དོ་ཧ་སྐོར་གསུམ་གྱི་ཁྲིད་ཡིག།

Previous TextNext Text

Wylie title	do ha skor gsum gyi khrid yig	Rigpe Dorje Publications, 2024
Location	gdams ngag rin po che'i mdzod Volume 18, Text 10, Subtext 103, Pages 470 (Folios 136b1 to 136b6)
Author	ཀུན་དགའ་གྲོལ་མཆོག་
Citation	Kun dga' grol mchog. Do ha skor gsum gyi khrid yig. In Gdams ngag rin po che'i mdzod, Vol. 18: 470. Kalimpong: Rigpe Dorje Publications, 2024.
Side notes	Recto: zab khrid   Verso: jo nang khrid brgya skor
More details More details
Genre	Contemplative Guide Books and Instructional Manuals - khrid yig
Colophon	སྤར་ཕུ་བའི་ཁྲིད་ཡིག་ལས་བཏུས་སོ༑
	spar phu ba'i khrid yig las btus so/

Tibetan Text

[edit]

(༡༠༣) །དོ་ཧ་སྐོར་གསུམ་གྱི་ཁྲིད་ཡིག །དོ་ཧ་སྐོར་གསུམ་གྱི་ཁྲིད་ནི། སྐྱབས་སེམས་སྔོན་དུ་སོང་ནས། འཁོར་འདས་ཐམས་ཅད་སེམས་ཀྱི་འཆར་ལུགས་ལས། དངོས་སུ་མེད་ལ་སེམས་རྒྱུ་རྐྱེན་བྱེད་པོ་འདིས་བྱས་མེད་དེ་སྟོང་པ་ཅང་མེད་རིག་པའི་རྩལ་འགག་མེད། དབྱིབས་ཁ་དོག །འདི་འདྲ་གང་དུ་མེད་དེ་གཅིག་དུ་མ། རྟག་ཆད། མཐའ་བྲལ། འདི་ལྟ་བུ་ཞེས་བསྟན་དུ་མ་བཏུབ། ཉམས་བློ་འདས་རང་ལ་ཅི་ཡང་འཆར་བ༑ གང་དུའང་སྣང༌། རྒྱ་མ་ཆད་པ། མཐར་མ་ལྷུང་བ། ཕྱོགས་སུ་མ་ཞེན་པ། ཟད་འཕེལ་མེད་པ། རྒྱུན་ཆད་མེད་པའོ། །དེ་བརྡས་ངོ་སྤྲོད། སེམས་གཅུན། སྔ་སོ་ལ་མ་ཤོར་བ། ཕྱི་སོ་ལ་མ་ཤོར་བ། རང་བབས་སུ་ཙེན་ནེ་འཇོག །རྟེན་མེད་ཀྱི་ངར་གྱིས་རྩལ་སྦྱོང༌། དྲན་པ་མ་ཡེངས་པར་གཟུང༌། རིག་པའི་ཉམས་བསྐྱང༌། གོམས་པ་ཀློང་དུ་གྱུར་པའི་ཚེ། དྲན་པས་གཟུང་མི་དགོས། གཉེན་པོ་བསྟེན་མི་དགོས། བློ་བྲལ་རང་བྱུང་གི་ཉམས་རྒྱུན་ཆད་མེད་པའོ། །དོ་ཧ་སྐོར་གསུམ་སྙིང་པོ་ཀུན༵། །ལེགས་པར་བསྡུས་པའི་དག༵འ་བསྐྱེད་ལམ། །འཆིང་བ་གྲོལ༵་བྱེད་མཆོ༵ག་གི་ཁྲིད། །ཡི་གེར་གསལ་བར་བྱས་འདིའོ། །སྤར་ཕུ་བའི་ཁྲིད་ཡིག་ལས་བཏུས་སོ༑