ཐེག་པ་ཆེན་པོའི་བློ་སྦྱོང་གི་རྩ་ཚིག།

Previous Text Back to Volume PageNext Text

Wylie title	theg pa chen po'i blo sbyong gi rtsa tshig	Rigpe Dorje Publications, 2024
Location	gdams ngag rin po che'i mdzod Volume 3, Text 15, Pages 619-620 (Folios 1a1 to 1b4)
Author	ཇོ་བོ་རྗེ་ཨ་ཏི་ཤ་
Citation	Atiśa. Theg pa chen po'i blo sbyong gi rtsa tshig. In Gdams ngag rin po che'i mdzod, Vol. 3: 619-620. Kalimpong: Rigpe Dorje Publications, 2024.	Shechen Publications, 1999
Side notes	Recto: blo sbyong rtsa tshig   Verso: bka' gdams skor
More details More details
Genre	Mind Training Texts - blo sbyong
Colophon	།རྩ་བའི་ཚིག་གོ །སརྦ་མངྒ་ལམ།།
	/rtsa ba'i tshig go__/sarba mang+ga lam//

Tibetan Text

[edit]

༄༅། །ཐེག་པ་ཆེན་པོའི་བློ་སྦྱོང་གི་རྩ་ཚིག་བཞུགས་སོ། །དཔལ་བཀྲ་ཤིས་རིན་པོ་ཆེ་མྱུར་དུ་བདེ་བ་ཆེན་པོ་དང་ལྡན་པར་མཛད་པ་དོན་ཐམས་ཅད་གྲུབ་པའི་རྒྱལ་པོ་ལ་ཕྱག་འཚལ་ལོ། །དང་པོ་སྔོན་འགྲོ་དག་ལ་བསླབ། །དངོས་གཞི་གཏོང་ལེན་སྤེལ་མར་སྦྱང༌། །ཡུལ་གསུམ་དུག་གསུམ་དགེ་རྩ་གསུམ། །རྗེས་ཀྱི་མན་ངག་མདོར་བསྡུས་པའོ། །ལེན་པའི་གོ་རིམ་རང་ནས་བརྩམ། །དེ་གཉིས་རླུང་ལ་བསྐྱོན་པར་བྱ། །མན་ངག་སྙིང་པོ་མདོར་བསྡུས་པའོ། །སྤྱོད་ལམ་ཀུན་ཏུ་ཚིག་གིས་སྦྱོང༌། །འཕྲལ་ལ་གང་འདུག་བསྒོམ་དུ་སྦྱར། །གཉིས་པོས་ཚང་ན་ཐམས་ཅད་བླང༌། །བཀོལ་བ་རྣམས་ལ་རྟག་ཏུ་བསྒོམ། །ལེ་ལན་ཐམས་ཅད་གཅིག་ལ་བདའ། །ཀུན་ལ་བཀའ་དྲིན་ཆེ་བར་སྒོམས། །དཀའ་བ་གསུམ་ལ་བསླབ་པར་བྱ། །ཐོག་མཐའ་གཉིས་ལ་བྱ་བ་གཉིས། །ཉམས་པ་མེད་པ་རྣམ་གསུམ་སྒོམས། །སྤྱི་དོན་གསུམ་ལ་རྟག་ཏུ་བསླབ། །འདུན་པ་བསྒྱུར་ལ་རང་སོར་བཞག །རྒྱུ་ཡི་གཙོ་བོ་རྣམ་གསུམ་བླང༌། །སྟོབས་ལྔ་དག་ལ་སྦྱང་བར་བྱ། །ཆོས་ཀུན་དགོངས་པ་གཅིག་ཏུ་འདུས། །དཔང་པོ་གཉིས་ཀྱི་གཙོ་བོ་བཟུང༌། །ཡིད་བདེ་འབའ་ཞིག་རྒྱུན་དུ་བརྟེན། །ཡེངས་ཀྱང་ཐུབ་ན་འབྱོངས་པ་ཡིན༑ ༑ཤགས་ངན་མ་དགོད། ཡུས་མ་སྒོམས། ཀོ་ལོང་མ་སྡོམས། འོར་ཆེ་མ་འདོད། ཡུད་ཙམ་པ་མི་བྱ། འཕྲང་མ་དགུག །མཛོ་ཁལ་གླང་ལ་མ་བྱོ། མགྱོགས་ཀྱི་རྩེ་མ་གཏད། གཞུང་བཟང་པོ་མ་བརྟེན། གོ་ལོག་མི་བྱ། རེས་འཇོག་མི་བྱ། གཏོ་ལོག་མི་བྱ། རྟོག་དཔྱོད་གཉིས་ཀྱིས་ཐར་བར་བྱ། དོལ་ཆོད་དུ་བྱ། འབྲལ་མེད་གསུམ་དང་ལྡན་པར་བྱ། །རྣལ་འབྱོར་ཐམས་ཅད་གཅིག་གིས་བྱ། །ལོག་ན་དེ་ཉིད་གཉེན་པོར་སྒོམས། །གཉིས་པོ་གང་བྱུང་བཟོད་པར་བྱ། །ཡན་ལག་ཉམས་པ་བརྗོད་མི་བྱ། །གཞན་ཕྱོགས་གང་ཡང་མི་བསམ་མོ། །ལྷ་བདུད་དུ་མི་དབབ། སྐྱིད་ཀྱི་ཡན་ལག་ཏུ་སྡུག་མ་ཚོལ། རྐྱེན་གཞན་དག་ལ་ལྟོས་མི་བྱ། གཙོ་བོ་ངོས་བཟུང༌། འབྲས་བུར་རེ་བ་ཐམས་ཅད་སྤང༌། དུག་ཅན་གྱི་ཟས་སྤང༌། གནད་ནས་མི་བསྐུལ། སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་སྒྱུར་བ་ཡིན། །བརྟན་པ་ཐོབ་ནས་གསང་བ་བསྟན། །མན་ངག་སྙིང་པོ་དམ་པ་འདི། །དམ་པ་དག་ལས་བརྒྱུད་པ་ཡིན། །རྩ་བའི་ཚིག་གོ །སརྦ་མངྒ་ལམ།། །།