བདེ་མཆོག་གི་དམར་ཁྲིད།།

Previous Text Next Text

Wylie title	bde mchog gi dmar khrid	Rigpe Dorje Publications, 2024
Location	gdams ngag rin po che'i mdzod Volume 18, Text 10, Subtext 34, Pages 276-277 (Folios 39b3 to 40a6)
Author	ཀུན་དགའ་གྲོལ་མཆོག་
Citation	Kun dga' grol mchog. bde mchog gi dmar khrid. In Gdams ngag rin po che'i mdzod, Vol. 18: 276-277. Kalimpong: Rigpe Dorje Publications, 2024.
Side notes	Recto: zab khrid Verso: jo nang khrid brgya skor
More details More details
Genre	Contemplative Guide Books and Instructional Manuals - khrid yig
Colophon	གསུང་རྒྱུན་ལས་བྲིས་སོ།
Colophon	gsung rgyun las bris so/

[edit]

(༣༤) །བདེ་མཆོག་གི་དམར་ཁྲིད། བདེ་མཆོག་གི་དམར་ཁྲིད་ནི། སྐྱབས་སེམས་སྔོན་དུ་སོང་ནས༑ བྱང་ཆུབ་ལྔའི་སྟོང་པའི་བྱང་ཆུབ་རང་གི་སྙིང་སྒོང་ལྐོགས་གྱེན་བསྟན་ལྟ་བུའི་ནང་དུ། གདན་པདྨ་ཉི་མ། ས་བོན་ཧཱུྃ་སྔོན་པོ། ཕྱག་མཚན་རྡོ་རྗེ་རྩེ་ལྔ་པ་ལྟེ་བར་ཧཱུྃ་གིས་མཚན་པ། དེ་རྣམས་ལས་སྐུ་ཡོངས་རྫོགས་འཁོར་ལོ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། སྤྱན་གསུམ། ཕྱག་གཉིས་ཀྱིས་རྡོ་རྗེ་དྲིལ་བུས་ཡུམ་ཕག་མོ་ལ་འཁྱུད་པ། རལ་པའི་རྩེར་ཡིད་བཞིན་གྱི་ནོར་བུ། གཡོན་ངོས་སུ་ཚེས་གཅིག་གི་ཟླ་བ༑ མཚོག་མའི་སྟེང་ན་སྣ་ཚོགས་རྡོ་རྗེ། སྟག་གི་པགས་པའི་སྨད་དཀྲིས། རུས་པ་དང་མི་མགོའི་ཕྲེང་བས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་དཔྲལ་མགྲིན་སྙིང་གར་གནས་པའི་ༀ་ཨཱཿ ཧཱུྃ་ལས་འོད་འཕྲོས། རྒྱུད་སྡེ་བཞི་དང་འབྲེལ་བའི་ལྷ་ཚོགས་མ་ལུས་པ་ཛཿ ཧཱུྃ་བྃ་ཧོཿ ཡི་དམ་ཀུན་འདུས་སུ་གྱུར། བླ་མས་དབང་བསྐུར་ནས་རིགས་བདག་ཏུ་བཞུགས་པ་ལ། བླ་མ་མ་ལུས་པ་ཐིམ། བླ་མ་ཀུན་འདུས། རང་གི་སྐྲ་ཉི་ཁྲི་ཆིག་སྟོང༌། བ་སྤུ་བྱེ་བ་ཕྲག་ཕྱེད་བཞི་དང༌། ཁམས་གསུམ་སེམས་ཅན་ཐམས་ཅད་ལྷར་གསལ་བ་དུས་གཅིག་ལ། ༀ་ཧྲཱིཿ ཧ་ཧ་ཧཱུྃ་ཧཱུྃ་ཕཊ། གསུང་བར་མོས་པས་ཅི་ནུས་བཟླ་ཞིང༌། ཟས་ལ་སྣོད་ཐོད་པ། བཅུད་ཤ་ལྔ་བདུད་རྩི་ལྔ། གོས་རུས་རྒྱན་སྟག་ལྤགས། གནས་ཁང་དུར་ཁྲོད་སྲུང་འཁོར་གཞལ་ཡས་ཁང༌། ཉལ་དུས་ལྷ་སྣང་འོད་གསལ་དུ་བསྡུ། འཕོ་བ་སྙིང་ཁར་རང་འདྲའི་ཡི་དམ་ཚོན་གང་བ། དབུ་མའི་མར་སྣར་ཆོས་འབྱུང་ནང་དུ་ཐིག་ལེ་སྔོ་དམར་འོད་ཟེར་ལྔ་ལྡན། དེ་ལས་ཐིག་ལེ་སྔོ་སྐྱ་སྲན་མ་ཙམ་ཞིག་ཆད། སྙིང་གའི་ཡི་དམ་ལ་བསྐོར་བ་མྱུར་བ་ལན་གསུམ། སྤྱི་བོའི་ཧཾ་བསལ། ཐུགས་རྗེའི་ལྕགས་ཀྱུས་དྲངས། བླ་མའི་ཐུགས་ཁར་ཐིམ༑ བླ་མ་མཁའ་སྤྱོད་ལ་གཤེགས་པར་བསམ། བར་དོ་གཟུགས་ལྷ། སྒྲ་སྔགས། དྲན་རྟོག་རང་སེམས་ལྷན་སྐྱེས་སུ་ད་ལྟ་ནས་སྦྱང་བ་ཉིད་དོ། །ཡི་དམ་ཀུན༵་གྱི་དམར་ཁྲིད་ཅེས། །དག༵འ་བར་བསྔགས་ལ་རྗེས་དཔག་ནས༑ ༑རྒྱལ་སྲས་གསུང་གི་རྣམ་ཆའི་ཚུལ། །གྲོལ༵་མཆོ༵ག་བདག་གིས་ཡི་གེར་བཀོད། །གསུང་རྒྱུན་ལས་བྲིས་སོ།