མ་བྱས་རེས་ཀྱི་ཕན་ཚད་མེད་པ་བཏགས་ཏེ། དེའང་མངལ་དུ་ཆགས་དུས་ཟླ་བ་དགུའམ་བཅུ་ཡི་བར་དུ་ལུས་ལྗི་བ་དང༌། ངལ་བ་དང༌། དེ་ནས་བཙས་པའི་དུས་སུ་རང་གི་ལུས་སེམས་བྲལ་བ་ལ་ཐུག་པའི་སྡུག་བསྔལ་འབྱུང་ཡང་བཟོད་པར་བྱས་ཏེ། སྐྱེས་ནས་བརྡ་དོན་མི་ཤེས་ཤིང་ཅི་ཡང་མི་ནུས་པ་རོལ་ཁའི་འབུ་ལྟ་བུར་ཡོད་པ་ལ། བརྩེ་བའི་སེམས་ཀྱིས་བསྐྱངས། བྱམས་པའི་མིག་གིས་བལྟས། ཟས་ཞིམ་པ་ལྕེས་བསྙོད། མི་གཙང་བ་ལག་པས་ཕྱིས། སོར་མོ་བཅུའི་ཁ་ལ་བླངས། ཟས་གོས་ལ་སོགས་པ་ཅི་ནུས་སུ་སྦྱར། གནོད་པ་མཐའ་དག་བསལ། ཆེར་སྐྱེས་ནས་རང་གི་སྲོག་དང་བསྡོས་པའི་ནོར་གཅེས་པ་བྱིན། འབྲི་ཀློག་ལ་སོགས་པ་བསླབ་བྱའི་རིགས་ཀུན་བསླབ། མདོར་ན་ཕན་བཏགས་ཤིང་གནོད་པ་ཀུན་ལས་བསྐྱབས་པ་ལ་སོགས་དྲིན་ཅི་ཡོད་བསམ་མོ། །གསུམ་པ་བྱམས་པ་བསྒོམ་པ་ནི། སློབ་དཔᨖན་ཟླ་བས། འགྲོ་ལ་ཕན་པ་ཉེར་བསྒྲུབ་པ། ། བྱམས་པ་ཆེན་པᨖ་ཞེས་བྱའོ། །ཞེས་གསུངས་པས། བྱམས་པའི་ངོ་བོ། སེམས་ཅན་རྣམས་བདེ་བ་དང་བདེ་བའི་རྒྱུ་དང་ལྡན་པར་བསམ་པ་ནི་བྱམས་པའི་བློ་ཡིན་པས། དྲིན་ཅན་གྱི་མ་འདི་བདེ་བ་དང་བདེ་བའི་རྒྱུ་དང་ལྡན་པར་བྱའོ་སྙམ་པ་སེམས་བསྐྱེད་དང་འབྲེལ་བ་དང༌། བདེ་བ་དང་བདེ་བའི་རྒྱུ་དང་ལྡན་ན་ཅི་མ་རུང་སྙམ་པ་འདུན་པ་དང་འབྲེལ་བ་དང༌། བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་སྙམ་པ་སྨོན་ལམ་དང་འབྲེལ་བ་སྟེ། དེ་ལྟར་མ་གཡེངས་པར་བསྒོམས་ཤིང་ཚིག་ཏུའང་བརྗོད་དོ། །དེ་ལྟར་རྩ་བའི་མ་ལ་མར་ཤེས་ཤིང་དྲིན་དྲན་ནས་བྱམས་པ་བསྒོམ་པ་ལྟར། བར་མ་དང༌། དགྲ་དང་སེམས་ཅན་ཐམས་ཅད་ལ་ཁ་སྤོས་ཏེ་བསྒོམ་མོ༑ ༑དེ་ལྟར་བྱམས་པ་བསྒོམ་པས་ལེགས་པར་འབྱོངས་པ་ན། དེའི་སྟོབས་ཀྱིས་སྙིང་རྗེ་སྐྱེ་བ་ཡིན་ཏེ། དེ་སྐད་དུ། སྙིང་རྗེའི་ཆུ་བ་བྱམས་པ་སྟེ། །དེ་སྡུག་བསྔལ་ལས་ཡང་དག་སྐྱེས། །ཞེས་གསུངས་པས། དེས་ན་ སྙིང་རྗེ་བསྒོམ་པ་ལ། སྙིང་རྗེའི་ངོ་བོ་ནི། སློབ་དཔᨖན་ཟླ་བས། སྡུག་བསྔལ་ཅན་རྣམས་ཡོངས་སྐྱོབ་པ། །སྙིང་རྗེ་ཆེན་པᨖ་ཞེས་བྱའོ། །ཞེས་གསུངས་པས། ཡུལ་གྱི་སྡུག་བསྔལ་མཐོང་ན་མི་བཟོད་ཅིང་དེ་དང་བྲལ་བར་འདོད་པའི་བློ་ཡིན་ལ། དེ་ཡང་གཉེན་ལ་བསྒོམ་པ། དགྲ་གཉེན་བར་མ་ལ་བསྒོམ་པ། དགྲ་ལ་བསྒོམ་པ། སེམས་ཅན་ཐམས་ཅད་ལ་བསྒོམ་པའོ། །དང་པᨖ་ལ་གསུམ་ལས། མར་ཤེས་པ་དང༌། དྲིན་དྲན་པ། བྱམས་པ་བསྒོམ་པའི་སྐབས་ལྟར་བྱ། སྙིང་རྗེ་བསྒོམ་པ་ནི། རང་གི་རྩ་བའི་མ་ལྟ་བུ་གསོན་ནམ་ཤི་ཡང་རུང་སྟེ། དེའི་རྣམ་པ་མདུན་དུ་གསལ་བར་དམིགས་ལ། བདག་གི་དྲིན་ཅན་གྱི་མ་འདི་སྡུག་བསྔལ་དང་ལྡན་བདེ་བ་དང་བྲལ་འདུག་པ་སྙིང་རེ་རྗེ་ན། འདི་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་དགོས་པ་ལ། མ་རང་གི་གནས་ལུགས་ལ་བལྟས་པས། སྡུག་བསྔལ་དེ་དང་དེའི་རྒྱུ་དང་ལྡན། དེའི་ལོངས་སྤྱོད་ཅན་དུ་འདུག་པ་སྙིང་རེ་རྗེ། སྡུག་བསྔལ་འདི་ལྟ་བུ་དང་བྲལ་བར་བྱའོ་སྙམ་པ་སེམས་བསྐྱེད་དང་འབྲེལ་བ་སོགས་བྱམས་པ་བསྒོམ་པའི་སྐབས་ལྟར་བྱ་ཞིང་བསྒོམ། དེ་ནས་ཡང་བར་མ་དང༌། དགྲ་དང་། སེམས་ཅན་ཐམས་ཅད་ཀྱི་བར་རེ་རེ་ནས་ཁ་སྤོས་ལ་སྙིང་རྗེ་བཅོས་མ་མ་ཡིན་པ་སྐྱེས་སྐྱེས་བསྒོམ་མོ། །དེ་ལྟར་སྙིང་རྗེ་སྐྱེས་པ་དང༌། དེའི་སྟོབས་ཀྱིས་བྱང་ཆུབ་ཀྱི་སེམས་སྐྱེ་བ་ཡིན་ཏེ། དེ་སྐད་དུ། དེ་ཡི་རྩ་བ་སྙིང་རྗེར་འདོད། །རྟག་ཏུ་སེམས་ཅན་ཕན་པར་སེམས། །ཞེས་གསུངས་པས། དེས་ན་དེའི་མཇུག་ཏུ་ཀུན་རྫོབ་བྱང་ཆུབ་ཀྱི་སེམས་བདག་གཞན་བརྗེ་བ་བསྒོམ་པ་ནི། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་ཐོབ་ཤོག །ཅེས་པ་ལྟར་ཡུལ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་སྡུག་བསྔལ་དང་ཡིད་མི་བདེ་བ་ཅི་ཡོད་པ་ཐམས་ཅད་བདག་ལ་སྨིན་པར་གྱུར་ཅིག །བདག་གི་དགེ་བ་དང་། བདེ་བ་དང་། ལེགས་པ་ཅི་ཡོད་པ་ཐམས་ཅད་སེམས་ཅན་ཐམས་ཅད་ཀྱིས་ཐོབ་པར་གྱུར་ཅིག །ཅེས་ཚིག་ཏུ་བརྗོད་ཅིང་ཡིད་ཀྱིའང་ཞེ་ཐག་པ་ནས་བསྒོམ་མོ། །བཞི་པ་དེ་དག་གིས་སྤྱོད་པ་ལ་བསླབ་པ་ནི། སྤྱིར་བྱང་ཆུབ་སེམས་དཔའི་སྤྱོད་པ་གཞན་ལ་གནོད་པ་སྤོང་ཞིང་ཕན་པ་ཅི་ནུས་བསྒྲུབ་པའོ། །ཁྱད་པར་དུའང་རང་སྨིན་པར་བྱེད་པ་ཕ་རོལ་ཏུ་ཕྱིན་པ་དྲུག་གི་སྤྱོད་པ་དང༌། བསྡུ་བའི་དངོས་པᨖ་བཞིས་གཞན་སྨིན་པ་སོགས་རྒྱས་པར་ནམ་མཁའི་སྙིང་པᨖའི་མདོ་དང༌། བསླབ་པ་ཀུན་ལས་བཏུས་དང༌༑ སྤྱོད་འཇུག་དང་། རྒྱལ་པᨖ་ལ་གཏམ་དུ་བྱ་བ་རིན་པᨖ་ཆེའི་ཕྲེང་བ་ལས་འབྱུང་བ་ལྟར་ཉམས་སུ་བླང་གསུངས་སོ། །བཞི་པ་ནི། འཛིན་པ་བྱུང་ན་ལྟ་བ་མིན། །ཞེས་པའི་དོན། ཀུན་རྫོབ་བྱང་སེམས་ལེགས་པར་སྐྱེས་ཀྱང༌། བདེན་འཛིན་དང་བཅས་ན་རྟག་ཆད་ཀྱི་མཐར་ལྷུང་ཞིང་གྲོལ་བར་མི་འགྱུར་བས། དེས་ན་དངོས་པᨖ་དང་མཚན་མར་འཛིན་པའི་གཉེན་པᨖར་ཞི་ལྷག་གཉིས་བསྒོམ་དགོས་ཏེ། ཞི་གནས་རབ་ཏུ་ལྡན་པའི་ལྷག་མཐོང་གིས། ། ཉོན་མོངས་སྐྱོན་རྣམས་འཇོམས་པར་ཤེས་བྱས་ནས། །ཐོག་མར་ཞི་གནས་བཙལ་བྱ་དེ་ཡང་ནི། །འཇིག་རྟེན་ཆགས་པ་མེད་ལ་མངོན་དགས་འགྲུབ། །ཅེས་གསུངས་སོ། །དེ་ལ་གསུམ། ཞི་གནས་བསྒོམ་པ། ལྷག་མཐོང་བསྒོམ་པ། ཟུང་འབྲེལ་དུ་བསྒོམ་པའོ། །དང་པᨖ་ནི། གནས་དབེན་ཞིང་ཉམས་དགའ་བ། ཆོས་ལྡན་གྱི་རྒྱལ་པᨖས་སྐྱོང་ཞིང་འཚེ་བ་མེད་ལ། སྐྱེ་བོའི་རྒྱུ་འགྲུལ་དང༌། དགྲའི་གཙེར་གླག་སོགས་བསམ་གཏན་གྱི་ཚེར་མ་མེད་པར་སྟན་བདེ་བ་ལ་འདུག་ནས། ཐུན་ཐམས་ཅད་ཀྱི་སྔོན་ཏུ་འགྲོ་བ་སྐྱབས་འགྲོ་སེམས་བསྐྱེད་བྱས་ཏེ། རྐང་པ་རྡོ་རྗེའི་སྐྱིལ་ཀྲུང༌། ལག་པ་མཉམ་བཞག །ལྕེ་རྩེ་རྐན་ལ་ཅུང་ཟད་སྦྱར། སྒལ་ཚིགས་དྲང་པᨖར་བསྲང༌། མིག་འབྱེད་འཛུམ་རན་པར་བྱས་ལ་བསྒོམ། དེའང་མགོན་པᨖ་བྱམས་པས། ཡང་དག་གནས་པ་ལ་བརྟེན་ནས། །སེམས་ལ་སེམས་ནི་འཇོག་ཕྱིར་དང༌། །ཆོས་རབ་རྣམ་པར་འབྱེད་པའི་ཕྱིར། །ཞི་གནས་དང་ནི་ལྷག་མཐོང་བརྗོད། །ཅེས་གསུངས་པ་ལྟར། ཕྱི་ནང་གི་དམིགས་རྟེན་རྡེའུ་ནག་པᨖ་ལ་སོགས་པ་གང་ཡིན་པ་གཅིག་གི་སྟེང་དུ་སེམས་རྩེ་གཅིག་ཏུ་འཇོག་པ་ཞི་གནས་ཡིན་ལ། གནས་བརྟན་བྱང་བཟང་གིས། ཏིང་འཛིན་རྒྱལ་པᨖའི་མདོ་ལས་སངས་རྒྱས་ཀྱི་སྐུ་ལ་དམིགས་ནས་བསྒོམ་པར་བཤད་ཅིང༌། དེ་དང་སྔར་རྡེའུ་ལྟ་བུ་ལ་དམིགས་ནས་བསྒོམ་པ་གཉིས་ལས། སེམས་རྩེ་གཅིག་ཏུ་གནས་པའི་ཐབས་སུ་ཁྱད་པར་མེད་ཀྱང༌། སངས་རྒྱས་ཀྱི་ སྐུ་ལ་དམིགས་པས་སངས་རྒྱས་རྗེས་སུ་དྲན་པར་འགྲོ་ཞིང༌། བསོད་ནམས་ཆེ་བས་དེའི་དབང་དུ་བྱས་ནས། མདུན་ཏུ་རིན་པᨖ་ཆེའི་ཁྲི་སྣ་ཚོགས་པདྨ་དང་ཟླ་བའི་གདན་ལ་སངས་རྒྱས་ཤཱཀྱ་ཐུབ་པ་སྐུ་མདོག་གསེར་བཙོ་མ་ ལྟ་བུ་ཕྱག་གཡས་པ་ས་གནོན་དང༌། གཡོན་མཉམ་བཞག་མཛད་པ། ན་བཟའ་ཆོས་གོས་ངུར་སྨྲིག་ཅན། རྡོ་རྗེའི་སྐྱིལ་ཀྲུང་གིས་བཞུགས་པར་བསྒོམས་ལ། དེའི་སྐུ་དང་ཁྱད་པར་སྨིན་མཚམས་ཀྱི་མཛོད་སྤུ་ལ་དམིགས་ཤིང་བསྒོམ་མོ། །ཡང་ན་འོད་དཔག་མེད་དམར་པᨖ་མཉམ་བཞག་གི་ཕྱག་རྒྱ་ཅན། གདན་སོགས་སྔར་དང་འདྲ་བ་ལ་དམིགས་ནས་བསྒོམ་ཀྱང་ཆོག་གསུང་ངོ༌། དེ་ལྟར་ལྷག་མཐོང་གི་སྔོན་ཏུ་ཞི་གནས་བསྒོམ་པ་ནི། ཐོག་མར་ཞི་གནས་བཙལ་བྱ་ཞེས་པའི་དོན་ཡིན་ནོ། །ཞི་གནས་ལ་ལེགས་པར་གོམས་ཤིང་དམིགས་རྟེན་གང་རུང་གི་སྟེང་དུ། ལོ་ཟླ་མང་པᨖའི་བར་སེམས་གནས་ནུས་པའི་ཞི་གནས་དང༌། དེ་གཅིག་པུས་མི་ཆོག་གི་ཉོན་མོངས་པ་དྲུང་ནས་འབྱིན་པར་བྱེད་པའི་གཉེན་པᨖར་ལྷག་མཐོང་བསྒོམ་དགོས་ཤིང༌། དེའང་སོ་སོར་རྟོགས་པའི་ཤེས་རབ་ཀྱིས་ཕྱི་ནང་གི་ཆོས་ཀྱི་གནས་ལུགས་ལ་དཔྱད་ནས། ཡོད་མེད་རྟག་ཆད་ལ་སོགས་པ་མཐའ་དང་བྲལ་བར་རྟོགས་པའི་བློ་དེ་ལྷག་མཐོང་ཡིན་ཞིང༌། སྔར་བཤད་པའི་ཞི་གནས་དེ་སེམས་རྩེ་གཅིག་ཏུ་གནས་པའི་ཐབས་ཡིན་ལ། ཕྱིས་ལྷག་མཐོང་གིས་མཐོང་བའི་དོན་ལ་ཞི་གནས་ཀྱིས་རྩེ་གཅིག་ཏུ་བཞག་ དགོས་པས། གཉིས་པ་ལྷག་མཐོང་བསྒོམ་པ་ལ་གསུམ། ཡུལ་སྣང་སེམས་ཀྱིས་བྱས་པར་བསྒྲུབ་པ། སེམས་སྒྱུ་མར་བསྒྲུབ་པ། སྒྱུ་མ་རང་བཞིན་མེད་པར་བསྒྲུབ་པའོ། །དང་པᨖ་ནི། ཡུལ་གྱི་སྣང་བ་སྣ་ཚོགས་རྟ་དང་། གླང་པᨖ་དང༌། སྐྱེས་པ་ཕོ་མོ་དང༌། རྩིག་པ་དང༌། བུམ་པ་དང༌། སྣམ་བུ་ལ་སོགས་པ་སྣ་ཚོགས་སུ་སྣང་བ་འདི་རྒྱུ་མེད་དམ། ཕྱྭ་དང་དབང་ཕྱུག་ལ་སོགས་པས་བྱས་པའམ། འབྱུང་བཞི་དང་རྡུལ་ཕྲན་གྱིས་བྱས་པའམ། སངས་རྒྱས་ཀྱི་སྤྲུལ་པས་བྱས་པ་སོགས་མ་ཡིན་གྱི། ཐོག་མ་མེད་པ་ནས་རང་གི་སེམས་ལ་དེ་དང་དེའི་བག་ཆགས་བཞག་པའི་དབང་གིས་བྱུང་བ་ཡིན། འདི་ཐམས་ཅད་ཀྱི་བྱེད་པ་པᨖ་སེམས་ཡིན། སེམས་ལས་ གཞན་པའི་དེའི་བྱེད་པ་པᨖ་མེད་སྙམ་དུ་བསྒོམ་པའོ། །གཉིས་པ་ནི། མདོ་ཏིང་འཛིན་རྒྱལ་པᨖ་ལས། སྒྱུ་མ་བྱེད་པᨖ་དག་གིས་གཟུགས་སྤྲུལ་ཏེ། །རྟ་དང་གླང་པᨖ་ཤིང་རྟ་སྣ་ཚོགས་བྱས། །དེ་ལ་ཅི་བཞིན་སྣང་བ་གང་ཡང་མེད། ། ཆོས་རྣམས་ཐམས་ཅད་དེ་ལྟར་ཤེས་པར་གྱིས། །ཞེས་གསུངས་པ་ལྟར་སྔར་བཤད་པའི་ཡུལ་སྣ་ཚོགས་པ་དེ་ཡང་རྨི་ལམ་སྒྱུ་མ་ལྟ་བུ་ཡིན་ཏེ། དཔེར་ན། རྨི་ལམ་དུ་བདེ་བ་དང་སྡུག་བསྔལ་སྣ་ཚོགས་མྱོང་བར་རྨིས་ཀྱང༌༑ སད་པ་ན་མི་བདེན་པར་ཀུན་གྱིས་ཤེས་པ་བཞིན་ནོ། །དེས་ན་ཀུན་རྫོབ་ཙམ་དུ་སྣང་བ་འདི་མེ་ལོང་ནང་གི་གཟུགས་བརྙན་ལྟ་བུ་ཡིན་སྙམ་དུ་ངེས་ཤེས་སྐྱེས་སྐྱེས་སུ་བསྒོམ་མོ། །གསུམ་པ་ནི། དེ་ལྟར་ཡུལ་སྒྱུ་མ་ལྟ་བུར་སྣ་ཚོགས་སུ་སྣང་བ་དེ་ཡང་ཀུན་རྫོབ་ཙམ་དུ་སྣང་བས་སྣང་བ་མི་འགོག་ཅིང་། དཔྱད་ན་དོན་དམ་པར་གྲུབ་པ་སྐྲའི་རྩེ་མོ་བརྒྱར་གཤགས་པའི་ཚད་ཙམ་དུ་ཡང་མེད་སྙམ་དུ་བསྒོམ་མོ། །གསུམ་པ་ཟུང་འབྲེལ་དུ་བསྒོམ་པ་ནི། ཡུལ་སྣང་སེམས་ཀྱིས་བྱས་པར་བསྒྲུབ་པ་ལ་སོགས་པ་རིམ་བཞིན་གཏན་ལ་ཕབ་ནས་སྤྲོས་པའི་མཐའ་ཐམས་ཅད་དང་བྲལ་བ་སྟོང་པ་ཉིད་དུ་རྟོགས་ཤིང་ངེས་པར་བྱས་ནས། དེ་ལྟར་རྟོགས་མཁན་གྱི་བློ་དང༌༑ ཡུལ་གྱི་གནས་ལུགས་དབྱེར་མེད་པ་ཆུ་ལ་ཆུའམ། མར་ཁུ་ལ་མར་ཁུ་ཐིམ་པ་ལྟར་རོ་གཅིག་ཏུ་གྱུར་པ་ལ་སེམས་རྩེ་གཅིག་ཏུ་གཏད་དེ་བསྒོམ་མོ། །འདི་ལྟ་བུའི་རྒྱུན་བསྒོམས་པར་བྱས་པས་གོམས་པ་དང༌། དེ་ལྟར་མ་རྟོགས་པའི་སེམས་ཅན་ལ་སྟོང་པ་ཉིད་ཀྱིས་དྲངས་པའི་དམིགས་མེད་ཀྱི་སྙིང་རྗེ་སོགས་སྐྱེ་ཞིང་དངོས་པᨖར་འཛིན་པའི་འཁྲུལ་པ་ལོག་སྟེ། འཁྲུལ་སྣང་ཡེ་ཤེས་སུ་འཆར་བ་ཞེས་བྱ་བ། རྫོགས་པའི་སངས་རྒྱས་སྐུ་གསུམ་གྱི་བདག་ཉིད་ཅན་གྱི་གོ་འཕང་མངོན་ཏུ་འགྱུར་བ་ཡིན་ནོ། །གསུམ་པ་རྗེས་བསྔོ་བས་རྒྱས་གདབ་པ་ནི། ཐུན་ཐམས་ཅད་ཀྱི་མཇུག་ཏུའང་བྱ་ཞིང༌། དེའང་འདི་ལྟར་བསྔོ་རྒྱུ་བདག་གིས་ཏིང་ངེ་འཛིན་ཟབ་མོ་བསྒོམས་པའི་དགེ་བའི་རྩ་བ་དང༌། དེས་མཚོན་ཏེ་བདག་དང་གཞན་གྱིས་དགེ་བའི་རྩ་བ་ཅི་བྱས་པ་འདུས་བྱས་ཀྱི་ཕྱོགས་སུ་གཏོགས་པ་ཐམས་ཅད་བསྔོ། བསྔོ་བ་ཐམས་ཅད་མཁྱེན་པ་སངས་རྒྱས་ཀྱི་ས་ཡང་བློ་ཡུལ་དུ་བྱས། ཆེད་དུ་བྱ་བ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་ཆེད་དུ་བསྔོ། རྣམ་པ་རྨི་ལམ་དང་སྒྱུ་མ་ལྟ་བུར་ཤེས་པའི་སྒོ་ནས་དགོངས་སུ་གསོལ་སྔོན་ཏུ་འགྲོ་བས། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་བསགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པᨖ་ཐོབ་པར་ཤོག །ཅེས་སོགས་བསྔོ་བ་མདོ་སྡེ་དང་བསྟན་བཅོས་ལས་འབྱུང་བ་གང་ཤེས་བྱའོ། །ཞེས་པ་འདི་ནི་ལུང་དང་མངོན་པར་རྟོགས་པའི་ཡོན་ཏན་རིན་པᨖ་ཆེ་དུ་མའི་དབང་ཕྱུག་སྔགས་འཆང་རྡོ་རྗེ་འཛིན་པ་ཆེན་པᨖ་བླ་མ་ཀུན་དགའ་ལེགས་པའི་གསུང་གིས་བསྐུལ་ནས། ཆོས་ཀྱི་རྗེ་ཐམས་ཅད་མཁྱེན་པ་ཀུན་དགའ་ བཟང་པᨖའི་ཞབས་ཀྱིས་ཞལ་སྔར་ཚར་གཉིས་མཉན་ཏེ། བླ་མ་དེ་ཉིད་ཀྱི་ཞབས་རྡུལ་སྤྱི་བོས་ལེན་པ་དགེ་སློང་ཀུན་དགའ་ལེགས་རིན་གྱིས་ཟིན་བྲིས་བྱས་ནས། སླར་ཡང་བླ་མ་ཆོས་ཀྱི་རྗེ་ལ་གཟིགས་པ་ཕུལ་ནས་དག་པར་བྱས་ཏེ་བཀོད་པའོ། །སླད་ནས་ལུང་ཁུངས་རྣམས་གསལ་བར་བྲིས་པ་དགེ །དགེའོ། །མངྒ་ལམ། ༈ །བློ་སྦྱོང་ཞེན་པ་བཞི་བྲལ་གྱི་ཁྲིད་ཡིག་བྱང་སེམས་ཀུན་དགའ་ལེགས་རིན་གྱིས་མཛད་པའི་འཆད་ཐབས་ནོར་བུ་ཀེ་ཏ་ཀའི་དོ་ཤལ་ཅེས་བྱ་བ་བཞུགས་སོ། །ན་མོ་གུ་རུ་ཝེ། ཕུལ་བྱུང་སྨོན་པའི་ཆུ་གཏེར་ལས་འཁྲུངས་སྟོང་ཉིད་བཅུ་དྲུག་ཆ་ཤས་རྫོགས། །སྙིང་རྗེའི་སྣང་ཆ་རི་དྭགས་གཟུགས་ཀྱིས་ཉེར་མཛེས་ཕྲིན་ལས་ཞི་བསིལ་འོད། །ག་བུར་དོག་པས་མཚོན་མིན་བསྐལ་བཟང་ཨུཏྤལ་བཤེས་སུ་སྤྲོ་མཁས་པའི། །འཇམ་དབྱངས་བླ་མ་སྨྲ་བའི་ཟླ་བ་མཆོག་དེར་ཕྱག་གིས་འདུད། །རྒྱལ་ཀུན་ཡེ་ཤེས་རང་གཟུགས་རལ་གྲི་ཅན། །མཚན་དཔེ་ངོམ་པའི་ ཟོལ་གྱིས་བརྩེ་བ་ཆེར། །རྒྱལ་སྲས་འཇུག་པའི་སྲོལ་ཆེན་དོན་ཚན་བཞིར། །བསྡུས་ཏེ་གདམས་པའི་གྲགས་དཀར་རྣ་བའི་དཔྱིད། །ཚུལ་དེ་འཆད་བྱར་བྱས་པའི་རྩོད་བྲལ་གཞུང༌། །ཇི་བཞིན་འཆད་ལ་ཉེར་མཁོའི་མཚམས་སྦྱོར་འདིས། །འབྱུང་འགྱུར་འཆད་པའི་ཁྲིར་འཛེགས་གསར་བུ་རྣམས། །འཆད་བྱེད་ངག་གི་འདོད་འཇོ་ཐོབ་ཕྱིར་སྤེལ། །དེ་ཡང་ཇི་སྐད་བཤད་པའི་མཚན་ཉིད་དང་ལྡན་པའི་དགེ་བའི་བཤེས་གཉེན་གྱི་དེད་དཔᨖན་བྱང་ཆུབ་སེམས་ཀྱིས་རྒྱུད་ཕྱུག་པ་དག་གིས་སྐལ་བ་དང་ལྡན་པའི་སློབ་མ་རྣམས་ལ་ཞེན་པ་བཞི་བྲལ་གྱི་ལམ་ནས་རྣམ་གྲོལ་རིན་ཆེན་གླིང་དུ་དཀྲི་བའི་ཚུལ་ལ། རྗེ་བཙུན་རིན་པᨖ་ཆེས་མཛད་པའི་ལོ་རྒྱུས་ཁྲིད་ཡིག་ཉམས་དབྱངས་ཀྱི་ཚུལ་ཅན། རྗེ་ས་པཎ་དང་ནུབ་པ་རིག་འཛིན་གྲགས་ཀྱིས་མཛད་པའི་ཟིན་བྲིས། ཀུན་མཁྱེན་ཆོས་ཀྱི་རྒྱལ་པᨖ་བསོད་ནམས་སེང་གེས་མཛད་པའི་ཁྲིད་ཡིག །མ་ཧཱ་པཎྜི་ཏ་ནམ་མཁའ་དཔལ་བཟང་གིས་མཛད་པའི་ཁྲིད་ཡིག་སོགས་ཡིག་སྣ་མང་དུ་བཞུགས་པ་ལས། དེང་སང་ཁྲིད་ཡིག་ཕལ་ཆེར་རྡོ་རྗེ་འཆང་གི་རུས་དབོན་བྱང་ཆུབ་སེམས་དཔའ་ཀུན་དགའ་ལེགས་པའི་རིན་ཆེན་གྱིས་རྗེ་བླ་མའི་གསུང་སྒྲོས་ཟིན་བྲིས་སུ་བཏབ་པའི་སྟེང་ནས་མཛད་པ་ཤས་ཆེ་བས་དེའི་ཚུལ་ལ། ཐོག་མར་གཙུག་ལག་ཁང་སོགས་གནས་ཡིད་དུ་འོང་བར། བཅོམ་ལྡན་འདས་ཐུབ་པ་ཆེན་པᨖ་གཙོ་འཁོར་བཞུགས་པའི་རྟེན་གྱི་དྲུང་དུ་ཅི་འབྱོར་བའི་མཆོད་པ་བཤམས་ལ། སློབ་དཔᨖན་རང་ཉིད་རྟེན་ལ་ཁ་ཕྱོགས་པས་ཕྱག་དང་བཅས་ཏེ། ཇི་སྙེད་སུ་དག་སོགས་ཀྱིས་ཡན་ལག་བདུན་པ་སྔོན་ཏུ་འགྲོ་བས། བྱང་ཆུབ་སྙིང་པᨖར་མཆིས་ཀྱི་བར་ཞེས་སོགས་སྤྱོད་འཇུག་ནས་འབྱུང་བའི་ཚིག་གིས་སྨོན་འཇུག་སེམས་བསྐྱེད་པ་བླངས་པས་བྱང་སྡོམ་སོར་ཆུད་པར་བྱས་ནས། སྐྱབས་སེམས་སྔོན་ཏུ་བཏང་ནས་སློབ་མ་ལ་འབོག་རྒྱུའི་དམིགས་རྐང་གང་ཡིན་དེ་ཐུན་གཅིག་བསྒོམས་ལ། དགེ་བ་འདི་ཡིས་སྐྱེ་བོ་ཀུན་སོགས་ཀྱི་བསྔོ་བས་རྒྱས་འདེབས་པ་ཉི་མ་རྗེས་མ་རྣམས་ལའང་འགྲེའོ། །དེ་ནས་སློབ་མ་རྣམས་བོས་ལ་ཐོག་མར། སློབ་དཔᨖན་གྱིས་བདུད་ཚར་བཅད་པའི་སྔགས་བདུན་ཙམ་བསྒྲང་བའི་ཚེ། སློབ་མ་རྣམས་ཀྱིས་ཕྱག་བྱས་ནས་གྲལ་རིམ་བཞིན་འཁོད་པ་ལ་སློབ་དཔᨖན་གྱིས་བསྐུལ་ཏེ། སྨྲ་བསམ་བརྗོད་མེད་སོགས་ཤེར་སྙིང་ཚར་གཅིག་དང༌། བདུད་བཟློག་ཚར་གསུམ་གྱི་མཇུག་ཏུ། རྫོགས་པའི་བྱང་ཆུབ་སོགས་ཤླཽ་ཀ་གཅིག་དང༌། བསོད་ནམས་འདི་ཡིས་སོགས་བརྗོད། དཔལ་ལྡན་རྩ་བའི་བླ་མ་སོགས་དང༌། འགྲོ་བའི་བླ་མ་སོགས་བརྒྱུད་འདེབས་ཟུར་ནས་འབྱུང་བ་དལ་བུས་བསྒྲིགས་འདོན་བྱས་པའི་ཚེ། མཆོད་གཡོག་པས་མེ་ཏོག་གྲལ་མགོ་ནས་བཀྱེ། གྲལ་གཤམ་ནས་བསྡུས། ཕྱག་གསུམ་བཙལ་ལ་འགྲེང་སྟེ་འདུད་པ་དང་བཅས་པས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པའི་དྲུང་དུ་ཐེག་པ་ཆེན་པᨖའི་དམ་པའི་ ཆོས་ཀྱི་བཀའ་ཁྲིད་ཟབ་མོ་ཞུ་བའི་ཡོན་དུ་མཎྜལ་ཕུལ་བར་ཞུ། ཞེས་བརྡ་སྦྱར་ནས། མཎྜལ་སོ་བདུན་མ་ཕུལ། སྤྲོ་ན། གང་གི་མཆོད་རྫས་མ་དང༌། དེང་ནས་བྱང་ཆུབ་སོགས་ཀྱང་བྱ། དེ་ནས་སློབ་དཔᨖན་གྱིས་སེམས་ཅན་ཐམས་ཅད་འཁོར་བ་ལས་སྒྲོལ་འདོད་ཀྱི་སྙིང་རྗེ་ཆེན་པᨖས་ཀུན་ནས་བསླངས་ཏེ་སྐད་གསང་མཐོན་པᨖས་འདི་སྐད་བརྗོད་པར་བྱའོ། །འོ། ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་ཏུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་དམ་པའི་ཆོས་ཟབ་མོ་གསན་ལ་དོན་ཉམས་སུ་ལེན་སྙམ་པའི་བྱང་ཆུབ་མཆོག་ཏུ་ཐུགས་བསྐྱེད་པ་གསལ་བཏབ་ནས་ཆོས་གསན་པའི་ཀུན་ཏུ་སྤྱོད་པ་ཡང༌། སྐྱེས་རབས་ལས། རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་ཉེ་བར་བཞག །དགའ་དང་ལྡན་པའི་མིག་གིས་བལྟ། །ཚིག་ནི་བདུད་རྩི་འཐུང་བ་བཞིན། །གུས་པ་བསྐྱེད་དེ་རྩེ་གཅིག་ཏུ། །རབ་ཏུ་དྭངས་ལ་དྲི་མེད་ཡིད། །ནད་པས་སྨན་པའི་ངག་ཉན་བཞིན། །རིམ་གྲོ་བསྐྱེད་དེ་ཆོས་ཉོན་ཅིག །ཅེས་གསུངས་པ་ལྟར། ཉལ་བ་དང༌། བསྙེས་པ་དང༌། སློབ་དཔᨖན་ལ་གཞོགས་དང་རྒྱབ་ཀྱིས་ཕྱོགས་པ་ལ་སོགས་པ་སྤངས་ཏེ། ཙོག་པུའམ་པུས་མོ་བཙུགས་ཏེ་གུས་པའི་སྤྱོད་ལམ་དང་ལྡན་པས། ངག་སྨྲ་བ་བཅད་དེ། ཡིད་རྩེ་གཅིག་པའི་སྒོ་ནས། གསང་བ་བསམ་གྱིས་མི་ཁྱབ་པ་ལས། སངས་རྒྱས་འཇིག་རྟེན་འབྱུང་བ་བརྒྱ་ལམ་ན། །མི་ཡི་ལུས་ནི་ ཤིན་ཏུ་རྙེད་པར་དཀའ། །ཀྱེ་མ་དད་པ་དང་ནི་ཆོས་ཉན་པ། །འདི་འདྲ་འཇིག་རྟེན་ན་ནི་ཤིན་ཏུ་དཀོན། །ཞེས་གསུངས་པ་ལྟར་རྐྱེན་དེ་དག་ཚོགས་ནས་ཆོས་ཉན་ཏུ་ཡོད་པ་ལ་དགའ་ཞིང་སྤྲོ་བ་དང་བཅས་པས་གསན་དགོས་ལ། ཁྱད་པར་དུ་མདོ་ལས། ལེགས་པར་ཉོན་ལ་རབ་ཏུ་ཡིད་ལ་ཟུངས་ཤིག །ཅེས་གསུངས་པའི་ལྡོག་ཕྱོགས་སུ་གྱུར་པ་ཆོས་ཀྱི་ཚིག་དོན་ལ་ཡིད་མི་གཏོད་པ་སྣོད་ཁ་བུབ་པ་ལྟ་བུའི་སྐྱོན་དང༌། ཡིད་གཏད་ཀྱང་དྲན་པ་དང་ཤེས་བཞིན་གྱིས་མི་འཛིན་པ་སྣོད་ཞབས་རྡོལ་བ་ལྟ་བུའི་སྐྱོན་དང༌། དྲན་པ་དང་ཤེས་བཞིན་གྱིས་བཟུང་ཡང༌། རྣམ་བཤད་རིག་པ་ལས། ང་རྒྱལ་དང་ནི་མ་དད་དང༌། །དོན་དུ་གཉེར་བ་མེད་ཉིད་དང༌། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བ་ཉན་པའི་དྲི་མ་ཡིན། །ཞེས་གསུངས་པ་ལྟར། འཆད་པ་པᨖ་འདི་བས་ཁོ་བོ་རང་རིགས་དང་ཡོན་ཏན་ལ་སོགས་པ་དུ་མའི་སྒོ་ནས་ཁྱད་པར་འཕགས་སོ་སྙམ་པའི་ང་རྒྱལ་དང༌། འཆད་པ་པᨖ་འདི་ལ་སྐྱོན་གྱི་རྣམ་པ་འདི་ལྟ་བུ་ཞིག་ཡོད་དོ་སྙམ་པའི་མ་དད་པ་དང༌། བཤད་བྱའི་ཆོས་དེ་ལ་ཤེས་ན་སྙམ་པའི་དོན་གཉེར་གྱི་བློ་མེད་པ་དང༌། གཟུགས་སོགས་ཕྱི་རོལ་གྱི་དངོས་པᨖ་ལ་རྟོག་དཔྱོད་དང༌། རྩེད་མོ་དང་ཀུ་རེ་ལ་སོགས་པས་ཡིད་གཡེང་བ་དང༌། དུག་གསུམ་གྱི་རྟོག་པ་འོག་འགྱུ་རྒྱ་འབྱམས་པ་དང༌། ཏིང་ངེ་འཛིན་ལ་མཉམ་པར་འཇོག་ལོ་བྱེད་པ་སོགས་ཡིད་ནང་དུ་སྡུད་པ་དང༌། ད་དེ་ག་ཙམ་ལ་ ཆོས་ཀྱི་མཚམས་བྱས་ན་ལེགས་ཏེ་སྙམ་པ་ཆོས་ཉན་པའི་སྐྱོ་བ་སྟེ། དྲི་མ་དྲུག་པᨖ་གང་རུང་དང་ལྡན་པ་ནི་སྣོད་དྲི་མ་ཅན་གྱི་སྐྱོན་ཏེ་སྣོད་ཀྱི་སྐྱོན་གསུམ་ངེས་པར་སྤང་དགོས། གཞན་ཡང་དཔᨖན་སློབ་གཉིས་ཀས་འདུ་ཤེས་དྲུག་བསྟེན་ཅིང་ཕར་ཕྱིན་དྲུག་ལྡན་ཏུ་ཉམས་སུ་ལེན་དགོས་ཏེ། སློབ་དཔᨖན་ལ་སྨན་པ། ཆོས་ཉན་པ་རྣམས་ནད་པ། ཆོས་ལ་སྨན་བཟང་པᨖ། ཉོན་མོངས་པ་ལ་ནད་དྲག་པᨖ། ནན་ཏན་གྱིས་བསྒྲུབ་པ་ལ་ནད་ཉེ་བར་གསོ་བ། དེ་བཞིན་གཤེགས་པ་ལ་མི་བསླུ་བའི་ཕྱིར་སྐྱེས་བུ་དམ་པ་དང༌། ཐབས་འདིས་བདེ་བར་གཤེགས་པའི་ཆོས་ཀྱི་ཚུལ་ཡུན་རིང་དུ་གནས་པར་བྱའོ་སྙམ་པའི་འདུ་ཤེས་དྲུག་དང༌། སློབ་དཔᨖན་གྱིས་ཆོས་ཀྱི་ཚིག་དོན་སྟེར་བ་དང༌། དེའི་ཆེད་དུ་ཡོན་དབུལ་བ་ལ་སོགས་པ་སྦྱིན་པ། ཉན་བཤད་ཀྱི་མི་མཐུན་ཕྱོགས་སྤོང་བའི་ཚུལ་ཁྲིམས། ལུས་ངག་གི་དཀའ་སྤྱད་ལ་མི་སྐྱེ་བའི་བཟོད་པ། ཉན་བཤད་ལ་སྤྲོ་བའི་བརྩོན་འགྲུས། ཆོས་ལ་རྩེ་གཅིག་པའི་བསམ་གཏན། ཚིག་དང་དོན་རབ་ཏུ་རྣམ་པར་དབྱེ་བའི་ཤེས་རབ་སྟེ། ཕ་རོལ་ཏུ་ཕྱིན་པ་དྲུག་དང་ལྡན་པ་ཞིག་ངེས་པར་དགོས་པས་དེ་དག་ཚུལ་བཞིན་ཏུ་གསལ་བཏབ་ནས་གསན་པར་ཞུ། གང་གསན་པར་བྱ་བའི་ཆོས་ནི། འདིར་དུས་གསུམ་གྱི་དེ་བཞིན་གཤེགས་པ་སོགས་ནས། ཡེ་ཤེས་རྒྱལ་མཚན་དཔལ་བཟང་པᨖ་ལ་གནང༌། དེས་གངས་ཅན་མཁས་པའི་གཙུག་རྒྱན་སྙིགས་དུས་ཀྱི་ཐུབ་དབང་གཉིས་པ་ ཀུན་མཁྱེན་ཀུན་དགའ་བཟང་པᨖ་ལ་གནང༌། དེས་རྒྱལ་ཚབ་དམ་པ་ཀུན་དགའ་དབང་ཕྱུག་ལ་གནང༌། དེས་ཡོངས་འཛིན་ཆོས་ཀྱི་རྒྱལ་པᨖ་ལ། དེས་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ལ། དེས་མཁས་པ་ཆེན་པᨖ་སྤྱན་སྔ་དཀོན་མཆོག་རྒྱ་མཚོ་ལ། དེས་རྗེ་བཙུན་ངག་དབང་མཆོག་ལེགས་རྡོ་རྗེ་ལ། དེས་རང་གི་དབོན་མཁྱེན་རབ་བསྟན་འཛིན་བཟང་པᨖ་ལ། དེས་དབོན་བྱམས་པ་ངག་དབང་ལྷུན་གྲུབ་ལ། དེས་རྨོར་ཆེན་ཐམས་ཅད་མཁྱེན་པ་ངག་དབང་ཀུན་དགའ་ལྷུན་གྲུབ་ལ། དེས་འཇམ་མགོན་གནས་གསར་བ་ལ། དེས་དཔལ་ས་སྐྱ་པ་ངག་དབང་ཀུན་དགའ་བློ་གྲོས་སངས་རྒྱས་བསྟན་པའི་རྒྱལ་མཚན་དཔལ་བཟང་པᨖ་ལ། དེས་རྗེ་བཙུན་མ་འཆི་མེད་བསྟན་པའི་ཉི་མ་ལ། འཇམ་དབྱངས་འཁོན་སྟོན་ངག་དབང་རྡོ་རྗེ་རིན་ཆེན་ལ་གནང༌། དེས་བདག་གི་རྩ་བའི་བླ་མ་ཆེ་གེ་མོ་ལ་གནང༌། དེས་བདག་ཅག་ལ་དགྱེས་བཞིན་ཏུ་བཀའ་དྲིན་ཆེན་པᨖས་གནང་བའོ། །ཞེས་པས་མཚོན་རང་རང་གི་ཐོབ་ཡིག་དང་བསྟུན་ནས་བསྒྱུར་ཤེས་པར་བྱའོ། །གཉིས་པ་མན་ངག་དངོས་ལ་སྔོན་འགྲོ། དངོས་གཞི་ཞེས་པ་ནས། ལས་ལ་བརྩོན་པར་བགྱིའོ་ཞེས་ལན་གསུམ་བརྗོད་དོ། ། གཉིས་པ་དངོས་གཞི་ལ་བཞི་ལས། དམིགས་པ་དང་པᨖ་ནི། ཚེ་འདི་ལ་ཞེན་ན་ཆོས་པ་མིན། །ཞེས་པའི་དོན། རྗེ་བཙུན་རིན་པᨖ་ཆེ་གྲགས་པའི་ཞལ་སྔ་ནས། དང་པᨖ་ཚེ་འདིར་མ་ཞེན་པ། །ཞེས་པ་ནས། ཆོས་བརྒྱད་ཀྱི་བསམ་གཏན་བཤོལ་ལ་ཞོག །ཅེས་གསུངས་པ་ལྟར། ཚེ་འདི་ལ་མ་ཞེན་པ་གཅིག་དགོས་ཀྱི་ཞེས་པ་ནས། དཔེའི་སྒོ་ནས་ཀྱང་རྙེད་པར་དཀའ་སྙམ་དུ་བསྒོམ་མོ། །བཞི་པ་ནི། དལ་འབྱོར་གྱི་ཆོས་བཅོ་བརྒྱད་པᨖ་མཐའ་དག་ཚང་བ་ཤིན་ཏུ་དཀོན་པའི་ཕྱིར་རྙེད་པར་དཀའ་སྟེ། དལ་བ་བརྒྱད་ནི། དམྱལ་བ་ཡི་དྭགས་དུད་འགྲོ་དང༌། །ཚེ་རིང་ལྷ་དང་ཀླ་ཀློ་དང༌། །ལོག་ལྟ་སངས་རྒྱས་ཀྱིས་སྟོང་དང༌། །ལྐུགས་པ་འདི་དག་མི་ཁོམ་བརྒྱད། །ཅེས་གསུངས་པ་ལྟར་མི་ཁོམ་པའི་གནས་བརྒྱད་དང༌བྲལ་བ་ཞིག་དགོས་ཀྱི། དེ་ལ་དམྱལ་བ་ནི་སྡུག་བསྔལ་དྲག་པᨖས་གཟིར་བ་དང༌། ཡི་དྭགས་ནི་སེམས་འཚིགས་པའི་རང་བཞིན་ཡིན་པ་དང༌། དུད་འགྲོ་ནི་ཀུན་ཏུ་རྨོངས་ཤིང་རྒྱུད་ངོ་ཚ་དང་ཁྲེལ་མེད་པ་ཤས་ཆེ་བ་དང༌། ལྷ་ཚེ་རིང་པᨖ་ནི་འགལ་རྐྱེན་ལོག་ལྟ་དང་མངོན་པའི་ང་རྒྱལ་སྐྱེ་བའི་གནས་ཡིན་པ་དང༌། ཀླ་ཀློ་ནི་མ་བག་མར་ལེན་པ་སོགས་བླང་དོར་ཕྱིན་ཅི་ལོག་ཏུ་སྤྱོད་ཅིང་སྐྱེས་བུ་དམ་པ་དང་འཕྲད་པར་དཀའ་བ་དང༌། ལོག་ལྟ་ཅན་ནི་དགེ་བ་ལ་མཐོ་རིས་དང་ཐར་པའི་རྒྱུར་མི་སེམས་ཤིང༌། དཀོན་མཆོག་དང་ལས་འབྲས་ལ་སོགས་མི་བདེན་པར་འདོད་པ་དང༌། སངས་རྒྱས་ཀྱིས་སྟོང་པའི་འཇིག་རྟེན་ཏུ་སྐྱེས་པའི་མི་རྣམས་ལ་བསྒྲུབ་རྒྱུའི་དམ་པའི་ཆོས་མེད་པ་དང༌། ལྐུགས་པ་ནི་ལྕེའི་དབང་པᨖ་ལ་སྐྱོན་ཞུགས་པ་སྟེ། དེ་དག་བླང་དོར་གྱི་རྣམ་དབྱེས་རྨོངས་ཤིང་ཆོས་ཀྱི་ཐ་སྙད་ལས་འདས་པའི་ཕྱིར་དམ་པའི་ཆོས་བསྒྲུབ་ཏུ་ མི་ཁོམ་མོ། །དེས་ན་དལ་བའི་རྟེན་ཐོབ་པ་ཤིན་ཏུ་དཀའ་སྟེ། རིགས་དྲུག་གི་འགྲོ་བ་ཕལ་མོ་ཆེ་མི་ཁོམ་པའི་གནས་ཀྱི་ནང་ན་འདུག་པའི་ཕྱིར་རོ། །འབྱོར་པ་བཅུ་དང་ལྡན་པ་ལ། རང་འབྱོར་ལྔ་དང་གཞན་འབྱོར་ལྔ་ལས། དང་པᨖ་ནི། མིར་སྐྱེས་ཡུལ་གྱི་དབུས་སུ་སྐྱེས། །དབང་པᨖ་ཚང་ཞིང་གནས་ལ་དད། །དེ་བཞིན་ལས་མཐའ་མ་ལོག་པ། །ཞེས་གསུངས་ཏེ། མིར་སྐྱེ་བར་དཀོན་པའི་ཚུལ་ནི་སྔར་བཤད་ཟིན་ཏོ། །ཡུལ་གྱི་དབུས་སུ་སྐྱེ་བའང་དཀོན་ཏེ། འཕགས་པ་ཐོགས་མེད་ཀྱིས་འཁོར་རྣམ་བཞི་གང་རུང་བཞུགས་པའི་ས་ཕྱོགས་ལ་ཡུལ་དབུས་དང༌། མི་བཞུགས་པ་ལ་མཐའ་འཁོབ་ཏུ་གསུངས་པའི་ཕྱིར། འཁོར་རྣམ་བཞི་མི་བཞུགས་པའི་ས་ནི་ནམ་མཁའི་ཁྱོན་ཙམ། བཞུགས་པའི་ས་ནི་ཤིང་རྟའི་འཕང་ལོ་ཙམ་དུ་སྣང་བའི་ཕྱིར་རོ། །དབང་པᨖ་ཚང་བ་དཀོན་ཏེ། སྡོང་པᨖ་བཀོད་པ་ལས། དབང་པᨖ་མ་ཚང་བ་མེད་པ་ཡང་རྙེད་པར་དཀའ། སངས་རྒྱས་ཀྱི་ཆོས་ཉན་པ་ཡང་རྙེད་པར་དཀའ། ཞེས་གསུངས་སོ། །གནས་ལ་དད་པའང་དཀོན་ཏེ། ལེགས་པར་གསུངས་པ་དམ་པའི་ཆོས་འདུལ་བ་ལ་སྙིང་ནས་དད་པ་ཐོབ་པ་བརྒྱ་ཞིག་ན་རེ་རེ་ཙམ་དུ་སྣང་བའི་ཕྱིར་རོ། །ལས་ཀྱི་མཐའ་མ་ལོག་པའང་དཀོན་ཏེ༑ མཚམས་མེད་ལྔ་རང་གིས་བྱེད་པ་དང༌། གཞན་ལ་བྱེད་དུ་འཇུག་པ་དང༌། གཞན་གྱིས་བྱས་པ་དགའ་བ་བསྒོམ་པ་ཆེས་མང་དུ་སྣང་བའི་ཕྱིར་རོ། །གཞན་འབྱོར་ལྔ་ནི། སངས་རྒྱས་འབྱོན་དང་དེས་ཆོས་གསུངས། །བསྟན་པ་གནས་དང་དེ་རྗེས་འབྲང༌། །གཞན་ཕྱིར་སྙིང་ནས་བརྩེ་བའོ། །ཞེས་གསུངས་ཏེ། དེའང་སངས་རྒྱས་འཇིག་རྟེན་དུ་འབྱོན་པ་ཤིན་ཏུ་དཀོན་ཏེ། སངས་རྒྱས་འབྱོན་པའི་བསྐལ་པ་ལ་སྒྲོན་བསྐལ་དང༌། མི་འབྱོན་པ་ལ་མུན་བསྐལ་ཞེས་བྱ་ཞིང༌། ད་ལྟར་གྱི་བསྐལ་པ་འདི་ལ་སངས་རྒྱས་སྟོང་འབྱོན་པས་བསྐལ་པ་བཟང་པᨖ་ཞེས་བྱ་ལ། དེ་ནས་མུན་བསྐལ་དྲུག་ཅུའི་རྗེས་སུ་ཡོན་ཏན་བཀོད་པ་ཞེས་བྱ་བའི་སྒྲོན་བསྐལ་གཅིག །དེ་ནས་མུན་བསྐལ་ཁྲིའི་རྗེས་སུ་སྙན་པ་ཆེན་པᨖ་ཞེས་བྱ་བའི་སྒྲོན་བསྐལ་གཅིག །དེ་ནས་མུན་བསྐལ་སུམ་བརྒྱའི་རྗེས་སུ་དཔེ་སྐར་མ་ལྟ་བུ་ཞེས་བྱ་བའི་སྒྲོན་བསྐལ་གཅིག་སྟེ། དེ་ལྟར་ན་མུན་བསྐལ་ཁྲི་སུམ་བརྒྱ་དྲུག་ཅུའི་རིང་ལ་སྒྲོན་བསྐལ་བཞི་ལས་མི་འབྱུང་ཞིང༌། སྒྲོན་བསྐལ་གྱི་ཡང་སྐྱེ་རྒུ་རྣམས་ཀྱི་ཚེ་ལོ་ཡར་འཕེལ་ལ་སངས་རྒྱས་མི་འབྱོན་པར་གསུངས་པའི་ཕྱིར་དུས་ཕལ་ཆེར་སངས་རྒྱས་མི་འབྱོན་པས་འདའ་བ་ཡིན་ནོ། །དེས་ཆོས་གསུངས་པའང་དཀོན་ཏེ། གདུལ་བྱ་ཆོས་ཀྱི་སྣོད་དུ་གྱུར་པ་མེད་ན་སངས་རྒྱས་རྣམས་ཆོས་མི་གསུང་བར་བཤད་པའི་ཕྱིར་དང༌། འོ་སྐོལ་གྱི་སྟོན་པ་འདི་ཡང་སངས་རྒྱས་པའི་ཚུལ་བསྟན་ནས། ཟབ་ཞི་སྤྲོས་བྲལ་འོད་གསལ་འདུས་མ་བྱས། ། བདུད་རྩི་ལྟ་བུའི་ཆོས་ཤིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་འགྱུར་བས། །མི་སྨྲ་ནགས་ཀྱི་ནང་དུ་གནས་པར་བྱ། །ཞེས་གསུངས་ཤིང་ཐུགས་ལས་ཆུང་ངུར་བཞུགས་པ་ལ། མི་མཇེད་ཀྱི་བདག་པᨖ་ཚངས་པས་གསེར་གྱི་འཁོར་ལོ་རྩིབས་སྟོང་དང་ལྡན་པ་ཕུལ་ནས་ཆོས་ཀྱི་འཁོར་ལོ་བསྐོར་བར་གསོལ་བ་འདེབས་དགོས་པ་བྱུང་བར་བཤད་པའི་ཕྱིར་རོ། །བསྟན་པ་གནས་པའང་དཀོན་ཏེ། བསྐལ་བཟང་འདིའི་ཡང་སངས་རྒྱས་སྔ་མ་སྔ་མའི་བསྟན་པ་རྫོགས་ནས་ཕྱི་མ་ཕྱི་མའི་བསྟན་པ་མ་བྱུང་གི་བར་ལ་བསྟན་པ་མེད་པའི་ཕྱིར་རོ། །བསྟན་པའི་རྗེས་སུ་བདག་གཞན་འཇུག་པ་ཡོད་པའང་དཀོན་ཏེ། ཕྱི་རོལ་མུ་སྟེགས་བྱེད་དང་བསྟན་པ་ལ་རྒྱབ་ཀྱིས་ཕྱོགས་པའི་འཇིག་རྟེན་པ་ཆེས་མང་ཞིང༌། བསྟན་པའི་རྗེས་སུ་ཞུགས་པར་རློམ་པ་ཕལ་མོ་ཆེ་ཡང་སྡེ་སྣོད་དང་རྒྱུད་སྡེ་དང་དེ་དག་དགོངས་འབྲེལ་ཚད་ལྡན་རྣམས་ཚིག་གི་ན་ཡམ་ཡིན་པར་བསམ་ནས་རྣ་བར་ཐོས་པ་ཙམ་ཡང་དོན་ཏུ་མི་གཉེར་བར་དེ་དག་གི་དགོངས་པ་མི་ཤེས་པའི་བླུན་པᨖ་རྣམས་ཀྱིས་གང་དྲན་སྦྱར་བའི་རྗེས་སུ་འཇུག་པ་དང༌། དེ་ལྟ་བུ་ལ་ཉན་བཤད་སྒོམ་གསུམ་བྱེད་པ་མང་ཞིང་། སྡེ་སྣོད་ཤེས་པར་རློམ་པའི་སྙིང་མེད་རྣམས་ཀྱང་དེ་འདྲའི་སྒྲ་གྲག་སྟོང་གི་རྗེས་སུ་རི་བོང་ཅལ་རྒྱུག་བྱེད་པར་སྣང་བའི་ཕྱིར་རོ། །གཞན་ཕྱིར་སྙིང་ནས་བརྩེ་བའང་དཀོན་ཏེ། རྙེད་པས་རྙེད་པ་འཚོལ་བའི་ལོག་འཚོ་ཅན་དག་ལ་མགྲོན་ལན་འཇལ་བ་མང་ཡང༌། རབ་ཏུ་བྱུང་བ་འདུ་འཛི་དང་ཁྱིམ་ལ་མི་དགའ་ཞིང་བསོད་སྙོམས་ཀྱི་ཟས་ལ་བརྟེན་ནས་ཀློག་པ་དང༌བསམ་གཏན་བྱེད་པ་དག་ལ་བསོད་སྙོམས་སྟེར་བ་དཀོན་པའི་ཕྱིར་རོ། །དེས་ན་ལུས་རྟེན་གཅིག་གི་སྟེང་དུ་ཆོས་མཐའ་དག་ ཚང་བ་ནི་ཉིན་མོའི་སྐར་མ་ཙམ་དུ་དཀོན་པས་ངོ་བོའི་སྒོ་ནས་ཀྱང་རྙེད་པར་དཀའ་སྙམ་དུ་སྒོམ་མོ། །གཉིས་པ་འཆི་བ་མི་རྟག་པ་བསམ་པ་ནི་ཞེས་པ་ནས། མྱུར་དུ་ཆོས་བྱ་དགོས་སྙམ་དུ་བསྒོམ་མོ། །སླར་ཡང་ཐུགས་ངེས་པར་བྱ་བའི་ཕྱིར་ལན་གཅིག་བསྐྱར་ན། དོ་ནུབ་ནས་རང་རང་གི་གནས་མལ་རྣམས་སུ་བདེ་བའི་སྟན་ལ་ལུས་བསམ་གཏན་གྱི་ཆོས་དང་ལྡན་པས་བཞུགས། དབུགས་རླུང་རྔམ་བག་རང་ཞིར་མ་སོང་གི་བར་ཅུང་ཞིག་ངལ་བསོ། རྣམ་རྟོག་ཅིག་ཐོལ་གྱིས་སྐྱེས་ན་དེའི་དབང་དུ་མི་བཏང་བར་རྦད་ཆོད་བྱས་ནས་དམིགས་པ་ལ་འཇུག །དེ་ལ་སྔོན་འགྲོ། དངོས་གཞི་ཞེས་པ་ནས་མྱུར་དུ་ཆོས་བྱ་དགོས་སྙམ་དུ་བསྒོམ་མོ་ཞེས་པའི་བར་གོང་བཞིན་བསྐྱར། སླར་ཡང་ཐུགས་ངེས་པར་སོགས་ཚར་གཅིག་བསྐྱར། གསུམ་པ་རྗེས་བསྔོ་བས་རྒྱས་གདབ་པ་ནི། ཐུན་དེ་ལས་ལྡང་བར་འདོད་ན་བྱ་སྟེ། དེའང་འདི་ལྟར་བསྔོ་རྒྱུ་སོགས་ནས། མདོ་ལས་འབྱུང་བ་གང་ཤེས་བྱས་ལ་ཐུན་མཚམས་ཐམས་ཅད་དུའང་དངོས་གཞི་ཉམས་ལེན་གྱི་རྩི་དང་མ་བྲལ་བའི་ངང་ནས་ཆོས་མཐུན་གྱི་བྱ་བས་དུས་འདའ་བར་བྱའོ། །དེ་རིང་གི་ཐུགས་དམ་དམིགས་པའི་རིམ་པ་དེ་ཙམ་ལ་མཛད་པར་ཞུ༑ ཞེས་དང་། སྐྱེས་རབས་ལས་འབྱུང་བའི། བསོད་ནམས་འདི་ཡིས་སོགས་དང༌། སློབ་དཔᨖན་ཐོགས་མེད་ཀྱིས་མཛད་པའི། ཐེག་མཆོག་དམ་ཆོས་རིན་ཆེན་བཤད་འདི་ལ་ཞེས་སོགས་ཤླཽ་ཀ་གཅིག་ལ། སློབ་མ་རྣམས་ ཀྱིས་ཉན་འདི་ལ་ཞེས་འདོན་པ་བསྒྱུར། ཆོས་རྒྱལ་འཕགས་པས་མཛད་པའི། བདུད་ཀྱི་སྡེ་དང་ཞེས་སོགས་ཤླཽ་ཀ་གཅིག་དང༌། བཟང་སྤྱོད་ནས་འབྱུང་བའི། སྲིད་པ་ཐམས་ཅད་དུ་ཡང་སོགས་ནས། མཛོད་གྱུར་ཅིག་བར་མཉམ་དུ་མཛད་ནས་གྲོལ་ལོ། ༈ །ཉིན་གཉིས་པ་ལ་གཞན་འདྲ། འོ། ནམ་མཁའ་དང་ཞེས་པ་ནས་མྱུར་དུ་ཆོས་བྱ་དགོས་སྙམ་དུ་བསྒོམ་མོ་ཞེས་པའི་བར་ཁ་སང་བཞིན་བསྐྱར། དེས་ཚེ་འདི་ལ་ཞེན་པ་སྤངས་པས་ངན་སོང་དུ་མི་ལྟུང་ཞིང་བློ་ཆོས་སུ་འགྲོ་བར་བྱེད་པའི་ཁྲིད་ཀྱི་རིམ་པ་རྣམས་སོང་ནས། ད་དེ་རིང་གི་དམིགས་པའི་རིམ་པ་གསར་དུ་འབུལ་བ་ལ། གཉིས་པ་ནི། འཁོར་བ་ལ་ཞེན་ན་ངེས་འབྱུང་མིན། །ཞེས་པའི་དོན། རྗེ་བཙུན་རིན་པᨖ་ཆེས། མྱ་ངན་འདས་པ་སྒྲུབ་པ་ལ། །སོགས་ནས། ཞེན་པར་བྱེད་རྣམས་ཐེ་ལེ་ལེ། །ཞེས་གསུངས་པ་ལྟར། ཁམས་གསུམ་འཁོར་བར་ཞེན་ན། ཆོས་བྱས་ཀྱང་ཞེས་པ་ནས། བསྐོར་བ་བྱེད་པར་བསམས་ཏེ་འགྲོ་བ་ལྟ་བུའོ། །ཞེས་པའི་བར། སླར་ཡང་ཐུགས་ངེས་པར་བྱ་བའི་ཕྱིར་ལན་གཅིག་བསྐྱར་ན། དོ་ནུབ་རང་རང་གི་གནས་མལ་རྣམས་སུ་བདེ་བའི་སྟན་ལ་ལུས་བསམ་གཏན་གྱི་ཆོས་དང་ལྡན་པས་བཞུགས། དབུགས་རླུང་རྔམ་བག་རང་ཞིར་མ་སོང་གི་བར་དུ་ཅུང་ཞིག་ངལ་བསོ། རྣམ་རྟོག་ཅིག་ཐོལ་གྱིས་སྐྱེས་ན་དེའི་དབང་དུ་མི་གཏོང་བར་རྦད་ཆོད་བྱས་ནས་དམིགས་པ་ལ་འཇུག །དེ་ལའང་སྔོན་འགྲོ། དངོས་གཞི། རྗེས་གསུམ་ལས། སྔོན་འགྲོ་དང་དངོས་གཞིའི་དམིགས་རྐང་དང་པᨖ་ཡན་ཆད་ཕུལ་ཟིན། གཉིས་པ་ནི། འཁོར་བ་ལ་ཞེན་ན་སོགས་གོང་བཞིན་བསྐྱར། སླར་ཡང་སོགས་ནས་ཚར་གཅིག་བསྐྱར་མཐར། གསུམ་པ་རྗེས་བསྔོ་བས་རྒྱས་གདབ་པ་སོགས་ཉིན་དང་པᨖ་དང་འདྲའོ། ༈ །ཉིན་གསུམ་པ་ལ། འོ། ནམ་མཁའ་དང་མཉམ་པའི་ཞེས་པ་ནས། ལོ་རྒྱུས་དང་གདམས་ངག་དངོས་གཉིས་སོ་ཞེས་པའི་བར་འདྲ། དེ་ལ་ལོ་རྒྱུས་དང་སྔོན་འགྲོ་དངོས་གཞིའི་དམིགས་ཁྲིད་དང་པᨖ་ཡན་ཆད་ལེགས་པར་ཕུལ་ཟིན། གཉིས་པ་ནི། འཁོར་བ་ལ་ཞེན་ན་ཞེས་པ་ནས། འགྲོ་བ་ལྟ་བུའོ། །དེས་ཁམས་གསུམ་ལ་ཞེན་པ་སྤངས་པས་འཁོར་བར་མི་འཁྱམས་པ་དང༌། ཆོས་ལམ་དུ་འགྲོ་བར་བྱེད་པའི་ཁྲིད་ཀྱི་རིམ་པ་རྣམས་སོང་ནས། ད་དེ་རིང་གི་ཐུགས་དམ་དམིགས་པའི་རིམ་པ་གསར་དུ་འབུལ་བ་ལ། གསུམ་པ་ནི། བདག་དོན་ལ་ཞེན་ན་བྱང་སེམས་མིན། །ཞེས་པའི་དོན། རྗེ་བཙུན་རིན་པᨖ་ཆེས། ཞེན་པ་བྲལ་ན་མྱ་ངན་འདས། །སོགས་ནས། སངས་རྒྱས་ཤོག་ཅེས་གསུངས་པའི་དོན། སྔར་བཤད་པ་ལྟར་འཁོར་བ་མཐའ་དག་ཅེས་པ་ནས། ཉམས་སུ་བླང་གསུངས་སོ། །སླར་ཡང་ཐུགས་ངེས་པར་བྱ་བའི་སླད་དུ་ལན་གཅིག་བསྐྱར་ན༑ དོ་ནུབ་རང་རང་གི་གནས་མལ་རྣམས་སུ་བདེ་བའི་སྟན་ལ་བསམ་གཏན་གྱི་ཆོས་དང་ལྡན་པས་བཞུགས། དབུགས་རླུང་རྔམ་བག་རང་ཞིར་མ་སོང་བར་དུ་ཅུང་ཞིག་ངལ་བསོ། རྣམ་རྟོག་ཅིག་སྐྱེས་ན་དེའི་དབང་དུ་མི་བཏང་བར་རྦད་ཆོད་བྱས་ནས་དམིགས་པ་ལ་འཇུག །དེ་ལ་སྦྱོར་དངོས་རྗེས་གསུམ་ལས། སྦྱོར་བ་སྐྱབས་འགྲོ་སེམས་བསྐྱེད་སྔོན་ཏུ་བཏང་ནས། དངོས་གཞི་ལ་བཞི་ཡོད་པའི་གསུམ་པ་ནི། བདག་དོན་ལ་ཞེན་ན་ཞེས་པ་ནས། ཉམས་སུ་བླང་གསུངས་སོ་ཞེས་པའི་བར་གོང་བཞིན་བསྐྱར། སླར་ཡང་ཐུགས་ངེས་པར་སོགས་ནས་ཚར་གཅིག་བསྐྱར་མཐར། གསུམ་པ་རྗེས་བསྔོ་བས་རྒྱས་གདབ་སོགས་མན་ཆད་འདྲའོ། ༈ །ཉིན་བཞི་པ་ལ། འོ། ནམ་མཁའ་སོགས་ནས། ལོ་རྒྱུས་དང་གདམས་ངག་དངོས་ལ་གཉིས་སོ། །དེ་ལ་ལོ་རྒྱུས་ནས་དངོས་གཞིའི་དམིགས་ཁྲིད་གཉིས་པ་ཡན་ཆད་ཕུལ་ཟིན། གསུམ་པ་ནི། བདག་དོན་ལ་ཞེན་ན་ཞེས་པ་ནས། ཉམས་སུ་བླང་གསུངས་སོ་བར་གོང་བཞིན། དེས་བདག་དོན་ལ་ཞེན་པ་སྤངས་པས་ཉན་རང་དུ་མི་གོལ་བ་དང༌། ལམ་གྱི་འཁྲུལ་པ་སེལ་བར་བྱེད་པའི་ཁྲིད་ཀྱི་རིམ་པ་རྣམས་སོང་ནས། ད་དེ་རིང་གི་ཐུགས་དམ་དམིགས་པའི་རིམ་པ་གསར་དུ་འབུལ་བ་ལ། བཞི་པ་ནི། འཛིན་པ་བྱུང་ན་ལྟ་བ་མིན། །ཞེས་པའི་དོན། རྗེ་བཙུན་རིན་པᨖ་ཆེས། བདག་ཇི་ལྟར་འདུག་ཀྱང་ཞེས་པ་ནས། གང་དགར་ཞོག་ཅེས་གསུངས་པ་ལྟར། ཀུན་རྫོབ་བྱང་ཆུབ་ཀྱི་སེམས་ལེགས་པར་སྐྱེས་ཀྱང༌། ཞེས་པ་ནས། གོ་འཕང་མངོན་ཏུ་འགྱུར་བ་ཡིན་ནོ། །སླར་ཡང་ཐུགས་ངེས་པར་བྱ་བའི་ཕྱིར་ལན་གཅིག་བསྐྱར་ན། དོ་ནུབ་རང་རང་གི་གནས་མལ་རྣམས་སུ་བདེ་བའི་སྟན་ལ་བསམ་གཏན་གྱི་ཆོས་དང་ལྡན་པས་བཞུགས། དབུགས་རླུང་རྔམ་བག་རང་ཞིར་མ་སོང་གི་བར་ཅུང་ཞིག་ངལ་བསོ། རྣམ་རྟོག་ཅིག་ཐོལ་གྱིས་སྐྱེས་ན་དེའི་དབང་དུ་མི་བཏང་བར་རྦད་ཆོད་བྱས་ནས་དམིགས་པ་ལ་འཇུག །དེ་ལའང་སྦྱོར་དངོས་རྗེས་གསུམ་ལས། སྦྱོར་བ་སྐྱབས་འགྲོ་སེམས་བསྐྱེད་སྔོན་ཏུ་བཏང་ནས། དངོས་གཞི་ལ་བཞི་ཡོད་པའི་བཞི་པ་ནི། འཛིན་པ་བྱུང་ན་ཞེས་པ་ནས། གོ་འཕང་མངོན་ཏུ་འགྱུར་བ་ཡིན་ནོ་བར་གོང་བཞིན་བསྐྱར། སླར་ཡང་ཐུགས་ངེས་པར་སོགས་ནས་ཚར་གཅིག་བསྐྱར། ཡང་དེ་འདྲ་བ་ཚར་གཅིག་སྟེ་ཚར་བཞི་སོང་བ་ན། གསུམ་པ་རྗེས་བསྔོ་བས་རྒྱས་གདབ་པ་ནི། ཐུན་དེ་ལས་ལྡང་བར་འདོད་ན་བྱ་སྟེ། དེའང་འདི་ལྟར་བསྔོ་རྒྱུ་སོགས་ནས། མདོ་ལས་འབྱུང་བ་གང་ཤེས་བྱས་ལ་ཐུན་མཚམས་ཐམས་ཅད་དུའང་དངོས་གཞི་ཉམས་ལེན་གྱི་རྩི་དང་མ་བྲལ་བའི་ངང་ནས་ཆོས་མཐུན་གྱི་བྱ་བས་དུས་འདའ་བར་བྱའོ། །དེས་དངོས་པᨖ་དང་ མཚན་མ་ལ་ཞེན་པ་སྤངས་པས་མྱུར་དུ་མངོན་པར་རྫོགས་པར་འཚང་རྒྱ་བའི་ཐབས། འཁྲུལ་སྣང་ཡེ་ཤེས་སུ་འཆར་བར་བྱེད་པའི་ཁྲིད་ཀྱི་རིམ་པ་རྣམས་སོང་ཟིན་ཏེ། མདོར་ན་ཐེག་པ་ཆེན་པᨖའི་མདོ་སྡེ་ཐམས་ཅད་ཀྱི་སྙིང་པᨖ༑ ཕ་རོལ་ཕྱིན་པའི་ལམ་གྱི་ལུས་ཡོངས་སུ་རྫོགས་པ། མགོན་པᨖ་འཇམ་པའི་དབྱངས་ཀྱི་ཞལ་ལུང་ཞེན་པ་བཞི་བྲལ་གྱི་གདམས་ངག་ཟབ་མོ། བདག་ཅག་གི་བླ་མ་དགེ་བའི་བཤེས་གཉེན་ཆེ་གེ་མོའི་ཞལ་སྔ་ནས་ཇི་ལྟར་ཐོབ་པ་བཞིན་ཕུལ་གྲུབ་པ་ཡིན་པས། ཁྱེད་རྣམས་ཀྱིས་ཀྱང༌། ཐོག་མར་འབད་རྩོལ་དྲག་པᨖའི་སྒོ་ནས་ཐུགས་ཉམས་སུ་བཞེས་པ་ལ་བརྟེན་ནས་ཐུགས་རྒྱུད་ལ་ཉམས་མྱོང་ཁྱད་པར་ཅན་རེ་འཁྲུངས་ངེས་ཤེས་པ་མཛད་ནས། སྐལ་པ་དང་ལྡན་པའི་གང་ཟག་རྣམས་གདམས་པ་ཟབ་མོས་རྗེས་སུ་འཛིན་པ་ལ་སོགས་པ་བསྟན་པ་དང་སེམས་ཅན་གྱི་དོན་རྒྱ་ཆེན་པᨖ་མཛད་འཚལ། ཁྲིད་ཡོངས་སུ་རྫོགས་པར་ཐོབ་པའི་གཏོང་རག་ཏུ་མཎྜལ་རྒྱས་བསྡུས་གང་རིགས་ཕུལ་ལ། དེ་ལྟར་རང་རེ་རྣམས་ཀྱིས་ཐེག་པ་ཆེན་པᨖའི་ཆོས་ལ་འཆད་ཉན་ཚུལ་བཞིན་ཏུ་བྱས་པ་ལ་བསོད་ནམས་ཀྱི་ཕུང་པᨖ་དཔག་ཏུ་མེད་པ་ཞིག་ཡོད་པ་དེ་དག་བར་མ་དོར་ཆུད་མི་ཟ་བའི་ཕྱིར་འཁོར་གསུམ་རང་བཞིན་གྱི་མི་དམིགས་པའི་བསྔོ་བ་དང༌། སྨོན་ལམ་རྣམ་པར་དག་པས་རྒྱས་འདེབས་དགོས་པས། ཞེས་མཚམས་སྦྱར་ནས་ཞྭ་ཕུད་ལ། ཕུན་སུམ་ཚོགས་པའི་དགེ་འདུན་པ་རྣམས་ཀྱིས་སོགས་མཆོད་བསྔོ་དང༌། སྤྱི་བསྔོ་རྒྱས་པར་བྱས་ལ་གྲོལ་ལོ། །སླར་སྨྲས་པ། ཨེ་མ་གསུང་རབ་རྒྱ་མཚོའི་བརྗོད་བྱའི་བཅུད། །སྔོན་བྱོན་ཐུབ་པ་རྣམས་ཀྱིས་ལེགས་མྱངས་ཤིང༌། །བདེ་གཤེགས་རིགས་ཅན་ཀུན་ལ་སྦྱིན་འོས་པ། །བདེན་གཉིས་བྱང་ཆུབ་སེམས་ལས་གཞན་དུ་ཅི། །དེ་ཕྱིར་འཇམ་དབྱངས་ཞལ་ལུང་བསམ་འཕེལ་དབང༌། །མདོ་སྔགས་མ་འདྲེས་འཆད་ཚུལ་གོས་ལྷུབ་རྩེར། །བཀོད་པས་མུན་སྤྲུལ་སྨྲ་རྣམས་དོགས་བྲལ་ཞིང༌། །མཁས་ཀུན་དགའ་བའི་རྒྱལ་མཚན་བསྒྲེངས་ལ་གཞོལ། །ཨི་དམ་ལས་བྱུང་རབ་དཀར་དགེ་བ་དེས། །ཨུ་ད་ག་བཞིན་འགྲོ་ཁམས་སྦྱངས་བྱས་ནས། །ཨེ་ཝཾ་གླིང་གཞིར་སྨོས་པ་ཐུབ་པའི་ཆོས། །ཨོ་ད་ནམ་བཞིན་འབད་མེད་སྤྱོད་གྱུར་ཅིག ༑ཅེས་ཞེན་པ་བཞི་བྲལ་གྱི་ཁྲིད་འཆད་ཐབས་རང་བཟོས་གཞུང་ལུགས་རྙོག་པ་བགྲུངས་པའི་ཀེ་ཏ་ཀ་ཞེས་བྱ་བ་འདི་ནི། སློབ་དཔᨖན་རིན་པᨖ་ཆེ་དཔལ་ལྡན་བསོད་ནམས་རྩེ་མོའི་ཞབས་ཀྱི་ཆོས་ལ་འཇུག་པའི་སྒོ་དང༌༑ ངོར་ཆེན་འཇམ་པའི་དབྱངས་དཀོན་མཆོག་ལྷུན་གྲུབ་ཀྱིས་མཛད་པའི་བསྟན་པའི་ཆོས་འབྱུང་སོགས་ལ་ལེགས་པར་དཔྱད་དེ། དམིགས་མེད་ཐུགས་རྗེའི་གཏེར་ཆེན་ཆོས་ཀྱི་རྒྱལ་པᨖ་ཨེ་ཝཾ་ཐར་རྩེ་མཁན་ཆེན་ ཡབ་སྲས་གཙོ་བོར་སྨོས་པའི་ཡོངས་འཛིན་ཆོས་བཞིན་སྤྱོད་ཅིང་ཆོས་བཞིན་ཏུ་འདོམས་པ་མང་པᨖའི་ཞབས་ཀྱི་རྡུལ་ཕྲེང་སྤྱི་བོར་བཀོད་པའི་བྱ་བྲལ་བ་འཁྱམས་པᨖ་ངག་དབང་ལེགས་གྲུབ་ཀྱིས་དཔལ་ཨེ་ཝཾ་ཆོས་ལྡན་ཏུ་བྲིས་པའོ༑ ༑མངྒ་ལ་ཤྲཱི་ཛྭཱ་ལ་ཛམྦུ་དྭཱི་པ་མཎྜནྟུ།། །།

[edit]

There are 6 subtexts included in this text

1 394	ཞེན་པ་བཞི་བྲལ་གྱི་རྩ་ཚིག། zhen pa bzhi bral gyi rtsa tshig Mind Training Texts - blo sbyong	Text page View PDF
	ས་ཆེན་ཀུན་དགའ་སྙིང་པོ་ (Sa chen kun dga' snying po)

2 394-399	རྗེ་བཙུན་གྲགས་པ་རྒྱལ་མཚན་གྱིས་མཛད་པའི་ཞེན་པ་བཞི་བྲལ། rje btsun grags pa rgyal mtshan gyis mdzad pa'i zhen pa bzhi bral Mind Training Texts - blo sbyong	Text page View PDF
	རྗེ་བཙུན་གྲགས་པ་རྒྱལ་མཚན་ (Rje btsun grags pa rgyal mtshan)

3 399-400	ས་པཎ་གྱིས་མཛད་པའི་ཞེན་པ་བཞི་བྲལ་གྱི་གདམས་ངག། sa paN gyis mdzad pa'i zhen pa bzhi bral gyi gdams ngag Mind Training Texts - blo sbyong	Text page View PDF
	ས་སྐྱ་པཎྜི་ཏ་ (Sa skya paN+Di ta)

4 400-403	ནུབ་པ་རིག་འཛིན་གྲགས་ཀྱིས་མཛད་པའི་ཞེན་པ་བཞི་བྲལ། nub pa rig 'dzin grags kyis mdzad pa'i zhen pa bzhi bral Mind Training Texts - blo sbyong	Text page View PDF
	ནུབ་པ་རིགས་འཛིན་གྲགས་ (Nub pa rig 'dzin grags)

5 403-437	ཞེན་པ་བཞི་བྲལ་གྱི་ཁྲིད་ཡིག་རྗེ་བླ་མ་ཨཱ་ནནྡ་བྷ་དྲའི་གསུང་སྒྲོས། zhen pa bzhi bral gyi khrid yig rje bla ma A nan+da b+ha dra'i gsung bsgros Mind Training Texts - blo sbyong	Text page View PDF
	ཀུན་དགའ་ལེགས་པའི་རིན་ཆེན་ (Kun dga' legs pa'i rin chen)

6 437-454	བློ་སྦྱོང་ཞེན་པ་བཞི་བྲལ་གྱི་ཁྲིད་ཡིག་བྱང་སེམས་ཀུན་དགའ་ལེགས་རིན་གྱིས་མཛད་པའི་འཆད་ཐབས་ནོར་བུ་ཀེ་ཏ་ཀའི་དོ་ཤལ། blo sbyong zhen pa bzhi bral gyi khrid yig byang sems kun dga' legs rin gyis mdzad pa'i 'chad thabs nor bu ke ta ka'i do shal  Mind Training Texts - blo sbyong	Text page View PDF
	ངག་དབང་ལེགས་གྲུབ་ (Ngag dbang legs grub)