སུ་ཁ་སིདྡྷིའི་རྒྱ་གཞུང་།

Previous Text Back to Volume PageNext Text

Wylie title	su kha sid+d+hi'i rgya gzhung	Rigpe Dorje Publications, 2024
Location	gdams ngag rin po che'i mdzod Volume 12, Text 12, Pages 117-118 (Folios 1a1 to 1b4)
Author	ཁྱུང་པོ་རྣལ་འབྱོར་
Citation	Khyung po rnal 'byor, comp. Su kha sid+d+hi'i rgya gzhung. In Gdams ngag rin po che'i mdzod, Vol. 12: 117-118. Kalimpong: Rigpe Dorje Publications, 2024.	Shechen Publications, 1999
Side notes	Recto: rgya gzhung   Verso: shangs chos skor
More details More details
Source Author(s)	སུ་ཁ་སིདྡྷི་ (Sukhasiddhi)
Genre	Sadhanas - Evocation Ritual - sgrub thabs
Deity	rdo rje phag mo
Colophon	།ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་ནས། བདག་ཁྱུང་པོ་རྣལ་འབྱོར་པས་ཉམས་སུ་མྱོང་བར་བྱས་པའོ། །མངྒ་ལཾ།།
	lo tsA ba glan dar ma blo gros kyis bsgyur nas/_bdag khyung po rnal 'byor pas nyams su myong bar byas pa'o/__/mang+ga laM//

Tibetan Text

[edit]

༄༅། །སུ་ཁ་སིདྡྷིའི་རྒྱ་གཞུང་ཞེས་བྱ་བ་བཞུགས་སོ། །རྒྱ་གར་སྐད་དུ། བཛྲ་ཝཱ་ར་ཧི། གུ་ཧྱ་སཱ་དྷ་ནཱ་མ། བོད་སྐད་དུ། རྡོ་རྗེ་ཕག་མོའི་གསང་བའི་སྒྲུབ་པ་ཞེས་བྱ་བ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །མཁའ་འགྲོའི་ཨོ་རྒྱན་དུ། ཕྱོགས་སུ་ཁ་བལྟས་ཏེ། །མཎྜལ་ནི་སིན་དྷཱུ་རའོ། །རང་སྐད་ཅིག་གིས་ཕག་མོར་གསལ་བའི་ལྟེ་བར་ཆོས་འབྱུང་ངོ༌། །དེ་དབུས་པད་འདབ་བཞིའི་ལྟེ་བར་ༀ་མོ། །མདུན་དུ་ཧའོ། །གཡས་སུ་རིའོ། །རྒྱབ་ཏུ་ནིའོ། །གཡོན་དུ་སའོ། །དེ་ཐམས་ཅད་ གོང་རས་ལྗང་གུ་མུ་ཁྱུད་དང་བཅས་པ། དམར་བའི་མདོག་ཅན། མྱོས་བྱེད་ཀྱི་རང་བཞིན་ཅན། ཡི་གེའི་ཚོགས་དེ་རྣམས་ལས་འོད་ཟེར་དམར་བ་ལྕགས་ཀྱུའི་དབྱིབས་ཅན་བྱུང་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང༌། དཔའ་བོ་དང་ཌཱ་ཀི་མ་རྣམས་ཀྱི་དབང་གི་ནུས་མཐུ་པདྨ་རཱ་གའི་མདོག་ལྟར་བཀུག་ལ་བསྟིམ་མོ། །དེའི་ནུས་མཐུའི་འོད་དམར་བའི་དབྱིབས་ཅན། དམིགས་བྱའི་སྨིན་མཚམས་ སྙིང་ཟེར་བའང་སྣང་ངོ༌། །དང་གསང་གནས་སུ་བཏབ་པས། ཀ་ཤུའི་ལོ་མ་རླུང་གིས་བསྐྱོད་པ་ལྟར། བསྒྲུབ་བྱ་འདོད་ཡོན་དང་བཅས་པ་རང་དབང་མེད་པར་པདྨའི་སྟེང་དུའོ། །དེ་ནས་ཆོས་འབྱུང་ཁ་བསྡུས་ཏེ། ཡི་གེ་མི་གཡོ་བའི་འོད་ཟེར་སྔ་མ་ལྟ་བུའི་གནས་གཉིས་སུ་བཏབ་པས། པདྨ་ ཤིན་ཏུ་མྱུར་བས། གཡོ་བ་མེད་པ་ལྟར། དབང་མེད་དུ་མྱུར་དུ་འཁོར་བས། བསྒྲུབ་བྱ་འདོད་ཡོན་དང་བཅས་ལི་ཁྲི་ དམར་ལྡེམ་ལྡེམ། ལྟ་བུར་གྱུར་ཏེ། སྒྲུབ་བྱེད་དེ་ཉིད་ཀྱི་ལུས་ངག་ཡིད་གསུམ་གཅེར་བུ་གསུམ་དང་ལྡན་པར་བལྟའོ། །མི་གནས་ ལུས་ངག་ཡིད་གསུམ། གསུམ་ལ་རྩེ་གཅིག་ཏུ་འབད་པར་བྱའོ། །དེ་ནི་འདུ་བ་ མི། མཁའ་འགྲོ། ཟས་ནོར། གསུམ་དང་འཆར་བ་ ལུས་ལ་བདེ་བ། ངག་ལ་ནུས་པ། སེམས་ལ་རྟོགས་པ། གསུམ་འབྱུང་བར་འགྱུར་རོ། །སྔགས་ འབུམ་ཕྲག་བདུན་གྱིས་འཇིག་རྟེན་གྱི་བདག་པོར་འགྱུར་རོ། །ཟླ་བ་དྲུག་གིས་བཅུ་བཞིའི་ས་ཐོབ་པར་འགྱུར་རོ། །དབང་ལ་ནི་ཆགས་པའི་སེམས་ཀྱིས་སོ། །མཆོག་ལ་ནི་མི་རྟོག་པའི་སེམས་ཀྱིས་སོ། །གསང་ཞིང་སྨྲ་བ་བཅད་པ་དང༌། །ཐེ་ཚོམ་མེད་པ་ནི་དམ་ཚིག་གོ །གསང་སྒྲུབ་ལྟེ་བ་སྤྲུལ་འཁོར་ཞེས་བྱ་བ། ཌཱ་ཀི་མ་སུ་ཁ་མ་ཧཱ་སི་དྡྷིས་ཕྱུང་བའོ། །རྫོགས་སོ། །ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་ནས། བདག་ཁྱུང་པོ་རྣལ་འབྱོར་པས་ཉམས་སུ་མྱོང་བར་བྱས་པའོ། །མངྒ་ལཾ།། །།